1 NYE VEGNAMN PA VARALDSØY I KVINNHERAD KOMMUNE KRITERIUM, FORSLAG TIL VEGNAMN, OG OPPSUMMERING ( 6 sider ) Kriterium for fastsetjing av nye vegnamn Vurdering av vegnamn på Varaldsøy er gjort i samsvar med Stadnamnlova, Matrikkellova, Matrikkelforskrifta, Addresseveilederen (Statens kartverk sin veileder om tildeling og forvaltning av adresser etter matrikkellova), og Sentralt stadnamnregister (SSR), samt Strandebarm og Varaldsøy i gamal og ny tid (bygdeboka). Statens kartverk sine kriterium for fastsetjing av nye vegnamn kan samanfattast som følgjer: a) Passe i et samordna system b) Byggje på lokal namnetradisjon c) Passe til staden d) Namna bør variere e) Lett å skrive og uttale f) Unngå nolevande personar g) Følgje reglane i Stadnamnlova Forslag til vegnamn på Varaldsøy Alle vegstrekningar med vegnamn er også viste på kartutsnittet i Figur 1 etter tabellen. Vegstrekning Namneforslag Grunngjeving Skjelnes (ferjekai) - Skjelnesodden Skjelnesodden Skjelnesodden er etablert og innarbeidd for heile Skjelnesodden, inkl. Glevika, Hestevika, Lotrevika, Pumpevika, Sandvika, osb. Skjelnes (ferjekai) Skjelnes/Ferjevågen Skjelnesvegen Merknad til namneforslaget Glevikevegen : (1) Vegen går ikkje til/stoppar ikkje i/ved Glevika jf. Adresseveilederen 6.2.2. (2) I tillegg vil hus og hytter i området ved Evjepollen (sjå Figur 1) få adresse Skjelnesodden, noko som viser at dei er ein del av Skjelnes. Dette er viktig ettersom dette området i daglegtale alltid har vore ein del av Skjelnes. Vegnamnet er etablert og innarbeidd. Butikken og husa nær ferjekaien (inkludert dei første 3-400 metrane av vegen opp mot bygda) høyrer alle til Skjelnes (jf. både daglegtale og gards- og bruksnummer), og bør følgjeleg ha adresse Skjelnesvegen.
2 Skjelnes (etter avkøyrsel mot Sletta der vegen smalnar om lag 300 m frå ferjekaien) Våge (1) Bygdavegen (2) Kyrkjebygdvegen (3) Varaldsøyvegen (1) Vegen går gjennom heile bygda, og er eit naturleg namneval. Strekninga startar på Skjelnes og går gjennom Haukås, Tveit, Trå og endar til slutt i øvre Våge (desse gardsnamna referer til hovudgardane som ein finn i bygdeboka, og bruk som er delt frå hovudgarden kan ha andre namn i daglegtalen, t.d. Tangerås og Hartveit). Bygda er eit etablert og innarbeidd stadnamn for det området vegen strekkjer seg over. Vegnamnet Bygdavegen vil såleis støtte opp om det tradisjonelle stadnamnet. Dette er eit viktig argument i høve Stadnamnlova og Adresseveilederen 6. Me er kjent med at kommunen seier at alle vegnamn i kommunen skal vera unike. Det er her viktig å påpeike at den fullstendige teksten i Addresseveilederen 6.6 seier at Alle adresseparseller skal tildeles eget adressenavn som er unikt innenfor en kommune, eventuelt innenfor et felles adresseringsområde. Det er opplagt at Åkra og Varaldsøy er to ulike addresseringsområde (jf. Adresseveilederen 3), og at Bygdavegen kan nyttast begge stader. Vidare vil me framheve at det naturleg i samtale med t.d. AMK sentral å vise til Varaldsøy i Kvinnherad, og at namnekonflikt derfor vil vera eit lite problem mellom Åkra og Varaldsøy. At Stadnamnlova (ISBN 82-504- 1503-5) har som føremål ( 1) å verna om lokalt forankra namn er også eit argument for at Bygdavegen også kan brukast på Varaldsøy. (2) DERSOM AMK-sentralen (merk: ikkje kommunen) ikkje kan godta Bygdavegen, så er Kyrkjebygdvegen eit alternativ. Kyrkjebygdvegen var det offentlege namnet på vegen i Varaldsøy herad frå 1938 (jf. Strandebarm og Varaldsøy bygdebok, 1. bandet, s 265-277). Den andre vegen som også går til kyrkja har på folkemunne namnet Grautavegen. (3) Dersom dei to føregåande alternativa ABSOLUTT ikkje kan brukast er Varaldsøyvegen eit siste alternativ. Vegen går gjennom bygda på Varaldsøy.
3 Handelslaget (ved skilt for avkjøring mot aldersheimen) Trå skule (1) Grautavegen (2) Nedrevågsvegen (1) Grautavegen er etablert og innarbeidd for ein monaleg del av denne vegstrekninga i over 100 år og er tufta på ei sann historie. Namnet har såleis ein tradisjon som det er viktig å ta vare på jf. Stadnamnlova. Namnet skaper heller ikkje referansar til nokon av dei mange bruka langs vegstrekninga, noko som er ein fordel ettersom den fulle vegstrekninga i daglegtalen aldri har hatt nokre spesielle gards- eller bruksrefereransar. Strekninga startar på Haukås og går gjennom Nedrevåge, Svindland og endar til slutt i Trå (desse gardsnamna referer til hovudgardane som ein finn i bygdeboka, og bruk som er delt frå hovudgarden kan ha andre namn i daglegtalen, t.d. Kvilhaug, Stora Nedrevåge og Midt-Svindland for å nemne nokre) (2) Nedrevågsvegen har vore brukt om delar av vegstrekninga. M.a. er Nedrevågsflaten grundig innarbeidd som namn. Også sagbruket på Nedrevåge er eit kjent landemerke. Fleirtalet av hus og hytter langs vegstrekninga, Aldersheimen inkludert, har også gards- og bruksnummer frå garden Nedrevåge. MERK: Nedrevågevegen er også det offentlege namnet til vegen i Varaldsøy herad frå 1938 (jf. Strandebarm og Varaldsøy bygdebok, 1. bandet, s 265-277). Merknadar mot namneforslaget Svindlandsvegen: (1) Namnet er har ikkje lokal forankring, og (2) etter Addresseveilederen 6.2.2 er også Svindlandsvegen eit dårleg namneval ettersom garden Svindland ikkje ligg i enden av vegstrekninga. Trå skule - Sandvika Kjæraviksvegen Vegnamnet er etablert og innarbeidd.
4 Tveitesvingen - Gjuvslandssvingen Gjuvslandssvingen - Gjuvsland Kamphaug/Kykjeleet - Øyerhamn Gjuvslandssvingen - Øvsthus (1) Kamphaugvegen (2) Haukåsvegen Gjuvslandsvegen Øyerhamnsvegen Fjellgardsvegen (1) Kamphaug er ein stad med historisk betyding frå gamal tid. Sjølv om Kamphaug er eit avgrensa område på strekninga vil det vera av kulturell betyding å ta vare på stadnamnet. Kamphaug som stadnamn er etablert og innarbeidd i daglegtalen. (2) Vegen går på undersida av Haukåsberget og nær alle hus og hytter har gards- og bruksnummer frå Haukås. Ideelt sett burde Haukåsvegen gått slik at hovudgarden på Haukås fekk adresse Haukåsvegen, men dette ville stykke opp Bygdavegen og er derfor ikkje praktisk. Merknad mot namneforslaget Gjuvslandsvegen på vegstrekninga: Hus og hytter ligg i bygda, medan Gjuvsland er ei grend som ligg på andre sida av Haukåsberget. Så lenge vegstrekninga er lang nok til å forsvara eit eige namn, så er det viktig å gje hus og hytter ei adresse som samsvarer med det geografiske området Vegnamnet er etablert og innarbeidd (Gjuvslandsvegen har alltid starta i Gjuvslandssvingen og bør derfor halda fram med det i følgje Stadnamnlova 3) Vegnamnet er etablert og innarbeidd. Adresse bør samsvara med det geografiske området jf. adresseveileder. Fjellgardane er så innarbeidd og etablert som namn for eit stort område på Varaldsøy at ein kan ikkje ha vegnamnet til nabogrenda Åkre. Lengda på vegen og talet hus og hytter skulle også vera tilstrekkeleg til at vegstrekninga har eige namn. Leite/Åkerslia - Åkre Åkersvegen Vegnamnet er etablert og innarbeidd for delar av vegen. Åkre - Haukanes Haukanesvegen Vegnamnet er etablert og innarbeidd.
5 Figur 1 Kart over Varaldsøy med forslag til vegnamn
6 Oppsummering Val av vegnamn på Varaldsøy er ei sak som har engasjert mange innbyggjarar. Bygdalaget har derfor henta inn forslag og informasjon frå eit breitt hald. Vegnamna (sjå tabellen og figur over) som bygdalaget no har kome fram til har såleis vore grundig diskutert, og er vurdert til å ta godt vare på lokale veg- og stadnamn som er viktige både for historia og identiteten for Varaldsøy. På nokre vegstrekningar er det lagt fram alternative vegnamn, men bygdalaget vil framheve at det er alternativ (1) som er det føretrekte vegnamnet. Dersom kommunen ønskjer å vika frå eitt eller fleire av bygdalaget sine forslag til vegnamn er det viktig at grunngjevinga viser kvifor bygdalaget sitt forslag ikkje kan nyttast (dette inkluderer også val av anna enn 1. alternativ). Vidare bed bygdalaget om at dersom endringar vert gjort, så skal bygdalaget informerast og takast med på drøfting før endeleg vegnamn vert vedteke. Bygdalaget vonar at kommunen kjem bygdalaget i møte i denne saka som får så stor betyding for innbyggjarane på Varaldsøy. Med venleg helsing Varaldsøy Bygdalag Mvh Øystein Kårstad 13 April 2012 Leiar - Varaldsøy bygdelag