MØTEBOK UTVAL: MØTESTAD: DATO: 13.11.2013 TIDSPUNKT: 19:00 21:30 ARBEIDSUTVALET I VILLREINNEMNDA Bjåen i Bykle FASTE MEDLEMMAR TILSTADES: Margit Smeland Leder ÅMLI Oddmund Ljosland Medlem ÅSERAL Leif Roholdt Medlem KVITESEID Olav Tveita Medlem ODDA FASTE MEDLEMMAR IKKJE TILSTADES: Ola Sukka Nestleder SULDAL Anne Helen Jupskås Medlem TOKKE VARAMEDLEMMAR: -- For Ola Sukka Margit Dale For Anne Helen Jupskås VALLE ANDRE: Reidar Sandal Jørn Haug SNO Sekretær MERKNADAR TIL SAKSLISTE/INNKALLING: Ingen merknadar. Åseral, 18. november 2013 for Arbeidsutvalet i villreinnemnda
SAKLISTE Utvalsnr.: Innhald: Lukka: PS 13/26 PS 13/27 PS 13/28 PS 13/29 PS 13/30 Referatsaker Mogleg klage på løyve til oppføring av jakt og sankebu på Venehei 9/11 Torjus Halsne. Suldal kommune Uttale vedk. søknad om riving og oppføring av ny driftshytte 2/15 Forgard. Åseral kommune Val av ny varamedlem til arbeidsutvalet i villreinnemnda Eventuelt
VURDERING AV OPPRETTHALDING AV KLAGE PÅ LØYVE TIL OPPFØRING AV JAKT OG SANKEBU PÅ VENEHEI 9/11 TORJUS HALSNE. SULDAL KOMMUNE ARKIVKODE: SAKSNR.: SAKSHANDSAMAR: SIGN.: L10 2013/169 Jørn Trygve Haug UTV.SAKSNR.: UTVAL: MØTEDATO: 13/27 Arbeidsutvalet i villreinnemnda 13.11.2013 Vedlegg: 1 GNR 9 BNR 11 - TORJUS HALSNE - JAKT OG SANKEBU 2 Klage på vedtak om oppføring av jakt og sankebu på Venehei ved Førreskardammen, gnr. 9, bnr. 11 Torjus Halsne 3 Gnr. 9 bnr. 11 - Torjus Halsne - Jakt- og sankebu - Melding om vedtak 4 Møtebok for sak nr. 102/13 i utval for landbruk, miljø og teknikk 17.10.2013 Bakgrunn: Arbeidsutvalet skal i denne saka ta stilling til om tidlegare klage på løyvet til oppføring av jakt og sankebu 9/11 Torjus Halsne skal oppretthaldast. Bakgrunnen for saka er i korte trekk som følgjer: Suldal kommune ga 16.8.13 løyve til oppføring av ei jakt og sankebu på Venehei. Sjå vedlegg 1. Søkar er grunneigar Torjus Halsne gnr. 9, bnr. 11. Plasseringa er i nærleiken av Førreskardammen ved Blåsjå. Grunngjevinga for søknaden er utnytting av jaktressursane på eigedomen samt tilsyn av sau på beite. Suldal kommune la vekt på at aktuelle tomt ligg i god avstand frå trekkruter for villrein. Av saka frå Suldal kommune går det fram at søkar forpliktar seg på å fjerne eksisterande hytte i Grotdalen om det vert gjeven eit løyve til nybygg på Venehei. Kommunen syner i den samanheng til at eksisterande hytte har vore omstridt mellom anna i høve til villreintrekk. Vilkår om fjerning av eksisterande bygning var ikkje del av vedtaket frå Suldal kommune.
Kartet under syner plassering av eksisterande og nytt husvære. Trekkområde jamfør naturbasen (www.miljodirektoratet.no) synast som linjer i kartet: Arbeidsutvalet i villreinnemnda drøfta saka i møte 28. august. Det var da semje om å klage på vedtaket frå Suldal kommune. Klagen vart fremma i brev datert 28.8.2013. Sjå vedlegg 2. I klagen vart det lagt vekt på følgjande: Tiltaket ligg jamfør Heiplanen i omsynssone nasjonalt villreinområde. Sjølv om villreinen i mindre grad har nytta desse områda dei siste åra må dette vurderast i eit langsiktig perspektiv. Eit stykke nord-vest for tomta er det i naturbasen merka av eit trekkområde for villrein. Trongen for husværet var ikkje dokumentert og grunngjeven slik det er gjeven føringar om i Heiplanen. Saka var heller ikkje vurdert etter naturmangfoldlova 8-12 slik kravet er ved utøving av offentleg mynde. Det må leggast til at villreinnemnda i tråd med delegasjonsreglementet, hadde uttale seg til søknaden før handsaminga i Suldal kommune (sjå vedlegg 2). Som følgje av klagen frå villreinnemnda handsama Suldal kommune saka på nytt i møte 17.10.2013. Sjå vedlegg 3-4. Kommunen hald fast på tidlegare vedtak men tok med som vilkår at eksisterande hytte i Grotdalen skulle rivast før arbeidet på hytta på Venehei tok til. Før saka vert sendt fylkesmanen for klagehandsaming vert difor villreinnemnda gjeven moglegheit til ny vurdering. Vurdering: Suldal kommune har ved handsaming av saka 17.10.2013 gjort ei meir konkret vurdering av trongen for eit nytt husvære. Tiltaket er og vurdert etter naturmangfoldlova.
Det er positivt at det er teken inn vilkår om at eksisterande bygning i Grotdalen skal rivast slik at det totalt sett ikkje vert fleire bygningar på eigedomen. Arbeidsutvalet må likevel gjera ei konkret vurderinga av plasseringa av den nye bygningen og om denne er i konflikt med villreinen sin bruk av områda. Ein snau kilometer i luftline nord-vest for tomta er det i naturbasen merka av eit trekkområde. Fleire trekkområde er og merka av mot sør-vest. Slik sett synast den nye plasseringa å vera meir problematisk enn der eksisterande husvære er lokalisert. Det ligg ikkje føre ein god oversikt i kva grad trekkområda er nytta dei seinare åra, men det er særs viktig å vurdera dette i eit langsiktig perspektiv. Pågåande villreinprosjekt i Setesdal- Ryfylke har og ei klar målsetting om å auke bruken av mellom anna desse områda. Områda kring Blåsjø er frå før sterkt prega av inngrep i form av regulerte vatn, dammar og vegar til desse. Slik sett kan det synast vanskeleg å forsvara ei restriktiv haldning til mindre tiltak på den enkelte eigedom. I denne saka er det grunn til å tru at tiltaket vil føre til ytterligare ulempe for villreinen sin bruk av områda. Andre store inngrep i same områda bør difor ikkje vera eit avgjerande argument for å tillate bygging. Framlegg til vedtak: Arbeidsutvalet held fast på tidlegare klage i saka. Arbeidsutvalet legg vekt på at ny plassering vil vera i større konflikt med villreininteressene enn eksisterande plassering i Grotdalen. Saksprotokoll i Arbeidsutvalet i villreinnemnda - 13.11.2013 Framlegg til vedtak vart samrøystes vedteke. Vedtak: Arbeidsutvalet held fast på tidlegare klage i saka. Arbeidsutvalet legg vekt på at ny plassering vil vera i større konflikt med villreininteressene enn eksisterande plassering i Grotdalen. Kopi til: Suldal kommune
UTTALE VEDK. SØKNAD OM RIVING OG OPPFØRING AV NY DRIFTSHYTTE 2/15 FORGARD. ÅSERAL KOMMUNE ARKIVKODE: SAKSNR.: SAKSHANDSAMAR: SIGN.: L10 2013/49 Jørn Trygve Haug UTV.SAKSNR.: UTVAL: MØTEDATO: 13/28 Arbeidsutvalet i villreinnemnda 13.11.2013 Bakgrunn: (I tråd med tidlegare praksis er saka førebudd av sekretær. Framlegg til uttale vert utarbeida av leiar) Grunneigar Edgar Sundbø har søkt om løyve til å rive eksisterande støylsbu samt sette opp ein ny bygning på 28m 2 på same stad. Storleiken på eksisterande bygning er 15m 2. Tiltaket er grunngjeven med at eksisterande bygning er gammal med trong for omfattande rehabilitering. Av søknaden går det fram at hytta og området nyttast gjennom året til jakt, fiske, bærplukking og tur. Ved Solbu, 300 400 meter sør for eksisterande bygning, ligg det fleire eksisterande hytter. Plassering av hytta går fram av kartet under. Hytta ligg om lag 30 meter innanfor verneområdet SVR. Det må difor søkast løyve både etter verneforskrift samt kommuneplanen for Åseral.
Frå landbruskrådgjevar i Åseral kommune vert det oppgjeven at det ikkje er dyrehald på bruket. Villreinen sin bruk av det aktuelle området Området ligg heilt sør i Setesdal Ryfylke villreinområde. Tradisjonelt har villreinen nytta området til vinterbeite, i første rekke ved problematiske beitetilhøve lenger nord. I tillegg har det ein funksjon som sommarbeite for bukk. Villreinen har i liten grad nytta denne delen av heia dei seinare åra. Dette skuldast truleg at stammen for tida er relativt låg samt moglege barriereeffektar lenger nord. Vurdering: Opplysningar gjeven i saka peikar i retning av at aktuelle bygning i første rekke er ei fritidshytte. Dette til forskjell frå sak handsama i arbeidsutvalet 28.8.2013 (vedk. riving og oppføring av ny bygning ved Rosstjønn 2/8 Vidar Forgard, Åseral kommune). Dette er av relevans da det generelt bør vera ein høgare terskel for å tillate bygging av fritidsbustad enn for bygningar knytt til drifta på bruket. Sjølv om den nye bygningen er moderat i storleik vil oftast ei ny og større hytte føre til meir bruk og auka aktivitet i området. Dette kan ha ein viss innverknad på villreinen sin framtidige bruk av områda. Samstundes vert det ikkje fleire bygningar i området. Verknadane av tiltaket for villrein vurderast difor som små. Saka må og sjåas i ljos av at bygningen er lokalisert heilt sør i villreinområdet og nær opp til eit regulert magasin. I den vidare handsaminga er det likevel viktig at sumverknad og samla belastning vurderast nøye. Vidare at villreinen sin områdebruk vert vurdert i eit langsiktig perspektiv. Som nemnd taler mykje for at bruken av bygningen er knytt til fritidsføremål. Av den grunn bør ein vera særs merksam på presedensverknaden av eit eventuelt løyve. Framlegg til uttale: Saksprotokoll i Arbeidsutvalet i villreinnemnda - 13.11.2013 Samrøystes uttale: Inga merknad til saka. Arbeidsutvalet legg vekt på at eksisterande bygning skal rivast og at storleiken på ny bygning er innafor storleiken oppgjeven i forvaltningsplanen/byggerettleiaren. Uttale: Inga merknad til saka. Arbeidsutvalet legg vekt på at eksisterande bygning skal rivast og at storleiken på ny bygning er innafor storleiken oppgjeven i forvaltningsplanen/byggerettleiaren.
Kopi til: Verneområdestyret SVR v/tarjei Haugen Åseral kommune
VAL AV NY VARAMEDLEM TIL ARBEIDSUTVALET I VILLREINNEMNDA ARKIVKODE: SAKSNR.: SAKSHANDSAMAR: SIGN.: 000 2012/660 Jørn Trygve Haug UTV.SAKSNR.: UTVAL: MØTEDATO: 13/29 Arbeidsutvalet i villreinnemnda 13.11.2013 13/7 Villreinnemnda for Setesdalsområdet 14.11.2013 Bakgrunn: Laine H. Tangen var tidlegare medlem i villreinnemnda for Setesdalsområdet. Ho var vald inn frå Forsand kommune. Grunna flytting er Margareth Gjøse Larsen oppnemnd som nytt medlem i villreinnemnda frå Forsand kommune. Tangen var 1. vara til arbeidsutvalet i villreinnemnda, og det må difor veljast ny 1. vara representant. Vurdering: Aktuelle kandidatar er: Framlegg til vedtak: Villreinnemnda vel..som ny 1. vara i arbeidsutvalet i villreinnemnda. Saksprotokoll i Arbeidsutvalet i villreinnemnda - 13.11.2013 Samrøystes vedtak: Arbeidsutvalet innstiller Margit Dale til ny 1. vara i arbeidsutvalet og Margit Handeland til ny 2. vara i arbeidsutvalet.
Vedtak: Arbeidsutvalet innstiller Margit Dale til ny 1. vara i arbeidsutvalet og Margit Handeland til ny 2. vara i arbeidsutvalet. Saksprotokoll i Villreinnemnda for Setesdalsområdet - 14.11.2013 Arbeidsutvalet si innstilling vart samrøystes vedteke. Vedtak: Margit Dale vert vald til ny 1. vara i arbeidsutvalet og Margit Handeland til ny 2. vara i arbeidsutvalet.
EVENTUELT ARKIVKODE: SAKSNR.: SAKSHANDSAMAR: SIGN.: C83 2013/145 Jørn Haug UTV.SAKSNR.: UTVAL: MØTEDATO: 13/30 Arbeidsutvalet i villreinnemnda 13.11.2013 Saksprotokoll i Arbeidsutvalet i villreinnemnda - 13.11.2013 Sak 1 Høyring av sak vedk. bygging av traktorveg 22/9 T. Lunden. Bjørnarå. Valle kommune Sekretær informerte om saka. Følgjande uttale vart vedteken: Traktorvegen vert bygd med føremål å ta ut skog og vil såleis vera i tråd med kommuneplanen. Det bør likevel visast særleg varsemd med å tillate tiltak som ytterligare kan avgrensa trekkmoglegheitene nord-sør ved Bjørnevatn. Av den grunn bør stillast vilkår om at arbeidet bør gjennomførast i perioden juni august, dvs utanom årstidstrekket gjennom området. Sak 2 Vurdering av mogleg klage vedk. løyve til bygging av samle og gjetarhytte i Kvelven i Dyraheio, 40/2 Øyvin Kjetilstad. Suldal kommune Det vert ikkje klaga på byggeløyve gjeven av Suldal kommune. Arbeidsutvalet legg vekt på at trongen for husværet er godt dokumentert ved handsaminga i verneområdestyret slik villrennemnda ba om i sin uttale. Sak 3 Kommunedelplan for Hovden, Bykle kommune Sekretær informerte om at kommunedelplan for Hovden er ute til nytt offentleg ettersyn. Semje i arbeidsutvalet om at det bør sendast ein uttale i saka. Sentrale moment i denne vil vera vurdering av sumverknad og samla belastning ved ein monaleg auke i tal fritidsbustader i Hovden-området.