DETALJREGULERINGSPLAN Bustadfelt Kattaholet Gnr. 83 bnr.37 m.fl. PlanID: 201407 BØMLO KOMMUNE FØRESEGNER M 2016 Side 1
1.0 GENERELT 1.1 Det regulerte området er synt med grenseliner på plan datert 02.02.2016 og revidert 09.05.2016. 1.2 Planområdet skal nyttast til følgjande formål: PBL 12-5. Arealføremål i reguleringsplan 1. Bygningar og anlegg Bustader - frittliggjande - småhus Renovasjonsanlegg Småbåtanlegg i sjø og vassdrag Naust Leikeplass 2. Samferdsleanlegg og teknisk infrastruktur Køyreveg Gang-/sykkelveg Annan veggrunn - grøntareal Kai Parkeringsplassar 3. Grøntstruktur Friområde 4. Bruk og vern av sjø og vassdrag Småbåthamn Friluftsområde i sjø og vassdrag 5. PBL 12-6. Omsynssoner Frisikt 2.0 FELLES FØRESEGNER I samband med utarbeiding av byggeplanar, kvalitets-/hms-planar skal det gjennomførast ei meir detaljert risikovurdering i forkant av anleggsarbeid for å unngå eventuell fare for grunnbrot, utgliding av lausmassar, skade på leidningsnett og sikringstiltak for gåande/køyrande gjennom anleggsområdet. Det skal også gjerast vurderingar av grunntilhøve med tanke for mogleg forureining og eventuell naudsynte tiltak for å hindre spreiing av miljøgifter. Dokumentasjon på at dette er fullført skal leggjast ved byggemeldingar i samband med søknad om tiltak innanfor planområdet. Utomhusplan Saman med byggjesøknad skal det føreliggje utomhusplan for planområdet i målestokk 1:200. Planen skal vise opparbeiding av terreng, utforming av leikeplass m/leikeutstyr, tilkomst, parkering, gang- og sykkelveg, boder, renovasjonsløysning, murar/gjerde over 0,5 m, beplantning osv. Planen skal utarbeidast av fagkunnige og godkjennast av Bømlo kommune. Side 2
Leikeplassar med leikeutstyr skal opparbeidast etter godkjent utomhusplan og vere ferdigstilt før innflytting. 2.1 Rekkefølgjekrav Før det kan gjevast bruksløyve for bygningar, må området vere tilknytt godkjent vass- og avlaupsanlegg. Teknisk plan for veg, vatn, avlaup og overvatn skal godkjennast av BVA og Bømlo kommune før det kan gjevast løyve til tiltak innanfor området. Det må liggja føre samla plan for teknisk anlegg og godkjent utsleppsløyve for heile området før byggjeløyve kan gjevast i området. Overordna VA- plan skal liggja føre jfr. punkt 3 i Kommunalteknisk VA norm for Sunnhordland. Viser til reglar for kommunal overtaking av private vegar i Bømlo kommune sak PS 41/13 av dato 20.02.2013 som seier: «Vegar skal vera oppbygd i samsvar med Statens normalar for vegbygging N100 og N200. Minimums breidde på vegareal skal vera 7,5 meter der 3,5 meter er kjørebane, 0,25 meter på kvar side er vegskulder, og 1,5 meter på kvar side til friareal (areal til plassering av snø m.m og avstand til gjerde). Før det kan gjevast bruksløyve for bustader, må leikeareal, avkøyrsler, tilkomstvegar, felles parkeringsplassar, siktsoner, gangvegar og renovasjonsplassar vere opparbeidd i tråd med godkjent plan. Veganlegg som ligg til fylkesveg skal utformast i tråd med handbok N100, og skal godkjennast av Statens vegvesen. Eventuelle støyreduserande tiltak skal vere ferdige før midlertidig bruksløyve eller ferdigattest vert gitt. 2.2 Terrenghandsaming Alle terrenginngrep skal skje mest mogeleg skånsamt. Mot veg må tiltak som murar, fyllingar, gjerde, hekkar og liknande plasserast minst 0,5 m inn på eiga tomt. Sikt skal ivaretakast. Større trer og annan verdifull vegetasjon skal i størst mogeleg grad takast vare på. 2.3 Tiltak i sjø Tiltak i sjø som faller inn under hamne- og farvasslova skal godkjennast av Karmsund Hamnevesen. Tiltak som kaiar, flytebrygger, utfyllingar, sjøleidningar m.m. krev løyve frå hamnemynde i tillegg til handsaming etter plan- og bygningslova, jfr. Hamne- og farvasslova 27. Tiltakshavar pliktar å gje melding til Bergens Sjøfartsmuseum dersom ein under arbeid i sjøområda finn skipsvrak, keramikk eller andre marine kulturminne. Dersom kulturminne på sjøbotnen kan bli råka av tiltaket, må arbeidet under vatn straks stoppast. Verksemda må i så fall ikkje takast opp att før museet har undersøkt og eventuelt frigjeve områda. Eventuelle brot på desse vilkåra vil vere i strid med føresegnene i Lov av 9. juni 1978 nr. 50 om kulturminne. 2.4 Strandsona Det skal ikkje setjast opp gjerde, skiljeveggar eller andre stengsel i strandsona og på kai som kan vere til hinder for ålmenta si ferdsle i desse områda. Side 3
2.5 Kulturminne Det kan vera uregistrerte fornminne i planområdet. Dersom det i samband med gravearbeid kjem fram funn eller konstruksjonar, må arbeidet straks stansast og fylkeskonservatoren få melding for ei nærare gransking på staden. if. Kulturminne loven 8, 2.ledd. 2.6 Born og unge sine interesser Leikeområdet og uteopphaldsareal skal utformast slik at ein sikrar god kvalitet i desse områda og såleis ivaretek born og unge sine interesser. 2.7 Tekniske anlegg Pumpestasjonar, transformatorkioskar, kabelskap o.l. kan oppførast i området i samsvar med teknisk plan. 3.0 BYGNINGAR OG ANLEGG 3.1 Bustader - frittliggjande småhus 3.1.1 Innanfor området kan det førast opp hus i form av frittliggjande einebustader, tomannsbustader eller generasjonsbustader. Einebustader kan ha husvære for utleige. 3.1.2 Utnyttingsgraden i områda er sett som fylgjande: BF1 (tomt nr.1-4): maks BYA=40% BF2 (tomt nr.5-8): maks BYA=35% BF3 (tomt nr.9-12): maks BYA=35% Maksimalt tillat bygd areal (BYA) er inkl. garasjar, biloppstellingsplassar o.l.. Maks mønehøgd er 9 meter målt frå gjennomsnittleg planert terreng. Takform vert fastsett i samband med byggemeldinga. 3.1.3 På tomtene skal det vere plass til minst to biloppstellingsplassar per bustadeining. Frittliggjande garasje/carport/bod kan plasserast utanfor byggegrensa, men minst 1 m frå nabogrense. Takform og utsjånad skal stå i stil med hovudbygget på tomta. Maks mønehøgd for garasje er 6,0 m. 3.1.4 Inngjerding og tilplanting skal ikkje vera sjenerande for naboar eller ålmenn ferdsel. Ubygt areal skal gjevast ei tiltalande utforming. 3.2 Renovasjonsanlegg 3.2.1 Områda skal nyttast til plassering av bossdunkar/bosscontainer samt postkassestativ. 3.3 Småbåtanlegg i sjø og vassdrag 3.3.1 Område kan nyttast som småbåtanlegg for småbåtar. Side 4
3.3.2 Småbåtanlegga kan nyttast av nausteigarar innanfor planområdet og etter eigen avtale med grunneigar. 3.3.3 Innanfor området kan det etablerast flytebrygger m/landgang/utliggar. Flytebrygger kan ha ein maks. storleik på 15m2 og ei maks. breidd på 2,5m, og skal ikkje vere til hinder for fri ferdsle. 3.4 Naust 3.4.1 Innanfor område kan det byggjast naust eller sjøbod. Det kan etablerast 4 nausteiningar i området. 3.4.2 Maksimalt tillat bruksareal per eining er BRA=40m2. Maks. mønehøgd er 5,0 m målt frå ferdig golv. Naust skal plasserast med overkant golv i 1. etg. på min kote + 2,5 moh. 3.4.3 Taket skal utformast som saltak, med takvinkel mellom 40-45 grader. Nausta skal ha eit maritimt preg og vere best mogleg tilpassa tradisjonelle sjøhus og naust i Bømlo kommune. 3.4.4 Det kan godkjennast toalett og dusj. Maks storleik på våtrom er 4m2. Isolasjon, sløyebenk og vask er tillat. 3.4.5 Det skal vere minst 1 parkeringsplass per nausteining. Parkeringsplassar skal dokumenterast i samband med byggjemeldinga. 3.5 Leikeplass 3.5.1 Området skal nyttast til leik og fritidsaktivitet. 3.5.2 Større tre og annan verdifull vegetasjon skal i størst mogeleg grad takast vare på. Det skal nyttast typegodkjent utstyr og leikeapparat som skal monterast etter tilvising frå produsenten. Leike- og opphaldsareal ute skal plasserast og utformast slik at god kvalitet vert oppnådd, herunder i forhold til sol- og lystilhøve, støy- og anna miljøbelastning. Uteopphaldsareal skal utformast slik at fare for personer vert unngått. Leikeareala skal skjermast mot trafikk. Nivåskilnader skal sikrast slik at fallskader blir førebygd. Byggverk skal etter sin funksjon ha tilstrekkelig uteopphaldsareal. 3.5.3 Det kan opparbeidast sitteplassar, sandkassar, leikeapparat etc. innanfor området etter nærare godkjendt utomhusplan. Planen skal utarbeidast av fagkunnige og godkjennast av Bømlo kommune. Leikeplassar med leikeutstyr skal opparbeidast etter godkjent utomhusplan og vere ferdigstilt før innflytting. 3.5.4 Det skal leggjast vekt på universell utforming ved opparbeiding av området. Side 5
4.0 SAMFERDSLEANLEGG OG TEKNISK INFRASTRUKTUR 4.1 Køyreveg 4.1.1 Kjørevegar skal utformast som vist på tekniske planar godkjent av kommunen. 4.1.2 Veg 1 er ein eksisterande offentleg veg (Fv541) som skal liggje som i dag. Veg 2 er ein eksisterande felles privatveg (PV1005) som er om lag 2,5-3,5 m brei. Vegen skal opparbeidast som asfaltveg på om lag 3,5-4,5 i breidd, samt nokre møteplassar. Vegen kan nyttast etter avtale med veglaget og grunneigar. Veg 3 er ein eksisterande felles privatveg med 4,0m regulert breidde. Vegen skal gje tilkomst til nye bustadar i planområdet og skal opparbeidast med asfaltert breidde på ca. 3,5m og 0,25m grusskulder. Veg 4 og Veg 5 er nye felles privatvegar som skal gje tilkomst til nye bustadar. Vegane er regulert med 4,0m breidde og skal opparbeidast med asfaltert breidde på ca. 3,5m og 0,25m grusskulder.. Veg 3-Veg 5 er felles private vegar som kan nyttast av bustad- og nausteigarar innanfor planområdet og etter avtale med grunneigarar. 4.1.3 Mindre endringar i vegføringar kan tillatast når detaljplanlegging gjer det naudsynt. 4.2 Gang- /sykkelveg 4.2.1 Arealet G1 omfattar del av eksisterande gang-/sykkelveg langs Fv541 som skal liggje som i dag. 4.2.2 Areal G2 og G3 skal nyttast til felles gangveg og vera open for ålmenn ferdsle. 4.2.3 G2 skal opparbeidast som opphøgd fortau med 2,5m asfaltert breidde. 4.2.4 G3 skal opparbeidast som grusveg. Regulert breidde er 2,0m som synt på planen. 4.2.5 Mindre endringar i vegføringar kan tillatast når detaljplanlegging gjer det naudsynt. 4.3 Annan veggrunn - grøntareal 4.3.1 Arealet skal nyttast som grøntareal for vegane i planområdet. Områda kan nyttast til vegutviding, avkjørsler, grøfter, skråningar og skjeringar. 4.4 Kai 4.4.1 Området kan nyttast til kai og båtfeste for småbåtar. Endeleg plassering og utforming vert fastsett av kommunen i samband med byggjemelding for tiltaket. Side 6
4.4.2 Kai K1 ligg ved båthamn i vest og kan nyttast av brukarar av båthamn i planområdet og etter avtale med grunneigar. Kai K2 grensar til naustområdet i aust og kan nyttast av nausteigarar i planområdet og etter avtale med grunneigar. Kai K3 er ein eksisterande kai på eigedom gnr.82 bnr. 74 og skal liggje som i dag. Kaiane skal vera opne for ålmenn ferdsle og det skal ikkje setjast opp gjerde eller andre stengsel som hindrar fri ferdsle i strandsona. 4.5 Parkeringsplassar 4.5.1 Det er sett av to område for felles parkering. I området P1 er det til saman 6 stk. parkeringsplassar, som er felles for brukarar av småbåthamn SH1 og SH3. I området P2 er det til saman 4 stk. parkeringsplassar, som er felles for brukarar av naust (N). Parkeringsplassane kan nyttast etter nærmare avtale med grunneigarar. 5.0 GRØNTSTRUKTUR 5.1 Friområde 5.1.1 I området kan det ikkje førast opp bygg eller konstruksjonar som er til hinder for å nytta området som friområde. Friområdet skal vere ålment tilgjengeleg. 5.1.2 Så langt råd er skal eksisterande terrengform og vegetasjon ivaretakast. 5.1.3 Det er lov å rydde og reinske strandsona for bading. 6.0 BRUK OG VERN AV SJØ OG VASSDRAG 6.1 Småbåthamn 6.1.1 Området kan nyttast som småbåthamn for småbåtar. 6.1.2 Det er sett av 3 område for småbåthamn. 6.1.3 SH1 og SH3 Innan området kan det etablerast flytebryggjer og andre hamneanlegg, faste eller flytande konstruksjonar. Flytebrygger kan ha ein maks. storleik på 15m2 og ei maks. breidd på 2,5m, og skal ikkje hindre fri ferdsel. Side 7
SH2 I området kan det ikkje etablerast konstruksjonar som er til hinder for fri ferdsel. Området kan brukast som manøvreringsareal for båtar og skal vere ålment tilgjengeleg. 6.1.4 Småbåthamna kan nyttast etter eigen avtale med grunneigar. 6.1.5 Det skal vere minst 1 parkeringsplassar per båtplass i småbåthamn. 12 av båtplassane skal tilhøyra bustadane i planområdet med parkering på tomtane. Dei 6 resterande båtplassane skal ha parkering i området P1. Parkeringsplassar skal dokumenterast i samband med byggjemeldinga. 6.2 Friområde i sjø og vassdrag 6.2.1 Området skal vere fritt tilgjengeleg for ålmenta og nyttas til sjø- og vassdragsaktivitetar. 7.0 OMSYNSSONER 7.1 Frisikt 7.1.1 Arealet vil i planen vere kombinert med andre føremål. Innanfor siktsona skal det ikkje vere sikthindringar som stikk høgare enn 0,5 m over vegbanen på tilstøytande veg. Enkeltståande trer, stolpar og liknande kan stå i sikttrekanten, men krav til sikkerheitssoner i hb. N101 "Rekkverk" må vere tilfredsstilt. Areal som ligg høgare skal planerast ned til 0,5 m over veg. Dato: 02.02.2016 Rev.: 15.02.2016 Rev.: 09.05.2016 Side 8