10 NOV 2010 DET KONGELIGE MILJØVERNDEPARTEMENT 0 9 NO1' 2010 Statsråden Likelydande brev til: Kommunane Lom, Luster, Vang, Vågå og Årdal Oppland fylkeskommune Sogn og Fjordane fylkeskommune Fylkesmannen i Oppland Fylkesmannen i Sogn og Fjordane Deres ref Vår ref Dato 04 NOV. 200904233 20W Etablering av nasjonalparkstyre for Jotunheimen nasjonalpark og Utladalen landskapsvernområde i Oppland og Sogn og Fjordane fylker Eg syner til tilbakemelding frå Lom kommune 12.02.2010, Luster kommune 25.01.2010, Vang kommune 10.02.2010, Vågå kommune 09.02.2010 og Årdal kommune 19.03.2010, på min invitasjon av 14.12.2009 om å delta i lokal forvaltning av Jotunheimen nasjonalpark og Utladalen landskapsvernområde. Følgjande verneområde inngår i verneplan Jotunheimen: - Jotunheimen nasjonalpark i kommunane Lom, Luster, Vang, Vågå og Årdal - Utladalen landskapsvernområde i kommunane Luster og Årdal 0 nemnin av nas.onal arkst re Kommunane Lom, Luster, Vang, Vågå og Årdal oppfyller kriteria for å ha forvaltningsmynde for verneområda nenmd over gjennom eit politisk samansett interkommunalt nasjonalparkstyre. Eg har på bakgrunn av dette vedteke at det skal etablerast eit nasjonalparkstyre for Jotunheimen nasjonalpark og Utladalen landskapsvernområde. Kvar kommune skal vere representert med ein medlem og innstill ei kvinne og ein mann kvar blant kommunestyret sine medlemmer. Primært bør ordføraren vere representert. Kvar fylkeskommune skal vere representert med ein medlem frå fylkestinget, og innstill ei kvinne og ein mann blant fylkestinget sine medlemmer. Eg ber kommunane og fylkeskommunane om å fremme forslag på medlem med vararepresentant til styret. Forslaga vert send til Miljøverndepartementet med kopi til Fylkesmannen i Oppland og i Sogn og Fjordane så snart som mogleg, og seinast innan 15.12.2010. Det vert føresett at krava til kjønnsdeling, jf. likestillingslova 21, vert lagt til grunn. Postadresse: Postboks 8013 Dep, 0030 Oslo Kontoradresse: Myntg. 2 Telefon: 22 24 57 00 Telefaks: 22 24 60 34 Org. nr.: 972 417 882
Miljøverndepartementet vil på bakgrunn av innspel frå kommunane og fylkeskommunane etablere styret og oppnemne medlemmer til styret. I forvaltninga av verneområde som omfattar fleire fylker vil ein av fylkesmennene få ei "vertskapsrolle" og vere ansvarleg for å tilsette og ha personalansvar for framtidig nasjonalparkforvaltar. Eg meiner det er rasjonelt at Fylkesmannen i det fylket kor det vert etablert forvaltningsknutepunkt og forvaltaren får sin kontorplass, får denne "vertskapsrolla". Inntil det er avklart kor eit slikt knutepunkt vert etablert, kan ein ikkje avgjere kva for Fylkesmann som vil få ei slik rolle. Ein av dei aktuelle fylkesmennene må inntil vidare få ansvaret for å innkalle styret til det fyrste konstituerande møtet. I og med at det ikkje er tatt stilling til kor knutepunktet skal verta etablert, er det ikkje sikkert at det vert same Fylkesmannen som seinare får vertskapsrolla og ansvaret for å tilsette forvaltar. Konstituerin av nas'onal arkstvret o dele as'on av m nde Fylkesmannen i Oppland vil så snart som mogleg etter at styret er etablert, innkalle til det fyrste konstituerande møtet i nasjonalparkstyret. Styret vel då sin leiar og eventuelt nestleiar. Mynde for verneområda vil verta delegert til styret frå den dagen det vert konstituert. Departementet ber om at konstituering skjer så snart som mogleg og seinast innan 10. januar 2011. Vedtektene for nas'onal arkst ret Vedlagt følgjer vedtektene for nasjonalparkstyret kor det er gjort greie for styret sin mynde og oppgåver. Miljøverndepartementet viser til at nasjonalparkstyret får ansvaret med å forvalte viktige nasjonale og internasjonale naturverdiar. Dette inneber at styret i sine avgjerder må legge til grunn at dei forvaltar området på vegne av nasjonen. Styret skal difor sergje for at dei nasjonale verneverdiane vert ivaretekne som føresett gjennom opprettinga av dei ulike verneområda. Departementet har følgjande merknader til einskilde av punkta i vedtektene: Pkt 4 Oppretting av arbeidsutval Forvaltninga skal skje så effektivt og smidig som mogleg. Styret kan difor vurdere om det eventuelt er tenleg å opprette eit mindre arbeidsutval, Vedtak som vert gjort av arbeidsutvalet må skje innanfor rammene av overordna prinsipp fastlagt av styret som heilskap og som ligger innanfor ramma av naturmangfaldlova og gjeldande verneføresegner. Pkt 6. Nasjonalparkstyrets sekretariat Miljøvemdepartementet har utarbeida retningsliner for prosessen med tilsetting av forvaltarane, der mellom anna nasjonalparkstyret sin rolle i samband med tilsettinga er omtala. Stillingsomtale for nasjonalparkforvaltaren er og utarbeida. Inntil nasjonalparkforvaltar er tilsett skal Fylkesmannen i Oppland og Sogn og Fjordane ha delt sekretariatsansvar for nasjonalparkstyret. Miljøverndepartementet vil kome attende til når stillinga som nasjonalparkforvaltar kan lysast ut. Side 2
Pkt 9 Fagleg rådgjevande utval Fordi forvaltninga krev samhandling mellom mange aktørar skal det verte oppnemnd eit fagleg rådgjevande utval som representerer ulike brukarinteresser i områda. Fylkesmannen kan hjelpe styret med å vurdere kva for interesser som bør vere representert i dette utvalet. Etablerin av forvaltnin sknute unkt I mitt brev av 14.12.2009 skreiv eg at departementet ville ta sin avgjerd om lokalisering av forvaltningsknutepunkt mellom anna på bakgrunn av innspel frå styra. Eg vil difor be nasjonalparkstyret så snart som mogleg etter at det er konstituert, om å gjere framlegg om lokalisering av forvaltningsknutepunkt og deretter sende framlegget til Miljøverndepartementet. Føresetnader som må ligge til grunn når knutepunkt skal etablerast er mellom anna at det kan utvikle seg eit godt fagmiljø, at det må ha ein eigna geografisk plassering i høve til verneområda og at det må ha eigna kontorfasilitetar. Som det og kjem fram i brev av 12.03.2010 vil departementet primært prioritere etablering av knutepunkt der ein kjem fram til lokal semje. Opplæring og dialog Som det kjem fram av Miljøverndepartementet sitt brev av 12.03.2010 vil det verte arrangert ei samling for styra og for dei forvaltarane som har kome på plass. Denne vil finne stad tidleg i 2011. Deretter vil det bli lagt opp til årlege konferansar for nasjonalpark-/verneområdestyra. Departementet vil kome nærare attende til dette. Finansiering Finansiering av den nye forvaltningsmodellen vil som det kjem fram av Miljøverndepartementet budsjettproposisjon (Prop. 1 S (2009-2010)), skje gjennom løyvingar over kapittel 1427, postane 01 og 21. Direktoratet for naturforvaltning vil som følgje av dette stille til disposisjon for styret midlar til dekning av driftskostnader over kap 1427 post 21. Midlar til forvaltning og skjøtsel av verneområda vil som tidlegare verta løyvd over kap 1426. Departementet vil vise til bestillingsdialogen som skal etablerast mellom styret og Statens naturoppsyn. Eg ønskjer alle lukke til med arbeidet! Med helsing &Ift cykta_ Erik Solheim Kopi: Fornyings-, administrasjons- og kirkedepartementet Kommunal- og regionaldepartementet Landbruks- og matdepartementet Direktoratet for naturforvaltning Kommunenes sentralforbund Utmarkskommunens Sanunenslutning Side 3
Vedtekter for nasjonalparkstyret for Jotunheimen nasjonalpark og Utladalen landskapsvernområde i Oppland og Sogn og Fjordane fylker Departementet har med heimel i naturmangfaldlova 62 anna ledd og tredje punktum, jf. kongeleg resolusjon av 4. juni 2010 fastsett følgjande vedtekter for nasjonalparkstyret: 1. VEDTEKTENES FOREMÅL Føremålet med desse vedtektene er å leggje til rette for ein heilskapleg og kunnskapsbasert forvaltning av Jotunheimen nasjonalpark og Utladalen landskapsvernområde. Vedtektene skal sørgje for at nasjonalparkstyret skal kunne oppfylle føremålet med vernet i tråd med nasjonale mål og internasjonale forpliktingar. 2. STYRET SIN MYNDE Desse verneområda skal forvaltast av eit nasjonalparkstyre, jf. naturmangfaldlova 62 anna ledd tredje punktum, innanfor ramma av naturmangfaldlova, inkludert lovkapittel II Alminnelege føresegner om berekraftig bruk, lovkapittel V Områdevern og verneforskrifter for dei einskilde verneområda. 3. GEOGRAFISK VIRKEOMRÅDE Nasjonalparkstyret skal ha forvaltningsansvaret for føl ande verneområde: - Jotunheimen nasjonalpark i kommunane Lom, Luster, Vang, Vågå og Årdal - Utladalen landskapsvernområde i kommunane Luster og Ardal 4. NASJONALPARKSTYRET SINE MEDLEMMER, OPPNEMNING, SAMANSETJING MV Samansetjinga av styret skal følgje krava til kjønnsfordeling i likestillingslova 21. Nasjonalparkstyret skal ha 7 medlemmer med personlege vararepresentantar som møter når den faste medlemmen har fråfall. Nasjonalparkstyret vert oppnemnd av Miljøverndepartementet etter innstilling frå kommunane og fylkestinget i Oppland og i Sogn og Fjordane. Kvar kommune skal vere representert med ein medlem og innstiller ei kvinne og ein mann blant kommunestyret sine medlemmer. Kvar fylkeskommune skal vere representert med ein medlem frå fylkestinget, og innstiller ei kvinne og ein mann blant fylkestinget sine medlemmer.
Oppnemningsperioden for medlemmene følgjer valperioden for kommunestyret og fylkestinget. Nasjonalparkstyret vel sjølv sin leiar og nestleiar. 5. OPPRETTING AV ARBEIDSUTVAL Styret kan nedsetje eit arbeidsutval beståande av representantar frå styret. Styret kan gje arbeidsutvalet mynde til å gjere vedtak etter naturmangfaldlova/verneforskriftene i einskildsaker som ikkje har stor påverknad på verneverdiane. Arbeidsutvalet sine vedtak skal gjerast innanfor ramma av prinsipp fastsett av styret for dei ulike saksområda i tråd med naturmangfaldlova/verneforskriftene. 6. NASJONALPARKSTYRET SITT SEKRETARIAT Sekretariatet for nasjonalparkstyret består av ein eller fleire nasjonalparkforvaltar(ar) som vert tilsett av Fylkesmannen i Oppland/Sogn og Fjordane i dialog med styret. Fylkesmannen i Oppland/Sogn og Fjordane har personalansvaret for nasjonalparkforvaltaren(e). Sekretariatet kan fremme innstillingar overfor styret om saker som gjeld forvaltning av verneområdet. Sekretariatet er underlagt nasjonalparkstyret i alle saker som gjeld forvaltninga av verneområda. Inntil det er tilsett nasjonalparkforvaltar skal Fylkesmannen i Oppland og Fylkesmannen i Sogn og Fjordane ha delt sekretariatsansvar for nasjonalparkstyret og er i utøvinga av denne sekretariatsfunksjonen underlagt nasjonalparkstyret i alle saker som gjeld forvaltning av verneområda. Miljøverndepartementet har utarbeida eigen instruks for prosessen knytt til tilsetting av nasjonalparkforvaltar. 7. OM MØTENE I NASJONALPARKSTYRET Kommunelova kap. 6 om saksbehandlinga i folkevalte organ kjem til bruk så langt dei passer, med dei tilpassingane som er fastsett i denne vedtekta. Kommunelova 40 gjeld tilsvarande. Styret trer saman minst to gonger kvart år og elles når leiaren bestemmer. Leiaren plikter å kalle inn dersom minst ein tredel av medlemmene ønskjer det. Innkalling til møte i nasjonalparkstyret skal skje med 2 vekers varsel. Innkallinga skal innehalde oversikt over dei sakene som skal handterast. Saksdokumenta vert sendt samstundes med innkallinga. 2
Det vert ført protokoll frå møta. Styreleiar og to medlemmer som vert valt ved starten av møtet skriv under protokollen. Representantar og leiar av sekretariatet har rett til protokolltilførsel. For at forvaltningsstyret skal kunne gjere vedtak må minimum halvparten av representantane vere til stade. Vedtak vert gjort ved alminneleg fleirtal. Ved stemmelikskap har leiaren dobbelrøyst. 8. STYRET SINE OPPGÅVER 8.1 Forvaltningsplan Styret skal utarbeide/revidere forvaltningsplan for verneområdet/verneområda. Oppstart av planarbeidet bør skje i dialog med Direktoratet for naturforvaltning. Forvaltningsplanar skal utarbeidast innanfor rammene av naturmangfaldlova og verneforskriftene. I planen skal ein konkretisere korleis ein skal jobba for å nå føremålet med vernet. Direktoratet for naturforvaltning godkjenner forvaltningsplanane. 8.2 Skjøtsel og tilrettelegging Som forvaltningsstyresmakt skal styret ut frå naturmangfaldlova 33 og verneføremålet i dei einskilde verneforskriftene vurdere behov for og gjennomføring av naudsynt skjetsel og tilrettelegging. Plan for skjøtsel og eventuell tilrettelegging skal, jf. 35 og 36 siste ledd, inngå i ein forvaltningsplan godkjent av Direktoratet for naturforvaltning. Forvaltningstiltak vert sett i verk på eit kunnskapsbasert grunnlag i samsvar med vedtekne forvaltningsplanar/ skjøtselsplanar. Styret skal etablere eit nært samarbeid med Statens naturoppsyn lokalt. Nasjonalparkstyret skal utarbeide årlege prioriteringar av skjøtsels- og forvaltningstiltak i verneområda. Det skal vere ein bestillingsdialog mellom styret og Direktoratet for naturforvaltning/statens naturoppsyn sentralt. Styret vert årleg tildelt midlar til skjøtsel og forvaltning til prioriterte tiltak i samsvar med vedtekne forvaltningsplanar/skjøtselsplanar. Tildelingane skjer over budsjettet til Direktoratet for naturforvaltning/statens naturoppsyn ut i frå dei budsjettmessige rammene det einskilde året. 8.3 Styresmaktsavgjerder Styret har mynde til å gjere vedtak etter dei einskilde føresegnene i verneforskriftene som heimlar for å gje løyver. Styret har og mynde til å gje dispensasjonar etter naturmangfaldlova 48, jf. 77 anna punktum. 3
8.4 Merking og informasjon Styret har ansvar for at det vert gjennomført naudsynt grensemerking og vedlikehald av merkinga i verneområda. Fyrstegongsmerking av eit nytt verneområde vert utført av Jordskifteverket på oppdrag av Fylkesmannen. Som forvaltningsstyresmakt skal styret vurdere behovet for særskilte informasjonstiltak. Styret er hovudansvarleg for informasjonstavler og plakatar, både fyrstegongsoppsett og vedlikehald. Dei skal fagleg kvalitetssikre nasjonalparkbrosjyrar og er hovudansvarleg for andre brosjyrar. Brosjyrar og anna informasjonsmateriale skal utarbeidast i tråd med gjeldande malar. Styret har og ansvar for kontakt med grunneigarar, rettshavarar, brukarar, aktuelle lag og organisasjonar mv. i forvaltninga av verneområdet. 8.5 Brot på naturmangfaldlova/verneforskriftene Styret har som forvaltningsstyresmakt eit sjølvstendig ansvar for å sjå til at alle brot på reglane i verneforskriftene som styret får kjennskap til, anten vert rapportert/meldt til politiet eller vert rapport til Direktoratet for naturforvaltning for eventuelle administrative sanksjoner, jf. naturmangfaldlova kap. VIII. 8.6 Orientering om vedtak Fylkesmannen i Oppland, Fylkesmannen i Sogn og Fjordane og Direktoratet for naturforvaltning skal verta orientert om alle vedtak gjort av nasjonalparkstyret eller arbeidsutvalet. Rapportar og meldingar for brot på naturmangfaldlova/verneforskriftene vert sendt til Fylkesmannen, Statens naturoppsyn og Direktoratet for naturforvaltning. 8.7 Rapportering om forvaltning Styret har ansvar for årleg å rapportere om forvaltninga til Fylkesmannen etter malar fastsett av Direktoratet for naturforvaltning. Dersom føresetnadene for delegering av forvaltningsmynde vert endra vesentleg, plikter styret å informere Fylkesmannen. 9. FAGLEG RÅDGJEVANDE UTVAL Styret skal oppnemne eit fagleg rådgjevande utval. Utvalet skal vere samansett av representantar for dei ymse interessene i området, som m.a. grunneigarar, andre offentlege organ som det særleg vedkjem, for eksempel fiellstyre, næringsliv, friviljuge organisasjonar, mellom anna natur- og miljøorganisasjonar og liknande. Nasjonalparkstyret bør ha minst eit årleg dialogmøte med fagleg rådgjevande utval. 4
10. ADMINISTRATIVT KONTAKTUTVAL For å sikre at forvaltninga av verneområda vert godt integrert i den kommunale forvaltninga, bør styret oppnemne eit administrativt kontaktutval samansett av representantar frå administrativt nivå i dei ymse kommunane. TILSYN Statens naturoppsyn har tilsynsmynde i områda, jf. lov om statleg naturoppsyn. 12. KLAGE OG KLAGEMYNDE Fylkesmannen har klagerett på vedtak gjort av nasjonalparkstyret jf naturmangfaldlova 62 tredje ledd siste setning. Elles gjeld dei alminnelege reglane om rett til å klage. Miljøverndepartementet er klageinstans for vedtak som vert gjort av styret som forvaltningsstyresmakt. Klager skal leggjast fram for Direktoratet for naturforvaltning som førebur klaga og gjev innstilling til vedtak. 13. INSTRUKSJON, TILBAKEICkLLING AV DELEGERT MYNDE Departementet kan gripe inn gjennom instruksjon eller eventuelt tilbakekalling av delegert mynde dersom forvaltninga av verneområda ikkje samsvarer med naturmangfaldlova og verneforskriftene. 14. OMGJØRING AV VEDTEKTENE Departementet kan endre desse vedtektene. 5