REGULERINGSPLAN FOR RUNDKØYRING VED ØYSTESE MEKANISKE VERKSTAD REGULERINGSFØRESEGNER 1. GENERELT 1.1 Desse reguleringsføresegnene gjeld for det området som på plankartet er markert med plangrense (Sjå teikning i M 1:1000, datert 26.05.2011). I samsvar med 12-5 i Plan- og bygningslova er areala regulert til følgjande formål: SAMFERDSLEANLEGG OG TEKNISK INFRASTRUKTUR, Pbl 12-5, ledd nr. 2. Køyreveg. Veg Gangveg, fortau Anna veggrunn grøntareal OMSYNSONER, Pbl 12-6, jf. 11-8a Sikrings-, støy og faresoner, Pbl 11-8a. Frisikt 2. FELLESFØRESEGNER 2.1 Desse fellesføresegnene gjeld innafor ramma av Plan- og bygningslova med tilhøyrande vedtekter for Kvam herad. 2.2 Kommunen kan, når særlege grunnar talar for det, tillate mindre vesentlege
endringar i reguleringsplanen og/eller desse reguleringsføresegnene. 2.3 Etter at reguleringsplanen med tilhøyrande reguleringsføresegner er stadfesta, er det ikkje høve til å inngå privatrettslege avtaler som er i strid med reguleringsplanen og reguleringsføresegnene. 2.4 Omsynet til landskapet skal sikrast gjennom utarbeiding av byggeplanar og gjennom vidare arbeid i anleggsfasen. Prinsipp for utforming av nytt terreng, krav til utforming av tekniske anlegg og revegetering, skal framgå av planane. Alle inngrep som vert gjort i samband med veganlegget skal utførast mest mogeleg forsiktig og med omtanke for terreng og utsjånad. Noverande vegetasjon skal takast vare på i størst mogeleg utstrekning. Terrenghandsaming, planting og tilsåing skal gjerast ferdig samtidig med resten av veganlegget. Toppen av dei høge skjeringane skal avrundast. 2.5 Riggareal for veganlegget kan opparbeidast i anleggstida innafor regulert areal. Etter bruk skal området som blir nytta til riggområde opparbeidast og setjast i stand i samsvar med føresegnene i reguleringsplanen. 2.6 Dersom det i samband med gravearbeid kjem fram funn eller konstruksjonar, må arbeidet straks stansast og fylkeskonservatoren få melding for ei nærare gransking på staden, jamfør Kulturminnelova 8, 2-ledd. 2.7 Støy som følgje av anleggsverksemd i byggeperioden skal avgrensast i samsvar med gjeldande retningsliner for handsaming av støy i arealplanlegging. 2.8 Tiltaka på fv 7 vert vurdert som eit trafikktryggingstiltak. Hovudregelen er at slike miljø- og tryggingstiltak som ikkje endrar støysituasjonen merkbart, kan gjennomførast utan samtidig utbetring av støyforholda. Der støyniva er høgare enn dei tilrådde grensene skal det likevel gjennomførast ei vurdering om det er rimeleg å gjennomføra avbøtande tiltak. Det må i ei slik vurdering bli lagt vekt på om støydempande tiltak vil vera rimeleg sett i forhold til omfanget av tiltaket. 2.9 Det vert ikkje tillete at eventuelt forureina vatn vert slept ut i grunnen for landbruk eller i nedslagsfelt for elv. Byggeplanen skal sikre ein heilskapleg overvasshandsaming i anleggsfasen og driftsfasen. 2.10 Eventuelle forureina massar frå veganlegget skal leverast til godkjent mottak. 2.11 Før utbygging skal det gjerast greie for handtering av jordressursane. Jord frå jordbruksareal (fulldyrka jord, overflatedyrka jord og innmarksbeite) som vert utbygd skal sikrast ein forsvarleg attbruk i nærområdet, primært til jordbruksføremål. Eventuell nydyrking må avklarast i samsvar med forskrift om nydyrking
3. SAMFERDSLEANLEGG OG TEKNISK INFRASTRUKTUR. 3.1 Trafikkområdet kan nyttast til: Køyreveg Veg Gangveg, fortau 3.2 Vegen og fortau skal opparbeidast med den linjeføring og inndeling av dei respektive føremål som er vist i planen. 3.3 Det er ikkje høve til å opparbeide andre avkøyrsler enn dei som er viste på planteikningane. Avkøyrslene skal utformast og vedlikehaldas i samsvar med Statens vegvesen sine normalar og føresegner til Veglova 43. Frisiktsoner er regulert til spesialområde (sjå 4). 3.4. Det vert stilt krav om at det skal leggjast fram byggemelding til Kvam herad for gang- og sykkelbru før den vert bygd. 4. OMSYNSSONER 4.1 I omsynssoner kan følgjande etablerast: Frisiktsone. 4.2 I området mellom frisiktslina og vegføremål (frisiktsoner) skal det vere fri sikt over ei høgd på 0,5 meter over nivået på dei tilstøytande vegane.
Forslagsstillar: KVAM HERAD Sakshandsaming, jf plan og bygningslova Reguleringsplan for rundkøyring ved Øystese mekaniske verkstad Saksnr Dato Sakshandsamar/signatur Oppstartsvedtak 095/09 26.08.09 JONE Kunngjering om oppstart av planarbeidet i Hordaland Folkeblad 10.11.09 JONE 1.gongs handsaming i 003/11 02.02.11 JONE Utlegging til offentleg 11.02.11-25.03.11 JONE ettersyn 2.gongs handsaming i 084/11 28.06.11 JONE Kommunestyret sitt vedtak 084/11 06.09.11 JONE Kunngjering av vedtak 23.09.2012 JONE Handsaming av klage i 017/12 25.01.2012 JONE kommunestyret Fylkesmannen sitt vedtak 24.04.2012 Ny 1.gongs handsaming i 071/12 30.05.2012 JONE I medhald av 12 i planog bygningslova. Planen er vedteken 06.09.2011 Sign.: PlanID: 123820100005 Arkivsaknr: 09/1035 Norheimsund, 07.juni 2012 Kvam herad Administrasjonssjefen