saksframlegg Dato: Referanse: Vår saksbehandlar: 11.05.2016 34056/2016 Anders Ellingseter Saksnr Utval Møtedato Kultur- og folkehelseutvalet 31.05.2016 Tildeling av spelemidlar til anlegg for idrett og fysisk aktivitet 2016 Bakgrunn Møre og Romsdal fylkeskommune fordeler kvart år spelemidlar til idrettsanlegg. Etter vedtak i statsråd 29. april 2016 vart det avsett 1 197 299 000 kroner av spelemidlane til idrettsanlegg i heile landet. Tildeling i Statsråd 2016 Det har tidlegare vore fordelt ei ramme for ordinære anlegg, ei for nærmiljøanlegg og ei for mindre kostnadskrevjande nærmiljøanlegg. I samsvar med signal gjeve i Meld. St 26 (2011-2012) er disponible midlar til nærmiljøanlegg og ordinære anlegg for idrett og fysisk aktivitet fordelt med eitt samla beløp pr. fylkeskommune. Ved berekning av dei fylkesvise beløpa er 116 290 000 kroner fordelt med lik prosentvis løyving i forhold til godkjent for nærmiljøanlegg i den enkelte fylkeskommune, og 1 080 009 000 kroner er fordelt i samsvar med kriterier omtalt i Meld. St. 26 (2011-2012): Godkjent (vert vekta med 50 prosent) Tal på innbyggjarar (vert vekta med 25 prosent) Anleggsfordeling (vert vekta med 25 prosent) Det er opp til fylkeskommunen å avgjere kor mykje av midlane ein skal fordele til nærmiljøanlegg og til ordinære anlegg. Måla med kriteria og vekting av desse er å oppnå ei fordeling som sikrar at tilskotsordninga er behovsbasert og har ein utjamnande effekt på anleggsdekning mellom fylkeskommunane. Fordelinga mellom ordinære anlegg og nærmiljøanlegg vart vedteke i sak KF-12/16: Minimum 10 prosent av tildelte spelemidlar skal gå til nærmiljøanlegg Alle kommunar som har søknader på nærmiljøanlegg skal få på 1. prioriteten sin Midlar til fordeling for idrett og fysisk aktivitet i Møre og Romsdal I 2016 skal i alt 70 836 000 kroner fordelast til anlegg for idrett og fysisk aktivitet. Beløpet er i hovudsak tildeling frå Kulturdepartementet, men òg overførte midlar frå 2015. Beløpet er sett saman slik; Tildelte spelemidlar frå Kulturdepartementet, 67 685 000 kroner Rentemidlar, 998 000 kroner Inndregne midlar, 1 645 000 kroner Tilbakebetalte midlar, 508 000 kroner Rentemidlar er renter av overførte spelemidlar frå Kulturdepartementet før dei vert utbetalt til dei anlegga som har fått tilsegn. Inndregne midlar er midlar som det er
gitt tilsegn på, men som ikkje er utbetalt. Tilbakebetalte midlar er tilsegn som må betalast tilbake av mottakar. Nokre med bakgrunn i at anlegget vart billigare enn søknaden viste, og nokre med bakgrunn i at anlegget ikkje vart bygd. I årets spelemiddeltildeling frå Kulturdepartementet ser vi ein auke på i overkant av 3 millionar kroner frå 2015. Møre og Romsdal har den 7. høgste tilskotsramma blant fylkeskommunane. Tildelinga til fylka varierer frå 27 112 000 kroner (Finnmark) til 116 409 000 kroner (Akershus). Innkomne søknader Det har kome inn i alt 265 søknader frå 34 av kommunane i Møre og Romsdal, fordelt på 78 nærmiljøanleggssøknader og 187 søknader på ordinære anlegg. Midsund og Aukra har ingen søknader i 2016. Godkjent samla anleggskostnad er 1 538 373 493 kroner. Godkjent total er 283 958 374 kroner. Krav til søknaden Føresegner om tilskot til anlegg for idrett og fysisk aktivitet 2015 publikasjonsnr V-0732 fastset kva krav som er sett for å få ein godkjent søknad. Ein søknad skal ha følgjande vedlegg: Vedlegg 1: Idrettsfunksjonelle førehandsgodkjende planar for anlegget, med behovsoppgåve Vedlegg 2: Detaljert kostnadsoverslag Vedlegg 3: Dokumentasjon av dei ulike delane av finansieringsplanen Vedlegg 4: Plan for drift av anlegget Vedlegg 5: Kopi av stadfesta grunnbokutskrift Reglar for fastsetting av tilskot og tilskotssatsar Hovudregelen for ordinære anlegg er stønad på 1 million kroner. På større og meir kostnadskrevjande anlegg er det mogleg å oppnå større summar. På ordinære nærmiljøanlegg er hovudregelen halvparten av godkjent kostnad inntil 300 000 kroner. I tillegg ligg det òg generelle merknader i tildelingsbrevet frå Kulturdepartementet. Rutinar for saksbehandling og prioritering Fylkeskommunen ser det som ei viktig regional utviklingsoppgåve å gje faglege råd for utvikling av gode anlegg til beste for innbyggarane i fylket. Det blir nytta mykje tid til dialog og rettleiing av kommunar og søkjarar i utviklingsfasen for mange av anlegga. Det er dessutan fylkeskommunens oppgåve å kontrollere/ vurdere, og eventuelt innhente ytterlegare vedlegg frå søkjaren. Fram til 15. mars vurderer administrasjonen om vedlegga er i orden. Det blir innhenta nødvendig tilleggsinformasjon, slik at flest mogleg søknader kan godkjennast. Oversikt over desse vert sendt til Kulturdepartementet innan fristen 15. mars. I denne perioden er det gjennomført samarbeidsmøte med anleggsrådet, som representerer dei ulike idrettane og friluftslivsorganisasjonane. I 2016 var 21 søknader ikkje formelt i orden innan frist for innsending til Kulturdepartementet, 15. mars (vedlegg 3). I årets sakshandsaming er følgjande lagt til grunn for fylkesrådmannen sitt framlegg til fordeling av spelemidlar: Meld. St. 26 (2011-2012) Den norske idrettsmodellen Meld. St. 34 (2012 2013) Folkehelsemeldinga Fylkesplan for Møre og Romsdal 2013-2016
Regional delplan for folkehelse 2014-2017 Handlingsprogram for Kultur 2015 Sak KF-6/13 Handlingsprogram for fysisk aktivitet 2013-2016 Sak KF-12/16 Spelemidlar til anlegg for idrett og friluftsliv 2016 generelle prioriteringar Generelle merknader i oversendingsbrevet frå Kulturdepartementet Kommunal prioritering Prioriteringar frå særidrettskretsane Folketal i den enkelte kommune Tildeling av spelemidlar dei siste fem år Tildeling av spelemidlar dei siste ti år Søknadssum og tal på søknader frå den enkelte kommune Vurdering I sak KF-12/16 Spelemidlar 2015 - generelle prioriteringar - vart følgjande vedtak gjort: 1. Friluftsliv og rehabilitering av idrettsanlegg blir prioritert. 2. Anlegg som utjamnar sosiale skilnader for aktivitet og helse skal prioriterast. 3. Interkommunale anlegg skal prioriterast. 4. Samlokaliserte anlegg blir prioritert. 5. Regionale konkurranseanlegg som dekker framtidige behov skal prioriterast. 6. Fylkeskommunen skal vere merksam på, og eventuelt prioritere, anlegg som treff nye målgrupper. 7. Minimum 10 prosent av tildelte spelemidlar skal gå til nærmiljøanlegg, og alle kommunar som har søknader på nærmiljøanlegg skal få tilskot til sin 1. prioritet. 8. Tilsegn til kostnadskrevjande anlegg fordelast på inntil 3 år. 9. Retningslinjer og satsingsområde lagt i gjeldande fylkesplan og sak KF-6/13, Fysisk aktivitet i Møre og Romsdal 2013-2016, skal følgjast så langt som råd. Denne prioriteringa og føringar i tidlegare nemnte nasjonale og regionale dokument har vært styrande for forslaget til fordeling. For den einskilde kommune har vi prøvd å følgje den kommunale prioriteringa, så sant summen av andre vedtekne føringar ikkje kjem i konflikt med kommunens prioritering. Tal Søknadar Tal godkjente søknadar Godkjent Tilrådd tal søknadar Tilrådd sum tilskot Dekning i prosent Nærmiljøanlegg 77 73 16.926.750 36 7.373.000 43,5% Ordinære anlegg 189 172 264.730.000 64 63.463.000 23,9% Begge anl.kat. 266 245 281.656.750 100 70.836.000 25,1%
Forslag til fordeling av midlar til særskilte anleggskategoriar: Godkjent Tilrådd sum tilskot Dekning i prosent av Fotballanlegg 68.708.000 19.753.000 28,7% Fleirbrukshallar 79.614.000 19.390.000 24,3% Idrettshus 20.018.000 4.333.000 21,6% Skianlegg 12.076.000 2.118.000 17,5% Friidrettsanlegg 4.672.000 1.000.000 21,4% Skyteanlegg 3.308.000 842.000 25,4% Friluftslivsanlegg 10.196.000 6.659.000 65,3% Aktivitetsanlegg 12.301.000 4.367.000 35,5% Aktivitetssal 3.759.000 659.000 17,5% Diverse anlegg 5.127.000 1.100.000 21,4% Hestesportsanlegg 5.037.000 190.000 3,7% Svømmeanlegg 50.452.000 8.293.000 16,4% Golfanlegg 2.000.000 1.000.000 50% Kart 580.000 132.000 22,7% Forslag til prioritering av tilsegn til anlegga går fram av vedlegg 1 og 2.
Forslag til vedtak: 1. Spelemidlane 2016 til Møre og Romsdal, i alt 67 685 000 kroner + 1 645 000 kroner (rente, inndregne og tilbakebetalte midlar) vert tildelt søkjarane som vist i vedlagte prioriteringslister, vedlegg 1 og 2. A Nærmiljøanlegg Tidlegare tilsegn 1 søknad Nye prosjekt 35 søknader Samla sum 36 søknader B Ordinære anlegg Tidlegare tilsegn 19 søknader Nye prosjekt 45 søknader Samla sum 64 søknader 600.000 kroner 6 773 000 kroner 7 373 000 kroner 30 831 000 kroner 32 632 000 kroner 63 463 000 kroner 2. Ikkje godkjente søknader I alt 21 søknader som ikkje er formelt i orden, får avslag med grunngjeving gjeve i vedlegg 3. 3. Fordeling av inndregne, rente- og tilbakebetalte midlar Rentemidlar (998 000 kroner), inndregne midlar (1 645 000 kroner) og tilbakebetalte midlar (508 000 kroner) er ført inn i spelemiddelfordelinga 2016. Endeleg tilsegn vil bli gitt etter eventuell klagehandsaming. Ved imøtekomen klage vil desse bli vurdert på nytt Ottar Brage Guttelvik fylkesrådmann Heidi-Iren Wedlog Olsen fylkeskultursjef Vedlegg 1 Forslag til fordeling ordinære anlegg 2016 2 Forslag til fordeling nærmiljøanlegg 2016 3 Ikkje godkjente søknader med grunngjeving - 2016 4 Tildelingsbrev frå Kulturdepartementet - 2016 5 Fordeling kvart fylke - 2016 6 Statistikk 2016 - basert på forslag til fordeling