Alvorlege hendingar i barnehagar og utdanningsinstitusjonar Rettleiar i beredskapsplanlegging Revidert desember 2015
Rettleiar i beredskapsplanlegging for barnehagar og utdanningsinstitusjonar Rettleiaren er overordna, men har lenkjer til malar, sjekklister, tips og annan informasjon som gir praktiske råd i beredskapsarbeidet. Dette vil òg gi rettleiing i effektiv førebygging. Formål Formålet med rettleiaren er å informere om ansvaret og styrkje kunnskapen og bevisstheita om kva gode og oppdaterte beredskapsplanar har å seie, og leggje til rette for ein robust beredskap. Rettleiaren er eit hjelpemiddel for kommunar, barnehagar, skolar, fagskolar og høgare utdanningsinstitusjonar som treng å forbetre beredskapsplanane sine og syte for at planane omfattar alvorlege hendingar. I rettleiinga er ei alvorleg hending definert som ei tilsikta hending der våpen eller anna form for vald blir brukt, eller det blir truga med å ta dei i bruk. Alvorlege hendingar vil vere ulike for barnehagar og utdanningsinstitusjonar, og institusjonane må derfor sjølve kartleggje egne risikosituasjonar. Rettleiaren skal òg styrkje forståinga for roller og ansvar i det førebyggjande arbeidet for å hindre alvorlege hendingar. Målgrupper Alle leiarar og eigarar i offentlege og private barnehagar, skolar, fagskolar og høgare utdanningsinstitusjonar. Kommunane som ansvarlege for det overordna lokale beredskapsarbeidet. Fylkeskommunane og politiet. I arbeid med planlegging av beredskap er det ikkje krav til leiarane av verksemdene ved folkehøgskolar, fagskolar, private høgskolar og studentsamskipnader. For desse verksemdene må ansvaret til leiarane for verksemdene i denne rettleiaren sjåast på som ei anbefaling. 3
Førebygging Førebygging er tiltak for å redusere sannsynlege grunnar for at uønskte hendingar skal skje, og tiltak som reduserer konsekvensane av dei uønskte hendingane. Barnehagar og utdanningsinstitusjonar har ei rad krav som viser til det ansvaret sektoren har for å førebyggje uønskte hendingar og for å sikre at alle er trygge. Forskrift om miljøretta helsevern i barnehagar og skolar handlar mellom anna om «sikkerhet og helsemessig beredskap»: Verksemda skal planleggjast og drivast slik at skadar og ulykker kan førebyggjast. Verksemda skal ha rutinar og utstyr for å handtere ulykkesog faresituasjonar. Rutinane og sikkerheitsutstyret skal vere kjende for alle, også for barn og elevar. Oppgåva til politiet er å førebyggje og kjempe mot kriminalitet og verne personar, eigedom og all lovleg verksemd. Truslar om eller bruk av skytevåpen mot barn, unge og tilsette i ein barnehage eller utdanningsinstitusjon er alvorleg kriminalitet, og det er derfor ei oppgåve for politiet å førebyggje og kjempe mot slik kriminalitet. Målgruppa barn og unge har førsteprioritet i kriminalitetsførebyggjande arbeid. Tidleg involvering er eit sentralt grunnprinsipp i all førebygging. Det er viktig å finne gode løysingar som kan stanse ein kriminell løpebane på eit tidleg stadium. Relevante etatar i kommunane innan utdanning, helse, barnevern og politi må samordne seg for å finne gode løysingar for kvart barn og kvar ungdom som det kjem inn bekymringsmelding for. 4
Leiarar i alle barnehagar, skolar, fagskolar og høgare utdanningsinstitusjonar har ei viktig rolle i planlegging og koordinering for å førebyggje alvorlege hendingar. Rettleiingar for barnehagar og utdanningsinstitusjonar gir råd i førebyggingsarbeidet. Viktige moment er omsorg og aktsemd overfor personar som er opptekne av vald, terrorisme og drap. Det må setjast inn spesifikke tiltak for barn og unge som har vore utsette for vald, overgrep, og/eller omsorgssvikt i heimen, og barn og unge som blir haldne utanfor og ekskluderte frå den sosiale fellesskapen. Sjå lenkjer til informasjon om førebygging og krisehandtering på nettsidene www.udir.no og www.politiet.no. Alvorsgraden i truslar og vald gir ulike behov for tiltak. Det er viktig at alle truslar, også vage truslar og rykte, tidleg blir tekne på alvor. Tiltak må ikkje pregast av panikk, men institusjonen bør raskt ta kontakt med politiet, som har kunnskap og er rusta til å vurdere trusselsituasjonen. Ved akutt mistanke, funn av mistenkjelege gjenstandar eller truslar om ekstraordinære hendingar som skoleskyting og annan pågåande vald, må politiet varslast med ein gong på telefonnummer 112. Lokalt politi kan ein nå på telefonnummer 02800. Politiet har eit eige rettleiingsprogram om førebygging av alvorlege hendingar. Verksemdene kan ta kontakt med lokalt politi for å avtale møte mellom politiet og leiinga av verksemda for å få hjelp i det førebyggjande arbeidet. 5
Beredskap Beredskapsplanlegging er å vere førebudd på kritiske situasjonar og fremje eit trygt miljø. Beredskapsarbeid er å sikre førebygging, avgrensing og handtering. Kommunen har eit grunnleggjande ansvaret for å sikre tryggleik for befolkninga. Kommunane er det lokale fundamentet i vår nasjonale beredskap, og derfor berebjelkar i det norske beredskapsarbeidet med ei særleg rolle i førebygging, beredskaps- og krisehandtering. Kommunen har plikt til å vurdere risiko og syte for god beredskap. Kommunen skal sjå til at relevante offentlege og private aktørar blir inviterte med i arbeidet med utarbeiding av risiko- og sårbarheitsanalysen. Kommunen må ha planar for og øvingar på handtering av kritiske situasjonar. Reglane om kommunal beredskapsplikt erstattar ikkje, men kompletterer beredskapsplikter som følgjer av andre sektorregelverk i kommunen. Dette gjeld for institusjonar som er geografisk plasserte i kommunen. Eit vesentleg tiltak i kommunal beredskapsplikt er gjennomføring av heilskapleg risiko- og sårbarheitsanalysar (ROS). Ei alvorleg hending, til dømes skoleskyting, brann, gisselsituasjon eller annan pågåande vald, vil definitivt vere ei hending som bør inngå i ein heilskapleg ROS-analyse. Slike hendingar kan få store og alvorlege konsekvensar for kommunen og befolkninga, og det er viktig på førehand å ha førebudd tiltak for å kunne handtere slike hendingar. Med heimel i Sivilbeskyttelsesloven pliktar kommunane å kartleggje kva for uønskte hendingar som kan skje, vurdere om det er sannsynleg at dette kan skje, og korleis det kan påverke kommunen og innbyggja- 6
rane. Kommunen skal derfor syte for ei oppdatert, heilskapleg risikoog sårbarheitsanalyse, overordna beredskapsplanar og øvingar kvart anna år. Det er presisert i rundskriv 1-6/2015 at verksemdene etter forskrift om miljøretta helsevern i barnehagar og skolar mv. skal kartleggje eigne risikosituasjonar ved ein heilskapleg risiko- og sårbarheitsanalyse. Det er vidare krav til at barnehagane og utdanningsinstitusjonane, ved leiar av verksemda, skal vurdere risikoen for alvorlege, tilsikta hendingar, og planleggje beredskap ved verksemda i samsvar med risikobiletet. Øvingar i barnehagane og i grunnskolen må gjennomførast på ein måte som tek vare på behovet til institusjonen for å vere budd på ei alvorleg hending, men utan å verke skremmande for barna og elevane. Det må generelt vere ei alderspassa tilnærming til korleis barnehagebarn, elevar og studentar blir kjende med beredskapen for alvorlege hendingar. Beredskapsplanane skal byggje på fire grunnleggjande prinsipp i planlegginga: Ansvarsprinsippet: Den personen som har eit ansvar i ein normalsituasjon, har også dette ansvaret i tilfelle ekstraordinære hendingar. Likskapsprinsippet: Den organisasjonen som skal handtere ein krise, er mest mogleg lik den daglege organisasjonen. Nærleiksprinsippet: Krisar skal handterast på lågast mogleg nivå. Samvirkeprinsippet: Beredskapsplanane skal lagast i samarbeid med alle relevante etatar i kommunen og lokalt politi. Samanhengen i sikkerheitsarbeidet kan illustrerast slik: 1. Oversikt 2. Førebygging 3. Beredskap 4. Krisehandtering Risiko- og sårbarheitsvurderingar Tiltak for å redusere faren for at uønskte hendingar skal skje Planar, øvingar, tiltak og rutinar for å handtere uønskte hendingar - skadehandtering - mediehandtering - informasjon og støtte til dei berørte - normalisering 7
Ansvar Ansvaret for å førebyggje alvorlege hendingar og syte for god beredskap i barnehagane og alle utdanningsinstitusjonane, er delt mellom kommunen, verksemdsleiinga og nødetatane. Gode løysingar krev høg grad av samhandling i førebyggings- og beredskapsarbeidet. Kommunane skal sikre heilskapleg og systematisk samfunnssikkerheits- og beredskapsarbeid i kommunen. Kommunen skal ta hand om sikkerheit og tryggleik for befolkninga, jf. sivilbeskyttelseslova og forskrift om kommunal beredskapsplikt. Kommunen skal jobbe systematisk og heilskapleg med samfunnssikkerheitsarbeidet på tvers av sektorar i kommunen, med sikte på å redusere risikoen for tap av liv eller skade på helse, miljø og materielle verdiar. Plikta omfattar kommunen som myndigheit innafor sitt geografiske område, som verksemd og som pådrivar overfor andre aktørar, både offentlege og private. Verksemdsleiinga ved barnehagar og utdanningsinstitusjonar pliktar å vurdere risiko og planleggje beredskap. For barnehagar og skolar gjeld forskrift til folkehelselova om miljøretta helsevern i barnehagar og skolar mv. og rundskriv 6/2015 frå Helse og omsorgsdepartementet. Vidare pålegg Kunnskapsdepartementet statlege universitet og høgskolar å arbeide med samfunnssikkerheit og beredskap. Nødetatane har ei plikt til å ha tilstrekkeleg beredskap for å respondere raskt og ta ansvar for å handtere alle former for truslar og hendingar, og til å samarbeide på tvers av sektorar for å førebyggje alvorlege hendingar. Jf. politilova, folkehelselova og brannvernlova. 8
Ansvarsfordeling Verksemdsleiar 1 (styret, styrar/rektor/direktør) skal syte for at alle tilsette er sikkerheitsbevisste, har kunnskap om risikosituasjonar og har fått opplæring i interne sikkerheitsprosedyrar. syte for at verksemda har kompetent personell som tek hand om, følgjer opp og melder frå om det som uroar. etablere rutinar for samarbeid på tvers av fagmiljø og etatar når det gjeld førebyggjande tiltak. kartleggje eigne risikosituasjonar (fysiske og psykososiale tilhøve) der tilsette, barn, elevar og studentar kan eksponerast for fare. gjennomgå og analysere funn frå kartleggingar og vurdere behov for sikkerheitstiltak. utarbeide beredskapsplanar i samarbeid med kommunen og nødetatane, som beskriv korleis leiinga og dei tilsette skal handtere ulike alvorlege hendingar i det omfanget som risiko- og sårbarheitsvurderinga gir grunnlag for. samarbeide med lokalt politi for å styrkje beredskapen og sikkerheita ved den enkelte barnehagen og utdanningsinstitusjonen. gjennomføre regelmessige øvingar av beredskapsplanane med tilsette i si verksemd. Planane skal ein gjennomgå og revidere årleg og elles ved behov. Barnehagebarn, elevar og studentar skal òg vere kjende med korleis dei skal gå fram ved ulike trusselsituasjonar. 1 Det er ikkje krav til folkehøgskolar, fagskolar, private høgskolar og studentsamskipnader. For desse verksemdene må ein sjå på ansvaret til verksemdsleiaren som ei anbefaling. 9
sjå til at rutinar for beredskaps- og sikkerheitsarbeidet inngår i internkontrollsystemet for verksemda (jf. 4 i forskrift om miljøretta helsevern i barnehagar og skolar mv.) syte for at det er utarbeidd ein plan for krisekommunikasjon med pårørande, tilsette og media. Kommunen har det overordna ansvaret for beredskapsarbeidet i kommunen. skal hjelpe barnehagar og utdanningsinstitusjoner i beredskapsarbeidet. skal koordinere og samkjøyre øvingar internt i kommunen og mot nødetatane. skal gjennomføre tilsyn med verksemdene i kommunen (offentlege og private utdanningsinstitusjonar og barnehagar) for å sikre at beredskapsarbeidet er i tråd med forskrift om miljøretta helsevern i skole og barnehagar mv. skal samarbeide med lokalt politi for å styrkje beredskapen og sikkerheita ved den enkelte barnehage, skole og utdanningsinstitusjon. Kommunen skal ved behov be om bistand og råd frå lokalt politi. har fagkompetanse og rutinar for å ta seg av personar som treng hjelp og oppfølging. skal ha eit etablert kriseteam som blir sett i verk ved alvorlege hendingar. Skal ha ein plan for krisekommunikasjon med befolkninga, media og eigne tilsette. 10
Nødetatane Politiet skal respondere raskt og ta ansvar for å handtere truslar og hendingar. verne og sikre personar og objekt. etterforske truslar og hendingar. hjelpe den enkelte institusjon med råd og forslag til korleis beredskapsplanane for akutte situasjonar skal utformast med omsyn til varsling, evakuering, osv. gi råd om førebygging av kriminalitet og tiltak for å førebyggje alvorlege, uønskte hendingar. ha eit førebyggingsprogram om alvorlege hendingar tilpassa barnehagar og utdanningsinstitusjonar. Brannetaten skal respondere raskt ved hendingar. vere kjend med barnehagane og utdanningsinstitusjonane i kommunen, kjenne lokalitetar og kvar dei ligg. gi råd og vere tilgjengeleg ved øvingar. Lokale helsemyndigheter skal respondere raskt på hendingar. vere ein del av støtte- og beredskapsteamet i kommunen. ha kompetent personell og rutinar for å ta hand om sårbare personar. delta i beredskapsplanlegginga i kommunen og i arbeidet med å førebyggje uønskte hendingar. 11
Oppfølging av beredskapsarbeidet Politidirektoratet og Utdanningsdirektoratet har laga denne rettleiinga i fellesskap med det mål å forsterke innsatsen for å førebyggje alvorlege hendingar ved landets barnehagar, skolar og høgare utdanningsinstitusjonar. Det er lagt til grunn at arbeidet ikkje berre skal omhandle beredskapsplanar og krisehandtering dersom farlege og uønskte hendingar skjer, men at det skal lagast heilskaplege planar der beredskap inngår i den førebyggjande innsatsen mot alvorlege hendingar. Direktorata legg til rette for å utvikle samarbeidsrutinar for beredskap mot alvorlege hendingar, og førebyggjande tiltak mellom institusjonane, kommunen og det lokale politiet. Utdanningsdirektoratet følgjer opp utdanningssektoren ved å oppdatere og utvikle rettleiingsmateriellet på heimesidene. 12
Eit eksempel på innhald i ein beredskapsplan Beskriving av aktuelle scenario der planen kan bli brukt. Oversikt over beredskapsleiinga med ansvars- og rolleavklaringar for kriseleiing, krise- og kommunikasjonsstab og koordinering mellom dei. Beskriving av etablering av krisestab, etablering av eventuell beredskapsstad, alternative beredskapsstader og nivå for etablering. Varslingsliste med telefonnummer for beredskapsgruppa og andre viktige aktørar. Beskriving av oppgåvene til kriseleiinga og enkeltmedlemmene. Beskriving av støttefunksjonar, til dømes personal, IKT, sikkerheit, forpleiing, økonomi. Beskriving av rutinar for informasjons- og mediehandtering og rutinar for handtering av berørte. Planen må tilpassast verksemda, bør øvast årleg og haldast ved like fortløpande. Det kan vere fullskalaøvingar eller diskusjonsøvingar. Det må generelt vere ei alderstilpassa tilnærming til korleis barnehagebarn, elevar og studentar skal lære å kjenne beredskapen ved ei alvorleg hending. 13
Vedlegg til beredskapsplanen Tiltakskort, sjekklister, instruksar: Ei samling av mindre beredskapsplanar som beskriv korleis verksemda skal handtere ulike enkeltsituasjonar. Det er tilrådeleg at verksemda beskriv den direkte handteringa, tiltak for dei etterfølgjande dagane og tiltak for meir langsiktig oppfølging. Sjå meir informasjon om beredskapsplanar på www.udir.no Varslingssystem og sikring Vi anbefaler at verksemdene etablerer varslingssystem og eigne sikringsplanar. Behov og omfang vil variere. Relevante dokument Utdanningsdirektoratets rettleiingar for beredskap og krisehandtering: www.udir.no/beredskap Direktoratet for samfunnssikkerhet og beredskap sine beskrivingar av ROS-analysar og beredskapssystem: www.dsb.no Handlingsplanen mot radikalisering og voldelig ekstremisme: https://www.regjeringen.no/no/sub/radikalisering/veileder/ id2398051/ Justis- og beredskapsdepartementets «Instruks for departementenes arbeid med samfunnssikkerhet og beredskap, Justis- og beredskapsdepartementets samordningsrolle, tilsynsfunksjon og sentral krisehåndtering»: http://www.lovdata. no/cgi-wift/ldles?ltdoc=/for/ff-20120615-0535.html 14
Kunnskapsdepartementets «Styringsdokument for arbeidet med samfunnssikkerhet og beredskap i kunnskapssektoren» http://www.regjeringen.no/upload/kd/vedlegg/ StyringsdokumentHele.pdf Rettleiar frå Helsedirektoratet til forskrift om miljøretta helsevern i barnehagar og skolar: http://www.helsedirektoratet.no/ publikasjoner/veileder-til-forskrift-om-miljorettet-helsevern-ibarnehager-og-skoler-mv/sider/default.aspx Miljø og helse i barnehagen (IS-2072): https://helsedirektoratet. no/lists/publikasjoner/attachments/419/miljo-og-helse-ibarnehagen-veileder-til-forskrift-om-milj%c3%b8rettet-helsevern-ibarnehager-og-skoler-is-2072.pdf Miljø og helse i skolen (IS-2073): https://helsedirektoratet.no/ Lists/Publikasjoner/Attachments/418/Miljo-og-helse-i-skolen- Veileder-til-forskrift-om-miljørettet-helsevern-i-barnehager-og-skoler- IS-2073.pdf Rettleiar i terrorsikring, utgitt av Nasjonale sikkerheitsmyndigheiter (NSM), Politidirektoratet (POD) og Politiets sikkerheitsteneste: (PST): https://www.nsm.stat.no/globalassets/dokumenter/ veiledninger/veileder_terrorsikring_2015_enkelts_final.pdf 15
Lovtilvisingar Lov om Politiet 1 annet ledd. Om politiets plikter: www.lovdata.no/all/hl-19950804-053.html#1 2 punkt 2. Om forebyggelse: www.lovdata.no/all/hl-19950804-053.html#2 2 punkt 5. Om å yte andre offentlige myndigheter. 2 punkt 6. Om forebyggende, håndhevende og hjelpende virksomhet. Avvergingsplikt: 139. Straffeloven Lov om kommunal beredskapsplikt, sivile beskyttelsestiltak og Sivilforsvaret 1. Formål: http://www.lovdata.no/all/hl-20100625-045.html#1 14. Om kommunal beredskapsplikt: http://www.lovdata.no/all/hl-20100625-045.html#14 15. Om kommunal beredskapsplan: http://www.lovdata.no/all/hl-20100625-045.html#15 Forskrift om kommunal beredskapsplikt Lov om planlegging og byggesaksbehandling (plan- og bygningsloven) 3-1. Oppgaver og hensyn i planlegging etter loven. Se a), f) og h): http://www.lovdata.no/all/tl-20080627-071-006.html#3-1 16
Lov om grunnskolen og den vidaregåande opplæringa (opplæringslova) 9a-4. Systematisk arbeid for å fremje helse, miljø og tryggleik for elevane (internkontroll): http://www.lovdata.no/all/hl-19980717-061. html#9a-4 Lov om barnehager (barnehageloven) 7. Barnehageeierens ansvar Lov om folkehelsearbeid (folkehelseloven) Kapittel 3. Miljørettet helsevern Forskrift om miljørettet helsevern i barnehager og skoler 4. Ansvar. Internkontroll 14. Sikkerhet og helsemessig beredskap 17
Denne rettleiaren er i hovudsak eit elektronisk dokument og vil, på same måte som støttemateriell, vidareutviklast og reviderast på nettsidene www.udir.no og www.politiet.no. Denne trykte utgåva av rettleiaren kan ikkje bestillast, men lastast ned på www.udir.no/beredskap Desember 2015