Rundskriv LS-66-2002 Dato: 30.09.2002 Statens utdanningskontor Utdanningsetaten i fylkeskommunane SENTRALT GITT SKRIFTLEG EKSAMEN FOR ELEVAR VÅREN 2003 OVERSIKT OVER TILLATNE HJELPEMIDDEL I VIDAREGÅANDE OPPLÆRING OG TEKNISK FAGSKOLE Dette rundskrivet gjeld for elevar i vidaregåande opplæring (grunnkurs, VKI og VKII) studentar i teknisk fagskole./. Vedlegget til dette rundskrivet gir oversikt over tillatne hjelpemiddel og eksamensordningar ved sentralt gitt eksamen våren 2003. Oversikt over hjelpemiddel og eksamensordningar for privatistar og praksiskandidatar vil kome i eige rundskriv. Dette omfattar òg VKII/Bedrift avviksfag. Etter 4-30 og 4-31 i Forskrift til opplæringsloven og Rundskriv F-059/98 Teknisk fagskole lovplassering og gjeldende forskrifter avgjer Utdannings- og forskingsdepartementet korleis sentralt gitt eksamen skal organiserast. Departementet har delegert ansvaret for dette arbeidet til Læringssenteret. Rundskriv LS-43-2002 Sentralt gitt skriftleg eksamen våren 2003 i vidaregåande opplæring fastset eksamensordninga i vidaregåande opplæring våren 2003 for sentralt gitt skriftleg eksamen. Ved lokalt gitt eksamen avgjer fylkeskommunen korleis eksamen skal organiserast, og kva for hjelpemiddel som er tillatne innafor dei rammene Rundskriv SUE/Vg-95-005 Sentrale retningslinjer for lokalt og sentralt gitt eksamen set. Fag med alternative oppgåver, som er ei vidareføring av IKT-forsøka, omfattar: IKT i engelsk, grunnkurs IKT i matematikk, grunnkurs, VKI og VKII IKT i samfunnskunnskap (3SK-A), VKII IKT i norsk, VKII Desse vil bli behandla i eige skriv til skolane.
Side 2 1 Førebuingsdel ved sentralt gitt eksamen Rundskriv LS-43-2002 Sentralt gitt skriftleg eksamen våren 2003 i vidaregåande opplæring gir ein del fag førebuingsdel på ein dag før individuell eksamen for elevar. Dei generelle reglane for gjennomføring av førebuingsdel er fastsette i Rundskriv SUE/Vg-95-005 Sentrale retningslinjer for lokalt og sentralt gitt eksamen. I førebuingsdelen er alle hjelpemiddel tillatne. Elevane kan arbeide i grupper, individuelt eller kombinere individuelt arbeid og gruppearbeid. Elevar som ikkje ønskjer å delta i gruppearbeid, må få høve til å arbeide aleine. Notat frå arbeidet i førebuingsdelen kan takast med til eksamen. Omfanget av notatet er for alle fag med førebuingsdel avgrensa til to A4-sider. Notatarket skal ikkje leverast inn saman med oppgåvesvaret. Dette gjeld òg for friskrivingsdag med førebuingsdel i norsk, norsk som andrespråk for språklege minoritetar og samisk, dvs. kodane VG4000/VG4001-VG400X/Y-VG4120/21 VG4160 VG4100/4101/4102-VG4240/4141/4142 Tida læraren er til stades på førebuingsdagen, blir regulert av lesepliktavtalen og ordinær undervisningsplikt i det tidsrommet som førebuingsdelen skjer. Elevane har ikkje krav på tilgang til lokale på skolen, datamaskinar eller anna utstyr ut over tidsramma for ein ordinær skoledag. Rolla til faglæraren er avgrensa til å vere til stades for å svare på spørsmål. Det skal ikkje undervisast. 2 Eksamen I alle fag er desse hjelpemidla tillatne: alle typar ordbøker læreplan vurderingsrettleiingar Til eksamen i fag som har førebuingsdel, er alt materiell som er utarbeidd av Læringssenteret til førebuingsdelen og notatark (to A4-sider) tillatne hjelpemiddel. Tillatne hjelpemiddel elles til eksamen står spesifisert for kvart fag i vedlegget til dette rundskrivet. 3 Bruk av elevbok i matematikk Prøveordninga med elevbok som tillate hjelpemiddel ved eksamen i matematikkfaga 1MX, 1MY, 1X, 1Y, 2MX og 2MZ blir forlenga eitt år. For desse faga gjeld dei same rammene for
Side 3 elevbok som i førre skoleår. Det vil seie at det for 1MX, 1MY, 1X og 1Y ikkje er ei øvre grense for sidetalet i elevboka. Elevbok for 2MX og 2MZ skal ikkje vere på meir enn 20 A4- sider. Når det elles gjeld informasjon om bruk av elevbok i matematikk, viser vi til Rundskriv LS-49-2001, punkt 4. Våren 2003 kan ein ikkje nytte elevbok ved eksamen i 3MX og 3MZ. Som det vart meldt i rundskriv LS-49-2001, skal prøveordninga med elevbok i matematikk evaluerast hausten 2002. 4 Bruk av elektronisk elevbok i rettslære I rettslærefaga blir det gjennomført ei utprøving med IKT som hjelpemiddel i opplæringa og til eksamen. Utprøvinga blir avslutta våren 2004. Elevane kan lage si eiga elektroniske elevbok. Omfanget på denne boka er avgrensa til ein diskett. Denne elevboka er tillate hjelpemiddel til eksamen. Kvar elev må levere elevboka/disketten til skolen dagen før førebuingsdelen. Eleven får utlevert denne disketten når eksamen startar. I tillegg kan eleven ta med seg to A4-sider med notat frå førebuingsdelen. Som eit ledd i evalueringa av utprøvinga i rettslære skal elevboka/disketten leverast inn saman med oppgåvesvaret til skolen. Skolen må sørgje for at diskettane blir tekne vare på, fordi dei skal brukast i evalueringa av utprøvinga. Læringssenteret vil kome tilbake med meir informasjon om evalueringa av utprøvinga. 5 Bruk av informasjons- og kommunikasjonsteknologi (IKT) og lommereknar ved sentralt gitt eksamen Nokre fag krev bruk av IKT i opplæringa og til eksamen. Omfanget og bruken av IKT og hjelpemiddel i desse faga er lista opp i vedlegget til dette rundskrivet. IKT kan nyttast ved alle sentralt gitte eksamenar. I førebuingsdelen er alt tillate, til eksamen er det avgrensingar når det gjeld visse typar programvare, informasjonsinnhenting og kommunikasjon. Bruk av IKT til eksamen krev at IKT er brukt aktivt i opplæringa, og at heile klassar eller grupper bruker det til eksamen ein slik eksamen er mogeleg å gjennomføre, dvs. at skolane har nok datautstyr og har sikringstiltak som kan setjast inn under eksamen. Skolen har ansvaret for at maskinane og programvarene som eksaminandane skal bruke under eksamen, fungerer slik dei skal eksaminandane ikkje kan kommunisere seg i mellom eller ha tilgang til Internett eller andre kommunikasjonssystem skolen kontrollerer før bruken at lagringsmedia (fastdisk, diskett, CD, zipdrive, lokalt nett, m.v.) berre inneheld tillatne hjelpemiddel (sjå vedlegget)
Side 4 skolen informerer eksaminandane om at eksaminandane sjølve har ansvar for å gi namn til dokumentet sitt (klasse, eksaminandnummer osv) og lagre regelmessig på tildelte lagringsmedium (f eks. kvart 10. minutt) skolen skal etter kvar eksamensdag ta sikringskopi av dei elektroniske oppgåvesvara som eksaminandane har produsert. Sikringskopien skal takast vare på like lenge som oppgåvesvara, dvs. eitt år. Opplysningane i vedlegget til dette rundskrivet seier om oppgåvesvaret skal leverast elektronisk og/eller på papir retningslinene for bruk av lommereknar blir følgde, jf. Informasjon SUE/Vg-98-036 Regler for bruk av lommeregner ved eksamen språkbruk i eksamensoppgaver i matematikk og Rundskriv LS-19-2002 Eksamen våren og høsten 2002 eksamensordningar og hjelpemidler i videregående opplæring og teknisk fagskole under punktet Bruk av lommeregner til sentralt gitt eksamen. Vi viser elles til Rundskriv F-055-99 Bruk av informasjonsteknologi i opplæringa. 6 Teknisk fagskole Det er spesielle reglar om eksamen med informasjonsdel, produksjonsdel og dokumentasjonsdel i teknisk fagskole. Vi viser her til opplysningane under dei enkelte faga i vedlegget. Line for maritime fag og fiskerifag notatark som hjelpemiddel under eksamen Studentar som går opp til dei to sentralt gitte eksamenane innan fordjupingsfaga, for eksempel TF6110 og TF6140 for nautisk line, kan under førebuingsdelen lage inntil 10 sider notat som kan takast med til båe eksamenane. Går studenten berre opp i ein av dei to sentralt gitte eksamenane, kan studenten berre ta med 5 sider med notat til denne eksamenen. 7 Spesielt for dyslektikarar og andre med lese- og skrivevanskar Reglane om hjelpemiddel til eksamen som er gitt i dette skrivet, gjeld i prinsippet òg for dyslektikarar og andre med lese- og skrivevanskar. Dyslektikarar og andre med lese- og skrivevanskar kan i tillegg bruke dei hjelpemidla og/eller programma som er spesielt utvikla for denne målgruppa. Retningslinene for spesiell tilrettelegging av eksamen finst i Rundskriv SUE/Vg-96-008 Retningslinjer for elever og privatister som trenger spesielle tiltak og særskilt tilrettelegging ved eksamen.
Side 5 Eksamen hausten 2003 Til eksamen hausten 2003 vil det bli utarbeidd felles oppgåver for elevar og privatistar. I dei faga der eksamen for elevar har førebuingsdel, vil det også ved hausteksamen bli utarbeidd førebuingsdel for elevar. Rektor må sørgje for at innhaldet i dette skrivet blir gjort kjent for lærarar, elevar og studentar så fort råd er. Rundskrivet er offentleggjort på Skolenettet. Nettadressa er http://skolenettet.ls.no Spørsmål til dette skrivet skal rettast tenesteveg via fylkeskommunen til utdanningskontoret i fylket. Vennleg helsing Jostein Osnes direktør Arild Thorbjørnsen avdelingsdirektør Kopi: Vidaregåande skolar Tekniske fagskolar