Sogndal kommune Møteinnkalling Utval: FORMANNSKAPET Møtestad: Formannskapssalen Møtedato: 04.06.2009 Tid: 09:00 Eventuelt forfall skal meldast til telefon 57 62 96 00 - Varamedlemmar møter etter nærare avtale. Sakliste Saksnr. Arkivsaksnr. Tittel 29/09 09/47 Formannskapet 4.juni 2009 - Opning - orienteringar og drøftingar 30/09 09/698 Kommunale miljø- og næringsmidlar 2009. 31/09 09/931 Søknad om støtte til Lærdal skeiseanlegg 32/09 09/1596 Tv-aksjonen 2009 - CARE 33/09 09/1620 Parkeringsordninga i Sogndal sentrum - Oppnemning av sakskomite 34/09 09/1226 Tertialrapport 01/2009 Sakene er offentleg utlagde i Tenestetorget, Sogndal bibliotek og busenteret i Fjærland. Informasjon på vår heimeside: www.sogndal.kommune.no Sogndal, 29.05.2009. Jarle Aarvoll -ordførar- Gerd Kleiven formannskapssekretær
Sogndal kommune Sak 29/09 Formannskapet Saksh.: Gerd Kleiven Arkiv: 033 Arkivsak: 09/47 Saksnr.: Utval Møtedato 23/09 Formannskapet 14.05.2009 29/09 Formannskapet 04.06.2009 Sak 29/09 Formannskapet 4.juni 2009 - Opning - orienteringar og drøftingar Pkt. 1. OPNING: A. Konstituering av møtet: Møtet lovleg sett med følgjande til stades: Ordførar Jarle Aarvoll, varaordførar Heidi-Kathrin Osland, Klaus Endre Timberlid, Kjetil Ertesvåg, Astrid Hove, Rita Navarsete, Karen Marie Hjelmeseter, Christen Knagenhjelm, Eline Orheim møter for Helge Torstad. Frå administrasjonen møter rådmann Jostein Aanestad. Innkalling og sakliste Godkjenning. Møteleiar: Ordførar Jarle Aarvoll. Ope møte. B. Protokoll frå møtet 14.05.2009 - godkjenning. Pkt. 2 ORIENTERINGAR OG DRØFTINGAR A. Orientering frå ordførar: 1. Kyrkjevalet. 2. Diverse generalforsamlingar. a. Møtebok frå generalforsamling i Sogneprodukter AS 28.april 2009. (Jp: 09/720). b. Ref. frå generalforsamling i Reisemål Sogndal og Luster AS den 11.mai. c. Fatlatunnelen AS Referat frå styremøte og referat frå generalforsamling 18.5.2009. (Jp:09/1428). 3. KS kommunekonferansen 26. og 27.mai 2009. 4. Bønerom 5. Helsekonferanse, Bergen 2. juni 2009. 6. Kommunestyre 11. juni 2009. 7. Klimanettverket Samsø 8. 10. juni 2009. 8. Sør Afrika-besøk. B. Orientering frå utval: 1. Sogn Regionråd: Innkalling og sakliste til møte den 12.06.2009. 2. Rådet for funksjonshemma: Referat frå møte 08.05.2009. C. Innspel frå medlemane. D. Orientering frå rådmann: 1. Varmenett Fosshaugane Campus. 2. Sentrumsparken. 3. Bomstasjon Fjærland. E. Drøftingar: Pkt. 3 SKRIV OG MELDINGAR Side 2 av 12
Sak 29/09 1. Årets barne- og ungdomskommune 2009 Invitasjon til nominering. Frist 1. september. (Jp.: 09/1403) 2. Midlar på fond Kvileplassen. Brev datert 09.05.2009 frå Chr.Leigh`s Legat v/else Kristine Husabø. (Jp.: 09/1599) 3. Hjorteprosjekt på Kaupanger Manhellervegen. Brev datert 11.05.2009 frå Statens vegvesen Region Vest. (Jp.: 09/973). 4. Søknad om driftsstøtte for 2009. Brev datert 13. mai 2009 frå Kirkens SOS (Jp.: 0971558). 5. Røysterett for 16-åringar prøveordning. Brev datert 13.mai 2009 frå Landsrådet for Norges barne- og ungdomsorganisasjoner (LNU). (Jp.:09/1227). 6. Kr. 100.000,- til Norges mest demokratiske kommune. E-post m/vedlegg motteke 28.05.2009 frå prosjektleder Lise Marie Mørkved. 7. Referat frå styremøte 6. mai 2009 i Frivilligsentralen. (Jp.:09/1639) Vedlegg: Punkta 2.A.2, 2.B og 3. Sogndal, 29.05.2009 Gerd Kleiven -F.sekr.- Side 3 av 12
Sogndal kommune Sak 30/09 Formannskapet Saksh.: Eva Nilsen Huke Arkiv: 243 Arkivsak: 09/698 Saksnr.: Utval Møtedato 30/09 Formannskapet 04.06.2009 Sak 30/09 Kommunale miljø- og næringsmidlar 2009. Tilråding: Med heimel i forskrift om spesielle miljøtiltak i jordbruket og forskrift om tilskot til nærings- og miljøtiltak i skogbruket skal tildelt beløp disponerast på følgjande måte, jf. Vedlegg 1,: Fordeling av tilskot mellom tiltaksgruppe: Smil midlar til fordeling kr. 348.058,- Tilskot til nærings- og miljøtiltak i skog kr. 57.000,- Attståande rest kr. 31.552,- Vedlegg: 1. Notat om Smil og Nmsk søknader og framlegg til løyvingar. Uprenta vedlegg: 1. Brev frå Fylkesmannen i Sogn og Fjordane om disposisjonsråme for 2009, dagsett 24.02.2009 2. Søknader om tilskot 3. Forskrift om tilskot til spesielle miljøtiltak i jordbruket. 4. Forskrift om tilskot til nærings og miljøtiltak i skogbruket. 5. Strategiplan for bruk av Smil og Nmsk midlar i Sogndal 2009 2011. Saksutgreiing: Kommunen har til disposisjon Smil/ Nmsk midlar i 2009 på kr. 474.000. Råma for NMSK ( Tilskot til nærings- og miljøtiltak i skogbruket ) er kr. 46.000,- og råma for SMIL ( Tilskot til spesielle miljøtiltak i jordbruket) er kr. 390.000,-. I tillegg ubrukt disposisjonsråme frå 2008 kr. 38.000,-. Av dette er det i byrjinga. av 2009 nytta kr. 37.390,- til tidlegare godkjende skogtiltak. Faktisk disponible midlar i 2009 er soleis kr.436.610,-. Desse midlane kan nyttast til Spesielle miljøtiltak i jordbruket ( SMIL) og Nærings- og miljøtiltak i skogbruket ( NMSK). Andre tiltak i skogbruket (m.a vegbygging) vert handsama av Fylkesmannen. Kommunen har motteke 18 søknader om Smil midlar og 2 søknader om NMSK- midlar. Regelverket: Det er ikkje endringar på forskriftene frå 2008, men det har vore ein gjennomgang av kommunal strategi for bruk av midlane i samband med Landbruksplan for Sogndal 2009 2012. Føremålet med tilskot til spesielle miljøtiltak i jordbruket er å fremje natur og kulturminneverdiane i kulturlandskap og redusere ureining frå jordbruket, utover det som kan ventast gjennom vanleg jordbruksdrift. Føremålet med tilskot til nærings- og miljøtiltak er at det ut frå lokale prioriteringar vert stimulert til auka verdiskaping i skogbruket samstundes som miljøverdiar knytt til biologisk mangfald, landskap, friluftsliv og kulturminner i skogen vert tekne vare på og vidareutvikla. Dette omfattar og tilskot til skjøtsel av skog i kantsoner og i samanheng med kulturminner. Side 4 av 12
Sak 30/09 Tiltaksstrategien vart vedteken i kommunestyret i byrjinga av 2009. Kommunen prioriterer følgjande tiltak: - skjøtsel av kulturlandskap med tiltak knytt til opning og stell av landskap. Dette serleg i områder av kommunen som er viktige for ålmenta og områder som er kartlagt som viktige naturtypar i biologisk mangfald. Tilskot inntil 70% av godkjent kalkyle. - Rydding av skog/kratt som hindrar utsyn frå vegar. Tilskot inntil 70% av godkjent kalkyle. - Tilrettelegging av tilkomst til areal med fri ferdsel, m.a. parkeringsplassar og stiar knytt til friluftsområder. Tilskot inntil 70% av godkjent kalkyle. - Restaurering av bygningar og andre kulturminne av spesiell verdi. Inntil 30% av godkjent kalkyle. Tilskot som vil gje mindre enn kr. 3000,- i tilskot skal ikkje utløyse løyving. Kommunen ynskjer å prioritere fellestiltak. Når same søkar har fleire likeverdige tiltak vert det ikkje nytta avkorting på einkeltsøknad. Satsen for tilskot til gjerde er auka til kr. 50,- pr. meter. Vurdering: I vurderinga av Smil søknadene er det lagt vekt på føremålet med ordninga og strategien. Alle innkomne søknader er også vurdert. Søknader som ikkje fell naturleg inn under strategien, men som likevel er vurdert til å vera gode tiltak er vurdert. Dette er kommentert under det einskilde tiltaket. Ved vurderinga av det einskilde tiltaket er det lagt vekt på: - fellestiltak - tiltak som får verknad for kulturlandskapet i prioriterte område - verknaden tiltaket kan ha for ålmenta - verknaden tiltaket kan ha for andre næringar, t.d. reiseliv - historisk verdi I strategien er det fastsett tak for tilskotsprosent. Det er ein del variasjon i dei føresetnadene som kvar einskild har lagt til grunn for sin kalkyle. I nokre søknader er godkjent tilskotsgrunnlag endra ifrå søkaren sitt kostnadsoverslag. Det er gjort ei skjønsmessig vurdering der vi har lagt vekt på at tiltaka skal handsamast likt. Vi tilrår i hovudsak 55% tilskot til kulturlandskapstiltak, men i serlege høve, som Amlabukti Grendalag tilrår vi 65% tilskot og 70% tilskot til parkeringsplass i Gunvordalen. Denne søknaden, og søknaden om tynning av skog i Gunnvordalen for tilrettelegging for skikøyring vil rådmannen vurdere noko nærare fram til møtet i formannskapet. For bygningar i eit heilskapleg miljø og i verna område, har vi tilrådd 20% tilskot. Under den delen av NMSK ordninga som framleis ligg under kommunen kan det gjevast tilskot til skogkultur, tynning, miljøtiltak og andre tiltak. Tilskot til skogsvegar og til framdrift av tømmer med taubane og hest ligg no til Fylkesmannen. Vi har motteke to søknader om tilskot til skogtiltak. For tiltak til fristilling, rydding og planting har vi tilrådd 50% tilskot og til tynning har vi tilrådd kr 20,- pr. m3 tømmer. Ein delsøknad omhandlar prinsipielle sider ved å avstå frå hogst i samband med ivaretaking av biologisk mangfald. Saka er utsett inntil vidare p.g.a. trong for nærare utgreiing av saka. Sogndal mai 2009 Jostein Aanestad Rådmann Einar Nedrelo tenesteleiar Side 5 av 12
Sogndal kommune Sak 31/09 Formannskapet Saksh.: Jostein Aanestad Arkiv: 145 Arkivsak: 09/931 Saksnr.: Utval Møtedato 31/09 Formannskapet 04.06.2009 Sak 31/09 Søknad om støtte til Lærdal skeiseanlegg Tilråding: Sogndal kommune stillar seg postiv til planane om etablering av Lærdal Skeiseanlegg. Kommunen kan av økonomiske grunnar ikkje bidra med tilskot til skeiseanlegget. Vedlegg: Brev frå Lærdal kommune dagsett 18.03.2009 m. vedlegg Saksutgreiing: Lærdal kommune og Lærdal Idrettslag planlegg eit kunstfrose skeiseanlegg i Lærdal. Anlegget vert eit multianlegg for fleire typar skeise- og isaktivitetar, inkl. hurtigløp, kunstløp, ishockey m.m. Samla kostnad for anlegget er rekna til 17,5 mill. kroner. Lærdal kommune inviterer kommunane Aurland, Leikanger, Luster, Sogndal og Årdal å delta i realiseringa av skeiseanlegget. Kommunane vert beden om samla stønad på 1,75 mill. kroner. Sogndal kommune sin del utgjer kr. 250 000. Leikanger kommune har gjort vedtak om ikkje støtte anlegget med 250 000 kroner. Som del av finansieringa vil Lærdal kommune søkje om spelmidlar til anlegg for idrett og fysisk aktivitet. Støttar kommunane planane og vedtek sine bidreg vil Lærdal kommune bed Sogn og Fjordane fylkeskommune definere anlegget som eit regionanlegg. Lærdal kommune får då auka stønadssummen frå spelemidlane med 20%. Ordninga med 20% auke ut over ei normal-tildeling til regionanlegg vert gjort greie for i Kulturdepartementet sine føresegner om tilskot til anlegg for idrett og fysisk aktivitet. Kvar deltakande kommune må skyte til minst 5% av godkjent kostnad og binde seg for ein driftsavtale på minst 20 år. Lærdal kommune opplyser i invitasjonen til kommunane om at Lærdal kommune vil til gjengjeld vere budd på å stø prosjekt på tilsvarande vilkår i nabokommunane. Om anlegget vert realisert vil regionen få eit spennande og flott fritidstilbod frå oktober til april. Også folk frå Sogndal kan gjere seg nytte av. Det er ikkje sett av mildar til å gje støtte til Lærdal kommune i økonomiplanen, og det må ev. gjerast omdisponeringar frå andre prosjekt dersom det skal gjevast slik støtte i 2009. Når det vert ønskja regionstatus for eit slikt anlegg burde det ikkje berre drøftast i fylkeskommunen sett i høve til spelemidlar, men også i region sett i høve til utvikling av idrettsanlegg. Ein teneleg møte å gjere det på vil vera å tidsmessig samordne revideringa av kommunane sine idrettsplanar. Det kunne bidra til å utvikle ein regional anleggsstruktur. Side 6 av 12
Sak 31/09 Sogndal, 27. mai 2009 Jostein Aanestad rådmann Side 7 av 12
Sogndal kommune Sak 32/09 Formannskapet Saksh.: Jorunn Liheim Arkiv: X03 Arkivsak: 09/1596 Saksnr.: Utval Møtedato 32/09 Formannskapet 04.06.2009 Sak 32/09 Tv-aksjonen 2009 - CARE Tilråding: 1. Kommunekomitèen for TV-aksjonen 2009 i Sogndal vert leia av ordførar. Varaordførar vert nestleiar. Komitèsekretær: Jorunn Liheim 2. Ordførar får fullmakt til å supplere komitèen med fleire personar. Vedlegg: Brev datert 18.05.2009 frå fylkeskomiteen v/aksjonsleiar Kristin Sandal. Saksutgreiing: Som det går fram av brevet er det bistandorganisasjonen CARE som i år har fått tildelt TVaksjonen. Organisasjonen er ein av verdast største bistandsorganisasjon og vert leia i Noreg av generalsekretær Marte Gerhardsen. TV-aksjonen har fått tilltellen Hjelp til kvinner hjelper flere. TV-aksjonen CARE skal finasiere mikrofinansprosjekt for kvinner i tre verdsdelar i Bangladesh, Burundi, Burma, Mali, Niger, Rwanda, Sri Lanka, Tanzania, Uganda og Vest-Balkan. Deira metode er spare- og lånegrupper der 15 30 kvinner går saman i grupper og sparer små beløp av eigne pengar kvar veke un der rettleiing av ein CARE medarbeidar. Spare- og lånegrupper skapar ein tryggare økonomisk plattform for kvinnene og deira familiar. Organisasjonen har ingen representantar i vår kommune som kan vere med i kommunekomitèen. Nærare informasjon vert gjeve etterkvart som aksjonsdagen, den 18. oktober, nærmar seg. Som tidlegare år må vi aktivisere mange personar til å vere bøsseberarar. Arbeidet i forkant kan til tider vera utfordrande, difor kan det vere nyttig å velje fleire personar som komitèmedlemar i tillegg til ordførar, varaordførar og sekretær. Sogndal 28.05.2009 Jarle Aarvoll - ordførar- Side 8 av 12
Sogndal kommune Sak 33/09 Formannskapet Saksh.: Jarle Aarvoll Arkiv: Q50 Arkivsak: 09/1620 Saksnr.: Utval Møtedato 33/09 Formannskapet 04.06.2009 Sak 33/09 Parkeringsordninga i Sogndal sentrum - Oppnemning av sakskomite Tilråding: Det vert oppretta ein sakskomite om parkeringsordninga for Sogndal sentrum med følgjande samansetting: Saksordførar er: Mandat for sakkomiteen er å kome med framlegg til korleis kommunen best skal arbeide vidare med kommuneplanen og klimaplanen si målsetting om at alle ålment tilgjengelege parkeringsplassar i Sogndal sentrum skal inngå i den avgiftsbaserte parkeringsordninga. Komiteen skal levere si innstilling innan 1. februar 2010. Saksutgreiing: I arealdelen av kommuneplanen heiter det at Vekstområde i planperioden for tettstaden Sogndal skal liggja innafor område Nestangen Hagelinneset Kvåle. Innafor dette området vert det lagd opp til ein mest mogleg samanhengane utbygging og fortetting i allereie utbygde område. Areala innafor dette området kan nyttast til utbyggingsføremål med tilstrekkeleg innslag av grøntstruktur/friområde. Det vert lagd til rette for effektiv infrastruktur med veg, vatn og avlaup. Innafor dette området er det ønskjeleg at offentlege og private parkeringsplassar tilrettelagd for allemen bruk inngår i ordninga med avgiftsparking. Dette vert gjenteke i den nyleg vedteken klimaplanen, der det heiter i punkt 2.1.2 i handlingsplanen at kommunen skal arbeide for at alle ålment tilgjengelege parkeringsplassar i Sogndal sentrum inngår i den avgiftsbaserte parkeringsordninga. I økonomiplanen heiter det at parkeringsordningar kan vera eit aktuelt tema for sakskomitearbeid i 2009. Kommunen har hatt ei velfungerande avgiftsbasert parkeringsordninga for offentlege parkeringsplassar i Sogndal sentrum i over 10 år. I tillegg har det vore inngått avtalar med eigarar av private parkeringsanlegg om innføring av avgiftsbasert parkeringsordning på deira plassar, m.a. avtale med Sogningen Storsenter. Det er nyleg vedteke at kommunen vil inngå avtale med partane på Fosshaugane Campus om utviding av ordninga også til dette området. Store delar av parkeringsplassane innafor Sogndal sentrum vil med det vera omfatta av den felles parkeringsordninga. Parkeringsordninga har ført til at parkeringsplassane vert effektivt utnytta, ved at ulike betalingssatsar stimulerer til sirkulasjon på parkeringsplassar i nærleiken av butikkar, slik at kundane finn ledige parkeringsplassar i samband med handling. Ordninga har bidrege til eit finansielt grunnlag for bygging av parkeringsanlegg over og under bakken, noko som igjen bidreg til ein effektiv arealbruk og rom for offentlege rom og parkanlegg over bakken. Ikkje minst har ordninga gitt eit økonomisk overstor for sentrumsutvikling, m.a bygging av Side 9 av 12
Sak 33/09 sentrumsparken, utbetring av Fjøravegen og bygging av Leitevegen. Parkeringsordninga har såleis vore eit særs viktig verkemiddel i sentrumsutviklinga. Kommunen har gjort avtale med Sjølyst Utvikling AS om at parkeringsplassane om inngår i deira utbyggingsplanar skal inngå i den felles parkeringsordninga i sentrum, men at det er opna for inntil 2 timar gratis parkering. Det er trong for å vurdere tiltak som stabiliserer og styrkjar den avgiftsbaserte parkeringsordninga i sentrum og kva tiltak som bør setjast i verk for å nå målsettinga i kommuneplanen og i klimaplanen i høve til parkerings. Det vert tilrådd at formannskapet set ned ein sakskomite som kan kome med framlegg til slike tiltak. Komiteen kan også vurdere om inntektene frå ordninga bør nyttast til andre føremål, m.a. løyvingar til drift av park/grøntområde i sentrum. Sogndal 27. mai 2009 Jarle Aarvoll ordførar Side 10 av 12
Sogndal kommune Sak 34/09 Formannskapet Saksh.: Jarle Selseng Arkiv: Arkivsak: 09/1226 Saksnr.: Utval Møtedato 34/09 Formannskapet 04.06.2009 / Kommunestyret Sak 34/09 Tertialrapport 01/2009 Tilråding: 1. Sogndal kommunestyre godkjenner den framlagde tertialrapporten. 2. Sogndal kommunestyre vedtek slike budsjettendringar: Auka utgifter til norskopplæringa med kr. 1 169 256 vert finansiert med auka øyremerka midlar frå statstilskot med kr. 1 169 265. Redusert utbytte frå Sognekraft kr. 900 000 finansiert ved bruk av netto reduserte reteutgifter. Gatelys i Norane-Ølheim kr. 170.000 finansiert slik: kr. 56 667 frå kommunale trafikktryggleikmidlar, kr. 21 503 fond statstilskot Leirviki og kr. 91830 frå fond tomtesal. Investering i naudsynt tilkopling av Barsens vassverk med kroner kr. 1.600.000 finansiert slik: kr.1 360 000 låneopptak kr. 240 000 ved tilkytingsavg. nye abonnentar på Barsnes. Auke investeringsramme for VA-anlegg med kr. 500 000 finansiert med låneopptak: kr. 500 000.-. Rådmannen får fullmakt til auka låneopptak med 500 000 kroner. Til finansiering av Va prosjekt Åbergevegen vert det gjort følgjande omdisponeringar ubrukte lånemidlar VA anlegg FV211 kr. 1.100.000 og kr. 400.000 frå ubrukte lånemidlar VA anlegg Ulvahaugen. Vedlegg: Tertialrapport 1-09 i eige hefte. Saksutgreiing: I vedlagt tertialrapport vert status i forhold til dei 10 høgste prioriterte tiltaka i 2009, hovudtal økonomi og økonomiske avvik på kvar teneste- og støtteeining omtala. Omtalen av dei 10 høgste prioriterte tiltaka viser at desse i det alt vesentlege vert gjennomført i samsvar med planen. Dei økonomiske hovudtala viser at skatt, inntekts- og rammeoverføring, lønn/pensjon, statstilskot og renter samla gjev ei prognose for 2009 med netto meirforbruk på 3,3 mill kroner mot 5,7 mill. for 1 tertial 2008 dette er ein reduksjon på 2,4 mill. kroner. Det er knytt uvisse til pensjonsutgifter ettersom det ikkje vert rekna endelege tal med grunnlag i løns- og trygdeoppgjøret før i september. For utrekning av skatt og rammetilskot er det nytta KS sin prognosemodell etter revidert nasjonalbudsjett. Side 11 av 12
Sak 34/09 Når det gjeld budsjettendring overtaking av Barsenes vassverk så er det vedteke at dette skal overtakast av kommunen. Auka investeringsramme VA anlegg kr. 500.000 er gjort for å få samsvar mellom tiltaksplan for vassforsyning og tiltak VA anlegg avsett i økonomiplanen for 2009. Det er i økonomiplanen avsett kr. 500.000 mindre enn det vassforsyningsplanen viser. Med bakgrunn i årsresultatet for 2008 er det serleg trong for å gå gjennom budsjetteringa innafor tenesteområde barnehage og innafor pleie og omsorg. Drifta syner eit forventa meirforbruk på 6,5 mill. kroner. Det er svært stor uvisse knytt til tala for barnehage og for pleie og omsorg. Rådmannen vil fram til 2. tertial gå grunndig gjennom budsjetteringa på desse einingane, og kome tilbake til ev. budsjettendringar. Jostein Aanestad rådmann Side 12 av 12