Servicetorget ÅRSMELDING UNGDOMMEN SITT KOMMUNESTYRE I LUSTER SKULEÅRET 2008/2009. Leiar: Cathrine Brendstuen Nestleiar: Stine Sandvik Medlemmer Luster ungdomsskule: Tord Bukve, Sandvikvn. 78, 6868 Gaupne (1) Julia Morenda Rosenlund, postb. 78, 6866 Gaupne (1) Hallvard Sørheim Evjestad, Heggelia 3, 6868 Gaupne (1) Hafslo barne- og ungdomsskule: Henrik Kjos Kvam, 6869 Hafslo (1) Kristian Hansen Lomheim, Buene, 6869 Hafslo (1) Luster vidaregåande skule: Renate Melås, 6872 Luster (2) Mariell Kleive, Nistevegen, 6869 Hafslo (2) Sogndal vidaregåande skule: Cathrine Brendstuen, Sandvikvn. 34, 6868 Gaupne (1) Daniel Fossheim, Røslebakkane 51, 6868 Gaupne (1) 4-H: Hermund Prestegård, Gardavegen, 6868 Gaupne (2) Idrettslaga: Dag Rune Sjøli, Røslebakkane 56, 6868 Gaupne (1) Politisk representant: Stine Sandvik, Tvingeborgneset 9, 6868 Gaupne (2) Varamedlemmer Espen Sleppen Josvanger, 6873 Marifjøra Martin Oma, 6868 Gaupne Thea Øvregard Røhme, Sandvikvn. 55, 6868 Gaupne Torkjell Einarson Venjum, Bakkingavegen 17, 6869 Hafslo Marianne Bakken, Galden 22, 6869 Hafslo Marte Bergum Hansen, Mollandsmarka, 6869 Hafslo Linn Tove Berdal, Beimshaugen, 6869 Hafslo Anja Sandvik, Sandvikvn 23, 6868 Gaupne Aina Elise Bolstad Stokkenes, 6876 Skjolden ARBEIDSUTVAL 2008/2009: Cathrine Brendstuen Stine Sandvik Daniel Fossheim Varamedl.: 1. Mariell Kleive 2. Kristian Hansen Lomheim
2. Ungdommen sitt kommunestyre i Luster skal ha saker som vedkjem ungdommen til uttale før saka vert teken opp til avgjerd i kommunale utval. Ungdommen sitt kommunestyre kan ta opp saker som dei meiner er viktige for ungdommen i Luster kommune. Barneombod i kommunen Jorunn Ødegård har møte- og talerett i møta. Ungdommen sitt kommunestyre (UK) har i skuleåret 2008-2009 hatt 3 møte, og handsama 31 saker. Arbeidsutvalet i Ungdommen sitt kommunestyre (AU) har i skuleåret hatt 7 møte, og har handsama til saman 44 saker. Dessutan har AU for skuleåret 2007-2008 hatt 1 møte, før nytt UK for skuleåret 2008-2009 vart vald, og handsama 7 saker. Barne- og ungdomskontakt Ken Eivind Thompson og Erling Bjørnetun har delteke i møta (ved behov), og vore tilgjengeleg for støtte og arbeid med sakene mellom møta i Ungdommen sitt kommunestyre. Sekretær gjennom skuleåret har vore Liv Helen Nystuen. På møtet den 27. november drøfta Ungdommen sitt kommunestyre kva arrangement/tiltak dei ville arbeide med i skuleåret, og kom fram til fylgjande aktivitetsplan: Nattcup/bandstand i idrettshallen Ungdommens kulturmønstring Delta på regional nettverkssamling og Fylkesting for ungdom Opplæring av medlemane og varamedlemane Kulturutveksling Blås grønt natt til 17. mai Lokale transporttilbod for ungdom Vera repr. i styret for ME`N`U Vera repr. i Folkehelserådet Ungdommen sitt kommunestyre har fått fylgjande saker til uttale/ - fått orientering: Framlegg til revidert arealdel i kommuneplanen, - 2. gongs offentleg ettersyn. Næringsfond for ungdom. Budsjett 2009, økonomiplan 2009-2012, planleggingsprogram 2009-2012. Melding om oppstart av arbeid med kommunedelplan energi, klima og ureining for Luster kommune. Luster bad, - presentasjon av skisseprosjekt. Plan for folkehelse 2009 2013. Kommunal plan for lokale kulturhus 2010 2021.
3. Ungdommen sitt kommunestyre har gitt uttale til fylgjande saker: Budsjett 2009, økonomiplan 2009-2012, planleggingsprogram 2009-2012. UK hadde saka føre på møte den 27. november 2008 og gav fylgjande uttale: Ungdommen sitt kommunestyre vedtek fylgjande uttale til budsjett 2009: 1) UK i Luster har medverka til å vidareføre avtalen med venskapskommunen Wisconsin i USA. Ungdom i Luster er oppteken av eit auka internasjonalt samarbeid som igjen vil gje positive ringverknader for kommunen. Kulturutvekslinga med ungdom i alderen 14 18 år har til no vore svært vellukka. UK i Luster viser til tidlegare uttale og meiner fortsatt at kulturutveksling på nytt må førast opp som eigen post i budsjettet, og vil føreslå at summen vert kr.25.000. 2) Tilskot til fritidsleiing har over lengre tid vore uendra. Med eit maksimalt tilskot på kr. 50.000 pr. fritidsklubb pr. år, vil behovet for 2009 vera 150.000. Pr. i dag er det tre fritidsklubbar i kommunen, på Hafslo, Gaupne og Jostedal. UK i Luster viser til tidlegare uttale, og vil føreslå at tilskotssummen vert auka til kr. 150.000. 3) Helsetenester 233 Folkehelse UK i Luster viser til tidlegare innspel der UK er positive til vedtaket om å utvikle Folkehelseprosjektet til å engasjera særleg uorganisert ungdom med tanke på å etablering av ein stad å vere i Gaupne. For at ungdomane sjølve skal kunne meine noko om kva dei vil ha av tilbod, og om det trengst, meiner UK at det bør bli gjennomført ei spørjeundersøking. Spørjeundersøkinga bør gå til all ungdom i Luster i aldersgruppa frå 7. klasse t.o.m. 17 år. Kommunal plan for lokale kulturhus 2010 2021. UK hadde saka føre på møte den 10. juni 2009 og gav fylgjande uttale i fire punkt: 1. Det er viktig å etablere attraktive møteplassar for ungdom mellom 17 og 25 år i Luster kommune. For mange ungdomar i Luster kommune vil alternativet vera Sogndal, noko som på sikt vil svekka dei ev. lokale møteplassane i Luster kommune. 2. Aktiviteten i dei lokale, private kulturhusa må vera grunnen til at anlegga er der dei er. For å oppnå offentleg støtte må difor huseigarane bli betre til å utvikle eigne aktivitetstilbod og ev. samarbeide med andre om felles aktivitetstilbod. 3. Eit nytt anlegg i Gaupne er nødvendig for å dekke behovet for varierte aktivitetstilbod i kommunen og i kommunesenteret. Samlokalisering med anlegget i Parken vil vera ei praktisk og god løysing for å skape eit breidast mogeleg aktivitetstilbod. 4. Dugnadsinnsats vil vera ein viktig faktor for å sikre framtidig drift og vedlikehald.
Saker Ungdommen sitt kommunestyre har teke opp/arbeidd med: 4. Næringsfond for ungdom. Luster kommune fekk for 2008 tildelt kr. 77.000 som skal nyttast til Næringsfond for ungdom. Midlane er løyvd av Fylkestinget og er eit bidrag for å hjelpe unge til å starte eiga næringsverksemd. Vilkåret for tildelinga er at kommunen skal nytte midlane til ungdomsretta næringstiltak. Næringsutvalet i Luster har gitt UK fullmakt til å vedta korleis midlane skal nyttast og fordelast. Fordelinga må vera i tråd med kravet frå fylkeskommunen om at midlane skal nyttast til ungdomsretta tiltak. På møte den 27. november sak 34/08 vedtok UK fylgjande retningsliner for Næringsfond for ungdom 2008: - Aldersgrense for tildeling frå fondet er 13 25 år (i enkelte tilfeller opp til 30 år dersom tiltaket i hovudsak er retta mot ungdom) - Søkjar kan få dekka inntil 50% av kapitalbehovet, i spesielle høve inntil 75%. - Det er høve til å søkje om midlar til bedriftsetablering i tillegg til elev- og ungdomsbedrifter. - Kreative og skapande idear som let seg utføre vert prioritert. - Innovative kulturprosjekt der ungdom er med som arrangør kan søkje om underskotsgaranti. Ein slik garanti skal ha ei øvre grense etter risiko og størrelse på arrangementet. Dekking av underskot kan ein unntaksviks søkje om i etterkant. Kulturarrangement som går med overskot skal ikkje motta støtte. - Søknad må sendast før tiltaket ein søkjer om tilskot til vert gjennomført. - Vanleg aktivitets- og driftskostnader innan lag og organisasjonar fell ikkje under denne ordninga. - Ein kan ikkje søkje om pengar til personleg utstyr og løn. - Tiltak som mottek støtte må vere utført av ungdom i Luster eller vera retta mot innbyggjarar/ungdomar i Luster. - Næringsfond for ungdom skal vera med å skape næring, kultur, busetjing og livskvalitet for ungdom i Luster kommune. - Søknadsfristen for 2008 er sett til 31. desember. - Søknad må innehalde: Informasjon om søkaren Ei enkel omtale av prosjektet/ideen Målgruppe for tiltaket Kostnadsoverslag og eit realistisk budsjett med postar som kan dokumenterast. - Søknaden skal sendast til Luster kommune, rådhuset, 6868 Gaupne. Søknaden må merkast Ungdommen sitt kommunestyre. - Spørsmål om ordninga skal gå til næringssjef Olav Grov og/eller leiar i Ungdommen sitt kommunestyre. Dette er retningsliner for årets utdeling (2008), men dersom fylkeskommunen løyver midlar til næringsfond for ungdom i 2009, vil Ungdommens kommunestyre i Luster vurdere retningslinene og ev. gjere endringar for 2009 tildelinga. UK har motteke 1 søknad om tilskot frå Næringsfond for ungdom, og til no er det disponert kr. 12.000 (jfr. sak 07/09).
5. Ungdommens kulturmønstring (UKM) 2009 vart arrangert på Hafslo søndag 8. mars. Vedteke flytta frå Gaupne som først annonsert. Det var rekordstor påmelding. Heile 51 deltakarar stilte opp med til saman 21 innslag, og hadde eit forrykande sceneshow for ein fullsett sal. Dei heldige som kom vidare frå Luster til Fylkesmønstringa i Førde 17. 19. april var: Lars Berge og Eline Kristiansen med House of the rising sun, Audun Moseng med Stikkin` in my eye, Turid og Bjørnar med Loving you, Tytusane med Evig rus, Illusion med Dancing og Eline Walaker Lunde med bileta Vannliljer og Hjarte i sansen og Karine Blikra med bileta Posing under breen og Splitthopp. Illusion frå Luster var eit av fem sceneinnslag som vart sendt vidare til landsmønstringa i Trondheim 19. 23. juni, og dei fortener ein ekstra gratulasjon. UK har tidlegare vedteke å la UKM gå på omgang i bygdene Skjolden, Gaupne og Hafslo. Utfordringa blir å finne eigna lokale for seinare arrangement av UKM, særleg i Gaupne. Kulturutveksling. UK arrangerte sommaren 2008 kulturutveksling på eige initiativ. Kulturutvekslinga er saman med Luster sin vennskapskommune Viroqua. Sommaren 2008 var fire ungdommar frå Luster til Viroqua, Wisconsin og budde hjå utplukka vertsfamiliar. Sommaren 2009 skal dei same ungdommane få besøk frå ungdommen dei har besøkt i USA. Ungdomane frå Luster gjennomførte eit bestemt opplegg for UK. Opplegget var individuelt for kvar deltakar og hadde som mål at ungdommane skulle vidareføre sin nye erfaring og kunnskap til Lustrasamfunnet. UK forventar at Luster Kommune tek opp kulturutveksling til ny vurdering. Nattcup/bandstand i Idrettshallen 20. mars. Arrangementet vart gjennomført i samarbeid med ME`N`U. Det var lagt opp til handball, fotball og volleyballaktivitet og bandstand. Møteplass for Ungdom i Luster Treningssenter. UK har også i år delteke i styret for denne møteplass med ein representant. Tiltaket er svært populært med mange frammøtte ungdomar kvar kveld, og tilbodet er utvida frå å gjelda ca. ein gong i månaden til to gonger i månaden. Blås grønt natt til 17. mai. Rita Bergum Hansen vart trekt ut mellom 77 ungdomar frå Luster kommune som Blæs grønt natta til 17. mai 2009. Under feiringa av Nasjonaldagen på Indre Hafslo vart Rita overrekt 1. premien som UK hadde sett, nemleg ein ekte i`phone. Det var ordføraren som stod for utdelinga. I tillegg vart det trekt ut to andrepremiar som var i`pod. Den eine vart overrekt i Gaupne til Hanne Sviggum, medan Katrine Ovrid på Hafslo fekk den andre. Lokale transporttilbod for ungdom (LTU). Ordninga er godt innarbeida i ungdomsmiljøet (aldersgruppa 13 19 år). Det er konstantert auka bruk (2008) i fht treningsaktivitet i Gaupne og Hafslo og kino/kulturarrangement i Sogndal og ein reduksjon i tilbodet i fht fritidsklubb og diskotek. Søknadssummen for 2009 var på kr. 90.000 som er i samsvar med Luster kommunestyre sitt budsjettvedtak for 2009.
Samlingar/møte/kurs/arbeidsgrupper som Ungdommen sitt kommunestyre har delteke på: Møteplass for Ungdom i Luster Treningssenter (ME`N`U). UK har også i år delteke i ungdomsstyret for denne møteplassen med ein representant Tord Bukve som medlem og Hallvard Sørheim Evjestad som varamedlem. Tiltaket ME`N`U er svært populært med mange frammøtte ungdomar kvar kveld, og tilbodet er utvida frå å gjelda ca. ein gong i månaden til to gonger i månaden. Folkehelserådet. På møte i UK den 14. januar d.å. vart Daniel Fossheim vald som nytt 6. medlem i Folkehelserådet, med Catrine Brendstuen som varamedlem. Temamøte om næringsliv i kommunestyret 19. mars. UK var representert med Cathrine Brendstuen og Daniel Fossheim som holdt to korte innlegg om deira Visjonar for Luster i 2020. Ingen deltakar frå UK på nettverkssamling og Fylkesting for ungdom. Sluttkommentar frå leiaren: Som i fjor vart det også i år eit ganske nytt Ungdommens Kommunestyre som kom saman litt utpå hausten. Til tross for at me ikkje har hatt mange møter i Ungdommens Kommunestyre dette året har me hatt ganske god aktivitet, og me har utretta dei flest aktivitetane på aktivitetsplanen. På aktivitetsplanen i år hadde me mange spennande punkt, blant anna Kulturutveksling, UKM 2009 og Blås grønt. Blås grønt gjekk kjempe bra og me hadde til saman ca.80 ungdommar som stilte opp. Kulturutveksling har vore ein del arbeid også dette året, men det er ei bra sak som det er viktig å prioritere også til neste år! Det har vore eit spennande år, med mange gode saker som me har jobba med og det er viktig for ungdommen i Luster at dei får noko å seie. Eg saknar det å få saker frå ungdommane i kommunen og frå elevråda. Det er dei me er her for og dei me skal representere. Ungdommen bør innsjå at dei har mykje å seie og dei bør verkeleg gripe denne sjansen som Ungdommens Kommunestyre gjer dei! Ungdommen er framtida! Gaupne, 10. juni 2009 Cathrine Brendstuen leiar