AUSTRHEIM KOMMUNE Tilleggsinnkalling Kommunestyret Møtedato: 22.06.2016 Møtested: Kjelstraumen Vertshus Møtetid: 12:00 Forfall skal meldast til Servicekontoret t. 56162000/post@austrheim.kommune.no Varamedlem møter berre etter nærare innkalling Saksliste Saksnr Tittel 078/16 Utviding og fornying av skjenkeløyve for Kjelstraumen Vertshus AS Dato 21.06.2016 Per Lerøy ordførar Jan Olav Osen rådmann
Sakspapir Saksnr Utvalg Type Dato 078/16 Kommunestyret PS 22.06.2016 Saksbehandler Arkiv ArkivsakID Olav Mongstad FA - U63 16/682 Utviding og fornying av skjenkeløyve for Kjelstraumen Vertshus AS Vedlegg Søknad om skjenkeløyve Kjelstraumen Vertshus AS Kart over området Framlegg til vedtak: Austrheim kommunestyre gjev Kjelstraumen Vertshus AS fylgjande skjenkeløyve: 1. Kjelstraumen Vertshus får løyve til å skjenka alkohol i klasse 1 og klasse 2 frå kl. 11.00 til kl. 01.00 måndag-torsdag. 2. Kjelstraumen Vertshus får løyve til å skjenka alkohol i klasse 1 og klasse 2 frå kl. 11.00 til kl. 02.00 fredag og laurdag. 3. Kjelstraumen Vertshus får løyve til å skjenka alkohol i klasse 1 og klasse 2 frå kl. 12.00 til kl. 01.00 sundag. 4. Kjelstraumen Vertshus får løyve til å skjenka alkohol i klasse 3 frå kl. 13.00 til kl.24.00 måndag-torsdag. 5. Kjelstraumen Vertshus får løyve til å skjenka alkohol i klasse 3 frå kl. 13.00 til kl. 01.00 fredag-laurdag. 6. Kjelstraumen Vertshus får løyve til å skjenka alkohol i klasse 3 frå kl. 13.00 til kl. 24.00 sundag. 7. Ellers rettar bedrifta seg etter bestemmelsane om skjenketider i alkohollova. 8. Styrar for løyvet er Hege Ramsland 9. Avløysar er Maren B. S. Jensen 10. Skjenkeområdet utandørs vert godkjent slik det går fram av kart i søknaden. 11. Bedrifta må betala dei til ei kvar tid gjeldande avgifter og oppgi tal for omsetnaden etter lov og forskrfiter. 12. Bedrifta må retta seg etter dei til ei kvar tid gjeldande reglar i lov, forskrift og alkoholpolitiske retningslinjer. Saksopplysninger: Bakgrunn
Kjelstraumen Vertshus AS søkjer om utviding av skjenkeløyve etter ombygginga. Det nye bygget er bygd på vertshuset sitt tidlegare innvilga skjenkeområde. Dette framgår av kartet som ligg ved søknaden. I søknaden vert det søkt om: Servering i nye lokale Utviding av utearealet for skjenking til å gjelda areal ved den nye utescena. Bortfall av litt av tidlegare uteareal for skjenking Kjelstraumen Vertshus vart gitt skjenkeløyve i kommunestyret 05.12.2012. Sidan bygget og området rundt er endra, vert saka lagt fram i kommunestyret no før den alkoholpolitiske planen og retningslinjene er ferdig omarbeidd. Vurdering Søkjaren har levert inn ny søknad. Dette på grunn av ny kommunestyreperiode. Sidan det er gjort endringar i bygga og anlegg, vurderer rådmannen det slik at kommunestyret bør handsama heile søknaden på nytt slik ein gjorde før endringane i alkohollova. Dette vil avvika frå korleis ein handsamar dei andre sals- og skjenkesøknadene. Søkjer nemner desse delane i drifta: Hotell Bar Selskapslokale Restaurant Det vert søkt om skjenking både innandørs og på utearealet. Det vert opplyst om 200 sitjeplassar innandørs og mellom 100 og 400 sitjeplassar utandørs. I søknaden er det oppgitt 350 m2 skjenkeareal innandørs og 700 m2 utandørs. I det eksisterande løyvet er det høve til uteservering til same tid som inneserveringa. Når dei alkohoplolitiske retningslinjene vert ferdig utarbeidd til september, vil det bli vurdert å setja ei makstid på musikk utandørs. Slikt er ikkje lagt inn no. Folkehelse I gjeldande alkoholpolitisk plan omhandlar spesielt mål 5.7 skjenkestad. 5.7. Arbeida for god kontroll og retning på sals- og skjenkepolitikken TILTAK: Halda antal utsalsstader/ skjenkestader på eit lågt nivå. Oppretthalda interkommunalt samarbeid om kontrollørvirksomhet Lokale retningslinjer for sanksjonar ved brot på reglane i Alkoholloven må reviderast Ansvar: Rådmannen og sosialtenesta
Skjenketider. Normaltidene for skjenking i alkohollova er sett til: Gruppe 1 og 2 (øl og vin) mellom kl. 08.00 og kl. 01.00 Gruppe 3 (brennevin) mellom kl 13.00 og kl. 24.00 Løyvet Kjelstraumen har hatt er slik: Gruppe 1 og 2 (øl og vin) mellom kl. 08.00 og kl. 01.00. Fredag-laurdag kl. 11.00 kl. 02.00. Sundag frå kl. 12.00 kl. 01.00. Gruppe 3 (brennevin) mellom kl 13.00 og kl. 24.00. Fredag-laurdag kl. 13.00 til kl. 01.00. Sundag frå kl. 13.00 til kl. 24.00. I kommunestyresaka 05.12.2012 vart desse tidene sett fordi dei samavarte med tidene for skjenkestadar ellers i Nordhordland. Søkjaren søkjer om same skjenketid for både klasse 1, 2 og 3 fram til kl. 02.00 fredag og laurdag og kl. 01.00 sundag til torsdag. Rådmannen ser ikkje behov for å innfri dette og viser til at den tilrådde skjenketida alt er ei utviding av normaltidene for skjenking i alkohollova. Dei er og ei vidareføring av dagens skjenketider. Rådmannen meinar derfor at dei same tidene som gjeld no, bør leggjast inn i det nye løyvet. I vurdering av løyvet skal også næringspolitiske argument bli vurdert. Kjelstraumen Vertshus er ombygd og påbygd og kan ta imot fleire grupper samstundes både som kurslokale og spisested. Utifrå eit næringspolitisk standpunkt vil det vera naturleg å støtta opp om ei slik bedrift i kommunen. Utifrå det argumentet er det naturleg å utvida det tidlegare løyvet til dei nye lokala. Konklusjon Rådmannen innstiller på at Kjelstrasumen Vertshus får nytt løyve med skjenketider i samsvar med søknad. Når kommunestyret har vedtatt dei nye alkoholpolitiske retningslinjene, vil desse også gjelda for dette tildelte løyvet.