FOLGEFONNA NASJONALPARKSTYRE Hattebergsdalen landskapsvernområde Ænesdalen landskapsvernområde Bondhusdalen landskapsvernområde Buer landskapsvernområde Bergen og Hordaland Turlag Att: SAKSHANDSAMAR: MAGNHILD BERGE ARKIVKODE: 2014/14928-432.3 DATO: 07.04.2015 Vedtak - Folgefonna Nasjonalpark - Søknad om utbetring av t-merka tursti mellom Ørmerkesvatnet og Breidablikk turisthytte - Dispensasjon Sender med dette over vedtak og saksframlegg i sak ST 3/15. Klage Vedtaket kan klagast inn for Klima- og miljødepartementet av partar i saka eller andre som har rettsleg klageinteresse med ein frist på 3 veker jf. forvaltningslova 28. Ei eventuell klage skal rettast til Klima- og miljødepartementet, men sendast til Folgefonna nasjonalparkstyre som kan gje nærare opplysningar om klagerett og rett til å sjå saksdokument. Med helsing Synnøve Solbakken Styreleiar Magnhild Berge Nasjonalparkforvaltar Brevet er elektronisk signert. Kopi til: Miljødirektoratet Postboks 5672 Sluppen 7485 TRONDHEIM Statens Naturoppsyn, Rosendal Postboks 5672 Sluppen 7485 TRONDHEIM Kvinnherad kommune Rosendalsvegen 10 5470 Rosendal Fylkesmannen i Hordaland Postboks 7310 5020 BERGEN POSTADRESSE: FOLGEFONNA NASJONALPARKSTYRE POSTBOKS 7310 5020 BERGEN BESØKSADRESSE: FJORDGLYTT SKÅLAGATO 50 5470 ROSENDAL TELEFON: 55572000 DIREKTENUMMER: 55572340/48953750 E-POST: FMHOPOSTMOTTAK@FYLKESMANNEN.NO WEB: WWW.FYLKESMANNEN.NO/HORDALAND ORG.NR: 974760665
FOLGEFONNA NASJONALPARKSTYRE Saksframlegg Arkivsaksnr: 2014/14928-0 Sakshandsamar: Magnhild Berge Dato: 05.01.2015 Utval Utvalssak Møtedato Folgefonna nasjonalparkstyre 3/15 24.03.2015 Saksframlegg - Folgefonna nasjonalpark - søknad om utbetring av t-merka tursti mellom Ørmerkesvatnet og Breidablikk turisthytte Bergen og Hordand turlag Innstilling frå forvaltar: Bergen og Hordaland Turlag får løyve til å utbetre stien frå Ørmerkesvatnet til Breidablikk jf. 3 punkt 1.3.g i Forskrift om vern av Bondhusdalen landskapsvernområde. Løyvet er gitt med følgjande vilkår: Det skal berre nyttast stein frå lokalområdet. Tilrettelegginga skal vera av naudsynt karakter for å sikre trygg ferdsle i området. Utbetringa skal berre gjelda vanskelege parti på stien og skal tilpassast landskapet. Løyvet gjeld manuelt arbeid, ikkje boring og bolting, eller sprenging. Vardar og anna merking skal skje på ein måte som er vanleg i området. Merking av fotruter skal ut over dette følgje DNT-standard. Rapport frå arbeidet skal leverast 1.12.2015 Forvaltninga skal vera med på sluttbefaring av stien. FOLGEFONNA NASJONALPARKSTYRE SIDE 2
Saksprotokoll i Folgefonna nasjonalparkstyre - 24.03.2015 Handsaming i møte: Vedtak i samsvar med innstilling frå forvaltar. Samrøystes. Vedtak: Bergen og Hordaland Turlag får løyve til å utbetre stien frå Ørmerkesvatnet til Breidablikk jf. 3 punkt 1.3.g i Forskrift om vern av Bondhusdalen landskapsvernområde. Løyvet er gitt med følgjande vilkår: Det skal berre nyttast stein frå lokalområdet. Tilrettelegginga skal vera av naudsynt karakter for å sikre trygg ferdsle i området. Utbetringa skal berre gjelda vanskelege parti på stien og skal tilpassast landskapet. Løyvet gjeld manuelt arbeid, ikkje boring og bolting, eller sprenging. Vardar og anna merking skal skje på ein måte som er vanleg i området. Merking av fotruter skal ut over dette følgje DNT-standard. Rapport frå arbeidet skal leverast 1.12.2015 Forvaltninga skal vera med på sluttbefaring av stien. FOLGEFONNA NASJONALPARKSTYRE SIDE 3
Søknaden: Bergen og Hordaland Turlag søkjer i brev datert 5.desember 2014 om løyve til å utbetre t-merka sti mellom Ørmerkesvatnet og Fonnabu turisthytte, (Sjå kart). Arbeidet er ynskt utført sesongen 2015. Keisarstien i Bondhusdalen i Kvinnherad er ein av 10 ruter som er med i prosjektet historiske vandreruter. Eit prosjekt initiert av Riksantikvaren og DNT i samband med Friluftslivets år 2015. Keisarstien vart laga som ridesti for å frakte turistar frå Sunndal i Kvinnherad til Odda. Ruta startar i Sunndal, går innover Bondhusdalen nesten til vatnet, så i slynger opp til Gardshammar, før ruta svingar nordover opp på ryggen, og så austover og sørover til Breidablikk turisthytte og vidare til Fonnabu turisthytte. Derfrå går ruta over Folgefonna og ned til Odda. Siste bakken opp mot Breidablikk er bratt og utan noko tilrettelegging av stien, slik ein finn lengre nede. Tidlegare har ein gått over ei stor snøfonn som lettar oppstiginga, men den er i stor grad smelta bort, og no må ruta gå opp ei ur og over nokre sva. Turlaget har kom med forslag til tiltak på bakgrunn av synfaringar og diskusjonar i administrasjonen i Bergen og Hordaland Turlag: Utbetre stien frå Ørmerkesvatnet til Breidablikk turisthytte. Ca 350 arbeidstimar. Dei ynskjer å utbetre stien med murar og trapper, samt varde der ein ikkje utbetrar. Breidda på stien vil variere, men vil vera smalare enn ridestien lenger nede. (Bondhusdalen landskapsvernområde) Blå rute på kartet nedom. Kart over området. Grøn stripe markerar vernegrensene. FOLGEFONNA NASJONALPARKSTYRE SIDE 4
Bilete frå Ørmerkesvatnet mot Breidablikk Tilhøve til gjeldande planar og lovverk: I følje Forskrift om vern av Bondhusdalen landskapsvernområde 3 punkt 1.1 skal området vernast mot inngrep som vesentleg kan endre eller verke inn på landskapet sin art eller karakter. Verneforskrifta 3 punkt 1.3 opnar for at forvaltningsstyresmakta kan gje løyve til: g) Merking og opparbeiding av turstiar. I følgje verneføremålet for begge verneområda skal ålmenta ha høve til naturoppleving gjennom utøving av tradisjonelt og enkelt friluftsliv utan særleg teknisk tilrettelegging. I følgje forvaltningsplanen for Bondhusdalen LVO er det eit mål å halde oppe området som eit attraktivt turområde der det ligg til rette for eit enkelt og naturvenleg friluftsliv. Ein skal leggje til rette på ein naturvenleg måte og med vekt på det enkle friluftslivet. Utfordringar Å halde på naturpreget i området. Aktuelle tilretteleggingstiltak skal utførast med så små inngrep som mogleg. FOLGEFONNA NASJONALPARKSTYRE SIDE 5
Vurdering av saka: Bergen og Hordaland turlag har saman med Riksantikvaren valt ut turistvegen frå Sunndal over Folgefonna til Tokheim som ei historisk vandrerute som skal prioriterast i samband med friluftslivets år 2015. Det er søkt om to alternativ til utbetring av stien etter synfaring gjort av turlaget. Etter søknaden vart sendt inn har turlaget kontakta forvaltar og informert om at det i fyrste omgang berre er aktuelt å utføre opprustinga av stien frå Ørmerkesvatnet til Breidablikk (blå rute på kartet). Søknad om utbetring av stien frå Breidablikk til Fonnabu (raud rute på kartet) vil difor ikkje bli handsama i denne omgang. Ruta over Folgefonna har si historie tilbake til slutten av 1800 talet og har heilt frå starten vore ein turistveg, ikkje buføreveg eller handelsveg. Vegen opp på begge sider hadde i utgangspunktet standard som rideveg. Sjølve fonna låg på den tida lenger ned på kvar side. Etter som den trekkjer seg tilbake vil det bli utfordringar rundt stistrasè og sikker tilkomst til fonna både på Fonnabusida og Holmaskjersida. Før var det vanleg å gå opp på fonna frå Breidablikk, medan ein i dag startar frå Fonnabu som ligg eit lite stykke lenger sør. Forvaltaren var saman med Statens naturoppsyn på synfaring i området i september i fjor. Det vi observerte var at stien var vanskeleg å finne etter at vi passerte Ørmerkesvatnet. Her er det klart eit behov for betre merking og truleg vil det vera ein fordel å utbetre stien nokon plassar slik at det vert tryggare å gå. Det er i følgje Artskart ikkje registrert raudelisteartar i det aktuelle området jf. 8 i naturmangfaldlova om kunnskapsgrunnlaget. Det er ikkje forventa at dei omsøkte tiltaka skal føre til skade på naturmangfaldet og tiltaket vil heller ikkje endre landskapet sin art eller karakter nemneverdig. Det skal kunne nyttast stein frå nærområdet, og arbeidet med stien skal gå føre seg med handemakt. Stien skal leggjast der det er mest forsvarleg men omsyn til sikkerheit og snøforhold. Turlaget må ta ei vurdering på dette saman med entreprenør. Det er sett vilkår om at utbetringa berre skal gjelda vanskelege parti på stien og skal tilpassast landskapet. Samla belastning er vurdert jf 10, men ein kan ikkje sjå at det omsøkte tiltak skal føra til at den samla belastninga i området vert for stort. Forvaltaren meiner kunnskapen om tiltaka sin påverknad på naturmangfaldet er godt, 9 om føre-var prinsippet er difor ikkje tillagt vekt. Jf. 12 skal ein vurdere driftsmetode, teknikk og lokalisering til det beste for naturmangfaldet. Det er her snakk om mindre arbeid for å sikre ein framkommeleg og trygg veg frå Ørmerkesvatnet til Breidablikk. Det skal kunne nyttast lokal stein i arbeidet og alt skal utførast utan bruk av maskiner. Det er sett vilkår om at arbeidet skal vera av naudsynt karakter for å få ein sikker tilkomst til fonna. FOLGEFONNA NASJONALPARKSTYRE SIDE 6