Politisk program Førde Kristeleg Folkeparti partiprogram 2016-2019 Verdiforankring KrF sin visjon er eit varmt og verdiforankra samfunn der alle har lik verdi, opplever rettferd og at ressursane vert forvalta ansvarleg til beste for alle menneske. ta vare på kristen etikk og kulturarv som fellesverdi for det norske samfunnet respektere og verne om religions- og livssynsfridom styrke respekten for menneskeverdet trygge og betre vilkåra for kristen opplæring forvalte miljø- og naturressursane våre på ein forsvarleg måte. Ein god kvardag. Førde KrF ser kultur som viktige delar av vår identitet der idretten er ein del av kulturlivet. Vi vil medverke til eit variert tilbod i samspel mellom det frivillige og offentlege. å tilby eit breitt kulturtilbod i samspel mellom kommunen og det frivillige og støtte opp om kulturtilbodet i Førdehuset, Kulturskulen, Skrivarløa, Kyrkja og Kyrkjetunet drift av Skivarløa med eit dagleg ungdomstilbod eit godt samspel med grendene og frivillige lag og organisasjonar gjennom "lyttemøte" med kommunen å planlegge og bygge ny kulturskule som ein del av Førdehuset. å gje offentleg støtte til breitt kulturtilbod å støtte frivillige organisasjonar for å skape eit variert tilbod der born og unge kan få opplæring og utfalding eit samspel mellom lokale krefter og profesjonelle utøvarar at Førdehuset vert utvida med m.a. kulturskule, klatrevegg og ny symjehall arbeide for fleirbrukshall i grendene.
Ein god oppvekst KrF vil arbeide for: å halde oppe det gode tenestetilbodet vi har innan barnehage, skule og helse. ein god barnehage for borna våre med etterutdanning for dei tilsette å gje borna våre den beste skulen i Sogn og Fjordane, ved m.a. å auke lærartettleiken, særleg i småskulen. Dette for å redusere trongen for spes.ped.-ressursar seinare i skulegangen. meir ressursar til barnevernet, og styrke samarbeidet med nabokommunane. gode helsetenester med legesenter, legevakt og samarbeid med Helse-Førde. Trivsel, tryggleik og utvikling. KrF vil gje borna våre trygg skuleveg med gang- og sykkelveg, veglys og trygg kryssing av vegen, og arbeide for at alle trafikksikringstiltak i Førde-pakken blir realisert. KrF vil og ta initiativ til: at alle fotgjengarfelt blir opplyst at brua på Soleide får gatelys opp til riksvegen at gang- og sykkelveg frå sjukehuset til idrettsparken på Hafstad blir realisert å legge til rette for naust- og hytteområde på sørsida av Førdefjorden å fortette noverande næringsareal på Brulandsvellene før det blir tatt i bruk nytt areal i området ei fortetting av sentrum må gjelde både næringsareal og bustader i tråd med arealplan for området at trafikken i sentrum blir redusert gjennom parkeringsavgift etter Knarvikmodellen som gjev gratis parkering i 3 timar eit parkeringshus t.d. i Hafstadfjellet. Dette vil òg kunne nyttast som tilfluktsrom for innbyggarane. Førde - ein god stad å bli gammal Mange eldre treng hjelp til å oppretthalde ein god livskvalitet gjennom tryggleik og variasjon i kvardagen. å tilby gode tenester for eldre gjennom kulturtilbod, legesenteret, heimetenesta og Helsetunet ei god heimeteneste som sikrar at eldre som ynskjer det kan bu heime sosiale tilbod for eldre som bur heime, som t.d. Dagsenteret og Seniorkoret å følgje opp kommunen sin plan for korleis vi skal utvikle bu- og institusjonskapasiteten i pleie- og omsorgstenesta i åra framover, utvikle heimetenesta og rehabiliteringstilbodet.
Miljø og naturvern Førde KrF tek trugsmåla om endra klima på alvor. Vi ser det som viktig at vi gjennomfører tiltak også her i Førde og at vi ikkje berre skubbar ansvaret over på andre ved kjøp av klimakvotar. redusere bilbruken i sentrumsområdet gjennom betre gang- og sykkelvegar og auka bruk av bybuss realisere plan for utbygging av anlegget for fjordvarme og bioenergi til oppvarming og kjøling redusere mengder restavfall gjennom utsortering av plast til materialgjenvinning bygge fleire og betre turvegar t.d. stigar i Førdslia og sti langs Jølstra ta vare på våtmarksområdet i Løken ved utbygging på Indre Øyrane ta vare på Førdefjorden og sikre ein rein og levande fjord for framtida. Vi ynskjer difor ikkje fjorddeponi ved eventuell gruvedrift i Vevring. Arbeids- og næringsliv Førde KrF ser meiningsfylt arbeid som eit viktig for oppleving av livskvalitet og lukke. Vi ser det som viktig at Førde har ein variert arbeidsmarknad og attraktive fagmiljø som grunnlag for rekruttering til kommunen. Førde KrF vil arbeide for : å legge til rette areal for eit allsidig næringsliv i kommunen at kommunen skal vere ein positiv medspelar for bedrifter som veks eller etablerer seg gjennom politikarar som ser etter løysingar framfor problem å styrke samarbeidet mellom skule og bedrifter at butikkane held stengt på søndagar, av omsyn til dei tilsette og helgedagsfreden. Heile kommunen er viktig Førde KrF ser heile kommunen som viktig. Vi ynskjer at det skal bu folk i grendene og at det skal vere aktive nærmiljø og samlingsplassar i ulike delar av kommunen. støtte opp om lokale initiativ og ulike lag og organisasjonar legge til rette for bustadfelt i ulike delar av kommunen halde oppe grendaskulane, grendahusa og ballbaner i ulike deler av kommunen.
Eit samfunn med plass for alle Førde KrF ser alle menneske som like verdfulle. Alle skal ha moglegheit for tryggleik, personleg utvikling, deltaking og livsutfalding. Dette gjeld også innvandrarar, personar med nedsett funksjonsevne og utviklingshemma. Førde KrF vil arbeide for at: funksjonshemma skal ha tilgang til det offentlege rom. For dei som brukar rullestol krev dette samanhengande fortau, skrå fortauskantar og dører utan dørstokk butilbod og sosiale tilbod skal vere tilpassa for personar med særskilde behov innvandrarar gjennom norskopplæring, kulturell utveksing og arbeidstrening skal bli godt integrert i lokalsamfunnet fleire arbeidsplassar skal leggast til rette for funksjonshemma i offentleg og privat regi gi innvandrarar hjelp med å skaffe seg arbeid. Helsetilbod og tryggleik Førde KrF ser det offentlege helestilbodet som ein viktig faktor for at vi skal oppleve tryggleik og høg livskvalitet. Her er både det kommunale tilbodet og Sentralsjukehuset viktig. å styrke folkehelsearbeidet ved å etablere ein frisklivssentral og vidarefør «Aktiv på dagtid». at dei som bur i Førde får tilbod om rett hjelp når dei treng det rekruttering av dyktig helsepersonell til kommunen å gje dei "tause gruppene" eit betre tilbod. t.d. innan psykiatri, kreftomsorg og rusomsorg å styrke samarbeidet med Høgskulen i Sogn og Fjordane gjennom fagutvikling og forsking Kyrkja i lokalsamfunnet Førde KrF ser på kristendommen som ein viktig del av vår identitet og kultur. KrF ser det som viktig at nordmenn er trygg på sin religiøse identitet i møte med andre religionar og kulturar. gi offentleg støtte til kyrkje, organisasjonar og kristent barne- og ungdomsarbeid styrke diakonalt arbeid med blant anna samtalegrupper og besøksteneste vise frimodig fram våre kristne verdiar i møte med andre kulturar og religionar, møte andre religionar med respekt og medverke til at dei kan utøve si tru.
Rusmiddelpolitikk - for auka livskvalitet Førde KrF tek på alvor den reduserte livskvaliteten som misbruk av rusmiddel gjev for einskildmenneske, familiar og nærmiljø. å oppretthalde god kontroll med alkoholomsettinga i samsvar med gjeldande lover og reglar. KrF ynskjer at omsetting av øl bør skje gjennom eige ølutsal å avgrense nye skjenkeløyve då kommunen alt har eit breitt tilbod og ikkje utvide noverande sals- og skjenketider å styrke det haldningsskapande arbeid kring situasjonar der rus ikkje høyrer heime: trafikk, graviditet, arbeidsliv, idrett og friluftsliv, saman med born og unge, konfliktar, sorg og depresjon, båt- og badeliv å styrke arbeidet med behandling og rehabilitering for rusmisbrukarar å støtte opp om rusfrie møteplassar for ungdom t.d. på Løa meir ressursar til barnevernet og auka samarbeid med nabokommunane på dette området. årlege tilskot til Krisesenteret. Landbruk og kulturlandskap Førde KrF vil arbeide for å oppretthalde landbruket og næringsmiddelindustrien i kommunen. Vern om kulturlandskap, produksjon av trygg mat, og frambod av lokalprodusert mat på Bondens Marked er viktig for oss som bur i Førde. gode rammevilkår for bøndene i kommunen eit ope kulturlandskap gjennom bruk av statlege SMIL-midlar at dyrka mark er i aktiv drift både på enkeltbruk og som samarbeidsløysingar å avgrense nedbygging av den beste matjorda i kommunen at kommunen i noko grad avstår frå dyrka mark til næringslivet for å utvikle byen og oppretthalde levande bygdesamfunn i krinsane. Førde kommune som arbeidsgjevar Førde kommune er den største arbeidsgjevaren i Førde. at kommunen er ein konkurransedyktig arbeidsgjevar med høg kompetanse at einingane får tilført nødvendige ressursar i høve til dei oppgåvene som skal løysast å vere ein god arbeidsgjevar for kring 1200 personar som arbeider i Førde kommune å tilby årlege lærlingeplassar. Kommunesamanslåing. Førde KrF ser det som mest naturleg at Førde går saman med nabokommunane Jølster, Gaular og Naustdal i ein eventuell ny storkommune.