Førde kommune Styre, råd og utval Møtedato Saksnr Samfunn og utviklingskomite 12.02.2015 002/15 Bystyret 26.03.2015 003/15 Sakshandsamar: Berit Holme Arkiv: FA-K54 Arkivsaknr.: 14/2395 Innspel til regional plan for vassforvaltning for Sogn og Fjordane vassregion Vedlegg: Dok.dato Tittel Dok.ID 29.01.2015 Forvaltningsplan_SF-vassregion_høyringsutgåve 156008 29.01.2015 Forvaltningsplan_vedlegg_1_smvf 156011 29.01.2015 Forvaltningsplan_vedlegg_2_utsatt_frist 156012 29.01.2015 Forvaltningsplan_vedlegg_3_mindre_strenge_miljomal 156013 29.01.2015 Tiltaksprogram_-høyringsutgåve 156009 29.01.2015 Vedlegg_1_tiltaksprogram Sogn og Fjordane vassregion 156010 29.01.2015 Vedlegg_1_tiltaksprogram-Førde 155995 29.01.2015 Tiltaksprogram-vedlegg Førde korrigert 29.01.15 156036 Saka gjeld: Det er utarbeidd framlegg til regional plan for vassforvaltning for Sogn og Fjordane vassregion 2016-2021 med tilhøyrande tiltaksprogram. Planen er sendt på høyring fram til 31. mars i samsvar med Plan og bygningslova 8-3 og Vassforskrifta 28. Bakgrunn for saka/saksopplysningar: Vassforskrifta tok til å gjelde frå 1. januar 2007, og Noreg innførde EU sitt vassråmedirektiv i norsk forvaltning. Forskrifta stiller krav til vassforvaltning: All vassforvaltning skal samordnast på tvers av alle sektorar som forvaltar vatn Alt vatn skal forvaltast innafor sitt nedslagsfelt Alt vatn skal minst ha god økologisk og kjemisk tilstand Samfunnsnytten skal vurderast kontinuerleg Grensa for vassregion Sogn og Fjordane følgjer i hovudsak fylkesgrensa for Sogn og Fjordane, men med unntak av nokre mindre område som ligg i grenseområda mot nabofylka. Vassregion Sogn og Fjordane er delt inn i vassområda Nordfjord, Sunnfjord, Ytre Sogn og Indre Sogn. Det er valt ein vertskommune for kvart vassområde, og Førde kommune er vertskommune for vassområde Sunnfjord. Om planen: Planen skal verne om vassresursane våre og fremje berekraftig bruk av vassdrag, kystvatn og grunnvatn. Målet er at tilstanden i vassførekomstane ikkje skal bli dårlegare enn i dag. Der den i dag vert vurdert til å vere for dårleg, skal det 1
skisserast tiltak for å betre miljøtilstanden slik at denne i hovudsak vert nådd innan 2021. Planen skal sikre ei heilskapleg forvaltning av vassresursane. Planen gjev ein miljøstatus for vassresursanse, basert på tilgjengeleg kunnskap. Kunnskapsgrunnlaget, status og tilstand for alle vassførekomstane i regionen kjem fram i databasen Vann-nett (http://www.vann-nett.no, http://www.vannnett.no/saksbehandler). Denne databasen er grunnlaget for vurdering av miljøtilstand og risiko for vatnet, enten basert på overvakingsdata eller på faglege vurderingar. 58 % av vassførekomstane i Sogn og Fjordane er plassert i gruppa risiko for å ikkje nå god økologisk tilstand (GØT). Kunnskapsgrunnlaget for å vurdere tilstanden i dei ulike vassførekomstane er mange stader mangelfull. Det er framlegg om å sette mindre strenge miljømål (MSM) innan 2021 for enkelte vassførekomstar. Enkelte regulerte vassdrag vert vurdert med miljømål god økologisk potensiale (GØP) i 2021. Vassførekomstar i Førde kommune som er vurdert «i risiko» er: (Tabellen er eit utdrag frå tiltakstabellen til vassregionen.) Vassførekomst ID Vassførekomst namn Tilstandsvurdering Påverknadsgruppe Miljømål anteke oppnådd 0281010201-2-C Førdefjordenindre Dårlig Ureining, fysiske inngrep MSM 2021 083-208-R Gaula Moderat fysiske inngrep GØT 2021 nedstrøms Grøneng 084-104-R Heilevangselva Moderat Ureining, biologisk, fysiske GØT 2021 inngrep 084-124-R Slokedalen Moderat Ureining GØT 2021 bekkefelt 084-131-R Halbrendselva Moderat Ureining, fysiske inngrep GØT 2021 084-1733-L Movatnet Moderat Biologisk, fysiske inngrep, GØT 2021 vassføringsregulering 084-1737-L Digernesvatnet Moderat Ureining GØT 2021 084-178-R Gravdalselva Moderat Ureining GØT 2021 084-181-R Roteneselva Moderat Ureining GØT 2021 084-182-R Erdøla/ Moderat Ureining GØT 2021 Løypingelva 084-22-R Gilelva Moderat Ureining, fysiske inngrep GØP 2021 084-26-R Jølstra Moderat Biologisk, fysiske inngrep GØP 2027 084-280-R Nydalselva / Moderat Fysiske inngrep GØP 2021 Fossafjellelva 084-28403-L Bekkevatnet Moderat Ureining GØT 2021 084-28494-L Litlevatn Moderat Fysiske inngrep GØP 2021 Vannføringsregulering 084-28500-L Gravvatnet Moderat Ureining, fysiske inngrep GØP 2021 Vannføringsregulering 084-288-R Jølstra, Øyrane Moderat Ureining GØT 2021 084-289-R Jølstra nedre, Moderat Ureining, fysiske inngrep GØT 2021 bekkefelt 084-311-R Jølstra Tilløp Moderat Fysiske inngrep GØT 2021 Jølstra (Moskog) 084-997-G Førde grunnvatn Udefinert ureining GØT 2021 2
Dei mest dominerande påverknadane for vassdraga i Førde er: Sur nedbør Vasskraftregulering Lokal ureining o Punktkjelder (avlaupsnett, industri, eldre avfallsplassar og noko landbruk) o Diffuse utslepp (avrenning frå landbruk, separate avlaupsanlegg) Fysisk påverknad: flaumverk, forbygging, endring av elvelaup og vandringshindre Påverknad frå lakselus og rømt oppdrettsfisk er sett til ukjent grad. Planen føreslår miljømål for elver, innsjøar, kystvatn og grunnvatn og legg føringar for når miljømåla skal vere nådd, anten i planperioden 2016-2021, i neste planperiode 2022-2027 eller i siste planperiode 2028-2033. Unntak frå å nå miljømåla i planperioden 2016-2021 må grunngjevast i samsvar med vassforskrifta. Indre Førdefjorden er vurdert som sterkt påverka, og det er umogleg eller urimeleg kostnadskrevjande å nå god økologisk tilstand etter forskrifta. Det er framlegg om å sette mindre strenge miljømål (MSM) innan 2021 for vassførekomsten. Gilelva, Nydalselva/ Fossafjellselva, Litlevatn og Gravvatnet er regulerte vassdrag som vert vurdert som sterkt modifisert vassførekomstar (SMVF) med miljømål god økologisk potensiale (GØP) 2021. Jølstra er også vurdert som SMVF med GØP i 2027. Miljømål for Jølstra og Gilelva er levedyktig bestand av laks/ aure, sikre habitattilhøve for gyting og oppvekst. Dei andre har miljømål fungerande økosystem. Miljødirektoratet arbeider med å få på plass eit register over beskytta område, jf. 16 i vassforskrifta og vedlegg IV. Dette inneber m.a. at miljømål er lagt til andre føresegner/ andre former for vern enn vassforskrifta, og forringing av svært god tilstand ikkje vert godteke i beskytta område. Aktuelle område som ligg i Førde kommune, er delar av Jostedalsbreen nasjonalpark, Naustdal Gjengedal landskapsvernområde og indre del av Førdefjorden som nasjonal laksefjord. Registeret skal også innehalde data for drikkevatn, økonomisk viktige akvatiske artar, rekreasjonsområde (badevatn), område vare for næringsstoff, område utpeikt til vern av habitatar og artar. Tiltaksprogram: Tiltak for å nå miljømåla er føreslege i tiltaksprogram til forvaltningsplanen. Statlege etatar, kommunar og fylkeskommunar er ansvarleg for å gjennomføre tiltaka for å nå miljømåla innanfor sine ansvarsområde. Tiltaka som skal gjennomførast i planperioden 2016 2021, må vere operative innan utgongen av 2018. Gjennomførde tiltak for å nå miljømåla skal meldast inn til vassregionmynda i planperioden. Dersom andre tiltak enn dei som står oppført i tiltaksprogrammet vert utført, må dette meldast inn til vassregionmynda. Sektorstyresmaktar har ansvar for å greie ut tiltaka vidare og gjere ei vurdering av kostnadar og nytte. Tiltaksprogrammet er mangelfullt med omsyn til å skissere tiltak for å nå miljømåla samt å gje ein kostnad-/ nyttevurdering for fleire vassførekomstar. Sur nedbør råkar særleg den sørvestlege delen av vassregionen, og tiltak mot dette 3
må skje nasjonalt. Regionen har ikkje verkemidlar til å redusere landtransportert ureining. Førde kommune har ansvar for tiltak som er knytt til påverknadsgruppene landbruk, avlaupsnett, spreidde avlaup, nokre flomverk og liknande. Det vert vist til vedlegg av tiltaksprogram - Førde for meir informasjon. Viktigaste tiltak i regulerte vassdrag er å vurdere minstevassføring, miljøtilpassa driftsvassføring og biotoptiltak. Tidspunkt for å gjennomføre tiltak i vassdrag med konsesjonar, er avhengig av når vilkårsrevisjonane kan gjennomførast. Sogn og Fjordane har sju vassdrag som er nasjonalt prioriterte for å revidere vassdragsreguleringskonsesjonane innan 2022. Jølstra er ein av desse sju. OED og KLM har kome med ei nasjonal føring om at det i utgangspunktet berre er aktuelt med (auka) vasslepp for å betre miljøvilkåra i dei nasjonale prioriterte vassdraga. NVE har i hovudsak ansvar for tiltaka. Problemkartlegging er føreslege som tiltak for svært mange vassførekomstar. Det er stor trong for å auke kunnskapsgrunnlaget om miljøtilstanden i vatn før ein tek endeleg stilling til om det må gjennomførast tiltak for å nå miljømålet. Overvakingsprogram: Det er utarbeida eit overvakingsprogram for regionen av Fylkesmannen. Målet er å gje ei heilskapleg overvaking av tilstanden i vassførekomstane i regionen. Programmet syner at det er svært stor trong for problemkartlegging. Det var planlagd å nytte 1 230 000 til overvaking i 2014. Det er trong for 14 252 000 til overvaking i 2015. Verknader av planen: Miljømåla for vassførekomstane vert fastsett i godkjend regional Vassforvaltningsplan. Miljømåla i planen er juridisk forpliktande. Planen skal leggast til grunn for aktiviteten i regionale organ, for kommunal og statleg planlegging, og for generell verksemd i vassregionen i følgje vassforskrifta 29. Forvaltningsplanen gjev klare regionale og statlege føringar til kommunane i vassregionen, og skal medverke til å samordne og gje retningslinjer for arealbruken på tvers av kommune- og fylkesgrensene. Om ein kommune ikkje rettar seg etter retningslinjene, vil dette gje grunnlag for motsegn til planane i kommunen. Tiltak skal vere sett i verk innan 3 år etter at planen er godkjend. Planen føreslår følgjande: Vassregion Sogn og Fjordane ønskjer å fremje trong for nye verkemidel knytt til følgjande område: 1. Auke i, og heimel for opprydding av miljøgifter 2. Verkemiddel i landbruket 3. Forenkla innføring av standard naturforvaltningsvilkår for konsesjonar 4. Nasjonal satsingsplan på vassforvaltning 5. Verktøy for kost-/ nyttevurderingar 6. Sakshandsaming av ny aktivitet og mykje inngrep 7. Avlaup - tilskotsordningar 4
Sogn og Fjordane vassregionutval prioriterer følgjande tema for vidare oppfølging av tiltak (ikkje prioritert rekkjefølgje): Sur nedbør Vassdragsreguleringar Vassdragskonsesjonar som kan reviderast innan 2022 Habitatforbetrande tiltak (betring av leveområda) Landbruk Avlaup og leidningsnett Ureina sediment Eldre nedlagte avfallsdeponi Framande artar i ferskvatn og kystvatn Arealplanlegging Lakselus og rømt oppdrettsfisk Nærare utgreiing om dette står på side 8-12 i planen. Vurdering: Ei berekraftig forvalting av vassressursane våre er positivt både for regional og lokal utvikling. Reint vatn er viktig for fleire satsingar, og god vasskvalitet er viktig både for næringsliv og folk. Vatnet er også viktig i eit folkehelseperspektiv som å sikre godt drikkevatn, bruk av vatn til rekreasjon, friluftsliv og for generell livskvalitet. Forvaltningsplanen med tiltaksprogram tek tak i fleire sentrale spørsmål for å betre vasskvaliteten i regionen. Vassforskrifta og samordning av vassforvaltninga er kompleks og utfordrande. Forvaltningsplanen er eit godt gjennomarbeidd framlegg av eit omfattande og krevjande tema som krev spisskompetanse. Kommunane har i lang tid forvalta vatn og vassresursar etter gjeldande lover og forskrifter. Dette skal no samordnast, men mange opplever vassforskrifta som komplisert og lite brukarvenleg. I tillegg fører det til auka arbeidsmengde og ressursar som dei fleste kommunane ikkje har i dag. Korleis kommunane skal løyse dette i framtida er framleis eit spørsmål. Vassførekomstar i Førde Det er 24 vassførekomstar i Førde kommune som er vurdert i risiko for å ikkje nå god miljøtilstand, sjå vedlegg. Bakgrunn for vurderinga og kategoriseringa av vassførekomstane er i hovudsak data frå nettstaden Vann-nett. Mange data er usikre og mangelfulle, og tilstanden kan ha endra seg sidan kartlegging. Arealet ved utløpet av Jølstra som renn ut i inste del av Førdefjorden, er i stor grad oppfylte massar, førebygging og kanalisering av elveutlaup. Sidan området er påverka av utfylling av massar, ser Førde kommune det som aktuelt at området er kandidat til SMVF. Det er framlegg om å sette mindre strenge miljømål (MSM) for Førdefjorden - indre. Dette skal skje i samarbeid med aktuelle aktørar og innan 2021. Påverknad er tidlegare og noverande ureining frå m.a. industri, avlaup, landbruk og industri-/ småbåthamn. Det er trong for meir kunnskap om tilstand, påverknad og kva tiltak som trengst for å betre tilhøva. Både regional og lokal innsats må til for å auke kunnskapen og betre tilhøva. Frist for å nå miljømål innan 2021 synest å vere urealistisk sidan den framleis er uklart kva miljømål skal vere. Fristen for å nå 5
miljømål bør derfor settast til 2027. Ei framtidig deponering av gruvemasse i Førdefjorden må vurderast i høve miljøkvaliteten i samsvar med vassføreskrifta. Påverknad frå ev. deponi må ikkje redusere miljøkvaliteten til sjøen i høve dagens tilstand. Risiko for dårlegare miljøtilstand som følgje av ev. massedeponi i fjorden kan ikkje aksepterast. Det er ikkje oppdrettsanlegg i sjø innafor Førde kommune si grense. Kommunen registrerer at det er uavklarde problemstillingar i høve påverknad frå havbruk på vill anadrom fisk, spesielt i høve påverknad av rømt oppdrettsfisk og lakselus. Jølstra og Anga er dei største vassdraga i Førde, og vert påverka av ulike ureiningskjelder og fysiske inngrep. Delar av Jølstra er i tillegg regulert til vasskraft. Det er registrert lokal påverknad frå landbruket, reinseanlegg, spreidde avlaup, industri og eldre avfallsplassar. Det er ikkje kjent at det er store problem i høve dette, men datagrunnlaget er mange stader mangelfull. Det same gjeld i stor grad for dei andre vassførekomstane i Førde som er vurdert som risiko. Fysiske påverknader som vassdragsregulering, førebygging, kanalisering o.l. er mynde og ansvar i hovudsak lagt til Norges vassdrags og energidirektorat (NVE) og regulantane. Dette vert derfor ikkje kommentert av kommunen. Tilstand til grunnvatn i Førde er ukjent. Påverknad er ureining frå landbruk, tettstad, avfallsplass, industri m.m. Miljømål god økologisk tilstand i 2021 synest å vere urealistisk når tilstanden ikkje er kjend. Mattilsynet og kommunen er ansvarleg mynde. Tiltak kartlegging: Den grunnleggande føresetnaden for å nå miljømåla og oppretthalde varig miljøstatus, er at alle moglege årsaker og kjelder til skadeleg eller uønskja påverknad vert lokalisert og dokumentert, og at dei anten vert fjerna, eller at det vert sett i verk skadereduserande tiltak. For å nå dette må kunnskapsgrunnlaget aukast, og å tidfeste miljømål til 2021 er urealistisk for kommunen sin handslings- og tiltaksplan. Datasamlinga i vann-nett er svært lite tilgjengeleg og brukarvenleg. Det er vanskeleg å få ei enkel og tydleg oversikt over opplysningane til vassførekomstane i kommunen, og få ut ulike rapportar. Det blir derfor uklart kva nye undersøkingar som må til for å kartlegge vasskvaliteten til dei ulike vassførekomstane. I Kommunedelplan VA 2014-2025, har Førde kommune fastsett konkrete mål og tiltak knytt til forvalting og vern av vassressursane. Målsettinga er i tråd med krav og vilkår i drikkevassforskrifta, ureiningsforskrifta og vassforskrifta. Desse vilkåra ligg også til grunn for vedtekter til kommuneplanen sin arealdel, som er under arbeid. For Førde kommune er det naturleg å inkludere dette i tiltaksprogrammet til forvaltingsplanen, og meiner at tiltak i første planperiode, 2015-2021, bør konsentrerast om følgjande; Lokale forskrifter og vedtekter, med krav og vilkår Statuskartlegging og dokumentasjon Oppfølging, tilsyn og kontroll med gamle og nye utsleppsløyve Utbetring av feil og manglar 6
Problemkartlegging og kost/ nytte-analyse Tiltaks- og finansieringsplan for større tiltak, med informasjon, krav og pålegg til ansvarleg «eigar» Endeleg frist for dokumentasjon av miljømål bør utsettast til 2027. Utsetting av denne fristen vil ikkje hindre tidlegare måloppnåing, og jamleg rapportering av målingar vil gje naudsynt datagrunnlag for oppdatering og kontroll av miljøstatus. Det er viktig at vedtak om konkrete tiltak vert tufta på tilstrekkeleg kunnskap - inklusiv økonomi. Førde kommune har gått gjennom vedlegget til tiltakstabellen og lagt inn framlegg til endringar og utfyllande opplysningar som vi meiner er relevante, sjå Tiltaksprogram vedlegg Førde korrigert merka med raud skrift. Økonomi Oppfølging av vassdirektivet er både kostnads- og ressurskrevjande. Så langt har kommunane dekt delar av stilling som prosjektleiar i vassområde Sunnfjord. Fylkeskommunen og fylkesmannen har dekt ca. 50 % av kostandane ved stillinga. Kostnader ved tiltak som fell inn under kommunen sitt sektoransvar kjem no i tillegg. Kommunane vil også kunne få ansvar for oppfølging, koordinering og kontroll av tiltak. Tiltaksprogrammet inneheld kostnader for kjemiske vassprøver som kommunen har ansvar for å gjennomføre. For Førde kommune utgjer dette ca. 375 000 innan 2021. Det er ikkje lagt inn kostander for tiltak der statleg mynde har ansvar for. Grunnlag for å vurdere kostnadane av tiltak og kost/ nytte effekt er mangelfull og i liten grad utført i tiltaksprogrammet. Dette gjer det vanskeleg for kommunen å prioritere tiltaka. Gjennomføring av vassdirektivet vil krevje eit stor økonomisk løft. Det er urealistisk at dette skal kunne skje utan at kommunesektoren og andre aktørar får tilført betydelege midlar frå staten. Konklusjon: Føremålet med planen, som er reinare vatn og betre økologi i vassdrag, innsjøar, grunnvatn og kystvatn, er særs positivt. Det er likevel mange utfordringar for vassregionen. Ei viktig prioritering for kommande planfase er å auke kunnskapsgrunnlaget slik at tilstanden i vassførekomstane kan setjast med bakgrunn i godt nok datagrunnlag. Avklaring i høve påverknad og kva for type tiltak som er dei mest kostnadseffektive for å nå miljømålet, kan setjast når dette er godt nok. Det er trong for mykje problemkartlegging spesielt innanfor påverknadar frå landbruk og avlaup. Det betyr i praksis at gjennomføring av tiltak vert utsett til neste planperiode for dei aktuelle områda. Førde kommune meiner derfor at alle vassførekomstar som har fått definert ein risiko ut frå påverknad av «ureining» bør få utsett frist til å nå miljømål GØT til 2027 (vassforskrifta 8-9). Indre Førdefjorden er påverka av fysiske inngrep som utfylling av masser og endring av elveutlaup, og er derfor kandidat til SMVF (Vassforskrifta 5). Følgjande vassførekomstar må inn i tiltakstabellen: 7
084-139-R Sagelva i Sundsdalen, 084-245-R Skorpeelva, 084-313-R Jølstra sideelvar (Moskog), sjå tiltaksprogram - vedlegg Førde korrigert. Rådmannen sitt framlegg til vedtak: 1. Førde kommune er positiv til arbeidet med å sikre ein felles, bærekraftig bruk av vassressursane på tvers av sektorar, og ønskjer å vere ein bidragsyter til å nå måla i vassforskrifta. 2. Førde kommune støttar vassregionen sine ynskje om nye og betre verkemiddel og prioriteringar av tema for vidare oppfølging av tiltak i planen. 3. Førde kommune vil peike på trong for auka økonomiske ressursar frå statleg hold for å sikre innføringa av direktivet i vassforvaltninga og gjennomføring av aktuelle tiltak innan ulike sektorområde. 4. Førde kommune meiner at dersom kostnader skal førast i tiltaksprogrammet må dette også gjelde for statlege sektorstyresmakter. 5. Innspel til høyringsdokumentet som vedkjem vassførekomstar i Førde kommune: a) Førde kommune meiner at tiltak i første planperiode, 2015-2021, bør konsentrerast om følgjande: Lokale forskrifter og vedtekter, med krav og vilkår Statuskartlegging og dokumentasjon Oppfølging, tilsyn og kontroll med gamle og nye utsleppsløyve Utbetring av feil og manglar Problemkartlegging og kost-nytte-analyse Tiltaks- og finansieringsplan for større tiltak, med informasjon, krav og pålegg til ansvarleg «eigar» b) Førde kommune meiner at problemkartlegging og kost-nytteanalyser bør skje i planperioden 2016 2021 og at frist for å nå miljømål vert utsett til 2027 (Vassforskrifta 9) for følgjande vassførekomstar: 084-288-R Jølstra Øyrane, 084-289-R Jølstra nedre bekkefelt, 084-132-R Angedalselva, 084-104-R Heilevangselva, 084-124-R Slokedalen bekkefelt, 084-139-R Sagelva i Sundsdalen, Rotneselva, 084-182-R Erdøla/Løypingselva, 084-245-R Skorpeelva, 084-1737-L Digrenesvatnet, 084-28494-L Bekkevatnet, 0281010201-2-C Indre Førdefjorden, 084-997-G Førde grunnvatn. c) Indre Førdefjorden er påverka av fysiske inngrep som utfylling av masser og endring av elveutløp og er derfor kandidat til SMVF (sterkt modifisert vassførekomstar) (Vassforskrifta 5). d) Følgjande vassdrag er vurdert som dårleg/ moderat tilstand og må leggast inn i tiltakslista: 084-139-R Sagelva i Sundsdalen, 084-245-R Skorpeelva, 084-313-R Jølstra sideelvar (Moskog). e) Førde kommune viser til kommunen sine framlegg til endringar i tiltakstabell, 8
sjå Tiltaksprogram - vedlegg Førde korrigert, tekst merka med raudt. Handsaming i Samfunn og utviklingskomite 12.02.2015: Samrøystes tilråding SUK-002/15 Vedtak: 1. Førde kommune er positiv til arbeidet med å sikre ein felles, bærekraftig bruk av vassressursane på tvers av sektorar, og ønskjer å vere ein bidragsyter til å nå måla i vassforskrifta. 2. Førde kommune støttar vassregionen sine ynskje om nye og betre verkemiddel og prioriteringar av tema for vidare oppfølging av tiltak i planen. 3. Førde kommune vil peike på trong for auka økonomiske ressursar frå statleg hold for å sikre innføringa av direktivet i vassforvaltninga og gjennomføring av aktuelle tiltak innan ulike sektorområde. 4. Førde kommune meiner at dersom kostnader skal førast i tiltaksprogrammet må dette også gjelde for statlege sektorstyresmakter. 5. Innspel til høyringsdokumentet som vedkjem vassførekomstar i Førde kommune: a. Førde kommune meiner at tiltak i første planperiode, 2015-2021, bør konsentrerast om følgjande: Lokale forskrifter og vedtekter, med krav og vilkår Statuskartlegging og dokumentasjon Oppfølging, tilsyn og kontroll med gamle og nye utsleppsløyve Utbetring av feil og manglar Problemkartlegging og kost-nytte-analyse Tiltaks- og finansieringsplan for større tiltak, med informasjon, krav og pålegg til ansvarleg «eigar» b. Førde kommune meiner at problemkartlegging og kost-nytteanalyser bør skje i planperioden 2016 2021 og at frist for å nå miljømål vert utsett til 2027 (Vassforskrifta 9) for følgjande vassførekomstar: 084-288-R Jølstra Øyrane, 084-289-R Jølstra nedre bekkefelt, 084-132-R Angedalselva, 084-104-R Heilevangselva, 084-124-R Slokedalen bekkefelt, 084-139-R Sagelva i Sundsdalen, Rotneselva, 084-182-R Erdøla/Løypingselva, 084-245-R Skorpeelva, 084-1737-L Digrenesvatnet, 084-28494-L Bekkevatnet, 0281010201-2-C Indre Førdefjorden, 084-997-G Førde grunnvatn. c. Indre Førdefjorden er påverka av fysiske inngrep som utfylling av masser og endring av elveutløp og er derfor kandidat til SMVF (sterkt modifisert vassførekomstar) (Vassforskrifta 5). d. Følgjande vassdrag er vurdert som dårleg/ moderat tilstand og må leggast inn i tiltakslista: 084-139-R Sagelva i Sundsdalen, 084-245-R Skorpeelva, 084-313-R Jølstra sideelvar (Moskog). 9
e. Førde kommune viser til kommunen sine framlegg til endringar i tiltakstabell, sjå Tiltaksprogram - vedlegg Førde korrigert, tekst merka med raudt. Handsaming i Bystyret 26.03.2015: Samrøystes vedtak BY-003/15 Vedtak: Førde kommune er positiv til arbeidet med å sikre ein felles, bærekraftig bruk av vassressursane på tvers av sektorar, og ønskjer å vere ein bidragsyter til å nå måla i vassforskrifta. Førde kommune støttar vassregionen sine ynskje om nye og betre verkemiddel og prioriteringar av tema for vidare oppfølging av tiltak i planen. Førde kommune vil peike på trong for auka økonomiske ressursar frå statleg hold for å sikre innføringa av direktivet i vassforvaltninga og gjennomføring av aktuelle tiltak innan ulike sektorområde. Førde kommune meiner at dersom kostnader skal førast i tiltaksprogrammet må dette også gjelde for statlege sektorstyresmakter. Innspel til høyringsdokumentet som vedkjem vassførekomstar i Førde kommune: a. Førde kommune meiner at tiltak i første planperiode, 2015-2021, bør konsentrerast om følgjande: Lokale forskrifter og vedtekter, med krav og vilkår Statuskartlegging og dokumentasjon Oppfølging, tilsyn og kontroll med gamle og nye utsleppsløyve Utbetring av feil og manglar Problemkartlegging og kost-nytte-analyse Tiltaks- og finansieringsplan for større tiltak, med informasjon, krav og pålegg til ansvarleg «eigar» Førde kommune meiner at problemkartlegging og kost-nytteanalyser bør skje i planperioden 2016 2021 og at frist for å nå miljømål vert utsett til 2027 (Vassforskrifta 9) for følgjande vassførekomstar: 084-288-R Jølstra Øyrane, 084-289-R Jølstra nedre bekkefelt, 084-132-R Angedalselva, 084-104-R Heilevangselva, 084-124-R Slokedalen bekkefelt, 084-139-R Sagelva i Sundsdalen, Rotneselva, 084-182-R Erdøla/Løypingselva, 084-245-R Skorpeelva, 084-1737-L Digrenesvatnet, 084-28494-L Bekkevatnet, 0281010201-2-C Indre Førdefjorden, 084-997-G Førde grunnvatn. Indre Førdefjorden er påverka av fysiske inngrep som utfylling av masser og endring av elveutløp og er derfor kandidat til SMVF (sterkt modifisert vassførekomstar) (Vassforskrifta 5). Følgjande vassdrag er vurdert som dårleg/ moderat tilstand og må leggast 10
inn i tiltakslista: 084-139-R Sagelva i Sundsdalen, 084-245-R Skorpeelva, 084-313-R Jølstra sideelvar (Moskog). Førde kommune viser til kommunen sine framlegg til endringar i tiltakstabell, sjå Tiltaksprogram - vedlegg Førde korrigert, tekst merka med raudt. Førde, den 29.01.2015 Ole John Østenstad Rådmann Odd Harry Strømsli plan- og byggesjef 11