MØTEINNKALLING Utval: Formannskapet Møtedato: 03.12.2013 Møtestad: Ingebrigt Davik-huset, Brattvåg Møtetid: Kl. 15:15 NB! Det vil bli lagt opp til ei vidare drøfting av formannskapet sitt buddsjettframlegg, jf. f.sak 89/13 frå møtet 26.11.13. Den som har lovleg forfall, eller er ugild i nokon av sakene, må melde frå så snart råd er, tlf. 70 20 75 32 (00), slik at varamedlem kan bli innkalla. Varamedlemmer møter etter nærare innkalling. Dokument som ikkje er utsendt, kan du få kopi av på rådhuset. Dokument som ikkje er offentlege, vil bli utleverte i møtet. Dersom medlemmene på førehand ønskjer å gjere seg kjent med innhaldet i desse dokumenta, er dei tilgjengelege på rådhuset. Haram kommune 28.11.13 Bjørn Sandnes ordførar Elin A. Moen sekretær
Sakliste Sak nr. Saktittel 099/13 Godkjenning av møtebok 26.11.13 100/13 Delvis bompengefinansiering av fv. 659 Nordøyvegen
HARAM KOMMUNE Sakspapir Utval Møtedato Saksnr Saksbeh. Formannskapet 03.12.2013 099/13 Elin A. Moen Avgjerd av: Formannskapet Godkjenning av møtebok 26.11.13 Arkiv: 033 Arkivsaknr 13/1279 Framlegg frå Rådmannen: Møtebok frå møtet 26.11.13 vert godkjent.
HARAM KOMMUNE Sakspapir Utval Møtedato Saksnr Saksbeh. Formannskapet 03.12.2013 100/13 Turid Hanken Avgjerd av: Kommunestyret Arkiv: Q30 Arkivsaknr 10/96 Delvis bompengefinansiering av fv. 659 Nordøyvegen Framlegg frå Rådmannen: Formannskapet rår kommunestyret til å gjere slikt vedtak: 1. Haram kommune viser til vedtak i fylkestinget i sak T-34/13 og legg til grunn følgjande finansieringsplan: Investeringskostnadar 2.750 mill. 2013-kroner Netto finansieringskostnader 480 mill. 2013 kroner Løyvingar som fylkeskommunen garanterer for 2.640 mill. 2013-kroner Bompengar (inkl. forskotsbompengar) 590 mill. 2013-kroner 2. Av ein eventuell kostnadsauke, ut over prisstigninga, på inntil 10 prosent skal Møre og Romsdal fylkeskommune finansiere eit beløp tilsvarande sin part av investeringskostnadane, altså rundt 96 prosent. All kostnadsauke ut over 10 prosent skal Møre og Romsdal fylkeskommune i si heilheit finansiere. Eventuelle innsparingar vert delt på same måte. Alternativt vert det åpna for at reduserte byggjekostnadar kan nyttast til å ta inn tiltak frå marginallista om det er lokalpolitisk semje om det. Det er Statistisk sentralbyrå sin kostnadsindeks for veganlegg som skal nyttast i prisberekningane. 3. Haram kommune legg til grunn at bompengar skal bli kravd inn i inntil 20 år. Dersom inntektene vert høgare og/eller finansieringskostnadane lågare enn det som er føresett, skal bompengesatsane reduserast eller bompengeperioden kortast ned. 4. Dersom inntektene sviktar og/eller at finansieringskostnadane vert høgare, kan perioden med bompengar forlengast med inntil fem år og/eller takstane kan aukast med inntil 20 prosent. 5. Haram kommune føreset at Møre og Romsdal fylkeskommune står ansvarleg for å finansiere tilskota frå stat, kommunar og private dersom desse likevel ikkje vert løyvd. 6. Haram kommune føreset at Møre og Romsdal fylkeskommune garanterar med sjølvskyldnarkausjon for dei låna som bompengeselskapet tek opp. Garantien
gjeld for hovudstolen for lånet, maksimalt 500 nominelle kroner med tillegg av 10 prosent til dekking av renter. Lånet kan ikkje overstige 550 mill. kroner. 7. Bomstasjonen skal plasserast på Skjeltene og bompengar skal krevjast inn begge vegar når vegen åpnar. Dei endelege takstane og rabattane vert fastsett seinare. Haram kommune legg førebels til grunn ein takst for lett bil på rundt 95 2013-kroner, med ein rabatt på 10 prosent for dei som nyttar brikke. Takst for tung bil vert tre gongar høgare. Det vert lagt til grunn fritaksordningar i tråd med dei til ei kvar tid gjeldande takstretningslinjer. 8. Haram kommune står fast på tidlegare vedtak om kommunale midlar til finansiering av Nordøyvegen. Vedlegg: Delvis bompengefinansiering - lokalpolitisk behandling Saksutgreiing: Statens Vegvesen har gjennom brev av 21.11.2013 sendt over sak vedk. behandling av delvis bompengefinansiering av fv. 659 Nordøyvegen. I brevet vert det redegjort for saka, og lagt inn eit framlegg til lokalpolitiske vedtak. Det går fram av brevet at vegvesenet har vore i dialog med Vegdirektoratet, og blitt samde om vidare finansieringsopplegg. I saka vert det lagt til grunn ein investeringskostnad på 2.750 mill. 2013-kroner. Av dette er det rekna med eit bompengebidrag på 110 mill. kroner. Finansieringskostnadane er rekna til 480 mill. kroner slik at samla bompengeinntekt vert 590 mill. kroner. Bompengeselskapet vil vere ansvarleg for å finansiere 4 prosent av ein eventuell kostnadsauke (110/2750) ut over prisstigninga, men avgrensa oppover til 10 prosent av investeringskostnadane (2.750 mill. 2013-kroner). Det vert lagt til grunn ein bompengeperiode på maksimalt 20 år. Dersom inntektene sviktar og/eller finansieringskostnadane vert høgare, kan bompengeperioden forlengast med inntil fem år og/eller takstane aukast med inntil 20 prosent. Møre og Romsdal fylkeskommune må garantere med sjølvskyldnerkausjon for dei låna som bompengeselskapet tek opp. Garantien skal gjelde for hovudstolen for lånet, maksimalt 500 mill. nominelle kroner med tillegg av 10 prosent til dekking av renter. Lånet skal ikkje overstige 550 mill. kroner. Det vert ikkje gitt løyve til betinga tilskot ved at fylkeskommunen får tilbake inntil 275 mill. 2013-kroner før innkrevjinga av bompengar opphøyrer. Det vert elles opplyst at bomstasjonen skal plasserast på Skjeltene, og at det skal krevjast bompengar begge vegar. Førebels er det lagt til grunn ein takst på kr 95 for lette køyretøy, og med ein rabatt på 10 prosent for dei nyttar brikke. Taksten for tunge køyretøy vert sett til tre gonger taksten for lette køyretøy. Vurdering:
Utgreiinga og framlegget til vedtak som vegvesenet har utarbeidd, er basert på ein gjennomgang med Vegdirektoratet. Det vert derfor oppmoda om at ein ikkje endrar på framlegget. Turid Hanken Rådmann