Kjære veljar! Ein politikar si hovudoppgåve er å vera til for folk der folk bur. Fusa kommune er ein flott kommune med eitt stort potensiale. Ei viktig sak for meg og Fusa Ap i kommande periode er å satsa på kvalitet i skulen. Skal me lykkast med det, med dei ressursane me har til rådvelde, må me vurdera om me har den rette skulestrukturen. Gjennom mange år med satsing på forbetra infrastruktur er avstanden mellom bygdene våre både i avstand og reisetid blitt betydeleg mindre. Dette gjer at tida no er inne for justering av skulestrukturen. Me vil løysa dette med å byggja nye og tidsrette skular. Barna og ungdommane våre skal oppleva at me satsar på dei. Det same gjeld sjølvsagt lærarane. For meg er Felleskulen eit berande element. Alle er saman uavhengig av evner og sosial bakgrunn. Dei andre områda me satsar på vil gå fram av programmet vårt. Eg vil bruka mitt engasjement og etter kvart store nettverk mellom anna gjennom mi erfaring som politikar i fylkeskommunen og varaordførar i Fusa til det beste for folket i vår kommune. Bruk stemmeretten ved kommune - og fylkestingsvalet 14. September. STEM ARBEIDERPARTIET! GODT VAL! Atle Kvåle Ordførarkandidat Fusa Arbeidarparti
FUSA ARBEIDARPARTI VALPROGRAM 2015-2019 Arbeidarpartiet sitt verdigrunnlag byggjer på fridom, likeverd og solidaritet. Det representerer eit menneskesyn der alle er like verdifulle. Partiprogrammet skal avspegla dei overordna verdiane. Fusa Arbeidarparti sitt mål er at dei skal visa igjen på alle område i programmet. HELSE OG OMSORG - TRYGGLEIK NÅR DET TRENGST Fusa Arbeidarparti vil: Byggja universelt utforma bustader og fleire omsorgsbustader i bygdesentra, nær buss og butikk. Styrkja heimetenestene, slik at dei som ønskjer det kan bu i eigen bustad lengst mogeleg. Arbeida for helsesenter på Leiro. Sikra midlar til møteplassar som bidreg til aktivitet. Arbeida for at psykisk helsevern og rusomsorg sikrar brukarar naudsynt hjelp og støtte til eit verdig liv. At det skal vera eit godt dagtilbod for funksjonshemma, psykisk sjuke og eldre. Ha auka fokus på fysisk aktivitet og forebygging. Jobba for innføring av omsorgsteknologi.
SKULE OG BARNEHAGE EIN GOD START! Her vert grunnlaget for all vidare utdanning lagt. Fusa Arbeidarparti vil derfor sikra: At noverande barnehagestruktur vert oppretthalden. Eit trygt og kvalitativt godt barnehagetilbod, der born kan oppleva leik og sosial meistring med jamnaldrande. At vi får offentlege og framtidsretta skular. Skulestrukturen skal bli fastsett ut i frå langsiktig planlegging. Skulebygg for framtida. At alle som jobbar i barnehage og skule har eller tek fagutdanning søskenmoderasjon i SFO, og mellom barnehage og SFO. BUSTAD Fusa Arbeidarparti vil gjera kommunen meir attraktiv ved å: Sikra, og regulera gode areal til bustadføremål. Syta for raskare byggjesakshandsaming ved å innføra elektronisk byggjesakshandsaming og forenkla prosessen. Byggja fleire kommunale utleigebustader. Fortetta og fornya eksisterande bustadmasse. Leggja til rette for ferdige bustader for sal. Gjerne bustader i rekkje. Vera aktive i media for å få folk, og spesielt unge, til å kjøpa eller leiga bustad i Fusa. Leggja til rette for rimelege bustader for ungdom. Gjera startlånsordninga betre kjent.
KOMMUNEN SOM ARBEIDSGJEVAR Saman med våre tilsette skal me utvikla tenestene våre. Fusa Arbeidarparti vil: Leggja til rette for fagleg utvikling og etter og vidareutdanning. At det må gjevast tilbod om fagopplæring i kombinasjon med arbeid. Vera deltakande i prosessen med kommunereforma. At talet på lærlingar skal aukast og fordelast på fleire fagfelt. Stilla praksisplassar til disposisjon for utdanning som er relevant for kommunen. Arbeida aktivt for å få ned ufrivillige deltidsstillingar i kommunen. Føra ein aktiv livsfasepolitikk FUSA EIT INKLUDERANDE SAMFUNN Fusa Arbeidarparti er positive til mottak av flyktningar. Vi ønskjer rett og plikt for innvandrarar til å gjennomføre opplæring i norsk og engelsk, og få innsikt i norsk samfunnsliv. Vi vil ta ansvar for heilskapleg integreringsprosess i lokalmiljøet.
DET FRIVILLIGE OG KULTUREN Fusa arbeidarparti vil: Sikra ferdigstilling av idrettshall i 2016/2017. Behalda og utvikla eit godt kulturskuletilbod i kommunen. Halda fram med satsing på breiddeidretten og arbeida for idrettsanlegg i nærområda. Støtta det aktive frivilligheitsarbeidet i kommunen. Saman med frivillige lag og organisasjonar laga til gangveg frå Eikelandsosen opp til Vengsvatnet med kulturpark, og historieforteljingar frå nær industrihistorie og anna aktivitet langs Koldalsfossen og elva. Styrke kulturbudsjettet. Bevara Kikedalen som i dag. Ha gratis utlån av kommunale lokale, banar og hallar for frivillige lag og organisasjonar. Sikra at friluftsområde og idrettsanlegg er tilgjengelege også for menneske med redusert funksjonsevne. Sikra at bygdeutvala er aktive forum for alle innbyggjarane i kommunen. KLIMA OG MILJØ Fusa Arbeidarparti programfester: At klima og miljøperspektivet skal vera ein del av all kommunal planlegging. At miljøet i vassdraga og fjordane våre oftare kjem på dagsorden. At kommunale tenestebilar skal vera miljøvennlige. Ei positiv haldning til utvikling og bruk av alternative energikjelder ved kommunale bygg. Arbeida for realisering av gang- og sykkelveg Eikelandsosen - Fusa Arbeida for gang- og sykkelveg Eikelandsosen Holdhus.
NÆRING OG LANDBRUK Fusa Arbeidarparti vil: Sikra utvikling av eksisterande næringsareal Styrkja og utvikla ASVO-bedrifta i Eikelandsosen. Sikre gode rammebetingelser for Fusalandbruket. Sikra gode areal til næringsverksemd utanfor landbruksområda. Stimuleringstilta for auka verdiskaping av skogressursar. Leggje til rette for berekraftig utvikling av oppdrettsnæringa i kommunen Arbeida for ny utskipingskai for tømmer og betong At områdeplan for kommunesenteret i Eikelandsosen må ferdigstillast. SAMFERDSEL Fusa Arbeidarparti vil arbeida for: Å sikra tenelege tilknytingsvegar til E39 og E134 Tverrsamband Fusa Os. Fylkesvei 552 Eikelandsosen Os er den mest naturlege vegstrekninga i kombinasjon med ferje/bru Venjaneset Hatvik med tilknyting til E39. Utbetring av vegparsellen Venjaneset Eikelandsosen Utbetring av vegparsellen Kilen Holdhus God frekvens på ferjeavgang Hatvik Venjaneset Oppretting av tilkallingsskyss ved at Skyss leiger inn undertransportørar Tunell Eikelandsosen - Sævareid Fylgja opp trafikksikringsplanen med gang- og sykkelvegar, veglys, busslommer og busskur.
VALLISTE FUSA ARBEIDARPARTI 2015-2019 PLASS NAMN ÅR BUSTAD 1 Atle Kvåle 1951 Eikelandsosen 2 Agnete Digranes Årvik 1963 Sævereid 3 Hans Ekeberg 1942 Fusa 4 Åse Margrethe Hegre Riise 1954 Eikelandsosen 5 Viggo Furubotn 1952 Eikelandsosen 6 Anne-Grete Gjerdevik 1975 Fusa 7 William Lindborg 1985 Eikelandsosen 8 Rine Årvik 1994 Sævereid 9 Egil Riise 1970 Eikelandsosen 10 Berit Hannisdal 1969 Strandvik 11 Helge Mjånes 1967 Eikelandsosen 12 Åse Kristin Uglehus 1986 Hålandsdalen 13 Sveinung Frilund Halvorsen 1974 Sævereid 14 Ulf Lie 1941 Strandvik 15 Viggo Nonås 1975 Hålandsdalen 16 Øyvind Straumsnes 1968 Fusa 17 Bergfrid Norheim 1969 Sævereid 18 Ole Christian Dale 1982 Fusa 19 Janne Gjøen Gjernes 1975 Eikelandsosen 20 Turid Glesnes 1943 Sævereid