Telemark Kristelig Folkeparti Politisk program (Nynorsk)

Transkript

1 Telemark Kristelig Folkeparti Politisk program (Nynorsk) 1. Verdigrunnlaget til KrF KrF byggjer politikken sin på eit kristent verdigrunnlag og ein kristendemokratisk ideolog. Vi er eit verdiparti. Politikken vår har sin basis i eit kristent menneskesyn, forvaltaransvaret og nestekjærleiksprinsippet. Med dette som utgangspunkt vil vi utvikla eit samfunn som gjev tryggleik for at alle handsamast med respekt og har like moglegheiter og rettar. 2. Folkehelse med menneskeverd i sentrum Fylkeskommunane har ansvaret som regional og lokal pådrivar i folkehelsearbeidet. Dette er ei stor og viktig oppgåve. I mange år har vi visst at livsstil betrar livskvalitet og leveutsikter. KrF er livsstilpartiet! Det beste dømet er innføringa av røykeloven, som i starten møtte mykje motstand, men som nå vert støtta av det store fleirtalet i folket. * støtta tiltak som kan inspirera innbyggjarane i Telemark til ein sunn og god livsstil, slik som sunt kosthald, fysisk aktivitet og styrkjing av mental helse * serleg arbeida for at eldre skal få høve til aktivitet, meistring og livsglede * sjå etter at lova om universell utforming vert overhalden slik at menneske med ulike funksjonsnivå får tilgang over alt * støtta initativ for å evaluera samhandlingsreforma og styrka samhandling om helsehjelp og omsorg * arbeida for at Telemark kan halda fram med eit sjukehustilbod med pasienten i sentrum og at utviklingsplanen for Sjukehuset Telemark vert realisert * arbeida for at Telemark får eigen luftambulansebase. Plassering må skje etter grundig fagleg vurdering * arbeida for nye måtar å yta spesialhelsetenester på i Kragerø og på Rjukan. Vi vil støtta kommunalt drivne døgnsenter og samarbeid med spesialisthelsetenesten om polikliniske tenester. Mange tilbod kan desentraliserast til beste for folket * vidareutvikla desentrale spesialhelsetenester innan rus og psykisk helse * støtta friviljuge organisasjonar som engasjerer seg i førebyggjande helsetiltak * støtta organisasjonar som arbeider mot vald i nære relasjonar * arbeida for alkoholfrie arenaer, m.a. der born og vaksne har felles møteplassar. fordi KrF arbeider for betre livskvalitet

2 3. Kultur Vi lever i ein tusenårig kulturtradisjon der kristne og humanistiske verdiar i stor grad pregar samfunn og kulturliv. Den norske kyrkja, saman med andre trus- og livssynssamfunn, er viktige kulturberarar og formidlarar av kristen tru og kulturarv. Kunst og kultur har ein eigenverdi og er grunnleggjande for livskvalitet og utvikling. Kultur er kjelde til kreativitet, oppleving og kunnskap og kan bidra til meir trivsel og vera eit helsefremjande tiltak. Kulturfeltet, inkludert idretten, engasjerer ei mengd friviljuge som brukar fritida si til å syta for at mange får del i kulturtilbod. Kultur er å satsa på det gode i mennesket. Eit rikt kulturliv er eit godt utgangs-punkt for dialog og samhandling mellom menneske og mellom generasjonar og andre kulturar. Kulturlivet kan også brukast som grunnlag for næring og nyskaping. KrF ønskjer å bidra til sterk satsing på kulturlivet i Telemark, både for å gje dei som bur her eit rikare liv og for å profilera fylket vidare utover. Telemark har ei unik industrihistorie. Ein plass på Unesco si verdsarvliste for industriarven Rjukan -Notodden gjev store moglegheiter for kultur, næring og reiseliv. KrF ser det som viktig at fylkeskommunen, saman med berørte kommunar, bidreg til å utnytta dei moglegheiter ein verdsarvstatus gjev. * styrkja kultursatsinga i Telemark både for å skapa trivsel og for å profilera fylket utover * presentera mangfaldet av kulturlivet i Telemark * styrkja Telemark sitt omdøme som kulturfylke * ta vare på og utvikla kulturelle arenaer og attraksjonar * styrkja det kulturelle arbeidet son vert utført av friviljuge organisasjonar * leggja til rette for trus- og livssynsorganisajonar og fremja god kontakt mellom representantar for ulike religionar og livssyn * satsa på rusfrie miljø * støtta breiddeidretten * stimulera til tiltak for kulturbasert næring * sikra gratis bruk av fylkeskommunale anlegg og vera pådrivar for at lokal for Kulturarrangement skal vera tilgjengeleg for alle utan omsyn til funksjonsnivå * støtta tiltak som bidreg til å utvikla dei moglegheitene ein verdsarv status gjev..fordi KrF arbeider for betre livskvalitet

3 4. Klima og miljø Forbruket må ha ei form og eit nivå som har eit lokalt og globalt perspektiv for klima og miljø. Den rike delen av verda har eit ansvar andsynes den fattige delen. Det kan føra til at vi, den rike delen av verda, må endra forbruksmønsteret. Naturen må forvaltast slik at vi bevarer det biologiske mangfaldet. Luft- og vannforureining og andre inngrep som kan gå på kostnad av biologisk mangfald, dei må hindrast. Forvaltaransvaret er ein grunntanke i KrFs miljøpolitikk. KrF ynskjer å leggja dette til grunn i fylkeskommunal politikk. Målet er å gje framtidige generasjonar eit berekraftig miljø. Forvaltaransvaret krev at vi utnyttar og arbeidar med dei ressursane som er tilgjengelege på ein berekraftig måte. Dette omfattar mellom anna eit forsvarleg jordvern. * støttar tiltak som fremjar allmenn forståing lokalt og globalt av klimaproblema * setja krav til kunnskapsbasert arealforvaltning * arbeida for tiltak som reduserer skadelege utslepp frå industri, transport og hushald * hjelpa til med utvikling av CO2 fangst, særleg gjennom utnytting og forvaltning av biomateriale * arbeida for raskare utbygging av gang- og sykkelvegar * styrka beredskapen for å handtera oljeutslepp * arbeida for eit forsvarleg jordvern. fordi KrF arbeider for betre livskvalitet 5. Kunnskap og kompetanse Skulen er samfunnets viktigaste fellesarena for læring og kunnskap, grunnleggjande ferdigheiter og haldningar. I skulepolitikken har KrF fokus på kvalitet. Den gode skulen legg vekt på lærelyst og meistring. I dette står «den gode læraren» sentralt. Skulen sitt program må vera i samsvar med Unesco sine fire søyler for livslang læring: Elevane må læra å kunna, å gjera, å vera og å leva saman. KrF er ein varm tilhengjar av einheitsskulen, men ser skular grunnlagt på alternativ pedagogikk eller livssyn som eit godt supplement til den offentlege skulen. Alle elevar har rett på eit godt skulemiljø. Trygg oppvekst utan mobbing må vera ein rett for alle born og ungdomar. Alle skular må gjennomføra systematisk arbeid mot mobbing. Telemark bør ha eit eige mobbeombod.

4 Mange ungdomar fullfører ikkje vidaregåande opplæring. Dette er urovekkjande. Difor må vidaregåande skule ha ei effektiv rådgjevings- og vegleiingsteneste. Skulehelsetenesta må vera eit lågterskeltilbod som også kan nyttast spontant. Elevar som vel ei yrkesretta utdanning i vidaregåande skule, må sikrast lærestader. Lærlingane høyrer heime under vidaregåande opplæring, men det er avgjerande at også kommunane har ein god lærlingepolitikk. Mange av dei oppgåvene som skal løysast i kommunane, dei er avhengige av at ein har god tilgang på gode fagarbeidarar. Høgskuletilbod i Telemark er viktige for våre unge. Høgskulen i Telemark må gje tilbod om høgare utdanning på alle nivå og driva relevant forsking og utviklingsarbeid. Ein fusjon mellom Høgskulen i Buskerud og Vestfold og Høgskulen i Telemark kan verta ein realitet i den komande valperioden. Etter ein eventuell fusjon vil dette bli ein stor og robust utdanningsinstitusjon i regionen som vil driva forsking på høgt nivå og tilby gode utdanningar til folket i regionen. Ein fusjonert høgskule vil oppfylla alle formelle krav for akkreditering som universitet. Telemark KrF vil støtta at den fusjonerte institusjonen får universitetsstatus. Ein slik status vil løfta kvaliteten både på forskning og utdanning som dei gjev, og det vil koma både studentar, næringsliv og samfunnet elles til gode. * arbeida for allsidig og utfordande vidaregåande opplæringstilbod som sikrar god kompetanse til arbeids- og samfunnsliv i alle delar av fylket * arbeida for ein god offentleg skule med høg kvalitet * arbeida for gode vilkår for skular grunnlagt på alternativ pedagogikk eller livssyn * arbeida for å sikra lærlingeplassar * arbeida for rekruttering av dugande lærarar * arbeida for at det vert gjeve etterutdannings- og utviklingsmoglegheiter for lærarar som allereie arbeider i skulen * arbeida for utvikling av skulemiljø frie for mobbing, prega av tryggleik, trivnad og tydeleg formidling av grunnleggjande verdiar * arbeida for god oppfylgjing av elevar som står i fare for å slutta utan fullførd vidareåande opplæring * arbeida for eige mobbeombod i Telemark * styrka skulehelsetenesta i vidaregåande skule * stimulera fleire til å ta utdanning på høgskule/universitetsnivå * arbeida for eit best mogeleg heilskapleg skuleløp og sikra samhandling med det kommunale nivået for å sikra dette

5 * arbeida for eit heilskapleg skuleløp med tett samarbeid mellom grunnskule og vidaregåande skule, særleg for å hindra «drop out» * sikra skuletilbod og arbeidstiltak for innbyggjarar med innvandrarbakgrunn * arbeida for at Telemark får behalda studieplassar og forskingsmiljø dersom Høgskulen i Telemark fusjonerer med andre høgskular/universitet * arbeida for at ein fusjonert høgskule der Høgskulen i Telemark og Høgskulen i Buskerud og Vestfold er med, får universitetsstatus. fordi KrF arbeider for betre livskvalitet 6. Næringsutvikling og nyskaping Telemark KrF ynskjer å sikra busetjing og næringsutvikling i alle deler av fylket. Vi ynskjer å skapa loksalsamfunn som stimulerer til kreativitet og entreprenørskap. Vi vil medverka til å skapa utviklingsarenaer som gir kunnskap, ferdigheiter og kompetanse som kan fornya næringslivet. Utfordringa vil heile tida vera å leggja til rette for og stimulera til ein variert næringsstruktur og eit inkluderande arbeidsliv. Eit lønsamt, mangfaldig og aktivt næringsliv er ein føresetnad for å sikra busetjing og livskvalitet. Telemark KrF vil også leggja til rette for ulike slag næringsklynger fleire stader i fylket knytta opp mot eksisterande og ny infrastruktur. Eit levande landbruk og skogbruk er både ei viktig næring i seg sjølv, men også ein naudsynt reiskap for sjølvberging, og ein viktig kulturberar som gjer det mogeleg å få til ei framtidsretta utvikling. Eit levande landbruk og skogbruk er for KrF ein vesentleg del av eit slikt aktivt næringsliv. * fremja tiltak som kan utvikla kreativitet og utviklingsmiljø og gründerevne i alle aldersgrupper * medverka til å skapa forskings- utviklingsmiljø og andre utviklingsarenaer som kan utvikla næringsretta kompetanse som gjev grunnlag for vekst og kompetanse * arbeida for at næringslivet får gode og trygge rammevilkår * medverka til utvikling innan ulike deler av reiselivsnæringa, med spesielt fokus på aktivitetar knytta til Telemarkskanalen * medverka til utvikling og bruk av bioenergi * sikra norsk eigarskap i industriføretak med viktig kompetanse og forsking * arbeida for eit levande landbruk med vekst og utviklingsmoglegheiter

6 * medverka til god samhandling med sikring av arbeid i andre regionar for å leggja til rette for samarbeid og ved det medverka til nyskaping og sikring av arbeidsplassar * leggja til rette og stimulera næringsutvikling der folk bur * medverka til å kartleggja nye moglegheiter i område som opplever underskot på arbeidsplassar * medverka til vidareutvikling av samarbeid mellom vidaregåande utdanning og næringsliv * stendig sjå etter moglegheiter for næringsutvikling for næringsetablering som følgje av endringar i infrastruktur og moglegheiter gjennom ny teknologi * tilretteleggjing for ulike slag næringsklynger * arbeida for eit levande landbruk og skogbruk i fylket.fordi KrF arbeider for betre livskvalitet 7. Samferdsel Infrastrukturen er framleis ikkje tilfredsstillande. For at fylket skal fungera optimalt for næringslivet, landbruket og skuleverket må det satsast meir på infrastruktur. Dette krev auka bevillingar til fylket. KrF vil arbeida aktivt for å påverka til det. Det er eit grunnleggjande behov for næringslivet og den einskilde i kvardagen at det er lett å koma fram. Det er eit mål for at folk kan ferdast trygt, enkelt og mest mogeleg miljørett, og at eit offentleg utbygt transportnett skal fremja busetjing og næringsliv. KrF meiner klimatrugsmålet må takast på alvor og peikar på at transport er ei av dei største utfordringane i utvikling i verda i dag. Miljøverknadane frå transportsektoren fører til store samfunnskostnader, og energiforbruket i sektoren er stort og aukande. Difor er også jernbanen nøkkelen til eit berekraftig transportsystem. * at infrastrukturen i større grad må tilfredsstilla morgondagens behov * at det vert lettare å koma fram, færre flaskehalsar og tryggare og meir miljøvenleg transport * prioritera satsing på kollektiv transport slik at dei sterkt belasta områda vert i stand til å ta imot ein større vekst i folketalet, utan at det går utover bukvalitet og miljø * leggja barneperspektivet til grunn også innan samferdsel. Det handlar til dømes om tryggare vegar, fleire gang- og sykkelvegar og om universell utforming av transportmateriell. «Trafikksikker kommune» har kome som omgrep den siste tida

7 * arbeida for auka tempo for ferdigstilling av 4-felts motorveg på E18 * pressa på for ferdigstilling av InterCity Trianglet * forsera utbygginga av E134, serleg ny trase mellom Kongsbergregionen og Aust- Telemark * vera pådrivarar for å få realisert viktige infrastrukturtiltak i Grenland * arbeida for å behalda og forbetra Bratsbergbanen og få til ei profesjonell marknadsføring av banen * rusta opp Valebøvegen * arbeida for at Rv 41 og Rv 36 vert prioriterte i neste NTP * arbeida for ei snarleg omlegging av hovudferdsvegen Fv 32 i Siljan, for å få tryggare veg til barnehage og idrettshall ved Midtbygda skule * pressa på for bygging av midt-delarar og forbikjøringsfelt * støtta initativ til byggjing av raske ladestasjonar for el-bilar * arbeida for auka bevillingar til utbetring av fylkesvegane * arbeida for tilfredsstillande ferjetrafikk i skjærgarden * oppretthalda delvis bompengefinansiering * framleis støtta eitkvart initativ til å få byggja jernbanetraseer for dobbeltspora lokal-, regional- og fjerntrafikk for både passasjerar og gods gjennom Telemark * støtta arbeidet for samankopling av Vestfoldbanen og Sørlandsbanen * arbeida for at Midt-Telemark får oppretthalda eit godt jernbanetilbod * arbeida for økonomisk stønad til flyplassane i Aust-Telemark og Grenland.fordi KrF arbeider for betre livskvalitet (Programmet vert vedteke på fylkesårsmøtet 7. mars 2015)

8 Telemark Kristelig Folkeparti Postboks 478 Sentrum, 0105 Oslo krf.no/telemark Facebook: Telemark KrF