Vår dato: Vår ref: 09.01.2019 2019/675 Dykkar dato: Dykkar ref: 20.12.2018 Zeben Putnam LINDUM AS Lerpeveien 155 3036 DRAMMEN Saksbehandlar, innvalstelefon Nina Vadøy, 5557 2316 Mellombels løyve til mottak, behandling og lagring av husdyrgjødsel etter låvebrann Fylkesmannen gir Lindum AS mellombels løyve til mottak og behandling av husdyrgjødsel etter ein låvebrann. Løyvet er avgrensa til å gjelde leveransen etter låvebrannen som det er søkt om og avfallet skal vere vidarelevert til lovleg avfallsmottak innan 15. mars 2019. I tillegg til at krav i eksisterande løyve gjeld har vi sett nokre tilleggskrav til mellom anna utslepp til vatn. Vi viser til søknad 20. desember 2018 med tilleggsopplysningar 21. desember 2018 om løyve til mottak og behandling av husdyrgjødsel etter ein låvebrann. Vedtak Fylkesmannen gir med heimel i forureiningslova 11, jf. 16 og 29 løyve til å ta imot og behandle husdyrgjødsel etter ein låvebrann på følgjande vilkår: Løyvet er avgrensa til å gjelde leveransen etter låvebrannen som det er søkt om og avfallet skal vere vidarelevert til lovleg avfallsmottak innan 15. mars 2019. Vilkår i løyvet av 26. november 1997 gjeld for mottak, behandling og lagring av avfallet. I tillegg gjeld krava under. Det er strengaste krav som er gjeldande. Mottak, behandling og lagring av avfallet skal gå føre seg innandørs og utslepp til vatn frå mottak, behandling og lagring er ikkje tillate. Eventuell avrenning skal samlast opp, handterast og klassifiserast før levering til lovleg avfallsanlegg. Dersom det oppstår uakseptabel lukt til omgjevnadane frå avfallet skal det vidareleverast til lovleg avfallsmottak straks. Vedtaket vil bli offentleggjort på www.norskeutslipp.no. Søknad E-postadresse: fmvlpost@fylkesmannen.no Sikker melding: www.fylkesmannen.no/melding Postadresse: Njøsavegen 2 6863 Leikanger Besøksadresse: Njøsavegen 2, Leikanger Statens hus, Kaigaten 9, Bergen Fjellvegen 11, Førde Telefon: 57 64 30 00 www.fylkesmannen.no/vl Org.nr. 974 760 665
Side: 2/3 Lindum AS har søkt om å ta imot, behandle og lagre om lag 60 tonn husdyrgjødsel etter ein låvebrann. Det står opplyst i søknaden at avfallet er forureina med sink og olje over klasse III i gjødselvareforskrifta og er derfor ikkje aktuelt til jordprodukt. Behandling av avfallet krev løyve frå Mattilsynet. Det står opplyst at søknaden gjeld «fast» del av blautgjødsel av storfe. Ein flytande fraksjon frå gjødselkjellaren er før levering til anlegget fjerna med sugebil. Verksemda har vurdert to alternativ for handtering av avfallet: Deponering problematisk pga. regelverk for deponering av organisk materiale Forbrenning problematisk pga konsistens Lindum AS ønsker å ta imot avfallet på komposteringsanlegget sitt i Simadalen i Eidfjord og behandle det der før vidarelevering til forbrenning. Verksemda har vurdert at pga. opphavet til avfallet (brann-tomt) er det naturleg å sende avfallet til forbrenning. Det står opplyst i søknaden at behandlinga går ut på å blande avfallet med sikterest frå behandling av matavfall i Odda, som elles skal til forbrenning, med blandingsforholdet ca. 1:1. Det blir laga ei lomme der sikterest og husdyrgjødsel blir blanda med hjullastar på tilsvarande måte som ved kompostering av slam. Avfallet blir etter blanding lasta i avfallskonteinarar og køyrt til forbrenning ved BIR Avfallsenergi AS. Resultatet vil vere om lag 75 tonn som tilsvarer 3 trailerlass. og som etterpå blir levert til samforbrenning, ev. med kort tids biologisk behandling (innandørs) for å redusere lukt. Det stod opplyst i søknaden at husdyrgjødselet stod lagra i konteinarar utan lokk på gardstunet ved brannstaden og at det bør fjernast omgåande med omsyn til nedbør og sjenanse. Avfallet har vorte avvist av to andre mottak, og Lindum AS har ikkje høve til å ta imot avfallet ved andre mottak. Saksgang Løyve til mottak, behandling og lagring av husdyrgjødsel etter låvebrannen som det er søkt om er gjort utan utlegging til offentleg ettersyn, jf. forureiningsforskrifta 36-9 andre ledd punkt b). Vi vurderer endringa til å ha mindre miljømessig betydning. Konsistens og innhald i husdyrgjødsel etter låvebrann skil seg ikkje særleg frå anna avfall verksemda har løyve til å behandle på anlegget. I tillegg hastar det å få avfallet levert til eit avfallsmottak som har løyve og fasilitetar til å ta imot slikt avfall. Fylkesmannen si vurdering og grunngjeving Fylkesmannen meiner å ha tilstrekkeleg informasjon for å kunne fatte vedtak i saka. Løyvet gitt 26. november 1997 omfattar kompostering av avvatna slam, kjeldesortert våtorganisk avfall frå hushald, kjeldesortert våtorganisk/lett nedbrytbart avfall frå storkjøkken og industri, hageog parkavfall, treflis og sagspon. Husdyrgjødsel er ein avfallsfraksjon som ikkje er omfatta av løyvet og krev derfor søknad etter forureiningslova. Husdyrgjødsel skil seg i utgangspunktet ikkje særleg frå dei andre avfallsfraksjonane verksemda kan behandle. På grunn av at avfallet er etter ein låvebrann og at det er påvist tungmetall i avfallet som utløyser krav om dispensasjon frå Mattilsynet, vurderer vi at det er nødvendig å setje krav om at det ikkje skal vere utslepp til vatn frå mottak, behandling og lagring av avfallet. Vurderinga er gjort i samsvar med vassforskrifta. Verksemda har søkt om å kunne forbehandle avfallet for å redusere lukt før det blir vidarelevert. Vi har gitt verksemda moglegheit til å lagre avfallet i om lag 2 månader før det må vidareleverast.
Side: 3/3 Dersom det oppstår uakseptabel lukt til omgjevnadane skal avfallet likevel vidareleverast til lovleg avfallsmottak straks. Aktiviteten det er søkt om vil ikkje påverke naturmangfaldet i vesentleg grad samanlikna med dei aktivitetane verksemda allereie har løyve til. Vi har derfor ikkje gjort nye vurderingar etter naturmangfaldlova 8-12. Fylkesmannen legg til grunn at verksemda innhentar nødvendig løyve frå Mattilsynet. Vi legg også til grunn av avfallet er lagra på forsvarleg måte før levering til Lindum AS sitt anlegg i Simadalen, til dømes ved bruk av tildekking. Eksisterande løyve er av eldre dato og skal reviderast. Verksemda er bedt om å sende inn søknad om revidering av løyvet og søknaden er venta innan utgangen av januar. Gebyr Fylkesmannen tek sakshandsamingsgebyr for arbeid med løyve. Reglane om gebyrinnkrevjing er gitt i forureiningsforskrifta kapittel 39. Vi har plassert arbeidet med løyvet under gebyrsats 9, jf. forureiningsforskrifta 39-4. Verksemda skal betale 6 600 kroner i gebyr for løyvet. Gebyrsatsen er vald basert på Fylkesmannens ressursbruk ved handsaming av søknaden. Miljødirektoratet sender faktura. Rett til å klage Partane som er involvert i saka og andre med særlege interesser kan klage på vedtaket til Miljødirektoratet. Klagen skal sendast til Fylkesmannen innan tre veker frå de har fått dette brevet. Ei eventuell klage fører ikkje automatisk til at gjennomføringa av vedtaket blir utsett. Fylkesmannen eller Miljødirektoratet kan etter oppmoding eller av eige tiltak, avgjere at vedtaket ikkje skal gjennomførast før klagefristen er ute eller klagen er avgjort. Denne avgjerda kan ikkje klagast på. De kan også klage på vedtaket om gebyrsats, jf. forureiningsforskrifta 41-5. Ei eventuell klage skal vere grunngitt. Send klagen til Fylkesmannen i Hordaland innan tre veker. Med visse avgrensingar har partane rett til å sjå dokumenta i saka. Nærare opplysningar om dette kan de få ved førespurnad til Fylkesmannen. Andre opplysningar om sakshandsamingsreglar og andre reglar av verknad for saka vil Fylkesmannen også kunne gje på førespurnad. Med helsing Astrid Holte senioringeniør Nina Vadøy overingeniør Dokumentet er elektronisk godkjent Kopi til: MATTILSYNET Felles postmottak Postboks 383 Lindum AS v/ Zeben Putnam ODDA KOMMUNE Opheimsgata 31 5750 ODDA 2381 BRUMUNDDAL