STYRESAK GÅR TIL: Styremedlemmer FØRETAK: Helse Vest RHF DATO: 20.11.2018 SAKSHANDSAMAR: Hans K. Stenby, Terje Arne Krokvik og Kjell-Einar Bjørklund SAKA GJELD: Forprosjektrapport - Nye Førde Sjukehus ARKIVSAK: 2015/2345 STYRESAK: 136/18 STYREMØTE: 11.12. 2018 FORSLAG TIL VEDTAK 1. Styret i Helse Vest RHF godkjenner forprosjekt Nye Førde sjukehus. 2. Kostnadsramma blir sett til1,64 milliardar i 2018 kroner. 3. Helse Førde må sikre at prosjektet er organisert og styrt slik at utbygginga kan gjennomførast innan kostnadsramma og med forventa kvalitet. 4. Helse Førde må ved behov gjere naudsynte justeringar undervegs i prosjektperioden. 5. Helse Førde må jobbe vidare med samt sikre seg at ein tar ut nødvendige driftsmessige effektar som bidreg til framtidig økonomisk og finansiell berekraft.
Oppsummering Konseptrapporten for utbyggingsprosjektet i Helse Førde blei sist behandla i Helse Vest i desember 2015. Det blei gitt lån til prosjektet i statsbudsjettet for 2017 og arbeidet med forprosjektet starta same år. Forprosjektet er no sluttført lagt fram til behandling både i styret i Helse Førde og Helse Vest. Prosjektet er i forprosjektfasen vidareutvikla og forbetra. Kostnadsramma er justert men ikkje auka. Budsjettramma er no på 1 642 millionar i 2018 kroner. Etter godkjent konseptfase i 2015 er det gjennomført eit omfattande arbeid med tenesteutvikling. Føresetnadar frå konseptfasen er oppdatert med ny kunnskap frå denne tenesteutviklinga, og Nye Førde sjukehus er utvikla i samsvar med dette og innanfor den kostnadsramma som vart vedteken i konseptfasen. Omlag halvparten av investeringa er nybygg, mens resten er ombygging av eksisterande bygningar. Gjennomføringa med detaljplanlegging og bygging er planlagt i tidsrommet 2019-2027. Det vil i åra framover komme uføresette endringar i behova, og det er i prosjektet skapt fleksibilitet ved at det er vurdert mogelege løysingar for vekst innanfor alle hovudfunksjonsområde. Det har i prosjektet vore eit overordna mål at Helse Førde skal oppretthalde full drift og levere gode tenester gjennom heile byggeperioden, og rekkefølgja i utbygginga støttar dette. Dei to nybyggdelane for psykisk helsevern og somatikk vert ført opp og teke i bruk først. Nye Førde sjukehus er delt inn i 8 delprosjekt, og det er etablert klare kostnadsmål for dei ulike delprosjekta. Delprosjekta er sekvensielle, og dette gir høve til god kostnadskontroll og optimalisering av kvart delprosjekt. Fakta Styret i Helse Vest RHF behandla konseptrapporten i styremøte 10.12.15, jf. styresak 120/2015. Styret fatta følgjande vedtak: 1. Styret i Helse Vest RHF godkjenner at alternativ 1 i konseptrapport «Arealplan FSS» blir vidareført til forprosjekt. 2
2. Kostnadsramma blir sett til 1,52 milliardar kr (eksklusiv byggelånsrente) og blir lagt til grunn for lånefinansiering. 3. Prosjektet kan vidareførast til forprosjekt når finansiering er klar. 4. Helse Førde må fram mot forprosjekt og i forprosjektet svara opp manglar og vesentlege kommentarar frå ekstern kvalitetssikrar. Det ligg no føre ein forprosjektrapport. Rapporten blei lagt fram for styret i Helse Førde 23.11.18. Styret fatta følgjande vedtak: 1. Styret i Helse Førde godkjenner forprosjektet Nye Førde sjukehus 2. Styret godkjenner at nye Førde Sjukehus vert vidareført til gjennomføringsfase. 3. Styret vedtar at kostnadsramma for Nye Førde sjukehus er 1,64 milliardar i 2018 kroner. Saka blir her lagt fram til behandling i styret i Helse Vest. Kommentarar Konseptfasen Det blei i konseptfasen utgreidd tre alternativ. Det var: Alternativ 1: «Arealplan FSS» Alternativ 2: «0-alternativ» Alternativ 3: «Nytt sjukehus» Alternativ 1 blei valt. Alternativet inneber ein omfattande rehabilitering av store delar av sjukehuset, nybygg for psykisk helsevern og delar av somatikken. Kostnadsramma blei sett til 1,52 milliardar kr (eksklusiv byggelånsrente). Styret i Helse Vest støtta styret i Helse Førde og vedtok at alternativ 1 blei vidareført til forprosjekt. Før konseptrapporten blei behandla var det også gjennomført ekstern kvalitetssikring (KSK). Det blei her peika på nokre manglar ved konseptrapporten og utgreiinga. Kvalitetssikrar framhev særleg: 1. «Det bør tydeliggjøres hvilke tiltak som faktisk er ment å inngå i alternativ 1. 2. Det bør gjennomføres en usikkerhetsanalyse av investeringskostnaden. Dette er særlig viktig for ombyggingsarbeidene der nøkkeltall i mindre grad er tilgjengelig. 3
3. Det bør gjøres en oppdatert analyse av den økonomiske bærekraften i prosjektet. 4. Det bør utarbeides en mer detaljert plan for gjennomføringen av forprosjektet.» Det blei også i KSK-rapporten peika på område der dokumentasjonen frå konseptfasen var mangelfull. Det var m.a. område som: «Virksomhetsmodeller og hvordan de fysiske løsningene påvirker virksomhetsmodellene, og dermed hvilket effektiviseringspotensial som kan hentes ut. Overordnet teknisk program og Hovedprogram utstyr; dokumentene må videreutvikles og detaljeres. Kostnadskalkyle nybygg psykiatri; det bør vurderes om de relativt lave kalkylene er realistiske. Plan for hvordan byggeprosjektet skal gjennomfører for å minimere negative konsekvenser for sykehusdriften.» Dei tre første punkta (1, 2 og 3) blei handtert i den endelege konseptrapporten. Dei andre forholda som det blei peika på i kvalitetssikringa er følgt opp i arbeidet med forprosjektet. Arbeidet i forprosjektet I statsbudsjettet for 2017 blei Helse Førde gitt lån til utbyggingsprosjektet. Arbeidet med forprosjektet kunne såleis starte for fullt frå 01.01.17. Arbeidet starta med kvalitetssikring av konseptet. Det er gjort eit omfattande arbeid med tenesteutvikling, risikovurdering og forankring av prosjektet i organisasjonen. Det har vore brei deltaking og stort engasjement i organisasjonen for å få fram forprosjektet. Hovudendringane frå konseptfasen er: Ny løysing for psykisk helsevern med noko mindre areal enn planane frå 2015 la opp til Einerom med ny løysing for bad i eksisterande høgblokk Det blir etablert pasienthotell i tillegg til sjukehotell All poliklinikkdrift blir skilt frå sengepostane Auka utnyttingstid på generelle undersøkingsrom i poliklinikkar til seks timar Operasjon er plassert i nybygg vestover på plan 2 Sterilsentral er flytta frå plan 0 til nybygg vestover i plan 3 Forprosjektet skulle elles detaljere og optimalisere planar som låg i konseptfasen. Det er m.a. i forprosjektet gjennomført ein pilot på ombygging av eit bad på eit eksisterande einerom i høgblokka som har gitt tryggleik for at denne løysinga kan nyttast. 4
Prosjektet er betra i høve til konseptfasen, men prosjektet held seg innanfor den same kostnadsramma. Den mest vesentlege endringa er auke av einrom frå 30 % til 90 % no i forprosjektet. Stegvis utbygging Prosjektet er sett saman av ei rekkje større eller mindre delprosjekt/byggesteg og går føre seg i ein 10 års periode. Dei delprosjekta som kjem først er utvikla lengst. Det gjeld også for kostnadar i prosjektet. Nye Førde sjukehus er delt inn i 8 delprosjekt, og det er etablert klare kostnadsmål for dei ulike delprosjekta. Delprosjekta er sekvensielle, og dette gir høve til kostnadskontroll og optimalisering av kvart delprosjekt. Prosjektet delt inn følgjande delprosjekt: 1. Nytt bygg for psykisk helsevern 2. Ny/utviding av hovudforsyning for el-kraft 3. Flaumvern 4. Vegkryss - utbetring 5. Nybygg somatikk 6. Ombygging eksisterande psykiatribygg 7. Ombygging sentralblokka plan 0-3 8. Ombygging sentralblokka plan 4-9 Det har i prosjektet vore eit overordna mål å oppretthalde full drift og levere gode tenester gjennom heile byggeperioden, og det er laga ei utbyggingsrekkjefølgje som støttar dette. Dei to nybyggdelane for psykisk helsevern og somatikk vert ført opp og teke i bruk først. Denne rekkefølga er avgjerande for at sjukehuset skal kunne ta i bruk dei fråflytta areala til rokkeringsareal, når eksisterande bygg vert bygde om. Når poliklinikkane skal byggast om blir rokkeringsarealet som då er frigjort i høgblokka nytta. Når det skal byggast om i høgblokka, må poliklinikkane vere ferdigstilt og permanent tilbakeflytta i det ombygde poliklinikkarealet. Risikobilde for ombyggingsprosjekta er større enn for nybygga både fordi dei kjem seinare i gjennomføringa, men også fordi det er større risiko for uføresette forhold ved ombygging enn nybygg. Behova for tenester kan også endre seg. Det er såleis i prosjektet skapt fleksibilitet ved at det er vurdert mogelege løysingar for vekst innanfor alle hovudfunksjonsområde. 5
For å kunne styre prosjektet innanfor kostnadsramma vil omfang av ombygging bli vurdert på nytt før start av kvart delprosjekt. Samstundes vil føretaket oppdatere behovsanalysar og innhente ny erfaring frå andre prosjekt. Det gjev grunnlag for å forbetra løysingane ettersom det ligg føre ny kunnskap. Investering og økonomisk bereevne Kostnadsramma er prisjustert og er i forprosjektet sett til 1 642 mill. kroner i 2018 kroneverdi. Føretaket har synleggjort i forprosjektrapporten at dei samla sett for planperioden har økonomisk og finansiell bereevne til å gjennomføre investeringsprosjektet dersom dei føresetnader som er lagt til grunn blir innfridd. Føretaket er tildelt lån frå Helse- og omsorgsdepartementet som utgjer 70 % av investeringa. Den resterande delen må handterast med eigne midlar. Nye bygg skal gi meir rasjonell drift, mellom anna gjennom felles lokalisering av psykiatri og etablering av sikkerheitspost. Vidare er det føresett at dette vil gje enklare vareflyt, meir fleksible løysingar og nytt tidsriktig utstyr. Dette vil samla sett bidra til meir effektiv drift. I perioden 2019-2022 er utbetalingar til investeringar høgare enn føretaket klarer å dekke med eigne midlar. Føretaket har derfor i sin plan lagt til grunn at det gjennom dialog med Helse Vest RHF er mogleg å løyse denne utfordringa ved å få etablert eit kortsiktig internt lån. Nivået på eit slik lån er anslått til om lag 137 mill. kroner. Dette er eit forhold som Helse Vest må komme tilbake til i samband med rullering av økonomisk langtidsplan våren 2019. Konklusjon Utbyggingsprosjektet skal understøtte god og effektiv tenesteyting. Helse Førde har gjort eit omfattande arbeid med å vidareutvikle prosjektet m.a. med bakgrunn i dei føringane som blei gitt ved behandling av konseptfasen. Det er gjort vurdering av korleis behovet for tenester vil utvikle seg og korleis tenestene fagleg og organisatorisk kan utvikle seg. Det er gjennomført omfattande arbeid med tenesteutvikling og vurdering av ulike byggløysingar. Samstundes er det utarbeidd eit forprosjekt innanfor den kostnadsramma som blei sett for prosjektet. Utbygginga skal gå føre seg over mange år og er delt i mange steg. Ei slik stegvis gjennomføring gir grunnlag for endringar og ytterlegare kvalifisering undervegs. Det gir også eit godt grunnlag for å styre prosjektet innan den kostnadsramma som er sett. 6
Det blir rådd til at prosjektet kan sette i gang bygging innan den kostnadsramma som er sett. Vedlegg: Vedlegg 1 - Forprosjektrapport Nye Førde sjukehus 2018-11-14 Vedlegg 2-10.1 - Utdrag frå sluttrapport for 6 tenesteutviklingsområde Vedlegg 3-10.2 - Funksjons- og romprogram Vedlegg 4-10.3 - Arkitektonisk og teknisk forprosjekt Vedlegg 5-10.4 - NFS IKT Målbilde Vedlegg 6-10.5 - Analyse av usikkerhet Vedlegg 7-10.6 - Analyse av bereevne Vedlegg 8-10.7 - Teikningar Vedlegg 9-10.8 - Arbeidsliste for neste fase 7