TIL FAGANSVARLEGE FOR BACHELOR- OG MASTEROPPGÅVA DET TEKNISK-NATURVITSKAPLEGE FAKULTET Det teknisk-naturvitskaplege fakultet (legg inn på alle sidene.. 30.09.2009
INNHALD: 1. INNLEIING... 2 2. TIDSFRISTAR... 3 3. OMFANG... 3 4. DISPENSASJONAR... 3 5. EIGEDOMSRETT OG BANDLEGGING... 4 6. VURDERING... 5 7. AKTUELLE SKRIV OG SKJEMA... 6 1. INNLEIING Ei bachelor- eller masteroppgåve kan vera ei intern eller ekstern oppgåve utlyst av instituttet ei ekstern oppgåve som studenten(ane) har skaffa sjølv ei intern oppgåve laga av studenten(ane) Eksterne oppgåver skal ha ekstern rettleiiar. For interne oppgåver kan fagleg ansvarleg og rettleiar vera same person. Det å ha fagleg ansvar for ei bachelor- eller masteroppgåve inneber at du skal godkjenna nivå og omfang på oppgåva underskriva kontrakt med studenten(ane) slik at uttak kan skje innan fristen, sjå tabell 1 godkjenna framdriftsplan for arbeidet saman med eventuell rettleiar setja av nok tid til oppfølging av studenten(ane) gå gjennom og gi tilbakemelding på rapportutkast før innlevering sjekka oppgåva for eventuell plagiering etter innlevering på It s learning (ved hjelp av programmet Ephorus) skaffa sensor innan frist gitt i tabell 1 vurderer oppgåva innan frist gitt i tabell 1 Dei neste kapitla vil gi utfyllande opplysningar om noko av dette, og til slutt vil det bli vist til aktuelle skjema og skriv. 2
2. TIDSFRISTAR Eit årshjul for bachelor- og masteroppgåva er vist under. Oppgåve: Frist for institutta til å halda informasjonsmøte Frist for utlysing av institutta sine oppgåver på It s learning Frist for søknad på oppgåve (gjeld også registrering av eksterne oppgåver) Frist for kunngjering av tildelte oppgåver på It s learning Bacheloroppgåve, 15sp Masteroppgåve, 30sp 15/10 1/11 15/3 15/10 1/11 15/3 15/11 1/12 1/4 1/12 15/12 15/4 Frist for formelt uttak av oppgåva 15/1 1/2 15/9 Masteroppgåve, 60sp Kva semester oppgåva går over Vår Vår Haust og vår Frist for institutta til å skaffa sensor 15/5 15/5 15/5 Innleveringsfrist 15/5 15/6 15/6 Vurderingsfrist 6 veker 12 veker 12 veker Tabell 1 3. OMFANG Omfanget av ei oppgåve er 30 timar pr. studiepoeng ut frå fakultetet sine normer for arbeidslast. Ei bacheloroppgåve gir såleis ei normert last på 450 timar for kvar student. Det er viktig at studentane tar omsyn til dette ved utforming av framdriftsplan. Omfanget for den fagleg ansvarlege sin del, er også gitt av fakultetsnormer. Desse kan ein finna i arbeidsplanen. Omfanget av oppfølgingsarbeidet vil variera ein god del ut frå prosjektet sin karakter og dei aktuelle studentane. Ein bør kunne setja av opptil 1-2 timar i veka i tillegg til for- og etterarbeid. 4. DISPENSASJONAR Det kan av og til vera behov for å søkja dispensasjon frå regelverket. Dispensasjonssøknader skal avgjerast av instituttleiar etter tilråding frå fagansvarleg, jfr. 6 i Reglar for bachelor- og masteroppgåva. Ein vanleg dispensasjon er å utføra oppgåva til andre tider enn vist i årshjulet i kapittel 2. Studenten skal då senda ein grunngitt søknad til instituttet, jfr. 1.10 i reglane. Søknaden skal også innehalda ein tidsplan for uttak og innlevering som er sett opp i samråd med fagansvarleg. 3
Det er sett ei maksimal tid mellom uttak og innlevering som vist i 1.7 i reglane. Merk her at instituttet kan gi dispensasjon frå denne viss det i løpet av oppgåva for eksempel er lengre periodar der laboratoria er stengde eller fagansvarleg er på ferie slik at studenten(ane) ikkje har tilgang på rettleiing. Det er også viktig i ferietider å sjå til at HMS-reglane for eksperimentelt arbeid kan oppfyllast. 5. EIGEDOMSRETT OG BANDLEGGING I 5.1-4 i Reglar for bachelor- og masteroppgåva er det gitt føringar vedrørande opphavsrett og utnytting av ei oppgåve: 5.1. Studenten(ane) har opphavsrett til oppgåva. Studenten(ane) har rett til å publisera oppgåva si, eller delar av denne, som ei sjølvstendig avhandling eller som del av eit større arbeid, eller i popularisert form i ein vilkårleg offentleg publikasjon. Utan samtykkje gjeld dette likevel ikkje materiale som er stilt til disposisjon av ei bedrift og som er gjengitt direkte i oppgåva eller i vedlegg til denne. Tilsvarande samtykkje krevst av fagansvarleg for materiale han har stilt til disposisjon. 5.2. Dei innleverte eksemplara av oppgåva med teikningar, modellar og apparatur, så vel som dataprogramvare som inngår som del av eller vedlegg til oppgåva, tilhøyrer UiS. UiS kan fritt nytta oppgåva med vedlegg til undervisnings- og forskingsformål. 5.3. Ei bedrift eller ein institusjon som har bidrege ved utarbeidinga, har krav på å få eit eksemplar av oppgåva med vedlegg, og kan få opplyst UiS si vurdering av oppgåva. Bedrifta eller institusjonen kan nytta innhaldet av oppgåva i verksemda si. 5.4. Ved ein kvar bruk utover det som er spesifisert i 5.1-3, må det inngåast avtale mellom UiS, eventuell bedrift og studenten(ane). Når det gjeld bandlegging, er 5.5 i Reglar for bachelor- og masteroppgåva sentral: 5.5. Student(ar), rettleiar eller bedrift/institusjon som har bidrege, kan søkja oppgåva sperra for offentleggjering normalt inntil 2 år og maksimalt i 5 år. I søknaden må det sannsynleggjerast betydeleg skadeverknad av offentleggjering. Ved sperring må det inngåast eigen avtale. Fakultetet har utarbeidd Avtale om båndlegging av bachelorog masteroppgaven som kan nyttast her, sjå også 6.3 om dispensasjonar. Korleis ein handsamar slike søknader, er gitt av 6.3: 6.3. Søknader om sperring av oppgåver i inntil 2 år kan avgjerast av instituttleiar etter tilråding frå fagansvarleg. Søknader utover dette må avgjerast av fakultetet sin dekan. Det skal altså alltid inngåast avtale når ei oppgåve skal sperrast. Andre avtalar blir det behov for bare i spesielle tilfelle som viss ein planlegg å patentera resultatet av ei oppgåve eller ved anna utnytting utover det som er spesifisert i 5.1-3. 4
6. VURDERING Ved vurdering skal følgjande vektleggjast: Evne til å planleggja, løysa og dokumentera ei problemstilling innan et gitt tidsrom. Evne til å utføra eit godt og sjølvstendig arbeid. Evne til å formidla og disponera stoffet. Kvalitet av rapporten. Originalitet og refleksjon. Her siktar ein til idérikdom, eleganse, kombinasjonsevne og kor oppfinnsom ein har vore. Kor vanskeleg oppgåva er. A Svært godt Masteroppgåva: Eit svært godt arbeid med veldig bra sjølvstendig innsats. Relativt stor grad av originalitet. Nye resultat eller svært bra modelleringsinnsats. Klar og stringent presentasjon. Arbeidet er publiserbart. Bacheloroppgåva: Eit svært godt arbeid med veldig bra sjølvstendig innsats. Innslag av originalitet. Klar og stringent presentasjon. B Mykje godt Eit mykje godt arbeid. Bra sjølvstendig innsats. God forståing av stoffet. Mykje god presentasjon. C Godt Eit godt arbeid. Noko sjølvstendig innsats. Grei forståing av stoffet. God presentasjon. D Brukbart Eit brukbart arbeid. Liten sjølvstendig innsats. Rutinemessig bruk av standard metodikk eller oversiktsbetont arbeid av relativt lett tilgjengeleg stoff. Akseptabel presentasjon. E F Tilstrekkjeleg Dokumentert arbeidsinnsats av tilstrekkjeleg omfang. Oversiktsarbeid eller rutinemessig arbeid med svært liten sjølvstendig innsats. Varierande grad av vellukka presentasjon. Ikkje tilstrekkjeleg Ikkje bestått. Dersom to eller flere studentar samarbeider om ei oppgåve, står dei normalt solidarisk ansvarlege og får same karakter. Dersom ein munnleg presentasjon/eksaminasjon inngår som del av karakteren, kan det vera høve til å gi ulike karakterar. Studenten kan be om skriftleg grunngjeving av vurderinga. 5
7. AKTUELLE SKRIV OG SKJEMA I samband med gjennomføring av bachelor- og masteroppgåva trengst nokre skjema og skriv. Desse kan hentast på fakultetet sine heimesider, www.uis.no. Det er viktig at både studentane og den som har det faglege ansvaret for ei oppgåve, er kjent med innhaldet i desse skriva. Skriv: Vegvisar for bachelor- og masteroppgåva Søknad om bachelor- og masteroppgave, bokmål versjon Søknad om bachelor- og masteroppgåve, nynorsk versjon Kontrakt for bachelor- og masteroppgave, bokmål versjon Kontrakt for bachelor- og masteroppgåve, nynorsk versjon Framside for bacheloroppgåva, nynorsk versjon Framside for masteroppgåva, nynorsk versjon Forside for bacheloroppgaven, bokmål versjon Forside for masteroppgaven, bokmål versjon Reglar for bachelor- og masteroppgåva Til bedrifter om bachelor- og masteroppgåva Avtale om båndlegging av bachelor- og masteroppgaven Andre dokument: Avtale om tilgjengeliggjøring av masteroppgave Master Thesis deposit agreement Laboratorieinstruks for Institutt for data- og elektroteknikk (IDE) Innføringshefte i helse, miljø og sikkerhet (HMS) for Institutt for konstruksjonsteknikk og materialteknologi (IKM) og Institutt for industriell økonomi, risikostyring og planlegging (IØRP). Utdrag fra Regelverk (NB! Foreløpig versjon) Innføringshefte i Helse, Miljø og Sikkerhet for Institutt for Petroleumsteknologi. Utdrag fra Regelverk 6