Side 1
Velferd i fellesskap Arbeiderpartiet trur på sterke fellesskapsløysingar, fordi vi får til meir saman enn kvar for oss. Det gir større tryggleik og fleire moglegheiter for den einskilde. Kommunen utgjer grunnmuren i velferdssamfunnet vårt, med særleg ansvar for skule, helse og eldreomsorg. Vestnes Arbeiderparti vil ha velferdstenester som tar opp i seg nye behov og nye verkemiddel, er fleksible og tilpassa kvar og ein sitt behov. Vi må ta vare på kommunen sine tilsette, og gi dei høve til å utvikle seg og sin kompetanse, slik at vi kan gje innbyggjarane gode tenester. Arbeiderpartiet i Vestnes meiner at endringar i kommunestruktur bør bygge på lokale ønske, med fokus på god oppgåveløysing og demokratisk deltaking. Arbeiderpartiet i Vestnes vil arbeide for at innbyggjarane i Vestnes tek stilling til eventuelle endringar i kommunestrukturen gjennom rådgjevande folkerøysting. Stig Holmstrøm Ordførarkandidat Side 2
Klima og miljø Klima og miljøperspektivet må vere ein sentral del av kommunal planlegging, og vi vil aktivt bruke kommunal klimaplan og rullere den kvart fjerde år. Planlegge nye bu- og næringsområde med gode kollektive transportløysingar, miljøvennlege og energiutnyttande bygg. Vi vil legge til rette for elbilar og ladbare hybridbilar. Vil aktivt bruke lovverket til å redusere forsøpling i kommunen. Kultur, fritid og frivillig arbeid Eit mangfaldig kulturliv gir attraktive og gode lokalsamfunn. Det frivillige arbeidet er en berebjelke i velferdssamfunnet. Stimulere frivillig og samfunnsbyggande arbeid og kommunalt samarbeid med frivillig sektor. Stimulere det frivillige arbeidet i barnehage, skule og fritidsaktivitetar for barn og unge. At kultur skal vere tilgjengeleg for barn og unge utan omsyn til økonomi. Støtte rusfrie aktivitetstilbod. Side 3
Næringsliv, sysselsetting, samferdsel og bulyst. Vi må skape for å ha noko å dele. Ein aktiv næringspolitikk er derfor viktig. Mange pendlar inn til Vestnes, men endå fleire pendlar ut av kommunen. Vestnes ligg sentralt midt i fylket og store samferdselsprosjekt og eventuell kommunesamanslåing vil prege utviklinga for kommunen. Kommunen må aktivt bidra til at ein ferjefri kryssing av Romsdalsfjorden i størst grad blir til beste for både kommune og region, mellom anna gjennom tilretteleggjing av næringsareal og djupvasskai. Legge til rette for nye arbeidsplassar gjennom næringsareal og rask saksbehandling. Halde fram med bidrag frå Vestnes kommune til Vestnes Næringsforum. Styrke landbruket sine vilkår i kommunen. Fremme utbygging av alternative bustadsløysingar. Gi sjømatnæringa gode vilkår samtidig som miljøomsyn blir teke vare på. Bidra til utvikling av reiselivsnæringa i kommunen. At evnene og ressursane til dei som av ulike grunnar fell utanfor arbeidslivet, blir sett og tatt i bruk. Motarbeide sosial dumping. Ha hurtigbåt og gode ferjesamband over Moldefjorden, likeeins gode busstilbod i retning Ålesund og Åndalsnes. Arbeide for krabbefelt over Ørskogfjellet, forbetringar på Kjersemfjellet og Nakkedalen samt trafikktrygging ved Furneset ferjekai. Side 4
Kommunen har underskot på unge kvinner og folketalet blir berga av innvandring. Trivsel, inkludering, attraktivitet og bulyst er viktige stikkord for Vestnes Arbeiderparti. Legge til rette for utbygging av ungdomsbustadar og tilbod av attraktive tomter. Styrke Helland som sentrum, og ta vare på dei gode møteplassane rundt i bygdene. Ha meir satsing på andelslandbruk, noko som både gir trivsel og kortreist mat. Arbeide for publikumsvennlege kvelds og helgeruter for buss og ferjer. Ha rask og sikker Internett-tilknyting for alle i kommunen. Side 5
Helse omsorg Vestnes Arbeiderparti vil arbeide for at Vestnes kommune skal stimulere til økt livskvalitet gjennom førebyggjande arbeid. Kommunen skal også vere garantist for gode pleieog omsorgstenester for innbyggjarane sine når dei treng det. Tenestene skal tilpassast etter den einskilde sitt behov, uavhengig av alder. Ha fokus på folkehelse og førebyggjande helsearbeid (førebygge kontra reparere) Styrke kommunen sitt førebyggjande psykisk- og fysiskhelsearbeid. Ha fokus på god ressursbruk og heilheitlege tenester, forankra i den einskilde sitt behov og sjølvbestemming Utvikle tenester i tråd med behov, nye metodar og hjelpemiddel. Fremme utbygging av alternative bustadsløysingar for å ivareta innbyggjarane sine fysiske og psykiske livsutfordringar. Styrke omsorgstilbodet for demente Utarbeide og implementere handlingsplan for å førebyggje og møte samfunnsproblemet med vald i nære relasjonar. Side 6
Oppvekst Vestnes Arbeiderparti vil arbeide for trygge og gode oppvekstvilkår for barn og unge i kommunen vår. Legge til rette for gode barnehagar. Ha ein god offentlege skule med gode læremiddel og høg kompetanse. Arbeide for søskenmoderasjon i SFO. Arbeide for mobbefrie skular med godt læringsmiljø. Arbeide for gode rabattordningar for ungdom i kollektivtrafikken. Legge til rette for utbygging av rimelege ungdomsbustadar. BRUK STEMMA DI bruk ho solidarisk Side 7
Side 8 ZG-D