Veslefrikk Mai 2018 Den siste tida har me hatt mykje bra vær, og det har me nytta oss av. Å få vera ute og leika og gå i ulendt terreng er bra for motorikken til alle barn. Me ser framgang hos alle, både på kva dei klarar, kva dei vågar å prøve på og kva dei sjølv trur dei klarar. Barna visar stor glede når dei kjem opp plassar dei før ikkje har klart, og ofte får me sjå kor stolte dei er over kva dei har fått te det med rette. Det er mykje rart å finne over alt når me er ute, og nokre av barna synest at det å grave etter småkryp er ekstra spanande, kjekt er det og at dette vil dei eldre barna i barnehagen gjere i lag med dei Nokre er ikkje fortroleg me å ta i småkrypa, då ber dei om vottar Samlingar inne rundt tema småkryp har vore engasjerande og morosame. Latteren sit laust hos mange, men det er og nokre av barna som ikkje likar desse småkrypaheller ikkje dei litt større plastikkvariantane me har. Inne har me tatt i bruk veggbordet vårt når me et. Her sit det no fire barn i lag med ein vaksen. Dei får øve ekstra på å smørja sjølv, sitja roleg, venta på tur og senda pålegg til kvarandre. Med færre rundt borda blir det og betre utgangspunkt for gode samtalar mellom barna og mellom barna og dei vaksne. Dette bordet vippar me opp på veggen når me ikkje treng det, då får me meir boltreplass Inne har me teikna ein god del og no har fleire funne ut at å klyppa er og veldig kjekt. Desse aktivitetane i lag med forskjellig formingsaktiviteter (maling,trolldeig ) puslespel og perling gir god bruk og øving av finmotorikken. Å dela og å venta på tur er ikkje alltid like lett. Når små barn ikkje ventar på tur handlar det ikkje om å snike eller ha det travelt, dei vil bare så gjerne gjere eller ha noko akkurat no. Me har framleis ei veg å gå her, men med vaksne tett på som forklarar og visar blir det enklare å akseptera. Tida som kjem: I mai kjem me til å ha ei 17.mai markering for barna i barnehagen. Då har me fellessamling, tog med musikk og fane og ikkje minst leikar og god mat i barnehagen. I juni blir det sommarfest. Då blir foreldre, besteforeldre og søsken invitert her kjem det eigen invitasjon.i mai og juni kjem me til å ha frå vår til sommar som utgangspunkt for vårt arbeid. Kva me kjem til å drive med då kan de lesa om i månadsplanen. Helsing Oddbjørg, Vibeke, Gunn-Iren og Elida
Litt av kva me har gjort den siste tida: Turar i nærmiljøet er spanande. Me kjenner lyden frå kyrkjeklokkene, men me visste ikkje at dei hang så høgt oppe Store steinar og anna å klatre på var spanande og me klarde så vidt å halde oss tørre då me gjekk forbi ein bekk-den var svært fristande! Godt humør var det på heile gjengen heile vegen!
Leit og du skal finne! Utrolig spanande å grave etter småkryp. Nokre kjenner me, dei vil me gjerne halde, andre er nye og litt skumle.me tel på bein, men det er ikkje enkelt.
Samling om småkryp i naturen.
Me lagar edderkoppar. Dei får så mange bein dei vil ha, og fine fargar får dei og. Me har fått nye plassar rundt borda, men når det er fest og balluba får me plass rundt eit.
Trampoline, sandkaker, bøker og vaksne som har tid