Årsmelding for Bjordal og Ortnevik sokneråd 2017 Desse var i soknerådet i 2017 : Øyvind Rømo, leiar Sølvi Gunn Kalstad, nestleiar Liv - Gunnbjørg Søreide, kasserar Sissel Sørebø, diakonikontakt Bodil Førde, Åshild B. Søreide og Andreas Ester. Alf Magnar Svartemyr blir som første varamedlem fast innkalla til møta. Åge Østerbø er varamedlem. Bodil Førde og Sissel Sørebø representerer soknet i Høyanger Kyrkjelege Fellesråd. Sølvi Gunn Kalstad og Øyvind Rømo er personlege vara. Personalsituasjonen : Sokneprest : Andreas Ester Klokkar: Bjordal og Ortnevik Prost: Reidar Knapstad Ann Iren Østerbø Kantor: Tony Rozendaal fram til 1. sept. Frå 7. sept. : Gerda Otterstein Kyrkjelydspedagog: Toril Lange Sekretær soknerådet: Ann Iren Østerbø Kyrkjeverje: Bjørnar Otterstein Sekretær kyrkjekontor: Karin Grodås Kyrkjetenar: Bjordal Norvald Bjordal Ortnevik Joar Oppedal Gudstenester: Det har vore 22 gudstenester i soknet. ( 5 færre enn året før ) I alt var det 770 ( - 61 ) frammøtte og 82 ( som for 2016 ) nattverdsgjester. 6 av gudstenestene var familie og barnegudstenester. 2 julaftangudstenester. Det har vore friluftsgudsteneste i gamlestova på Sørebø (ca 47 ), olsokgudsteneste ved/ i stavkyrkja til Anders Brekke i Ortnevik ( ca 33 ) og hausttakkefest på Massnes (59 ).
13. august var det andakt i Bjordal kyrkje v/ Ole M. Ådland ( 19 ) og fjelltur til Hestkamben. Elles har det vore 1 vigsle, 1 barnedåp, 4 konfirmantar og 6 gravferder. Ved ofringar og sal av mat kom det inn kr 37934 ( - 224 ). Av dette kr 12128 til eige arbeid ( + 1160 ). I tillegg 1998,- til kyrkjelydsarbeidet på julekonserten. I minnegåve til Ortnevik kyrkje kom det inn kr 600. Ved Kirkens Nødhjelps fasteaksjon : 14470,- ( +2987 ). Det har vore 5 andaktar på Bygdetunet v/ sokneprest og kantor Tony Rozendaal med ca 40 deltakarar. Sokneprest har hatt andakt i Ikjefjord på juletrefest. Trusopplæring /barn og unge: Bjordal og Ortnevik sokn har godkjent trusopplæringsplan. På eit soknerådsmøte i mai var Toril Lange med for å drøfte tiltaka for 2017/2018, og ho og Andreas informerte om mogeleg opplegg for konfirmantane. Soknerådet vedtok eigenandel for konfirmantane på kr 800,- i 2017. Toril Lange, Mari- Ann L. Fridtun, Sissel Sørebø, Åshild B. Søreide og Ann Iren Østerbø er med i trusopplæringsutvalet for Bjordal og Ortnevik. I mars hadde dei møte på Bygdetunet der dei drøfta trusopplæringstiltaka. I 2017 har vi hatt desse trusopplæringstiltaka : - Tårnagenthelg : her måtte vi samlast tysdag 24. januar, då laurdagen kolliderte med eit anna arrangement. 9 born var med + 1 englevakt som ungdomsleiar. Anne Mette Moen hjalp til med maling. Søndag 29. januar var det tårnagentgudsteneste med 5 av borna tilstades. - 5. april var det trusopplæringsdag på Sørebø for 1-5 klasse med tema påske - 4 barn var med. - 31. mai var det trusopplæringsdag i Ortnevik for 1.-5. klasse med 7 deltakarar. Ungane fekk lære om Martin Luther og reformasjonen, og dei besøkte stavkyrkja til Anders Brekke. - 29. november var det trusopplæringsdag på Sørebø for 1.-5. klasse med 4 deltakarar. Tema var advent/jul og ungane laga bl.a englar.
- For dei som er fødde i 2006/2007 har vi tilbod om minikonfirmasjon. Vi hadde to samlingar på Sørebø hausten 2017. Resten av samlingane vert i 2018. - I 2016 starta vi opp eit nytt trusopplæringstiltak kalla kode B. Her får ungane lære meir om bibelen og den kristne trua. 2 samlingar var på Sørebø hausten 2016 og to samlingar på Bjordal skule i 2017. Dette tiltaket var for 6. og 7. klasse. - Toril Lange og Øyvind Rømo har hatt to ungdomskveldar i gamlebanken i Bjordal. Ole M. Ådland var med på ei av samlingane. - Det er delt ut to Mi kyrkjebok 6 og fire biblar. - 5 born frå soknet reiste på NMSU leirar på Alværa i 2017. - Konfirmantar: - Våren 2017: 4 konfirmantar. Andreas og Toril hadde ansvar for konfirmantundervisninga. Konfirmantane var med på konfirmantweekend på Alværa i januar, gjekk med bøsser i samband med Kirkens Nødhjelp sin Fasteaksjon og var med på ungdomskveld i gamlebanken i Bjordal. Det har vore 5 samlingar på Sørebø, etter skuletid frå 14.30 til 17.00. Hausten 2017: 4 konfirmantar. Konfirmantane vart presenterte på gudsteneste i Bjordal 10. september, og har delteke på hausttakkefesten på Massnes, nattcup i Førde, ungdomskveld og lysmesse. Det har vore 2 samlingar på Sørebø i haust på til saman 7 timar. I tillegg til samlingane som alt er nemnt, er konfirmantane såkalla nettkonfirmantar som er ein del av sjømannskyrkja sitt konfirmantopplegg. Ansvarleg for konfirmantane var Andreas Ester og Toril Lange. I soknet er det nokre uløna medarbeidarar som er med på fleire trusopplæringstiltak. I tillegg har medlemmar av soknerådet hjelpt til med praktiske ting. Takk til kvar og ein. Dei siste åra har Bjordal & Ortnevik sokn fått mange nye innbyggjarar. Fleire av desse er born som kjem frå andre land, og er dermed ikkje med i Den norske kyrkje. Dei er også hjarteleg velkommen til å delta på trusopplæringstiltaka. Medlemmane av soknerådet vil når det høver invitere dei med på dei ulike arrangementa. TAKK til Sissel og Geir for at vi får vere på Sørebø med dei ulike trusopplæringstiltaka - det set vi stor pris på.
Soknerådsarbeid: Soknerådet har hatt 6 møte og handsama 72 saker og 7 meldingssaker. Takk til Osland Havbruk for lån av lokale på Osland Brygge. Soknerådet har vore med og hatt ansvar for desse aktivitetane i året som gjekk: - Hjelp med tårnagenthelg. - 4 hyggestunder/ laurdagar på Bygdetunet med ulike lokalhistoriske tema, andakt, dikt, quiz, song /trekkspelmusikk og mat. Diakonikontakt Sissel Sørebø har saman med soknerådsmedlemmar og andre frivillige hatt ansvar for desse fire samlingane med godt oppmøte. - Årsmøte for soknet i Bjordal kyrkje etter gudstenesta 19. februar. - Min salme var innslag på tre gudstenester, ei i Ortnevik og to i Bjordal, der ein person fortalde om ein salme som betydde mykje. På ei av desse gudstenestene lærte Tony Rozendaal oss nokre av dei nye salmane i den nye salmeboka. - Soknerådet samarbeidde med konfirmantane om fasteaksjonen tysdag 4. april. - Påskedag, 16. april hadde Tony Rozendaal den siste gudstenesta i Ortnevik, og han spelte fleire musikkstykke på orgelet. Leiar i grendelaget Inge Brekke heldt takketale og overrekte turkart og turhefte frå Ortnevik. 1. pinsedag 4. juni vart Tony takka i Bjordal kyrkje. Han fekk då overrekt ei gåve frå soknerådet som Artur Szaprowski, ein av dei polske arbeidarane på Østerbø Maskin hadde laga. Eit kunstverk i tre der det stod: Tony og Takk frå kyrkjelydane i Bjordal & Ortnevik. - 24. april vart det arrangert dugnad på kyrkjegarden i Bjordal. - Soknerådet kjøpte inn 10 stk av dei nye salmebøkene for vidaresalg, dei resterande har Bjordal kyrkje fått til bruk der. - Soknerådet har ei ressursgruppe som eit par gonger i året hjelper til med praktiske oppgåver og tenester. Sissel Sørebø skeiv informasjonsbrev til desse - stor takk til dykk frivillige, det betyr mykje. - Soknerådet kjøpte blomster og kort til konfirmantane på konfirmasjonsdagen. - 3. mai var det markering av reformasjonsjubileet i gamlestova på Sørebø. Prest Vilhelm Overå heldt foredrag om Luther som salmediktar og komponist. Etterpå var det kveldsmat i det kvite huset. - På soknerådsmøte 11. mai var prost Reidar Knapstad med og informerte om framtidig reduksjon i tal gudstenester. Frå 1. september er ny prøveordning 6 forordna gudstenester i Ortnevik og 15 i Bjordal. Dersom det er behov for ekstra dåpsgudsteneste, eller ein kan skaffe dei nødvendige personane for å halde ei lekmanns- gudsteneste går det fint. - Soknerådet har laga årshjul som er til hjelp i planlegginga. - Tidlegare har klokkarane sendt offerpengane direkte til organisasjonane. Ny standard prosedyre er at klokkar no sender pengane til soknerådskontoen, og kasserar sender pengane vidare til organisasjonen. - Det er etablert betalingsordninga vipps for Bjordal og Ortnevik kyrkje. - Trykk på liturgiarka i kyrkjene er no oppdatert. Sissel har gjort ein stor jobb med
dette. Dei nye arka har bilete av kyrkja, er på 8 sider og har ein del forklaringar til liturgien i gudstenesta. - Bjordal og Ortnevik kyrkje har fått installert ringemaskin. - Soknerådet har drøfta og komme med ynskjer når det gjeld kantor sin arbeidsplan. Soknerådet kan tenke seg ei forsangar gruppe som nokre gonger i løpet av året øver med kantor før gudstenesta startar. Sissel er representant i kyrkjemusikk - utvalget som skal jobbe vidare med denne planen. - I tillegg til kantor treng ein hjelp frå andre frivillige personar som kan spele instrument. Soknerådet er takknemleg for desse. - Denne hausten har det vore to kveldsmeditasjonar / opa kyrkje i Ortnevik. Anders Brekke har spelt på orgelet sitt og Sissel har hatt ansvaret og lagt til rette for opplegget. - I oktober reiste Andreas, Øyvind og Liv Gunnbjørg på inspirasjonssamling i Førde, då det var møte med sokneråda og drøfting av strategi. - Det er viktig at alle har skyss til arrangement i kyrkjelyden. Takk til alle som fyller opp bilane sine. Spesielt takk til dei som har namnet sitt på ringeliste : Alf Magnar, Mari- Ann, Ann Iren, Liv Gunnbjørg, Roald J. og Bjørn R. - Soknerådet har bidrege med ulikt stoff til kyrkjelydsbladet Helgestunder. - Det har vore kyrkjekaffi i samband med nokre av gudstenestene, og ein god middag på Massnes Villmarksmuseum på haustakkefesten. - Dei farga juletrelysa i Bjordal kyrkje er skifta til kvite ledpærer. Leiketeppe for borna er klypt og tilpassa og lagt på golvet mellom to benker bak i kyrkja. - Soknerådet arrangerte ein flott og stemningsfull julekonsert i Ortnevik kyrkje 17. desember med Gerda Otterstein, Ragna Sofie Grung Moe ( kultursekretær på bispedømekontoret ), Anders, Eldar og Anna Brekke, Ole og Camilla M. Ådland, Trine Osland og ungdomsgruppe: Inga og Bertine Førde og Eilin M. Bjordal. Ca 70 personar var tilstades. Misjonsarbeid Soknerådet fortsetter samarbeidsavtalen med NMS om prosjektet i Mali. 28. februar var det kyrkjelydskveld på Bygdetunet v/ Toril Lange. - Soknet har eitt misjonslag. Dei har hatt eitt foreiningsmøte, og ei adventsamling på Bygdetunet i desember på denne samlinga var kantor Gerda Otterstein med å spelte piano. Takk til Tony Rozendaal og Gerda Otterstein for mykje vakker orgelmusikk. Andreas Ester har vore presten vår i 2017, og vi takkar for godt samarbeid med han. Takk elles til alle som på ulike måtar har bidrege det er av stor verdi.