Hardangerrådet iks Innkalling til Hardangerrådsmøte Møtedato: 11.09.2014 Møtestad: Finse Møtetid: 11:00-17:00 Har du forfall, kallar du sjølv inn eigen varamedlem. Møteplanen i Hardangerrådet iks godkjent 10.10.2013 gjeld som møteinnkalling. Saksnr Tittel Sakliste 33/14 Meldingar 34/14 Hardanger Berlin Vidareføring frå 2015 35/14 Sirkelbuss FV 550 Uttale frå Hardangerrådet 36/14 Redusert postombringing i distrikta. Søknad om støtte. 37/14 Møteplan for 2015 Hardangerrådet iks m m 38/14 Orienterings- og drøftingssaker Kinsarvik, 3. september 2014 John Opdal Rådsordførar Leiv Vambheim Dagleg leiar
Saksdokument Sakshandsamar Trude Rinaldo 14/71 ArkivsakID Saksnr Utvalg Type Dato 33/14 Regionrådet Hardanger HR-SAK 11.09.2014 Meldingar Saksutgreiing og vurdering: Melding 1 Helsing frå Fossedagane med takk for støtte. Melding 2 Melding 3 Melding 4 Melding 5 Melding 6 Melding 7 Melding 8 Melding 9 Melding 10 Melding 11 Melding om namneendring til Hardangerakademiet for fred. Årsmelding 2013 frå Bergen Reiselivslag. Årsmelding 2013 frå HardingPuls. Rapport bokettersyn frå Kemneren i Bergen Melding om vedtak ny kommunestruktur av 2.6.2014, frå Odda kommune. Melding om vedtak ny kommunestruktur av 14.7.2014, frå Eidfjord kommune. Melding om vedtak deltaking i kommunestrukturarbeidet av 6.7.2014, frå Kvam herad. Informasjon frå UE Hardanger til Hardangerrådet. Folketalsvekst i Hardanger pr 1. halvår, frå FtH. Melding om vedtak vidareføringa av Hardanger Berlin av 27.8.2014, frå Ulvik herad. Framlegg til vedtak: Ingen forslag til vedtak
Saksdokument Sakshandsamar Leiv Vambheim 14/52 ArkivsakID Saksnr Utvalg Type Dato 34/14 Regionrådet Hardanger HR-SAK 11.09.2014 Hardanger Berlin Vidareføring frå 2015 Vedlegg: Brev frå Jondal kommune Hardanger-Berlin rapport frå Annlaug Børsheim 26.8.2014 Sak 32 2013 Hardanger Berlin vidareføring av tilbodet Saksutgreiing og vurdering: Saksutgreiing: Hardangerrådet hadde sak 12.09.2013 om dette temaet og tilrådde slik: Regionrådet i Hardangerrådet tilrår kommunane/herada i Hardanger å forlengja avtalen med Hardangerrådet iks om drift av ei kunstnarleiligheit i Berlin fram til 01.01.2018. Bakgrunnen var at avtalen med kommunane/herada går ut 1.mars 2015. Det er skriftlege tilbakemeldingar frå Ulvik, Eidfjord, Granvin, Odda og Jondal. Ulvik, Eidfjord, Granvin svara positivt, Odda finansierer ikkje vidare etter 1.mars 2015 og Jondal vil vita meir om planen for tiltaket framover. Tilbakemeldingane frå Ullensvang 01.09.2014 er at dette vert teke i budsjettsamanheng 2014. Kommunar/herad som ikkje svara innan 2013 vart forstått som aksept i tråd med tilrådinga frå ordførarane i Hardangerrådet. Det vart derfor ikkje sendt oppseiing innan 31.12.2013. Ordninga vil vara til ut 2015 viss oppseiing vert sendt innan utgangen av 2014. Svarbrevet frå Jondal kommune med løyving for 2014 kom 30.06.2014. I brevet står det at Jondal kommune er positiv til ordninga, men vil ha melding frå Hardangerrådet om korleis finansieringa av prosjektet blir vidare frå 2015-2018 og om det blir endringar i ordninga. Vurdering: Sidan det ikkje var andre spørsmål til ordninga for 2015, så lyste me ut tilbodet som vanleg. No er det slik at ei oppseiing frå og med 2016 må koma før utgangen av 2014. For 2015 vert ordninga som før, sidan det ikkje er gjort nye vedtak om dette i Hardangerrådet. Med bakgrunn i at Odda kommune melde at dei hadde stroke løyvinga på 32.200 kr frå budsjettet frå 2015 og dei andre kommunar/herad ikkje har meldt om å avslutta tiltaket, så må ein sjå på alternativ korleis oppretthalda ordninga. Ei løysing kan vera å invitera Voss kommune inn istaden for Odda. Då vil det sjølvsagt vert større rift om plassane, men det er også positivt om ein ser litt raust på det. Ei anna løysing kan vera å ta bort stipendet på 2.500 kr månaden (i alt 30.000 kr) for dei som nytta tilbodet. Ei tredje løysing kan vera at dei andre 6 deltakarkommunane deler på Odda sin andel. Ei fjerde løysing kan vera å nytta andre Hardangerådsmidlar som Kraftlinemidlane. Det er dette Jondal kommune ønskjer avklaring på før dei vil svara om dei er med vidare.
Eg reknar med at fleirtalet i Hardangerrådet står ved vedtaket om å vidareføra ordninga ut 2017, og tilrår at den reduserte finansieringa vert dekka inn ved at Hardangerrådet inviterer Voss kommune til å delta i ordninga. Viss Voss kommune ikkje vil delta, så er tilrådinga mi at Hardangerrådet endrar retningslinene og tek bort stipendet til brukarane. Framlegg til vedtak: Hardangerrådet iks oppettheld tilbodet til kunstnarar i regionen om opphald i Kunstarhusværet Hardangerrådet disponerer i Berlin. For å dekka manglande finansiering inviterer Hardangerrådet Voss kommune til å delta i ordninga. Viss Voss kommune takkar nei, så vert stipendet til brukarane avvikla frå og med 2015. Retningslinene vert endra i samsvar med dette
Hardanger Berlin vidareføring av tilbodet. Møtedato 12.09.2013 Saksansvarleg Leiv Vambheim HR-sak 32/13 Hardanger Berlin vidareføring av tilbodet. Saksvedlegg: Retningsliner for Hardanger - Berlin Saksutgreiing: Hardangerrådet iks har på 5 året leigeavtale for ei leiligheit i Fritz Reuterstrasse 11 i Schøneberg, Berlin. Dette husværet vart etablert som del av hardangerlokk og har hatt føremålet å vera kunstnarleiligheit i Berlin for kunstnarar frå og med tilknyting til Hardanger. Første avtale var på 3 år som så vart forlengja med nye 3 år og som no kan gå ut 2014. Hardangerrådet har avtalar med kommunane om innbetaling av 120.000 NOK i året etter Hardangerrådsnøkkelen som går til husleige, driftsutgifter og stipend til leigetakarane. Dette har med varierande Eurokurs vore tilstrekkeleg over tid Me reknar med, i tråd med leigeavtalen, å ha 6-9 månaders oppseiingsfrist etter 01.01.2014. Derfor er det viktig og riktig at kommunane bestemmer seg for om denne ordninga skal halda fram eller ikkje. Då ordninga starta var 5 av 7 hardangerkommunar med og dei 2 siste kom med etterpå. Ordninga har vore svært populær og det er fleire som søkjer enn som får plass, så det er kø og venteliste. Det er ei eige nemnd med representantar frå Hardanger Kulturråd og Harding Puls som tildeler opphald. Hardangerrådet administrerer økonomi, nøklar, vedlikehald, straum, innkjøp og leigeavtalen. Siste tildeling av opphald i tråd med dei kommunale avtalene er gjort no i haust 2013. Vurdering: Hardangerrådet iks har avtale med og får midlar frå kommunane/herada i Hardanger til å drifta Kunstnarleiligheita i Berlin til og med februar 2015. Dersom ein skal drifta leiligheita vidare, så treng Hardangerrådet vedtak i dei aktuelle kommunar/herad om dette. Dette bør avklarast i løpet av ½ års tid grunna husleigeavtalen. Med den populariteten og omdømmebygginga dette tiltaket har, så vil eg tilrå kommunane å halda fram i 3 nye år. Då treng Hardangerrådet forlengja avtalen med kommunane/herada om midlar til tiltaket. Av erfaring veit eg slikt tek tid og ber Regionrådet drøfta dette alt no. Framlegg til Vedtak: Regionrådet i Hardangerrådet tilrår kommunane/herada i Hardanger å forlengja avtalen med Hardangerrådet iks om drift av ei kunstnarleiligheit i Berlin fram til 01.01.2018.
Opphald i Hardanger si leilegheit I Berlin, 07.07. 21.08.2014 Eg fekk tildelt 2 månadar i leilegheita og fekk nesten vore der heile den tildelte tida. Denne gongen hadde eg vore ganske streng på førehand og hadde ingen turar heim til Noreg under opphaldet. For ein musikar som reiser og er mykje på farten var det veldig godt å kunne vere i ro på ein plass og få øve og jobbe med det skapande. Denne gongen hadde eg ordna meg på førehand med øvingsmoglegheiter i sjømannskyrkja som berre ligg ein 5 min busstur unna, ca 20-30 min å gå. Det er veldig hyggelege folk som jobbar der og eg vart teken vel imot. Spelte på eit par gudstenester og arrangement som betaling for øvingsrom. Presten som jobbar der no er svært musikkinteressert og ville gjerne invitere meg ned igjen for å halde ein større konsert i samarbeid med ambassaden (møtte og spelte for fleire folk frå ambassaden i kyrkja). Så slett ikkje så dumt å øve der. Uansett, så er det ein fin stad å møte andre nordmenn i Berlin og kome i kontakt med folk. I tillegg var det mykje bryllaup i kyrkja på sommaren, og eg tente nokre ekstra euro på å spele i eit par av desse. Den største opplevinga var då eit av para hadde tinga Berlinerdomen til å gifte seg i, men med norsk sjømannsprest og meg som musikar. I tillegg til å øve i sjømannskyrkja hadde eg med meg eit lite heimestudio som eg sat opp i leilegheita. Sist eg hadde eit opphald i leilegheita var i 2011, då streva me litt med naboar som var svært kjenslevare for lyd. Dette har verkeleg forandra seg. Om ein held seg innanfor reglane (stilletid mellom 13-15 (dette gjeld også kasting av glas i bakgården) og ikkje seint på kvelden og moderat på sundagane) så går det heilt fint å spele i leilegheita. Eg fekk også opplyst då eg var der no at i fylje tysk husleigelov så har ein lov til å spele opptil 2 timar på eit musikkinstrument per dag. Denne gongen kunne eg også høyre andre rundt om i huset som spelte på instrument. Eg tykkjer også stemninga sånn generelt i bygården var langt betre denne gongen enn sist eg var der. For utanom å øve i sjømannskyrkja og spele heime i leilegheita så nytta eg meg av eit slags lite øvingshotell som låg berre nokre få minutt frå leilegheita, i Dominicus strasse, i retning Haupt strasse. Dette var ein privat kulturskule drive av eit ektepar som leigde ut romma når dei ikkje bruka dei sjølve til ein rimeleg penge. Det var fine ljose lokaler med piano på rommet. Eg hadde besøk av eit band og me øvde der, noko som fungerte veldig fint og som anbefalast. (Me var seks stk og betalte 8 per time) Dei var utruleg hyggeleg folk og det går sikkert an å lage eigne avtalar om ein ynskjer å øve der over lengre tid. Eg la att flyer med
kontaktinformasjon i hytte-boka. (Men om nokon ynskjer å kontakte dei på førehand kan dei kontakte meg for info) Eg spelar med ein kopi av ein barokkboge, ein bogetype som fele/bogemakarar her i Noreg ikkje har så mykje kunnskap om og vegrar seg for å gjera noko med. Det trengs å skiftas hår på desse innimellom, og i Berlin har dei ein god felemakar som gjer dette, Josef Huber. Så han fekk eg besøkt og han fekk skifta håra på bogen min. I tillegg til å få spele og jobbe godt fekk eg også tid til å ta del i noko av det pulserande kulturlivet i Berlin. Sjølv om mange av dei store institusjonane og teatera hadde sommarstengt var det nok av ting som skjedde likevel; Nattlige pumpande jazzjammar, sær ny musikk på pub, utandørs uavhengig kino og flotte utstillingar. Berlin er ein fantastisk by å opphalde seg i. Tusen takk for at eg fekk bu der i to månadar. Dette er ei fabelaktig ordning som eg vonar Hardanger veit å halde på!
Saksdokument Sakshandsamar Leiv Vambheim 14/34 ArkivsakID Saksnr Utvalg Type Dato 35/14 Regionrådet Hardanger HR-SAK 11.09.2014 Sirkelbuss FV 550 Uttale frå Hardangerrådet Vedlegg: Brev frå Prosjekt Fv 550 ved Ingvild Hauso Saksutgreiing og vurdering: Saksutgreiing: Hardangerrådet har fått brev frå Prosjektet Fv 550 med oppmoding om å sjå på ei kollektivruteordning dei har kome fram til i prosjektet. Rutebusstilbodet på Fv 550 er kraftig redusert etter omlegginga av rutene til Folgefonntunnelen og Hardangerbrua. Innbyggjarane merkar betydeleg færre reisande på Folgefonnhalvøya. Prosjekt Fv 550 har som mål å ta grep for å styrkja livsgrunnlaget på nordre delen av Folgefonnhalvøya. Eit av grepa er å samarbeida med regionale styresmakter for nye samferdselsløysingar. Prosjekt Fv 550 peikar på å etablera ein sirkelbuss på nordre del av Folgefonnhalvøya frå sommaren 2015. Dei ser for seg ein «hop on hop off» buss med 3 avgangar dagleg som rundreiser. Dette vil gje høve til å vitja ulike stader langs Fv 550 ved å stoppa nokre timar for turistar og besøkjande. Dette vil auka merksemda lokalt, gje løft for utvikling av pakkeløysingar, skilting og tilrettelgging av besøksmåla langs vegen. Ønskjet er å bringa aktivitetar og moglegheiter attende til bygdene. Vurdering: Prosjekt 550 ber i brevet Hardangerrådet å sjå på saka og vurdera å ta den vidare med Hordaland Fylkeskommune, til dømes knyta saka opp mot tildeling av KID-midlar for 2015. Hardangerrådet, Fylkeskommunen og Fylkesmannen har tydeleg sett at bygdene Rv 550 Jondal - Odda har mista fleire av sine føremoner ved omlegging av trafikkmønsteret. Det er færre reisande og færre offentlege kollektivruter no. Bygdene merkar dette godt og særleg har reiselivet sett nedgang. For å halda oppe lokal optimisme og finna nye måtar å auka attraktaktiviteten så har folket langs Fv 550 etablert sitt eige prosjekt. Dette prosjektet har skapt nytt samhald, nye aktivitetar og nye idear for eige framtid. Det er samling av fleire gode krefter for å skapa ny giv i området. Fylkesmannens Landbruksavdeling har initiert eit prosjekt for området kalla: «Å skapa perlekjede Reiselivsutvikling i nordre del av Folgefonna.» Prosjekter seier: «Målet er å få fram og sikra robuste og levedyktige reiselivsprodukt. Gjennom gode og forpliktande nettverk mellom reiselivsaktørar kan ein skapa sterkare og meir salbare produkt og produktpakkar. Perler er det mange av i området, men utgangspunktet vårt er at det er ved å laga perlekjeder ein vil oppnå dei beste resultata.» Fylkeskommunen støttar båtruter på Hardangerfjorden og Sørfjorden Opp med Vikebygdkrinsen har vore pådrivar for næringsutvikling i Ullensvang Vest. Hardangerrådet har også delteke med Næringsfondsmidlar til tiltak langs Fv 550 og gjeve uttale om støtte til ferjetilbodet Kinsarvik-Utne-Kvanndal.
Når det gjeld initiativet om «Sirkelbuss» så er det ein god ide å ta saka opp med Hordaland Fylkeskommune og Skyss. Det er vel to måtar dette kan sjåast på: Enten å få til ei prøveordning med Skyss eller å etablera eit tidsavgrensa prosjekt for å prøva ut ideen. Eg vil tilrå at Hardangerrådet tek kontakt med Samferdselsavdelinga i Hordaland Fylkeskommune for å lufta tanken og tenkja ut alternative løysingar saman med Prosjektet Fv 550. Denne sirkelbussen vil gjelda Odda, Ullensvang og Jondal og ordførarane i desse 3 kommunane/heradet er vel naturlege medspelarar til Prosjekt Fv 550 i oppfølgjinga av denne saka. Framlegg til vedtak: 1. Hardangerrådet iks viser til initiativ frå Prosjekt Fv 550 om «Sirkelbuss på Folgefonnhalvøy nord» og vil ta dette vidare inn til Hordaland Fylkeskommune saman med Prosjektleiinga Fv 550. Hardangerrådet iks tilrår ei prøveordning med «Sirkelbuss» som ei ordning for sommarmånadane i åra 2015 2017 og sender tilråding om dette til Hordaland Fylkeskommune. Praktisk utforming av tilbodet må skje i dialog med Prosjekt Fv 550, aktuelle kommunar og Hordaland Fylkeskommune. 2. Hardangerrådet iks er oppteken av gode levekår for innbyggjarane i regionen og når samferdselsomleggingar fører til markert nedgang i attraktiviteten er det naturleg at bygdelaga mobiliserer saman med lokale og regionale styresmakter. Kreative realistiske initiativ er det viktig å gje ein sjanse.
Saksdokument Sakshandsamar Leiv Vambheim 14/35 ArkivsakID Saksnr Utvalg Type Dato 36/14 Regionrådet Hardanger HR-SAK 11.09.2014 Redusert postombringing i distrikta. Søknad om støtte. Vedlegg: Brev frå Vest-Telemark regionråd av 19.6.2014 Saksutgreiing og vurdering: Saksutgreiing: Hardangerrådet iks har på linje med alle andre regionråd i landet fått brev frå Vest- Telemarkrådet ei oppmoding om å støtta verbalt og med midlar ei rettssak som gjeld Posten Norge og Staten sin rett til å bestemma kvar postkassane skal stå i grisgrendte område. Vest-Telemarkrådet, Telemark Fylkeskommune og Nome kommune har engasjert seg økonomisk for å støtta 8 oppsitjarar i Nome som Posten tilbyr 2,5 km til postkassen sin. Dei saksøkte Posten og Staten og fekk medhald i Oslo Tingrett. Staten har anka Borgarting langmannsrett og saka kjem for retten 25.-26. september 2014. Viser til vedlegg for nærmare informasjon i saka. Oppmodinga til landets regionråd og kommunar er å støtta desse oppsitjarane verbalt og økonomisk. Rettsaka i Borgarting Langmannsrett vil ved eit tap kosta 800.000 kr og frå Telemark er det til no løyvd slik: Vest-Telemarkrådet: kr 200 000,- Telemark fylkeskommune: kr 100 000,- Nome kommune: kr 50 000,- Vurdering: Vest-Telemarkrådet skriv i oppropet sitt at denne saka er av stor prinsippiell betydning og gjeld truleg tusenvis av husstandar på landsbasis. Ei støtte verbalt og med midlar vil gje sterke signal til Staten/Posten Norge AS at ein ikkje godtek reduksjon i postomberinga i distrikta. Hardanger er nok eit distrikt som vil kunna verta ramma av ein dom til støtte for Posten sitt syn. Viss me byrjar å summera opp postsamlepunkt og enkeltpostkassar utanfor tettstadane i Hardanger, så vil me nok sjå at mange husstandar kan verta berørte. Derfor tilrår eg at Hardangerrådet iks gjev si verbale støtte til dei 8 saksøkjarane ved Harald Omnes via Vest-Telemarkrådet og tilbyr å støtta med 7.000 kr som er 1.000 kr frå kvar kommune. Samstundes kan me oppmoda andre regionråd med distriktskommunar å støtta tilsvarande 1.000 kr pr kommune. Midlane tilrår eg løyvde frå Aktivitetskontor 2014. Om Kommunar/herad vil gje verbal og økonomiske støtte, kjem naturleg i tillegg. Framlegg til vedtak: 1. Hardangerrådet iks viser til rettssak mellom Staten/Posten Norge AS og 8 privatpersonar ved Harald Omnes om postlevering til husstandar i distrikts-noreg og gjev si støtte til Harald Omnes sitt syn i saka. Med den busetnadstrukturen som Stortinget har som målsetjing i Noreg, er
kommunikasjonar, herunder postlevering avgjerande for tilbodet i DistriktsNoreg. Hardanger er eit også distrikt med spreidd busetnad og det daglege posttilbodet er avgjerande for busetnad og tilflytting. Ei rimeleg postlevering i nærleiken av bustad/fysisk adresse er 100 m i tettbygd strøk og 250 m utanfor tettbygd strøk. 2. Hardangerrådet iks løyver 1.000 kr pr eigarkommune, i alt 7.000 kr som vert utbetalt ved tap i saka i Borgarting Lagmannnsrett. Midlane vert løyvde frå Hardangerrådet iks sin Aktivitetskontor 2014. 3. Hardangerrådet iks oppmodar alle andre regionråd med distriktskommunar i Noreg å støtta saka verbalt og økonomisk.
Saksdokument Sakshandsamar ArkivsakID Leiv Vambheim 14/58 Saksnr Utvalg Type Dato 37/14 Regionrådet Hardanger HR-SAK 11.09.2014 Møteplan 2015 for Hardangerrådet Saksutgreiing og vurdering: Saksutgreiing: Hardangerrådet iks har bestemt at ein skal tidleg ut med møteplanen for å unngå at kommunane og andre set opp møta sine på same datoar. Det er mange omsyn som skal tilpassast med 7 kommunar/herad, Hordaland Fylkeskommune med fleire. Kommunane i Hardanger har godkjent at Hardangerrådet har sine fellesmøte på torsdagar og fredagar. Me ein så tidleg fastsett møteplan kan også Odda, som har møter om torsdagane, unngå møtekollisjonar. Skuleruteferiane er slik: Joleferie Veke 52/01 22/12 02/01 Vinterferie Veke 8/9 16/02 27/02 Påske Veke 14 30/03 06/04 Pinse Veke 22 24/05 25/05 Sommarferie Veke 26/33 22/06 15/08 Haustferie Veke 40/41 28/09 09/10 Vurdering: Me har stort sett følgt malen frå i år. Det vert 4 ordinære møte i vårhalvåret pluss Hardingtinget og 3 ordinære møte i hausthalvåret pluss Hardangerkonferansen og Regionalt Næringsfond. Framlegg til vedtak: 2015 Jan. Feb. Mars April Mai Juni Sept Okt. Nov. Des. Regionrådet Torsdag Torsdag Torsdag Torsdag Torsdag Torsdag Torsdag 11. Torsdag Representantskapet 15. 19. 07. 18. 17. 15. Regionalt 10. Nærings- Hardanger fond Ullensvang Granvin Jondal Eidfjord Ulvik Kvam Ullensvang konferansen Årsmøte Odda Hardingtinget Hardangerkonferansen Torsdag 12. Odda Torsdag 11.-12. Hardangerkonferansen Ullensvang
Saksdokument Sakshandsamar Leiv Vambheim 14/71 ArkivsakID Saksnr Utvalg Type Dato 38/14 Regionrådet Hardanger HR-SAK 11.09.2014 Orienterings- og drøftingssaker Vedlegg: 1. Brev frå Terramar AS og Oslo Economics om KS1 Voss-Arna 2. Epost frå Reisemål Hardanger Fjord om ny logo 3. Brev Ungt Entreprenørskap Hardanger 4. Brev Interkomunalt Arkiv Saksutgreiing og vurdering: Kvalitetssikring (KS1) av Konseptvalutgreiing (KVU) Voss-Arna. Saksutgreiing: Hardangerrådet har fått brev frå Brev frå Terramar AS og Oslo Economics som ber om eit møte i samband med Kvalitetssikring (KS1) av Konseptvalutgreiing (KVU) Voss-Arna. Vurdering Sidan Hardangerrådet har gjeve innspel på vegne av regionen til KVU-en så er kvalitetsikringa interessert i å få fram Hardanger sine viktigaste synspunkt i samband med rapporten. Reisemål Hardanger Fjord Søknad om ny Logo Saksutgreiing: Reisemål Hardanger Fjord skriv: RHF har på same vis som andre organisasjonar nytta «Hardangerrosa» i mange år. Me er glad det finnes eit symbol for heile Hardanger som vert nytta på tvers av næringar, som bidreg til ei oppfatning hjå besøkande og fastbuande om at dette er EIN region. Så, på same vis som andre organisasjonar har tilpassa «Hardangerrosa», ynskjer RHF å nytte ein variant. Denne varianten er å brukar «Hardangerrosa» som logo for Reisemål Hardanger Fjord. Vurdering: Me prøver å kalla Hardangersymbolet for «Hardangerstjerna» for å skilja den frå 8-bladrosa. Eg ser at det er nyttig å bruka same symbolet i all marknadsføring av Hardanger og har ingen merknader til at RHF brukar «Hardangerstjerna» saman med ordet Hardanger som symbol i si markandsføring. Men «Hardangerstjerna» er ein eksklusivt logo for Hardanger definert som dei 7 Hardangerkommunane/-herada. Hardangerfjord er heile området frå Osa/Simadal/Odda til Espevær på Bømlo og slik definerer eit heilt anna område enn Hardanger. Då vert plutseleg Hardangerstjerna symbol for Sunnhordland også. I samband med ei framtidig omorganisering av Reisemålselskapa og samanslåing med andre område, så vil dette verta ei utvatning av Hardangerstjerna som eksklusivt symbol for Regionen Hardanger. Også i samband med Magasinet Hardangerfjord som kom ut i vår og er tenkt som fast magasin, så vert det feil å nytta Hardangerstjerna om Hardangerfjord. Magasinet Hardangerfjord Evaluering frå Regionrådet.
Saksutgreiing: Hardangerrådet iks og Reisemål Hardangerfjord AS samarbeidde med Magasinet Hardangerfjord om den første utgåva i våren 2014. Hardangerrådet ytte 70.000 kr til utgåva til å skriva generelt om Hardangersaker. I tillegg vart kommunar og verksemder bedne om å annonsera ved å få bestilte artiklar i magasinet. Magasinet kom i 50.000 eksemplar spreidd i Hardanger, Sunnhordland, Haugalandet og opp mot Bergensområdet. Redaktør Sigurd Vikøren har fått svært mange gode tilbakemedingar om dette magasinet som samlar Hardangerfjorden som område, og han ønskjer å gjera eit nytt nummer til jol. Vurdering: Eg er samd i at dette er eit magasin me har sakna i Hardangerområdet og at Hardangerfjorden er høveleg område. Magasinet har fått god merksemd og har mykje god Hardangerinformasjon. Det kom spørsmål om Hardangerrådet iks si støtte var betaling for alle kommunane sine artiklar, men det er det ikkje. Dei artiklane kommunane/herada tinga, var avtale at dei betalte for. Men det kan ikkje vera slik at Magasinet skal tuftast på kommunale bidrag i framtida, så det må vera klart føresetnad om nye nummer skal produserast. Hardangerrådet bør kunna bidra i eit nummer til med støtte til generell Hardangerinformasjon. Ønskje om presentasjonar i Hardangerrådet sitt møte 16.10.2014 i Odda Saksutgreing: Hardangerrådet har fått førespurnad frå Interkommunalt Arkiv i Hordaland og frå Ungt Entreprenørskap i Hardanger om å presentera seg for Hardangerrådet på oktobermøtet. Eg viser til vedlegg. Vurdering: Møtet i Odda er lagt opp til eit fellesmøte med Rådmannsforum og Regionrådet. Om det også vert separate møte er ikkje teke stilling til. Det vil derfor høva godt at desse to organisasjonane også er viiktig er for administrativt nivå, får presentera seg. Framlegg til vedtak: Konseptvalutgreiing: Hardangerrådet takkar ja til eit møte for å svara på utfordringar for Hardanger og vel eit desse representantane til å delta saman med dagleg leiar: og. Hardangerfjordlogo: Hardangerrådet iks, som eigar av Hardangersymolet «Hardangersjerna», tillet ikkje Reisemål Hardangerfjord å nytta Hardangerstjerna saman med andre ord enn Hardanger. Hardangerrådet ønskjer sjølvsagt at RHF held fram med å nytta Hardangerstjerna som tillleggsymbol til eigen logo slik som no. Magasinet Hardanegr: Magasinet Hardangerfjord vart drøfta. Presentasjonar 16.10.14: Interkommunalt Arkiv i Hordaland og Ungt Entreprenørskap i Hardanger får presentera seg for Hardangerrådet på oktobermøtet i Odda.
Til Hardangerrådet. Reisemål Hardagner Fjord har på same vis som andre organisasjonar nytta «Hardangerrosa» i mange år. Me er glad det finnes eit symbol for heile Hardanger som vert nytta på tvers av næringar, som bidreg til ei oppfatning hjå besøkande og fastbuande om at dette er EIN region. I kontakt med potensielle reisande til Hardanger frå utlandet har me erfart at Hardangerfjord (vs. Hardanger) er eit begrep som gjev betre meining og meir reiselyst. For ein norsk reisande er Hardanger og Hardangerfjord synonyme begrep, men det er ikkje alltid tilfelle for ein frå utlandet. Eit døme på dette er at me i dag nytter «Hardangerfjord» på reiseguiden, det vart endra frå «Hardangerguide». Eit anna døme er at me i samarbeid med Fjord Tours har endra navn på rundturen «Hardanger in a nutshell» til «Hardangerfjord in a nutshell». Tal kunder på denne turen har auka, men det kan sjølvsagt vere fleire årsakar til det. Så, på same vis som andre organisasjonar har tilpassa «Hardangerrosa», ynskjer RHF å nytte ein variant. SKISSE (fontane i «fjord» må vere som i «Hardanger», og utførast profesjonelt) Me ser fram til å høyre frå dykk. Med vennleg helsing/kind regards Hans Jørgen Andersen Reiselivsdirektør/manager Reisemål Destination Hardanger Fjord AS T +47 5655 3870 M +47 411 611 87 www.hardangerfjord.com
Til leiar i Hardangerrådet ENTREPRENØRSKAP I SKULEN Ungt Entreprenørskap er ein landsdekkjande ideell organisasjon som arbeider for å fremje entreprenørskap blant born og unge. I samarbeid med skulane, næringslivet og andre lokale aktørar arbeider me for å utvikle skaparglede, kreativitet og tru på seg sjølv. Alle kommunane i Hardanger har hatt avtale med oss, men oppslutninga varierer noko. Me ynskjer derfor ei sterkare forankring i kommunane for at entreprenørskap skal bli ein naturleg del av utdanninga i heile regionen. For distriktsregionar som oss er det vesentleg at den oppveksande generasjonen lærer seg å sjå moglegheiter og tenkje nytt, for å kunne bidra til å skape ein levande region også i framtida. Gjennom våre program på grunnskulen lærer dei unge om korleis eit lokalsamfunn fungerer, kva aktørar som finst i deira nærområde, og kva moglegheiter og verdiar som finst i lokalmiljøet. Gjennom ungdomsbedrifter får dei og skaffa seg kontaktar i lokalt næringsliv, og konkret erfaring med det å skape sin eigen arbeidsplass. Evne til å tenkje nytt og sjå moglegheiter, saman med ein sterk identitet knytt til lokalsamfunnet kan vere med på å få unge til å velje å busette seg i Hardanger. Dette trur me at me kan bidra med ved å leggje til rette for samspel mellom skulane og lokalmiljøet. Eg håpar difor at eg får høve til å stille i Hardangerrådet i oktober for å presentere det me har å tilby! Beste helsing Signe Sandvik Ungt Entreprenørskap Hardanger signe.sandvik@ue.no Tlf.nr.: 92268862 www.ue.no Copyright UE Forlag
Interessentmøte KS1 Voss Arna, Voss kommune 19.08.2014 Erik Ringkjøp ordfører i Voss kommune: jobbet mye med veg og bane Einar Hauge rådmann på Voss: teknisk og økonomiske fag Deltatt i referansegruppen for KVUen, sittet tett på prosjektet. KVU prosjektet har vært opptatt av å involvere kommunene på strekningen. Viktigste behovene: Veldig enkelt: 1) handler om å få en trygg og sikker veg. 2) sikker og trygg jernbane. I større perspektiv er det også koblingen mellom Oslo og Bergen. Vekstprognosen i Bergen har også aktualisert dette ved at aksen østover kan ta noe av denne veksten. Persontrafikk veg: sterk vekst i trafikken, reiselivstrafikken, utfordringer knyttet til ulykker og kapasitet. Det er «påsketrafikk» hver eneste helg. Tog kan ta noe av trafikken. Gods: både veg og bane er sprengt. All vekst må tas på veg, banen har ikke plass til flere vogner. Flere trailere på vegen medfører økt risiko for ulykker. Sikkerhetsbehov for jernbanen: største utfordringen er knyttet til ras. Klimaendringer skjer ras på steder hvor det vanligvis ikke går ras. Det er først og fremst ras. Hvorfor ikke bare bygge bedre veg, må man gjøre noe med jernbanen? Konkurransefortrinnet som banen har er viktig. Det er ikke ønskelig å gå til en situasjon hvor vegen blir mer attraktiv enn banen. Prosjektutløsende behov: Ulykker og trafikksikkerhet er et viktig tema. Planlegge for en fremtidig folketallsvekst. Det er et folkekrav om at det må skje noe, vegen blir kalt for dødsvegen. Det er en stor utfordring. Det er en forventing om at det må skje noe nå. Ulykker: Ulykker skjer jevnt og trutt, tiltak for å redusere ulykkene (fart) mange steder mellom Voss og Arna. Løsningen er å bygge nytt, det er ikke mulig å gjøre tiltak på det som eksisterende infrastruktur. Fartsreduksjon: reduserer konsekvensene når det skjer ulykker. Man ser ikke på fartsreduksjon som et langvarig tiltak. Ingen farbar vei å flikke på det som er der i dag. Konseptene i KVUen: prioritere det som går på sikkerhet. K1: kosmetikk: gjør lite og har ikke en løsning som er fremtidsrettet. K2: eksisterende veg vil også bli mye brukt, løser ikke problemene. Ønskelig å bygge langs eksisterende trase. K3: Må bygge mange doble tunneler, lite effektivt K4: vegprosjekt, rimelig. Får en attraktiv veg som ikke opprettholder attraktiviteten til banen. K5: Direktelinje Voss-Bergen, kun dekket inn i K2 med bil. Kunne tenke seg et hurtig alternativ også for bane. Dette er ikke utredet. Dette tilfredsstiller i større grad de nasjonale behovene ikke de lokale behovene. Voss er utpekt som et knutepunkt i hele indre Hordaland. Vernebehov: Bolstad til Vosso: lakseinteresser, men kan ikke se at det skal bli mer utfordrende i fremtiden sammenlignet med i dag. Når mye går i tunnel vil det bli bedre enn i dag. Våtmarksområde, Eiksvatn ved Bulken. Det er generelt en del kulturminner i området, må ta inn over
seg det. Hvis ny veg/bane skal gå i dagen blir det konflikt med kulturminner. Det meste av kulturminner ligger i nærheten av Voss sentrum, ingen tiltak er planlagt akkurat der. Voss har en stadig økende folkevekst, bedre veg og bane vil forsterke dette. K2 med jernbanetunnel kunne vært utredet. Det eneste utfordrende er sikkerhet på den gamle veien? Dette er knyttet til at det fortsatt mye trafikk mellom Dale og Vaksdal. Tunnelsikkerhet: det blir mindre trafikk, da er det mindre trafikkrisiko. Ulykker: Det er lysvariasjon som er utfordring, krevende kurvatur, ingen «hvilepunkt». Det er først og fremst i dagen at ulykkene skjer. Ingen tar buss, hovedsakelig bil og tog. De som pendler til Bergen sentrum tog. Det har vært betydelig vekst i pendling, 17 % som pendler. Børe reise med toget ikke buss. Mange av de som bosetter seg på Voss jobber i kompetansearbeidsplasser som er rundt jbstasjonen i Bergen. Bompenger: koster 43 kroner til Bergen i dag. Må legge til grunn ett betalingspunkt. 50-100 kroner. 3000 fritidshus, ligger inne en dobling i kommuneplanen. Fredag og søndag mye trafikk. Kødannelser først og fremst mot Bergen (Trengereid). Ikke stort problem i Voss. Forsinkelse: veldig varierende. Ser at trafikken tilpasser seg køen også, reiser opp tidligere reiser hjem senere. S. 8 befolkningsvekst, denne ser ikke på hva befolkningen kan bli hvis det skjer noe på strekningen. Hva betyr tiltakene for samfunnsutvikling, bergensområdet, arealutvikling. Burde vært noe mer på dette punktet. Hvis man bruker siste års vekst vil folketallet i Voss være +12 000 sml med det som står i KVUen, opp mot 30 000. Sammenlignet med Holmestrand som får ny jernbane. Sverige: Fremnes utenfor Stockholm.