Indre Hordaland jordskifterett Rettsbok Sak: 1230-2010-0010 HILDESTVEIT Gnr. 164 i Voss kommune Oppstarta: 24.09.2010 Avslutta: 24.11.2010
I NKAMINASJONSMØTE Rettsmøtedag: 24.09.2010 Stad: Jordskifteretten sine lokale i Voss Sak nr.: 1230-2010-0010 HILDESTVEIT gnr. 164 Saka gjeld: Krav om sak etter jordskiftelova 2 c og 88 a Jordskiftedommar: Tore Fykse, som einedommar etter jordskiftelova 9 andre ledd. Protokollførar: Saka er kravd av: Til handsaming: Jordskiftedommaren Lisa Stalheim Hildestveit og Bjørn Nord Stalheim Gjennomgang av kravet Fremming av saka Partar: Eigar av gnr. 164/1, Marta Taulen Nesbø, Øvre Granvin, 5736 GRANVIN Prosessfullmektig: Adv. Nils O. Lid Eigar av gnr. 164/2, Lisa Stalheim Hildestveit/ Bjørn Nord Stalheim, Hildestveitvegen 58, 5700 VOSS Prosessfullmektig: Adv. Heine Tvilde Eigedomane ligg i Voss kommune. Til stades: Marta Taulen Nesbø, Leif Arne Nesbø, Bjørn Nord Stalheim, adv. Nils O. Lid og adv. Heine Tvilde. Frå jordskifteretten møtte og avd.ing. Kjell Bjarte Tveite På spørsmål frå jordskiftedommaren hadde ingen merknader til innkallinga til møtet eller til måten retten var samansett på. Ingen kjende til noko som kunne tilseie at retten var inhabil. Partslista vart gjennomgått. Følgjande dokument vart framlagde: 1 Krav og sak datert 05.05.2010 vedlagt a. Skriv med nærare grunngjeving for kvifor saka ver kravd b. Kopi av nabovarsel datert 18.03.2010 i samband med frådeling av tomt av gnr. 164 bnr. 1 vedlagt kart i mål 1:5000 og 1:500 c. Kopi av brev datert 08.04.2010 frå adv. Heine Tvilde til Voss kommune vedlagt kart i mål 1:5000. d. Kopi av brev datert 28.04.2010 frå adv. Nils O. Lid til Voss kommune vedlagt kart i mål 1:4200 2 Kvittering datert 11.05.2010 frå jordskifteretten til adv. Heine Tvilde for motteke krav om sak for retten. 1230-2010-0010 HILDESTVEIT gnr. 164Indre Hordaland jordskifterett 2
3 Melding datert 11.05.2010 frå jordskifteretten til Voss kommune om innkome krav. 4 Brev datert 11.05.2010 frå jordskifteretten med forkynning av kravet til Marta Taulen Nesbø 5 Brev datert 24.08.2010 frå jordskifteretten til partane med innkalling til møtet i dag. 6 Brev datert 01.09.2010 frå adv. Nils O. Lid med opplysing om at han representerer Marta Taulen Nesbø. Vidare at eigedomen er seld til Dag Kinne. Kinne møter som partshjelpar, jfr. tvistelova 15-1. Som vedlegg fylgjer a. Kopi av bilde av gardstunet på Hildestveit Kopi av brevet med vedlegg er sendt adv. Heine Tvilde. Dokumenta vart gjennomgått i nødvendig grad. Gjennomgang av kravet og synfaring Adv. Heine Tvilde på vegne av rekvirenten gjorde greie for kravet. Saka kom opp i samband med at det er søkt frådelt tomt kring ei eksisterande hytte som ligg i gnr. 164 bnr. 1 sin austlege teig. I søknaden er det lagt opp til at hytteeigedomen skal nytta bnr. 1 sin vegrett over gnr. 164 bnr. 2. Dette er eigar av bnr. 2 lite interessert i. Frådelinga av hyttetomta vil føra til endra og auka trafikk gjennom tunet og over dyrka mark. Han ynskjer å flytta bnr. 1 sin vegrett med avkøyring frå kommunal veg nede ved brua og la vegen gå over bnr. 2 austover derifrå og inn på bnr. 1. Her kan det opparbeidast parkeringsplass. Vidare på bnr. 1 er det godt terreng å ta seg fram i og evt. byggja veg. Han har ingen merknad til at evt. ny veg over bnr. 2 også kan nyttast av hytteeigedomen. Han ynskjer å flytta bnr. 1 sin vegrett også for å kunna driva eigedomane sin meir samanhengande og rasjonelt utan oppdeling av vegar. Samstundes vil han ha avklart bnr. 2 sin vegrett over bnr. 1 til bnr. 2 sin teig sørvest for tunet på Hildestveit. Han kan tenkja seg å leggja om denne vegen slik at vegen vert til minst mogeleg ulempe/sjenanse for bustadhuset på bnr. 1. Det same gjeld ein veg vestover som både bnr. 1 og bnr. 2 vil ha stor nytte av. Vegretten til denne vegen både for bnr. 1 og bnr. 2, og traceen for vegen som går over kvarandre sine eigedomar vestover, bør og avklarast. Adv. Nils O. Lid på vegne av Marta T. Nesbø gjorde greie for saka slik dei ser det. Det er inngått kontrakt om sal av eigedomen gnr. 164 bnr. 1 til Dag Kinne. Formalitetane med m.a. konsesjon og i forhold til odel er ikkje endeleg avklara. Dei rekna med at dette vil vera i orden til i byrjinga av november. Ved salet held eigarane att ei tomt med påståande bygning/hytte som var bygd i 1948. Det er søkt kommunen om frådelingsløyve for tomta, - til uendra bruk som hyttetomt. Tilkomsten til hytta vil vera gangveg som idag. I tillegg må dei ha høve til vintertransport av m.a. materialer med traktor eller snøskooter. Gnr. 164 bnr. 1 har vegrett over gnr. 164 bnr. 2 gjennom tunet på Hidlestveit og vidare fram til bnr. 1 sin eigedomsteig i aust. Den same vegretten vil gjelda for hyttetomta. Dei ynskjer å behalda retten slik den ligg i dag og ser ikkje nokon fordelar med å flytta vegretten slik eigar av bnr. 2 føreslår. Dei vil likevel ikkje avvisa at dersom det vert laga ny veg frå kommunal veg ved brua over bekken, så kan dette verta ei mogeleg framtidig løysing for bnr. 1 og for hyttetomta. Både kostnadsspørsmålet og kva tid vegen evt. kan byggast må i tilfelle avklarast. Fylgjande domument vart framlagt: 1230-2010-0010 HILDESTVEIT gnr. 164Indre Hordaland jordskifterett 3
7 Udskiftnings Forrætning paa Gaarden Hildestvæten 1824 Rettsformannen orienterte om kva vilkår som må vera til stades for at ei sak kan framjast for jordskifteretten. På spørsmål frå rettsformannen var det ingen av partane som hadde merknader til at saka vert fremja for vidare handsaming. Det vart føreteke synfaring. Med på synfaringa var dei same som deltok i rettsmøtet. Synfaringa starta i tunet på Hildestveit. Partane og retten gjekk vegen over bnr. 2 der bnr. 1 har vegrett og fram til dei bygningane/hytta på bnr. 1 som er søkt frådelt med ei høveleg tomt. Deretter gjekk ein ned mot bekken og etter ein trace som eigar av bnr. 2 meinte ville gjera det lettare å henta ut ressursar som skog m.v. på bnr. 1. I tillegg meinte han dette ville vera ein kortare og betre tilkomst for hyttetomta som er søkt frådelt. Ein fylgde Hildestveitvegen opp til tunet att og gjekk ein mogeleg trace for bnr. 2 sin veg over bnr. 1 bort til øvre kant av bnr. 2 sin sydvestlege teig. Ein gjekk også deler av den gamle vegen som går forbi bnr. 1 sitt bustadhus og som i dag er bnr. 2 sin tilkomst til den sydvestlege teigen. Partane påviste og kommenterte elles det dei meinte retten burde kjenna til. Synfaringa var med det slutt og ein returnerte til rettslokalet. Under den vidare drøfting av saka var det semje om at kjøpar av eigedomen gnr 164 bnr. 1 Bjørn Kinne skal delta på neste møte. Mogelege vegløysingar m.v. vart drøfta. Med utgangspunkt i desse drøftingane skal rettsformannen til neste møte utarbeida utkast til ein mogeleg avtale om vegrettane for bnr. 1 og bnr. 2 på Hildestveit. Ny møtedato vart føreløpig sett til 24.11.2010. Innkalling vert sendt på vanleg måte. På spørsmål hadde ingen merknader til forhandlingane. Partane vart permiterte. ********************* Fremjing av saka Den 27.09.2010 handsama jordskiftedommaren saka vidare utan at partane var til stades. Jordskifteretten gjorde slikt vedtak om fremjing I rettsmøte med partane den 24.09.2010 orienterte rettsformannen om dei hovudvilkåra som må vera til stades for at ei sak kan fremjast for handsaming ved jordskifteretten. A Eigedomen må vera vanskeleg, eller pga planlagde tiltak verta vanskeleg å nytta ut på teneleg måte etter tida og tilhøva. B Ingen av partane kan verta påført større kostnader og ulemper enn den nytte dei vil ha av at saka vert gjennomført. 1230-2010-0010 HILDESTVEIT gnr. 164Indre Hordaland jordskifterett 4
C Det må finnast verkemidlar i jordskiftelova som kan bøta på dei utenlege tilhøva. Som innteke ovanfor hadde ingen av partane på forespørsel frå jordskiftedommaren merknader til at saka vert fremja for vidare handsaming. Etter jordskifteretten si vurdering og skjønn og ut frå det som partane orienterte om og det som vart vart påvist under synfaringa, finn retten at hovudvilkåra for å fremja saka for vidare behandling er tilstades. Slutning I medhald av jordskiftelova 14 vert sak 1230-2010-0010 fremja for vidare handsaming av jordskifteretten i samsvar med kravet. Jordskiftekostnadane vert utlikna på partane ved avslutting av saka. Etter jskl 76 er hovudregelen at slike kostnader skal utliknast på partane etter nytte. Utskrift av rettsboka vert send til partane i vanleg brev. Saka vert utsett inntil vidare. Retten heva. Voss, 27.09.2010 Tore Fykse (sign.) 1230-2010-0010 HILDESTVEIT gnr. 164Indre Hordaland jordskifterett 5
JORDSKIFTERETTSMØTE Rettsmøtedag: 24.11.2010 Stad: Jordskifteretten sin lokale i Voss Sak nr.: 1230-2010-0010 HILDESTVEIT gnr. 164 - utsatt frå 27.09.2010. Saka gjeld: Krav om sak etter jordskiftelova 2 Jordskiftedommar: Tore Fykse, som einedommar etter jordskiftelova 9 andre ledd. Protokollførar: Saka er kravd av: Til handsaming: Jordskiftedommaren Lisa Stalheim Hildestveit og Bjørn Nord Stalheim Drøfting av avtaleframlegg Partar: Eigar av gnr. 164/1, Marta Taulen Nesbø, Øvre Granvin, 5736 GRANVIN. Prosessfullmektig: Adv. Nils O. Lid Eigar av gnr. 164/2, Lisa Stalheim Hildestveit/ Bjørn Nord Stalheim, Hildestveitvegen 58, 5700 VOSS. Prosessfullmektig: Adv. Heine Tvilde Eigedomane ligg i Voss kommune. Til stades: Marta Taulen Nesbø, Leif Arne Nesbø, Bjørn Nord Stalheim, adv. Nils O. Lid og adv. Heine Tvilde. Frå jordskifteretten møtte og avd.ing. Kjell Bjarte Tveite På spørsmål frå jordskiftedommaren hadde ingen merknader til innkallinga til møtet eller til måten retten var samansett på. Ingen kjende til noko som kunne tilseie at retten var inhabil. Partslista vart gjennomgått. Følgjande dokument vart framlagde: 8 Brev datert 28.09.2010 frå jordskifteretten til partane vedlagt kopi av rettsboka frå møta 24. og 27.09.2010. Vedlegt låg også avtaleutkast til evt. merknad innan 20.10.2010. 9 Brev datert 20.10.2010 frå retten til prosessfullmektigane med melding om utsett frist til 03.11.2010. 10 Brev datert 03.11.2010 frå adv. Nils O. Lid med merknad til avtaleutkastet m.v. 11 Brev datert 05.11.2010 frå jordskifteretten til partane med innkalling til møtet i dag vedlagt justert avtaleframlegg. Dokumenta vart gjennomgått i nødvendig grad. 1230-2010-0010 HILDESTVEIT gnr. 164Indre Hordaland jordskifterett 6
Jordskiftedommaren føretok ei kort oppsummering frå førre møte og den skriftvekslinga som har vore i ettertid. Etter at prosessfullmektigane og partane hadde hatt ordet, vart ulike løysingar drøfta. Drøftingane enda med at partane vart samde om slik A V T A L E mellom eigar av gnr. 164 bnr. 1 og eigarane av gnr. 164 bnr. 2 i Voss om vegar og vegvedlikehald på Hildestveit 1. Gnr. 164 bnr. 1 sin vegrett over gnr. 164 bnr. 2 til bnr. 1 sin austlege teig vert flytt og skal for ettertida ta til med avkøyring frå kommunal veg ved brua og gå austover inn på bnr. 1 sin teig. Dette vert også tilkomstvegen til den hyttetomta som bnr. 1 har søkt om å få frådelt. 2. I samband med omlegginga av vegen (jfr. pkt 1) kan bnr. 1 og bnr. 2 opparbeida opplagsplass i grenseområdet mellom eigedomane, fortrinnsvis inntil kvarandre (felles). Parkeringsplass for hyttetomta skal opparbeidast på gnr. 164 bnr. 1. 3. Gnr. 164 bnr. 1 har vegrett over gnr. 164 bnr. 2 frå enden av kommunal veg etter eksisterande veg i tunet på Hildestveit fram til grensa mot bnr. 1. 4. Tilkomst for gnr. 164 bnr. 2 til teigen i sørvest over bnr. 1 skal gå etter gamal veg. Bnr. 2 kan opprusta vegen inntil 3,5 m køyrebane ved behov mot å ta kostnaden med dette. 5. Kostnaden med ny veg over bnr. 2 til grensa mot bnr. 1 vert kosta av bnr. 2. Det framtidige vedlikehaldet under pkt 1 og 2, skal fordelast mellom partane etter bruk (kan verta ulik bruk på deler av vegen fyrste del vert nytta av alle, siste del vert nytta av bnr. 1 og hyttetomta). 6. Bnr. 2 tek arbeidet med å opparbeida parkeringsplass for 2 3 bilar på bnr. 1. Bnr. 1 tek kostnaden med bærelag og grusdekke med inntil kr 10 000,-. 7. Det framtidige vedlikehaldet under pkt 3 og pkt 4, skal fordelast mellom partane etter bruk. 8. Gnr. 164 bnr. 1 sin vegrett over bnr. 2 etter noverande trace (jfr. pkt 1) fell bort når ny veg er tilfredstillande opparbeidd inn på bnr. 1 med tilhøyrande parkeringsplass. Vegen skal byggjast i vegklasse 7. Voss, 24.11.2010 Marta Taulen Nesbø/s Lisa Stalheim Hildestveit/s Bjørn Nord Stalheim/s Eigar av gnr. 164 bnr. 1 Medeigar i gnr. 164 bnr. 2 Medeigar i gnr. 164 bnr. 2 Jordskiftedomaren legg avtalen fram som dok 12. Avtale datert 24.11.2010 mellom eigarane av gnr. 164 bnr. 1 og gnr. 164 bnr. 2. 1230-2010-0010 HILDESTVEIT gnr. 164Indre Hordaland jordskifterett 7
Løysingane innteke i avtalen er skissert på kart som vert lagd fram som dok 13. Kartskisse i mål 1:4000 over del av vegane på Hildestveit. Med bakgrunn i semja innteke ovanfor som dok 12, jfr. og dok 13, er det utarbeidd slik utgreiing: 1 Omfanget av jordskiftet. Gnr. 164 bnr. 1 sin vegrett over gnr. 164 bnr. 2 til bnr. 1 sin austlege teig vert flytt og skal for ettertida ta til med avkøyring frå kommunal veg ved brua og gå austover inn på bnr. 1 sin teig. Dette vert også tilkomstvegen til den hyttetomta som bnr. 1 har søkt om å få frådelt. Gnr. 164 bnr. 1 sin vegrett over bnr. 2 etter noverande trace fell bort når ny veg over bnr. 2 er tilfredstillande opparbeidd inn på bnr. 1 med tilhøyrande parkeringsplass. Vegen skal byggjast i vegklasse 7. I samband med omlegginga av vegen kan bnr. 1 og bnr. 2 opparbeida opplagsplass i grenseområdet mellom eigedomane, fortrinnsvis inntil kvarandre og parkeringsplass for 2-3 bilar for hyttetomta på gnr. 164 bnr. 1. Bnr. 2 tek arbeidet og kostnaden med å opparbeida ny veg over bnr. 2 til grensa mot bnr. 1 og arbeidet med parkeringsplassen på bnr. 1. Bnr. 1 tek kostnaden med bærelag og grusdekke på parkeringsplassen med inntil kr 10 000,-. Det framtidige vedlikehaldet skal fordelast mellom partane etter bruk. Bnr. 1 og bnr. 2 opparbeider og held ved like eigne opplagsplassar på eigen grunn. Gnr. 164 bnr. 1 har vegrett over gnr. 164 bnr. 2 frå enden av kommunal veg etter eksisterande veg i tunet på Hildestveit fram til grensa mot bnr. 1. Vedlikehaldet skal fordelast mellom partane etter bruk. Tilkomst for gnr. 164 bnr. 2 til teigen i sørvest over bnr. 1 skal gå etter gamal veg. Bnr. 2 kan opprusta vegen inntil 3,5 m køyrebane ved behov mot å ta kostnaden med dette. Det framtidige vedlikehaldet skal fordelast mellom partane etter bruk. 2 Diverse føresegn 2.1 Jordskiftekostnader Jordskiftekostnader og gebyr skal dekkast av partane i samsvar med jordskiftelova 74, jfr. og rettsgebyrforskrifta. På denne bakgrunnen blir kostnadene slik: Registreringsgebyr kr 4 300 Partsgebyr kr 3 096 Sum kr 7 396 Partane har fått høve til å uttale seg om fordelinga av kostnadene. Kostnadene er etter retten sitt skjønn fordelt mellom partane etter den nytten dei har hatt av jordskiftet, jf. jordskiftelova 76. 1230-2010-0010 HILDESTVEIT gnr. 164Indre Hordaland jordskifterett 8
Jordskifteretten har i samband med dette lagt til grunn at begge partane har hatt om lag lik nytte av at vegspørsmåla har fått si avklaring. Retten set opp denne fordelinga av kostnadene: Gnr./bnr. Eigar skal betale kr har betalt kr skuldar kr har til gode kr 164/1 Marta Taulen Nesbø 3 698 3 698 164/2 Lisa Stalheim Hildestveit og Bjørn Nord Stalheim 3 698 4 300 602 SUM 7 396 4 300 3 698 602 Dei pålagde beløpa forfell til betaling 15 dager frå forkynningsdatoen. Pengar til gode vert utbetalt samstundes med forkynninga av saka. 2.2 Forkynning Forkynning skjer etter reglane for postforkynning. 2.3 Iverksetjing Dersom ikkje anna er særskilt bestemt, skal avgjerdene i denne saka setjast i kraft ein månad etter at saka er rettskraftig. 2.4 Avslutting av saka Saka vert avslutta i dette møtet. Fristen for anke er éin månad rekna frå forkynningsdatoen. Reglane om anke følgjer forkynninga. 2.5 Matrikkelføring Når saka er rettskraftig, vil det bli sett fram krav om matrikkelføring til den lokale matrikkelmyndigheit. 2.5 Tinglysing Jordskifteretten vil sende saka til Tinglysingen. Saka vil verta tinglyst på gnr. 164 bnr. 1 og gnr. 164 bnr. 2 i Voss kommune. På spørsmål hadde ingen merknader til forhandlingane. Saka er slutt Retten heva. Voss, 24.11.2010 Tore Fykse (sign.) 1230-2010-0010 HILDESTVEIT gnr. 164Indre Hordaland jordskifterett 9
1230-2010-0010 HILDESTVEIT gnr. 164Indre Hordaland jordskifterett 10