Meldingsblad for Hordaland fylkesbibliotek Årgang: 37 Nr mai 2008 ISSN:

Transkript

1 Emneord Meldingsblad for Hordaland fylkesbibliotek Årgang: 37 Nr mai 2008 ISSN: I denne utgåva av Emneord kan du mellom anna lese om: - Mangfaldsåret 2008 og prosjekt Vidsyn - Kva skjer i Tysnes? - Idrett og lesing - Open og oppdatert - Folkebibliotekstatistikken i Hordaland

2 Frå Tysnes folkebiblbiotek

3 Kva skjer i Tysnes? Intervju med Knut Rage, biblioteksjef i Tysnes kommune - Kva er dei største utfordringane framover for Tysnes folkebibliotek? Utfordringane her er mange. Tysnes folkebibliotek er kanskje det minste og dårlegast utstyrte folkebiblioteket i fylket, så ei stor utfordring er å skaffa meir midlar til biblioteket, m.a. til innkjøp av nytt inventar og hyller. Ei anna utfordring er å få på plass ei ordentleg Heggland-samling, etter Tysnes-diktaren og historikaren Johannes Heggland som gjekk bort i januar. Heggland var sjølv svært oppteken av dette, men så langt har biblioteket mangla økonomiske midlar for å få det til. - Har biblioteket særskilte satsingsområde? Lokalhistorie. Eller eg håper me skal få til noko her. - Kven samarbeider biblioteket med? Det har i fleire år vore eit tett samarbeid med Tysnes Sogelag, som er eit aktivt og ressurssterkt lag. Biblioteket tek også del i samarbeidsprosjektet mellom biblioteka i Sunnhordland, som nyleg er kome i gong. - Kva samarbeider de om? Med Tysnes Sogelag samarbeider biblioteket om m.a. den lokalhistoriske biletsamlinga, samt diverse arrangement. Det mest vellukka er det såkalla Sundagsakademiet, som samlar mykje folk. Her vert det arrangert forelesingar og anna ein gong i månaden. Med dei andre biblioteka i Sunnhordland vert det samarbeidd om ei rekkje saker, men arbeidet her er som sagt enno ikkje kome ordentleg i gong. - Utfordringar i samarbeidet? Nok ein gong vert det økonomien. Tysnes folkebibliotek har ikkje så mykje å bidra med som eg skulle ønskja. - Kva er ditt ønskje for Tysnes folkebibliotek for framtida? At biblioteket skal halda fram i den gode trenden me er komne inn i no, som ein mykje nytta arena i lokalsamfunnet. Og betre budsjett, sjølvsagt - for å utvikla betre bibliotektenester i Tysnes. Les meir om Tysnes folkebibliotek på bloggen til biblioteket:

4 Biblioteka i Hordaland, Fylkesdelplan er no trykt opp og blir sendt ut. Ta kontakt med oss om du ønskjer fleire trykte utgåver. Du kan også laste ned planen frå: Bokbåten ritha.helland@post.hfk.no Vårturen 2008 var ein seierstur for bokbåten Epos etter den var trua med nedlegging hausten Besøkstalet på kulturprogramma har gått opp med 8,9 % sidan våren 2007 og utlånstalet heldt seg stabilt med ein liten auke på 0,4 % sidan vårturen i fjor. Kulturprogramma på turen var Sissel Saue og Lars Kolstad med framsyninga "Sisselrot med Lars Linkerifot" og forfattaren/illustratøren Reidar Kjelsen med framsyninga "Sjå opp for monstre!". Reidar Kjelsen vil også bli med på haustens bokbåttur som vert 5. november til 24. november. Transportordninga ritha.helland@post.hfk.no Per i dag er 24 folkebibliotek (kommunar) og 4 universitets-/høgskulebibliotek med i transportordninga. Biblioteka som er med er godt nøgde med ordninga. Halmstadkonferansen siri.sjursen@post.hfk.no Halmstadkonferansen er ein vårleg happening med spanande og aktuelle tema innan folkebibliotekutvikling. Konferansen har sitt utspring i Halland län og er eit skandinavisk samarbeid der Århus og Hordaland er med. Neste år skal Bergen vere vertsby. Då må de gripe sjansen! Årets konferanse var i Halmstad, som fekk vise frem sitt to år gamle, praktfulle stadsbibliotek. Halmstad og Drammen har det til felles at nye bibliotekbygg er signalbygg og ein viktig strategi for å gje innbyggjarane gode levekår. Årets tema var Sälj biblioteket!. Det handla ikkje om marknadsføring i tradisjonell forstand, snarare om utfordringane vi ser knytt til den teknologiske utviklinga, nedslåande besøks- og utlånstal for biblioteka, og om våre haldningar og evne til å gjere noko med det. Vi var tre deltakara frå Bergen. Les innlegg og synspunkt på Nytt om namn Hordaland fylkesbibliotek - Fylkesbiblioteksjef Ruth Ørnholt er sjukemeldt til 1. august. Siri Sjursen er konstituert som fylkesbiblioteksjef/seksjonsleiar i hennar fråvær. - Spesialrådgjevar Lena Jensen Glesnes gjekk ut i morspermisjon 5. mai. Det skal tilsetjast vikar for ho. Ved Odda bibliotek har Kåre Langlet sagt opp si stilling som biblioteksjef. Stillinga er no utlyst. Ved Sund folkebibliotek er Lisbeth Milsted tilsett i 60 % stilling. På biblioteket ved Olsvikåsen videregående skole er Ole Solheim tilsett i 100 % stilling frå 1. mai På biblioteket ved Stord vidaregåande skule er Hanna May Hovdedalen tilsett i 100 % stilling frå 1. august På biblioteket ved Tertnes videregående skole er Kjerstin Bakke Olsen tilsett i 100 % stilling frå 1. august 2008.

5 Mangfaldsåret 2008 Året 2008 er markeringsår for kulturelt mangfald. Det overordna målet med Mangfaldsår 2008 er at frå og med 2008 og framover skal kulturlivet i Noreg i større grad enn i dag gjenspegle kulturelt mangfald. For å få eit mangfaldig samfunns- og kulturliv må ingen ekskluderast frå deltaking verken på grunn av kjønn, religiøs eller kulturell tilknyting, legning eller funksjonsnivå. I Stortingsmelding 17 som ligg i botnen for Mangfaldsåret 2008 er kulturelt mangfald spesielt vektlagd, og grupper som er nemnd her er urfolk, nasjonale minoritetar, innvandrarar og deira etterkommarar. Les meir om Mangfaldsåret på og Prosjekt Vidsyn Folkebiblioteka i Hordaland inviterast til å delta i prosjekt Vidsyn, som fylkesbiblioteket har fått tilskot til frå ABM-utvikling i Prosjekt Vidsyn skal gjere folkebiblioteka i Hordaland til betre bidragsytarar til inkludering, integrering og mangfald. Gjennom konkrete tiltak vil ein utvikle ein standard for å kvalitetssikre biblioteka sitt møte med og tilbod til minoritetsspråklege. Prosjektet er kome i stand som eit samarbeid mellom fylkesbiblioteket, Lindås folkeboksamling og Fjell folkeboksamling, og er i tråd med strategi 3.3 i Biblioteka i Hordaland, Fylkesdelplan Prosjektleiar i 40 % stilling er Anne Mette Lie som til vanleg arbeider ved Pedagogisk senter som er knytt til Fjell folkeboksamling. I første omgang vil alle folkebiblioteka i fylket få tilsendt eit skjema for kartlegging av dagens tilbod til denne ueinsarta brukargruppa, og vi bed om at alle tek seg tid til å svare på denne undersøkinga. I løpet av hausten vil vi tilby dei folkebibliotektilsette ei kursrekke som har som mål å styrke kompetansen bibliotektilsette treng for å yte best mogleg tenester til minoritetsspråklege brukarar. Andre tiltak i prosjektet er Velkomen inn grunnpakke for mottak av nye nordmenn på biblioteket, Nye impulsar profilering av det fleirkulturelle Noreg, og Fellesskap biblioteket som møteplass. Folkebiblioteka vil få meir informasjon om prosjektet etter kvart. Prosjekt Vidsyn er Hordaland fylkesbibliotek si fleirkulturelle satsing i Mangfaldsåret 2008, og gjennom deltaking i prosjektet vil folkebiblioteka vere med på å oppfylle målet med at kulturlivet i Noreg i større grad skal gjenspegle kulturelt mangfald. Prosjektleiar Anne Mette Lie: Anne.Lie3@fjell.kommune.no Kontaktperson på fylkesbiblioteket er Elin Golten: elin.golten@post.hfk.no/ Distribuert mediekjøp Då fristen gjekk ut 1. mars, var det 26 bibliotek i Hordaland som hadde meldt seg på ordninga med distribuert mediekjøp for Tildelinga tok omsyn til innbyggjartal og varierte frå kr 1000,- til kr ,- for folkebibliotek utanom Bergen, medan Bergen offentlige bibliotek fekk kr ,-. Folkebiblioteka står fritt til å disponere midlane dei får tildelt med omsyn til at ordninga skal ivareta folkebiblioteka sitt behov for meir spesialisert litteratur i samsvar med Retningslinjene for distribuert mediekjøp i Hordaland. Husk alltid å sjekke samsøket for Hordaland: før eventuelle innkjøp. Folkebiblioteka kan fritt velje kor dei vil kjøpe materiale. Folkebiblioteka skal sjølve betale faktura, og sende refusjonskrav til fylkesbiblioteket. Fylkesbiblioteket oppmodar biblioteka til å fjernlåne av kvarandre. Eventuelle spørsmål om ordninga kan rettast til Elin Golten: elin.golten@post.hfk.no / tlf ting om Web deltakarar fullførte e-læringsprogrammet 23 ting om Web 2.0 i Hordaland i vinter med kurslærar Ole Solheim og hjelpelærar Laila Rene. Det var samlingar i Bergen og Leirvik. Avhengig av interessa, er det mogleg programmet vil gå om att til hausten. Meld interessa di og kvar du ønskjer å gå på samlingar til laila.rene@post.hfk.no Meir informasjon finn du her: og

6 Nytt om Eldreveven.no I samband med prosjektet Forteljingar om Hauge og Tveitt på Eldreveven blir det publisert nye digitale forteljingar. Premiere 19. juni i Norheimsund. Eldreveven har fått nytt vårpussa design. Profilendring og nye tenester mot 55+ brukarar var målsettinga i siste søknad om utviklingsmidlar til ABM-utvikling. Sjølv om vi ikkje fekk nye midlar, har det vore mogleg å gjennomføre litt av endringane. Eldreveven har fått mange ny bidrag i det siste. Gå inn og opplev sjølv Folkeakademiet Hordaland har sett i gang nye skrivekurs i fylket gjennom eit samarbeid med fylkesbiblioteket. Interessert i å arrangere kurs? Ta kontakt med Olav Skeie: hordfa@online.no Fylkesbiblioteket driv framleis Eldreveven som eit utviklingsprosjekt. Kultur- og ressursutvalet vedtok på møte 15. april at utvalet vil arbeida for at Hordaland fylkeskommune framleis skal ta ansvar for drift- og utvikling av Eldreveven og anmoder om at budsjettauke for Eldreveven blir sett i samanheng med budsjettet for Eldrepedagogikk Førstelektor Oddgeir Synnes, Betanien diakonale høgskole, har vore sentral i arbeidet med eldrepedagogikk og eldre og kreativ skriving sidan oppstarten av Prosjekt Eldrepedagogikk i For tida underviser han studentar, helsearbeidarar, pensjonistar m.fl. i bruk av skriving som ein del av eit heilskapleg omsorgstilbod. Synnes har halde kurs for helsearbeidarar i Portugal, Spania, Latvia og fleire stader i Noreg. Fleire av deltakarane ved desse kursa har starta eigne kurs for eldre med gode resultat. I perioden er Synnes leiar for prosjektet "Kreativ skriving som omsorg" i regi av Helse og rehabilitering. Prosjektet har resultert i seks kurs i skriving og forteljing blant alvorleg sjuke og døyande. Dette arbeidet er planlagt vidareført i ein doktorgrad ved Menighetsfakultetet. Studietur til London elin.golten@post.hfk.no Fylkesbiblioteket fekk tilskot gjennom Leonardo da Vinci-stipend til utplassering av tre instruktørar for ein periode på ei veke til Storbritannia. 27. januar drog Ruth, Elin og Helge av stad til London. Studieveka hadde eit tettpakka program med bibliotekbesøk kvar dag. Vi vart reine meistarane på å ta oss fram i det offentlege transportnettverket, og reiste med både undergrunn, buss, trikk, tog og overgrunnsbane i London. Måndag fekk vi omvisning i Barbican Library i det sentrale London. Vi fekk også ein introduksjon til det britiske biblioteksystemet ved bibliotekar John Lake. Tysdag besøkte vi Downham Lifestyle Centre, der biblioteket var ein del av eit helsesenter som også hadde mange offentlege tenestetilbod. Biblioteket her var bygd opp etter dei rådande prinsippa til Opening the book, og baserte seg også i stor grad på sjølvbetening. Seinare på dagen var vi på Peckham Library, der det fantastiske arkitektteikna bibliotekbygget stod som eit fyrtårn i eit elles nedslite bustadområde. Onsdag var vi heile dagen i Bexley, der vi fekk innsikt i bibliotektilbodet i eit heilt område av London (London Borough of Bexley). Vi fekk sjå fargerike og velutstyrte mobile bibliotek, og eit stort sentralbibliotek alt med felles profilering og fargeval. Torsdag begynte vi dagen på biblioteket i den flotte bygningen som husa The Poenix Centre. På liknande vis som i Downham, var biblioteket her ein del av eit offentleg helse- og fritidssenter. Siste del av dagen var vi på besøk hjå London Libraries Development Agency. LLDA er den institusjonen i London som liknar mest på våre fylkesbibliotek, og som arbeider med bibliotekutvikling. Fredag var siste dag og vi var på Idea Store Chrisp Street. Idea Store er eit forholdsvis nytt bibliotekkonsept som profilerer seg som ein kombinasjon av tradisjonelt bibliotek og informasjonssenter med førsteklasses tilrettelegging for livslang læring i venlege og komfortable omgjevnader. Vi kom heim med mange inntrykk og gode idear. Særleg når det gjeld sjølvbetening av utlån og innlevering, var mange av dei biblioteka vi besøkte komen langt i forhold til oss. Alt i alt var det ein fin og lærerik tur til London for dei tre deltakarane.

7 Idrett og lesing Foreningen!les ønskjer fleire bibliotek med i prosjektet Idrett og lesing. Målet å auka leselysta hjå ungdom frå år, og formidle til dei nokre av tilboda som biblioteka har. Kvart idrettslag som er med, får ein bokbag til klubben, med om lag 15 bøker og eit par lydbøker. Utvalet er variert, og ein garderobebibliotekar kjem på besøk og snakkar om eit par av bøkene (og eventuelt supplerer innhaldet med bøker som ho har lyst til å snakke om). Det er fint om ein kan møte ungdommane i den same klubben fleire gongar, og gjerne bytte ut nokre av bøkene med nye. Foreningen!les deler ut bagar, bøker og informasjonsmateriell. Og betalar litt til dei som bruker nokre kveldstimar på dette. Pizza og brus, forfattar- eller idrettsutøvarbesøk kan dei også hjelpe til med. Kjende idrettsfolk skriv om sine favorittbøker på Kontakt gjerne Helge Skurtveit på fylkesbiblioteket dersom du ønskjer å starte opp med Idrett og lesing. For døve øyre? Bibliotek og litteratur i fokus under Ulvik poesifestival SI MEG - HVA bruker han det døve øret til? Det døve øret? Ja, det døve øret. Nåh - DET DØVE ØRET, det bruker han til å høre med. Jan Erik Vold 18. og 19.september 2008 inviterer vi til to dagar med bibliotekprogram i Ulvik. Programmet blir frå torsdag rundt midt på dagen til fredag tidleg ettermiddag, og er også bibliotekleiarmøtet i haust både for Hordaland og Sogn og Fjordane. Dei som ønskjer å delta fleire dagar av festivalen, kan bestilla overnatting i tillegg til redusert pris. Programmet for heile festivalen blir lagt ut frå slutten av mai på nettsida I programmet spesielt retta mot bibliotek vil ein sjølvsagt finne noko om poesi, og elles om andre litterære tema. Eit par innleiarar er klare: Linn T Sunne arbeider ved bokbussen til Oppland fylkesbibliotek. Ho har skrive fire barne- og ungdomsbøker, den siste boka heiter Happy og fekk Brageprisen. Lis Byberg er høgskulelektor ved bibliotekarutdanninga i Oslo og har spesialisert seg på historie om bøker og lesing, mellom anna om leseselskap og bokauksjonar frå slutten av 1700-talet. Vi håper at Hans H Skei, som er professor og litteraturmeldar, vil snakke om nokre nyare bøker og forfattarskap. I tillegg ønskjer vi å vise intervju som blir laga med eldre personar som kjende Olav H. Hauge, og opne ei utstilling av bilete laga av Inger Lise Belsvik til boka Når tussalusi kviskrar, der ho har illustrert dikt av Hauge. Bak arrangementet står Hordaland fylkesbibliotek, Sogn og Fjordane fylkesbibliotek og Ulvik folkeboksamling i samarbeid med Ulvik poesifestival. helge.skurtveit@post.hfk.no

8 Nytt frå kommunane Biblioteksamarbeid i Sunnhordland I Sunnhordland har samarbeidet mellom Stord og Fitjar, som fylkesbiblioteket var med på å utvikle i 2002, blitt utvida til å omfatte biblioteka i Bømlo, Kvinnherad, Tysnes, Sveio og Etne. Fylkesbiblioteket har støtta prosjektet med midlar til frikjøp av prosjektleiar. Fram til mai 2008 er det Astrid Dreveland som har vore prosjektleiar, frå mai er det Ágúst Magnússon som tek over denne oppgåva. Dei sju biblioteka har underskrive ei samarbeidsavtale om ulike tema som mellom anna nettressursar, arrangement, utstillingar, litteraturformidling, personalutvikling, kompetanseheving og organisasjonsutvikling. Målet for samarbeidet er å gje brukarane av biblioteka i regionen eit betre tilbod, å gjere folkebiblioteka meir synlege som kultur- og informasjonsformidlarar, og å disponera dei samla ressursane betre. Avtalen gjeld førebels for 2008 og Biblioteksamarbeid i Hardanger Også i Hardanger er eit biblioteksamarbeid under utvikling mellom biblioteka i Odda, Ullensvang, Granvin, Ulvik og Jondal. Fokus for dette samarbeidet er mellom anna formidling av barne- og ungdomslitteratur, samarbeid med skule, og skulebiblioteknettverk i regionen. Krig i går, i dag og i morgon av biblioteksjef Bente Fosse I mars månad hadde 9 klasse ved Sund ungdomskule eit prosjekt om andre verdskrig. I samband med prosjektet blei biblioteket kontakta for å bidra med bøker, DVD og anna materiell innan emnet, samt presentasjon av desse. Krig i går, i dag og i morgon nytta vi som arbeidstittel for vår del av arbeidet. Vi ynskte ikkje berre å syne til litteratur kring andre verdskrig, men og å formidle at det faktisk er krig den dag i dag. Ville elevane trekkje parallellar mellom krigen i Noreg og krig som skjer i verda i dag? Kunne vi vera med og skape empati? På skulen skulle elevane få høyre lydboka, samt få lesa høgt Boyne si bok Gutten i den stripete pyjamas. Etterpå skulle dei velja ut 2-3 bøker for samanlikning og utdjupning av oppgåva. Før elevane skulle vitje biblioteket, var vi i klassen med presentasjon av ulike bøker. Bøken hadde vi dela inn i ulike kategoriar, skrive enkle vaskesetlar til bøkene. Dette meinte vi ville vera oversiktleg, samt av interesse for elevane. I slutten av februar var elevane hos oss på biblioteket. Tilbakemeldingar til oss har so langt vore positive og vi ser fram til å få lesa kva elevane har skrive. I samband med kulturdagane i Sund 15. juni 21. juni skal vi ha ei utstilling med elevarbeid / bokmeldingar knytt til prosjektet. Er de interessert i å få vite meir om vårt bidrag til prosjektet kan de nytta denne adressa: Bibliotek@sund.folkebibliotek.no, eller telefon: Mot nytt bibliotek på Voss? Anbodspapira på nytt bibliotek/kulturbygg er no lagt ut på "Doffin". Svarfrist er i slutten av mai. Då vil ein få ein peikepinn på kva nybygget vil koste. Nytt bibliotek/kulturbygg blir deretter sak for kommunestyret i juni månad. Med ei positiv avgjersle i kommunestyret kan byggearbeidet byrja til hausten og eit nytt bibliotek kan stå klart vinter/vår 2010.

9 Nytt biblioteklokale i Austevoll Austevoll folkebibliotek, avdeling Selbjørn, opna i nye lokale 3. november Avdelinga ligg i Bekkjarvik. Eventyr og bokdag på Fjell folkeboksamling Fredag 25. april fekk 150 gjestar med seg eventyrstund om ulike yrke på Fjell folkeboksamling. På bildet under ser du Kenneth som Byggmester Bob, Eilin som frisør og Anne Mette som lege. I tillegg var Anders fiskar, Annette kaptein i Forsvaret, Halvor gatemusikant og biblioteksjef Trude kunstmalar denne dagen. Artig for både dei besøkande og yrkesutøvarane i fri utfoldring, har vi høyrt. På Bokdagen 23. april hadde biblioteket stand med bokbussen utanfor Sartor senter.

10 Open og oppdatert - nettvegen til det lokale biblioteket lena.glesnes@post.hfk.no Brukarane leiter etter oss Digitalt innhald og digital samhandling veks som del av folkebiblioteka sitt tilbod til brukarane. Nasjonale bibliotekressursar dekkjer eit mangfald av tenester for ulike målgrupper, og kommunar eller regionar kan skreddarsy tilboda etter lokale behov. I dag er det ein del innbyggjarar i fylket som ikkje kan vende seg til sitt lokale bibliotek på nettet for å enkelt finne oppdatert informasjon om tilboda, ta i bruk digitale bibliotektenester eller kommunisere med bibliotekarar. Brukarane har behov for lokal tilgang til dei rike bibliotekressursane og sjølvbetente tenestene på nettet, ikkje minst i dei små kommunane der opningstidene er dårlegast. Felles standard for biblioteknettstader Fylkesbiblioteket har satt i gang prosjekt Felles standard for biblioteknettstader, der målet er å tilby kommunane eit publiseringsverkty og design spesielt for bibliotek billig og brukarvenleg. Kvar kommune/samarbeidande region skal få si tilpassing, i form av menyar, undersider og bilder. Ved at kommunane kjøper eigne domenenamn, kan brukarane finne biblioteka på logiske namn. Kommunane skal framleis få tilbodet om å lagre biblioteknettstadene på server i fylkeskommunen, og hjelp til utvikling og oppdatering på fylkesbiblioteket. Det har ikkje lukkast å få ferdig tilbodet no i vår. Ein ny runde med leverandør, økonomi og kva som er mogleg å få til er naudsynt før vi kan gå ut med eit felles tilbod. Arbeidet går vidare i tida framover, framleis med høg prioritet. Fylkesbiblioteket kjem tilbake til kontaktperson i permisjonstida til Lena J. Glesnes. Kva skal vi tilby? Brukarundersøkingar viser ikkje overraskande at brukarane ventar å finne grei oversikt over kva biblioteket har å tilby og kva som er på gang akkurat no. For at dei skal bruke biblioteknettstaden er det heilt essensielt at dei finn oppdatert kjerneinformasjon om opningstider, kontaktinfo. og enkel tilgang til tenester i katalogen. Brukarane bør også få sjansen til å kome med tilbakemeldingar, spørsmål, ønske for innkjøp, tenester osv. til bibliotekaren(e) i det lokale biblioteket på naturlege stader på nettstaden, anten det er via skjema, mail, blogg eller anna. Tilgang til Hordalandsbiblioteket Biblioteksystema går stadig vidare i å tilby nye måtar å søke, hente inspirasjon frå biblioteka sine samlingar, bidra sjølve og gjere eigne tilpassingar, sjølv om dei fire systema som brukast i Hordaland er svært ulike. Tilgang, hjelpefunksjonar og forklaringar til tenesta i katalogen bør ha sentral plass på biblioteknettstaden. Gjennom fylkesbiblioteket sitt Samsøk, kan brukarane søke i samlingane til biblioteka i heile fylket. Transportordninga gjer det mogleg å låne/levere på tvers av kommunegrensene. Per i dag er 24 folkebibliotek og 4 universitets-/høgskulebibliotek med i transportordninga. Tilgangen til Hordalandsbiblioteket representerer eit utvida tilboda til brukarane. Ulike løysingar for biblioteknettstadene i fylket i dag - 15 kommunar har i dag biblioteknettstader på webhotell i Hordaland fylkeskommune, drifta av IT-seksjonen. Dei bibliotektilsette redigerer nettstadene i FrontPage og får hjelp til oppdatering og utvikling av fylkesbiblioteket. Fjell, Sund og Øygarden har felles biblioteknettstad, utvikla i samarbeid med fylkesbiblioteket som del av eit samarbeidsprosjekt mellom kommunane. Dei bibliotektilsette oppdaterer informasjon frå sine kommunar og nokre tema blir oppdatert i fellesskap. - Askøy, Bergen, Bømlo, Kvinnherad og Voss har biblioteknettstader laga i andre verkty og drifta av kommunane. Bibliotektilsette oppdaterer nettstadene. - Granvin og Kvam herad brukar websøket til bibliotekkatalogen som nettstad (begge har Mikromarc). - Tysnes kommune har bibliotekblogg utvikla og drifta av bibliotekleiaren. Austevoll kommune brukar ein blogg som supplement til nettstaden, drifta av bibliotekleiaren. Det same gjør Ullensvang herad, med ein eigen blogg for barn og unge av kommunane har presentasjonar av biblioteket på den kommunale nettstaden. Nokre av desse inneheld minimalt med informasjon, og innhaldet oppdaterast ofte ikkje direkte av dei bibliotektilsette. - Mange kommunar vurderer i dag nye løysingar, - spesielt dei som brukar FrontPage eller ikkje har eigen biblioteknettstad. Fleire planlegg ei fellesløysing. - Nordhordlandsbiblioteka arbeider med prosjektet Mitt nettbibliotek, støtta av Biblioteksentralen der målet er å utvikle ein felles digital bibliotekressurs for regionen. Her vil ein mellom anna nytte søkefunksjonen Aqua Browser, slik at brukarane kan søke i biblioteka sine ressurser og andre offentlege dokument frå kommunane. Kvalitetssikra digitale ressursar tilpassa lokale brukarar Brukarane bør i tillegg kunne vende seg til sitt lokale bibliotek på nett og få enkel tilgang til både nasjonale bibliotekressursar som t.d. Biblioteksvar, Detektor, Bazar, Ønskebok og Lesehulen, og samtidig finne gode regionale/lokale ressursar som finst for t.d. lokalhistorie. Fleire bibliotek i Hordaland utviklar dessutan eigne ressursar tilpassa lokale brukarar. Det kan vere mindre innhaldstenester som smakebitar frå samlinga og eigne tips, til større lenkesamlingar og tenester, som på Nettbiblioteket til Bergen Off. Bibliotek.

11 Nettstaden kan også vere ein naturleg base for opplæring i ulike digitale tenester, anten det handlar om tenester i bibliotekkatalogen, offentlege ressursar eller å bruke t.d. Flickr, Facebook og andre tenester for samhandling og deling. I tillegg til at det er viktig å halde seg orientert om gode nettressursar som allereie finst, er digitale tenester godt egna som samarbeidsområde. Fleire kommunar i Hordaland er i gang med eller planlegg samarbeid om tenester på nettet. Gjere tenesta kjende Biblioteknettstaden bør vere godt synleg i det fysiske biblioteket, og adressa brukast aktivt i annonsar, presseartiklar, effektar osv. Det er også viktig å tenke gjennom kva for andre nettstader det er naturleg med lenke til biblioteket og ta kontakt med andre. Marknadsføring treng ikkje berre vere dyre kampanjar. Kva med ei enkel spørreundersøking liggjande oppkopiert i skranken med skjermbilde av sida? Har du brukt biblioteket på nett, fant du det du leita etter og kva saknar du? Svar og bli med i trekkinga av... Fylkesbiblioteket planlegg felles marknadsføringsartiklar i samband med Samsøket og utviklinga av Hordalandsbiblioteket. Korleis kome vidare? Med prosjektet Felles standard for biblioteknettstader vil kommunane få eit tilbod til å gå over til eit webbasert publiseringsverkty og eit utgangspunkt for design, sånn at dei bibliotektilsette kan bruke mest mogleg energi på å utvikle innhaldet. Arbeidsrutinar og organisering, tilgjenge for alle, satsing på ulike målgrupper, nye tenester, marknadsføring. Det er mykje ein kan ta tak i for å utvikle bibliotektilbodet på nettet vidare. I vinter har fylkesbiblioteket arrangert kurs i web 2.0 tenester og billedredigering for nett. Å styrke dei digitale bibliotektenestene er sentrale mål i Biblioteka i Hordaland Fylkesdelplan , og vil ha fokus også framover. Til hausten planlegg vi eit seminar for tilsette i skule- og folkebibliotek om mellom anna personvern på nett. Bømlo folkebibliotek byr på brukarvenleg bibliotekinformasjon. Nettstaden er ei kommunal løysing. Ved å nytte Websøket også som biblioteknettstad, som Granvin folkebibliotek gjer, slepp brukarane og forholde seg til to design og strukturar. Men druknar andre bibliotektilbod i katalogtenesta? I Samnanger finn ein innhaldsrik og oppdatert bibliotekinformasjon frå den kommunale nettstaden, sjølv om designet ikkje er det mest brukarvenlege. Uansett om ein kommuniserer med brukarane via eigen nettstad, blogg, Websøket eller ein presentasjon på kommunesida, representerer den lokale biblioteknettstaden ein viktig del av tilbodet og ei forlenga arm i arbeidet i biblioteket. Bibliotekpresentasjonen på nettstaden til Austrheim kommune er heller sparsom. Samstundes som ein tar del i diskusjonen og prøver å utvikle tenesta vidare i ein travel kvardag med mange oppgåver, kan ein halde fast i kva brukarane først og fremst leiter etter, og halde nettvegen til det lokale biblioteket open og oppdatert. Barn og bibliotek er ein eigen blogg retta mot barn og unge, starta ved Ullensvang folkeboksamling

12 Folkebibliotekstatistikk for Hordaland UTLÅN PR. INNBYGGJAR 2006 UTLÅN PR. INNBYGGJAR KOMMUNE Utlån pr.innb KOMMUNE Utlån pr.innb. 1 Modalen 15,14 1 Modalen 17,47 2 Odda 8,27 2 Osterøy 10,34 3 Ulvik 8,19 3 Ulvik 10,34 4 Osterøy 8,08 4 Odda 10,16 5 Eidfjord 7,86 5 Kvam 9,18 6 Kvam 7,55 6 Granvin 8,79 7 Granvin 6,9 7 Kvinnherad 7,88 8 Øygarden 6,47 8 Øygarden 7,84 9 Austrheim 6,32 9 Eidfjord 7,83 10 Kvinnherad 6,3 10 Bergen 7,65 11 Bergen 6,28 11 Fusa 7,65 12 Fusa 6,27 12 Austrheim 7,61 13 Jondal 6,11 13 Samnanger 7,60 14 Fedje 5,88 14 Fedje 6,37 15 Masfjorden 5,53 15 Bømlo 6,34 16 Bømlo 5,36 16 Lindås 6,13 17 Lindås 5,17 17 Masfjorden 6,00 18 Os 5,06 18 Meland 5,85 19 Meland 4,97 19 Voss 5,77 20 Samnanger 4,81 20 Fitjar 5,61 21 Askøy 4,55 21 Jondal 5,50 22 Radøy 4,29 22 Vaksdal 5,48 23 Fitjar 4,14 23 Radøy 5,24 24 Sveio 4,09 24 Etne 5,11 25 Vaksdal 3,97 25 Askøy 5,07 26 Voss 3,89 26 Os 4,94 26 Ullensvang 3,76 26 Sveio 4,50 28 Fjell 3,61 28 Ullensvang 4,43 29 Etne 3,59 29 Fjell 4,24 30 Stord 3,33 30 Stord 3,74 31 Sund 3,14 31 Austevoll 3,01 32 Austevoll 2,27 32 Sund 2,38 33 Tysnes 1,27 33 Tysnes 2,04 For spørsmål til statistikken, ta kontakt med ritha.helland@post.hfk.no Hordaland fylkesbibliotek Pb. 7900, 5020 Bergen Tlf , Fax E-post: fbib@post.hfk.no Fjernlånet Bergen Offentlige Bibliotek, Strømgt. 6, 5015 Bergen Tlf , Fax E-post: fjernlan@bergen.folkebibl.no Redaktør av denne utgåva av Emneord: Lena J. Glesnes