Å leve og bu på kysten av Sogn og Fjordane.

Transkript

1 Å leve og bu på kysten av Sogn og Fjordane. Jente- og guteleir 2008 Eit prosjekt der OKFH har samarbeidd med Måløy vidaregåande skule, Opplæringsfartøy AS og Regionalavdelinga, Sogn og Fjordane fylkeskommune. OPPLÆRINGSKONTORET FOR FISKERI- OG HAVBRUKSFAG I SOGN OG FJORDANE 26. februar 2009 Skrive av: Harald Grotle Postboks Raudeberg / harald@okfh.no Maritim Park 6710 Raudeberg

2 Å leve og bu på kysten av Sogn og Fjordane. Jente- og guteleir Resultat Målsetjing / Resultat Jente- og guteleirane er eit tilbod til jenter og gutar i 10. klasse som vil vite meir 1. om å leve og bu på kysten av Sogn og Fjordane 2. om fiskeri- og havbruksnæringa 3. om sjømat og delikatesser frå havet 4. om utdanningsvegar og jobbar i fiskeri- og havbruksnæringa Kva konkrete resultat er oppnådde gjennom prosjektet? Gjennom eit positivt samarbeid med utvalde bedrifter i Sogn og Fjordane fekk ungdomane innsyn i det kompliserte samspelet som må fungere i bygd og by for at samfunnet slik vi kjenner det, skal fungere. Intensjonen var og å vise det mangfaldet av yrke som er representert i lokalsamfunna våre, og kva for potensiale kystsamfunna har å tilby ungdomar som vil satse framtida si her no eller seinare. Programmet for leiren var sett saman etter same malen som tidlegare år. Også i år kom det med ein del nye bedrifter. Ein viktig føresetnad var at ungdomane i størst mogeleg grad skulle vere aktive deltakarar. Etter vår meining vart alle måla for leiren nådde. Det blir spanande å følgje ungdomane nokre år framover for å sjå korleis denne opplevinga eventuelt slær ut i yrkesval og busetjing. Dei spontane reaksjonane var positivt lovande. Effekt på kort sikt. Korttidseffekten av prosjektet var at ungdomane fekk oppleve eit næringsliv og ulike yrke som til dels var ukjente for dei, og dei fekk innsyn i nye prosessar og samanhengar. Bedriftene som fekk besøk hadde også i år lagt ned eit godt førebuingsarbeid, og dei fekk presentert verksemda si på ein fin måte. I planleggingsfasen vart OKFH berre møtt med velvilje og eit velkomne er de! Det var lagt inn rapporteringsrutinar, fotografering, video-aktivitetar alle dagar, noko som gjennom det daglege etterarbeidet var med på å forsterke inntrykka frå dagsprogrammet. 1

3 Effekt på lang sikt. På lang sikt er målet at ungdomane i studievalsituasjonen skal ha med seg innsikt i og kunnskap om fleire utdannings- og yrkesvegar enn dei elles ville hatt, og at dei i valsituasjonen vil velje eit framtidig fagområde som kystsamfunna har bruk for og nytte av. Gjennom presentasjon av opplevingane sine for skulen sin får heile ungdomskullet kjennskap til korleis det kan vere å leve og arbeide på kysten av Sogn og Fjordane. I det rekrutteringsarbeidet OKFH driv, er gode leirdeltakarane ambassadørar i arbeidet for å skape interesse for yrkesfaglege utdanningar innan fiske- og fangst-, matros-, motormann-, motormekanikar-, akvakultur-, sjømatarbeidar-, industriell matproduksjon -, kuldemontør-, industriell møbelproduksjon- og laboratoriefaga. Kva mål vart ikkje oppnådde gjennom prosjektet? Etter vår meining nådde vi alle måla. Vi fekk fleire søkjarar enn vi kunne ta med både til guteleiren og jenteleiren. Målgruppe. Målgruppa for prosjektet var ungdomar som nett hadde starta i 10.klasse i ungdomsskulen. Det var og viktig å samle ungdomar frå flest mogeleg skular i heile fylket. Fordelinga på skulane kunne vore annleis, men vi valde å prioritere dei som søkte innan fristen. Ei vurdering av resultata i høve målgruppa for prosjektet. Tilbakemeldingane frå deltakarane var overveldande positive. Dei ga uttrykk for at dei hadde lært mykje, hadde opplevd mykje positivt, hadde fått mange nye vener og at dei gjerne ville ha blitt med på ein liknande leir ved eit seinare høve. Foreldre og føresette har og meldt positivt attende at dette var eit tilbod dei sette stor pris på og så på som nyttig. Vår vurdering er at programmet var vel tilpassa alderssteget både i innhald og tempo. I førearbeidet hadde vi lagt ned mykje arbeid og omtanke i at alle programpostar og aktivitetar skulle gi både opplevingar og ny kunnskap / innsikt for deltakarane. Vår vurdering er at det var godt samsvar mellom resultatet og målgruppa sine føresetnader. 2

4 2. Gjennomføring av prosjektet. Er prosjektet endra under vegs? Prosjektet er ikkje endra under vegs, bortsett frå ei justering av dagsprogrammet som måtte leggast om fordi kontaktpersonane måtte utføre andre oppdrag. Endringane i programmet hadde ikkje innverknad på kvaliteten i prosjektet. Kva har vore dei viktigaste hindringane i gjennomføring av prosjektet? I motsetnad til tidlegare år var det ingen hindringar for å gjennomføre prosjektet etter planen. I år har kontakten med skulane fungert kjempefint, og rådgjevarane har vore pådrivarar for å få elevane til å melde seg på. Eg vil i stor grad tilskrive dette at vi har greidd å få fokus på prosjektet gjennom det nære samarbeidet med Rådgjevarleiren - som vart skipa til etter om lag same leisten. Tidsbruk og pengebruk. Også i 2008 stilte Sogn og Fjordane fylkeskommune, Regionalavdelinga, opp og sikra det økonomiske fundamentet. Rita Andal hadde hovudansvaret for maten, og deltok entusiastisk i planlegging og gjennomføring. Viktig for gjennomføringa var òg Måløy vidaregåande skule og Opplæringsfartøy AS sine positive bidrag til prosjektet. OKFH sitt styre har heilhjarta støtta prosjektet med tidsressurs stor nok til at vi kunne planlegge og gjennomføre prosjektet etter planen. Vi hadde arbeidd ut budsjett for leiren, både når det galt førebuing gjennomføring og etterarbeidet. Vi gjennomførte prosjektet innan for dei tilgjengeleg rammene. Revidert rekneskap ligg ved. 3. Oppfølging Er det aktuelt med oppfølgingsarbeid etter prosjektet? Det første oppfølgingsarbeidet vart gjennomført som ei plenumssamling for deltakarane. På denne samlinga vart det produsert PowerPoint-presentasjonar til bruk i klassen / skolen sin. Det er og laga 2 videofilmar frå leirane til bruk i oppfølgingsarbeidet. 3

5 OKFH har ansvaret for oppfølginga av deltakarskulane, i tett samarbeid med ungdomane. Det utarbeidde materiellet skal nyttast på informasjonsamlingar og ved skulebesøka. Det vert i desse dagar utarbeidd ein besøksplan for oppfølginga på deltakarskulane i Selje, Nordfjordeid, Bremanger, Flora, Jølster, Askvoll Hyllestad og Høyanger kommunar. Korleis vert resultata av prosjektet følgde opp og vidareførte? Oppfølging og vidareføring av resultata vert for OKFH sin del gjort ved skulebesøk, og i samtaler med søkjarar til vidaregåande opplæring på både VG1 og VG2 nivået, og som blikkfang i andre samanhengar der yrkesfagval er tema. Deltakarane har kvar sine kopiar av film og presentasjonar til bruk i marknadsføring av kystnæringane i samband med foreldremøte og andre temamøte. Film og bilde blir og stilte til disposisjon for fylkeskommunen i deira arbeid. Kven har ansvaret for oppfølging? OKFH har teke ansvar for oppfølging av prosjektet gjennom det engasjement vi har for rekruttering til arbeidsoppgåver og yrke i kystbygdene våre. Styremedlemmer og representantar for medlemsbedriftene våre er og engasjerte i sine nærmiljø. Innan for sine arbeidsfelt har og Sogn og Fjordane fylkeskommune teke ansvar for at kystnæringane våre skal vidareutviklast og marknadsførast. 4.Vidareføring. OKFH sitt styre vurderer rekrutteringsleirkonseptet som ei positiv arbeidsform i arbeidet for å sikre at dyktige og interesserte ungdomar får kjennskap til- og kunnskap om dei mogelegheitene ein har i arbeid og fritid på kysten av Sogn og Fjordane. Styret i OKFH er positive til at det vert arbeidd med ei vidareføringa av prosjektet mot den same målgruppa hausten Raudeberg, den 26.februar prosjektansvarleg- Dagleg leiar OKFH 4