Norsk Tindesenter Eiendom AS, Åndalsnes i Rauma kommune - søknad om aksjekapital i samband med etablering.

Transkript

1 saksframlegg Dato: Referanse: Vår saksbehandlar: /2011 Lillian Sæther Sørheim Saksnr Utval Møtedato Regional- og næringsutvalet Fylkesutvalet Fylkestinget Norsk Tindesenter Eiendom AS, Åndalsnes i Rauma kommune - søknad om aksjekapital i samband med etablering. Bakgrunn Møre og Romsdal fylkeskommune gjekk hausten 2008 inn med kr i aksjekapital i Norsk Tindesenter AS, sak T 78/08. Dette er enno ikkje utbetalt. Planane har i etterkant vorte endra og Norsk Tindesenter er planlagt både større og med meir mangfaldig innhald. Dette har gjort heile prosjektet meir kostbart. Norsk Tindesenter AS vil endre namn til Norsk Tindesenter Eiendom AS som er eit reint eigedomsselskap. Det vil bli etablert eit nytt selskap, Norsk Tindesenter AS som vil vere driftsselskapet. Aksjekapitalen til Norsk Tindesenter AS vil bli mellom 1,5 og 2 millionar kroner. Følgjande er tenkt som aksjonærar i Norsk Tindesenter AS : Norsk Fjellfestival, Norsk Tindemuseum samt ein tredje aktør som enno ikkje er bestemt. Det er ikkje søkt om aksjekapital til driftsselskapet. Møre og Romsdal fylkeskommune er søkt om ny aksjekapital på kr til Norsk Tindesenter Eigedom AS. Det blir også søkt om Norsk Tindesenter Eiendom AS kan godkjennast som ny mottakar av tidlegare løyvd aksjekapital på kr Om saka Norsk Tindesenter AS vil bli lokalisert midt i Åndalsnes sentrum, rett ved jernbane og cruisehamn. Bygget er teikna av Reiulf Ramstad Arkitektar AS og har ei svært særprega utforming, sjå vedlagte skisser av bygget. Norsk Tindesenter AS har følgjande forretningsidé : Norsk Tindesenter skal bli det ledende fagmiljøet og opplevelsessenteret i Norge, med fokus på bratt friluftsliv og Norsk Tindehistorie fra 1800-tallet og frem til i dag. Med utgangspunkt i lokal kompetanse og et aktivt miljø skal vi tilby kunnskap, opplevelser, aktiviteter og et samlingspunkt for besøkende, nasjonale friluftsorganisasjoner og fastboende i regionen.

2 Side 2 Sjølve bygget vil innehalde følgjande element : Foajé med informasjonsskranke. Interaktiv utstilling over 5 etasjar. Filmauditorium med 100 sitjeplassar. Kafé/ restaurant med inntil 110 sitjeplassar (foajé og kafé til saman). Klatrehall med ein 15 meter høg klatrevegg og 4 meter høg buldrevegg. Bibliotek og kunnskapsdatabase med sterkt fagleg innhald. Suvenirbutikk. To møtelokale med til saman sitjeplassar. Kontorlokale for utleige i ein mini-næringshage. Norsk Fjellkompetanse (kurs, fjellføring, guideverksemd m.m.). Samlinga til Norsk Tindemuseum vil bli ein integrert del av utstillinga og elles i bygget. I filmauditoriet vil det bli vist ein film på mellom 10 og 15 minutt som skal fortelje Romsdalen si klatrehistorie. Filmauditoriet er i lågsesong tenkt nytta til seminar, kurs, foredrag m.m. Næringshagen vil vere ein næringshage for friluftstilknytta verksemder som mellom anna Statens Naturoppsyn, Nordveggen AS, Skredvarsel.no, Norsk Fjellfestival, World Base Race og Norsk Tindesenter AS. Norsk Tindesenter AS (driftsselskapet) skal bli eit kompetanse- og opplevingssenter med fokus på bratt friluftsliv og vil bli delt inn i to ulike forretningsområde : Opplevingsprodukt Kompetanseprodukt (Norsk Fjellkompetanse) Opplevingsproduktet retter seg mot volumturistane (cruise, bussgrupper, m.m.), rundreiseturisten, familiar, barn og ungdom. Med ei spennande interaktiv utstilling, 3D film, klatrehall og aktivitetar vil opplevingsproduktet bli den viktigaste økonomiske berebjelken for drifta. Romsdal har det største fagmiljøet i Europa på tryggleik knytt til arbeid i høgde gjennom tilkomst-teknikken som vart utvikla tidleg på 90-talet. Desse bedriftene utgjer ei klynge i europeisk samanheng med til saman fleire hundre lokalt tilsette som har bakgrunn frå fjell og friluftsliv. Norsk Tindesenter AS vil få ei sentral rolle i dette miljøet da tilsette i desse bedriftene har busett seg i regionen først og fremst grunna friluftsaktivitetar. Norsk Tindesenter AS ønskjer å bidra til å auke kunnskapen om tryggleik og ferdsel i fjellet gjennom Norsk Fjellkompetanse. Dette vil bli ein felles møteplass for kurs, seminar, samarbeid og kunnskapsutveksling mellom nasjonale og internasjonale organisasjonar innan bratt friluftsliv. Norsk Tindesenter AS har ambisjonar om å opne våren 2013 og vil vere heilårsopent.

3 Side 3 Det er etablert ei styringsgruppe for prosjektet som består av følgjande personar : Fred Husøy, styreleiar i Norsk Tindemuseum Roar Drågen, styreleiar i Norsk Fjellfestival Solveig Brøste Sletta, dagleg leiar Nordveggen AS Ole Kjell Talberg, kommunalsjef Rauma kommune Kjell Gjerde, dagleg leiar i Destinasjon Molde & Romsdal AS Det er i søknaden sett opp eit budsjett for Norsk Tindesenter AS basert på totalt besøkande i 2013, i 2014 og i Driftsbudsjettet for 2013 (8 månader) viser ei omsetning på kr og eit resultat på kr Det er budsjettert med positive resultat også for 2014 og Driftsbudsjettet for driftsselskapet er relevant for å synleggjere at dei er i stand til å betale husleige til eigedomsselskapet. Driftsbudsjettet for Norsk Tindesenter Eiendom AS er sett opp med kr i inntekter for Dette er husleige frå Norsk Tindesenter, klatrevegg (Romsdal Tindegruppa) og for utleige av kontor. Dette vil i følgje budsjettet gi eit resultat før skatt på kr Eigedomsselskapet vil gå i pluss i 2017 då med kr i resultat etter skatt. Likviditetsbudsjettet går i pluss allereie frå år Det er avskrivingane som utgjer denne forskjellen. Kostnader og finansiering Det er i søknaden sett opp eit kostnadsoverslag for bygget på kr : Oppsetting av sjølve bygget kr Kjøp av tomt kr Utstilling kr VVS kr Elkraft kr Tele/automatisering/andre installasjonar kr Utomhus kr Felleskostnader kr Prosjektering kr Byggjelånsrente kr Sum kr Dette er tenkt finansiert med 4 millionar kroner frå Rauma kommune, 10 millionar frå lokalt/regionalt næringsliv, 3 millionar frå Norsk Tindemuseum, 8 millionar frå private fond, 2 millionar i spelemidlar og til saman 8 millionar frå Møre og Romsdal fylkeskommune (tidlegare løyvd kr ) og lån på 6 millionar kroner. Det er verdt å merke seg at ein stor del av bygget er finansiert med aksjekapital. Det er likevel sett opp byggjelånsrente for også å ha ein sikkerheitsmargin ved eventuelle overskridingar sjølv om dette også er kalkulert inn i kvart kostnadselement.

4 Side 4 Vurdering Romsdalen har heilt sidan tindebestigninga tok av på slutten av 1800-talet vore ein magnet for dei fremste utøvarane frå heile verda. Sjølv om aktivitetane har endra seg i takt med trendane, har Romsdalen vore ein viktig møtestad for eliten innan storveggklatring, friklatring, buldring, basehopping og dei seinare åra også for toppturar på ski. Denne aktiviteten har vore med på å byggje viktige merkevarar som Romsdalshorn, Trollveggen og Kirketaket. Dette har resultert i ein stor strøm av tilskodarar og andre som også vil oppleve denne naturen. Erfaringar mellom anna frå Alpane er at dei aktive miljøa trekker til seg mange besøkande som ikkje er på same nivå som dei mest ekstreme, men som liker å bli assosiert med og vere ein del av dette miljøet. Interessa for bratt friluftsliv er i sterkt vekst og Romsdalen har i dag både det største miljøet her i landet og er eit naturleg samlingspunkt for aktive utøvarar av toppturar på ski, fjellklatring, isklatring og basehopping. Fleire lokale/regionale aktørar har allereie signalisert at dei ønskjer å gå inn med aksjekapital i eigedomsselskapet. Dette gjeld mellom anna Sparebanken Møre og Wenaasgruppen AS. Eit bidrag frå Møre og Romsdal fylkeskommune vil i denne saka ha utløysande effekt då lokale/regionale aktørane er tydeleg på at det er ein føresetnad at dette er eit spleiselag der også det offentlege ved Rauma kommune og Møre og Romsdal fylkeskommune tek del i finansieringa. Strekninga Geiranger Trollstigen vil bli opna som Nasjonal Turistveg i juni Årleg besøker vel personar denne strekninga og berre ein brøkdel av desse besøker også Åndalsnes. Med Norsk Tindesenter AS på plass har vi tru for at fleire av desse også vil ta turen til Åndalsnes sentrum. Erfaringsmessig veit vi at det er vanskeleg med lønsam heilårsdrift på attraksjonar, men vi har likevel tru for at besøkande i 2014 (første år med heilårsdrift) kan vere realistisk. Reiselivsprogrammet i Møre og Romsdal hadde som ambisjon at Møre og Romsdal skulle bli aktivitets- og opplevingsfylke nummer 1 i Norge. Dette er ein ambisjon som har forplanta seg både til destinasjonsselskapa og også til reiselivsaktørar i fylket. Ein kan no seie at dette er ein felles ambisjon for store delar av reiselivsnæringa i fylket. Fjord Norge AS (landsdelskapet for Vestlandet som marknadsfører regionen internasjonalt) har som målsetting å bli verdsleiande på tematurisme. NCE Tourism Fjord Norway har så langt valt ut fire tema : ski, vandring, outdoor activities og kultur. Også Innovasjon Norge har fokus på tema som vandring, fiske og sykkel i sine tema kampanjar. Norsk Tindesenter byggjer godt opp under Møre og Romsdal sin ambisjon om å bli aktivitets- og opplevingsfylke nummer 1. Aktivitetane passer også særs godt med temasatsinga til NCE Tourism Fjord Norway og Innovasjon Norge. Norsk Tindesenter vil bli ein stor attraksjon for heile Romsdalsregionen og også for delar av Nordmøre og Sunnmøre. Senteret vil bli eit fyrtårn med si spektakulære arkitektoniske utforming, som vil bidra til auka trafikk til regionen. Gode og spennande opplevingsprodukt forlengjer også opphaldstida til dei besøkande.

5 Side 5 Forslag til vedtak: Møre og Romsdal fylkeskommune går inn med aksjekapital inntil kr i Norsk Tindesenter Eiendom AS. Aksjekapitalen blir finansiert ved bruk av ubundne investeringsfond. Møre og Romsdal fylkeskommune godkjenner Norsk Tindesenter Eiendom AS som mottakar av tidlegare løyvd aksjekapital på kr gjeve til Norsk Tindesenter AS. Det er ein føresetnad at prosjektet blir fullfinansiert. Detaljert finansieringsplan skal sendast Møre og Romsdal fylkeskommune for godkjenning. Bergljot Landstad regional- og næringssjef