Tingvoll kommune Økokommunen

Transkript

1 Innomind Outatown - innovasjonskraft i periferien Tingvoll har lang erfaring med store utviklingsprosjekt med god og konkret resultatoppnåing. Miljøvennlege og attraktive tettstadar. Stifinnerprosjekt for modernisering av kommunale tenester Småsamfunnssatsing. Økokommunen er Tingvoll si plattform. Globalisering i form av sentralisering, migrasjon og klima står på vår dagsorden. Globale utfordringar skal møtast med lokal handling og lokale/ regionale ressursar. Kommunen har i over 20 år bygd opp bærekraftsstrategiar for utvikling av samfunnet og drift av kommunen. Skal vi lukkast i utviklingsarbeid må vi skape eit utviklingstrykk. Konkrete, avgrensa tiltak må setjast inn i ein samanheng av visjon og målsettingar for utvikling av samfunn og tenester. Vi har tiltak som står på eigne bein, og tiltak som heng godt saman. Men summen skapar utviklingskrafta, og vi søkjer nasjonale bolystmidlar for å realisere muligheter. Folketal og næringsliv Tingvoll med våre 3100 innbyggjarar er sentralt plassert på Nordmøre, vi er relativt næringssvake og har ingen store bedrifter. Vi har næringsliv innan primærnæringar, entreprenørbransje, tekstil og handel. Vi er ein skattesvak kommune, og arbeidsplassdekninga til eiga befolkning er blant dei lågast i Møre og Romsdal og difor har vi høg utpendling i ein større bu- og arbeidsmarknadsregion. Tingvoll orienterer seg meir no meir mot vekstområda som er på kysten. Folketalet er stabilt, men vi veks ikkje. Vi har innvandring som er ein ressurs for vårt lokalsamfunn - asylmottak med 130 menneske frå heile verda, ca 50 busette flyktningar særleg frå Aust Afrika og arbeidsinnvandring frå Sentraleuropa. Vi har eit av dei høgaste utdanningsnivåa i Møre og Romsdal blant kvinner. Tingvoll er eit gamalt kultur og kunnskapssenter frå eit av skandinavias største hellemalingsfelt som er 5000 år gamalt, tingstaden, middelalderkyrkja, landsgymnas og no eit av fylkets største forskningsmiljø Bioforsk økologisk. I både næringsplan og kommuneplan er økokommunen vår strategi for utvikling og auka attraktivitet.

2 Effektmål: Auka folketalsveksten i Tingvoll til nasjonalt gjennomsnitt fordelt på 20 % fødselsoverskudd og 80 % tilflytting. Tingvoll kommune sin bolystsøknad er sett saman av 2 delprosjekt ( Skape og Vokse )med til saman 6 innsatsområde som til saman dekkar områda Inkludering av innvandrarar i distriktsområde (1 og 2) Utviklingsprosjekt retta mot ungdom (2) Nyskapande tiltak som aukar attraktivitet og framtidig tilflytting (1 og 2) 1. Skape Etnisk entreprenørskap Alfa og omega i begynnelsen var ordet. Bittelitteraturhuset Effektmål: Vi aukar verdiskapinga i Tingvoll gjennom å utvikle noko særeige eller vidareutviklar vår styrke. Vi fornyar møteplassane mellom folk og har initiativ og kunnskap til å utløyse nye idear som skapar arbeidsplassar. Etnisk entreprenørskap - Innvandrarar som entreprenørar Internasjonale tal viser at etablererlysta er langt høgare i innvandrarbefolkningen enn i lokalbefolkningen, også i Norge. Etnisk entreprenørskap er eit etablert begrep. Vi veit at mange med minoritetsbakgrunn har vanskar med å skaffe seg jobb i Tingvoll, av ulike grunnar. Vi ønskjer i dette prosjektet å jobbe saman med folk som har minoritetsbakgrunn for å kartlegge etablereridear, stimulere etablererlyst og koble grunderar saman med virkemiddelapparatet og finansinstitusjoner. Resultatmål: Minst 3 nye bedrifter med folk med innvandrerbakgrunn som entreprenør innan 2 år.

3 Kartlegge bedriftsidear hos innvandrarar i Tingvoll Stimulere etablererlyst. Hente inn folk med minoritetsbakgrunn som har lykkes med bedriftsetablering og dele kunnskap Sette privat og offentleg virkemiddelapparatet i dialog med etablerarar med minoritetsbakgrunn. Alfa og omega i begynnelsen var ordet. I Tingvoll bur det menneske frå ca 35 land. Det er menneske med svært ulike språk og minst 5 alfabet. Tingvoll kommune i samarbeid med Tingvoll vidaregåande skole gjennomfører satsingar på at innvandrarar får opplæring i norsk og samfunnsfag, men vi ønskjer no å bruka innvandrarar sine språkkunnskapar for å auka barn- og unge sitt språklege mangfald. Ved å få kunnskap om andre menneske sine språk og alfabet, vil ein få kunnskap om andre land og kulturar og respekt for møtet mellom folk. Vi brukar også innvandrarar sine ressursar på nye måtar og synleggjer sterke sider i minoritetsbefolkningen. Resultatmål: Alle 8 klassingar skal kunne minst eit alfabet på eit av språka Russisk ( Kyrillisk alfabet), Arabisk, Eritreisk eller Kinesisk. Vi vil med nye tverrfaglege arbeidsformer innan fag som samfunnslære, kunst/ håndtverk og biblioteket alfabetisere i grunnskolen og slik la barn og ungdom vinne kunnskap om verdas språk og auke gjensidig respekt mellom folk. Vi vil nytta innvandrarar sine kunnskapar på nye måtar. Etablere Bittelitteraturhuset. Resultatmål: Litteraturhus veks opp i byar. Bittelitteraturhuset vil vera å styrka dei møteplassane som finns i lokalsamfunnet, og gjera desse til ein arena for ein eit auka offentleg ordskifte om viktige saker i samfunnet enten lokale, nasjonale eller internasjonale. I Tettstadsprogrammet utvikla vi erkjennelse av kor viktig uformelle møtestader er for ein stad sin attraktivitet og trivsel. I Tingvoll er både Drøpping kafe, Tingvoll Brygge / Fjordhotell og Fjordkroa slike møteplassar. Tingvoll har også tradisjon for å bruka folkemøte som for lokal mobilisering av engasjement og deling av kunnskap. Biblioteket er ein naturleg samarbeidspartner i form av spreiing av leselyst og bokglede på nye arenaer, og vi veit at biblioteket er særs viktig som ein fleirkulturell møteplass. Vi kjenner også til at fylkeskommunen er interessert i nye måtar å formidle litteratur på.

4 Bittelitteraturhuset leselyst i offentlege rom og faste kveldar på eksisterande møteplassar med interessante tema, innleiing av dyktige folk og påfølgjande debatt kan vitalisere både lokalsamfunnet, tilføre næringslivet auka kundegrunnlag, og auka leselysta. 2. Vokse VGS i 200 Bli treffsikker! Ungt demokrati stemmer! Effektmål: Tingvoll er ein foretrekt kommune for ungdom. Vi tiltrekkjer oss ungdom lokalt og frå heile regionen som er opptatt av miljø og kunnskap om internasjonale forhold. I planprogrammet for ny kommuneplan for Tingvoll er følgjande eit av hovudinnsatsområda Vera ein foretrekt kommune for ungdom Tingvoll ønskjer å vera meir nyskapande i vår satsing på ungdom meir mangfald, meir engasjement, meir bevissthet. Ungdomssatsing vil kunne skape bolyst med tanke på påfølgjande vekst i folketal. Tingvoll vidaregåande skole i 200! Skal vi vera attraktiv for ungdom må styrka rekrutteringa til den vidaregåande skolen i Tingvoll korleis kan ein liten vidaregåande skole styrka sin attraktivitet? Tingvoll vidaregåande skole er den minste i Møre og Romsdal, og slik sårbar for strukturendringar. I dag har skolen ca 130 elevar i vidaregåande opplæring og i tillegg ca 60 frå asylmottaket som får norskopplæring på skolen. Tingvoll vidaregåande skole har den yngste lærerstaben i vidaregåande skole i Møre og Romsdal. Nyskapingskrafta bør vera stor. Nokre stikkord er kvalitet i opplæringa, tilpassningsevne i linjeval, nyskapande læringsmiljø, og involvering, bevissthet, og omdømme blant ungdommar, rekrutteringsdialog og konkurransekraft, kan det vera eksklusivt å vera få? Gjennom prosjektet vil vi utvikle og marknadsføre det unike. Vi ønskjer vi å vera nyskapande i møtet mellom vidaregaånde skole og Bioforsk økologisk, og utvikla

5 spissa tilbod som heng saman med andre satsingar vi har i kommunen t.d. internasjonalisering. Eks. fast studietur til vår vennskapskommune i Bunda i Tanzania eller andre stadar, internasjonale miljøkonferanser el. Tingvoll vidaregåande skole er i dag ein del av FN sitt skolenettverk. Resultatmål: Tingvoll vidaregåande i 200! Frå 130 til 200 elevar før Som ein del av arbeidet ønskjer vi å styrka samarbeidet mellom Bioforsk økologisk og Tingvoll vidaregåande skole. Særleg er det mogeleg og viktig å utvikle gode læringsmiljø og nye læringsarenaer innan realfag og helsefag. Bioforsk økologisk har 36 vitenskapeleg tilsette med realfagsbakgrunn. Resultatmål: I løpet av prosjektperioden utvikle fornya og attraktiv realfagsopplæring og helsefagopplæring i VGS i realistiske omgjevnader ved bruk av Biogassanlegget, bio- og solenegisenteret, forskningsfelt i landbruket, studere klimagassutslepp, økologisk dyrking utan bruk av sprøytemidlar, vekstskifte, økologisk matproduksjon, miljøverknader, ernæring og folkehelse osv. Resultatmål: Etablere samarbeid med ein høgskole/ universitet for utdanning av bachelor eller mastergrad innan desse fagområda. Økoparken nasjonalt opplevingssenter for kunnskap om mat, dyrking, hagar, dyrevelferd, fornybar energi og landbruk. Knoppskyting frå forskningsmiljøet på Bioforsk økologisk. I småsamfunnssatsinga er etablering av Øko-park ved Bioforsk økologisk ein svært sentral del av resultatoppnåelsen. Øko-parken er prosjektert og 15 millionar ( 2/3) av investeringa er finansiert. Vi manglar framleis eit statleg bidrag til realiseringa og arbeider intensivt med dette. I denne bolystsøknaden vil vi arbeide for realisering og ytterlegare produktutvikling. Resultatmål: Realisere Økoparken innan utgangen av Tingvoll har mange aktiviteter for barn, men langt færre for ungdom i aldersgruppa Korleis kan vi læra av miljø i kommunen og regionen som har lykkes i ungdomssatsing i mange år. Tingvoll har nokre av landets ( og verdens!) fremste idrettsutøvarar i skiskyting og friidrett. Korleis kan vi forstå suksessen, og overføre suksesskreterier til nye arenaer eks. unge artister, uorganisert ungdom, i modernisering av kommunale tenester, samspel mellom kommunen og frivillige organisasjonar mm. Vi ønskjer her å inveit kunnskapsmiljø til å utføre ein studie. Resultatmål: Bli treffsikker! Å forstå og overføre suksess blant ungdom til nye arenaer. Invitere eit kunnskapsmiljø til å gjennomføre ein studie av suksessfaktorar. Tingvollen var staden for ordskifte og framføring av saker til avgjerder. Tingvollen ber i seg kimen til tidlege demokratiske prosessar i Norge. Vi vil i ei nyskapande ungdomsssatsing vitalisere demokratisk styring og slik koble sammen ungdom og internasjonal satsing der der vi vil delta i

6 utvekslingsprogram for ungdom. Ungdom i Tingvoll skal ha innsikt i verda rundt seg ved å møte ungdom og styresett frå andre land. Tingvoll har tatt imot einslege mindreårige flyktningar som treng vennskap. Vi ønskjer å fremme fleire stemmer i den lokale og nasjonale debatten, ungdomsengasjement i viktige lokale saker, og arbeid med å auka ungdom og andre si deltaking i val. Vi kan også byggja vidare på politikarskolen i miljølære. Resultatmål : Delta i internasjonale program for ungdomsutveksling og sende ut eller ta imot 5 10 unge kvart år. Utvikle lokale møteplasser for vennskap og solidaritet mellom unge fra ulike delar av verda. 70 % av ungdom under 25 år skal stemme ved lokalvalget i 2015 Kostnads- og finansieringsplan: Tiltak Etnisk entreprenørskap Alfa og Omega Bittelitteraturhuset VGS Bli treffsikker Ungt demokrati - stemmer! Sum Finansieringsplan Tingvoll kommune Eget arbeid Bioforsk økologisk Tingvoll vidaregåande skole Møre og Romsdal fylkeskommune KRD Bolyst

7 Prosjektorganisering Prosjekteigar vil vera Tingvoll kommune Vi vil opprette ei styringsgruppe av 6 medlemmar sett saman av kompetente samarbeidspartnarar i prosjektet: Politisk leiing i Tingvoll kommune Kultur- og næringsavdelinga i Tingvoll kommune Rådmannen Bioforsk økologisk Tingvoll vidaregåande skole Tingvoll næringsforum Ungdområdet/ elverådet ved Tingvoll vidaregåande skole Vi vil dele prosjektet i 2 prosjektgrupper, samansett av representantar frå meir operative aktørar i delprosjekta. Kvart delprosjekt ( skape og vokse) vil få kvar si prosjekgruppe. Prosjektet vil ha ein prosjektleiar i full stilling, og det vil bli frikjøp ressursar frå ulike fragmiljø der ein treng drivkrefter for realiseringa av tiltak i prosjektet.