Gullingen leirskule. Ein stad for naturoppleving og læring

Transkript

1 Gullingen leirskule Ein stad for naturoppleving og læring

2 Velkommen til Gullingen leirskule Sidan 1986 har Gullingen leirskule teke tusenvis av unge med inn i naturen. Gjennom eit enkelt og tradisjonsbunde friluftsliv, har leirskulen utvikla ein skule der oppleving og læring går hand i hand. Hovudmål Gullingen leirskule ønskjer å gje elevane gode naturopplevingar og auka forståing for naturen gjennom eit enkelt friluftsliv og tverrfaglege arbeidsmåtar. Leirskulen ønskjer òg å gje elevane gode rammer for å utvikle sosial kompetanse og evne til samarbeid. I dette heftet prøver me å gje eit inntrykk av korleis me vil oppnå desse måla. Ynskjer du meir informasjon, ta kontakt eller besøk heimesidene våre. Tlf: Adresse: 4230 SAND E-post: gullingen.leirskule@suldal.kommune.no Heimesider: Facebook: For oss alle på Gullingen, Jan Erik Kristensen, rektor

3 INNHALDSLISTE : Velkommen til Gullingen leirskule... 2 LITT OM LEIRSKULEN VÅR... 4 Kor ligg Gullingen... 4 Bygningar og uteområde... 4 Når på året driv me leirskule?... 5 Kor mange klassar/elevar?... 5 Leirskule for kven?... 5 Me er ein godkjent leirskule... 5 God lærardekning... 5 EIN PEDAGOGISK UTESKULE... 6 Kva vil me med leirskulen?... 6 Tur etter evne... 6 Tryggleiken i høgsetet... 7 Me har utstyr til utlån... 7 Kveld i alpinsentret?... 7 SESONGAR OG EMNE... 8 Vår- og haustleirskule (mai-juni og august-oktober)... 8 Førjulsleirskule (november-desember)... 8 Vinterleirskule (januar-april)... 9 Meir om emne og undervisningsopplegg... 9 Fritids- og kveldstilbod på leirskulen... 9 BESTILLING AV LEIRSKULEOPPHALD Prisar for opphaldet Bestillings- og betalingsrutinar Avbestillingsrutinar Elevbetaling Om refusjonskravet Meir praktisk informasjon før opphaldet kjem seinare Det er Suldal kommune som driv leirskulen. I areal er Suldal den største kommunen i Rogaland med mykje fjellområde. Det bur i underkant av 4000 menneske i kommunen. Kommunesenteret er Sand som ligg 20 km frå Gullingen leirskule. Informasjon om kommunen finn du på

4 LITT OM LEIRSKULEN VÅR Kor ligg Gullingen Gullingen leirskule ligg ved Mosvatnet i Suldal kommune. Frå Stavanger tek det snaue 3 timar å koma hit, mens det er noko kortare frå Haugesund. Me ligg 20 km frå kommunesenteret Sand. Leirskulen ligg 570 m.o.h. i fjellbjørkeskog. Det er kort veg til snaufjellet som strekkjer seg opp til 1144 m.o.h. Med sitt varierte og småkuperte terreng er det godt egna som utfartsområde. Det er da òg eit av dei mest nytta områda for friluftsliv i Ryfylke, sommar som vinter. Snøforholda er normalt gode heile vinteren. Det vel 3 km lange Mosvatnet er mykje nytta til bading, kanopadling, roing og fiske. Det er mykje aure i vatnet. Bygningar og uteområde Leirskulen vert driven på Gullingen Turistsenter. Staden blei bygd opp som leirskule i Elevane bur på 4- manns rom fordelt på 4 fløyer med 12 rom. 3 av desse er lærarrom med eige dusj/toalett. Fleire av romma er òg tilpassa rullestolbrukarar. Alle rom i 3 av fløyane er fulloppussa hausten Det finst to stover, ei for A/Bfløyen og ei for C/D- fløyen. Matsal, kiosk og resepsjon finst i hovudbygningen. Me har òg idrettsbane for ballspel med flomljos. Om vinteren er denne og nærliggjande bakkar lagt til rette for skileik. Ljosløype ligg rett i nærleiken, det same gjer Gullingen Skisenter. 4

5 Når på året driv me leirskule? Me driv leirskule heile skuleåret og sesongane fordeler seg slik: Haust-leirskule: frå grunnskulen startar til månadsskiftet oktober/november Førjuls-leirskule: frå midt i november til midten av desember Vinter-leirskule: frå grunnskulen startar i januar til slutten av april Vår-leirskule: frå mai til grunnskulen si sommarferie. Kor mange klassar/elevar? I ei normalveke på leirskulen har me elevar. Leirskule for kven? Leirskule er grunnskuleundervisning, og me ønskjer alle typar klasser og elevar velkomne. Me er ein godkjent leirskule Gullingen leirskule er anbefalt av Norsk Leirskuleforening, som kvalitetsvurderer sine medlemsbedrifter. God lærardekning Leirskulen har fire fast tilsette lærarar, alle med pedagogisk utdanning. I tillegg til desse, deltek vertskapet på Turistsenteret i delar av undervisningsopplegget. 5

6 EIN PEDAGOGISK UTESKULE Kva vil me med leirskulen? Undervisningstemaene ved leirskulen tek utgangspunkt i naturen som læringsarena. Å fremje naturglede er eit hovudmål. Me ønskjer difor å gje opplæring og oppleving i friluftsliv, dvs ferdsle på vatn, i skog og på fjell til forskjellig årstid. Gullingen leirskule er ein uteskule! Me legg vekt på : gjennom ulike økosystem lære eit anna miljø å kjenna eit enkelt friluftsliv som skal kunna overførast til eit heimleg miljø å velja aktivitet som fremmer oppleving og nærkontakt med natur å oppdra til ansvar overfor naturen og miljøet kring oss, innbefatta "sporlaus ferdsel" å velja aktivitet som ikkje ekskluderer elevar p.g.a. manglande fysikk eller førehandskunnskap bruk av fornuftig og rimeleg utstyr tryggleik skiglede All undervisning tek utgangspunkt i læreplanen. Me ønskjer at klassen skal kunne bygge vidare på det dei kjenner frå undervisninga i ulike fag på heimeskulen. Klassen må gjerne kome med ynskje om tema me skal leggje særskild vekt på. Forutan tileigning av fagleg kunnskap, har me røynsle med at uteskule òg gjer sitt til å styrke fellesskapet i klassen, noko som skapar trivsel, som igjen dannar grunnlag for ny læring. Me trur òg at felles opplevingar skapar sosial tryggleik. Elevane blir betre kjende med kvarandre gjennom felles røynsler og oppdagingar. Naturglede og oppleving bidreg dessutan til ein positiv utvikling av heile personlegdomen. Tur etter evne Nokre elevar gruar seg for ei veke på leirskule fordi dei er redde for ikkje å meistre det fysiske. Her på Gullingen legg me ikkje vekt på kor langt og kor fort me har gått, men på opplevingar under vegs. Sist i veka vel elevane sjølv kva tur dei vil på, og da vert det òg utfordringar til dei som vil høgt og langt. På vinteren er det mange elevar som har lita eller ingen erfaring på ski før dei kjem på leirskule. Desse får sjølvsagt nybyrjaropplæring. 6

7 Tryggleiken i høgsetet På Gullingen set me elevane si helse og tryggleik fremst i alle deler av leirskuleveka. Følgjande punkt er viktige i så måte: Internkontroll for elevar og tilsette Førehandsinformasjon til skulane og elevar/føresette Daglege lærar/leiarmøter under leirskuleopphaldet Førstehjelpsutstyr Meir om desse punkta kjem i heftet Praktisk og pedagogisk informasjon. Dette heftet sendast til skulane om lag eit halvt år før opphaldet. Det kan og lastast ned frå heimesidene våre: leirskule/laerarinformasjon/138-hefter-og-kopigrunnlag Er me ute i mykje vèr? Svaret er ja. Det er i mykje vær ein lærer mest om det å klare seg ute på tur. Ein lærer å kle seg, byggje leskjerm, slå opp lavvu osb. Me har utstyr til utlån Ikkje la mangel på utstyr stoppe ynskje om eit leirskuleopphald. Det viser seg at ein får lånt mykje av slekt og vener. Leirskulen har òg noko utstyr til låns. Kveld i alpinsentret? Dersom skulen og dei føresette ynskjer det, kan elevane nytta seg av kveldskjøring i Gullingen Skisenter. Slalåmbakken, som er rekna for å vere krevjande og difor ikkje egna for urøynde elevar, må ha minimum 20 betalande elevar for å opna. Hjelm er påbode denne kvelden. Leirskulen brukar ikkje Skisenteret i leirskuleundervisninga. 7

8 SESONGAR OG EMNE Det er mogleg å reise på Gullingen leirskule heile året. Fleire emne og aktivitetar går igjen i kvar sesong medan andre emne er knytt til årstidene. Her kjem ein kort oversikt over innhaldet i dei einskilde sesongane. Vår- og haustleirskule (mai-juni og august-oktober) Norge har lange og gode tradisjonar på å drive friluftsliv på denne årstida. På leirskulen vidareførar me desse tradisjonane mellom anna med turar i fjellskogen, på snaufjellet, og med roturar og kanopadling på Mosvatnet. Undervegs ser me på ulike samspel i naturen, direkte knytt opp mot elevane sine læreplanar. Ulike fjell- og toppturar gir utfordringar til alle, og me skaffar oss mat frå naturen gjennom fiske og bærplukking. Me ser òg på korleis dei nytta fjellet før i tida, og me fortel segner og historier frå stølsperioden. Bruk av kart og førstehjelp er òg viktige emne. Vatnet som renn skal me òg oppleve i stor grad ved og gå i bekken og stå under fossen. Faste tider - vår og haust Frukost Verteneste og fellesoppgåver Morgonsamling Uteskule Middag Kveldsmat Ro (avh. av trinn) Førjulsleirskule (november-desember) Julefeiringa er gamal og har røter tilbake til overgongen mellom heidensk og kristen tid. I moderne tid er jula kan hende først og fremst ei familiehøgtid, men mange av dei gamle tradisjonane lever enno. På førjulsleirskule er natur, oppleving og juletradisjonar sett i ein samanheng. Kan ein drive friluftsliv i desember då? Å ja da. Naturen har mykje å gi på denne årstida òg. Me går ut i skogen for å finne emne til arbeidet i juleverkstaden, og me brenn bål og lager kolstiftar. Tur til stølen og gode historier høyrer med, og er me heldige, kan me studere stjernehimmelen. Dersom det er nok snø, blir det òg ein liten skitur. Juletreet må me hogga og frakta i hus, og dei tøffaste tar kanskje utfordringa og søv ei natt ute i lavvu? Innandørs vert det forteljingar, juleverkstad og baking. På verkstaden lagar me julegåver og julepynt, først og fremst av materialar me finn ute. På matfronten er det julebaksten som må gjerast, men me har òg ein del anna å førebu til julefesten. Det skal pyntast til julefest både ute og inne. Før me kjem så langt som til julefesten, må me sjølvsagt lauge oss. Det gjer me utandørs i den store stampen. Kanskje vert det eit snøbad òg? Faste tider - Førjulsleirskule Frukost Verteneste og fellesoppgåver Morgonsamling Uteskule og juleverkstad Middag På torsdagen: Julefest Kveldsmat Ro (avh. av trinn) Faste kveldar: Måndag: Fakkeltur Onsdag: Lauging i vedfyrt stamp Torsdag: Julefest med pinnekjøt 8

9 Vinterleirskule (januar-april) Nordmenn er født med ski på beina. Eller er dei det? Snøfattige vintre og barn og ungdom sine ønskjer om alpine skiaktivitetar, har gjort sitt til at mange familiar har nedprioritert turskia. Det er òg fleire og fleire frå andre kulturar som ikkje er vane med snø, som her får sitt første møte med norske skitradisjonar. På leirskulen tek me omsyn til dette. Me skal ha det gøy på ski. Og når me har det gøy, ja da lærar me mykje òg. Sentralt på vinteren er skileik. Det å ha det moro i humpeløyper, orgeltramp, portløyper og hopp gir alltid det same resultatet: Skidugleiken aukar, og dermed gleda med å gå å ski. Men me prøver òg andre former for vinterfriluftsliv som; isfiske, grave leskjerm og snøholer. Dersom snøen skulle utebli, driv me vinterfriluftsliv på andre måtar som t.d. skeising og fotturar på barmark. Meir om emne og undervisningsopplegg Meir om emna i kvar sesong kan du finne på våre heimesider. Det vil òg vere meir info om dette i heftet Praktisk og pedagogisk informasjon. Fritids- og kveldstilbod på leirskulen Sjølvsagt er det fritid for elevane på leirskulen. Me på Gullingen freistar å fylle denne fritida med aktivitetar og tilbod, slik at alle får ei god oppleving av kveldane. Me har bl a ballbane, buldrevegg, bordtennis, spel og leiker med meir. Om vinteren har me ein opparbeida skileik med flomlys. Elles likar elevane å arrangere diskotek, besøke geiter og høner med meir. Ein kveld blir det gitt eit tilbod om å bade i utandørs stamp. Ein annan vert det gitt eit undervisningstilbod til elevane. Normalt er dette bekkevandring haust og vår, og mørketur på juleleirskule. Om vinteren varierer det meir etter vêret. Organiserte tilbod Heile året Bading i vedfyrt stamp Flogebinding Utlån av diverse spel Overnatting i sametelt/bålstova Vår/haust Bekkevandring (Tor) Topptur til Gullingen Andre fritidstilbod og aktivitetar Diskotek i klasserommet Bordtennis Klatring i buldreveggen Underhaldning i klasserommet Ballspel på fotballbanen Fiske frå land Kilespel og smashball Førjuls Fakkeltur (Mån) Som for vinter eller vår/haust (etter føret) Vinter Fakkeltur Isfiske Rompebrett-meisterskap Faste tider - vinter Frukost Verteneste og fellesoppgåver Morgonsamling Smøring av ski Uteskule Middag Kveldsmat Ro (avh. av trinn) Skileik og aking i skileikebakken Tur i lysløypa Kveld i alpinsenter (sjå eige avsnitt) 9

10 BESTILLING AV LEIRSKULEOPPHALD Prisar for opphaldet Frå er prisane pr. elev slik: Kr for full veke (mån fre) Kr for 3 døgn (mån-tor) Prisane er veiledande, og ein må rekne med ein justering i åra framover. Beløpet dekkjer kost og losji og går i sin heilskap til Gullingen Turistsenter. Undervisninga ved leirskulen blir bortimot fullfinansiert av staten si refusjonsordning.(det øyremerkte tilskottet til leirskule) Det omtrentleg talet på elevar og talet på klassar etter gamal ordning blir å oppgi ved bestilling. Det endeleg talet skal ein oppgi seinast ei veke før opphaldet. Endringar utover 20% lågare enn oppgjeve tal kan det krevjast betaling for, òg for ein kvar auke i talet. To lærarar/leiarar gratis Opp til 2 vaksne går gratis pr klasse med minst 10 elevar, 1 vaksen om det er mindre enn 10 elevar. Bestillings- og betalingsrutinar Bestilling av leirskuleopphald bør skje i god tid før opphaldet, gjerne fleire år i førevegen. Rutinen fram mot leirskuleopphaldet skjer normalt slik: Kontaktlærar/teamledar/rektor /klassekontakt tek kontakt med leirskulen og bestiller eller reserverer ei leirskuleveke etter kva sesong skulen/klassen ønskjer. Leirskulen sender ut reservasjon/stadfesting av plass, som underskrivast og sendast attende. Samstundes med stadfesting av plass sender leirskulen ut eit refusjonsgarantiskjema som underskrivast av kommunen/rektor og returnerast (meir om dette på neste side) I tillegg ligg det ved eit krav om depositum (kr. 150-, pr. elev). Depositumet er ein gjensidig garanti for plassen. Denne summen vert trekt frå det endelege oppgjeret. Rekning for opphaldet blir sendt ut etter at opphaldet har funne stad. Avbestillingsrutinar Ved avbestilling av opphaldet vert ikkje depositum refundert. Ved avbestilling seinare enn 6 månader før opphaldet, må ein betale halve pensjonsprisen. Ved avbestilling seinare enn 3 månader før opphaldet, må ein betale opphaldet fullt ut. (Dette gjeld òg avbestilling grunna streik aller andre arbeidskonfliktar.) Elevar som av ulike grunnar ikkje kjem, blir det ikkje kravd restbetaling for. Ved avbestilling seinare enn 2 år i førevegen, må i tillegg undervisningskostnadene på leirskulen, garantert i refusjonsgarantien, dekkjast i sin heilskap. 10

11 Elevbetaling Grunnskulen i Noreg skal vere gratis, og ein kan difor ikkje krevje betaling frå elevane/foreldra for å reise på leirskule. Difor gir staten eit tilskott på i overkant av pr. elev for eit opphald i løpet av grunnskulen. Desse pengane vert overført i rammetilskotet til kommunane, og derfrå til den enkelte skule. Sjå meir om dette på nettsidene våre. Mange skular/klassar vel å dekkje inn noko av utgiftene gjennom sjølv å tene inn pengar på dugnad, gåver osb. Om refusjonskravet Undervisninga på leirskulen er gratis. Den vert dekka av staten gjennom ei refusjonsordning. Leirskulen sender ei tid før opphaldet eit refusjonskrav til heimeskulen/ kommunen etter gjeldande forskrifter. Kommunen får sidan mesteparten av beløpet refundert frå utdanningsdirektøren i fylket. For å få refusjonen, må leirskuleopphaldet vera på minst tre overnattingar. Ein klasse får berre refusjon ein gong. Meir praktisk informasjon før opphaldet kjem seinare I god tid før opphaldet på Gullingen leirskule (omlag eit halvt år), sender me ut eit heftet Praktisk og pedagogisk informasjon. Her vil det være ulike skjema som skal fyllast ut (arbeidsplikter, romfordeling m.m.), og ikkje minst ei sjekkliste som kan være lurt å følgje. Da kjem òg ein informasjonsfoldar mynta på elevar og foreldre. Her finn de mellom anna utstyrsliste for den aktuelle årstida samt ordensreglane for leirskulen. Alle desse informasjonsskriva ligg til ei kvar tid tilgjengelege på våre nettsider, Dersom de har spørsmål? Ring eller skriv til oss, bruk gjerne e-post. På telefonen er me lettast å få tak i mellom

12 Me anbefaler ein kikk innom heimesidene våre. Her finn du meir informasjon og fleire tusen bilete. Gullingen leirskule Mosvatnet, 4230 SAND Tlf E-post: Heimeside: Facebook: 12