Dugnad i Kyrkjeparken 2. mai 2018

Transkript

1 Referat frå møter i Sykkylven Rotaryklubb i mai 2018: Sjå billedkavalkade og les Olav sin artikkel i Sykkylvsbladet: Artikkelen kjem ut laurdag. Derfor venter eg med å legge inn denne til etter publiseringa i Sykkylvsbladet. Bilda er tatt av Olav og Jarle: For Sykkylvsbladet, Tekst og foto: Olav Pileberg, 2. mai 2018 Dugnad i Kyrkjeparken 2. mai 2018 Vakre vårkveldar kallar på innsats utandørs, og sist onsdag var det Sykkylven Rotaryklubb som mobiliserte til den årvisse dugnaden i kyrkjeparken og langs vegane i området. Konfirmasjonar, nasjonaldag, kyrkjelege tenester og jamn trafikk av barn og vaksne på leikeplassen, gjer behovet for eit vakkert og ryddig miljø ekstra stort. Rusk og rask har ingen plass på trivelege friareal! Rusken-programmet i Oslo skriv seg heilt tilbake til 1976, og har til og med sin eigen app for å organisere arbeidet! Heldigvis: lysta til å rydde er generell og spreidd over heile landet! Rotary sin innsats i Sykkylven er tradisjon frå mange år attende, og arbeidet går alltid med liv og lyst. Med Geir Brekke som «bas» er opplegget i gode hender. Det er ingen ting som heiter «godt» eller «dårleg» ver. Onsdagsvêret denne veka var i alle fall heilt ideelt, og stemninga mellom dei 21 frammøtte var særs god, ikkje minst når sjølvaste president Bastian Weiberg-Aurdal saman med Rotary-servitør Erik Solheim baud på kaffi og kakestykke til å bite i! Kai-Otto Roald stilte med traktor og vekk-køyring, og til slutt vart det eit velfylt lass å frakte vekk. Rotary følgjer opp sitt motto «Service Above Self» om å gagne andre, til beste for både kyrkja og dei mange i området. Bildetekst til Rebusløp: Russen har travle tider både dag og natt no framover. Vi fanga opp denne flokken i næraste grannelaget med glade russejenter, og med sjølvaste politistudent Lars Bakkom som pålitande organisator og resultatskrivar. Oppgåva var ein del av eit Rebusløp for russen, som politiet, NAF, helsesøster og Røde Kors sto bak. På biletet smiler mot oss, i alfabetisk orden: Amanda Tandstad, Julie-Andrea Aure Fjeldberg, Kristine Strand, Martha Kristina Bakken, Thea Hovet Brustuen, Vanja Årnes Norvik. I politiuniform, Lars Bakkom. Bilde med trillebår:

2 Stakkars ugras i rundkøyringa når hage-ekspertane Ingjerd Asbjørnsen og Olaf Ellingsen tek tak! Knut Jarle Vik står klar med trillebåra. Bilde med traktorhengar: Ove Straumsheim, Geir Løseth og traktoreigar Kai-Otto Roald syter for skikkeleg opplasting på hengaren. Ved kakebordet: Arbeidsbas Geir Brekke og Almar Kylling får god servering av Rotary-servitør Erik Solheim. Bak skimtar vi Odd Holen, Jarle Svindseth og Geir Løseth. Gruppebilete ved 1000-års steinen: Etter 10 år frå førre, liknande fotovinkel, er det på tide med oppdatering. Av 21 som møtte til dugnad, ser vi frå venstre: Rotary President Bastian Weiberg-Aurdal, Kai-Otto Roald, Ove Straumsheim, Oddbjørn Ramstad, Ingjerd Asbjørnsen, Odd Holen, Roger Kornberg, Bjørg Dyrkorn Velle, Asbjørn Klokk, Geir Løseth, Petter Velle, Almar Kylling, Arvid Nordstrand, Geir Brekke, John Henrik Welle, Jarle Svindseth, Knut Jarle Vik, Olav Pileberg, Olaf Ellingsen, Sindre Stuen. Øyvind Østvik måtte gå før fotograferinga. Erik Solheim tok biletet.

3

4

5

6

7 Les referat frå Rotarymøte med representanter frå krinsen etter skulenedlegginga. Referat frå Rotarymøte : Tandstad Krins: Vegen videre etter kommunestyrevedtak: Etter ein relativt lang pause, ønska president Bastian vel møtt til dette Rotarymøte Denne kvelden var vi så heldige å ha besøk av 4, etter rotaryforhold, yngre personer: Berit Emdal, Tove Tandstad, Espen Høidal og Ole Straumsheim.

8 Tradisjonen tru tok presidenten med noko av det som har hendt denne datoen opp igjennom tidene: 1618: Start på 30- årskrigen. 1707: Carl von Linne, svensk botantiker født. 1906: Henrik Ibsen død. Tilslutt opna Ibsenmuseet i Skien i 2006, i samband med 100 års markeringa av Ibsen. Vi har herlige sommerdager ute og trubadur Olav hadde funne ein maksimal sommersong: «Jag tror, jag tror på sommeren». Sekretær hadde sendt ein epost til presidenten med følgende opplysninger: Jan Kåre har bursdag og blir 63 år. Ingjerd blir 72 år (du held deg godt ), 27 mai. Oppmøte 27 apr. var 27 med 66 %. Ved dugnaden var det 20 frammøtte og 51 %. Kristin og Kjell står for tur til BUAS- besøk. 3- minutt var ved Geir Brekke: Som vanlig blei referent imponert over at han held foredrag uten manus. (Referent må ha manus berre han skal sei navnet sitt). Temaet denne gangen var litt orginalt, men med ei problemstilling vi alle vil møte før eller seinere, nemleg kva for gradferdstradisjon vi vil følge. Geir ønska å bli plassert i ein urnelund. I så fall er vel dette hans siste ønske. Ei grunngjeving for dette er at vi flytter mykje meir på oss enn før. Barna

9 med sin familie flytter bort frå heimekommunen. Då er det ikkje så enkelt å sjå til og stelle graver som tidligere. Ein urnelund er meir praktisk på den måten at den ikkje treng stell i samme grad som ei vanlig grav. Så var det rotarykaffi og referent må få lov til å skryte av den aldeles fenomenalt gode og saftige eplekaka som Erik hadde laga. Som vi veit har kommunestyret i Sykkylven valgt å legge ned Tandstad skule. Dette etter at straumegjerdingane har ført ein lang og heroisk kamp for å bevare den. 4 av dei som har stått sentralt i denne kampen, hadde vi fått besøk av denne kvelden: Først Berit Emdal som heldt 17. mai tale i Straumegjerde. Ho refererte ein del av talen sin og avslutta med at vi alle må stå samla. Dette vil føre til kreativitet, samarbeid og raushet. Vi må også unne kvarandre suksess. Deretter tala ei svært engasjert Tove Tandstad. Ho hadde i allefall bidratt med sitt for å behalde skule og barnehage: Ho har nemlig 4 barn. Eit hovedpoeng, slik referent forstår Tove, er at vi må kunne tilby barnehage og skule dersom vi vil ha folk til å flytte til oss. Viss ikkje, blir det ingen tilflytting og dermed ingen utvikling. Ho avslutta med at vi må jobbe i lag sjøl om vi er forskjellige. Ole Straumsheim meinte at ein kunne ha redda skulen dersom ein hadde gått frå 4- delt til 3- delt skule. Elles hadde firmaet hans tilbudt seg å skifte ut vindu for kr ,- Han kom også inn på tidsaspektet ved nedlegginga som han meinte var for kort. Referent blei svært imponert over engasjementet til dei 4 unge ildsjelene.

10

11 Velfortjent innpakka oster til alle sammen. Så minte Presidenten om neste møte som er Presidenten sin time og ønska alle vel heim. Referent Jarle Svindseth Kva no Ekornes? Les referat frå Olv holst Dyrnes sitt foredrag i Sykkylven Rotaryklubb 30. mai.

12 Referat frå Rotarymøte : Kva no Ekornes? Les referat frå Olav Holst Dyrnes sitt foredrag i Sykkylven Rotaryklubb 30. mai: Denne gangen hadde vi vore så heldig at adm.dir. ved Ekornes Fabrikker tok kontakt og tilbydde seg å orientere om den aktuelle situasjon ved fabrikken etter at kinesiske Qumei har sagt seg interessert i å kjøpe 55 % av aksjene i konsernet. Dette møtet hadde såpass almen interesse at klubben lyste ut ope møte. Med klubbmedlemer og gjester kom vi opp i 40 frammøtte. Men rotarymøte er rotarymøte, og som vanlig nevnte president Bastian noko av det som har skjedd denne datoen opp i gjennom historia: Gard og Geir har navnedag. I 1431 blei den franske fridomsheltinna Jean D`Arc brent på bålet. I 1814 fikk vi den såkalte Paris - traktaten der Frankrike og dei «allierte» inngjekk fredsavtale. Napoleon blei forvist til øya Elba. I 1909 blei jazzmusiker Benny Goodman født.

13 Trubadur Olav hadde funne fram Evert Taube sin «Sjøsalavals» til Rotarysong. Denne gangen var det mange som kunne stemme i sangen og med Olav sitt gitarspel, lydde det riktig flott. Med så mange gjester, nytta Presidenten høvet til å gi ei kort orientering om Rotary og det organisasjonen og klubben driv med. Det var sikkert ekstra strevsom for serveringshjelp Erik med så mange frammøtte, men det løyste han fin-fint med god kaffe og saftige sjokoladekaker som slett ikkje gjorde skam på klubben. Vekas «snakkis» her i Sykkylven har vore kinesiske Qumei sitt bud på 55% av aksjene i Ekornes Fabrikker. Reaksjonene på dette har vore alt i frå entusiasme til stor- stor skepsis. Mange har vel Hjellegjerde Fabrikker og lagnaden til denne fabrikken, friskt i minne. Adm.dir. Olav Holst Dyrnes har derfor sett det som si oppgåve og prioriert svært høgt å orientere og berolige både folk i bransjen og den «menige mann». Faktisk så blei Sykkylven Rotaryklubb beæra med at han sjøl tok kontakt tilbydde seg å halde orientering. Sjølsagt var presidenten og programkomiteen ikkje tungbedde og takka ja med stor entusiasme. Orienteringa blei vurdert til å vere av såpass almen interesse at Klubben lyste det ut som opent møte. Og sjelden har det vel vore så fullt ved noko møte, heile 40 frammøtte med rotarianarar og gjester. Adm.dir Olav innleia med å fortelle at det opp igjennom tiden har vore mange interessenter både for aksjekjøp og samarbeid, uten at dei er blitt vurdert som seriøse. Forskjellen denne gang, er at den kinesiske fabrikken Qumei representerer bransjefolk og ikkje pengefolk som kun er ute etter fortjeneste. Qumei har 4 fabrikker og har salg i 850 butikker i Kina. Omsetninga er på 2,5 mrd. årlig og denne vokser raskt. Den blei grunnlagt i 1987 av ein mann ved navn Ruhai Zhao. Videre blei den børsnotert i Aksjonærene i Ekornes blei tilbydd kr 139,- pr aksje. For at handelen skal vere interessant, vil kineserne kjøpe 55,57 % av aksjene. 51 % til Qumei og 4,7 % til finansiell partner.

14 Så kvifor vil dette oppkjøpet vere gunstig for Ekornes? Olav understrekte at sjøl om økonomen er god så har salg og dermed produksjon stagnert. Korleis auke salget? Ved overnemnte aksjeoppkjøp og samarbeid med Qumei, håper ein å få tilgang til det umettelige kinesiske markedet med 1,4 mrd. mennesker. Sjøl om slett ikkje alle har råd til ein Stressless, er det likevel millionvis av velstående kinesere som vil kunne tenke seg ei slik merkevare. Dersom det lykkes med auka salg, vil ein kunne auke produksjonen ved fabrikkene her i Sykkylven. Ein ville få maksimal kapasitetsutnytting, som igjen gir auka lønnsomhet og fleire arbeidsplasser. Tilslutt vil dette ha stor og svært viktig effekt for bygda. Dir. Olav fortalte at han har positivt inntrykk av dei kinesiske leiarene og at dei virker genuint interessert i møbelproduksjon og samarbeid. Dei fortel til Olav at dei er imponert over fabrikken her i Sykkylven og korleis arbeiderne ser ut til å vere både arbeidsomme og glad i sin arbeidsplass. Kva ønsker så Qumei? Dei er interessert i ei sterk merkevare og i den avanserte produksjonen ved fabrikkene her i Sykkylven. Ekornes og produkta vil dei introdusere i Kina og auke salget her. Dei understreker at dei ikkje er interessert i å flytte Ekornes og merkevarene til Kina. Dei ønsker å kjøpe kultur og vil ha kontinuitet. Styret i Ekornes fortsetter som no. For Ekornes presiserer dir. Olav at dei har ingen hast og vil ha ein så grundig prosess som råd. Samstundes vil dei gjerne forstå Qumei og deira interesse for Ekornes. Det er ikkje snakk om utflagging, og merkevarene blir videreført og styrka. I det heile er det viktig å få til ein kulturell match og ei god løysing for alle parter. Som ei oppsummering sa Olav at Ekornes er gode på stoppamøbler med ei sterk merkevare og ein effektiv og automatisk produksjon. Det er salg til 40 land. Dermed er dei store internasjonalt, men små i Kina. Qumei har på ein måte komplementære «ferdigheter». Dei er store i Kina, men små internasjonalt. Dei selger mest platemøbler og presenterer gjerne komplette romløysinger i utsalga sine. Dei er sterke på digital markedsføring og nettsalg. Til dei som er skeptiske tok Olav fram to eksempel på at kinesiske oppkjøp slett ikkje har vore noko negativt, Elkem og Volvo. Dei siste selger biler som aldri før.

15 Oppkjøpet av aksjer og prosessen rundt dette vil ta si tid. Derfor må vi kanskje vente til langt ut i september i år før ei endelig avgjerd. Uansett, avslutta Olav, så er kontinuitet uansett viktig for Ekornes Fabrikker. Det skulle vere interessant å kunne sjå 10 til 20 år fram i tida. Sykkylven Rotaryklubb ønsker dir. Olav og Ekornes Fabrikker all mulig hell og lykke i tida framover. Referent Jarle Svindseth