SAKSFRAMLEGG. Sakshandsamar: Alf M. Høyrem Arkiv: 404 Arkivsaksnr.: 08/930 STILLINGSSTRUKTUR FOR BALESTRAND KOMMUNE - RULLERING 2008

Transkript

1 SAKSFRAMLEGG Sakshandsamar: Alf M. Høyrem Arkiv: 404 Arkivsaksnr.: 08/930 STILLINGSSTRUKTUR FOR BALESTRAND KOMMUNE - RULLERING 2008 Vedlegg: Bakgrunn: Lovheimel: Framlegg til ny stillingsstruktur Rapport får arbeidsgruppe SAKSOPPLYSNINGAR Ein stillingsstruktur inneheld eit oversyn over kva (typar av) stillingar ein skal ha i kommunen, kva kompetanse dei tilsette i desse stillingane skal eller bør ha, og kva som skal vere grunnløna for stillingane. Stillingsstrukturen skal vere eit hjelpemiddel for å sikre at kommunen har dei stillingane og den kompetansen ein treng for å få løyst oppgåvene. Fastsetjing av løn for stillingane vil naturleg skje ut frå ei vurdering av mange faktorar, der både ansvar og oppgåver og fastsette kvalifikasjonskrav spelar inn. Ut frå lønspolitikken kan det meir konkret vere aktuelt å vektlegga fylgjande faktorar: Grad av fysiske og psykiske belastningar i stillinga. Kompleksitet og krav til å kunne planleggje og organisere, løyse problem og gjere sjølvstendige vurderingar. Ansvar for personal- og arbeidsleiing, økonomiske og materielle ressursar og ansvar for menneske. Krav til kommunikasjon og praktiske ferdighetar. Krav til utdanning og praktisk erfaring. Rekruttering Det vert ikkje i stillingsstrukturen vurdert kor mange av ulike stillingar vi skal ha. Dette er noko som vil verte fastsett innanfor ramma av budsjettet i ein bemanningsplan. Grunnløna for stillinga er den løna som er fastsett for sjølve stillinga ut frå ansvar, arbeidsoppgåver og kvalifikasjonskrav som er knytt til stillinga. Dette er altså ikkje avhengig av dei meir spesielle kvalifikasjonane til den personen som vert tilsett eller er tilsett i dag. Grunnløna er den løna stillinga vert utlyst med og som vil gjelde som minsteløn for alle som vert fast tilsett i vedkomande stillingstype. Den vil og gjelde som minsteløn for dei som vert mellombels tilsett, dersom vedkomande tilfredsstiller dei kvalifikasjonskrava som er sett. I tillegg til grunnløna vil tilsette kunne få individuelle lønstillegg eller gruppetillegg i samband med lokale lønsforhandlingar eller eventuelt eige vedtak i politisk organ.

2 Det har vore nedsett ei arbeidsgruppe som m.a. har sett på noverande stillingsstruktur. Gruppa har kome med følgjande merknader: Innleiinga i gjeldande stillingsstruktur gjev ei oversiktleg innføring i kva ein stillingsstruktur skal gje informasjon om. Arbeidsgruppa har ein merknad til formuleringa i det 7. avsnittet, der det heiter: Ved utlysing av ledige stillingar... Gruppa meiner det der bør stå generelt kva som bør vere med i utlysinga, ikkje berre ei presisering av ønska personlege eigenskapar. Kompetansekrava bør kome klarare til uttrykk i utlysingstekstane enn i dag. I innleiinga i siste avsnitt er det og vist til kva ein bemanningsplan er. Gruppa minner om at det må jobbast vidare med ein bemanningsplan der det står heilt konkret for kvar eining kva kompetansekrav ein skal ha for stillingane etter ei nærare vurdering av behov. I rekruttering ligg og det å stimulere tilsette til å ta utdanning. I den samanheng vil ein bemanningsplan vere eit godt verktøy for å gje oversikt over kompetansebehov, vidareutdanningsbehov for tilsette innan einingane. Gruppa vil så peike på nokre meir prinsipielle utfordringar som etter vår meining må vurderast på nytt i samband med rullering av stillingsstrukturen. Stillingsstrukturen må sjåast i samanheng med rekrutteringsplan og lønspolitisk plan. Bemanningsbehovet kan endre seg raskt og ein kan få problem i høve til rekruttering så vel som ved overtal. Dei ulike plandokumenta må kommunisere med kvarandre. Endra krav til tenesteyting og arbeidsoppgåver fører til behov for ein gjennomgang av kompetansekrava som er sette for ulike stillingar. Det er arbeidsgruppa si oppfatning at alle skal ha ei form for fagutdanning ved nytilsetjing. Det er viktig å sikre rett kompetanse, og å vurdere heilskapen i tenestetilbodet. Det vil tene kommunen si tenesteyting å justere opp kvalitetskravet. Gruppa kjem attende med framlegg til endringar av kvalifikasjonskrav og løn for nokre stillingar. Likelønsprinsippet må sikrast ved den ovannemnde justeringa. Arbeidsgruppa er særskilt beden om å vurdere prinsipp og nivå for grunnløn for leiarar og andre stillingar over minsteløn etter HTA. Gruppa har drøfta avløninga til mellomleiarar og er samde om at lønsskilnaden mellom ein del mellomleiarar stillingar og dei som dei er sett til å leie er svært liten. Denne skilnaden bør gjennomgåande vere høgre enn i dag. Det bør vurderast om det bør vere eit visst nivå mellom leiar og den ein skal leie, t.d. ein fast kronesum. Ein bør vurdere å differensiere avløninga i høve til tal tilsette og ansvar som ligg til leiarstillinga i større grad enn i dag. Kor stor bør lønsskilnaden vere mellom fastsett grunnløn og personleg løn for den som innehar stillinga. I dag er det til dels store avvik mellom avløninga for stillinga og innehavar av stillinga. Grunnen til dette kan vere at innehavaren av stillinga har vore lenge tilsett og har over tid fått personlege tillegg ut over lønsauken for stillinga med bakgrunn i utføring av arbeidet,

3 eller at ansvar og arbeidsoppgåver har endra seg. Dersom innhaldet i stillinga er endra, bør grunnløna oppjusterast i samsvar med ansvar og oppgåver i stillinga. Det bør vurderast om grunnløna skal justerast opp dersom skilnaden mellom personleg avløning og avløninga for stillinga kjem over eit visst nivå (kronesum eller prosent). Prinsipp for oppjustering av løn for tilsette til ny grunnløn i stillingsstrukturen. Minstelønssatsane vert justerte ved ny HTA: Løn over minstelønssatsane bør og justerast ved rullering av stillingsstrukturen. o Leiarløna vert justert i samsvar med generell lønsauke o Det generelle tillegget vert lagt til grunnløna for alle leiarstilling også for dei som ikkje har fått lokalt lønstillegg etter lokale forhandlingar Løn som rekrutteringstiltak Problemstillinga er reist i mandatet. Dersom ein utelukkande skal bruke løn som rekruttering, trur gruppa at løna må hevast radikalt dersom det skal ha nokon effekt. Gruppa rår ikkje til ein slik lønsauke. Som grunngjeving viser vi til erfaringar i den perioden kommunen nytta ekstra løn som rekruttering. For faste tilsette i kommunen opplevdes ordninga urettferdig, noko som hadde konsekvensar for arbeidsmiljøet. Gruppa meiner at ein bør gje løn i høve til kompetanse og ansvar Merknader til stillingsstrukturen: Gjennomgå disposisjonen, få betre samsvar med organisasjonskart. Merknader til lønsfastsetjinga og kompetansekrava til nokre stillingar: o Mellomleiarstillingane er gjennomgåande lågt lønsplasserte vurdert etter ansvar og oppgåver, i høve dei som skal leiast, og for dei fleste er det stor lønsskilnad mellom grunnløn og personleg løn for den som har stillinga. o Styrar Sagatun barnehage. For denne stillinga har lønsskilnaden mellom grunnløn og personleg løn for den som har stillinga vore minimal. Etter gruppa si vurdering er lønsnivået og sett urimeleg lågt i høve ansvar, i høve løn for dei ein skal leie og i høve andre i tilsvarande stillingar. o Når det gjeld stilling som helsesekretær er dette ei profesjonsutdanning (legesekretær) og gruppa kan ikkje sjå at det er naudsynt med krav om utdanning som sjukepleiar/bioingeniør til ei slik stilling. Stillingsnemning som helsesekretær er sett opp to gonger med ulike kvalifikasjonskrav. Desse stillingane må vurderast i samanheng. o Når det gjeld stillingar som skal stå oppført i stillingsstrukturen bør det finnast stillingar for spesialsjukepleiar/hjelpepleiar innan geriatri. o Det er prinsipielt viktig at stillingane ved PP kontoret vert samanlikna med stillingar innan skulesektoren. Lønsnivået for pedagogisk psykologisk rådgjevar må justerast i

4 samsvar med lønsplassering for adjunkt. Leiar for PPT bør lønast som rådgjevar pluss leiartillegg. o Pleieassistent, barnehageassistent, skuleassistent, assistent. For alle desse stillingane ønskjer ein kompetansekrav som fagarbeidar eller barne-og ungdomsarbeidar o Stillingsinnehavarar som gjennomfører vidareutdanning kommunen har trong for, får justert løn etter fastsett ordning i høve til omfang av utdanning. Td., viss kronesum for høvesvis 15, og 60 utdanningspoeng. Tilsette i kommunen var tidlegare løna etter ulike tariffområde, statleg sektor for pedagogisk personale og kommunal sektor for dei øvrige. No er alle løna innan same tariffområdet. Gruppa erkjenner at det likevel framleis er ein del skilnader mellom dei to gruppene sjølv om det har skjedd mange tilpassingar dei seinare åra. Gruppa har lagt vekt på å få flest mogeleg generelle løysingar og få særordningar. VURDERING Ein stillingsstruktur vil ikkje vere noko som må vere heilt statisk over lengre tid. Det vil vere naturleg å vurdere lønsplasseringa av stillingar ved lokale lønsforhandlingar, og det er lagt opp til fast rullering av stillingsstrukturen kvart år. Samstundes vil det vere ei føremon om ein klarer å treffe framtidige behov så godt at stillingsstrukturen kan ligge fast over ein viss periode. Dersom det vert fastsett ny grunnløn som er høgare enn løna til den som i dag er tilsett i stillinga, og vedkomande fyller kvalifikasjonskrava, vert det ei vurdering kva konsekvensar dette skal få i høve til vedkomande tilsett. Eitt alternativ er at vedkomande automatisk rykker opp til grunnløna. Eit anna aktuelt alternativ i dagens økonomiske situasjon er at dette opprykket vert gjennomført ved fyrste høve i samband med lokale lønsforhandlingar. Ved dei sentrale lønsforhandlingane er det sett av 1,6% til lokale lønsforhandlingar. Rådmannen rår difor til at dersom det vert fastsett ny grunnløn som er høgare enn løna til den som i dag er tilsett i stillinga, og vedkomande fyller kvalifikasjonskrava, vert lønsendringa gjennomført ved lønsforhandlingane. Arbeidsgruppa har ein merknad til formuleringa i innleiinga i noverande plan. Gruppa meiner det bør stå generelt kva som bør vere med i utlysinga og ikkje berre ei presisering av ønska personlege eigenskapar. Rådmannen rår difor til at det under dette punktet vert føydd til ei setning om at det ved utlysing av ledige stillingar skal kvalifikasjonskrava som er fastsett i stillingsstrukturen omtalast i tillegg til ynskjeleg personlege eigenskapar. Rådmannen er samd med arbeidsgruppa i at lønsskilnaden mellom ein del mellomleiarstillingar og dei som dei er sett til å leie er for liten. M.a. gjeld dette stillingar som teamleiarar. Rådmannen er og samd i at grunnløna bør oppjusterast dersom innhaldet over tid endrar seg mykje i høve til ansvar og arbeidsoppgåver. Rådmannen er ikkje samd i at ein skal gå inn på eit system der grunnløna skal justerast opp dersom skilnaden mellom personleg avløning og avløninga for stillinga kjem over eit visst nivå. Arbeidsgruppa rår til at løna i leiarstillingar vert oppjustert i samsvar med generell lønsauke. Dei fleste som innar stillingar, og som har vore tilsett over ei tid, har som oftast høgare avløning enn

5 fastsett avløning for stillinga. Rådmannen kan vere med på ei slik justering som arbeidsgruppa tilrår, under føresetnad at dette gjeld leiarstillingar omfatta av kap. 4. i HTA. Arbeidsgruppa er av den formeining at dersom ein utelukkande skal bruke løn som rekruttering, trur gruppa at løna må hevast radikalt dersom det skal ha nokon effekt. Gruppa rår ikkje til ein slik lønsauke. Som grunngjeving viser dei til erfaringar i den perioden kommunen nytta ekstra løn som rekruttering. For faste tilsette i kommunen opplevdes ordninga urettferdig, noko som hadde konsekvensar for arbeidsmiljøet. Gruppa meiner at ein bør gje løn i høve til kompetanse og ansvar Rådmannen seier seg delvis samd i denne vurderinga. Det er imidlertid ikkje eit spørsmål om berre å bruke løn som verkemiddel i høve til rekruttering. Auke av grunnløna i stillingsstrukturen bør difor vere eit høgst aktuelt virkemiddel i rekrutteringsaugemed. Som nemnd over er rådmannen samd i arbeidsgruppa sin oppfatning av at mellomleiarstillingar gjennomgåande er lågt lønsplassert i høve til ansvar og oppgåver i høve til avløning til dei som dei skal leia. For fleire stillingar er det i dag stor skilnad mellom grunnløn for stillinga og den personlege avløninga til den som innhar stillinga. Rådmannen er og samd i at styrar ved Sagatun barnehage har ei låg avløning, og at denne stillinga bør vurderast spesielt. Når det gjeld gruppa sin oppfatning av kompetansekrav/avløning til stilling som helsesekretær, er rådmannen av den oppfatning at ein bør ha opning for begge to alternativa, slik ein har i noverande plan. Når det gjeld arbeidsgruppa sitt framlegg om å ha eigne stillingar som spesialsjukepleiar/hjelpepleiar innan geriatri er dette noko ein må kome tilbake til. Rådmannen viser her til nytt pkt i HTA (riksmeklingsmannen sitt framlegg). Her går det fram at det innan skal gjennomførast ei kartlegging av kompetanse i eiga verksemd og at partane i løpet av tariffperioden skal ta opp forhandlingar om endra løn/eller bruk av avansementstilling/stillingsnemning. Arbeidsgruppa meiner det er prinsipielt viktig at stillingane ved PP kontoret vert samanlikna med stillingar innan skulesektoren og at lønsnivået for pedagogisk psykologisk rådgjevar må justerast i samsvar med lønsplassering for adjunkt. Leiar for PPT bør lønast som rådgjevar pluss leiartillegg. Rådmannen ser og at det er naturleg å samanlikne desse stillingane med stillingar innan skulesektoren i høve til rekruttering. Arbeidsgruppa er av den oppfatning at ein skal ha krav om formell utdanning i alle assistentstillingar. Rådmannen har ikkje motforsetillingar mot dette, sjølv om det i realiteten er lite realistisk. Ved utlysing må ein då stille krav om utdanning som fagarbeidar. Dersom ein ikkje får søkjarar med slik utdanning, må ein opne opp for å tilsette i stillingar som assistentar. Ein må difor framleis ha stillingsnemning som assistent i kommunen sin stillingsstruktur. Dette punktet må og arbeidast inn i kompetanseplanar. Det er no felles utdanning for det som tidlegare var eigne utdanningar for omsorgsarbeidar og hjelpepleiar. Denne utdanninga har fått nemninga helsefagarbeidar. For framtida bør det vurderast om ein skal ha stillingsnemninga helsefagarbeidar som ei felles nemning for noverande stillingar som hjelpepleiar, omsorgsarbeidar og miljøarbeidar.

6 I tillegg meiner rådmannen at stillinga som nestleiar/økonomikonsulent bør endrast til økonomikonsulent. Det er ikkje nokon automatikk at ei av stillingane ved økonomiavdelinga skal ha nemninga nestleiar. Nestleiar bør vere ein funksjon og vere ei av fleire arbeidsoppgåver som ein av økonomikonsulentane vert tillagt. I vedlagde stillingsstruktur er grunnløna i hovudsak oppjustert med følgjande grunngjeving: For dei stillingane der grunnløna er fastsett tilsvarande minstelønsspennet i hovudtariffavtalen, er grunnløna justert i samsvar med ny hovudtariffavtale. For dei stillingane det er fastsett eit kronebeløp som tillegg til minstelønssatsane i hovudtariffavtalen er grunnløna justert slik at kronetillegget vert oppretthalde. For leiarstillingar er det oppretthalde same skilnad mellom minstelønssatsane for dei tilsette som dei leier og som er høgast avløna som i gjeldande stillingsstruktur. I tillegg har dei fleste leiarstillingar fått eit tillegg på kr For nokre av leiarstillingane som har avgrensa leiaroppgåver er tillegget sett til kr For stilling som pedagogisk/psykologisk rådgjevar er løna sett på nivå med adjunkt for å vere konkurransedyktig i høve til rekruttering frå skuleverket. Stilling som leiar av PPT kontor er tilsvarande oppjustert. Fram til no har stilling som sosialleiar og pedagogisk rådgjevar hatt ulik avløning. Stilling som sosialleiar er no avløna kr over stilling som pedagogisk rådgjevar grunna auka avløning i leiarstillingar med kr Stilling som styrar i Sagatun barnehage er i utgangspunktet vurdert som lågt avløna og er oppjustert meir enn dei andre leiarstillingane. Det vert understreka at tilrådinga i saka er førebels, og at rådmannen vil vurdere innspel som kjem inn frå leiarar og hovudtillitsvalde. På noverande tidspunkt har ikkje Unio godkjend riksmeklingsmannen sitt tilbod. Det vert difor streka under at minstelønnssatsane for pedagogiske tilsette og sjukepleiarar som står oppført i framlegget vil verte endra dersom partane skulle kome fram til eit anna resultat. Det vert elles vist til vedlagde framlegg av Rådmannen si tilråding Stillingsstrukturen for Balestrand kommune vert endra i samsvar med framlegg av