Saksframstilling. Fjellkårstad Rammeverkstad v/ Steinar Fjellkårstad Blakset 6795 BLAKSÆTER

Transkript

1 Sakshandsamar: Torunn Gauteplass Hønsi Vår dato Vår referanse Telefon: / E-post: Dykkar dato Dykkar referanse Fjellkårstad Rammeverkstad v/ Steinar Fjellkårstad Blakset 6795 BLAKSÆTER Bakgrunn for og forklaring til midlertidig utsleppsløyve for handtering av avfall på gbnr: 151/63 Fjellkårstad rammeverkstad Stryn kommune - gebyr for sakshandsaming Fylkesmannen gir forlenga midlertidig løyve etter ureiningslova til handtering av avfall i Stryn Miljø- og Næringspark på gbnr: 151/63 til Fjellkårstad Rammeverkstad. Endra løyve omfattar vilkår både for handtering av ordinært avfall og farleg avfall. Løyvet med tilhøyrande vilkår vert sendt saman med denne oversendinga. Dokumenta må sjåast i samanheng. Dette dokumentet gir bakgrunn for saka, grunngjeving for vedtak og nærare tolkingsgrunnlag for dei juridiske vilkåra i løyvedokumentet. Forvaltninga sitt arbeid med utsleppsløyve er omfatta av ei gebyrordning, og verksemda vil få betalingskrav i etterkant. Vi viser til søknad frå Fjellkårstad Rammeverkstad dagsett om forlenging av midlertidig løyve til avfallshandtering etter ureiningslova på gbnr: 151/63. Løyve var først gitt , med seinare endring den Søknaden har vore på avgrensa høyring hjå grunneigar Stryn Pukk og Stryn kommune. Når vurdering av søknad endar med utsleppsløyve til aktivitet, vert vedtaket send ut som to skriv: dette oversendingsbrevet og løyvedokumentet. Oversendingsbrevet omtalar bakgrunn for saka og søknadsprosessen. Det gir nærare grunngjeving for vedtaket og enkelte vilkår, og må nyttast som tolking av nærare krav i enkelte av vilkåra. I vedlagte skriv (løyvedokumentet) gir Fylkesmannen utsleppskonsesjon (utsleppsløyve) på omtalt stad og for nærare avgrensa aktivitet. Merk at både vilkår og vedlegg til løyvedokumenet er ein del av dei juridiske krava til verksemda. Verksemda må leggje dokumenta til grunn for all dagleg drift som kan omfatta ytre miljø, og som viktig føring for utarbeiding og oppfølging av internkontroll. Saksframstilling Fjellkårstad Rammeverkstad er ei etablert verksemd som tidlegare har drive med innramming av bilete på garden Fjellkårstad på Blakset. I Brønnøysundsregisteret er verksemda registrert under næringskoden sortering og bearbeiding av avfall for materialgjenvinning. Verksemda har i den seinare tid utvikla si næringsverksemd til å omfatte mottak, sortering og handtering av avfall. Verksemda har søkt om forlenging av midlertidig løyve for drift på lokalitet gbnr: 151/63 fram til Innan denne dato vil verksemda søkje om permanent løyve for drift på ny og endeleg lokalitet i Stryn Miljø- og Næringspark. Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: Postboks 14, 6801 Førde Internett: Telefaks: Telefon: Org.nr Telefaks:

2 2/10 Bakgrunn Fjellkårstad Rammeverkstad AS søkte i utgangspunktet om å få drive sin aktivitet på gbnr. 133/29 på Blakset. Men planvedtaka som vart gjort i saka av Stryn Kommune vart påklaga, og annullert av Fylkesmannen i brev av Fylkesmannen varsla då utsatt sakshandsaming av løyve etter ureiningslova inntil det låg føre eit gyldig planvedtak frå Stryn Kommune. Fjellkårstad sendte i mellomtida inn ein søknad om å få eit mellombels utsleppsløyve for å drive sin aktivitet på ein annan lokalitet, gbnr: 151/63 i Stryn Miljø- og Næringspark. Søknaden var datert 4.juni Det vart søkt om midlertidig løyve for 1 år. Plansaka for å drive avfallshandtering på gbnr. 133/29 på Blakset, fekk etter ein lengre prosess, si endelege avgjerd Då gjorde Fylkesmannen si juridiske avdeling vedtak om at klaga frå nabo Olav Harald Blakset v/advokat Per Kjetil Stautland vart teken til følgje. Vedtaket frå Stryn kommune av vart oppheva, og søknad om dispensasjon for opparbeiding av tomt og etablering av industri/lagerhall på gbnr: 133/29 vart avslegen. Søkjar har no fått kjøpt ei permanent tomt i Stryn Miljø- og Næringspark, der han vil drive med si næringsaktivitet. Denne vil bli ferdig opparbeida innan Søkjar ynskjer difor å halde fram med si midlertidige drift på området til Stryn Pukk AS i Stryn Miljø- og Næringspark, fram til når den nye tomta er klar. Det er inngått ein skriftleg avtale med Stryn Pukk AS om å få halde fram aktiviteten der i same periode. Aktivitet Verksemda skal drive med same aktivitet som tidlegare søkt om. Mottak og sortering av avfall stettar dei sentrale prinsippa i avfallshierarkiet. Avfall vert henta frå eller levert av næringsliv og vert handtert for å auke material- eller energiverdien, og for å redusere ulempe og kostnadar med transport til endeleg slutthandsaming. Etter handtering her, kan vidare disponering variere. Ombruk eller materialgjenvinning av verdfulle material eller stoff som har ein verdi, kan føre til at avfallet eller fraksjonar i avfallet kan nyttast til nye material eller som råstoff til produksjon av nye material/stoff. Avfallsfasen opphøyrer med dette, og materialet/stoffet må vidare handterast i samsvar med kap. 18A (etter kvart som reglane i dette kapittelet vert innført). Når material/stoff som har opphøyrd å vere avfall vert handtert på anlegget, gjeld vilkår så langt materialet/stoffet kan verke skjemmande eller føre til fare for ureining. Avfall som ikkje vert materialgjenvunne, må vurderast for energiutnytting. Berre restavfall som etter føregåande behandling ikkje lett eller på samfunnsøkonomisk måte kan nyttast vidare, kan vurderast sluttdisponert (som her vil seie å deponere avfall på avfallsplass eller brenne det utan energiutnytting). Etter fråsortering og eigen handtering er det lite til svært lite avfall som må leverast til sluttdisponering. Verksemda har ikkje sjølv område eller anlegg for sluttdisponering. Verksemda handterer også farleg avfall, som på grunn av fare for skade på helse og miljø må takast særskild hand om. Det er svært viktig at denne type verksemder kan ta imot alt farleg avfall som er omtalt i kap. 11 i avfallsforskrifta, og at dei bidreg til å få sortert ut og teke forsvarleg hand om slikt avfall frå alle avfallsprodusentane i forretningsområdet. Førehandsvarsling og offentleg høyring Då første søknad om utsleppsløyve kom i 2012, sendte Fylkesmannen førehandsvarsel til naboar til lokaliteten på gbnr: 151/63 i Stryn Miljø- og Næringspark og la søknaden ut til høyring på våre heimesider og på servicekontoret til Stryn Kommune i tidsrommet Det kom inn 1 merknad til søknaden, frå Stryn Kommune. Kommunen har vurdert verksemda i høve Plan- og bygningslova og opp mot kommuneplanen sin arealdel.

3 3/10 Utdrag frå merknaden til Stryn kommune: Avfallshandsamingsanlegget det er søkt om harmonerer godt med bruken av arealet og alt tilstøytande areal i dag, samt planlagt bruk av arealet for framtida; Naboarealet i sør tilhøyrer Nordfjord Miljøverk og Tenden Container og Gjenvinning, som begge driv avfallshandsaming. Omsøkt areal ligg i kanten av støysonene både til motorsportområdet i nordvest og helikopterbase i nord. Det meste av støyen frå omsøkt avfallshandsamingsanlegg vil i tillegg verte skjerma av rommet som er danna i steinbrotet. Det er ikkje registrert større grunnvassførekomster i fjell i dette området, som er forsynt av vatn frå kommunal drikkevasskjelde til Stryn sentrum. Stryn Miljø- og Næringspark er i kommuneplanen utpeika som område for industri, og er planlagt nettopp med tanke på mellom anna bruk som kan forårsake støy. Søkar plasserer anlegget på ein av dei mest optimale lokalitetane ein kan rekne med å finne med tanke på handsaming av miljøfarleg avfall kombinert med støyande aktivitet. Fråsegna til Stryn kommune vart sendt over til søkjar, som ikkje hadde nokon kommentarar til fråsegna. Søknaden om forlenging av midlertidig løyve med same råmer på same lokalitet, vil etter vår vurdering ikkje føre til noko auka miljøulempe. Endring som er gjort for nokre av vilkåra har ført til ei presisering og nokre stader tydeleggjering eller innstramming av krav. Fylkesmannen har difor vurdert det som openbert unødvendig å førehandsvarsle til ålmenta (offentleg høyring). Søknaden vart sendt ut på ei avgrensa høyring til Stryn kommune og grunneigar Stryn Pukk AS, med frist for innspel Det har ikkje kome inn merknader innan fristen. Fylkesmannen sine vurderingar og grunngjeving for fastsette vilkår Fylkesmannen har ved fastsetjinga av vilkåra sett krav til drifta, for å motverke ureining, skade og ulemper ved aktiviteten. Ved fastsetjinga av vilkåra har Fylkesmannen vidare lagt til grunn kva ein kan klare med beste tilgjengelege teknikkar. Vi vil streke under at all ureining frå og innsyn til verksemda frå offentleg område isolert sett er uønskt. Faktorane som vi vurderer har størst innverknad på miljøet, er regulerte gjennom dei spesifikke vilkåra. Utslepp som ikkje er regulert på denne måten, er omfatta av løyvet så langt opplysningar om slike utslepp vart lagde fram i samband med saksbehandlinga eller må reknast som kjende på anna måte då vedtaket vart gjort. Verksemda pliktar å halde alle utslepp på eit lågast mogleg nivå, og pliktar å rydde opp i eventuell ureining eller forsøpling så snart som råd, jf. dei generelle pliktane som følgjer av 7 og 28 i ureiningslova. Vi gjer spesielt merksam på at mange krav går direkte fram av lov/forskrift og er ikkje gjentekne i det vedlagte løyve. Når enkelte lovkrav er spesielt nemnde, har vi meint å informere verksemda og ålmenta om spesielt viktige krav, og i nokre høve presisere og tilpasse generelle reglar til verksemda. Ved tvil om tolking gjeld likevel krav i lovverket over vedtak i løyvet, dersom lovteksten ikkje gir styresmakta heimel til særskild unntak eller skjerping. Nettstaden gir oversikt over dei viktigaste ureinings- og avfallshandteringskrav til ei lang rad verksemder i Norge. Plassering i risikoklasse i samsvar med 39-6 har mest å seie for når verksemda kan rekne med frekvensbasert, normal oppfølging frå tilsynsstyresmakta. Risikoklasse 4 vil seie at med noverande ressurstilfang for Fylkesmannen, må verksemda rekne med rutinekontroll på staden kvart år. Kostnaden (gebyr til staten) for kontroll som varar inntil ein dag går fram av 39-6 i ureiningsforskrifta. Satsane kan verte endra årleg. I tillegg må verksemda rekne med kontroll etter ulukke, hendingar som kan ha noko å seie for det ytre miljøet eller i samband med nasjonalt koordinerte kontrollaksjonar.

4 4/10 Krav til internkontroll går fram av eige forskrift og plikta er presisert i vilkåra. Kravet føreset ein rad tiltak. Behovet for skriftleg dokumentasjon og oppfølging vil vere tydlegare for verksemda etter risikokartlegging av aktivitetar som kan ha følgjer for det ytre miljøet. Risikovurdering, eigne mål, handlingsplanar og skriftlege rutinar er sentrale dokument for HMS-styresmaktene sine tilsyn med verksemda. Merk at brot på løyvet (vilkåra) eller andre reglar etter ureinings- og avfallsregelverket må handsamast som avvik. Mottak av avfall om ikkje er omfatta av løyvet eller på annan måte ikkje er tillate å ta i mot, må også handsamast som avvik. Slikt avfall må snarast råd leverast til godkjent mottak og rett tilsynsstyresmakt bør ha særskild melding. Generell informasjon om internkontrollforskrifta er også teke inn til slutt i dette skrivet. Løyvet inneheld fleire særskilde krav til informasjon. Generelt skal verksemda informere tilsynsstyresmakta om drift med vidare, men skal også informere ålmenta årleg om miljøpåverknadar. Kvar kunde skal ha skriftleg informasjon om kva for avfallstypar som kan leverast og kva for sorteringsordningar som bør gjennomførast. Krav til kompetanse om handtering av farleg avfall er skjerpa inn i samsvar med tilsvarande krav til denne type verksemder. Verksemda må dokumentere gjennom sin internkontroll at dei som handterer farleg avfall har kompetanse om farlege eigenskapar ved avfall og korleis dette må handterast på lovleg måte. Fylkesmannen minner om at alt personell og verksemder som arbeider med kuldeanlegg, klimaanlegg, og varmepumper som inneheld fluorhaldige gassar /HFK) t.d. R134a, må skaffe seg gyldig sertifikat innan 1. september Det er Miljødirektoratet som er myndigheit for at EUs forordning No 842/2006 innført i Norge 6.mai 2010, om visse fluorhaldige klimagassar vert halden. Miljødirektoratet har ansvar for å få på plass sertifiseringsordning og for å kontrollere at verksemda held krava gitt i forskrifta. Derfor er ikkje dette kompetansekravet ein del av vilkåra i Fylkesmannen sitt utsleppsløyve. Men vi har likevel bedt søkjar dokumentere at denne kompetansen er på plass hjå verksemda, og gyldig sertifikat nr utsteda til Kjell Fjellkårstad den , vart sendt oss i e-post datert Bakgrunn for vilkår - miljøpåverknader Avfallshandtering kan gje fleire ulike miljøpåverknader. Anlegget skal ta i mot, sortere og mellomlagre avfall for å få gunstige transportmengder eller tilstrekkeleg reine fraksjonar til at fråsortert avfall får høgast mogleg restverdi. Drifta ved anlegget vil føre med seg støy, bl.a. vil bruk av vinkelslipar til demontering av skrapmetall vera støyande. Men sidan verksemda skal drive i eit område som er regulert til industri og anna støyande aktivitet, vil støyen verksemda vil medverke til ikkje vera til utilbørleg byrde for naboar. Fylkesmannen har satt standard støykrav til verksemda i vilkår 6, og unødig støy skal avgrensast mest mogleg. Den aktiviteten det er søkt om, vil ikkje omfatte avfallshandtering der avfallet kan flyge vekk med vind eller avgje særleg lukt. Men arbeidet kan gje støvflukt og krav til slik aktivitet er gitt i vilkår 5.2. Verksemda skal i hovudsak demontere og handtere utgåtte mjølkekjøletankar som inneheld små mengder med mineralbasert motorolje. Fylkesmannen fann det ikkje nødvendig å setje krav om oljeutskiljar for denne aktiviteten. Men det er stilt krav til at all handtering av flytande farleg avfall skal skje over oppsamlingskar, på fast dekke med oppsamlingsmoglegheit og absorbent skal vera tilgjengeleg på anlegget, jf. vilkår 4. Oljehaldig vatn og anna flytande farleg avfall må ikkje få lekke ut i grunn. Av di avfall kan verke skjemmande i tillegg til at det skal lagrast farleg avfall på lokaliteten, er det stilt krav om innbygging / inngjerding av delar av anlegget. Det er ikkje å vente at avfallet er interessant for ulike skadedyr, men dyr kan likevel bruke avfallet som skjul. Verksemda

5 5/10 skal difor ha eit program for å følgje med på om skadedyr kan finnast og gjere tiltak for å minimere ev. ulempe. Verksemda skal ha system som sikrar at fråsortert avfall tilfredsstiller krav som følger av etablerte ordningar for materialgjenvinning av avfall. Dersom det vert oppdaga ulovleg avfall inn til anlegget, må dette sorterast frå og gjevast ei lovleg handtering. Avfallet kan returnerast leverandør dersom det er sannsynleg at avfallet får lovleg handtering, eller så raskt som mogleg transporterast til godkjent mottak i samsvar med ADR-reglane. Leverandøren og Fylkesmannen skal varslast om feilleveringa. Mellomlagring av avfall bør så langt råd berre lagrast på tett flate og som hovudregel under tak. Mottak av større einingar eller større mengd einsarta avfall som metallskrap m.m. kan ein av praktiske grunnar likevel mellomlagre ute. Det vert venta at slik mellomlagring skal vere så kort som praktisk råd innafor rammene i løyvet. Alt avfall som verksemda sjølv ikkje kan utnytte eller bruke om att skal leverast vidare til godkjent mottak. Det er berre Fylkesmannen eller Miljødirektoratet som kan godkjenne nærare kven som kan ta imot avfall. Nokre sentrale krav er presiserte i vilkåra, men det vert streka under at både ureiningslova og avfallsforskrifta (jf. spes. kap. 11 om farleg avfall) set fleire krav til avfallshandteringa enn det som er omtalt her. Alle verksemder brukar kjemikal i større eller mindre mengder. Kjemikal kan ein omtale som eit kvart stoff eller stoffblanding som er framstilt av menneske, eller vunne ut/samla opp og tiltenkt spesifikk bruk. Det er utvikla eit omfattande, felles europeisk regelverk (REACH) for kjemikal som kan ha helse- eller miljøeffekt. Regelverket for reine stoff er snart ferdig innført i Europa, og for stoffblandingar kjem det meste på plass innan Verksemda må sjølv syte for å kontrollere at eigen bruk av kjemikal er i samsvar med regelverket, og at hovudkrava er godt kjende av alle som handterer/brukar kjemikal på verksemda. Særleg viktig er verksemda si kunnskap om sikkerheitsdatablad, REACHregelverket, disponering som avfall/farleg avfall og utbytting til mindre skadelege kjemikal (substitusjon). Merk at ved tilsyn vil vi mellom anna kontrollere at kunnskapen om databladet er tilstrekkeleg, og at bruk og sluttdisponering er forsvarleg. Vilkåret om kjemikal (vilkår 7) presiserer at kjemikal som vert nytta mellom anna må ha rett produktopplysningar i seksjon 12 (økologiske opplysningar) der kjemikal som er miljøfareklassifisert skal ha økotoksikologiske data som forklarar miljøfareklassifiseringa til kjemikalet seksjon 13 (instruksar ved disponering) der det skal spesifiserast at kjemikal skal disponerast som farleg avfall (leverast særskilt i farleg avfall systemet med rett deklarering) dersom kriteria vert oppfylt seksjon 15 (opplysningar om regelverket) der tilvising til norsk regelverk må gå fram. Kjemikal som ikkje verksemda lenger kan nytte, eller som ingen lenger kan nytte til sitt opphavlege føremål, må leverast som avfall i samsvar med kapittelet i sikkerheitsdatabladet om disponering (kapittel 13). Dei fleste kjemikal som inneheld helse- eller miljøfarleg stoff og som vert avfall, må leverast som farleg avfall. For tida er kriteria som krev at avfallet må handterast som farleg avfall under endring. Verksemda må såleis nøye følge med på eventuelle endringar, halde seg med oppdaterte sikkerheitsdatablad (på norsk) og syte for at oppdatert dokumentasjon finst i internkontrollen for det ytre miljøet. Løyvet omtalar fleire forhold som har økonomiske verknadar. Anlegget må vere innretta på å kunne ta imot på forsvarleg måte alt avfall tillate gjennom løyvet (vilkår 1). Kravet til økonomisk sikkerheit for slutthandtering av farleg avfall er retta til løyvehavaren, men det er ikkje noko i vegen for at løyvehavar avtalar at kommunen skal betale for alle kostnadar ved ev. avslutting av og opprydding på anlegget.

6 6/10 Alt av eige avfall som verksemda sjølv ikkje kan utnytte eller gjenbruke skal leverast vidare til godkjent mottak. Det er berre Fylkesmannen eller Miljødirektoratet som kan godkjenne nærare kven som kan motta avfall. Nokre sentrale krav er presiserte i vilkåra, men det vert streka under at både ureiningslova og avfallsforskrifta (jf. spesielt kapittel 11 om farleg avfall) set fleire krav til avfallshandteringa enn det som er omtalt her. Verksemda må avgjere kva dei meiner er akseptabel miljørisiko frå si aktivitet. Fylkesmannen kan overprøve verksemda si vurdering og presisere/stille nærare krav til tiltak. på bakgrunn av analyse av miljørisikoane og risikoreduserande tiltak, må verksemda etablere beredskap mot akutt ureining. Vilkår 8 omtalar nærare kva beredskapen skal handle om. Beredskap må øvast jamleg, og bør ikkje skje sjeldnare enn ein gong per år. Tilhøva til naturmangfaldlova og vassforskrifta I tillegg til retningslinene i ureiningslova, er også prinsippa i 8-12 naturmangfaldlova lagde til grunn for vår vurdering. 8 naturmangfaldlova kunnskap om lokaliteten Lokaliteten på gbnr: 151/63 i Stryn Miljøpark ligg i eit område regulert til industriføremål der det har vore steinbrot tidlegare, men som ikkje er i aktiv drift i dag. Det ligg avfallshandteringsanlegg som naboar i sør, og det er entreprenør/anleggsmaskinaktivitet i området i tillegg til at det ligg både motorsport område og helikopterbase i nærleiken. Det er ikkje registrert større grunnvassførekomstar i fjellet i området. Det er heller ikkje registrert prioriterte og utvalde naturtypar i området, eller førekomst av trua artar. Avrenning/overflatevatn frå området vil hamne ut i Faleidfjorden, som har anteke god økologisk tilstand. Arealbruken er i samsvar med endeleg vedtak etter plan- og bygningslova, og er opparbeidd til industriføremål. Naturmangfald vert difor i liten grad omfatta av denne etableringa, og nærare vurderingar etter 9 12 er vurdert å vere unødvendig. Omsyn til miljøet er forsøkt ivareteke så langt det er mogeleg med fastsetjing av vilkåra for drifta. Vassforskrifta Aktiviteten er vurdert i høve 12 i vassforskrifta. Det er ikkje grunn til å tru at utslepp frå verksemda vil kunne føre til lågare tilstand enn god i vassførekomsten Faleidfjorden med IDnr C. Denne vassførekomsten er ikkje ferdig tilstandsklassifisert, men ei førebels vurdering tyder på god økologisk tilstand. Vurdering av verknad på menneske sin helse Utslepp frå planlagt aktivitet som kan verke inn på menneske si helse er regulert gjennom vilkår i utsleppsløyvet. For menneske si helse er det særskilt utslepp til vatn/drikkevatn førekomstar og utslepp av støy Fylkesmannen har stilt krav til. Verksemda skal ikkje ha aktivitet som skal medføre utslepp til grunn eller vatn. Tiltak må gjennomførast i tråd med vilkåra for å førebyggje dette. I følgje Stryn kommune er ikkje drikkevatn førekomstane til Stryn kommune trua av etableringa av verksemda. Drifta ved anlegget vil føre til støy. Grenseverdiane er sette i samsvar med vanleg avgrensing av støy som vert oppfatta problemfylt. Støyen vil likevel verte oppfatta ulikt og subjektivt, og mange vil framleis oppleve støy under grenseverdiane som ubehageleg. Verksemda har utslepp av støy som for enkeltepisodar kan ligge i grenseområdet for våre krav, eller over krava. Unødig støyutslepp skal avgrensast mest mogleg. Til dømes er sleping av container over fast dekke og bruk av vinkelslipar særleg støyande og bør unngåast heilt utanom dagtid.

7 7/10 Vurdering av teknikkar/teknologiske forhold Det er eit viktig prinsipp i Fylkesmannen si sakshandsaming at beste tilgjengelege teknikkar skal takast i bruk for å førebygge ureining. Krava i vilkåra vil difor ofte vere forma som funksjonskrav og ikkje tilstandskrav. Med funksjonskrav meiner vi krav som ikkje omtalar spesifikke utsleppsnivå, tekniske tilstandar eller føreset spesifikke tekniske løysingar, men gir ansvar for verksemda å finne løysing i samsvar med føre var krav eller beste tilgjengeleg teknologi dokument som gjeld for verksemda. Med tilstandskrav meiner vi krav som set spesifikke tilstandsgrenser for ein type utslepp, men kan også vere tale om bruk av spesifikke reinseteknologiar eller andre tekniske innretningar. Merk at verksemda kontinuerleg må arbeide med å redusere utslepp, jamvel om ein tilfredsstiller gjeldande utsleppsgrenser i løyvet. Fordelar ved etablering av verksemda Verksemda vil med sin aktivitet stette dei sentrale prinsippa i avfallshierarkiet i Noreg, der avfall skal søkast minimert, før ombruk, materialgjenvinning eller energiutnytting. Verksemda vil ta vare på restverdiar i avfall, slik at mest mogleg er tilgjengeleg for materialgjenvinning eller energiutnytting. Etter fråsortering er det lite avfall som skal leverast til sluttdisponering. Verksemda vil òg handtere farleg avfall, som på grunn av fare for skade på helse, miljø og klima må takast særskild hand om. Konklusjon På bakgrunn av ny søknad og ei heilskapleg vurdering av miljømessige, tekniske og økonomiske forhold vurderer Fylkesmannen at det midlertidige utsleppsløyvet etter ureiningslova på nærmare gitte vilkår kan forlengast fram til Miljøpåverknader og andre ulemper som verksemda vil gje med sin aktivitet, har Fylkesmannen søkt redusert gjennom krav til drifta i utsleppsløyvet. I tillegg til prinsippa i ureiningslova er prinsippa i naturmangfaldlova 8-12 og vassforskrifta 12 vurdert og lagt til grunn for vilkåra som er satt i utsleppsløyvet. Fylkesmannen vurderer at dei samla miljø- og helsemesige konsekvensane av utsleppa med dei vilkåra som er sette, vil vere akseptable. Løyvedokumentet vert sendt saman med dette skrivet. Dei juridiske krava som elles ikkje går fram av lov- og forskriftsverket, eller som er presisert eller innskjerpa i høve til det generelle regelverket er samla i løyvedokumentet. Fylkesmannen vil føre eit risikobasert tilsyn med verksemda, og vil ha særskild fokus på tilhøve som har kome fram i søknadsprosessen. Fristar Tabellen nedanfor gir oversikt over fristar for gjennomføring av tiltak som løyvet krev: Tiltak Frist Tilvising til vilkår Miljørisikoanalyse og internkontroll bør vere på plass ved 2.2 oppstart, og må oppdaterast minst årleg Informasjon til kundar Kvar nye, elles jamleg 3.3 Lagringstid ordinært avfall Maks. 12 månadar 3.4 Lagringstid farleg avfall Maks. 6 månadar 3.5.4

8 8/10 Vurdere utbytting av miljøfarlege kjemikal Min. årleg 7 (substitusjon) Øving av beredskap Min. årleg 8 Rapportering til Fylkesmannen Årleg Ha etablert tilfredsstillande finansiell garanti Gjeld for motteke næringsavfall og farleg avfall Innan 12 mndr. frå løyvedato 10.1 Oversikt over miljøpåverknad frå aktiviteten Årleg til ålmenta Miljøinformasjonslova Varsel om gebyr Fylkesmannen si handsaming av søknader om nytt eller endra utsleppsløyve er omfatta av ei gebyrordning, jf. kap. 39 i ureiningsforskrifta. Vi varslar med dette at verksemda må betale eit gebyr til staten på kr. 5600,- (sats 3) for Fylkesmannen si handsaming av søknaden, jf i ureiningsforskrifta. Vedtak vert gjort i eige brev, og er eit enkeltvedtak med klagerett. Faktura vert sendt ut etter at vedtak er fatta, av Miljødirektoratet. Gebyret forfell til betaling 30 dagar etter mottak av faktura. Ressursbruk knytt til saksbehandlinga er lagt til grunn ved fastsetjinga. Vi har rekna med kostnadar for gjennomgang av saksdokument, interne møte, kontakt med søkar, høyring og endring av løyvedokument og ferdigstilling av vedtak. Kostnadar verksemda har hatt til annonsering m.m. er ikkje medrekna. Generelle føresetnader for løyvet og informasjon om regelverket Internkontroll Forskrift om systematisk helse-, miljø og sikkerhetsarbeid (internkontrollforskrifta) er eit felles regelverk for tilsynsetatane som er kjent som HMS-etatane. Regelverket og korleis ein generelt må arbeide for å stette krava, er nærare omtalt på Krava om tiltak for ytre miljø (tiltak for vern mot ureining og ei betre handtering av avfall) gjeld alle verksemder som har minst ein tilsett. Plikta til internkontroll som gjeld det ytre miljøet er difor presisert i vilkåra. Forskrifta omtalar kva for oppfølging av krav som må dokumenterast skriftleg, og korleis ein bør organisere arbeidet. Den skriftlege dokumentasjonen må tilpassast type og omfang av ulike aktivitetar. Arbeid som ikkje er grunna på gjennomført, skriftleg og oppdatert risikovurdering med oppfølgande handlingsplan, vil ikkje stette minimumskrava i forskrifta. Verksemda må også sikre skriftlege rutinar for førebyggande vedlikehald av alt utstyr og produksjonsprosessar som kan føre til utilsikta utslepp. Driftsinstruksar og driftsjournalar må førast for alle prosessar og aktivitetar som vil ha noko å seie for det ytre miljøet. Det må t.d. også etablerast, vedlikehaldast og konkretiserast eigne mål for internkontrollarbeidet, dei tilsette må medverke og det må lagast og vedlikehaldast plan for kompetanseutvikling når det gjeld ytre miljø. Merk at det framleis er ei vanleg mistyding å berre omtale krav etter internkontrollforskrifta som gjeld indre miljø (dvs. arbeidsmiljøet) som HMS-krav (helse miljø sikkerheit), medan tilsvarande HMS-krav etter internkontrollforskrifta som gjeld ytre miljø (ureining og avfallshandtering) vert omtala på annan måte. Vi vil såleis generelt presisere at HMS-krav etter internkontrollforskrifta gjeld fullt ut for det ytre miljøet.

9 9/10 Endring eller tilbakekalling av løyvet Fylkesmannen kan gjere endringar i dette løyvet med heimel i 18 i ureiningslova. Endringar skal vere grunna på skriftleg saksbehandling og ei forsvarleg utgreiing av saka. Ein eventuell endringssøknad må difor liggje føre i god tid før endring kan gjennomførast. Tilsyn Verksemda pliktar å la representantar for ureiningsstyresmaktene eller den som desse gjev fullmakt, få inspisere anlegget til ei kvar tid jf. ureiningslova kap. 7. Tvangsmulkt, straff Brot på løyvet er straffbart etter ureiningslova 78 og 79. Også brot på krav som følgjer direkte av ureiningslova og produktkontrollova, samt forskrifter fastsett i medhald av disse lovene, er straffbart. Brot på ureiningsregelverket er som hovudregel underlagt offentleg påtale. Ureiningsstyresmakta vil likevel til vanleg krevje straff for alvorlege eller gjentekne brot på regelverket. For andre brot på regelverket og som verksemda ikkje straks/innan rimeleg tid rettar opp, kan Fylkesmannen gje pålegg om igangsetjing av tiltak, jf. ureiningslova 7, siste ledd. Dersom pålegget ikkje vert følgt opp vil til vanleg Fylkesmannen gjere vedtak om tvangsmulkt til staten jf. 73. Hastar det å gjennomføre nødvendig tiltak kan Fylkesmannen også sørgje for igangsetjing av tiltak for den ansvarlege si rekning, jf. ureiningslova 74. Erstatningsansvar At ureininga er tilleten, fritek ikkje verksemda frå eventuelle erstatningsansvar for skade, ulemper eller tap som følgje av ureininga, jf. ureiningslova 10 og kap 8 (spesielt 56), og grannelova 6, 7 og 8. Dette løyvet fritek ikkje søkjaren for ansvar etter anna lovverk som gjeld for denne verksemda, t.d. arbeidsmiljø-, helse- og brannvernreglar. Klagerett Vedtaket om forlenga midlertidig utsleppsløyve og seinare vedtak om gebyr, kan klagast på til Miljødirektoratet av partane i saka eller andre med rettsleg klageinteresse innan 3 veker etter melding om vedtak er kome fram eller frå vedkommande fekk eller burde skaffa seg kjennskap til vedtaket. Ein eventuell klage skal oppgje nærare kva det vert klaga på og den eller dei endringane som ein ønskjer. Klagen bør grunngjevast, og andre opplysningar som har noko å seie for saka bør nemnast. Klagen skal sendes til Fylkesmannen. Ein eventuell klage fører ikkje automatisk til at gjennomføringa av vedtaket vert utsett. Fylkesmannen eller Miljødirektoratet kan etter oppmoding eller av eige tiltak avgjere at vedtaket ikkje skal gjennomførast før klagefristen er ute eller klagen er avgjort. Avgjerda av spørsmålet om gjennomføring kan ikkje påklagast. Med visse avgrensingar har partane rett til å sjå på saka sine dokument. Nærare opplysningar om dette kan ein få ved å vende seg til Fylkesmannen. Andre opplysningar om reglar som har noko å seie for saka vil Fylkesmannen også kunne gje på førespurnad. Offentleggjering av løyvet Vedtaket om forlenging av midlertidig løyve vert kunngjort offentleg for dykkar rekning i lokalavisa, jf i ureiningsforskrifta. Kunngjeringa vil innehalde ei kort orientering om løyvet, kvar ein kan vende seg for å få innsyn i saksdokumenta, og opplysningar om

10 10/10 klageinstans og frist for ev. klage på vedtaket. Løyvet vert også kunngjort og lagt ut på våre heimesider, Med helsing Gøsta Hagenlund ass. fylkesmiljøvernsjef Torunn Hønsi senioringeniør Brevet er godkjent elektronisk og har derfor ikkje underskrift. Sendt saman med dette brevet: Utsleppsløyvet med vilkår Kopi pr. epost: Kopi via EDU: Stryn Pukk AS, Miljødirektoratet, Stryn kommune