Oversending av løyve etter ureiningslova til mellomlagring av farleg avfall for Johny Birkeland Transport AS

Transkript

1 Sakshandsamar: Grete Hamre Vår dato Vår referanse Telefon: / E-post: Dykkar dato Dykkar referanse Johny Birkeland Transport AS Sløvågen DALSØYRA Oversending av løyve etter ureiningslova til mellomlagring av farleg avfall for Johny Birkeland Transport AS Fylkesmannen i Sogn og Fjordane har vedteke å gi løyve etter ureiningslova på visse vilkår til Johny Birkeland Transport AS. Løyvet med tilhøyrande vilkår følgjer vedlagt Vi viser til søknad om løyve etter ureiningslova datert frå Johny Birkeland Transport AS. Fylkesmannen i Sogn og Fjordane har gitt Johny Birkeland Transport AS løyve til mellomlagring av farleg avfall på sin lokalitet i Sløvåg i Gulen kommune. Løyvet er gitt med heimel i ureiningslova 11 jf. 16 og avfallsforksrifta Løyvedokumentet vert sendt saman med dette brevet. Fylkesmannen har ved avgjerda om at løyve skal gjevast og ved fastsetjinga av vilkåra lagt vekt på dei ureiningsmessige ulempene ved tiltaket samanhalde med fordelar og ulemper som tiltaket elles vil føre med seg. Ved fastsetjinga av vilkåra har Fylkesmannen vidare lagt til grunn kva ein kan oppnå med beste tilgjengelege teknologi. Saksframstilling Bakgrunn Verksemda Johny Birkeland Transport AS opererer innanfor dei to hovudområda «septikrelaterte tenester for kommunar og interkommunale selskap», og «spesialtenester for industri, privat og offentleg sektor». Verksemda har frå før løyve frå Klima- og forureiningsdirektoratet til innsamling av farleg avfall frå firma som er pålagde å ha oljeutskiljarar (Løyve T). Verksemda tilbyr kundane kontroll av oljeutskiljarar ved tømming, og det er inngått avtalar med godkjende mottak for farleg avfall om levering av spillolje. Under innsamlinga vert det henta inn mindre mengder spillolje frå kvar aktør. Desse fraksjonane vert i dag frakta direkte til mottaksanlegg for farleg avfall. For å få ei meir effektiv utnytting av tankbilkapasiteten, søkjer no verksemda om løyve til å samle opp og mellomlagre spillolja i ein 25 m 3 tank før ho vert transport til godkjent mottaksanlegg. Søknaden har, i samsvar med 36-5 i ureiningsforskrifta, vore sendt på høyring til AS Birkeland Entreprenøforretning, Sløvåg Utvikling AS og Entreprenør Ansgar Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: Postboks 14, 6801 Førde Internett: Telefaks: Telefon: Org.nr Telefaks:

2 FYLKESMANNEN I SOGN OG FJORDANE 2/4 Birkeland AS. I samsvar med 36-6 i ureiningsforskrifta har søknaden vore lagt ut til offentleg ettersyn på Fylkesmannen si nettside og ved kommuneadministrasjonen i Gulen kommune i tida Miljøpåverknad frå aktivitetane Aktiviteten ved Johny Birkeland Transport AS skal ikkje føre til utslepp til vatn. Omtalen av miljørisikoanalyse i vilkår 2.2 presiserer plikta verksemda har etter internkontrollforskrifta, og han gir føringar for kva internkontrollen i høve omsynet til det ytre miljøet bør leggje vekt på. Rammevilkår Ramme for aktiviteten er gitt i vilkår 1 i løyvet. Med «vesentlege endringar» er meint endringar som medfører over om lag 10 % auke. Uttaler Det har ikkje kome uttaler eller merknader til søknaden. Fylkesmannen sine vurderingar og grunngjeving for fastsette vilkår Aktiviteten skal gå føre seg på verksemda sin lokalitet i Sløvågen 32. Dette er eit område der det frå før er fleire aktørar som driv med avfallsrelatert verksemd. I løyvet er det sett krav om at lagertankar for farleg avfall skal ha eit effektivt oppsamlingsarrangement som minst rommar volumet til tanken. Det er i vilkåra også sett krav om at lagringstanken skal ha overfyllingsvarsel. Tankar i same området kan sikrast med oppsamlingsvolum som tek minst volumet av største tank + 10 % av a lagervolum for den største tanken. Det er i dette høvet ein tank på 25 m 3 som skal sikrast. Tankanlegget skal ikkje ha utslepp til vatn eller grunn. Oljesøl eller avrenning av oljehaldig vatn frå verksemda sine uteareal må handterast på ein måte som sikrar at dette ikkje kan skje. I løyvet er det difor sett krav til at området rundt lagringstanken skal ha fast dekke med kontrollert fall mot oppsamlingspunkt slik at ev. oljehaldig vatn kan reinsast med t.d. oljeutskiljar. Konklusjon Fylkesmannen i Sogn og Fjordane har handsama søknaden frå Johny Birkeland Transport AS og har vedteke å gi løyve etter ureiningslova. Løyvet er gitt på visse vilkår. Løyvedokumentet vert sendt saman med dette brevet. Dei juridiske krava som elles ikkje går fram av lov- og forskriftsverket, eller er presisert eller innskjerpa i høve til det generelle regelverket er samla i løyvedokumentet. Fristar Løyvet krev at det per dags dato er utarbeidd og sett i verk internkontroll som omfattar ytre miljø jf. vilkår 2.2 og internkontrollforskrifta.

3 FYLKESMANNEN I SOGN OG FJORDANE 3/4 Gebyr Fylkesmannen si handsaming av søknader om nytt eller endra utsleppsløyve er omfatta av ei gebyrordning, jf. kap. 39 i ureiningsforskrifta. Verksemda skal betale eit gebyr på kr ,- for Fylkesmannen si handsaming av søknaden, jf i ureiningsforskrifta. Faktura med innbetalingsblankett vert sendt ut av Klima- og forureiningsdirektoratet. Gebyret forfell til betaling 30 dagar etter fakturadato. Generelle føresetnader for løyvet og informasjon om regelverket Internkontroll Det er ein føresetnad at verksemda har ein internkontroll som tek omsyn til kva plikter verksemda har for å hindre ureining av ytre miljø, og som sikrar at verksemda oppfyller dei krava som går fram av lover, forskrifter og løyvet. Vi vil presisere at all ureining frå verksemda isolert sett er uønskt. Det same gjeld utslepp av komponentar det ikkje uttrykkelig er sett grenser for gjennom særskilte vilkår. I tillegg til dei krava som følgjer av løyvet, pliktar verksemda å stette alle relevante krav i ureiningslova og produktkontrollova med forskrifter som er heimla i desse lovene. Nokre av dei mest relevante forskriftene er nemnt i løyvet. For informasjon om andre reglar som kan være aktuelle for verksemda, viser vi til Endring eller tilbakekalling av løyvet Fylkesmannen kan med heimel i 18 i ureiningslova, gjere endringar i dette løyvet. Endringar skal vere grunna på skriftleg sakshandsaming og ei forsvarleg utgreiing av saka. Ein eventuell endringssøknad må difor liggje føre i god tid før endring kan gjennomførast. Tilsyn Verksemda pliktar til ei kvar tid å la representantar for ureiningsstyresmaktene eller den som desse gjev fullmakt, få inspisere anlegget jf. ureiningslova kap. 7. Tvangsmulkt, straff Brot på løyvet er straffbart etter ureiningslova 78 og 79. Også brot på krav som følgjer direkte av ureiningslova og produktkontrollova samt forskrifter fastsett i medhald av disse lovene, er straffbart. Ved avvik frå løyvet eller ureiningslova kan Fylkesmannen gje pålegg om igangsetjing av tiltak for å rette opp avvik, jf. ureiningslova 7, siste ledd. Dersom pålegget ikkje vert følgt opp kan Fylkesmannen fatte vedtak om tvangsmulkt til staten jf. 73, eller sørgje for igangsetjing av tiltak jf. ureiningslova 74. Erstatningsansvar Dette løyvet fritek ikkje søkjaren for å hente inn løyve for andre sider av verksemda, som t.d. arbeidsmiljø, helse- og landbrukslovgjevinga. At ureininga er tillate, fritek ikkje verksemda frå eventuelle erstatningsansvar for skade, ulemper eller tap som følgje av ureininga, jf. ureiningslova 10 og kap 8 (spesielt 56), samt grannelova 6, 7 og 8.

4 FYLKESMANNEN I SOGN OG FJORDANE 4/4 Klagerett Vedtaket - også plasseringa i gebyrklasse, kan klagast på til Klima- og forureiningsdirektoratet av partane i saka eller andre med rettsleg klageinteresse innan 3 veker etter melding om vedtak er kome fram eller frå vedkommande fekk eller burde skaffa seg kjennskap til vedtaket. Ein eventuell klage skal oppgi nærare kva det vert klaga på og den eller dei endringane som ein ønskjer. Klagen bør grunngjevast, og andre opplysningar som har noko å seie for saka bør nemnast. Klagen skal sendes til Fylkesmannen. Ei eventuell klage fører ikkje automatisk til at gjennomføringa av vedtaket vert utsett. Fylkesmannen eller Klima- og forureiningsdirektoratet kan etter oppmoding eller av eige tiltak avgjere at vedtaket ikkje skal gjennomførast før klagefristen er ute eller klagen er avgjort. Avgjerda av spørsmålet om gjennomføring kan ikkje påklagast. Med visse avgrensingar har partane rett til å sjå saksdokumenta. Nærare opplysningar om dette kan ein få ved å vende seg til Fylkesmannen. Andre opplysningar om saksbehandlingsreglar og andre reglar som har noko å seie for saka vil Fylkesmannen også kunne gje på førespurnad. Offentleggjering av løyvet Vedtaket vert kunngjort offentleg for dykkar rekning, jf i ureiningsforskrifta. Kunngjeringa vil innehalde ei kort orientering om løyvet, kvar ein kan vende seg for å få innsyn i saksdokumenta, og opplysningar om klageinstans og frist for ev. klage på vedtaket. Med helsing Gøsta Hagenlund ass. fylkesmiljøvernsjef Grete Hamre overingeniør Kopi pr. e-post til: Klima- og ureiningsdirektoratet Gulen kommune

5 Løyve etter ureiningslova til Johny Birkeland Transport AS AS for mellomlagring av farleg avfall i Sløvåg i Gulen kommune Løyvet er gitt i medhald av Lov om vern mot forurensninger og om avfall av 13. mars 1981 nr. 6 (ureiningslova), 11 jf. 16 og forskrift om gjenvinning og behandling av avfall av (avfallsforskrifta) Løyvet er gitt på grunnlag av opplysningar gitt i søknad av , samt opplysningar framkomne under handsaming av søknaden. Løyvet gjeld frå dags dato og på dei vilkåra som er gitt i dette dokumentet. Forklaring til enkelte av vilkåra står i oversendingsbrevet. Dersom verksemda ønskjer å gjere endringar i høve til opplysningar som er gitt i søknaden eller under sakshandsaminga, og desse endringane kan ha innverknad på miljøet, må endringane avklarast skriftleg med Fylkesmannen på førehand. Verksemddata Verksemd: Johny Birkeland Transport AS Adresse, poststad Besøksadresse Sløvågen Dalsøyra Gards- og bruksnr. Gnr. 63 Bnr. 29 Kommune og fylke Gulen i Sogn og Fjordane Org. nummer (føretak/eigd av) Org.nr. (verksemd) NACE-kode Behandling og disponering av farleg avfall NOSE-kode Behandling og disponering av avfall Fylkesmannen sine referansar Arkivkode Anleggsnummer Løyvenummer Bransje Risikoklasse 1 480/ T Avfall 4 Løyve gitt: Endringsnummer: Denne endringa: Gøsta Hagenlund Ass. fylkesmiljøvernsjef Grete Hamre overingeniør Kopiadressatar: Sjå liste i oversendingsbrevet. 1 Jf. ureiningsforskrifta kap. 39 om gebyr til statskassen for arbeid med tillatelser og kontroll etter ureiningslova

6 Side 2 av 6 Innhald 1. Ramme for løyvet 3 2. Generelle krav Plikt til å hindre ureining - tiltak ved auka ureiningsfare eller unormale driftsforhold Internkontroll, HMS-dokumentasjon ytre miljø Økonomisk sikkerheit Om handtering av avfall Mottak av farleg avfall Lagring av farleg avfall Større endringar Utskifting av utstyr Eigarskifte Nedlegging eller lengre driftsstans... 5

7 Side 3 av 6 1. Ramme for løyvet Løyvet gjeld ureining og ulempe som følgje av handtering av farleg avfall frå næring. Mengd Avfallstype Avfallsstoffnr.* EAL-kode* Maksimalt mengd samtidig lagra: 25 m 3 Spillolje, innsamla frå oljeutskiljarar * I desse mengdene inngår ikkje objekt/utstyr som vert levert/selt for ombruk. Handteringa av farleg avfall omfattar: inntransport, mellomlagring inkludert samlagring, omlasting og transport til godkjent mottak. Ved vesentlege endringar i drifta skal verksemda søkje om endring av løyvet. Løyvet omfattar ikkje anna behandling, disponering av, nyttiggjering eller innsamling av farleg avfall. Lagringstanken skal ikkje nyttast til lagring av andre typar farleg avfall utan etter nærare godkjenning frå Fylkesmannen. 2. Generelle krav 2.1. Plikt til å hindre ureining - tiltak ved auka ureiningsfare eller unormale driftsforhold Tankanlegget skal ikkje ha utslepp til vatn eller grunn. For å unngå, eller avgrense ureining og avfallsproblem, skal de nytte den teknologien som ut frå ei samla vurdering også av økonomiske tilhøve, gir dei beste resultata for noverande og framtidig tilstand i miljøet. Dersom det som følgje av unormale driftsforhold, eller av andre grunnar oppstår auka fare for ureining, pliktar verksemda å setje i verk tiltak som er naudsynte for å fjerne eller redusere den auka ureiningsfaren. Slike tiltak kan også omfatte reduksjon eller stans av drifta. Verksemda skal straks informere Fylkesmannen og naboar dersom: det vert planlagt aktivitet som mellombels kan føre til auka fare for utslepp mottak av avfall viser seg å kunne gi uføresette utfordringar det oppstår situasjonar der utstyr, maskiner eller andre kritiske installasjonar for vern mot ureining sviktar Verksemda skal etablere eit dokumentert system for registrering og loggføring av eventuelle klager/meldingar. Verksemda skal gi ei vurdering av kva som har skjedd, årsak til hendinga og tiltak som er sette i verk eller som er planlagde for å motverke og avgrense miljøpåverknader og å hindre at hendinga gjentek seg. Informasjonen skal gjerast kjent for nabolag og Fylkesmannen. Merk at verksemda også har varslingsplikt etter gjeldande forskrift om akutt ureining Internkontroll, HMS-dokumentasjon ytre miljø Verksemda pliktar å etablere internkontroll som gjeld for ytre miljø i høve til gjeldande forskrift om dette 3. Internkontrollen skal mellom anna sikre og dokumentere at verksemda oppfyller krava i dette løyvet, ureiningslova, produktkontrollova og relevante forskrifter heimla i desse lovene. Verksemda pliktar å halde internkontrollen oppdatert. 2 Forskrift om varsling av akutt ureining eller fare for akutt ureining av , nr Jf. forskrift om systematisk helse-, miljø- og sikkerhetsarbeid i virksomheter av nr eller seinare utgåve (internkontrollforskrifta)

8 Side 4 av 6 Verksemda skal gjennomføre ein miljørisikoanalyse 4 av mottak og lagring av farleg avfall, og resultata frå analysen skal vurderast i høve til akseptabel miljørisiko. Verksemda pliktar til ei kvar tid å ha oversikt over alle aktivitetar som kan føre til ureining og skjemmande tilhøve og å kunne gjere greie for risikotilhøve. 2.3 Økonomisk sikkerheit Verksemda skal stille økonomisk sikkerheit for kostnader med å ta hand om alt farleg avfall ved anlegget i tilfelle driftsstans, nedlegging eller ved betalingsproblem. Sikkerheita skal dekke kostnadene som maksimalt kan tenkjast å oppstå ut frå typar og mengder farleg avfall anlegget kan ta imot og lagre på lovleg måte jf. punkt 1. Verksemda skal stille økonomisk sikkerheit for Fylkesmannen i Sogn og Fjordane i form av pant i sperra bankkonto med eit (innbetalt) beløp tilsvarande beløpet som skal sikrast, eller ved ein løpande påkravsgaranti frå banken på tilsvarande beløp, utskriven til Fylkesmannen i Sogn og Fjordane, Fylkesmannen kan vurdere å godta andre former for sikring av det aktuelle beløpet dersom verksemda kan dokumentere at dette vil gi tilsvarande sikkerheit. Så snart som mogleg etter at løyvet er motteke, skal verksemda sende skriftleg melding til Fylkesmannen om korleis ein stiller sikkerheit. Før Fylkesmannen har godkjent sikringa av det aktuelle beløpet, kan verksemda ikkje ta imot farleg avfall ved anlegget. 3. Om handtering av avfall 3.1. Mottak av farleg avfall Alle som handterer farleg avfall ved verksemda, eller som utfører aktivitetar knytte til tank for lagring av farleg avfal, skal ha relevant kompetanse og dokumentert opplæring Verksemda skal vere registrert i det nasjonale systemet for farleg avfall 5, og alle naudsynte avtalar må vere på plass før verksemda kan ta imot og mellomlagre det farlege avfallet. Verksemda skal ha etablert eit system som sikrar at alt farleg avfall som vert motteke er deklarert på ein måte som sikrar forsvarleg handtering. Systemet skal sikre at alle enkeltleveransar vert registrert og at deklarasjonsskjema følgjer leveransane ved vidarelevering til godkjent mottakar av farleg avfall. Alle naudsynte opplysningar om avfallet skal journalførast. Kvar post skal ha sitt eige løpenummer (lagernummer), og den enkelte avfallslevering /-mottak skal journalførast. Journalen skal minst innehalde dato for mottak, avfallsprodusent, lagerplass / tank, mengd avfall og EAL-kode. I tillegg skal det registrerast kva tid avfallet forlét anlegget, og kvar det vert levert (dato og namn på mottakar). Naudsynte opplysningar om avfallet skal vere lett tilgjengeleg for kontroll. Fylkesmannen kan påleggje anlegget å sende kopi eller samandrag av alle journalar til Fylkesmannen eller andre. Journalane skal oppbevarast i minst 3 år, og skal vere lett tilgjengelege ved kontroll Lagring av farleg avfall Farleg avfall skal oppbevarast på ein slik måte at det ikkje oppstår ureining. Lagra farleg avfall skal til ei kvar tid ha tilstrekkeleg tilsyn. Som eit minimum skal følgjande vilkår vere oppfylte: 4 Framgangsmåten bør følge NS 5814:2008 Krav til risikovurdering (eller seinare utgåve) 5 For tida avtale mellom NORSAS og innsamlar(ar)

9 Side 5 av 6 All lagring av farleg avfall skal vere basert på ei dokumentert risikovurdering jf. vilkår 2.2. Motteke avfall skal ikkje mellomlagrast i meir enn 6 månader Lagringsområdet skal vere sikra slik at uvedkommande ikkje har tilgjenge. Faren for søl og lekkasje frå motteke avfall skal vere minimal og i samsvar med dokumentert akseptnivå. Ev. uhellsutslepp skal samlast opp omgåande med oppsamlings- / absorberande utstyr i mengd og storleik som er tilpassa maksimal lagringsmengd. Blanding av ulike typar farleg avfall som ikkje kan samdeklarerast, er ikkje tillate. Fortynning av farlege stoff for å unngå farleg avfall-klassifisering er ikkje tillate Stoff som ikkje kan samlastast i høve ADR-reglane, skal lagrast på fysisk skilde område Verksemda skal ha kart over lagring av farleg avfall der det går fram kvar ulike fraksjonar av avfallet er lagra Alle lagertankar for flytande kjemikal eller avfall som kan utgjere ein ureiningsfare eller på annan måte vere ein fare eller ulempe for miljøet, skal sikrast mot overfylling og lekkasje Lagertankar for flytande farleg avfall større enn liter, skal ha overfyllingsvarsel Alle tankar med kapasitet større enn 2000 liter skal sikrast med oppsamlingsvolum tilsvarande kapasiteten på tanken pluss 10 % av lagervolumet. Dersom det er fleire tankar i same området kan sikrast med oppsamlingsvolum tilsvarande kapasiteten på den største tanken pluss eit tillegg på 10 % av lager olumet til den største tanke. Tankar for lagring av farleg avfall skal tømmast og reingjerast med jamne mellomrom for m.a. å hindre opphoping av slam og / eller farlege stoff, og for å kunne tilstandsvurdere tanken. 4. Større endringar 4.1. Utskifting av utstyr Dersom utskifting av utstyr ved verksemda fører til at det vert teknisk mogleg å motverke ureining på ein vesentleg betre måte enn då løyvet vart gitt, skal Fylkesmannen på førehand ha melding om dette. All utskifting av utstyr skal vere basert på at verksemda tek i bruk beste tilgjengelege teknologi for å motverke ureining Eigarskifte Løyvet kan ikkje overdragast til andre utan samtykke frå Fylkesmannen. Ny eigar kan ikkje ha eller ta imot avfall ved anlegget utan avklaring med Fylkesmannen Nedlegging eller lengre driftsstans Dersom anlegget vert nedlagt, eller drifta vert stansa i meir enn ein 1 månad, skal løyvehavar melde frå til Fylkesmannen. Den ansvarlege skal gjere det som til ei kvar tid er naudsynt for å motverke fare for ureining. Dersom noko ved anlegget kan medføre ureining, eller det er avfall som kan verke skjemmande etter driftsstans, skal dette opplysast særskild. Fylkesmannen kan fastsetje nærare kva tiltak som er naudsynte for å motverke ureining og for å rydde opp i avfallet. Fylkesmannen kan pålegge eigaren eller brukaren å stille garanti for dekking av framtidige utgifter og mogleg erstatningsansvar. Ved nedlegging eller driftsstans skal verksemda syte for at avfall vert teke hand om på forsvarleg måte, mellom anna skal farleg avfall handterast i høve til gjeldande forskrift 6. Tiltak som vert gjennomførte i slike høve, skal rapporterast til Fylkesmannen innan 3 månader etter nedlegging eller driftsstans. Rapporten skal også innehalde dokumentasjon på korleis kjemikalierestar og ubrukte kjemikal har vorte disponert, og namn på eventuell(e) kjøpar/ar. 6 Avfallsforskrifta kapittel 11 om farleg avfall

10 Side 6 av 6 Ved oppstarting etter driftsstans skal den ansvarlege syte for at driftsstaden er i miljømessig tilfredsstillande stand. Han skal også gi melding til Fylkesmannen i god tid før oppstarting. Dette gjeld all aktivitet som kan medføre fare for ureining, eller som kan verke skjemmande.