Tilsyn ved Sunde Resirk AS, avd. Årdal - krav om retting av avvik vedtak om gebyr

Transkript

1 Ureiningstilsyn Inspeksjonsrapport Sakshandsamar: Grete Haugan Telefon: E-post: Vår dato Vår referanse 2010/14368 Rapportnummer I.FMSF Tilsyn ved Sunde Resirk AS, avd. Årdal - krav om retting av avvik vedtak om gebyr Rapporten omhandlar funn som kontrolløren kunne observere eller på annan måte fekk kjennskap til under tilsynet. Funn vert omtalt som avvik frå krav i ureiningslova med forskrifter, merknadar om forbetringspunkt eller andre forhold som kan vere viktig å omtale nærare. Rapporten omtalar også vedtak om kontrollgebyr. Tilstade under kontrollen Frå verksemda: Rolf Bentås Trude Gjermo Evy Brit Seglem Desse hovudtema vart kontrollert: Internkontroll (ytre miljø) Risikovurdering Utslepp til luft eller vatn Støy Løyvet med vilkår Forskriftskrav Anna: Bakgrunn for kontrollen: Frekvensbasert inspeksjon Frekvensbasert revisjon Kontrollaksjon Ny verksemd (ikkje kontrollert før) Nytt løyve (ikkje kontrollert før) Frå miljøvernavdelinga hos Fylkesmannen: Dagny K. U. Alvik Grete Haugan Avfallshandtering ordinært avfall Handtering av farleg avfall (merking, emballering, mellomlagring, levering) Handtering av kjemikal (klassifisering, merking, emballering) Sikkerheitsdatablad Substitusjon Oppfølging av eigenrapport Oppfølging av klage/hending/tips Oppfølging av siste kontroll Kartlegging Anna Hovudfunn frå kontrollen Det vart påvist 3 avvik og gjeve 1 merknad frå ureiningsregelverket. Melding om retting av avvik må vere sendt til Fylkesmannen innan Vi ber og om ei tilbakemelding på merknaden. Rapporten vert vurdert som endeleg dersom vi ikkje får attendemelding om faktiske feil eller mistydingar innan to veker atter at rapporten er motteke. Vedteke kontrollgebyr vert då send frå Miljødirektoratet for innbetaling til staten. Med helsing Gøsta Hagenlund ass. fylkesmiljøvernsjef Grete Haugan senioringeniør Brevet er elektronisk godkjent og er utan underskrift Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde post@fmsf.no Telefon: Postboks 14, 6801 Førde Internett: Telefaks: Telefon: Org.nr Telefaks:

2 2/5 Informasjon om verksemda: Namn på verksemda: Sunde Resirk AS, avd. Årdal Organisasjonsnr.: Eigd av: Stad og kommune: Utladalen, Årdal kommune Kontrolldato: Postadresse: Pb 193, 6882 Øvre Årdal Løyvedato og internt nr.: Risikoklasse: 3 ISO sertifisert EMAS-registrert Om kontroll frå ureiningstilsynet Kontrollen vart gjennomført ved gransking av dokument (skriftlege og elektroniske), ved intervju av leiing og sentralt plasserte personar i organisasjonen, og ved verifikasjon av at rutinar, prosedyrar og instruksar vert følgde i praksis. Rapporten inneheld omtale av kontrollen og dei avvik og merknader innan miljøvernavdelinga sitt forvaltningsområde som vart avdekt. Vi vil gjere merksam på at ikkje alle sider av verksemda som kan ha noko å seie for ytre miljø vart granska ved kontrollen. Verksemda må sjølv aktivt utøve internkontroll, avdekkje feil og manglar og iverksetje nødvendige tiltak. Definisjonar: Avvik Brot på krav som er fastsett i eller med heimel i helse-, miljø, og tryggleikslovgivinga. (Døme er brot på krav i ureiningslova eller produktkontrollova, forskrifter til lovene, utsleppsløyve, og verksemda sine eigne rutinar som er nødvendige for å stette styresmaktene sine krav.) Merknad Tilhøve som tilsynsetatane meiner det er nødvendig å peike på for å ivareta helse, miljø og tryggleik, og som ikkje vert omfatta av definisjonen for avvik. Brot på eigne rutinar som inneheld strengare krav enn lovkrava, kan verte omtala som merknad. Merknadar kan gje grunnlag for enkeltvedtak med krav om tiltak. Aktuelt regelverk LOV nr 06: Lov om vern mot forurensninger og om avfall (ureiningslova). FOR : Forskrift om systematisk helse-, miljø- og sikkerhetsarbeid i virksomheter (internkontrollforskrifta) FOR : Forskrift om gjenvinning og behandling av avfall (avfallsforskrifta) Vi gjer merksam på at oversikt over miljøloverket kan ein finne på eller vist til frå (sjå under regelverk). Dei viktigaste HMS-krava finn ein på nettstaden Reglane om gebyrinnkrevjing finn ein under kap. 39 i ureiningsforskrifta. Papirversjon av kapittelet kan de få hos Fylkesmannen Vi vil streke under at oppdatert oversikt over regelverk og fokus på vedvarande forbetringar vil på sikt styrke grunnlaget for sikker og lønsam drift. Vi vil nytte høvet til å takke for ein god gjennomgang og ønske lukke til vidare. Oppfølging etter kontrollen Verksemda pliktar å rette opp avvika som er omtalt i rapporten så snart som råd. Verksemda må også gå nøye gjennom merknadene og vurdere kva for tiltak som er aktuelle og nødvendige for å tilfredsstille krav etter HMS-lovgivingane. Merknader kan gi grunnlag for pålegg. For å kunne kontrollere at avvika er retta opp, ber vi om at verksemda skriftleg melder attende at tilhøve er kome i orden, og at ein gjer greie for dei gjennomførte tiltaka innan evt. dato/ar for planar for gjennomføring. Innan same dato ber vi om at verksemda gjer greie for sine

3 3/5 vurderingar og eventuelle utbetringar i tilknyting til våre merknader. Fylkesmannen ventar at verksemda legg ved dokumentasjon på gjennomførte tiltak. Fysiske endringar bør dokumenterast med foto. Orientering om tvangsmulkt Dersom verksemda ikkje innan rimeleg tidsfrist kan dokumentere at tiltak i høve til dei omtalte avvika er i verk sett, kan Fylkesmannen vurdere å fatte vedtak om tvangsmulkt. Ei eventuell tvangsmulkt vil verte vedteke med heimel i 73 i ureiningslova, men vil bli varsla nærmare før vedtak. Vedtak om gebyr for kontroll Verksemder skal betale gebyr for kontroll frå Fylkesmannen, i samsvar med 39-3 i ureiningsforskrifta. Gebyret skal dekkje kostnader med førebuing, gjennomføring og oppfølging av kontrollen. Gebyrsatsar for kontroll hjå verksemder med utsleppsløyve er fastsett i ureiningsforskrifta Verksemda er plasser i risikoklasse 3. Fylkesmannen varslar med dette at Sunde Resirk AS skal betale eit gebyr på kr ,- for den gjennomførte kontrollen. Offentlegheit av rapport Rapporten vil verte tilgjengeleg for innsyn via Fylkesmannen sitt elektroniske arkiv, jf. offentlegheitslova. Avvik Desse avvika vart påvist under kontrollen: Avvik 1 Verksemda har mangelfull internkontroll Avvik frå: Internkontrollforskrifta 5, 2.ledd nr.1-8. Mål for ytre miljø Verksemda må ha eit overordna mål for HMS-arbeidet. Det er viktig at verksemda også set seg årlege, konkrete delmål som gjeld ytre miljø og som de kan styre etter. Oversikt over verksemda sin organisasjon De har eit organisasjonskart som syner korleis verksemda er organisert, men det må oppdaterast. Det er viktig at de også får med korleis ansvar, oppgåver og myndigheit for arbeidet med helse, miljø og sikkerheit er fordelt. Risikovurdering De har tidlegare gjort ei risikovurdering på anlegget, men ikkje alle arbeidsprosessar har vore vurdert. Dette gjeld til dømes granuleringsmaskina for elektriske kablar. Det er viktig at alle aktivitetar som kan føre til forureining vert risikovurdert, og at dette vert dokumentert skrifteleg. Som oppfølging av risikovurderinga må det lagast ein handlingsplan med risikoreduserande tiltak. Det er viktig at ein set opp kven som er ansvarleg for tiltaka, og når det skal vere gjennomført.

4 4/5 Ei oppfølging etter risikovurdering og handlingsplan må også vere å utarbeide skriftlege rutinar for arbeidsprosessar som kan medføre risiko for uhell/ ureining. Etter førre inspeksjon ved anlegget er det utarbeidd ei skrifteleg rutine for handtering av farleg avfall. Denne må bli betre kjent i organisasjonen. Avvikshandtering Verksemda har eit system for avvikshandtering, men eksempel frå i år syner at det vesentleg vert nytta i forhold til kundar. De må ha eit avvikssystem for interne forhold på anlegget, og som også omfattar ytre miljø. Revisjon av internkontroll Når de har fått på plass ein internkontroll som passar til dykkar verksemd, er det viktig at de også med jamne mellomrom gjennomfører ein revisjon av internkontrollen for å sikre at den fungerer som føresett. Avvik 2 Ikkje alle krav i utsleppsløyvet er følgt opp Avvik frå: Avfallsforskrifta kap. 11. Prøvetaking frå oljeutskiljarar er ikkje i samsvar med krav i løyvet. Det vert teke prøvar av avløpsvatn frå oljeutskiljarane ein gong pr. år, medan utsleppsløyvet set krav om minimum fire gonger pr år. Analyseresultat for prøvar teke dei siste åra syner låge verdiar for olje i avløpsvatnet, langt under grensa på 50 mg/l. Dersom verksemda kan dokumentere at alle prøvar over lang tid syner låge verdiar, kan de søkje Fylkesmannen om at kravet til frekvensen for prøvetaking vert endra. Verksemda manglar dokumentasjon på at plastgranulat frå elektriske leidningar ikkje er farleg avfall Ved endringa i utsleppsløyvet vart det gitt løyve til bruk av granuleringsmaskin for å skilje kopar og plast i elektriske leidningar. Det vart presisert at dersom granulert isolasjon skal sendast til forbrenning, må det dokumenterast at dette ikkje er farleg avfall. Krav om årleg beredskapsøving er ikkje følgt opp. Det er krav i løyvet at ein skal etablere og vedlikehalde ein beredskap for å hindre, oppdage eller stanse akutt ureining. Beredskapen mot akutt ureining skal øvast minimum ein gong pr. år. Dette vart ikkje gjennomført øving i 2014, men er sett opp på handlingsplanen for Verksemda må ha ei rutine som sikrar at beredskapsøving vert gjennomført minst ein gong i året. Avvik 3 Mottakskontrollen av farleg avfall er ikkje god nok Avvik frå: Avfallsforskrifta kap. 11 Kontroll ved mottak av farleg avfall

5 5/5 Sunde Resirk AS har avtale med Årdal kommune om mottak av avfall frå privatpersonar, og anlegget er ope for private tre dagar i veka. I denne opningstida kan også næringsdrivande levere avfall. Det er ofte tilsette ute som kundane kan spørje dersom dei er i tvil om kvar ulike avfalltypar skal leverast, men det er ingen som har direkte kontroll med leveringa. Det er difor fare for at verksemder kan levere farleg avfall utan å levere deklarasjonsskjema ved å hevde at det er farleg avfall frå hushaldning. Ved mottak av farleg avfall frå næringsdrivande skal Sunde Resirk AS sjå til at avfallet er deklarert. Dersom ein leveranse inneheld fleire avfallstypar, må det vere minst ein deklarasjon for kvar avfallstype. Verksemda som leverer farleg avfall er sjølv ansvarleg for at deklareringa er utført korrekt. Dersom dette ikkje er gjort må Sunde Resirk AS gi tilstrekkeleg informasjon. Særskild liste bør førast over verksemder som ikkje deklarerer korrekt. Kontroll ved mottak av byggavfall Det er ikkje lagt til rette for utsortering av byggavfall som kan vere farleg avfall på miljøstasjonen. Døme på dette er vinylgolvbelegg som inneheld ftalater, røyrisolasjon som inneheld bromerte flammehemmarar mm. Verksemda må leggje til rette for god sortering av byggavfall som kan vere farleg avfall, og handtere dette forskriftsmessig vidare. Merknader Følgjande tilhøve ga grunn til merknad under kontrollen: Merknad 1 Merking av farleg avfall for vidaresending kan betrast Inne i hallen var det lagra fleire IBC-containarar med farleg avfall som var klart for sending til mottakar. Det var merka på veggen over kva type avfall som var lagra der, men IBC-ane var ikkje merka med avfallsnamn, avfallsnr og deklarasjonsnr. Dette bør gjerast etter kvart som dei vert fylt. Andre forhold Deklarering av farleg avfall frå anlegget på Kaupanger Verksemda har i dag felles organisasjonsnr og bedriftsnr for anlegget i Årdal og anlegget på Kaupanger. Dette fører til at farleg avfall som vert levert (som produsent) frå anlegget på Kaupanger, t.d. katalysatorar og batteri, vert registrert på anlegget i Årdal. Vi har vore i kontakt med Miljødirektoratet med spørsmål om korleis dette kan gjerast for å sikre ei betre registrering. Vi har fått tilbakemelding om at dette ikkje kan endrast med dagens system, men når elektronisk deklarasjon vert teke i bruk kan ein registrere to ulike adresser på same org.nr slik at avfallet vert registrert på rett lokalitet. Avfall frå næringsverksemd kan bli levert som privat avfall Gjennom avtale med Årdal kommune tek Sunde Resirk AS imot avfall frå privatpersonar gratis. Næringsdrivande skal betale for levering av avfall. I opningstida for private er det oftast tilsette i nærleiken av mottaket, men det er ikkje noko oppfølging av levering frå private vs næring. Dette kan lett føre til at mykje avfall frå næring kan bli levert gratis og registrert som hushaldningsavfall.