Bakgrunn for og forklaring til utsleppsløyve for handtering av avfall i Sløvåg av SAR as - gebyr for sakshandsaming

Transkript

1 Sakshandsamar: Gøsta Hagenlund Vår dato Vår referanse Telefon: / E-post: Dykkar dato Dykkar referanse SAR as P.b TANANGER Bakgrunn for og forklaring til utsleppsløyve for handtering av avfall i Sløvåg av SAR as - gebyr for sakshandsaming Fylkesmannen gir løyve etter ureiningslova til handtering av avfall i Sløvåg til SAR as. Løyvet omfattar vilkår for handtering av ordinært avfall og farleg avfall. Løyvet med tilhøyrande vilkår vert send saman med denne oversendinga. Dokumenta må sjåast i samanheng. Dette dokumentet gir bakgrunn for saka, grunngjeving for vedtak og nærare tolkingsgrunnlag for dei juridiske vilkåra (rang som lovtekst for verksemda) i løyvedokumentet. Forvaltninga sitt arbeid med utsleppsløyve er omfatta av ei gebyrordning, og verksemda vil få betalingskrav i etterkant. Vi viser til søknad frå SAR as datert med tillegg og Søknaden har vore førehandsvarsla og på høyring i tida Når vurdering av søknad endar som her - med utsleppsløyve til aktivitet, vert vedtaket send ut som to skriv: Dette oversendingsbrevet og løyvedokumentet. Oversendingsbrevet omtalar bakgrunn for saka og søknadsprosessen. Det gir nærare grunngjeving for vedtaket og enkelte vilkår, og må nyttast som tolking av nærare krav i enkelte av vilkåra. I vedlagte skriv (løyvedokumentet) gir Fylkesmannen utsleppskonsesjon (utsleppsløyve) på omtalt stad og for nærare avgrensa aktivitet. Merk at både vilkår og vedlegg til løyvedokumentet er ein del av dei juridiske krava til verksemda. Verksemda må leggje dokumenta til grunn for all dagleg drift som kan omfatta ytre miljø, og som viktig føring for utarbeiding og oppfølging av internkontroll. Saksframstilling SAR as har behov for anlegg som kan ta imot, fråsortere, lagre og vidaresende forsvarleg til godkjente mottak (slutthandsaming eller gjenvinning) både ordinært næringsavfall og farleg avfall. Fylkesmannen har i tillegg oppmoda SAR as og Gulen kommune å greie ut om SAR as også kan ta imot mindre mengder farleg avfall frå hushaldningar og mindre næringar i området, og eventuelt om det høver å kunne ta imot ordinært avfall frå hushaldningar i området. Gulen kommune stettar ikkje kravet Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: Postboks 14, 6801 Førde Internett: Telefaks: Telefon: Org.nr Telefaks:

2 FYLKESMANNEN I SOGN OG FJORDANE 2/9 i kap. 11 i avfallsforskrifta om å ha eit tilstrekkeleg tilbod for mottak av slikt farleg avfall, jamvel om samarbeidet med NGIR om mobilt mottak er eit godt supplement til eit fast anlegg. Verksemda vil drive ein aktivitet som stettar dei sentrale prinsippa i avfallshierarkiet. Avfall vert henta frå eller levert av næringsliv og vert handtert for å auke materialeller energiverdien, og for å redusere ulempe og kostnadar med transport til endeleg slutthandsaming. Etter handtering her, kan vidare disponering variere. Ombruk eller materialgjenvinning av verdfulle material eller stoff som har ein verdi, kan føre til at avfallet eller fraksjonar i avfallet kan nyttast til nye material eller som råstoff til produksjon av nye material/stoff. Avfallsfasen opphøyrer med dette, og materialet/ stoffet må vidare handterast i samsvar med kap. 18A (etter kvart som reglane i dette kapittelet vert innført). Når material/stoff som har opphøyrd å vere avfall vert handtert på anlegget, gjeld vilkår så langt materialet/stoffet kan verke skjemmande eller føre til fare for ureining. Avfall som ikkje vert materialgjenvunne, må vurderast for energiutnytting. Berre restavfall som etter føregåande behandling ikkje lett eller på samfunnsøkonomisk måte kan nyttast vidare, kan vurderast sluttdisponert (som her vil seie å deponere avfall på avfallsplass eller brenne det utan energiutnytting). Etter fråsortering og eigen handtering er det lite til svært lite avfall som må leverast til sluttdisponering. Verksemda har ikkje sjølv område eller anlegg for sluttdisponering. Verksemda handterer også farleg avfall, som på grunn av fare for skade på helse og miljø må takast særskild hand om. Det er svært viktig at denne type verksemder kan ta imot alt farleg avfall som er omtalt i kap. 11 i avfallsforskrifta, og at dei bidreg til å få sortert ut og teke forsvarleg hand om slikt avfall frå alle avfallsprodusentane i forretningsområdet. Førehandsvarsling og offentleg høyring Søknaden vore førehandsvarsla og lagt ut til offentleg gjennomsyn, jf i ureiningsforskrifta. Det har ikkje kome formelle merknadar til søknaden. Miljøpåverknad frå aktivitetane Avfallshandtering vil gje fleire ulike miljøpåverknader. Anlegget vil ta imot, sortere, omemballere og lagre avfall for å få gunstige transportmengder og tilstrekkeleg reine fraksjonar. Handteringa vil føre til støy, og fare for skjemmande innsyn, samt støv og avrenning i visse periodar. Avfall kan også verte ført med vind utafor anlegget. Noko av avfallet kan ikkje lagrast i noko særleg tid på grunn av lukt. Ved handtering av avfall kan maskinar ha uhell frå oljeutslepp, eller tilgrisa (med olje) avfall kan lekke oljehaldig vatn. Slikt vatn skal førast til oljeutskiljar. Av di avfall kan verke skjemmande, vert det sett krav om innbygging / inngjerding av anlegget. Fylkesmannen sine vurderingar og grunngjeving for fastsette vilkår Fylkesmannen har ved avgjerda av om løyve skal gjevast og ved fastsetjinga av vilkåra lagt vekt på dei ureiningsmessige ulemper ved tiltaket samanhalde med dei fordelane og ulempene som tiltaket elles vil føre med seg. Ved fastsetjinga av vilkåra

3 FYLKESMANNEN I SOGN OG FJORDANE 3/9 har Fylkesmannen vidare lagt til grunn kva ein kan nå med beste tilgjengelege teknikkar. Løyvet omfattar både ordinært avfall og farleg avfall som kan handterast i samsvar med vilkåra i løyvet. Løyvet medfører plikt å ta imot alt farleg avfall som kundane ønskjer å levere. Det omfattar likevel ikkje dei farlege avfallstypane som andre styresmakter har tilsynsansvar for (omtalt i vedlegg 2 til løyvet). SAR as må sjølv avklare med vedkomande styresmakt om og eventuelt korleis slikt avfall skal kunne handterast. Framleis er heller ikkje nye rammevilkår for avfallshandtering klare (per juli 2015), men vi ventar endringar i kap. 9 i avfallsforskrifta og kap. 36 i ureiningsforskrifta. I vedlagte løyvedokument er det teke omsyn til endringane så langt vi ser per i dag, men innafor eksisterande regelverk. Vi vil streke under at all ureining frå og innsyn til anlegget frå offentleg område isolert sett er uønskt. Faktorane som vi vurderer har størst innverknad på miljøet, er regulerte gjennom dei spesifikke vilkåra. Utslepp som ikkje er regulert på denne måten, er omfatta av løyvet så langt opplysningar om slike utslepp vart lagde fram i samband med saksbehandlinga eller må reknast som kjende på anna måte då vedtaket vart gjort. SAR as pliktar å halde alle utslepp på eit lågast mogleg nivå, og pliktar å rydde opp i eventuell ureining eller forsøpling så snart som råd, jf. dei generelle pliktane som følgjer av 7 og 28 i ureiningslova. Vi gjer spesielt merksam på at mange krav går direkte fram av lov/forskrift og er ikkje gjentekne i det vedlagte løyve. Når enkelte lovkrav er spesielt nemnde, har vi meint å informere om spesielt viktige krav, og i nokre høve presisere og tilpasse generelle reglar til anlegget. Ved tvil om tolking gjeld krav i lovverket over vedtak i løyvet, dersom lovteksten ikkje gir styresmakta heimel til særskild unntak eller skjerping. Nettstaden gir oversikt over dei viktigaste ureinings- og avfallshandteringskrav til ei lang rad verksemder i Norge. Plassering i risikoklasse i samsvar med 39-6 har mest å seie for når verksemda kan rekne med frekvensbasert, normal oppfølging frå tilsynsstyresmakta. Risikoklasse 3 vil seie at med noverande ressurstilfang for Fylkesmannen, må verksemda rekne med rutinekontroll på staden kvart 3. år. Kvar andre av slike kontrollar kan verte gjennomført som meir grundig kontroll over fleire dagar. Kostnaden (gebyr til staten) for kontroll som varar inntil ein dag går fram av 39-6 i ureiningsforskrifta. Satsane kan verte endra årleg. Kostnaden med fleirdagskontroll vil vere avhengig av behov for ressursbruk hos Fylkesmannen, innafor satsane som er omtalt i Satsane kan verte endra årleg. I tillegg må verksemda rekne med kontroll etter ulukke, hendingar som kan ha noko å seie for det ytre miljøet eller i samband med nasjonalt koordinerte kontrollaksjonar. Det er lagt inn ein rad handteringskodar i vilkår 1. Kodane finn ein i utkast til nytt kap. 36 i ureiningsforskrifta - som igjen viser til komande endring av kap. 9 og 11 i avfallsforskrifta. Grensene som er omtalt i vilkår 1 omtalar ulike aktivitetar på anlegget etter venta ny inndeling av vedlegg 1 til endra kap. 36 i ureiningsforskrifta. Aktivitet som er større enn omtalte grenser eller har kapasitet til aktivitet som er

4 FYLKESMANNEN I SOGN OG FJORDANE 4/9 høgare enn omtalt, vil verte omfatta av skjerpa krav når kap. 36 vert endra. Vi har vald å omtale grensene i vilkåra, men har ikkje fullt ut teke inn mogelege eller venta krav som ikkje er vedteke i lovverket. SAR bør likevel merke at venta endring av kap. 36 kan føre til at mellom anna vilkår 2.2 om "beste tilgjengelege teknikkar" inneber at BAT-referanse dokument vert meir bindande for omfatta aktivitet. Krav til internkontroll går fram av eige forskrift og plikta er presisert i vilkåra. Kravet føreset ein rad tiltak. Behovet for skriftleg dokumentasjon og oppfølging vil vere tydlegare for verksemda etter risikokartlegging av aktivitetar som kan ha følgjer for det ytre miljøet. Risikovurdering, eigne mål, handlingsplanar og skriftlege rutinar er sentrale dokument for HMS-styresmaktene sine tilsyn med verksemda. Merk at brot på løyvet (vilkåra) eller andre reglar etter ureinings- og avfallsregelverket må handsamast som avvik. Mottak av avfall om ikkje er omfatta av løyvet eller på annan måte ikkje er tillate å ta i mot, må også handsamast som avvik. Slikt avfall må snarast råd leverast til godkjent mottak og rett tilsynsstyresmakt bør ha særskild melding. Generell informasjon om internkontrollforskrifta er også teke inn til slutt i dette skrivet. Nærmiljøet skal vere sikra mot ulempe. Nokre typiske sikringstiltak som gjerde, låsing, bekjemping av skadedyr, skadelege plantar, tiltak mot støy og støv, med meir er omtalte i vilkåra. Plikta til sikring er likevel vidare enn dei spesifikt omtalte vilkåra, og må sjåast i samanheng med krav som vert utløyste etter internkontrollforskrifta. Løyvehavaren pliktar alltid å halde sorteringsanlegget og områda omkring, inkludert nærmaste tilførslesvegar fri for forsøpling. Ryddeaksjonar må gjennomførast etter behov. Mellom anna bør ein ha skriftleg rutine for umiddelbar/løpande opprydding. Tiltak må heile tida vurderast opp mot det som er mogeleg basert på beste tilgjengelege teknikkar, risikovurderinga og samspel med representantar for nærmiljøet. Døme på tiltaksområde kan vere lys, lukt, støv, høgd/storleik sikringsvoll, spesifikk støydemping eller driftstider for spesiell støyande/støvande aktivitet. Løyvet inneheld fleire særskilde krav til informasjon. Generelt skal SAR informere tilsynsstyresmakta om drift med vidare, men skal også informere ålmenta årleg om miljøpåverknadar. Kvar kunde skal ha informasjon om kva for avfallstypar som kan leverast og kva for sorteringsordningar som bør gjennomførast. For tida er det også særleg viktig å informere godt om sorteringskrava for bygg- og anleggsavfall. Krav til kompetanse om handtering av farleg avfall er skjerpa inn i samsvar med tilsvarande krav til denne type verksemder. Med tilknytt kjemikompetanse som omtalt i vilkår 3.1 meiner vi ikkje at verksemda må ha tilsett person på staden, men SAR må kunne vise til avtale med firma / person med formell kompetanse om farlege eigenskapar ved avfall og korleis dette må handterast på lovleg måte. Mottak av avfall skal følgje hovudprinsippa i nasjonale føringar i avfallshierarkiet. Prinsippet er også vidareført som krav i løyvet. SAR skal ha system som sikrar at fråsortert avfall tilfredsstiller krav som følgjer av etablerte ordningar for materialgjenvinning av avfall. Dersom det vert oppdaga avfall som ikkje lovleg kan deponerast, må dette sorterast frå og gjevast ei lovleg handtering. Avfallet kan berre

5 FYLKESMANNEN I SOGN OG FJORDANE 5/9 returnerast til leverandør dersom det er sannsynleg at avfallet får lovleg handtering, eller så raskt som mogleg vert transportert til godkjent mottak i samsvar med ADRreglane. Leverandøren og Fylkesmannen skal varslast om feilleveringa. Lagring av avfall bør så langt råd berre skje på tett flate og som hovudregel under tak. Mottak av større einingar eller større mengd einsarta avfall som kreosot- eller CCA-impregnert materiale, metall og liknande kan ein av praktiske grunnar likevel mellomlagre ute. Det vert venta at slik lagring skal vere så kort som praktisk råd innafor rammene i løyvet. Aktiviteten er venta å gje lite avrenning til sjø. Dersom større mengd avfall vert lagra ute i nokon tid, kan likevel utslepp vere påvisbar. Slik avrenning er føresett halde på eit minimum. Krav til tanklagring går i det vesentlege fram av kap. 18 i ureiningsforskrifta. I løyvedokumentet er berre utdrag av dei viktigaste reglane presisert. Lokaliseringa er gunstig i høve til støyfølsamt nabolag, og det er ikkje venta støykonfliktar med noverande arealdisponeringar Alle verksemder brukar kjemikal i større eller mindre mengder. Kjemikal kan ein omtale som eit kvart stoff eller stoffblanding som er framstilt av menneske, eller vunne ut/samla opp og tiltenkt spesifikk bruk. Det er utvikla eit omfattande, felles europeisk regelverk (REACH) for kjemikal som kan ha helse- eller miljøeffekt. Regelverket for reine stoff er snart ferdig innført i Europa, og for stoffblandingar kjem det meste på plass i SAR må sjølv syte for å kontrollere at eigen bruk av kjemikal er i samsvar med regelverket, og at hovudkrava er godt kjende av alle som handterer/brukar kjemikal på verksemda. Særleg viktig er verksemda si kunnskap om sikkerheitsdatablad, REACH-regelverket, disponering som avfall/farleg avfall og utbytting til mindre skadelege kjemikal (substitusjon). Merk at ved tilsyn vil vi mellom anna kontrollere at kunnskapen om databladet er tilstrekkeleg, og at bruk og sluttdisponering er forsvarleg. Vilkåret om kjemikal (vilkår 7) presiserer at kjemikal som vert nytta mellom anna må ha rett produktopplysningar i seksjon 12 (økologiske opplysningar) der kjemikal som er miljøfareklassifisert skal ha økotoksikologiske data som forklarar miljøfareklassifiseringa til kjemikalet seksjon 13 (instruksar ved disponering) der det skal spesifiserast at kjemikal skal disponerast som farleg avfall (leverast særskilt i farleg avfall systemet med rett deklarering) dersom kriteria vert oppfylt seksjon 15 (opplysningar om regelverket) der tilvising til norsk regelverk må gå fram. Kjemikal som ikkje verksemda lenger kan nytte, eller som ingen lenger kan nytte til sitt opphavlege føremål, må leverast som avfall i samsvar med kapittelet i sikkerheitsdatabladet om disponering (kapittel 13). Dei fleste kjemikal som inneheld helse- eller miljøfarleg stoff og som vert avfall, må leverast som farleg avfall. For tida er kriteria som krev at avfallet må handterast som farleg avfall under endring. Verksemda må såleis nøye følge med på eventuelle endringar, halde seg med oppdaterte sikkerheitsdatablad (på norsk) og syte for at oppdatert dokumentasjon finst i internkontrollen for det ytre miljøet.

6 FYLKESMANNEN I SOGN OG FJORDANE 6/9 Tilhøva til naturmangfaldlova og vassforskrifta I tillegg til retningslinene i ureiningslova, er også prinsippa i 8-12 naturmangfaldlova lagde til grunn for vår vurdering. Arealbruken er i samsvar med endeleg vedtak etter plan- og bygningslova, og er opparbeidd til industriføremål. Naturmangfald vert difor i liten grad omfatta av denne utvidinga, og nærare vurderingar etter 9 12 er vurdert å vere unødvendig. Omsyn til miljøet er forsøkt ivareteke så langt det er mogeleg med fastsetjing av vilkåra for drifta. Det er ikkje grunn til å tru at utslepp frå verksemda vil kunne føre til lågare tilstand enn god i vassførekomsten Sløvåg (Vann-nett ID C). Fylkesmannen vurderer at dei samla miljø- og helsemesige konsekvensane av utsleppa med dei vilkåra som er sette, vil vere akseptable. Konklusjon På bakgrunn av søknaden og etter ei heilskapleg vurdering av miljømessige, tekniske og økonomiske forhold vurderer Fylkesmannen at utsleppskonsesjon (utsleppsløyve) med dei tilhøyrande vilkåra som omtalt i løyvedokumentet kan gjevast. Vi har samle løyvekrava for aktivitetane handtering av farleg avfall og handtering av ordinært avfall i eitt dokument, for å gje ei betre samla oversikt over ureiningskrav til drifta. Der krav til handtering av farleg avfall og ordinært avfall er ulike, er det tydeleg markert i løyvedokumentet. Løyvedokumentet (utsleppskonsesjon) vert sendt saman med dette skrivet. Dei juridiske krava som elles ikkje går fram av lov- og forskriftsverket, eller som er presisert eller innskjerpa i høve til det generelle regelverket, er samla i løyvedokumentet. Fristar Tabellen nedanfor gir oversikt over fristar for gjennomføring av tiltak som løyvet krev: Tiltak Frist Tilvising til vilkår Miljørisikoanalyse og internkontroll bør vere på plass ved 2.3 oppstart, og må oppdaterast minst årleg Informasjon til kundar Kvar nye, elles jamleg 3.3 Lagringstid ordinært avfall Maks. 12 månadar 3.4 Lagringstid farleg avfall Maks. 6 månadar, mndr. for avfall nemnd i vedlegg 3 Prøvetaking av olje i oljeutskiljar Min. 2 gonger per år 4.2 Dokumentasjon på støy Etter nærare krav frå Fylkesmannen 6.1

7 FYLKESMANNEN I SOGN OG FJORDANE 7/9 Vurdere utbytting av miljøfarlege Min. årleg 7 kjemikal (substitusjon) Øving av beredskap Min. årleg 9 Rapportering til Fylkesmannen Årleg innan 1.4 eller særskild frist det enkelte året 10 Økonomisk sikkerheit for handtering av farleg avfall Før farleg avfall vert teke 12.1 i mot Oversikt over miljøpåverknad frå aktiviteten Årleg til ålmenta Miljøinformasjonslova Vedtak om gebyr Fylkesmannen si handsaming av søknader om nytt eller endra utsleppsløyve er omfatta av ei gebyrordning, jf. kap. 39 i ureiningsforskrifta. Vi viser til varsel om gebyrplikt datert , og vedtek med dette at verksemda må betale eit gebyr til staten på kr ,- for Fylkesmannen si handsaming av søknaden, jf sats 4 i ureiningsforskrifta. Faktura vert sendt ut seinare av Miljødirektoratet. Gebyret forfell til betaling 30 dagar etter mottak av faktura. Ressursbruk knytt til saksbehandlinga er lagt til grunn ved fastsetjinga. Vi har rekna med kostnadar medgått for gjennomgang av saksdokument, interne og eksterne møte, kontakt med søkjar, gjennomføring av høyring og ferdigstilling av vedtak. Kostnadar verksemda har hatt til annonsering m.m. er ikkje medrekna. Generelle føresetnader for løyvet og informasjon om regelverket Internkontroll Forskrift om systematisk helse-, miljø og sikkerhetsarbeid (internkontrollforskrifta) er eit felles regelverk for tilsynsetatane som er kjent som HMS-etatane. Regelverket og korleis ein generelt må arbeide for å stette krava, er nærare omtalt på Krava om tiltak for ytre miljø (tiltak for vern mot ureining og ei betre handtering av avfall) gjeld alle verksemder som har minst ein tilsett. Plikta til internkontroll som gjeld det ytre miljøet er difor presisert i vilkåra. Forskrifta omtalar kva for oppfølging av krav som må dokumenterast skriftleg, og korleis ein bør organisere arbeidet. Den skriftlege dokumentasjonen må tilpassast type og omfang av ulike aktivitetar. Arbeid som ikkje er grunna på gjennomført, skriftleg og oppdatert risikovurdering med oppfølgande handlingsplan, vil ikkje stette minimumskrava i forskrifta. Verksemda må også sikre skriftlege rutinar for førebyggande vedlikehald av alt utstyr og produksjonsprosessar som kan føre til utilsikta utslepp. Driftsinstruksar og driftsjournalar må førast for alle prosessar og aktivitetar som vil ha noko å seie for det ytre miljøet. Det må t.d. også etablerast, vedlikehaldast og konkretiserast eigne mål for internkontrollarbeidet, dei tilsette må medverke og det må lagast og vedlikehaldast plan for kompetanseutvikling når det gjeld ytre miljø. Merk at det framleis er ei vanleg mistyding å berre omtale krav etter internkontrollforskrifta som gjeld indre miljø (dvs. arbeidsmiljøet) som HMS-krav (helse miljø sikkerheit), medan tilsvarande HMS-krav etter internkontrollforskrifta

8 FYLKESMANNEN I SOGN OG FJORDANE 8/9 som gjeld ytre miljø (ureining og avfallshandtering) vert omtala på annan måte. Vi vil såleis generelt presisere at HMS-krav etter internkontrollforskrifta gjeld fullt ut for det ytre miljøet. Endring eller tilbakekalling av løyvet Fylkesmannen kan gjere endringar i dette løyvet med heimel i 18 i ureiningslova. Endringar skal vere grunna på skriftleg saksbehandling og ei forsvarleg utgreiing av saka. Ein eventuell endringssøknad må difor liggje føre i god tid før endring kan gjennomførast. Tilsyn Verksemda pliktar å la representantar for ureiningsstyresmaktene eller den som desse gjev fullmakt, få inspisere anlegget til ei kvar tid jf. ureiningslova kap. 7. Tvangsmulkt, straff Brot på løyvet er straffbart etter ureiningslova 78 og 79. Også brot på krav som følgjer direkte av ureiningslova og produktkontrollova, samt forskrifter fastsett i medhald av disse lovene, er straffbart. Brot på ureiningsregelverket er som hovudregel underlagt offentleg påtale. Ureiningsstyresmakta vil likevel til vanleg krevje straff for alvorlege eller gjentekne brot på regelverket. For andre brot på regelverket og som verksemda ikkje straks/innan rimeleg tid rettar opp, kan Fylkesmannen gje pålegg om igangsetjing av tiltak, jf. ureiningslova 7, siste ledd. Dersom pålegget ikkje vert følgt opp vil til vanleg Fylkesmannen gjere vedtak om tvangsmulkt til staten jf. 73. Hastar det å gjennomføre nødvendig tiltak kan Fylkesmannen også sørgje for igangsetjing av tiltak for den ansvarlege si rekning, jf. ureiningslova 74. Erstatningsansvar At ureininga er tilleten, fritek ikkje verksemda frå eventuelle erstatningsansvar for skade, ulemper eller tap som følgje av ureininga, jf. ureiningslova 10 og kap 8 (spesielt 56), og grannelova 6, 7 og 8. Dette løyvet fritek ikkje søkjaren for ansvar etter anna lovverk som gjeld for denne verksemda, t.d. arbeidsmiljø-, helse- og brannvernreglar. Klagerett Vedtaket også plassering i risikoklasse, kan klagast på til Miljødirektoratet av partane i saka eller andre med rettsleg klageinteresse innan 3 veker etter melding om vedtak er kome fram eller frå vedkommande fekk eller burde skaffa seg kjennskap til vedtaket. Ein eventuell klage skal oppgje nærare kva det vert klaga på og den eller dei endringane som ein ønskjer. Klagen bør grunngjevast, og andre opplysningar som har noko å seie for saka bør nemnast. Klagen skal sendes til Fylkesmannen. Ein eventuell klage fører ikkje automatisk til at gjennomføringa av vedtaket vert utsett. Fylkesmannen eller Miljødirektoratet kan etter oppmoding eller av eige tiltak avgjere at vedtaket ikkje skal gjennomførast før klagefristen er ute eller klagen er avgjort. Avgjerda av spørsmålet om gjennomføring kan ikkje påklagast.

9 FYLKESMANNEN I SOGN OG FJORDANE 9/9 Med visse avgrensingar har partane rett til å sjå sakens dokumenter. Nærare opplysningar om dette kan ein få ved å vende seg til Fylkesmannen. Andre opplysningar om reglar som har noko å seie for saka vil Fylkesmannen også kunne gje på førespurnad. Offentleggjering av løyvet Vedtaket vert kunngjort offentleg for dykkar rekning, jf i ureiningsforskrifta. Kunngjeringa vil innehalde ei kort orientering om løyvet, kvar ein kan vende seg for å få innsyn i saksdokumenta, og opplysningar om klageinstans og frist for ev. klage på vedtaket. Løyvet vert også publisert på Fylkesmannen si nettside.. Med helsing Nils E. Yndesdal fylkesmiljøvernsjef Gøsta Hagenlund ass. fylkesmiljøvernsjef Brevet er godkjent elektronisk og har derfor ikkje underskrift. Sendt saman med dette brevet: Utsleppsløyvet med vilkår Kopi til: Miljødirektoratet Gulen kommune NGIR

10 Løyve etter ureiningslova for handtering av avfall i Sløvåg i Gulen kommune SAR as Løyvet er gitt i medhald av lov om vern mot forurensninger og om avfall av 13. mars 1981 nr. 6 (ureiningslova), 11 jf. 16, 29, 11-6 i forskrift om gjenvinning og behandling av avfall av (avfallsforskrifta). Løyvet er gitt på grunnlag av opplysningar gitt i søknad av , med tillegg og , og opplysningar framkome under behandlinga av søknaden. Verksemddata Anlegg SAR as Sløvåg Verksemd SAR as Adresse, poststad Besøksadresse p.b. 83, 4098 Tananger Sløvåg industriområde Kommune og fylke Gulen i Sogn og Fjordane Gards- og bruksnr. 63/42 UTM midtpunkt Org. nummer (føretak/eigd av) Org.nr. (verksemd) NACE-kode Venta kategori Behandling og disponering av ikkje-farleg avfall Behandling og disponering av farleg avfall Nyttiggjøring av fråsortert material (5.1 Anlegg for disponering eller gjenvinning av farleg avfall) (5.3 Anlegg for disponering av ufarleg avfall) (5.5 Mellombels lagring av farleg avfall) Fylkesmannen sine referansar Arkivkode Anleggsnummer Aktivitet Løyvenummer Risikoklasse 2 14/ ordinært avfall farleg avfall ordinært avfall farleg avfall T 3 Løyve gitt: Endringsnummer: Denne endringa: Nils Erling Yndesdal fylkesmiljøvernsjef Brevet er godkjent elektronisk og har derfor ikkje underskrift. Kopiadressatar: Sjå liste i oversendingsbrevet. Gøsta Hagenlund ass. fylkesmiljøvernsjef 1 Jf. ureiningsforskrifta kap 36, vedlegg 1 om behandling av tillatelser etter forurensningsloven 2 Jf. ureiningsforskrifta kap. 39 om gebyr til statskassen for arbeid med tillatelser og kontroll etter ureiningslova. Kap. 39 er under endring, men ikkje vedteke når dette løyvet vart avgjort. Hovudkontor Landbruksavdelinga E-post og heimeside Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: Postboks 14, 6801 Førde Internett: Org.nr Telefon:

11 Side 2 av 21 Innhald 0. Føresetnader 3 1. Handtering og rammer 3 2. Generelle krav Plikt til å redusere ureining så langt som mogleg Best tilgjengeleg teknologi (BAT-tiltak) Internkontroll, HMS-dokumentasjon for ytre miljø Tiltak ved auka ureiningsfare eller unormale driftsforhold Nærmiljø Handtering av avfall Bemanning og kompetanse Mottak og journalføring Informasjon til kundar Ordinært avfall Farleg avfall Eige avfall Utslepp til grunn og vatn Tankar for flytande kjemikal eller avfall Utsleppsgrenser Overflatevatn Utslepp til luft Utslepp av lukt Utslepp av støv Utslepp frå forbrenningsanlegg med reine brensel Støy Utsleppsgrenser Dokumentasjon på støynivå Kjemikal Energileiing Beredskap mot akutt ureining o.l Rapportering og informasjon Økonomisk sikkerheit Finansiell garanti Krav til rekneskap ved lagring av farleg avfall Større endringar Utskifting av utstyr Eigarskifte Nedlegging eller lengre driftsstans VEDLEGG 1 - Liste over prioriterte stoff, jf. vilkår VEDLEGG 2 - Definisjonar 18 VEDLEGG 3 Avfallstypar som kan lagrast i inntil 1 år 20 VEDLEGG 5 Innhald i årsrapport 21

12 Side 3 av Føresetnader Løyvet gjeld frå den datoen Fylkesmannen kunngjer løyvet. Løyvet gjeld berre saman med dei vilkåra som er gitt i dette dokumentet. Vilkåra er særskilde juridiske krav til verksemda. Utfyllande kommentar til enkelte av vilkåra står i oversendingsbrevet, og dokumenta må lesast i samanheng. Nokre viktige omgrep er nærare forklart i vedlegg. Dersom verksemda ynskjer å gjere endringar i høve til opplysningar som er gitt i søknaden eller under saksbehandlinga, og desse endringane kan ha noko å seie for utforming av vilkår eller verknad for miljøet, må endringane avklarast skriftleg med Fylkesmannen på førehand. Dersom heile eller vesentlege delar av løyvet ikkje er tatt i bruk innan 3 år etter at løyvet er gitt, skal verksemda sende Fylkesmannen ei utgreiing slik at vi kan vurdere eventuelle endringar, attendetrekking eller utferding av nytt løyve. Anlegget har kapasitet til å lagre farleg avfall med total kapasitet meir enn 50 tonn før avfallet vert gjenvunne eller sluttbehandla. Anlegget har også kapasitet til å behandle farleg avfall i form av blanding eller ompakking med kapasitet meir enn 10 tonn per dag. Anlegget har kapasitet til å førebu ordinært avfall for gjenvinning eller sluttbehandling med kapasitet meir enn 50 tonn per dag. Anlegget har også kapasitet til å førebu ordinært avfall for forbrenning eller samforbrenning med kapasitet meir enn 75 tonn per dag. 1. Handtering og rammer Løyvet gjeld ureining og ulempe som følgje av handtering av ordinært avfall og farleg avfall. Årleg mengd er avgrensa til: Ordinært avfall* Farleg avfall Årleg mengd innvegd avfall tonn tonn Årleg mengd innvegd ureina massar** Herav maksimalt mellomlagra på tonn tonn anlegget, fast avfall Herav maksimalt mellomlagra på anlegget, flytande avfall m 3 * I desse mengdene inngår ikkje objekt/utstyr som vert levert/selt for ombruk. ** Ved behov for enkeltleveringar av ureina massar, kan Fylkesmannen, etter søknad, samtykke i mottak i det enkelte høvet. Handtering av avfall frå hushald kan berre finne stad etter skriftleg avtale med vedkomande kommune eller interkommunalt avfallsselskap

13 Side 4 av 21 Handteringa av ordinært avfall gjeld sluttbehandling og gjenvinning eller førebuing til slik handtering i dei nærare oppgitte operasjonane 3 Sluttbehandling D 13, D 14 og D15 som omfattar: inntransport, mottak, sortering, omemballering, lagring, omlasting og uttransport til godkjent mottakar. Handteringa omfattar ikkje anna behandling (til dømes biologisk eller termisk). Sluttdisponering (deponering) på staden kan ikkje finne stad. Gjenvinning R 5, R 12 og R 13 som omfattar: inntransport, mottak, sortering, kverning, nedklipping/skjering, omemballering, lagring, omlasting og uttransport til godkjent mottakar. Handteringa omfattar ikkje anna behandling (til dømes biologisk eller termisk). Ombruk av material/stoff på staden eller innsamling av avfall er ikkje omfatta av dette løyvet. Handteringa av farleg avfall gjeld sluttbehandling og gjenvinning eller førebuing til slik handtering i dei nærare oppgitte operasjonane Sluttbehandling D 13, D 14 og D15 som omfattar: mottak, sortering, omemballering, lagring inkludert samlagring, omlasting og transport til godkjent mottakar. Gjenvinning R 5, R 12 og R 13 som omfattar: mottak, sortering, omemballering, lagring inkludert samlagring, omlasting og transport til godkjent mottakar. Handteringa omfattar ikkje anna behandling av farleg avfall (m.a. fortynning, biologisk eller termisk). Vilkåra gjeld også for handtering av produkt som har opphøyrd å vere avfall etter kriteria i kapittel 18A i avfallsforskrifta, så langt det kan verke skjemmande eller vere ein fare for ureining. 2. Generelle krav 2.1. Plikt til å redusere ureining så langt som mogleg Verksemda må arbeide kontinuerleg for å hindre at ureining oppstår eller aukar, for å avgrense ureining og for ei best mogeleg avfallshandtering. Jamvel om utsleppa vert haldne innafor fastsette utsleppsgrenser, pliktar verksemda å redusere sine utslepp så langt dette er mogleg utan urimelege og uforholdsmessige kostnader. For å unngå, eller avgrense ureining og avfallsproblem, skal de nytte den teknologien som ut frå ei samla vurdering også av økonomiske tilhøve, gir dei beste resultata for noverande og framtidig tilstand i miljøet. Plikta omfattar også utslepp av komponentar det ikkje er sett spesifikke grenser for. Utsleppskomponentar som er vurdert å ha størst effekt på miljøet, er uttrykkeleg omtalt eller regulert i vilkåra i dette løyvet. Løyvet tillet utslepp inntil fastsette grenseverdiar, midlingstider eller normale normverdiar, så lenge utsleppet ikkje vert vurdert å vere unødvendig i høve til nødvendig aktivitet. Utslepp som ikkje er 3 Kodane er teke frå rammedirektivet for avfall (08/98) og omtalt i vedlegg 2

14 Side 5 av 21 uttrykkeleg regulert på denne måten, er omfatta av løyvet så langt opplysningar om slike utslepp vart lagt fram i samband med sakshandsaminga, eller på annan måte må sjåast på å vere kjend når dette løyvet vart vedteke. Utslepp av stoff oppført i vedlegg 1 er berre tillate dersom dette går tydeleg fram av vilkåra i løyvet, eller dei er så små at dei må sjåast på som uvesentlege for miljøet Best tilgjengeleg teknologi (BAT-tiltak) Verksemda pliktar å nytte seg av best tilgjengeleg teknologi som gjeld denne type verksemder. Dette gjeld for alle interne produksjonsprosessar samt reinsing av avløp. Verksemda pliktar å halde seg oppdatert om bransjen sin BAT-dokumentasjon. Som ein del av verksemda sin internkontroll skal det difor skje ei kontinuerleg vurdering og, dersom dette er tenleg, implementering av beste tilgjengelege teknikkar. Løyvet kan bli endra dersom vesentlege endringar i BAT gir høve til ein betydeleg reduksjon av utsleppa utan at dette medfører urimeleg store kostnader Internkontroll, HMS-dokumentasjon for ytre miljø Verksemda skal gjennomføre ein miljørisikoanalyse 4 av aktiviteten sin. Analysen skal omtale alle forhold ved verksemda som kan medføre fare for ureining eller avfallsproblem på verksemda sitt område eller utanfor. Ved modifikasjonar og endra produksjons- eller utsleppsforhold skal analysen oppdaterast. Med grunnlag i analysen skal verksemda vurdere risiko og fastlegge akseptabel risiko for det ytre miljøet. Fylkesmannen kan overprøve verksemda sine vurderingar og konklusjonar. Verksemda sin internkontroll 5 for ytre miljø skal vere bygt opp etter resultat frå risikovurderingane, krav i dette løyvet og relevante krav elles etter ureiningsregelverket. Internkontrollen skal vere dokumentert og etterprøvbar i samsvar med dokumentasjonskrava i gjeldande forskrift. For gjentekne, uønskte hendingar skal verksemda ha etablere eit dokumentert system for registrering og eiga oppfølging. Plikta gjeld både for interne meldingar og melding/klage frå andre. Verksemda skal ha oversikt over dei miljøressursane som kan bli truga av akutt ureining og dei helse- og miljøkonsekvensane slik ureining kan føre med seg. For å halde dei ordinære utsleppa på eit lågast mogleg nivå og for å unngå utilsikta utslepp, skal verksemda syte for førebyggande vedlikehald av utstyr som kan gje negativ effekt på miljøet ved utslepp. System og rutinar for vedlikehald av slikt utstyr skal vere dokumentert. 4 Framgangsmåten bør følge NS 5814:2008 Krav til risikovurdering (eller seinare utgåve) 5 Jf. forskrift om systematisk helse-, miljø- og sikkerhetsarbeid i virksomheter av nr eller seinare utgåve (internkontrollforskrifta)

15 Side 6 av Tiltak ved auka ureiningsfare eller unormale driftsforhold Dersom det som følgje av unormale driftsforhold eller av andre grunner oppstår fare for auka ureining, skjemmande aktivitetar eller liknande, pliktar verksemda å setje i verk dei tiltaka som er nødvendige for å fjerne eller redusere den auka faren, også om nødvendig å redusere eller innstille drifta. Verksemda skal straks informere 6 Fylkesmannen og nabolag når utsleppsmåling viser verdi over tillate utslepp, når det er aktivitet som mellombels kan føre til at lukt, immisjon av støy eller nedfall av støv i omgjevnadane er høgare enn normalt, når mottak av avfall/råvarer viser seg å kunne gje uføresette utfordringar, i situasjonar der utstyr, maskinar eller anna kritiske installasjonar for vern mot utslepp sviktar, når avfall vert lagra lenger tid eller på annan måte enn normalt. Ved gjentekne hendingar skal verksemda etablere eit dokumentert system for registrering og eiga oppfølging. Verksemda skal gje ei vurdering av årsak til hending, kva som har skjedd og tiltak som er sett i verk eller som er planlagt for å motverke og avgrense verknadar og hindre gjentaking Nærmiljø Verksemda skal ha driftsrutinar som sikrar at ulemper frå utslepp til vatn og luft, lukt, støy, støv, skadedyr, framande plantar, innsyn, med meir, vert reduserte til eit minimum. Miljøet nær staden som omfattar mellom anna folk, husdyr, ville dyr, natur og vatn, skal såleis sikrast mot ulempe utover det som må reknast som nødvendig og tillate i dette løyvet. Det skal utarbeidast eige program for å hindre skadedyr eller etablering av framande, skadelege artar. Framande artar i kategoriane SE, HI og PH skal ikkje finnast på verksemdområdet eller areal i rimeleg nærleik. Anlegget skal vere sikra mot tilgjenge frå uvedkomande med minst 2 meter høgt, stålflette-gjerde. Utanom opningstid skal anlegget vere heilt avstengd og låst. Ved inngongsparti skal det vere tydeleg skilt som opplyser om reglar for avfallslevering. Handtering av avfall som kan medføre fare for ureining eller elles kan vere særleg støyande, skal så langt råd skje innandørs. Flygeavfall skal avgrensast mest mogeleg, om nødvendig med fangnett med tilstrekkeleg høgde. Verksemda skal syte for jamleg opprydding. Brenning av avfall er ikkje tillate. 6 Merk at verksemda også har varslingsplikt etter forskrift om varsling av akutt ureining eller fare for akutt ureining av , nr

16 Side 7 av Handtering av avfall 3.1. Bemanning og kompetanse Bemanninga ved anlegget skal vere tilstrekkeleg til at avfall vert forsvarleg teke hand om, mellom anna skal verksemda sikre at feil ved merking, sortering og lagring vert unngått. Dersom tilgang på kundar er større enn det dei tilsette kan handtere forsvarleg, må bemanninga aukast. Tilsette som handterer farleg avfall skal ha gjennomgått særskild opplæring av anerkjend nasjonalt kompetansemiljø, eller etter Fylkesmannen sine nærare krav. Opplæringa skal mellom anna bidra til å sikre at avfall vert rett klassifisert, at registrering, deklarering, merking og journalføring er korrekt, at ulike avfallstypar ikkje vert blanda, at emballasje er eigna, og at det vert forsvarleg lagra fram til vidare levering. Tilsette som handterer avfall skal halde seg oppdatert om gjeldande reglar og normer og utvikle eigen kompetanse om stoff/avfall som kan takast i mot på anlegget. Verksemda skal ha ein plan for korleis kompetansen skal haldast vedlike og aukast. Det skal til ei kvar tid vere tilgjengeleg minst ein person med tilstrekkeleg kompetanse ved verksemda. Verksemda må ha tilknytt kjemikompetanse på minst bachelor-nivå, ved eigen tilsett eller avtale med kompetent person/verksemd Mottak og journalføring Alt motteke avfall skal registrerast på godkjent vekt. Kvar levering frå enkeltkunde skal så langt råd journalførast med eige løpenummer (lagernummer). All registrering må skilje tydeleg mellom avfall frå næring og avfall frå hushaldning. Av journalen skal minst framgå: Dato for mottak, avfallsprodusent, lagerplass/tank, mengd avfall, samt tal kolli/volum der det er relevant. For farleg avfall må ein i tillegg registrere: avfallstoffnummer, deklarasjonsnummer, og ved samdeklarering - overført samdeklarasjonsnummer. Avfallet skal vere registrert etter type i samsvar med NS , og etter opphav i samsvar med EAL-lista 8 så langt som råd. Verksemda skal til ei kvar tid ha oversikt over mengd og type avfall som er motteke, som er deponert, kor lenge avfallet er lagra, dato når gjenvinnbart avfall forlet anlegget og namn på godkjent mottakar. Journalen må vidare skilje mellom ulikt avfall minst etter inndelinga i vilkår 1. Nødvendige opplysningar om avfallet skal vere lett tilgjengelege ved kontroll. Tilsvarande opplysningar skal førast så det passar for avfall som etter handtering opphøyrer å vere avfall etter kap. 18 A i avfallsforskrifta. Journalane skal oppbevarast i minst 3 år, og skal vere lett tilgjengelege ved kontroll. Journaldata skal vere sikra med kopi lagra annan stad for å unngå tap ved uføresett 7 Norsk Standard med 4-sifra avfallskode (avfallstoffnummer) 8 EAL: Europeisk avfallsliste, kode med 6 siffer, tatt inn i avfallsforskrifta.

17 hending. Orientering om mengd og plassering av brannfarleg avfall skal vere tilgjengeleg i brannsikker avstand frå lagerplass. Side 8 av 21 Alt avfall som vert motteke for deponering skal kontrollerast. Kontrollen skal avdekke i kva grad det er samsvar mellom oppgitt avfall og faktisk levert avfall, og kva for handtering avfallet skal ha vidare. Prøvetaking og analyse av avfallet skal gjennomførast i samsvar med reglane i avfallsforskrifta kap. 9, vedlegg II. Verksemda pliktar å føre ein stikkprøvekontroll utover dette der det ligg føre ein mistanke om at avfallet som ein ønskjer deponert kan innehalde farleg avfall eller anna avfall i strid med avfallsforskrifta kap. 9 og dette løyvet. Fylkesmannen kan påleggje mottaksanlegget å sende kopi eller samandrag av alle journalar til Fylkesmannen eller andre Informasjon til kundar Verksemda skal gi kundane nødvendig informasjon om korleis avfall kan takast i mot ved anlegget. Det skal leggast særskilt vekt på informasjon som kan føre til auka innsamling av farleg avfall, EE-avfall og andre prioriterte avfallstypar. Mellom anna må det gjevast særskilt informasjon til abonnentar og næringskundar som har bygg-, anleggs- eller rivingsavfall. Informasjonsomfanget skal også bidra til å sikre best moglege sorteringsordningar hos kundane. Løyvet skal vere slått opp på mottaksstaden, vere publisert på verksemda si heimeside og kopi skal kunne leverast leverandør på førespurnad Ordinært avfall Verksemda kan handtere ordinært avfall etter den inndelinga som til ei kvar tid gir best høve til materialgjenvinning eller gjenbruk av avfallstype eller avfallsstoff. Avfall som ikkje gir høve til materialgjenvinning eller gjenbruk skal handterast for å gi grunnlag for best mogleg energiutnytting. Tilsvarande skal verksemda syte for at føremålstenlege sorteringssystem vert tilbode kundane. Avfall som vert teke imot for materialgjenvinning eller energiutnytting må lagrast slik at verdien ikkje vert forringa. Skjemmande avfall skal sikrast mot innsyn. Berre fråsortert restavfall som ikkje er biologisk nedbrytbart eller kan gjenbrukast, materialgjenvinnast eller energiutnyttast, kan leverast til godkjent sluttdisponering. Avfall som kan deponerast, må vere behandla i samsvar med 9-6 i avfallsforskrifta. Blanda/ikkje sortert avfall skal fråsorterast så snart som råd og seinast innan ei arbeidsveke. Så fremt fråsortert, ordinært avfall ikkje medfører lukt eller avrenning, verkar skjemmande eller materialverdien vert forringa, kan avfallet lagrast ved anlegget i inntil 12 månader, før vidarelevering til godkjente mottak.

18 Side 9 av Farleg avfall Generelt om mottak av farleg avfall Verksemda skal vere registrert som aktør i farleg avfall - systemet, og skal ha alle nødvendige avtalar i det nasjonale farleg avfall - systemet 9 før farleg avfall kan takast imot. Verksemda pliktar å ta imot alle farlege avfallstypar omtalte i 11-4 i avfallsforskrifta. Området for handtering av farleg avfall skal vere fysisk skild frå annan aktivitet ved verksemda. Dersom mottak eller vidarelevering består av blanda farleg avfall og ordinært avfall og som ikkje praktisk kan skiljast forsvarleg, skal alt avfallet handterast som farleg avfall Mottak av farleg avfall frå næring Ved mottak av farleg avfall frå næring skal løyvehavaren sjå til at avfallet er deklarert 10. Dersom ein leveranse inneheld fleire avfallstypar, må det vere minst ein deklarasjon for kvar avfallstype. Verksemda som leverer farleg avfall er sjølv ansvarleg for at deklareringa er utført korrekt. Dersom dette ikkje er gjort må løyvehavar gi tilstrekkeleg informasjon, og mellom anna kunne levere ut deklarasjonsskjema til leverandøren. Den ansvarlege for mottaket må etter førespurnad frå Fylkesmannen informere om verksemder som ikkje deklarerer korrekt Mottak av farleg avfall frå husstand Ved mottak av farleg avfall frå husstandar er kommunen ansvarleg for deklarering. Verksemda kan utføre den praktiske registreringa av farleg avfall etter skriftleg avtale med kommunen. Kommunen skal så raskt som mogleg motta og kunne oppbevare all dokumentasjon om eige avfall. Det kan ikkje krevjast økonomisk vederlag for mottak av farleg avfall frå husstand (private) inntil mengdegrense som går fram av farleg avfalls regelverket 11. Kostnadsdekking inntil sjølvkost kan verte dekt av ordinært avfallsgebyr Lagring av farleg avfall Farleg avfall skal lagrast på ein slik måte at det ikkje oppstår ureining. Lagra farleg avfall skal til ei kvar tid ha tilstrekkeleg tilsyn. Som eit minimum skal følgjande tiltak vere oppfylt: Farleg avfall skal ikkje blandast med anna avfall. Blanding av ulike typar farleg avfall som ikkje kan samdeklarerast, er ikkje tillate. All lagring skal vere basert på dokumentert risikovurdering. Lagringa skal vere sikra slik at uvedkomande ikkje får tilgjenge. Avfallet skal lagrast under tak eller på anna måte vere skjerma mot nedbør, dersom det ikkje kan dokumenterast at annan lagring ikkje medfører større ureiningsfare eller problem ved vidare handtering. 9 For tida avtalar med NORSAS og innsamlar/ar 10 Gitt alle relevante opplysningar skriftleg på deklarasjonsskjema godkjent av Miljødirektoratet 11 For tida: inntil 400 kg farleg avfall per år og inntil 500 kg kasserte PCB-holdige vindauge per år

19 Side 10 av 21 Fast avfall skal lagrast på fast dekke, dersom det ikkje kan dokumenterast at annan lagring ikkje medfører større ureiningsfare eller problem ved vidare handtering. Emballasjen skal vere varig merkt med avfallsstoffnummer og avfallstype. Faren for søl eller lekkasje frå motteke avfall skal vere minimal, og i samsvar med dokumentert akseptnivå. Eventuelle uhellsutslepp skal samlast opp straks. Oppsamlings- og absorberande utstyr skal i mengd og storleik vere tilpassa maksimal lagringsmengd. Fortynning av motteke farleg avfall for å unngå farleg avfall - klassifisering er ikkje tillate. Stoff som ikkje kan samlastast etter ADR-reglane, skal lagrast på fysisk skilde område. Verksemda skal ha kart over lager av avfallet der det går fram kor dei forskjellige typane avfall er lagra Vidarelevering av farleg avfall Før avfallet vert levert vidare til eller henta av aktør, skal løyvehavar sikre at emballasje er rein og uskadd og eigna for lagring og transport av det aktuelle avfallet emballasje er merkt med deklarasjonsskjemaet sitt løpenummer påført med vérbestandig merking emballasje er merkt med avfallstoffnummer (eller annan tilsvarande eintydige opplysning om avfallstype) påført med vérbestandig merking emballasje er merkt i samsvar med regelverket om transport av farleg gods Deklarasjonsskjema skal følgje med alt farleg avfall som forlet anlegget. Det er berre tillate å levere vidare til/få henta frå godkjente avfallsaktørar. Med unntak av avfallstypar lista i vedlegg 3, skal alt motteke farleg avfall vere levert til godkjent mottak innan 6 månader. For dei nærare spesifiserte avfallstypane og mengdene i vedlegg 3, kan lagringstida vere inntil eitt år. Ved mobilt mottak skal avfallet innan 24 timar vere frakta til verksemda sitt stasjonære anlegg eller anna godkjent mottak Eige avfall Verksemda pliktar så langt det er mogleg utan urimelege kostnader eller ulemper å unngå at det vert danna restavfall som følgje av drifta. 4. Utslepp til grunn og vatn Verksemda skal vere innretta slik at det ikkje skjer utslepp til grunn eller vatn som kan medføre nemneverdige skader eller ulemper for miljøet ut over det som er nødvendig og tillate i dette løyvet. Område på anlegget som kan handtere avfall rett på bakken skal ha fast dekke med kontrollert fall mot oppsamlingspunkt. Verksemda pliktar å halde oversikt over eventuell eksisterande ureina grunn på eige område og ureina sediment utanfor. Ein skal til ei kvar tid ha oversikt over faren for spreiing, og vurdere behovet for undersøkingar og tiltak. Er det grunn til å tru at undersøkingar eller tiltak vil vere nødvendig, skal ureiningsstyresmakta varslast om dette.

20 Side 11 av Tankar for flytande kjemikal eller avfall Utslepp frå overgrunns- eller undergrunnstankar for flytande kjemikal eller avfall er ikkje tillate. For nedgravne tankar med kapasitet over liter, skal sikring og vedlikehald minst tilfredsstille krava som er gjengitt i kap. 1 i ureiningsforskrifta 12 så langt dei passar. Krava inneber mellom anna: tanken skal vere produsert i samsvar med nyaste retningsliner frå Norsk Standard, tanken skal ha periodiske tilstandskontrollar, alternativt eit system for automatisk lekkasjeovervaking. Eventuelt mindre tankar skal sikrast og vedlikehaldast i samsvar med skriftleg rutine som skal byggje på akseptkriteria etter risikovurdering. For farlege kjemikal og farleg avfall som vert lagra i tank som ikkje er grave ned, skal sikring og vedlikehald minst tilfredsstille krava som er gjengitt i kap. 18 i ureiningsforskrifta 13 så langt dei passar. Krava inneberer mellom anna: tanken skal vere sikra mot hendingar som kan føre til ureining, og ha eit effektivt oppsamlingsarrangement som minst rommar volumet til tanken og tôler dei aktuelle kjemikal/avfall, når oppsamlingsarrangementet omfattar fleire tankar, skal kapasiteten minst svare til 110 prosent av volumet i den største tanken, tankanlegget skal ha tilfredsstillande tilstand etter dokumenterte kriteria, og ha eit periodisk vedlikehaldssystem, Tank og røyr skal merkast med innhald og anna relevant informasjon på godt synlege stader Tankar som er mindre enn kapasiteten som er omtalt i kap. 18 og som vert nytta til lagring av farlege kjemikal og farleg avfall, og tankar til andre kjemikal eller flytande avfall skal sikrast og vedlikehaldast i samsvar med skriftleg rutine som skal byggje på akseptkriteria etter risikovurdering. Oljehaldig avløpsvatn frå drift av anlegget (verkstad, bilvask, uteområde, med meir) skal leiast via sandfang til oljeutskiljar som er dimensjonert etter største belastning. Nedanfor oljeutskiljaren skal det vere tilrettelagt for å ta representative prøvar av avløpsvatnet. Oljeutskiljar som er i jamleg bruk skal tømast for olje, slam og sand minimum ein gong per år Utsleppsgrenser Oljehaldig avløpsvatn frå avfall eller drift av anlegget (verkstad, bilvask, uteområde, med meir) skal leiast via sandfang til oljeutskiljar som er dimensjonert etter største belastning. Nedanfor oljeutskiljaren skal det vere ein inspeksjons- og kontrollkum som gir høve til å ta representative prøvar av avløpsvatnet. Følgjande utsleppsgrense gjeld: 12 Tiltak for å motvirke fare for forurensning fra nedgravde oljetankar 13 Tanklagring av farlige kjemikalier og farlig avfall