Bakgrunn for og forklaring til utsleppsløyve for handtering av avfall ved Skei i Jølster kommune og gebyr for sakshandsaming

Transkript

1 Sakshandsamar: Gøsta Hagenlund Vår dato Vår referanse Telefon: / E-post: Dykkar dato Dykkar referanse Myrmel Bruk 6973 SANDE I SUNNFJORD Bakgrunn for og forklaring til utsleppsløyve for handtering av avfall ved Skei i Jølster kommune og gebyr for sakshandsaming Fylkesmannen gir løyve etter ureiningslova til handtering av avfall ved Skei i Jølster kommune. Løyvet omfattar vilkår både for handtering av ordinært avfall og farleg avfall. Løyvet med tilhøyrande vilkår vert send saman med dette brevet. Dokumenta må lesast i samanheng. Dette dokumentet gir bakgrunn for saka, grunngjeving for vedtak og nærare tolkingsgrunnlag for dei juridiske vilkåra (rang som lovtekst for verksemda) i løyvedokumentet. Forvaltninga sitt arbeid med utsleppsløyve er omfatta av ei gebyrordning, og verksemda vil få betalingskrav i etterkant. Vi viser til søknad frå Myrmel Bruk dagsett om løyve til avfallshandtering etter ureiningslova. Søknaden har vore på avgrensa høyring i mars og april 2013, og det har vore møte om saka mellom Fylkesmannen, Myrmel bruk og Sunnfjord Miljøverk iks. Fylkesmannen i Sogn og Fjordane har gitt Myrmel Bruk utsleppskonsesjon (utsleppsløyve) for mottak og lagring av ordinært og farleg avfall på omsøkt stad. Utsleppsløyvet med vilkår følgjer vedlagt. Merk også at vedlegga til løyvet er ein del av dei juridiske krava til verksemda. I dette skrivet er saka omtalt og grunngjeve, og det er gitt nærare forklaring til enkelte av vilkåra. Dokumenta må sjåast i samanheng. Dersom de ønskjer nærare orientering om innhaldet i lovreglane, kan de få det på eller vi kan sende kopi. Når vurdering av søknad endar som her, med utsleppsløyve til aktivitet, vert vedtaket send ut som to skriv: Dette oversendingsbrevet og løyvedokumentet. Oversendingsbrevet omtalar bakgrunn for saka og søknadsprosessen. Det gir nærare grunngjeving for vedtaket og enkelte vilkår, og må nyttast som tolking av nærare krav i enkelte av vilkåra. I vedlagte skriv (løyvedokumentet) gir Fylkesmannen utsleppskonesjon (utsleppsløyve) for visse formar for handtering av avfall ved Skei i Jølster kommune til Myrmel Bruk. Merk at både vilkår og vedlegg til løyvedokumenet er ein del av dei juridiske krava til verksemda. Verksemda må leggje dokumenta til grunn for all dagleg drift som kan omfatta ytre miljø, og som viktig føring for utarbeiding og oppfølging av internkontroll. Løyvet erstattar og presiserer krav til eksisterande mottak av farleg avfall, som har vore regulert av krav i vedlegg 2 til kap. 11 (om farleg avfall) i avfallsforskrifta. Unntaket frå 11-7 bokstav e) i avfallsforskrifta gjeld ikkje der heile eller delar av mottaket for farleg avfall vert drive av privat part. Mottaket tek også imot ordinært avfall, der hovudregelen i avfallsregelverket er at det skal givast løyve med nærare krav (vilkår) til drift. Fylkesmannen har difor vurdert at verksemda som faktisk driv mottaket, må ha løyve etter ureiningslova for sin aktivitet. Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: Postboks 14, 6801 Førde Internett: Telefaks: Telefon: Org.nr Telefaks:

2 FYLKESMANNEN I SOGN OG FJORDANE 2/8 Mottaket er i hovudsak innretta på mottak av ordinært avfall frå hushaldning, og farleg avfall frå hushaldning og mindre verksemder. I tillegg kan det ta imot ordinært avfall frå næring, men merk at denne delen må skje i konkurranse med private avfallsaktørar. Handtering av ordinært avfall frå hushaldning har kommunen monopol på, og all slik handtering frå andre krev difor samtykke frå kommunen. Kommunen har inngått forpliktande samarbeid med det interkommunale avfallsselskapet Sunnfjord Miljøverk iks (SUM). Krav i løyvet skil ikkje mellom pliktar og tiltak som verksemda må følge opp og tilsvarande som kommunen (ved SUM) har avtalar med verksemda å følge opp. Tilsyn med løyvet vert følgt opp med verksemda (den som faktisk driv) som ansvarleg, men i den fulle visse om at kommunen i enkelte høve må bidra til å rette avvik som vert avdekt ved kontroll. Løyvet omfattar ikkje andre kommunale pliktar innan avfallsområdet som tilsynsstyresmakt eller forsøplingsstyresmakt. Krav til journalføring, informasjon og rapportering legg grunnlag for god kontakt med kommunen og Fylkesmannen for at desse styresmaktene kan følge opp vidare med informasjon, rettleiing og kontroll innanfor respektive ansvarsområde. Saksframstilling Avfallsmottaket er etablert, og Fylkesmannen har ikkje motteke spesielle kommentarar eller klager på drifta så langt. Mottaket vil verte drive på ein måte som stettar dei sentrale prinsippa i avfallshierarkiet: Avfall skal søkast minimert før ombruk, materialgjenvinning eller energiutnytting vert vurdert. Berre restavfall som etter føregåande behandling ikkje lett eller på samfunnsøkonomisk måte kan nyttast, kan vurderast sluttdisponert (som her vil seie å deponere avfall på avfallsplass eller brenne det utan energiutnytting). Verksemda skal ta vare på restverdiar i avfall slik at mest mogleg er tilgjengeleg for materialgjenvinning eller energiutnytting. Anlegget har ikkje sjølv område eller anlegg for sluttdisponering. Verksemda handterer også farleg avfall, som på grunn av fare for skade på helse og miljø må takast særskild hand om. Det er svært viktig at denne type verksemder kan ta imot alt farleg avfall som anlegget er dimensjonert for og eigna til å ta imot, og at dei bidreg til å få sortert ut og teke forsvarleg hand om slikt avfall frå alle relevante avfallsprodusentar i forretningsområdet. Miljøpåverknad frå aktivitetane Avfallshandtering kan gje fleire ulike miljøpåverknader. Anlegget tar imot, sorterer, omemballerer og lagrar for å få gunstige transportmengder eller tilstrekkeleg reine fraksjonar til at fråsortert avfall får høgast mogleg restverdi. Handteringa vil vere støyande, transport m.m. kan føre til støving, avfall kan flyge vekk med vind og delar av avfall kan lukte vondt. Ved handtering av avfall kan maskinar ha uhell frå oljeutslepp, eller tilgrisa avfall kan lekke oljehaldig vatn. Av di avfall kan verke skjemmande, er det krav om innbygging / inngjerding av delar av anlegget. Fylkesmannen sin vurdering og grunngjeving for fastsette vilkår Vi vil streke under at all ureining frå verksemda isolert sett er uønskt. Jamvel om utslepp vert halde innafor fastsette utsleppsgrenser, pliktar verksemda å redusere utsleppa så langt dette er mogleg utan urimelege kostnader. Løyvet omfattar både ordinært avfall og farleg avfall som kan handterast i samsvar med vilkåra i løyvet. Løyvet medfører plikt å ta imot alt farleg avfall som hushaldning og mindre næringsverksemder ønskjer å levere, men verksemda kan avgrense total mengd per leverandør per år

3 FYLKESMANNEN I SOGN OG FJORDANE 3/8 dersom mottaket ikkje har kapasitet innan rammene i løyvet. Merk at løyvet ikkje omfattar farlege avfallstypar som andre styresmakter har tilsynsansvar for (omtalt i vedlegg til løyvet). Verksemda må sjølv avklare med vedkomande styresmakt om og eventuelt korleis slikt avfall skal kunne handterast. Løyvedokumentet presiserer ein rad krav. Dei utsleppskomponentane som vi vurderer har størst innverknad på miljøet, er regulerte gjennom dei spesifikke vilkåra. Utslepp som ikkje er regulerte på denne måten, er likevel omfatta av løyvet så langt opplysningar om slike utslepp vart lagde fram i samband med saksbehandlinga eller må reknast som kjende på anna måte då vedtaket vart gjort. Verksemda pliktar å halde alle utslepp på eit lågast mogleg nivå, og pliktar å rydde opp i eventuell ureining eller forsøpling så snart som råd. Dette inneber mellom anna å halde eige område mest mogeleg ryddig, og å rydde alt avfall som kan hamne utanfor eige område som følge av tilhøve ved anlegget, eller fordi avfall vert levert av andre til utsida av anlegget. Vi gjer spesielt merksam på at mange krav går direkte fram av lov/forskrift og er ikkje gjentekne i dette løyvet. Det er m.a. ikkje sett særskilde krav til oppbevaring, avhending og substitusjon av kjemikal. Rett handtering går fram av produktforskrifta, ureiningsforskrifta og internkontrollforskrifta og vil vere tema for tilsyn. Det er heller ikkje sett særskilde krav til støy, støv eller lukt, men internkontrollen må sikre at eventuelle utslepp ikkje er høgare enn eigne mål og normalkrav sett til andre verksemder. Når enkelte lovkrav er spesielt nemnde, er det delvis for å kunne omtale dei mest sentrale krava, delvis for å informere verksemda og ålmenta om viktige krav, og delvis for å kunne ytterlegare presisere og tilpasse generelle reglar til verksemda. Merk mellom anna at fleire sentrale krav etter internkontrollforskrifta er omtalt. Eigen dokumentasjon på internkontroll i høve til krav for vern av det ytre miljøet er heilt sentralt for å kunne vise naboar, Fylkesmannen og ålmenta at krav etter ureiningsregelverket vert haldne. Verksemda som er ansvarleg for løyvet er etter måten liten, med få tilsette. Krava til eigen dokumentasjon etter internkontrollforskrifta er difor få. Vi reknar med at verksemda vil følge relevante rutinar m.m. som kommunen ved det interkommunale avfallsselskapet har utarbeidd for sine anlegg så langt dei er relevante. Ved tvil om tolking av krav/lovreglar gjeld generelt krav i lovverket over vedtak i løyvet, dersom lovtekst ikkje gir Fylkesmannen heimel til unntak eller skjerping. Nettstaden gir oversikt over dei viktigaste ureinings- og avfallshandteringskrav til ein lang rad verksemder i Norge. Merk at avfall som kan ha farlege eigenskapar og som kan gå til sluttdeponering på ordinært deponi, må vere testa. Det er laga særskilte standardar for uttak av prøver, omfang og analyse som må følgast. Verksemda skal ha system som sikrar at fråsortert avfall tilfredsstiller krav som følger av etablerte ordningar for materialgjenvinning av avfall. Dersom det vert oppdaga ulovleg avfall inn til anlegget, må dette sorterast frå og gjevast ei lovleg handtering. Avfallet kan returnerast til leverandør dersom det er sannsynleg at avfallet får lovleg handtering, eller så raskt som mogleg transporterast til godkjent mottak. Leverandøren og Fylkesmannen skal varslast om feilleveringa. Tilhøva til naturmangfaldlova og vassforskrifta I tillegg til retningslinene i ureiningslova, er også prinsippa i 8-12 naturmangfaldlova lagde til grunn for vår vurdering. Vi kan ikkje sjå at vedtaket kan kome til å verte i strid med vassforskrifta. Fylkesmannen vurderer at dei samla miljø- og helsemesige konsekvensane av utsleppa med dei vilkåra som er sette, vil vere akseptable. Økonomiske vurderingar Løyvet omtalar fleire forhold som har økonomiske verknadar. Anlegget må vere innretta på å kunne ta imot på forsvarleg måte alt avfall som oppstår i hushaldning og mindre næring. Kostnadane med

4 FYLKESMANNEN I SOGN OG FJORDANE 4/8 handtering av avfall frå private skal i hovudsak vere dekt av avfallsgebyret, og her gjeld sjølvkostprinsippet. Vidare er det ikkje tillate å krevje særskild betaling av hushaldning for levering av farleg avfall. Årsaka er målsettinga om at alt farleg avfall skal leverast inn til forsvarleg handtering, og at stykkpriskostnad for private kan kome til å redusere motivasjon til å levere lovleg. Kravet er i samsvar med gjeldande regelverk, men i 2013 er farleg avfallskapittelet under endring. Det er mellom anna gjort framlegg om å skjerpe inn kravet til betalingsløysing for private, og å auke den kommunale plikta til mottak. For næring bør kostnad med levering av farleg avfall vere lågast mogeleg av same årsak. Næringsavfall kan takast imot på lik line og i konkurranse med andre, private avfallsanlegg. Rekneskapane for hushaldnings- og for næringsavfall må difor haldast strengt fråskilt. Kravet til økonomisk sikkerheit er retta til løyvehavar, men det er ikkje noko i vegen for at løyvehavar avtalar at kommunen skal betale for alle kostnadar ved eventuell avslutting av og opprydding på anlegget. Vurdering av teknikkar/teknologiske forhold Beste tilgjengelege teknikkar skal takast i bruk for å førebygge ureining og avfallsulempe. Det er stilt ein rad krav (vilkåra i løyvet) som gjeld drifta ved verksemda. Krava vil ofte vere forma som funksjonskrav og ikkje tilstandskrav. Med funksjonskrav meiner vi krav som ikkje omtalar spesifikke utsleppsnivå, tekniske tilstandar eller føreset spesifikke tekniske løysingar, men gir ansvar for verksemda å finne løysing i samsvar med føre var krav eller beste tilgjengeleg teknologi dokument som gjeld for verksemda. Med tilstandskrav meiner vi krav som set spesifikke tilstandsgrenser for ein type utslepp, men det kan også vere tale om bruk av spesifikke reinseteknologiar eller andre tekniske innretningar. Merk at verksemda kontinuerleg må arbeide med å redusere utslepp, jamvel om ein tilfredsstiller gjeldande utsleppsgrenser i løyvet. Omtale av nokre andre enkeltkrav Nærmiljøet skal vere sikra mot ulempe. Nokre typiske sikringstiltak som gjerde, låsing, bekjemping av skadedyr, tiltak mot støy og støv, m.m. er omtalte i vilkåra. Plikta til sikring er likevel vidare enn dei spesifikt omtalte vilkåra, og må sjåast i samanheng med krav som vert utløyste etter internkontrollforskrifta. Løyvehavaren pliktar alltid å halde sorteringsanlegget og områda omkring, inkludert nærmaste tilførslesvegar, fri for forsøpling. Ryddeaksjonar må gjennomførast etter behov. Mellom anna bør ein ha skriftleg rutine som omtalar korleis ein vil gjennomføre opprydding. Tiltak må heile tida vurderast opp mot det som er mogeleg basert på beste tilgjengelege teknikkar, risikovurdering (jf. internkontrollforskrifta) og samspel med representantar for nærmiljøet. Døme på tiltaksområde kan vere styring av lys, reduksjon av lukt, støvdempande tiltak, høgd/storleik sikringsvoll, spesifikk støydemping eller driftstider for spesiell støyande/støvande aktivitet. Det er ikkje å vente at avfallet er interessant for ulike skadedyr, men dyr kan likevel bruke avfallet som skjul og kan truleg finne næring i mindre delar av avfallet. Verksemda skal difor ha eit program for å følge med på om skadedyr kan finnast og gjere tiltak for å minimere ev. ulempe. Lagring av avfall bør så langt råd berre skje på tett flate og som hovudregel under tak. Mottak av større einingar eller større mengd einsarta avfall som kreosot- eller CCA-impregnert materiale, metall m.m. kan ein av praktiske grunnar likevel mellomlagre ute. Det vert venta at slik mellomlagring skal vere så kort som praktisk råd innafor rammene i løyvet. Krav til kompetanse om handtering av farleg avfall er noko meir presisert enn det som går fram av avfallsforskrifta. Med tilknytt kjemikompetanse meiner vi ikkje at verksemda må ha tilsett person, men at verksemda må vise til avtale med firma / person med formell kompetanse om farlege eigenskapar ved avfall og korleis dette må handterast på lovleg måte. Løyvet inneheld fleire særskilde krav til informasjon. Generelt skal verksemda informere tilsynsstyresmakta om drift m.v., men skal også informere ålmenta årleg om miljøpåverknadar. Kvar

5 FYLKESMANNEN I SOGN OG FJORDANE 5/8 ny næringskunde skal ha informasjon om kva for avfallstypar som kan leverast og kva for sorteringsordningar som bør gjennomførast. Informasjon bør elles gjentakast jamleg, og vere lett tilgjengeleg på aktuelle nettsider. Spesielt må det informerast om sorteringskrava for bygg- og anleggsavfall. Løyvet gjeld for omtalt aktivitet på den nærare presise staden. Dersom anlegget skal flyttast til ny stad, gjeld ikkje dette løyvet. Vilkår i løyvet skal vurderast med jamne mellomrom, for å sikre at krava er relevante og oppdaterte i høve eventuelle endringar i lovverket eller nasjonal avfallspolitikk. Dersom det har gått 10 år frå sist endring av vilkår til løyvet, gjeld høvesvis fri omgjeringsrett, jf. 18 i ureiningslova. Ved eventuelt skifte av løyvehavar er det meldeplikt til Fylkesmannen, som vil overdra løyvet til ny løyvehavar og samstundes vurdere behov for endringar i vilkåra. Konklusjon Aktiviteten på anlegget er omfatta av ulike delar av ureiningsregelverket. Kvar av aktivitetane har i utgangspunktet løyveplikt. Vi har vald å samle løyvekrav til ordinært og farleg avfall i eitt dokument, for å gje ei betre samla oversikt over ureiningskrav til drifta. Der krav til handtering av farleg avfall og ordinært avfall er ulike, er det tydeleg markert i løyvedokumentet. Løyvedokumentet (utsleppskonsesjonen) vert sendt saman med dette skrivet. Dei juridiske krava som elles ikkje går fram av lov- og forskriftsverket, eller som er presisert eller innskjerpa i høve til det generelle regelverket, er samla i løyvedokumentet. Fristar Tabellen nedanfor gir oversikt over nokre fristar for gjennomføring av tiltak som løyvet/loverket krev: Tiltak Frist Tilvising til vilkår Internkontroll Handlingsplan etter Min. årleg risikovurdering Journalføring Kontinuerleg 3.4 for farleg avfall Informasjon til kundar Kvar nye, elles jamleg 3.2 Lagring ordinært avfall Maks. 12 månadar 3.3 Lagring farleg avfall Maks. 6 månadar, 12 mndr. 3.4 for avfall nemnd i vedlegg 3 Miljørisikoanalyse Innan 6 mndr. frå løyvedato 5.1 Øving av beredskap Minst 1 gong per år 5.2 Økonomisk sikkerheit Innan 12 mndr. frå løyvedato 11 Oversikt over miljøpåverknad frå aktiviteten Årleg til ålmenta Miljøinformasjonslova Gebyr Fylkesmannen si handsaming av søknader om nytt eller endra utsleppsløyve er omfatta av ei gebyrordning, jf. kap. 39 i ureiningsforskrifta. Verksemda skal i utgangspunktet betale eit gebyr på kr ,-, jf. tidlegare varsel for Fylkesmannen si handsaming av søknaden, jf i ureiningsforskrifta. Dette løyveskrivet må likevel sjåast saman med arbeid med tre tilsvarande anlegg som Myrmel Bruk vil drifte. Fylkesmannen vil med det første ferdigstille løyve til dei andre anlegga, og reknar med at samla sakshandsaming kan forenklast noko. Med tilvising til i ureiningsforskrifta vil Fylkesmannen

6 FYLKESMANNEN I SOGN OG FJORDANE 6/8 difor med dette redusere sakshandsamingsgebyret for dette anlegget til kr ,-. Vi reknar med å kunne gjere same vurdering for dei andre tre anlegga. Faktura med innbetalingsblankett vert sendt ut seinare av Miljødirektoratet. Gebyret forfell til betaling 30 dagar etter fakturadato. Generelle føresetnader for løyvet og informasjon om regelverket Internkontroll Forskrift om systematisk helse-, miljø og sikkerhetsarbeid (internkontrollforskrifta) er eit felles regelverk for tilsynsetatane som er kjent som HMS-etatane. Regelverket og korleis ein generelt må arbeide for å stette krava, er nærare omtalt på Krava om dokumentasjon for tiltak for ytre miljø (tiltak for vern mot ureining og ei betre handtering av avfall) gjeld alle verksemder som har minst ein tilsett. Plikta til internkontroll som gjeld det ytre miljøet er difor presisert i vilkåra. Forskrifta omtalar kva for oppfølging av krav som må dokumenterast skriftleg, og korleis ein bør organisere arbeidet. Den skriftlege dokumentasjonen må tilpassast type og omfang av ulike aktivitetar. Arbeid som ikkje er grunna på gjennomført, skriftleg og oppdatert risikovurdering med oppfølgande handlingsplan, vil ikkje stette minimumskrava i forskrifta. Verksemda må også sikre skriftlege rutinar for førebyggande vedlikehald av alt utstyr og produksjonsprosessar som kan føre til utilsikta utslepp. Driftsinstruksar og driftsjournalar må førast for alle prosessar og aktivitetar som vil ha noko å seie for det ytre miljøet. Det må t.d. også etablerast, vedlikehaldast og konkretiserast eigne mål for internkontrollarbeidet, dei tilsette må medverke og det må lagast og vedlikehaldast plan for kompetanseutvikling når det gjeld ytre miljø. Merk at det framleis er ei vanleg mistyding å berre omtale krav etter internkontrollforskrifta som gjeld indre miljø (dvs. arbeidsmiljøet) som HMS-krav (helse miljø sikkerheit), medan tilsvarande HMS-krav etter internkontrollforskrifta som gjeld ytre miljø (ureining og avfallshandtering) vert omtala på annan måte. Vi vil såleis generelt presisere at HMS-krav etter internkontrollforskrifta gjeld fullt ut for det ytre miljøet. Myrmel bruk er registrert som eit enkeltmannsføretak. I utgangspunktet vil difor ikkje alle reglane i internkontrollforskrifta gjelde for verksemda. Føretaket leiger likevel inn personar til mange aktivitetar, og verksemda må følge opp internkontrollen til Sunnfjord Miljøverk iks for delar av aktiviteten. Vi føreset difor at dokumentasjonskrava etter internkontrollforskrifta vert utarbeidd etter ei eigen risikovurdering, og følgd opp i det daglege. Endring eller tilbakekalling av løyvet Fylkesmannen kan gjere endringar i dette løyvet med heimel i 18 i ureiningslova. Endringar skal vere grunna på skriftleg saksbehandling og ei forsvarleg utgreiing av saka. Ein eventuell endringssøknad må difor liggje føre i god tid før endring kan gjennomførast.

7 FYLKESMANNEN I SOGN OG FJORDANE 7/8 Tilsyn Verksemda pliktar å la representantar for ureiningsstyresmaktene eller den som desse gjev fullmakt, få inspisere anlegget til ei kvar tid jf. ureiningslova kap. 7. Tvangsmulkt, straff Brot på løyvet er straffbart etter ureiningslova 78 og 79. Også brot på krav som følgjer direkte av ureiningslova og produktkontrollova og dessutan forskrifter fastsett i medhald av disse lovene, er straffbart. Ved avvik frå løyvet eller ureiningslova kan Fylkesmannen gje pålegg om igangsetjing av tiltak for å rette opp avvik, jf. ureiningslova 7, siste ledd. Dersom pålegget ikkje vert følgt opp kan Fylkesmannen gjere vedtak om tvangsmulkt til staten jf. 73, eller sørgje for igangsetjing av tiltak, jf. ureiningslova 74. Erstatningsansvar Dette løyvet fritek ikkje søkjaren for å ansvar etter anna lovverk som gjeld for denne verksemda, t.d. arbeidsmiljø-, helse- og brannvernreglar. At ureininga er tilleten, fritek ikkje verksemda frå eventuelle erstatningsansvar for skade, ulemper eller tap som følgje av ureininga, jf. ureiningslova 10 og kap. 8 (spesielt 56), og grannelova 6, 7 og 8. Klagerett Vedtaket - også plasseringa i risikoklasse, kan klagast på til Miljødirektoratet av partane i saka eller andre med rettsleg klageinteresse innan 3 veker etter melding om vedtak er kome fram eller frå vedkommande fekk eller burde skaffa seg kjennskap til vedtaket. Ein eventuell klage skal oppgje nærare kva det vert klaga på og den eller dei endringane som ein ønskjer. Klagen bør grunngjevast, og andre opplysningar som har noko å seie for saka bør nemnast. Klagen skal sendes til Fylkesmannen. Ei eventuell klage fører ikkje automatisk til at gjennomføringa av vedtaket vert utsett. Fylkesmannen eller Miljødirektoratet kan etter oppmoding eller av eige tiltak avgjere at vedtaket ikkje skal gjennomførast før klagefristen er ute eller klagen er avgjort. Avgjerda av spørsmålet om gjennomføring kan ikkje påklagast. Med visse avgrensingar har partane rett til å sjå sakens dokumenter. Nærare opplysningar om dette kan ein få ved å vende seg til Fylkesmannen. Andre opplysningar om reglar som har noko å seie for saka vil Fylkesmannen også kunne gje på førespurnad. Offentleggjering av løyvet Sidan dette er eit eksisterande anlegg, vurderer Fylkesmannen at kunngjeringa i etterkant kan forenklast til oppslag på verksemda (SUM og/eller kommunen) sine nettsider. Kunngjeringa skal innehalde ei kort orientering om løyvet, kvar ein kan vende seg for å få innsyn i saksdokumenta, og opplysningar om klageinstans og frist for eventuell klage på vedtaket. Med helsing Nils E. Yndesdal fylkesmiljøvernsjef Gøsta Hagenlund ass. fylkesmiljøvernsjef

8 FYLKESMANNEN I SOGN OG FJORDANE 8/8 Sendt saman med dette brevet: Utsleppsløyvet med vilkår Kopi til (epost): Miljødirektoratet Sunnfjord Miljøverk Jølster kommune

9 Løyve til handtering av avfall ved Skei i Jølster kommune - Myrmel Bruk Løyvet er gitt i medhald av 11 jf. 16 i lov om vern mot forurensninger og om avfall av 13. mars 1981 nr. 6 (ureiningslova), jf i forskrift om gjenvinning og behandling av avfall av (avfallsforskrifta). Løyvet er gitt på grunnlag av opplysningar framkome etter varsel om løyveplikt og søknad om løyve datert Løyvet gjeld frå dags dato og på dei vilkåra som er gjevne i dette dokumentet. Forklaring til enkelte av vilkåra står i oversendingsbrevet. Dersom verksemda ynskjer å gjere endringar i høve til opplysningar som er gitt i søknaden eller under saksbehandlinga, og desse endringane kan ha innverknad på miljøet, må endringane avklarast skriftleg med Fylkesmannen på førehand. Verksemddata Anlegg Jølster gjenvinningsstasjon ved Skei Verksemd Myrmel Bruk Adresse, poststad 6973 Sande Kommune og fylke Jølster i Sogn og Fjordane Gards- og bruksnr. 27/11 UTM midtpunkt Org. nummer (verksemd) NACE-kode Behandling og disponering av ikkje-farleg avfall Behandling og disponering av farleg avfall NOSE-kode Behandling og disponering av avfall Fylkesmannen sine referansar Arkivkode Anleggsnummer Løyvenummer Bransje Risikoklasse 1 avfall 4 12/ (farleg avfall) (ordinært avfall) T (farleg avfall) T (ordinært avfall) Løyve gitt: Endringsnummer: Denne endringa: Nils E. Yndesdal fylkesmiljøvernsjef Gøsta Hagenlund ass. fylkesmiljøvernsjef Kopiadressatar: Sjå liste i oversendingsbrevet. 1 Jf. ureiningsforskrifta kap. 39 om gebyr til statskassen for arbeid med tillatelser og kontroll etter ureiningslova Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: Postboks 14, 6801 Førde Internett: Telefaks: Telefon: Org.nr Telefaks:

10 Side 2 av 9 0. Ansvarstilhøve Med kommunen meiner vi i dette løyvet Jølster kommune, eller interkommunalt selskap som Jølster kommune har gyldige avtalar med om avfallshandtering. Løyvehavar er vedkomande verksemd som driv det daglege mottaket på vegner av kommunen. Verksemda kan avtale med kommunen om enkelte av krava i dette løyvet skal følgjast opp av kommunen. Eventuell reaksjon etter tilsyn med aktivitet på anlegget, vil verte retta mot løyvehavaren. Transport av avfall frå andre til eller frå anlegget er ikkje del av dette løyvet. 1. Produksjonsforhold og rammer Løyvet gjeld ureining og ulempe som følgje av handtering 2 av ordinært og farleg avfall frå næring og hushald. Årleg mengd avfall er avgrensa til: Ordinært avfall* Farleg avfall Årleg mengd avfall tonn 400 tonn Maksimalt mellomlagra på anlegget, 500 tonn 100 tonn fast avfall Maksimalt mellomlagra på anlegget, flytande avfall 10 m 3 10 m 3 * I desse mengdene inngår ikkje objekt/utstyr som vert levert/seld for ombruk. Løyvet omfattar også handtering av avfall frå hushald etter skriftleg avtale med vedkomande kommune. Handteringa av ordinært avfall på staden omfattar: mottak, sortering, kverning, nedklipping/skjering, omemballering, omlasting og lagring av avfall. Handteringa omfattar ikkje anna behandling (t.d. biologisk eller termisk), sluttdisponering eller gjenvinning. Handteringa av farleg avfall på staden omfattar: mottak, sortering, omemballering, lagring inkludert samlagring og omlasting. Handteringa omfattar ikkje anna behandling, disponering av, nyttiggjering eller innsamling av farleg avfall. 2. Generelle krav 2.1. Plikt til å redusere ureining så langt som mogleg Verksemda pliktar å redusere sine utslepp, så langt dette er teknisk mogleg, med best tilgjengeleg teknologi. For å unngå, eller avgrense ureining og avfallsproblem, skal de nytte den teknologien som ut frå ei samla vurdering også av økonomiske tilhøve, gir dei beste resultata for noverande og framtidig tilstand i miljøet Tiltak ved auka ureiningsfare eller unormale driftsforhold Dersom det som følgje av unormale driftsforhold eller av andre grunner oppstår auka fare for ureining, skjemmande aktivitetar eller liknande, pliktar verksemda å setje i verk dei tiltaka 2 Sjå definisjon i vedlegg 1

11 Side 3 av 9 som er nødvendige for å fjerne eller redusere den auka faren, også om nødvendig å redusere eller innstille drifta. Verksemda skal straks informere 3 Fylkesmannen når det vert planlagt aktivitet som mellombels kan føre til at utslepp av støy, støv eller lukt er høgare enn normalt, når mottak av avfall/råvarer som viser seg å kunne gje uføresette utfordringar, i situasjonar der utstyr, maskinar eller anna kritiske installasjonar for vern mot utslepp sviktar. Ved gjentekne hendingar skal verksemda etablere eit dokumentert system for registrering av klagar/meldingar og eiga oppfølging. Verksemda skal gje ei vurdering av årsak til hendinga, kva som har skjedd og tiltak som er sett i verk eller som er planlagt for å motverke og avgrense verknadar og hindre gjentaking. Informasjonen skal gjerast kjent for nabolag og Fylkesmannen Internkontroll, HMS-dokumentasjon ytre miljø Etter gjeldande forskrift 4 pliktar verksemda å etablere, drive etter og jamleg oppdatere internkontroll som gjeld for ytre miljø. Internkontrollen skal bygge på ein dokumentert og oppdatert risikovurdering 5 av fare og sannsynlegheit for utslepp og manglar ved kjemikal- og avfallshandtering. Eiga oppfølging skal mellom anna sikre at verksemda held krava i dette løyvet, ureiningslova, produktkontrollova og relevante forskrifter til desse lovene. Verksemda pliktar å halde internkontrollen oppdatert Nærmiljø Den ansvarlege skal utarbeide driftsrutinar som sikrar at ulemper frå lukt, støy, støv, skadedyr, innsyn m.m. vert reduserte til eit minimum. Tilsvarande skal miljøet nær staden som omfattar mellom anna folk, husdyr, ville dyr, natur og vatn, sikrast mot ulempe som følgje av drifta. Utandørs handtering skal vere omgitt av minst 2 meter høgt gjerde. Utanom arbeidstid skal anlegget vere heilt avstengd og låst. Handtering av avfall som kan medføre fare for ureining eller elles kan vere særleg støyande, skal så langt råd skje innandørs. Brenning eller nedgraving av avfall er ikkje tillate. 3. Om handtering av avfall Bemanning og kompetanse Bemanninga ved anlegget skal vere tilstrekkeleg til at feillevering og feilsortering vert unngått. Dersom tilgang på kundar er større enn det dei tilsette kan rettleie om og vise til rette, må bemanninga aukast. 3 Merk at verksemda også har varslingsplikt etter forskrift om varsling av akutt ureining eller fare for akutt ureining av , nr Jf. forskrift om systematisk helse-, miljø- og sikkerhetsarbeid i virksomheter av nr eller seinare utgåve (internkontrollforskrifta) 5 Krav om utarbeiding av miljørisikovurdering er nærare omtalt i vilkår 5. 6 Ulike avfallsomgrep er omtalt i vedlegg 1, elles viser vi til avfallsforskrifta og ureiningslova

12 Side 4 av 9 Tilsette som handterer farleg avfall skal ha gjennomgått særskild opplæring av anerkjend nasjonalt kompetansemiljø, eller etter Fylkesmannen sine nærare krav. Opplæringa skal mellom anna bidra til å sikre at avfall vert rett klassifisert, at registrering, deklarering, merking og journalføring er korrekt, at ulike avfallstypar ikkje vert blanda, at emballasje er eigna, og at det vert forsvarleg lagra fram til vidare levering. Tilsette som handterer avfall skal halde seg oppdatert om gjeldande reglar og normer og utvikle eigen kompetanse om stoff/avfall som kan takast i mot på anlegget. Verksemda skal ha ein plan for korleis kompetansen skal haldast vedlike og aukast. Det skal til ei kvar tid vere tilgjengeleg minst ein person med tilstrekkeleg kompetanse ved verksemda. Verksemda må ha tilknytt kjemikompetanse på minst bachelor-nivå, ved eigen tilsett eller avtale med kompetent person/verksemd Informasjon til kundar Verksemda skal syte for at kundane får nødvendig informasjon om korleis avfallet kan takast i mot ved anlegget. Det skal leggast særskilt vekt på informasjon som kan føre til auka innsamling av farleg avfall, EE-avfall og andre prioriterte avfallstypar. Mellom anna må det gjevast særskilt informasjon til abonnentar og næringskundar som har bygg-, anleggs- eller rivingsavfall. Informasjonsomfanget skal også bidra til å sikre best moglege sorteringsordningar hos kundane. Løyvet skal vere slått opp på mottaksstaden, vere publisert på verksemda si heimeside og kopi skal kunne leverast leverandør på førespurnad. Verksemda kan inngå avtale om at kommunen utfører informasjon utanom mottaksstaden Ordinært avfall Verksemda kan handtere ordinært avfall etter den inndelinga som til ei kvar tid gir best høve til materialutnytting eller gjenbruk av avfallstype eller avfallsstoff. Avfall som ikkje gir høve til materialutnytting eller gjenbruk skal handterast for å gi grunnlag for best mogleg energiutnytting. Verksemda skal syte for at føremålstenlege sorteringssystem vert tilbode kundane. Alt avfall, produkt m.m. som kan utgjere ein ureiningsfare eller på annan måte vere ein fare eller ulempe for miljøet, skal vere sikra mot tilgjenge frå uvedkomande. Avfallet må takast imot og lagrast slik at høvet til materialgjenvinning eller energiutnytting ikkje vert forringa. Skjemmande avfall skal sikrast mot innsyn frå offentleg område. Utanom arbeidstid skal anlegget vere avstengt og låst. Berre fråsortert restavfall som ikkje kan gjenbrukast, materialgjenvinnast eller energiutnyttast, kan leverast til godkjent sluttdisponering. Blanda/ikkje sortert avfall skal fråsorterast så snart som råd og seinast innan ein månad. Fråsortert, ordinært avfall kan lagrast ved anlegget i inntil 12 månader, før vidarelevering til godkjente mottak.

13 Side 5 av Mottak av farleg avfall Generelt om mottak av farleg avfall Verksemda skal vere registrert som aktør i farleg avfall - systemet, og skal ha alle nødvendige avtalar i det nasjonale farleg avfall - systemet 7. Verksemda pliktar å ta imot alle farlege avfallstypar omtalt i 11-4 i avfallsforskrifta. Verksemda skal føre journal som omfattar alle nødvendige opplysningar om motteke farleg avfall. Journalen skal mellom anna innehalde opplysningar om mengde, typar, deklarasjonsnummer og kven som leverer. Journalane skal vere lett tilgjengelege ved kontroll og må oppbevarast i minst 3 år. Området for handtering av farleg avfall skal vere fysisk skild frå annan aktivitet ved verksemda. Motteke farleg avfall skal ikkje handterast saman med, eller blandast med anna avfall. Dersom leveringa/hentinga består av blanda farleg avfall / ordinært avfall, skal alt avfallet handterast vidare som farleg avfall Mottak av farleg avfall frå næring Ved mottak av farleg avfall frå næring skal løyvehavaren sjå til at avfallet er deklarert 8. Dersom ein leveranse inneheld fleire avfallstypar, må det vere minst ein deklarasjon for kvar avfallstype. Verksemda som leverer farleg avfall er sjølv ansvarleg for at deklareringa er utført korrekt. Dersom dette ikkje er gjort må løyvehavaren gi tilstrekkeleg informasjon, og mellom anna levere ut deklarasjonsskjema til leverandøren ved etterspørsel. Særskild liste skal førast over verksemder som ikkje deklarerer korrekt. Avfallsprodusentar som til vanleg genererer meir enn kg farleg avfall per år, kan visast til andre godkjente mottak eller henteordningar. Fylkesmannen skal ha melding ved slik avvising Mottak av farleg avfall frå husstand Ved mottak av farleg avfall frå husstandar er kommunen ansvarleg for deklarering. Verksemda kan utføre den praktiske registreringa av farleg avfall etter avtale med kommunen. Kommunen skal så raskt som mogleg motta og kunne oppbevare all dokumentasjon om eige avfall. Det kan ikkje krevjast stykkprisbetaling for mottak av farleg avfall frå husstand (private). 3.5 Lagring og vidarelevering av farleg avfall Lagring Farleg avfall skal lagrast på ein slik måte at det ikkje oppstår ureining. Lagra farleg avfall skal til ei kvar tid ha tilstrekkeleg tilsyn. Som eit minimum skal følgjande tiltak vere oppfylt: All lagring skal vere basert på dokumentert risikovurdering. Lagringa skal vere sikra slik at uvedkomande ikkje får tilgjenge. Avfallet skal lagrast under tak eller på anna måte vere skjerma mot nedbør, dersom det ikkje kan dokumenterast at annan lagring ikkje medfører større ureiningsfare eller problem ved vidare handtering. 7 For tida avtalar med NORSAS og innsamlar/ar 8 Gitt alle relevante opplysningar skriftleg på deklarasjonsskjema godkjent av Miljødirektoratet

14 Side 6 av 9 Fast avfall skal lagrast på tett dekke 9, dersom det ikkje kan dokumenterast at annan lagring ikkje medfører større ureiningsfare eller problem ved vidare handtering. Emballasjen skal vere varig merkt med avfallsstoffnummer og avfallstype. Faren for søl eller lekkasje frå motteke avfall skal vere minimal, og i samsvar med dokumentert akseptnivå. Eventuelle uhellsutslepp skal samlast opp straks. Oppsamlings- og absorberande utstyr skal i mengd og storleik vere tilpassa maksimal lagringsmengd. Blanding av ulike typar farleg avfall som ikkje kan samdeklarerast, er ikkje tillate. Fortynning av motteke farleg avfall for å unngå farleg avfall - klassifisering, er ikkje tillate. Stoff som ikkje kan samlastast etter ADR-reglane, skal lagrast på fysisk skilde område. Verksemda skal ha kart over lager av avfallet der det går fram kor dei forskjellige typane avfall er lagra. Lagertankar for flytande farleg avfall med kapasitet større enn liter, skal ha overfyllingsvarsel. Flytande farleg avfall som skal lagrast i tank med kapasitet på minst liter skal sikrast med oppsamlingsarrangement som minst tilsvarar kapasiteten på tanken og som tòler dei aktuelle kjemikala. Oppsamlingsarrangement som omfattar fleire einingar, skal i tillegg ha kapasitet minst svarande til størsta eininga sitt volum pluss 10 % av volumet til den største eininga. Tankar o.l. for lagring av farleg avfall skal med jamne mellomrom tømmast og reingjerast mellom anna for å hindre opphoping av slam og/eller farlege stoff og for å kunne tilstandsvurdere tanken Tiltak ved vidarelevering Før avfallet vert levert vidare til eller henta av godkjent farleg avfallsaktør, skal løyvehavaren sikre at emballasje er rein og uskadd og eigna for lagring og transport av det aktuelle, farlege avfallet, emballasje er merkt med deklarasjonsnummer og avfallstoffnummer (eller annan tilsvarande eintydige opplysning om avfallstype) påført med vérbestandig merking, emballasje er merkt i samsvar med regelverket om transport av farleg gods. Deklarasjonsskjema skal følgje med alt farleg avfall som forlet anlegget. Motteke farleg avfall skal leverast vidare til godkjent aktør innan 6 månader. 4. Utslepp til grunn og vatn Verksemda skal vere innretta slik at det ikkje skjer utslepp til grunn eller vatn. Verksemda pliktar å halde oversikt over eventuell eksisterande ureina grunn på eige område. Ein skal til ei kvar tid ha oversikt over faren for spreiing, og vurdere behovet for undersøkingar og tiltak. Er det grunn til å tru at undersøkingar eller andre tiltak vil vere nødvendig, skal ureiningsstyresmakta varslast om dette. 9 Sjå definisjon i Vedlegg 1

15 Side 7 av 9 5. Førebyggande tiltak og beredskap mot akutt ureining 5.1. Miljørisikoanalyse Verksemda skal gjennomføre ein miljørisikoanalyse 10 av aktiviteten sin. Verksemda skal vurdere resultata i forhold til akseptabel miljørisiko. Potensielle kjelder til akutt ureining av vatn, grunn og luft skal òg kartleggast. Miljørisikoanalysen skal dokumenterast og skal omfatte alle forhold ved verksemda som kan medføre ureining av ytre miljø, uakseptabel avfallshandtering eller akutt ureining med fare for helse- og/eller miljøskadar. Ved modifikasjonar og endra driftsforhold skal miljørisikoanalysen oppdaterast Beredskap og førebyggande tiltak På grunnlag av miljørisikoanalysen skal verksemda setje i verk risikoreduserande tiltak. Både sannsynlegheits- og konsekvensreduserande tiltak skal vurderast. Verksemda skal ha ei oppdatert oversikt over dei førebyggande tiltaka. Verksemda skal, på bakgrunn av ein miljørisikoanalyse og dei risikoreduserande tiltaka som er sett i verk, etablere og vedlikehalde ein beredskap for å hindre, oppdage eller stanse akutt ureining. Beredskapen skal vere tilpassa den miljørisikoen som verksemda til ei kvar tid representerer, og skal også omfatte utstyr til å fjerne og avgrense omfanget og skadane og ulempene som kan skje. Beredskapen mot akutt ureining skal øvast minimum ein gong pr. år. Øvinga skal leggast opp etter dei fastsette måla for beredskapen. 6. Årleg rapportering / oversyn over aktivitet Verksemda skal sikre at all relevant informasjon om avfallsmengder, - typar og handtering vert gitt til kommunen på ein transparent og etterprøvbar måte. Verksemda må få utarbeidd ein skriftleg årsrapport om drift og miljøtilhøva ved dei ulike aktivitetane på området. Rapporten må også innehalde ei vurdering av resultata og behov for eventuelle tiltak. Det er ikkje sett direkte krav til måling, utrekning eller rapportering av spesifikke nivå når det gjeld utslepp av lukt, støy eller støv. Rapporten bør likevel innehalde ei vurdering av desse miljøtilhøva. 7. Økonomisk sikkerheit Verksemda skal kunne dokumentere tilfredstillande forsikring eller annan økonomisk sikkerheit for å sikre at mottatt avfall vert forsvarleg handtert og behandla vidare dersom verksemda legg ned sin aktivitet eller på annen måte ikkje er i stand til sjølv å behandle avfallet. Forsikringa/annan økonomisk sikkerheit skal også omfatte mogleg erstatning etter kapittel 8 i ureiningslova. Dette omfattar mellom anna utgifter til opprydding ved ei eventuell ulukke, eller ved anna utilsikta hending der avfallet kan medføre ureining eller verke skjemmande. Denne sikkerheita skal omfatte alt avfall som til ei kvar tid er lagra hos eller av verksemda. 10 Framgangsmåten bør følge NS 5814:2008 Krav til risikovurdering (eller seinare utgåve)

16 Side 8 av 9 Økonomisk sikkerheit skal stillast i form av pant for Fylkesmannen i Sogn og Fjordane i sperra bankkonto med ein innbetalt sum tilsvarande den summen som skal sikrast, eller ved ein løpande påkravsgaranti frå bank utskriven til Fylkesmannen i Sogn og Fjordane på tilsvarande sum. Dersom verksemda kan dokumentere at det vil gje tilsvarande sikkerheit, kan Fylkesmannen etter ei vurdering godta andre former for sikring av den aktuelle summen. Så snart som mogleg etter at løyvet er motteke, skal verksemda sende skriftleg melding til Fylkesmannen om korleis ein stiller sikkerheit. Før Fylkesmannen har godkjent sikringa av den aktuelle summen, kan verksemda ikkje ta imot farleg avfall ved anlegget. 8. Større endringar 8.1. Eigarskifte Dersom verksemda vert overdregen til ny ansvarleg, skal Fylkesmannen ha melding så snart som mogleg og seinast 1 månad etter eigarskiftet Nedlegging eller lengre driftsstans Dersom anlegget vert nedlagt eller stansar for ein lengre periode, skal verksemda gjere det som til ei kvar tid er nødvendig for å motverke fare for ureining. Dersom noko ved anlegget kan medføre ureining eller det er avfall som kan verke skjemmande etter nedlegginga eller driftsstansen, skal det i rimeleg tid på førehand gjevast melding til Fylkesmannen. Tilsvarande skal Fylkesmannen ha melding dersom anlegg, anleggskomponentar, med meir, kan medføre fare for ureining etter nedlegging eller kunne verke skjemmande som avfall. Fylkesmannen kan fastsetje nærare kva for tiltak som er nødvendig for å motverke ureining og rydde opp i avfall. Fylkesmannen kan pålegge eigaren eller brukaren å stille garanti for dekking av framtidige utgifter og mogleg erstatningsansvar. Ved nedlegging eller stans skal verksemda sørgje for at produksjonsutstyr og avfall vert teke hand om på forsvarleg måte, mellom anna skal farleg avfall handterast i samsvar med gjeldande forskrift 11. Dei tiltaka som vert gjennomførte i slike høve, skal rapporterast til Fylkesmannen innan 3 månader etter nedlegginga eller stans. Dersom den ansvarlege ønskjer å starte på nytt, skal det gjevast melding til Fylkesmannen i god tid før start er planlagt. Ved oppstart skal den ansvarlege sørgje for at driftsstaden vert sett i miljømessig tilfredsstillande stand før ny aktivitet kan starte opp. 11 Avfallsforskrifta kapittel 11 om farleg avfall

17 Side 9 av 9 VEDLEGG 1 - Definisjonar Med tett dekke meiner vi frostsikkert dekke av asfalt eller betong utan sprekker, alternativt anna dekke med permeabilitet mindre enn K=1x10-6 m/s målt i vassmetta tilstand. Definisjonar av avfall følgjer så langt det er aktuelt 9-3 og 11-3 i avfallsforskrifta. Nokre sentrale definisjonar er omtalt her: Avfall: kasserte løsøregjenstandar eller stoff. Som avfall reknar ein også overflødige løsøregjenstandar og stoff frå tenesteyting, produksjon og reinseanlegg m.v. Avløpsvatn og avgassar reknar ein ikkje som avfall. Farleg avfall: avfall som ikkje hensiktsmessig kan handterast saman med ordinært avfall fordi det kan medføre alvorleg ureining eller fare for skade på menneske eller dyr. I dette løyvet meiner ein her farleg avfall som fell inn under omtalen i 11-4 i avfallsforskrifta, og som omfattar avfallstypar som Miljødirektoratet og Fylkesmannen har tilsynsanvar for. Det vil seie at løyvet ikkje omfattar handtering av avfall som høyrer inn under følgjande klasser etter ADR 12 : Klasse 1: Eksplosive stoff o.l. (ansvar DSB, ev. politiet) Klasse 4.2 Sjølvtennande stoff (ansvar DSB) Klasse 5.2: Organiske peroksid (ansvar DSB) Klasse 7: Radioaktive stoff (ansvar Statens strålevern) Ordinært avfall: eitkvart avfall som ikkje er omfatta av definisjonane i avfallsforskrifta 11-3 bokstavane b til e. Behandling: dei fysiske, termiske, kjemiske eller biologiske prosessane, som endrar det farlege avfallet sine eigenskapar og som er nødvendig eller hensiktsmessig for disponering av avfallet. Flytande avfall: avfall i væskeform. Sluttbehandling: deponering eller forbrenning utan energiutnytting av ordinært avfall. Disponering: endeleg plassering av farleg avfall t.d. i form av forbrenning, gjenvinning eller kontrollert deponering. Innsamling: henting av farleg avfall hos ein eller fleire avfallshavarar. Handtering (av farleg avfall) er definert i 11-3 i avfallsforskrifta (kapittelet om farleg avfall) som ei fellesnemning for mottak, lagring, behandling og anna disponering av farleg avfall. Det omfattar også vidarelevering av avfall til godkjent anlegg eller mottakar. I vilkår 1 i dette løyvet er tillate handtering avgrensa til å omfatte handlingar som Fylkesmannen har rettsleg kompetanse til å gje løyve til. Mottak: Etter avfallsforskrifta: eit tilbod, stasjonært eller mobilt, der avfallshavar eller innsamlar kan levere farlig avfall. I dette løyvet er "mottaket" det stasjonære anlegget på det nærare avgrensa arealet omtalt i løyvet. Gjenvinning: Nyttiggjering av avfall ved ein eller fleire av metodane lista i vedlegg II i Parlamentsog Rådsdirektiv 08/98 EØS (Avfallsrammedirektivet). 12 ADR: Europeisk avtale om internasjonal vegtransport av farleg gods. Verksemda må ha ADRgodkjent transportmateriell.