MØTEBOK. Jenny Følling, Sp Anders Ryssdal, Sp Noralv Distad, H Marit Barsnes Krogsæter, V Trude Brosvik, KrF

Transkript

1 MØTEBOK Organ Møtestad Fylkesutvalet Fylkeshuset - møterom Sygna Møtedato Kl Faste medlemer til stades: Åshild Kjelsnes, Ap Jenny Følling, Sp Anders Ryssdal, Sp Noralv Distad, H Marit Barsnes Krogsæter, V Trude Brosvik, KrF Forfall til møtet: Nils P. Støyva, Ap Karen Marie Hjelmeseter, Sp Frank Willy Djuvik, FrP Varamedlemer til stades: Karianne Torvanger, Ap Anita Nybø, Sp Olin Johanne Henden, H Til stades med møte- og talerett: Sekretariat for møtet: Tore Eriksen Knut Henning Grepstad Ingen merknader til innkalling og sakliste. Fylkesutvalet vedtok at sak nr. 8/15 og punkta 4 og 5b i sak 9/15 vart handsama for lukka dører, jf. kommunelova 31, nr. 5 Møtebok frå 8. desember 2014 vart godkjend utan merknader. Fylkesutvalet fann Karianne Torvanger habil til å delta ved handsaming av sak 7/15. Fylkesordføraren orienterte om: Møte med Oppland fylkeskommune og Møre og Romsdal fylkeskommune om verneplan for villrein Møte i fylkesordførarkollegiet om ferjeavløysingsmidlar Møte med Statoil om basekontraktar og Gjøa-avtalen Fylkesvaraordføraren orienterte om arbeidet i Vindkraftforum Fylkesrådmannen orienterte om: Arbeidet med Sogn Jord- og hagebruksskule Val av nye styremedlemer i Vestlandsforsking Organisering av folkevaldopplæring for nytt fylkesting. Fylkeskommunen står sjølv for opplæringa. Personalsak.

2 SAK 1/15 Uttale i høve føreståande regionreform Frå fylkesrådmannen låg det føre slik tilråding til vedtak: Sogn og Fjordane fylkeskommune viser til vedtak i fylkesordførar-/rådsleiarkollegiet og i KS sitt hovudstyre , samt til fylkeskommunane sin eigen rapport «Nye folkevalde regionar - mål, prinsipp og oppgåver» (vedlegg 2), og tilrår at følgjande prinsipp vert lagt til grunn for eit framtidig regionalt folkevald nivå: 1. I Noreg er det behov for eit robust regionalt nivå underlagt direkte folkevald styring som kan ta eit regionalt leiarskap i samarbeid med kommunar, næringsliv og statleg forvaltning. 2. Det regionale nivået må få eit klårt definert ansvar for dei oppgåver og dei sektorar som er viktige for den regionale utviklinga, og for samordninga av desse oppgåvene med kommunane og staten si verksemd i regionen. Det regionale folkevalde nivå styrkjer demokratiet og inneber maktspreiing. 3. Det regionale nivået må styrkjast gjennom samordning av sektorinteresser framfor statleg sektorbasert detaljstyring. Oppgåver med regional/lokalt handlingsrom vert best løyste av folkevalde regionar i samhandling med kommunane innafor ramma av nasjonal politikk. 4. Generalistprinsippet må framleis gjelde for regionalt folkevald nivå. 5. Folkevalde regionar bør få overført oppgåver frå staten innafor følgjande område: a. Statens vegvesen sitt regionapparat/fylkesavdelingane. b. Kulturrådet og tildelingar til regionale føremål frå Kulturdepartementet. c. Kjøp av regionale jernbanetenester. d. Delar av Forskingsrådet sine program. e. Konsesjonsoppgåver og rettleiingsoppgåver frå NVE og annan naturressursforvaltning av regional karakter. f. Dei delar av BUF-etat som ikkje kan leggjast til kommunane. g. Miljø/klima. h. Landbruk. i. Prosjektskjønnsmidlar Mange av desse oppgåvene er av ein slik karakter at dei føreset ein annan regional organisering enn den vi har i dag. Ei slik organisering må sjåast i samanheng med framtidige endringar i kommunestrukturen. 6. Staten bør som hovudregel organisere si verksemd slik at den korresponderer med den folkevalde regionstrukturen som måtte bli etablert. 7. Fylkesmannsembeta sine oppgåver bør konsentrerast om kontroll og tilsyn. 8. Alle avklaringer som gjeld det folkevalde regionale nivå må skje parallelt med tilsvarende avklaringer knytt til kommunestrukturen, jf. Stortinget sin føresetnad av juni Med dette som utgangspunkt ber Sogn og Fjordane fylkeskommune om at Regjeringa - i den stortingsmeldinga som vert fremja våren gir si vurdering av dei prinsipp som ligger i dette vedtaket. 9. Prosessen med å vurdere eventuelle endringar av det regionale folkevalde nivået bør starte i det einskilde fylke i 2015 med siktemål om vedtak i fylkestinga hausten Sogn og Fjordane fylkeskommune føreset at både fylkeskommunane og KS blir trekt aktivt med i det vidare arbeidet med vurdering av oppgåver som skal ligge til det regionale folkevalde nivået. Side 2 av 11

3 Endringsframlegg: Høgre sette fram slikt framlegg til vedtak: Det vidare arbeidet med forvaltningsreformen må sikra at dei oppgåvene som i dag ligg til fylkeskommunane vert ivaretekne på ein god måte, primært ved at oppgåvene vert lagt til kommunane. Dersom ein framleis skal ha eit regionalt nivå i tillegg til kommunane, bør fylgjande leggjast til grunn: Punkta 2-10 i tilrådinga frå fylkesrådmannen. Avrøysting: Noralv Distad og Olin Johanne Henden røysta for første setning i framlegget frå Høgre. Åshild Kjelsnes, Karianne Torvanger, Jenny Følling, Anders Ryssdal, Anita Nybø, Marit Barsnes Krogsæter og Trude Brosvik røysta for punkt 1 i tilrådinga frå fylkesrådmannen. Punkta 2-10 i tilrådinga frå fylkesrådmannen vart samrøystes vedtekne. Dette gir følgjande VEDTAK: Sogn og Fjordane fylkeskommune viser til vedtak i fylkesordførar-/rådsleiarkollegiet og i KS sitt hovudstyre , samt til fylkeskommunane sin eigen rapport «Nye folkevalde regionar - mål, prinsipp og oppgåver» (vedlegg 2), og tilrår at følgjande prinsipp vert lagt til grunn for eit framtidig regionalt folkevald nivå: 1. I Noreg er det behov for eit robust regionalt nivå underlagt direkte folkevald styring som kan ta eit regionalt leiarskap i samarbeid med kommunar, næringsliv og statleg forvaltning. 2. Det regionale nivået må få eit klårt definert ansvar for dei oppgåver og dei sektorar som er viktige for den regionale utviklinga, og for samordninga av desse oppgåvene med kommunane og staten si verksemd i regionen. Det regionale folkevalde nivå styrkjer demokratiet og inneber maktspreiing. 3. Det regionale nivået må styrkjast gjennom samordning av sektorinteresser framfor statleg sektorbasert detaljstyring. Oppgåver med regional/lokalt handlingsrom vert best løyste av folkevalde regionar i samhandling med kommunane innafor ramma av nasjonal politikk. 4. Generalistprinsippet må framleis gjelde for regionalt folkevald nivå. 5. Folkevalde regionar bør få overført oppgåver frå staten innafor følgjande område: a. Statens vegvesen sitt regionapparat/fylkesavdelingane. b. Kulturrådet og tildelingar til regionale føremål frå Kulturdepartementet. c. Kjøp av regionale jernbanetenester. d. Delar av Forskingsrådet sine program. e. Konsesjonsoppgåver og rettleiingsoppgåver frå NVE og annan naturressursforvaltning av regional karakter. f. Dei delar av BUF-etat som ikkje kan leggjast til kommunane. g. Miljø/klima. h. Landbruk. i. Prosjektskjønnsmidlar Mange av desse oppgåvene er av ein slik karakter at dei føreset ein annan regional organisering enn den vi har i dag. Ei slik organisering må sjåast i samanheng med framtidige endringar i kommunestrukturen. 6. Staten bør som hovudregel organisere si verksemd slik at den korresponderer med den folkevalde regionstrukturen som måtte bli etablert. 7. Fylkesmannsembeta sine oppgåver bør konsentrerast om kontroll og tilsyn. 8. Alle avklaringer som gjeld det folkevalde regionale nivå må skje parallelt med tilsvarende avklaringer knytt til kommunestrukturen, jf. Stortinget sin føresetnad av juni Med dette som utgangspunkt ber Sogn og Fjordane fylkeskommune om at Regjeringa - i den Side 3 av 11

4 stortingsmeldinga som vert fremja våren gir si vurdering av dei prinsipp som ligger i dette vedtaket. 9. Prosessen med å vurdere eventuelle endringar av det regionale folkevalde nivået bør starte i det einskilde fylke i 2015 med siktemål om vedtak i fylkestinga hausten Sogn og Fjordane fylkeskommune føreset at både fylkeskommunane og KS blir trekt aktivt med i det vidare arbeidet med vurdering av oppgåver som skal ligge til det regionale folkevalde nivået. SAK 2/15 Region- og kommunereforma, oppfølging av vedtak i FUsak 134/14 VEDTAK: 1. Fylkesutvalet ber om at fylkesordføraren, i forkant av Vestlandsrådet sitt møte , ber rådet drøfte og votere over følgjande framlegg: «Vestlandsrådet viser til vedtak/uttale/oppmoding frå fylkesordførarkollegiet og ber om at ein til møtet i rådet får seg førelagt ei sak om mogleg utvikling av ei landsdelsløysing for Vestlandet.» 2. Fylkesutvalet har ikkje merknader til at eige vedtak i FU-sak 134/14, pkt. 2, vert følgd opp slik: Ei faggruppe, samansett av 4 rådmenn (4 regionar), leiaren i rådmannsutvalet (1) og fylkesrådmannen (1), førestår ei utgreiing som viser ei mogleg oppgåvedelinga mellom staten og kommunesektoren og innad i kommunesektoren - her i fylket. Utgreiinga må byggje på generalistprinsippet. Utover dette må ein sjå hen mot likelydande vedtak i fylkesordførarkollegiet og KS sitt hovudstyre , og mot utgreiingar initiert av fylkesordførarkollegiet (2014) og regjeringa (2014). For fylkeskommunen sin del må ein ta utgangspunkt i dagens fylkeskommune, sjølv om denne på eit seinare tidspunkt kan bli innlemma i ei større regional eining. For kommunane sin del må ein sjå på alternative løysingar (få - mange kommunar). Det vert lagt til grunn at faggruppa sitt arbeid er ferdigstilt innan utgangen av 2015, slik at arbeidet kan underleggjast kommunal- og fylkespolitisk handsaming med tanke på oversending til sentrale styresmakter 1.halvår Fylkesutvalet er innstilt på å tilrå at fylkeskommunen finansierer utgreiingsarbeidet under føresetnad av kommunane stiller seg positive. Det vert her vist til den forankringsprosess som ligg i fylkesrådmannen si tilråding. SAK 3/15 Høyring - Forslag om å oppheva konsesjonslova og buplikta. Frå hovudutval for plan og næring låg det føre slik tilråding til vedtak: 1. Fylkesutvalet i Sogn og Fjordane fylkeskommune går ikkje inn for å oppheve konsesjonslova og reglane om buplikt i odelslova. 2. Fylkesutvalet legg her til grunn fylgjande moment: Side 4 av 11

5 a. Reglane i konsesjonslova og reglane om buplikt i odelslova fungerer gjennomgåande tilfredsstillande for omsetjing av landbrukseigedomar. Det er difor ikkje tungtvegande grunnar til å oppheve konsesjonslova. b. Eigedomsretten er viktig, men omsynet til den som skal leve av å produsere mat, bør vege tyngre enn omsynet til den som ønskjer å selje. c. Bortfall av konsesjonslova vil svekke familiebruket si stilling. Det er personar og selskap med økonomiske ressursar som vil ha størst fordel av at konsesjonslova vert oppheva. d. Bortfall av konsesjons- og bupliktregelverket kan føre til prispress, og at mange landbrukseigedommar blir omgjort til fritidseigedommar. e. Det er positivt med ein kritisk gjennomgang av konsesjons- og bupliktregelverket, med mål om forenkling, forbetring og meir systematisk handheving. f. Det er særleg viktig å oppretthalde reglar om personleg eigarskap, busetting, ei samfunnsmessig forsvarleg prisutvikling og reglar som hindrar oppsamling av eigedomar på få hender. g. Denne type endringar, som oppheving av konsesjonslova og buplikta representerer, må ikkje reknast som reversibel. Det er lite tenkjeleg at streng lovgjeving kan bli innført på nytt. Endringsframlegg: Høgre sette fram slikt framlegg til vedtak: Sogn og Fjordane fylkeskommune støtter Landbruks- og matdepartementet sitt forslag om oppheving av konsesjonsloven og tilhøyrande endringar i odelslova. Fylkeskommunen meiner at Konsesjonslova hindrar omsetnad av landbrukseigedommar og at lova fører til unødig byråkrati og sakshandsaming i kommunane. I tillegg er unnatak frå lova blitt så mange at det i seg sjølv er argument for oppheving. For kommunane vil ei oppheving av konsesjonslova bety forenkling av forvaltninga og vi støttar difor framlegget. Avrøysting: Noralv Distad, Olin Johanne Henden og Marit Barsnes Krogsæter røysta for framlegget frå Høgre. Åshild Kjelsnes, Karianne Torvanger, Jenny Følling, Anders Ryssdal, Anita Nybø og Trude Brosvik røysta for tilrådinga frå hovudutval for plan og næring. Dette gir følgjande VEDTAK: 1. Fylkesutvalet i Sogn og Fjordane fylkeskommune går ikkje inn for å oppheve konsesjonslova og reglane om buplikt i odelslova. 2. Fylkesutvalet legg her til grunn fylgjande moment: a. Reglane i konsesjonslova og reglane om buplikt i odelslova fungerer gjennomgåande tilfredsstillande for omsetjing av landbrukseigedomar. Det er difor ikkje tungtvegande grunnar til å oppheve konsesjonslova. b. Eigedomsretten er viktig, men omsynet til den som skal leve av å produsere mat, bør vege tyngre enn omsynet til den som ønskjer å selje. c. Bortfall av konsesjonslova vil svekke familiebruket si stilling. Det er personar og selskap med økonomiske ressursar som vil ha størst fordel av at konsesjonslova vert oppheva. d. Bortfall av konsesjons- og bupliktregelverket kan føre til prispress, og at mange landbrukseigedommar blir omgjort til fritidseigedommar. e. Det er positivt med ein kritisk gjennomgang av konsesjons- og bupliktregelverket, med mål om forenkling, forbetring og meir systematisk handheving. f. Det er særleg viktig å oppretthalde reglar om personleg eigarskap, busetting, ei samfunnsmessig forsvarleg prisutvikling og reglar som hindrar oppsamling av eigedomar på få hender. g. Denne type endringar, som oppheving av konsesjonslova og buplikta representerer, må ikkje reknast som reversibel. Det er lite tenkjeleg at streng lovgjeving kan bli innført på nytt. Side 5 av 11

6 SAK 4/15 Jordbruksforhandlingane 2015 Frå hovudutval for plan og næring låg det føre slik tilråding til vedtak: 1. Fylkesutvalet sitt hovudinnspel til jordbruksforhandlingane 2015, er at det endelege jordbruksoppgjeret må stimulere til auka produksjon, kvalitet og inntening i landbruket i fylket, og gjere gardsbruka tryggare og meir attraktive som arbeidsplassar og buplassar. 2 Konkrete innspel til jordbruksforhandlingane er: a. At det samla sett vert teke godt omsyn til fylket sin bruksstruktur. I nasjonal samanheng er fylket prega av mange små bruk, vanskeleg topografi, store avstandar mellom bruka og store avstandar til marknad og omsetning. b. Styrking av distriktsretta verkemiddel knytt til grovfòrbasert produksjon av storfekjøt, småfekjøt, mjølk og produksjon av frukt og bær. c. Styrking av den nasjonale og regionale potten for investeringar. d. Innføring av rentefritt investeringslån til erstatning for dagens rentestøtteordning. e. Utnytte handlingsrommet som dagens tollvern kan gje for auka pris til produsent. f. Innføring av nydyrkingstilskot. g. Halde fast på dagens regioninndeling for omsetning av mjølkekvotar. Endringsframlegg: Høgre sette fram slikt framlegg til vedtak: 1. Sogn og Fjordane Fylkeskommune er nøgd med at årelange negative trendar i jordbruket no ser ut til å snu. Nedgangen i tal jordbruksbedrifter er den lågaste på mange år, og auka interesse for å kjøpe mjølkekvoter og forbruk på investeringsverkemiddel syner at det er stor optimisme og vilje til å satse i jordbruket. Det er likevel viktig å leggje til rette for endå betre vilkår gjennom årets forhandlingar, der ein ytterlegare fjernar og reduserer hindringar for produksjonsauke og inntektsvekst. 2. For å oppretthalde norsk landbruk på dagens nivå og auke norsk matproduksjon, slik Stortinget har vedteke, må det satsast meir på fornying. Auka investeringsstøtte vil bidra til at fleire kan fornye bruka sine, og auke sin produksjon. Potten for investeringar både nasjonalt og regionalt må aukast, i tillegg til at det må innførast rentefritt investeringslån til erstatning for dagens rentestøtteordning. 3. Sogn og Fjordane Fylkeskommune meiner at det er viktig å styrkje bøndene sin næringsfridom, ved å mjuke opp rigide produksjons- og marknadsreguleringar som avgrensar produsentane sine mogligheiter til å utvikle produksjonen. Færre reglar og reguleringar for landbruket vil bety større utviklings- og inntektsmogligheiter enn dagens regulerte rammebetingelsar gjer grunnlag for. 4. Sogn og Fjordane Fylkeskommune meiner at det er framleis er eit betydeleg potensial for forenkling og avbyråkratisering i landbrukspolitikken. Og i forenklingar bør vere sentrale tema i forhandlingane også i år. 5. Sogn og Fjordane Fylkeskommune meiner det er realistisk og nødvendig å gradvis redusere overføringsnivået til jordbruket, men at det er viktig at dette skjer samstundes som ein fjernar reguleringar som legg hindringar i vegen for dei som ynskjer å satse, samt for dei som eig landbrukseigedom. 6. I årets oppgjer meiner Sogn og Fjordane Fylkeskommune at insentiva og ordningar for ivaretaking av kulturlandskapet må styrkjast. Kulturlandskapet er avgjerande for ivaretaking og styrking av reiselivet, samt attraktivitet og bulyst i jordbruksområder. Side 6 av 11

7 7. Skognæringa har eit stort unytta potensiale til auka verdiskaping. Satsinga på skogsbilvegar må ytterlegare styrkjast i årets oppgjer. 8. For å auke produksjonen, bør det innførast tilskot til nydyrking Avrøysting: Noralv Distad, Olin Johanne Henden og Marit Barsnes Krogsæter røysta for Høgre sitt framlegg. Tilrådinga frå hovudutval for plan og næring og punkt 7 i Høgre sitt framlegg vart samrøystes vedtekne. Dette gir følgjande VEDTAK: 1. Fylkesutvalet sitt hovudinnspel til jordbruksforhandlingane 2015, er at det endelege jordbruksoppgjeret må stimulere til auka produksjon, kvalitet og inntening i landbruket i fylket, og gjere gardsbruka tryggare og meir attraktive som arbeidsplassar og buplassar. 2 Konkrete innspel til jordbruksforhandlingane er: a. At det samla sett vert teke godt omsyn til fylket sin bruksstruktur. I nasjonal samanheng er fylket prega av mange små bruk, vanskeleg topografi, store avstandar mellom bruka og store avstandar til marknad og omsetning. b. Styrking av distriktsretta verkemiddel knytt til grovfòrbasert produksjon av storfekjøt, småfekjøt, mjølk og produksjon av frukt og bær. c. Styrking av den nasjonale og regionale potten for investeringar. d. Innføring av rentefritt investeringslån til erstatning for dagens rentestøtteordning. e. Utnytte handlingsrommet som dagens tollvern kan gje for auka pris til produsent. f. Innføring av nydyrkingstilskot. g. Halde fast på dagens regioninndeling for omsetning av mjølkekvotar. h. Skognæringa har eit stort unytta potensiale til auka verdiskaping. Satsinga på skogsbilvegar må ytterlegare styrkjast i årets oppgjer. SAK 5/15 Utkast til ny postlov - fråsegn Frå fylkesrådmannen låg det føre slik tilråding til vedtak: 1. Fylkesutvalet i Sogn og Fjordane går imot å innføre EU sitt tredje postdirektiv i norsk lov og går difor imot framlegget til ny postlov. 2. Ny postlov vil få store negative konsekvensar for posttenestene på Vestlandet og i Sogn og Fjordane. Fylkesutvalet i Sogn og Fjordane fryktar at ny lova vil gjere det vanskelegare å behalde den næringslivs- og busettingsstrukturen vi har i dag. 3. Dersom postlova likevel skulle bli vedteken, vil fylkesutvalet i Sogn og Fjordane gå inn for postombering 6 dagar i veka med ombering av aviser på laurdag (alternativ 1). Formidling av førehandsrøyster siste helg før lokal- og stortingsval må uansett sikrast dersom lova skulle bli vedteken. 4. Val av leveringspliktig tenesteytar må skje gjennom direkteutpeiking. Endringsframlegg: Høgre sette fram slikt framlegg til vedtak: Side 7 av 11

8 Fylkesutvalet i Sogn og Fjordane legg til grunn at gode posttenester kan sikrast også med ny postlov. Det må vera postombering av aviser også på laurdagar. Formidling av førehandsrøyster siste helg før lokal- og stortingsval må uansett sikrast. Kristeleg Folkeparti sette fram slikt framlegg som tillegg til punkt 2 i tilrådinga frå fylkesrådmannen: Særleg vil vi peike på a. LAURDAGSPOST Det må vere ombering av post på laurdagar, slik at både lokalaviser og riksaviser kan kome fram til alle abonnentar. Det må også sikrest ei ordning for sending av biologisk materiale frå legekontor til laboratorium. Det samme med medisin frå apotek til forbrukar. Om ikkje dette blir gjort, stenger ein i realiteten livsviktige tenester i distrikta frå torsdag til mandag. b. "ENHETSPORTO" Høyringsframlegget legg berre opp til lik porto i heile landet for enkeltsendingar under 50 gram. Fylkesutvalet i Sogn og Fjordane krev at enhetsporto også skal gjelde for masseutsendingar. Det vil vere viktig for både offentleg og privat verksemd. Bortfall av lik porto for masseutsendingar vil vere klart konkurransevridande til fordel for byane/sentrale strok, der det vil vere marknad for konkurranse. Slik vi les høyringsuttalen er det heller ikkje lagt opp til å nekte konkurranse på enkeltsendingar under 50 gram, noko som i realiteten vil føre til at bestemt porto for denne tenesta vil fungere som ein makspris. c. POSTOMBÆRING Fylkesutvalet i Sogn og Fjordane meiner det er feil å sette grensa for unntak for postombæring til tre faste heilårsbustader og/eller næringsverksemder i gjennomsnitt pr. km. Alle som bur langs offentleg veg skal ha krav på dagleg postombæring. Avrøysting: Noralv Distad og Olin Johanne Henden røysta for framlegget frå Høgre. Åshild Kjelsnes, Karianne Torvanger, Jenny Følling, Anders Ryssdal, Anita Nybø, Marit Barsnes Krogsæter og Trude Brosvik røysta for tilrådinga frå fylkesrådmannen og Kristeleg Folkeparti sitt framlegg til tillegg i punkt 2 i tilrådinga frå fylkesrådmannen. Dette gir følgjande VEDTAK: 1. Fylkesutvalet i Sogn og Fjordane går imot å innføre EU sitt tredje postdirektiv i norsk lov og går difor imot framlegget til ny postlov. 2. Ny postlov vil få store negative konsekvensar for posttenestene på Vestlandet og i Sogn og Fjordane. Fylkesutvalet i Sogn og Fjordane fryktar at ny lova vil gjere det vanskelegare å behalde den næringslivs- og busettingsstrukturen vi har i dag. a. LAURDAGSPOST Det må vere ombering av post på laurdagar, slik at både lokalaviser og riksaviser kan kome fram til alle abonnentar. Det må også sikrest ei ordning for sending av biologisk materiale frå legekontor til laboratorium. Det samme med medisin frå apotek til forbrukar. Om ikkje dette blir gjort, stenger ein i realiteten livsviktige tenester i distrikta frå torsdag til mandag. b. "ENHETSPORTO" Høyringsframlegget legg berre opp til lik porto i heile landet for enkeltsendingar under 50 gram. Fylkesutvalet i Sogn og Fjordane krev at enhetsporto også skal gjelde for masseutsendingar. Det vil vere viktig for både offentleg og privat verksemd. Bortfall av lik porto for masseutsendingar vil vere klart konkurransevridande til fordel for byane/sentrale strok, der det vil vere marknad for konkurranse. Side 8 av 11

9 Slik vi les høyringsuttalen er det heller ikkje lagt opp til å nekte konkurranse på enkeltsendingar under 50 gram, noko som i realiteten vil føre til at bestemt porto for denne tenesta vil fungere som ein makspris. c. POSTOMBÆRING Fylkesutvalet i Sogn og Fjordane meiner det er feil å sette grensa for unntak for postombæring til tre faste heilårsbustader og/eller næringsverksemder i gjennomsnitt pr. km. Alle som bur langs offentleg veg skal ha krav på dagleg postombæring. 3. Dersom postlova likevel skulle bli vedteken, vil fylkesutvalet i Sogn og Fjordane gå inn for postombering 6 dagar i veka med ombering av aviser på laurdag (alternativ 1). Formidling av førehandsrøyster siste helg før lokal- og stortingsval må uansett sikrast dersom lova skulle bli vedteken. 4. Val av leveringspliktig tenesteytar må skje gjennom direkteutpeiking. SAK 6/15 Reviderte vedtekter for Fagskulen i Sogn og Fjordane VEDTAK: Fylkesutvalet vedtek reviderte vedtekter for Fagskulen i Sogn og Fjordane slik dei går fram av vedlegg 1. SAK 7/15 Val av eigarutsending til F1 Holding AS for resten av valperioden Valperioden VEDTAK: Fylkesutvalet vel slik eigarutsending til generalforsamlinga i F1 Holding AS for resten av valperioden: Utsending: Fylkesrådmannen Varautsending: Assisterande fylkesrådmann Fylkesutvalet fann Karianne Torvanger habil til å delta ved handsaming av saka. SAK 8/15 Sal av tidlegare Luster vidaregåande skule VEDTAK: Side 9 av 11

10 1. Fylkesutvalet godkjenner at tidlegare Luster vidaregåande skule på Hafslo vert overdregen til Luster kommune for 4,5 mill. kr. 2. Fylkesrådmannen får fullmakt til å gjennomføre salet. 3. Salssummen vert nytta til nedbetaling av gjeld. 4. Ein føresetnad for vedtakspunkt 1 over er at Luster kommune kjøper det felles undervisningsbygget på Hafslo (Gnr. 147, Bnr. 103) hjå Nes Eigedom ANS og at fylkeskommunen gjennom det vert løyst frå leigeavtalen av mvf SAK 9/15 Skriv og meldingar fylkesutvalet 28. januar 2015 Følgjande skriv, meldingar og orienteringar vart handsama: 1: Førdepakken Viser til at FT gjorde slikt vedtak i sak 43/13 Førdepakken, pkt. 8: «FT ber om at det vert oppretta ei styringsgruppe for gjennomføring av Førdepakken med administrativ deltaking frå fylkeskommunen, Førde kommune og Statens vegvesen. Mandatet for styringsgruppa vert lagt fram for fylkesutvalet for godkjenning.» Viser og til at FU gjorde slikt oppfølgingsvedtak i sak 27/14: 1. Fylkesutvalet godkjenner følgjande mandat for styringsgruppa i Førdepakken: 2. Styringsgruppa skal arbeide for framdrift, gjennomføring og tilstrekkeleg finansiering for alle prosjekta i Førdepakken i samsvar med vedteken Stortingsproposisjon. 3. Fram til Stortingsproposisjon er vedteken gjeld bompengesøknaden og dei vedtak som er gjort i Statens vegvesen, Førde kommune og Sogn og Fjordane fylkeskommune. 4. Det enkelte medlem i styringsgruppa er ansvarleg for naudsynt avklaring i eigen organisasjon ved vesentlege endringar i prioriteringar, finansiering og gjennomføring. 5. Styringsgruppa skal rapportere om framdrift, gjennomføring og finansiering til Førde kommune, formannskapet, Sogn og Fjordane fylkeskommune, fylkesutvalet og Statens vegvesen ved kvart årsskifte fram til Førdepakken er avslutta. Vedlagt 4 møtereferat frå administrativ styringsgruppe for Førdepakken i 2014 (a, b, c, d) til fylkesutvalet si orientering. Fylkesrådmannen kan ev. utdjupe referata i møtet. 2: Tariffoppgjeret Mellomoppgjer, Arbeidsgjevarpolitiske utfordringar 3a: Drift av vassområda- oppfølging av vedtak i FU b: Referat Nordfjord vassområdeutval, a: Eigarskapssak - løypemelding og status. Ikkje offentleg, Ofl 23, 4. ledd, eigardokument. 4b: Notat vedr. prosess, 14. januar Ikkje offentleg, Ofl 23, 4. ledd, eigardokument. 4c: Tilleggsnotat vedr. prosess, 26. januar Ikkje offentleg, Ofl 23, 4. ledd, eigardokument. 5a: Ynskje om innsyn i dokument, jf. dokumentnummer 14/ b: Dokumentnummer 14/ Ikkje offentleg, Ofl 15, interne dokument 6a og 6b: Innovasjon Norge. Jf. vedlagde brev frå Nærings- og fiskeridepartementet ( ) og vedlagde notat frå fylkeskommunal eigargruppe ( ). Fylkesordføraren ønskjer ev. merknader til synspunkt og konklusjon i nemnde notat, slik at vi ev. kan respondere inn mot gjeven frist ( ). Side 10 av 11

11 7: Vacant positons as vice-chairs in the North Sea Commission SAK 10/15 Oppretthald Firda kaserne og Remmedalen og Vasslia skytefelt i Sogn og Fjordane VEDTAK: Fylkesutvalet reagerer sterkt på at det vert føreslege å legge ned trening- og skytefelttilbodet for HV 11 ved Firda kaserne og Remmedalen skytefelta i Eid og Vasslia i Førde. Dette er einaste skytefelta mellom Bergen og Stjørdal. Firda kaserne er den einaste lokaliteten til forsvaret mellom Åndalsnes og Bergen. Det er behov for desse både til utdanning av HV-soldatar og som samlingspunkt for forsvaret sine interesser. Også politiet nyttar Firda Kaserne til trening og skyteøving. Dersom Forsvaret legg ned desse anlegga, vil det ikkje lenger vere mogleg å drive øvingsaktivitet i Sogn og Fjordane. Dette vil føre til at forsvars- og berdeskapsevna i vårt fylke vert sterkt svekka. Dette kan vi ikkje akseptere. Side 11 av 11