Svar på høyring av forslag til ny forskrift om innmelding, koordinering og bruk av satellittsystem

Transkript

1 Nasjonal kommunikasjonsmyndigheit Postboks Lillesand Dykkar ref.: Vår ref.: Dato: Oslo, 31. oktober 2017 Svar på høyring av forslag til ny forskrift om innmelding, koordinering og bruk av satellittsystem Space Norway AS (Space Norway) viser til dykkar brev datert 21. september 2017 om høyring av forslag til ny forskrift om koordinering og bruk av satellittinnmelding (satellittinnmeldingsforskrifta). Våre kommentarar og forslag til endringar er lagt ved dette brevet. Overordna kommentarar Space Norway er positive til at det vert utviklia eit nasjonalt regelverk knytt til satellittsystem, både for frekvensbruk og for oppskyting og operasjon av satellittar. Det nasjonale regelverket er i dag svært mangelfullt. Dette fører ikkje berre til utfordringar knytt til Noreg sine internasjonale forpliktingar, men også til usikkerheit for aktørane i bransjen. Føreseielege vilkår er svært viktig for å kunne gjere dei store langsiktige investeringane som satellittsystem ofte krev. Forslaget til forskrift inneheld krav om at føretaket som eig, koordinerer og er innehavar av bruksløyve for eit satellittsystem også må vere det føretaket som står for dagleg drift og operasjon av satellittsystemet. Vi meiner dette er eit uheldig krav som fører til at regelverket er til unødig hinder for utvikling i bransjen. Det bør for eksempel vere mogleg for norske satellitteigarar å samarbeide om kontrollsenter for drift og operasjon av satellittsystem. Vennleg helsing Anton Johan Bolstad systemingeniør Vedlegg: kommentarar til føresegnene Postadresse/Postal address: Kontor/Office: Bank: Den norske Bank Space Norway AS Drammensveien 165 IBAN nummer / IBAN No. P.O. Box 66 Skøyen 0277 OSLO N 0212 OSLO, Norway Telefon/Telephone: post@spacenorway.no Foretaksnr./Enterprise No. Sentralbord: web: NO MVA

2 VEDLEGG kommentarar til føresegnene Til 3. Definisjonar Space Norway sitt dotterselskap, Statsat AS 1, operere i dag fire satellittar på vegne av statlege etatar. Sjølv om Statsat AS er står for dagleg drift og operasjon av satellittane er dei korkje eigar, ansvarleg for innmelding til ITU eller ansvarleg for koordinering. Dersom definisjonen på satellittoperatør i 3 ikkje vert endra så kan ikkje Statsat AS fortsette med sin aktivitet på vegne av statlege etatar. Vi foreslår å endre på definisjonen på «satellittoperatør» til å vere den som står for daglig operasjon og drift av eit satellittsystem. Samstundes forslår vi ein ny definisjon «satellitteigar». Satellitteigar og satellittoperatør kan vere eitt og same føretak eller to forskjellige føretak. Forslag til nye definisjonar: satellitteigar: den som skal koordinere, er ansvarlig for bruken av og er eigar av satellittinnmeldinga. satellittoperatør: den som skal operere og drifte satellittsystemet på vegne av satellitteigar. Til 4. Krav til søknad Til 5. Krav til søkjar I merknadane til satellittinnmeldingsforskrifta står det at det vil verte stilt krav om at den som søkjer om å melde inn eit satellittsystem også er den som faktisk skal operere, bruke og drifte satellittsystemet. Altså det som er definert som «satellittoperatør» i 3 i forslaget til forskrift og som vi foreslår endra i våre kommentarar. Grunngjevinga for dette kravet er at Nkom skal kunne pålegge retting eller stenging av sendingar for å sikre at Noreg sine internasjonale forpliktingar vert ivaretekne. Space Norway er einig i at Nkom må ha moglegheit for å sanksjonere og at dette er tett knytt opp til operativ kontroll av satellittsystemet. Dette kan likevel løysast gjennom å stille krav om at satellittoperatør er oppført i føretaksregisteret og at drift og operasjon skjer innanfor det geografiske verkeområdet til ekomloven. Det bør også vere moglegheit til å endre på kven som er satellittoperatør, det vere seg om satellitteigar vel å utkontraktere operasjon eller ynskjer å skifte føretak som er satellittoperatør. Prosessen for slike endringar kan vere tilsvarande som for overdraging i 10. Krav til føretaket som skal vere satellittoperatør bør takast inn i 7 som omhandlar løyve for bruk av satellittsystem. Til 6. Koordinering Datoen for når ei satellittinnmelding vert sendt inn til ITU har direkte innverknad på kva andre satellittsystem ein må gje vern. Dato for innsending kan derfor få ein del å seie på koordineringsbyrden og moglegheitene for å kunne realisere eit satellittsystem. Space Norway oppmodar difor Nkom om å legge opp til ein praksis der den som ynskjer å sende inn ei innmelding kan ha ein dialog med Nkom i god tid før ein klar til å sende inn ei

3 innmelding til ITU. Når innmeldinga ligg føre i sin endelege versjon så kan Nkom, utan vidare opphald, sende innmeldinga til ITU. For å betre lesbarheita til satellittinnmeldingsforskrifta burde ikkje ordet «vedtak» vore brukt i 6. Vi antek at prosessen til Nkom er å fatte vedtak om å sende innmelding til ITU og samstundes utferde eit løyve som gjev satellittoperatøren rett og plikt til å koordinere innmeldinga med andre satellittoperatørar. Koordinering med andre norske satellittsystem skjer i dag i samsvar med retningslinjer som Nkom har publisert på sine nettsider. Internasjonalt skjer koordineringa i samsvar med (ITU- RR. Space Norway meiner det vore fornuftig å utvide 6 med to ledd, eitt om internasjonal koordinering og eitt om nasjonal koordinering. I merknadane står det at det må innhentast gjensidig samtykke frå involverte administrasjonar for at satellitteigarar i forskjellige land skal kunne starte koordinering med kvarandre. Space Norway meiner at norske satellitteigarar må kunne ha dialog med andre satellitteigarar i både inn- og utland utan at dette må godkjennast av Nkom. Vi vonar at eit løyve utferda i samsvar med 6 uansett vil gje naudsynte fullmakter til å koordinere direkte med andre eigarar av satellittsystem utan å måtte gå om Nkom i kvart tilfelle. Vi er innforstått med at ein satellitteigar ikkje kan inngå avtalar med andre land eller administrasjonar på vegne av Noreg og Nkom. Når det gjeld føring av nasjonalt register for satellittar, så framkjem det i ein rapport 2 publisert av Norsk Romsenter i januar 2017 at Norsk Romsenter har fått ansvar for å føre eit nasjonalt register. Det framkjem også i same rapporten at det per dags dato ikkje eksisterer noko krav for å melde inn satellittar til dette registeret, ei heller noko regleverk der ein kan heimle eit slikt krav eller nekte oppføring. Som nemnt tidlegare, så er Space Norway positive til at det vert utvikla eit nasjonalt regelverk for frekvensbruk og for oppskyting og operasjon av satellittar. Vi ser på det som naturleg at Nkom har ansvar for utvikling og forvaltning av regelverk knytt til frekvens- og satellittbaneressursar. Når det gjeld utvikling og forvaltning av regelverk knytt til oppskyting og operasjon av satellittar så bør ikkje ansvaret for dette leggast til ei myndigheit som sjølv er satellitteigar eller -operatør. Det vil skape ein situasjon med uheldige dobbeltroller. Forslag til revidert 6: Dersom søkjar oppfyller krava i 4 og 5 skal Nasjonal kommunikasjonsmyndighet utan vidare opphald sende inn innmeldinga til ITU og utstede løyve som gjev rett til å disponere og koordinere satellittinnmeldinga. Internasjonal koordinering skal skje i samsvar med regelverk og prosedyrar i ITU og ITU-RR. Nasjonal koordinering skal skje i samsvar med gjeldande retningslinjer fastsett av Nasjonal kommunikasjonsmyndigheit

4 Til 7. Krav til bruksløyve Til a) Retningslinjer som skal følgjast ved koordinering mellom norske satellittsystem er publisert på Nkom sine nettsider. I desse retningslinjene er det ikkje nemnt noko om prioritet mellom innmeldingar, men i merknadane til denne forskrifta er det nemnt at ein må ha koordinere med system som har høgare prioritet. Innanfor fagfeltet satellittkoordinering tyder prioritet det same som at dess tidligare ei satellittinnmeldinga er sendt inn dess høgare status har den overfor andre seinare innsendte satellittinnmeldingar. Space Norway vil påpeike at i ITU Rules of Procedure til ITU-RR No står det eksplisitt at dato ikkje gjev noko form for prioritet eller status i koordineringsprosessen 4. Space Norway er av den oppfatning at koordinering mellom norske satellittinnmeldingar bør skje utan noko form for prioritet, akkurat slik som Nkom sine retningslinjer legg opp til i dag. Prinsippet «først i tid, best i rett» er ikkje nødvendigvis det som sikrar dei beste ekom-tenestene for norske brukarar. Det står rettnok ikkje eksplisitt i merknadane at Nkom har tenkt å innføre ei prioritetsordning basert på dato, men språket i merknadane gjer oss uroa for at Nkom har til hensikt å innføre eit slikt regime. Space Norway støttar ikkje innføring av prioritet basert på dato for koordinering mellom norske satellittinnmeldingar. Til b) Per dags dato gjennomfører ITU identifikasjon ned på systemnivå berre for koordinering under ITU-RR Nos. 9.7, 9.7A and 9.7B. Identifisering under andre artiklar skjer berre gjennom identifisering av land. Det kan derfor vere utfordrande å leggje ved ei uttømmande liste med status på koordinering ned på satellittsystemnivå til søknaden om bruksløyve. Til c) Vi vonar at det vil verte gjeve fritak frå dette kravet så lenge det manglar eit relevant nasjonalt regelverk for oppskyting og operasjon av satellittar. Forslag til revidert 7: 7. Krav til bruksløyve Ein satellitteigar som vil ta i bruk ei satellittinnmeldinga må sende søknad om bruksløyve til Nasjonal kommunikasjonsmyndigheit. Søknaden må innehalde: a) dokumentasjon som viser at koordinering med relevante norske satellittsystem er fullført, b) ei liste med status for koordinering med dei administrasjonar og satellittsystem som er identifisert av ITU, c) dokumentasjon som viser at satellitteigar har fått gyldig løyve til oppskyting og operasjon av satellittsystemet. d) Dersom satellitteigar sjølv ikkje skal operere satellittsystemet må det leggast fram dokumentasjon som viser at føretaket som skal vere satellittoperatør er registrert i norsk føretaksregister og at sjølve operasjonen vil gå føre seg innanfor ekomloven sitt geografiske verkeområde. Satellitteigar pliktar å sørge for at bruk av satellittinnmeldinga ikkje skapar skadeleg interferens. 3 d) in the application of Article 9 no administration obtains any particular priority as a result of being the first to start either the advance publication phase (Section I of Article 9) or the request for coordination procedure (Section II of Article 9). 4 I praksis gjev dato for innmelding prioritet ved notifisering

5 Til 8. Notifisering av satellittinnmeldinga Til a) og b) Same kommentarar som til 7 a) og b) Space Norway er av den oppfatninga at om eit bruksløyve er gjeve i samsvar med 7, så burde det automatisk kvalifisere til notifisering etter 8. Eventuelt kunne 7 og 8 vore slått saman og notifisering tatt med som eit nytt ledd i 7. ITU-RR krev at ei satellittsystem må takast i bruk før det kan få permanent oppføring i MIFR etter notifisering, jf. ITU-RR No Ei enkelt innmelding for eit satellittsystem som opererer i ikkje-geostasjonærbane kan bestå av M satellittar fordelt på N baneplan. Slike satellittsystem kan i dag få permanent oppføring i MIFR gjennom å skyte opp ein enkelt satellitt som er operativ i 90 døgn. Nkom bør ikkje melde inn til ITU at eit i satellittsystem, beståande av multiple baneplan og satellittar, er teke i bruk dersom det er grunn til å tru at den som står bak innmeldinga skyter opp ein eller fleire satellittar som berre har til hensikt å sikre ei oppføring i MIFR. Nkom og Noreg bør ikkje bidra til hamstring av frekvens- og satellittbaneressursar. Til 10. Overdraging ved sal eller utleige av løyve I tråd med våre kommentarar til 5, så burde det anten vore lagt til eit nytt ledd i 10 eller leggast til ei eiga føresegn som regulerer utkontraktering av operasjon til satellittoperatør eller endring av satellittoperatør. Forslag til nytt ledd/føresegn: Nasjonal kommunikasjonsmyndigheit kan etter søknad fatte enkeltvedtak som gjev satellitteigar rett til å utkontraktere operasjon av satellittsystem til ein satellittoperatør eller endre satellittoperatør. Vesentlige endringar i kvar operasjonen går føre seg, eigarsamansetning eller eigarstruktur hjå satellittoperatør skal meldast til Nasjonal kommunikasjonsmyndigheit utan ugrunna opphald. Nasjonal kommunikasjonsmyndigheit kan stille vilkår til utkontraktering til satellittoperatør. Nasjonal kommunikasjonsmyndigheit kan nekte utkontraktering dersom satellittoperatøren ikkje oppfyller krava fastsett i forskrifta. 13. Sektoravgift - 4 -