SAKSFRAMLEGG Saksbehandlar: Trond Roy Pedersen/Ivar Undheim Arkiv: B13 Arkivsaksnr.: 16/ KAPASITETSUTFORDRINGANE BORE SKULE OG KLEPPE SKULE

Transkript

1 SAKSFRAMLEGG Saksbehandlar: Trond Roy Pedersen/Ivar Undheim Arkiv: B13 Arkivsaksnr.: 16/ Planlagt behandling: Hovudutval for skule og barnehage Formannskapet Kommunestyret KAPASITETSUTFORDRINGANE BORE SKULE OG KLEPPE SKULE Hovudutval for skule og barnehage behandla sak 3/16 Kapasitetsutfordringar Bore skule og Kleppe skule og vedtok å senda saka på høyring. Formannskapet stadfesta dette vedtaket Høyringsbrevet gjekk ut Det har kome 29 høyringsfråsegner. 18 av desse åtvarar mot å slå saman Bore ungdomsskule og Klepp ungdomsskule, og 13 av desse igjen gjer framlegg om å bygga ein ny ungdomsskule og frigje nåverande Bore ungdomsskule til Bore skule. Fråsegner frå følgande går inn for ein ny ungdomsskule i Verdalen: Ingrid Kaspersen Weseth Daniel K. Weseth (elev) Elevrådet ved Bore skule FAU Bore skule Klubben i Utdanningsforbundet Bore ungdomsskule Driftsstyret Sørhellet barnehage Samarbeidsutvalet Myrsnibå barnehage FAU og SU Bore ungdomsskule Klubben i Utdanningsforbundet Vasshus skule Elevrådet Bore ungdomsskule, FAU Tu skule Voll idrettslag Samarbeidsutvalet Bore skule Desse legg særleg vekt på at dei ønsker ein ungdomsskule i nærmiljøet i Verdalen og åtvarar mot ein felles skule i Kleppe sentrum med den storleiken det blir lagt opp til. Fleire peiker også på trafikale utfordringar når så mange ungdomsskuleelevar skal gå og sykla samstundes frå Verdalen til Kleppe. Elevrådet ved Vasshus skule meiner det same, men legg også til at ei løysing kan vera å la elevar frå Bore skule gå på Vasshus skule. Også FAU og SU Vasshus skule støttar ideen om ein ny ungdomsskule i Verdalen, men meiner også at ei løysing er å bygga på Vasshus skule. Klubben i Utdanningsforbundet Klepp ungdomsskule og FAU Lyngmarka barnehage åtvarar mot at det blir ein storskule på Kleppe. Det er 4 fråsegner for den framlagde løysinga med å slå i saman Bore ungdomsskule og Klepp ungdomsskule: Samarbeidsutvalet Storhaug barnehage FAU Horpestad skule

2 Driftsstyret ved Tu skule Samarbeidsutvalet Klepp ungdomsskule ønsker også elevane ved Bore ungdomsskule velkommen til Klepp ungdomsskule. Denne høyringa er likevel skeptisk til dei planane som ligg for utbygging i forhold til om det blir bygd for lite spesialrom og åtvarar mot å redusera på administrasjonstida. Byggja på Bore skule og Kleppe skule: Både Samarbeidsutvalet Kleppe skule og klubben i Utdanningsforbundet Kleppe skule tilrår å bygga på dei to skulane i staden for å få ein ny barneskule. Dei er redde for at Kleppe skule kjem i «bakleksa» og at ein ikkje vil gjera dei nødvendige oppgraderingane av Kleppe skule, som ligg i planen. Dei peikar også på at skulen bør behalda kroppsøvingssalen for steget sidan det blir lagt opp til ny idrettshall med for lang avstand for dei minste elevane. Fagorganisasjonane Utdanningsforbundet, Fagforbundet og Skolenes Landsforbund er mest opptekne av dei tilsette sin situasjon. Fagforbundet og Utdanningsforbundet er opptekne av at dei tilsette må involverast i løysingane, og at Hovudavtalen og Arbeidsmiljølova må følgjast same kva løysing som blir vald. Utdanningsforbundet meiner ein særleg må legga vekt på læringsmiljøet. Skolenes landsforbund vil utsetja saka til ny kommuneplan blir behandla. Vurdering Høyringsfråsegnene legg først og fremst vekt på elevane og dei tilsette sine læringsmiljø og nærleik til skulen. Det er også skepsis til at skuleløysingane kan enda opp med for store skular. Det er ikkje lagt vekt på økonomi i tilbakemeldingane. I ei høyring skjer oftast det at ein legg vekt på det som kan bety mest for eins eigen situasjon. Derfor er det også flest fråsegn frå Bore- og Vasshus-krinsen. Sett i eit økonomisk perspektiv, vil saka også ha interesse hos dei krinsane som ikkje uttaler seg i den grad den dyraste løysinga blir vald. Det kan gå ut over driftsnivået hos alle. Det har vore stilt spørsmål ved om ein vil lytta til høyringsfråsegner. Blant anna blei det gjort av elevar ved Barn og unges kommunemøte (BUK) i vår. Dei fekk då klart svar både frå ordførar og kommunalsjef at det var føremålet med ei høyring. Høyringsfråsegnene her går klart mot den framlagde løysinga om å slå saman Bore ungdomsskule og Klepp ungdomsskule. Rådmannen har sagt i saka at det er fleire akseptable løysingar og vil derfor tilrå å gå bort frå den tilrådde løysinga om ein stor ungdomsskule på Kleppe. Ny Bore ungdomsskule Løysinga med å bygga ein ny Bore ungdomsskule er ei dyr, men akseptabel løysing. Det må gjennomførast ved regulering av ei skuletomt ved enden av Boreringen nord. Løysinga gir lite sambruksløysingar i forhold til Bore skule og noverande fotballbane. Det er også ønskjeleg å byggja ein idrettshall ved Bore ungdomsskule (noverande) som også kunne nyttast av Bore skule. Kommunen eig dette området på Åna-Grude. Omregulering frå bustad til skule, bør vera rimeleg kurant. Byggestart tidleg i 2018 bør vera muleg. Skulen bør kunna stå klar til innflytting hausten Løysinga har det tidlegare vore votert over politisk og rådmannen går ikkje vidare med forslaget. Andre løysingar Rådmannen står att med to aktuelle løysingar:

3 - Byggja på Bore skule og Kleppe skule - Byggja eit mindre tilbygg til Bore skule, rehabilitera Kleppe skule og byggja ein ny barneskule, gjerne sentralt på Kleppe. Tidlegare forslag Primært ville rådmannen tilrådd same løysinga som rådmannen forslo sist saka var oppe, med å byggja eit større tilbygg på Bore skule og noko mindre på Kleppe skule. Dette ville etter rådmannen sitt syn vore akseptable løysingar og den rimelegaste løysinga. Forslaget har blitt avvist ein gong tidlegare, og rådmannen finn det rett å prøva å koma med eit alternativt forslag. Sentrumsplanen I samband med prosessen for å få til ein ny sentrumsplan, har det vore engasjert tre konsulentfirma gjennom eit parallelloppdrag for sentrumsutvikling til å koma med innspel og løysingar. Desse presenterte for politikarar og administrasjon m fl ei løysing med ein barneskule i sentrum, i området mellom rådhuset og Jærhagen. Det blei også presentert eit forslag om ein felles ungdomsskule for Bore og Kleppe på meieritomta og eit forslag med ein muleg skule på planteskulen. At ein muleg skule i sentrum kunne vera eit godt element i utviklinga av sentrum, blei lagt fram av konsulentane i midtvegssamlinga 13. april Skule som element i sentrumsutviklinga skulle utviklast vidare av alle konsulentane til sluttsamlinga 2. juni Både hovudutvalet for skule og barnehage og formannskapet blei invitert til presentasjonen 2. juni På kvelden den dagen var det eit ope møte i kommunestyresalen der konsulentane presenterte kortversjonen av sine forslag for sentrumsutviklinga på Kleppe. Det blei avgjort av hovudutvalsleiar at saka om skuleutfordringane kjem opp i hovudutvalet i ekstramøte Ordførar har varsla at ho vil kalla inn til ekstra formannskapsmøte 20. juni 2016, slik at saka kan behandlast i kommunestyret same dagen. Av dei presenterte alternativa 2. juni er alternativet med ein barneskule mellom rådhuset og Jærhagen det mest interessante, men inneheld også mange utfordringar, krav til uteareal, støykrav til uteområdet, trygg skuleveg, grunn kommunen ikkje eig, brannstasjonen og utrykkingsveg til Solavegen og overordna myndigheter. Optimistisk kan byggestart skje i løpet av 2 år, meir pessimistisk (realistisk?) er det 5 år til byggestart. Ein skule i sentrum som eit signalbygg, med gode sambruksløysingar med rådhuset i å løysa kulturhusfunksjonar er spennande. Det kan vera kostnadseffektivt og gje både god skule og god sentrumsutvikling. Samtidig er rådmannen alvorleg bekymra for situasjonen, mest på Bore skule, men også på Kleppe skule. Rådmannen vil tilrå ei redusert utbygging på Bore skule. Rådmannen vil tilrå dette for at Bore skule skal vera rusta til å ta imot 450 elevar, som tilsvarar elevar på trinnet og at det berre unntaksvis blir meir enn 3 parallellar.

4 Rådmannen vil tilrå at Bore skule blir bygt ut med tilsvarande 4 nye klasseromsbasar. Ein del av dagen klasserom må tas i bruk til SFO/garderobar/møterom/arbeidsrom for å få til praktiske løysingar. Vidare bør ein byggja ut med god grupperomskapasitet, lagt opp slik at ein kan ha litt reserve om det einskilde år skulle bli fleire årstrinn som har 4 små klassar. Vidare at det blir bygt ut kantinekapasitet på Bore skule og at det blir bygd aula til deling mellom dei to skulane på Bore, og at kroppsøvingskapasitet for skulane blir løyst ved at det blir bygt ny fleirbrukshall/idrettshall. På bakgrunn av vedlagt notat av frå Arne Ove Teigen og full utbygging på Bore, vil rådmannen tilrå at det blir gitt klarsignal for ei utbygging på inntil m 2 BRA. Pluss ei idrettshall løysing som vil bli større enn det skisserte, men vil vera vesentleg meir fleksibel i bruk, også for ungdomsskulen og aktivitet etter skuletid. Bore skule må ha første prioritet hos administrasjonen og kommunestyret bør gi klarsignal nå for at planleggingsarbeidet kan starta opp. Litt optimistisk, kan byggjestart bli våren 2017, første del i prosjektet (klasserom mm) kan tas i bruk hausten Tilsvarande bør det skje ei avklaring om Kleppe skule etter same prinsippa som for Bore til/under arbeidet med økonomiplanen i haust. Når det gjeld skule sentralt i Kleppe viser ein til notat frå kommunalsjef Kåre Strand med oppsummering etter 2. juni presentasjonen, vedlagt. Notatet viser at det er behov for å arbeida vidare med saka før ein dreg endeleg konklusjon. Skulle konklusjonen bli at ein ikkje byggjer på den mest sentrale tomta, har kommunen alternativ både i tomter kommunen eig, og tomt ein kan få hand om. Det er også behov for ei oppgradering av Kleppe skule for å koma på om lag same nivå som Bore skule. Rådmannen vil koma tilbake til Klepp skule i eiga sak, med bakgrunn i den oppgraderinga som me nå legg opp til på Bore, til hausten. Ei redusert utbygging, som foreslått på Bore skule, medfører at det i denne omgang ikkje blir endring på Vasshus eller Horpestad skular. Fleirtalet av elevane på dagens Horpestad skule bur relativt sentralt på Kleppe, og vil kunna få vesentleg kortare veg til ei ny skule. Av omsyn til kostnadane til drifta av skulane i Klepp, bør ein ny skule ikkje føra til auke i talet på skular i Klepp, helst ein reduksjon. Avklaring på talet på skular i Klepp bør koma som del av vedtaket om ein tredje skule eller kort tid etter dette. Ein må gjennom dei prosessane med høyringar som eit slikt vedtak krev. Vedlegg: SU - Storhaug barnehage FAU - Bore ungdomsskule Elevråd - Vasshus skule Driftsstyre - Tu skule Voll idrettslag Utdanningsforbundet - Kleppe skule Utdanningsforbundet - Bore ungdomsskule Utdanningsforbundet Klepp FAU - Bore skule SU - Klepp ungdomsskule Notat av frå Arne Ove Teigen

5 Notat av 3. juni 2016 frå Kåre Strand Innstilling: Rådmannen tilrår at saka går til hovudutval for skule og barnehage, formannskapet og kommunestyret med slik tilråding: 1. Planlegging av tilbygg på Bore skule blir starta opp så snart som råd, for å bygga 4 klasserom med grupperom, aula og kantine med i alt inntil 2000 m 2. I tillegg kjem idrettshall til bruk for begge skulane. Skulen blir dimensjonert for 450 elevar. 2. Det er løyvt 3 mill kr i 2016 til skuleutfordringane (1 mill kr i budsjettet og 2 mill kr rebudsjettert) som blir vurdert til å vera nok i Vidare løyving blir vurdert i økonomiplanen til hausten. 3. Det blir arbeidd vidare med plassering av ein 3. barneskule i Kleppe med omegn, som ein del av arbeidet med sentrumsplanen for Kleppe. 4. Det blir lagt fram eiga sak om oppgradering av Kleppe skule hausten 2016 etter same prinsipp som for Bore skule. 5. Evt. flytting av Horpestad og/eller Vasshus skular blir tatt opp til vurdering som ein del av plassering av den 3. barneskulen i Kleppeområdet. Rådmannen i Klepp Dokumentet er elektronisk godkjent og treng derfor ingen signatur.