BØFJORD IL 70 ÅR Bøfjord Idrettslag vart stifta i årsjubileet fekk ei enkel markering på Bøfjord-helga 2016.

Transkript

1 Årsmelding 2016 BØFJORD IL 70 ÅR Bøfjord Idrettslag vart stifta i årsjubileet fekk ei enkel markering på Bøfjord-helga Under samlinga i grendahuset laurdag 16. juli hadde laget ei lita utstilling med sportsutstyr og foto som viste litt av utviklinga i desse åra. Mykje av kulturprogrammet i storsalen handla om idrettslaget. Historielaget hadde laga ein fyldig biletserie. Gunnvald Bøe presenterte nokre av laget sine profilar m.a. Ole Flessen. Ein ballkonkurranse med unge og eldre fotballspelarar på scena skapte stor stemning. Vinnar vart yngstemann, Jakob Heggem. Kultursjef Ole Magne Ansnes frå Sunndal, som sjøl er halv bøfjording og alltid har vore ein av lagets ivrigaste fotballsupporterar, hadde eit flott intervju med Alf Engdal, ein av veteranane frå fotballlaget si storhetstid på 1960-talet. Ideen til oppstart av Bøfjord Idrettslag dukka opp i stua på Bytenga etter eit skirenn vinteren Og sønnen i huset, Lars Sæterøy (no 93), vart første formannen. Eit høgdepunkt i jubileet og i heile Bøfjord-helga var det difor da Lars vart utnemnt til æresmedlem av Bøfjord Idrettslag. Til dundrande applaus kunne ein rørt heidersmann ta imot både diplom, blomster og klem frå styremedlem Maria Garthe.

2 ARKIVDUGNAD I løpet av 70 år har det hopa seg opp med papir og bilag på idrettslaget sitt lager på Grendahuset. Det nærma seg 100 permar! Dette tok stor plass og det var vanskeleg å finne viktige papir i mengda. Difor hadde vi ein arkivdugnad vinteren Styret fekk god hjelp frå veteranar i idrettslaget: Ola Sæter, Jon Moen, Inger Lise Heggem, Edvard og Torbjørg Settem. TAKK for hjelpa! Ola Sæter og Jon Moen sette seg ned i lag og tok fram ein tilfeldig perm. Dei opna permen, og såg til si store overrasking at det fremste papiret var signert i 1972 av nettopp dei to. Vi skjøna at vi hadde fått med riktig folk på dugnaden! BASAR Det vart halde ein basar i Det var ein haustbasar i oktober med ein del program. Det vart mellom anna delt ut mykje merke, pokalar og medaljar frå skigruppa og trimgruppa, og det vart vist ein bildekavalkade frå året som har gått. Oppmøte var bra på basaren. TRIMROM PÅ BØFJORD SKULE Skitrenar Tore Sannes m.fl. har innreia eit av klasseroma på Bøfjordskulen til styrketreningsrom. Tore har skaffa det meste av utstyret, og i tillegg har idrettslaget kjøpt inn ein del. I dag er det over 20 medlemmar frå idrettslaget som trener på styrkerommet, så det er eit populært tilbod! Nøkkel heng i kodeboks på utsida av skulebygget, så medlemmar kan trene når dei skulle ønske det.

3 ESKIMORULLEKURS Våren 2016 hadde vi eskimorullekurs innandørs i bassenget på Øye. Det var 10 kursdeltakarar og kurset gjekk over tre kveldar. Deltakarane lærte eskimorulle og kameratredning. Plana var å ha oppfølgingskveldar utandørs, men dette vart utsatt til neste år. (Bilete er frå eit tidlegare kurs i Trøndelag) MEDLEMSREGISTRERING Noregs idrettsforbund har innført lov, som mellom anna medfører at medlemsregistrering må skje på nett. Her har styret tilgang via ei administrasjonsside, og i 2016 vart alle medlemmar i idrettslaget registrert der. Dette medfører litt endringar i kontingentinnkreving frå og med ALLIDRETT Allidretten har ikkje hatt så mange vanlege aktivitetskveldar dette året, men det vart arrangert ein aktivitetsdag i samarbeid med Betna il. Linda Settemsdal sto for mykje av opplegget der. Det var også anlagt ein isbane på Bøfjordskulen, men på tross av mykje arbeid gjekk det dessverre kort tid før den smelta vekk. I tillegg starta vi opp arbeidet med ei sykkelkuleløype.

4 SYKKEL-KULELØYPE Hovedstyret og Allidretten er i gang med planlegging av ei sykkel-kuleløype på flata mellom Elverand og Settemselva. Dette blir eit anlegg som passer for både barn og vaksne. Våren/sommaren 2016 var det fleire dugnadskveldar med rydding, kvisting og klargjering av området. Eit slikt anlegg kostar mykje, men vi har sendt inn mange søknadar og fått mange positive svar på sponsormidlar. Arbeidet med banen vil vi ta opp att våren Vi takkar for foreløpig innsats på dugnadskveldar, og ser fram til fleire! (Bilete over er frå ein liknande bane i NordTrøndelag, og bilete til høgre er eit kart over korleis det kan bli her) SKØYTEDAG I november arrangerte styret skøytedag på Liavatnet. Dette var populært i barfrosttida, så det vart fleire dagar med skeiseganging og ishockey før mildveret kom og smelta den tjukke, fine stålisen.

5 Vi ser attende på nok eit år med mykje aktivitet, optimisme og utvikling i idrettslaget. Vi er svært takksame for alt arbeid som blir lagt ned, både i gruppene, på dugnadar og på anna vis. Ein særskildt takk til trenarane i barnefotball og ski som legg ned mykje tid og arbeid på ungane våre. Vi kan også føye til at trenertrioen Gøran Settemsdal, Henrik Blekken og Frode Raaen vart nominert til årets ildsjelpris på idrettens festkveld 2016 i regi idrettsrådet i Surnadal. Takk for innsatsen 2016!! Hovedstyret Bodil Kvam Aasbø Wive-anne Andersson Maria Yoon Garthe Grete Snekvik Settemsdal Harald Skrøvset