Ein født optimist! Tekst og bilete: Geir Daasvatn

Transkript

1 Ein født optimist! Tekst og bilete: Geir Daasvatn Odd Harald under åpninga av det nye fleirbruksanlegget ved Otrahallen i 2009: Eg er ein optimist! Det store høgdepunktet under jubileumsfesten til Otra IL i Otrahallen laurdag 21. august kom heilt til slutt: Odd Harald Robstad og Sigbjørn Kjetså blei begge tildelt H. M. Kongens fortenestemedalje i sylv. For dei som ikkje var til stades og fekk høyre ordførar Bjørn A. Ropstad i Evje og Hornnes kommune lese grunngjevinga for tildelinga, har me laga dette lille samandraget av Odd Haralds store innsats innan idrettsarbeidet i bygda gjennom nær på 50 år. Sigbjørn Kjetså vil me kome attende til ved eit seinare høve.

2 Odd Harald Robstad saman med Sigbjørn Kjetså i Otrahallen 21. august 2010 Odd Harald Robstad vaks opp på Syrtveit i Evje. På 1960-talet var han ein dugande friidrettsutøvar i Otra IL. Han vann fleire krinsmeisterskap og sørlandsmeisterskap i baneløp og terrengløp, og var stundom innom det gode stafettlaget Otra hadde på denne tida. Odd Harald var óg fotballspelar på gutelaga til Otra IL i si tid, ei fortid den ihuga friidrettsmannen i dag kanskje helst vil gløyme. Etter å ha teke utdanning, kom han attende til bygda i Han byrja då som kroppsøvingslærer ved Hornnes gymnas, eller Setesdal vidaregåande skule avdeling Hornnes som det heiter i dag. Odd Harald blei verande som lærar ved gymnaset i mest 35 år, heilt fram til Frå fyrste stund etter at han var tilbake i heimbygda, engasjerte Odd Harald seg i det lokale idrettsarbeidet. Han tok på seg store oppgåver som trenar og leiar i

3 friidrettsgruppa i Otra IL i mange år. Men den største innsatsen og den merkesteinen som for alltid vil stå igjen etter Odd Harald er den store innsatsen han har gjort for å få bygd opp gode idrettsanlegg i bygda. Det heile byrja i Odd Harald sat saman med Sigurd Haugom i stedsstyret for Hornnes, ei slags undergruppe i Otra IL på den tida, og såg at den gamle grusbanen og friidrettsbanen ved Hornnes gymnas burde moderniserast. Både gymnasungdomen og bygdeungdomen fortente det. Dei fekk dåverande rektor ved gymnaset, Alf Gudbrandsen, med på laget. Bygdefolket stilte opp og gjorde ein eineståande dugnadsinnsats. Odd Harald leia mykje av dugnadsarbeidet. I 1978 stod nye Hornnes stadion ferdig, med ny grasbane for fotball, 400 m løpebane med moderne rødstubb, kastsektor og hoppegrop. I 1976 byrja Odd Harald, saman med fleire andre i Otra IL, å sysle med tankar om ein idrettshall i bygda. Etter fleire rundar med Evje og Hornnes kommune, der det synte seg at kommunen ikkje såg seg råd til ei slik storsatsing, stilte Otra IL med Odd Harald i framste rekke seg i spissen for arbeidet med å få reist hallen. Aksjeselskapet Otrahallen AS vart stifta i Odd Harald blei formann i byggjekomitéen for den nye hallen. Mykje av arbeidet med å reise hallen skjedde på dugnad, med Odd Harald som ein sentral dugnadsleiar. Otrahallen stod ferdig sommaren Frå 1985 og til dags dato i heile 25 år har Odd Harald vore styreformann i Otrahallen AS, eit verv han ikkje har motteke ei einaste krone i godtgjersle for. I 1989 blei Otrahallen utvida med tilbygget på baksida, med lagerrom og styrkerom i 1. etasje og det me i dag ofte omtaler som Miljørommet i 2. etasje. Odd Harald var som styreformann sentral i arbeidet, sjølv om det var ein annan anleggsbyggjar i bygda, Sigbjørn Kjetså, som gjorde den største dugnadsinnsatsen for å få dette tilbygget på plass. På byrjinga av 2000-talet såg Odd Harald med fleire kor viktig det var å utvikle treningstilbodet i Otrahallen vidare, slik at ein kunne imøtekome dei nye behova som heile tida utviklar seg i bygda og samfunnet som heilskap. Tanken var at ein måtte leggje til rette for at dei som ikkje søkte seg til organisert trening, også kunne kome til Otrahallen og der finne sitt individuelle treningsopplegg. I 2006 stod Otrahallen Helse- og treningssenter, det store tilbygget mot aust, ferdig.

4 Odd Harald gav seg ikkje med dette. I 2008 fekk han realisert det nye men lenge planlagte fleirbruksanlegget mellom Otrahallen og den vidaregåande skulen. Her vart det lagt nytt polytan dekke på den gamle asfaltbanen. Anlegget er nå blitt eit moderne friidrettsanlegg, med fire løpebanar for 60 m, anlegg for lengdehopp og tresteg, plass for høgdehopp og tilløp til spydkast og diskos. Det er óg banar for mellom anna tennis, basketball, volleyball, handball og badminton. Anlegget er kostnadsrekna til meir enn 1 million kroner, og er eigd av Otrahallen AS. Fleirbruksflata er høgtideleg døypt Odd Haralds Plass. Odd Harald på Odd Haralds Plass i 2008 Det er mange som engasjerer seg i frivillig arbeid, men ofte med sterkt avgrensa oppgåver og i ein kortare tidsperiode. Det er ganske naturleg, for familie og arbeid krev for mange det meste av tida. Odd Harald har gjennom 35 år engasjert seg i oppgåver som har vore omfattande og som har krevd særs

5 mykje tid og krefter. Han har vore ein sann visjonær i dette arbeidet, samstundes som han har vore svært så løysingsorientert. Problema som har dukka opp har han gått laus på og løyst med si ukuelege optimistiske livshaldning. Idrettsanlegga som ligg på Hornnes i dag vitnar om ein 35 år lang og eineståande trufast innsats for idretten, den vidaregåande skulen og bygda vår. Me har mykje å takke den framsynte idrettsleiaren Odd Harald Robstad for. Tildelinga av Kongens fortenestemedalje var ei ærleg fortent heidersutmerking som me alle i Otra IL helsar med stor glede. Odd Harald helsar på H. M. Kronprins Haakon då kronprinsparet vitja Mineralparken og Evje og Hornnes kommune 31. august 2010 (Foto: Irene Falck Jensen)

6 Kjelder: - Otra IL sin søknad om Kongens fortenestemedalje til Odd Harald - Olav Arne Kleveland, Otra IL 50 år, jubileumsbok - Ordførar Bjørn A. Ropstad, talemanuskript ved utdeling av Kongens fortenestemedalje til Odd Harald