MØTEBOK. Fylkesutvalet som klagenemnd. Fylkeshuset - møterom Sygna. Møtedato Kl

Transkript

1 MØTEBOK Organ Møtestad Fylkesutvalet som klagenemnd Fylkeshuset - møterom Sygna Møtedato Kl Faste medlemer til stades: Åshild Kjelsnes, Ap Nils P. Støyva, Ap Jenny Følling, Sp Anders Ryssdal, Sp Noralv Distad, H Frank Willy Djuvik, FrP Marit Barsnes Krogsæter, V Trude Brosvik, KrF Forfall til møtet: Varamedlemer til stades: Til stades med møte- og talerett: Sekretariat for møtet: Karen Marie Hjelmeseter, Sp Anita Nybø, Sp Tore Eriksen Knut Henning Grepstad Ingen merknader til innkalling og sakliste.

2 Møtebok Fylkesutvalet som klagenemnd SAK 4/14 Skuleskyss vidaregåande skule 2014/2015 Klage på vedtak VEDTAK: Fylkesutvalet som klagenemnd tek ikkje til følgje klagen frå Mathias Edler med føresette SAK 5/14 Skuleskyss vidaregåande opplæring 2014/2015 klage på vedtak Frå fylkesrådmannen låg det føre slik tilråding til vedtak: Fylkesutvalet som klagenemnd tek ikkje til følgje klagen frå Anna Birkeland sine føresette på vedtak om avslag på ekstra skuleskyss. Endringsframlegg: Kristeleg Folkeparti sette fram slikt framlegg til vedtak: Fylkesutvalet som klagenemnd tek til følgje klagen frå Anna Birkeland sine føresette på vedtak om avslag på ekstra skuleskyss. Ekstra skuleskyss vert tildelt for perioden desember 2014 mars Avrøysting: Frank Willy Djuvik og Trude Brosvik røysta for framlegget frå Kristeleg Folkeparti. Åshild Kjelsnes, Nils P. Støyva, Jenny Følling, Anders Ryssdal, Anita Nybø, Noralv Distad og Marit Barsnes Krogsæter røysta for tilrådinga frå fylkesrådmannen. Dette gir følgjande VEDTAK: Fylkesutvalet som klagenemnd tek ikkje til følgje klagen frå Anna Birkeland sine føresette på vedtak om avslag på ekstra skuleskyss Side 2 av 2

3 Side 1 av 1 MØTEINNKALLING Organ: Møtestad: FYLKESUTVALET SOM KLAGENEMND Fylkeshuset - møterom Sygna Møtedato: Tid: Medlemene blir med dette kalla inn til møtet. Eventuelt forfall må meldast til utvalssekretæren straks. Varamedlemer møter berre etter særskild innkalling. SAKLISTE Saksnr. Arkivsaksnr. / Tittel 4/14 14/4751 Skuleskyss vidaregåande skule 2014/2015 Klage på vedtak 5/14 14/7882 Skuleskyss vidaregåande opplæring 2014/2015 klage på vedtak

4 Side 1 av 3 Saksframlegg Saksbehandlar: Ina Therese Sørfonden, Fylkesrådmannen Sak nr.: 14/ Skuleskyss vidaregåande skule 2014/2015 Klage på vedtak Fylkesrådmannen rår fylkesutvalet til å gjere slikt vedtak: Fylkesutvalet som klagenemnd tek ikkje til følgje klagen frå Mathias Edler med føresette. Vedlegg: Klage frå føresette, Sigrid Husevåg Edler, dagsett Supplerande brev til klagen av elev, Mathias Edler, dagsett Andre dokument som ikkje ligg ved: Fylkeskommunen sitt svarbrev dagsett Fylkeskommunen sitt svarbrev dagsett Fylkeskommunen sin e-post dagsett Fylkeskommunen sitt svarbrev dagsett SAKSFRAMSTILLING 1. Bakgrunn for saka Fylkeskommunen gjev etter nærare føresegner rett til gratis skuleskyss eller skyssgodtgjersle for elevar i den vidaregåande skulen. Søknader om gratis skuleskyss vert handsama administrativt. Føresatt, Sigrid Husevåg Edler, har i e-post dagsett klaga på fylkeskommunen sitt vedtak om å gje avslag på søknad om gratis skuleskyss for elev Mathias Edler. Ytterlegare merknader til klagen er sett fram av eleven sjølv i brev dagsett Begge dokumenta ligg ved saksførelegget. Eleven går i 3. klasse på Måløy vidaregåande skule. Eleven har dei to føregåande skuleåra hatt gratis skuleskyss. Avstand mellom eleven sin bustad og skulen er målt til 4,9 kilometer. Fylkesdirektøren for samferdsle har vurdert saka på nytt etter at eleven med føresette sette fram klage, men har ikkje funne grunnlag for å gjere om vedtaket. Klagen er såleis sendt over til FU som klagenemnd for handsaming i tråd med reglement for fylkesutvalet 4 og delegeringsreglementet punkt 3.21 nr.4. I brev dagsett har fylkesdirektøren oppretthalde vedtak om avslag på gratis skuleskyss og gjort gjeldande følgjande grunngjeving: «I opplæringslova 7-2 står det at «Elevar i vidaregåande skole som bur meir enn seks kilometer frå skolen, har rett til gratis skyss eller full skyssgodtgjersle.» Avstanden frå heimen dykkar og til skulen er målt til å vere 4,9 km og er såleis for kort til å ha rett på gratis skuleskyss.

5 Side 2 av 3 I motsetning til 7-1 i opplæringslova som seier at elevar i grunnskulen har rett på gratis skyss når dei har særleg farleg eller vanskeleg skuleveg, omhandlar 7-2 skyss og innlosjering i den vidaregåande skulen. Denne paragrafen seier ikkje noko om at elevar med særleg farleg eller vanskeleg skuleveg har rett til gratis skyss utan omsyn til veglengda. Alderen på elevane i vidaregåande skule tilseier at dei skal greie å ferdast i trafikken sjølv om tilhøva ikkje er dei optimale.» Det er vidare gjort ytterlegare greie for grunngjevinga bak avslaget i brev dagsett : «før fekk de frå Almenning gratis skuleskyss til Måløy vidaregåande skule pga. at tunnellen på fjellet var så smal. Denne vart utbetra for nokre år sidan vegbana vart breiare, betre lys og det vart laga eit «fortau» i tunnellen. Det gjer at det er betre tilhøve for mjuke trafikantar for å ferdast gjennom tunnellen. Fylkesdirektøren kan ikkje sjå at det er kome fram nye moment, og held på vedtaket gjort i brev av Saka vert sendt over til fylkesutvalet som klagenemnd.» Praksisendring frå og med skuleåret 2014/2015: Fylkesdirektøren fann det naturleg å endre noko på praksisen frå og med dette skuleåret og viser her til at ein no har teke i bruk elektroniske skuleskysskort - som samferdsleavdelinga skriv ut. Frå skulestart hausten 2014 har fylkeskommunen hatt ei betre oversikt over alle elevar som har søkt om skyss, og samferdsleavdelinga har vore i tett dialog med dei ulike skulane. På denne måten har ein fått betre oversikt over kvar elevane bur, noko som gjer at avdelinga har hatt moglegheit til å måle avstanden mellom heim og skule meir nøyaktig enn føregåande år. Dette har ført til at det på nokre strekningar der det tidlegare har vore gratis skuleskyss fordi ein har trudd at avstanden er lang nok, viser avstanden seg å vere under 6 kilometer. 2. Klagaren har i hovudsak gjort gjeldande Klagar ber om at fylkeskommunen gjer om sitt vedtak med grunnlag i at skulevegen for eleven må reknast som farleg skuleveg, samt at fylkeskommunen må praktisere regelverket for skuleskyss likt ovanfor alle vidaregåande skuleelevar. Klagar peikar på at det er andre elevar som har avstand kortare enn 6 kilometer mellom heim og skule som i dag har gratis skuleskyss, og at klagar difor må få gratis skuleskyss. 3. Vurderingar og konsekvensar Det er opplæringslova 7-2 som gjeld for gratis skuleskyss for vidaregåande skuleelevar. Elevar i vidaregåande skule som har ein avstand på 6 km eller meir frå bustad til opplæringsstad, har rett til gratis skyss eller full skyssgodtgjersle. Kortaste gangavstand ein veg rekna frå bustad til opplæringsstad (dør til dør) vert lagt til grunn for måling av avstand. Brøytt gangveg tel med i avstandsmålinga. Unntaket frå avstandsregel gjelder for skuleveg som er særlig vanskelig eller farlig, men berre dersom eleven går i grunnskulen, jf. oppl Det er ikkje tilsvarande unnataksregel for elevar i vidaregåande opplæring, sjå oppl Skuleskyssreglementet til fylkeskommunen opnar ikkje opp for å utvide den lovfesta retten til gratis skuleskyss for elevar i vidaregåande opplæring. Det er presisert følgjande i reglementet kapittel 2, punkt 2.2: «2.2 Farleg skuleveg Elevar som har ein avstand på mindre enn 6 km frå bustad til opplæringsstad har ikkje rett til gratis skyss eller full skyssgodtgjersle sjølv om dei grunngjev søknaden med farleg skuleveg.» Fylkeskommunen har frå og med skuleåret 2014/2015 gjort ei generell praksisendring når det gjeld å gje gratis skuleskyss for vidaregåande skuleelevar. Dette har bakgrunn i at vi no har

6 Side 3 av 3 betre oversikt over kvar elevane bur og meir nøyaktig kan måle avstand mellom heim og skule for kvar enkelt elev. Praksisendringa gjeld for alle elevar i den vidaregåande opplæringa. I svarbrev til klagar dagsett har fylkesdirektøren presisert at fylkeskommunen skal måle avstanden mellom heim og skule til alle elevane ved Måløy vidaregåande skule, slik at alle får lik handsaming. Eleven sin avstand mellom heim og skule er på 4,9 kilometer og er såleis under grensa på 6 kilometer i opplæringslova 7-2. Det er ikkje grunnlag for å gjere om fylkesdirektøren sitt vedtak om å gje avslag på søknad om gratis skuleskyss. Fylkesrådmannen sluttar seg til vurderinga fylkesdirektøren for samferdsle har gjort i denne saka og tilrår såleis at fylkesutvalet som klagenemnd ikkje tek klagen til følgje. Dersom klagenemnda skulle ta klagen heilt eller delvis til følgje, må skuleskyssen for eleven dekka over samferdsleavdelinga sitt budsjett, teneste Konklusjon Fylkesrådmannen rår fylkesutvalet som klagenemnd om å oppretthalde fylkesdirektøren for samferdsle sitt vedtak om avslag på skuleskyss for Mathias Edler.

7 ?Fra: Eva Synnve Solhaug Fosshagen Til: Driftstenesta - arkiv [Driftstenesta-arkiv@sfj.no] Kopi: Sendt: :23:55 Emne: VS: klage p vedtak om avslag p skuleskyss Vedlegg: Skal p sak 14/4751. Fra: Sigrid Husevg Edler Sendt: 1. oktober :40 Til: Eva Synnve Solhaug Fosshagen Kopi: Jill Magnhild Strand Emne: klage p vedtak om avslag p skuleskyss Hei! Eg er mor til Mathias Edler ( ) som er elev p Mly vgs. Han gr 3. ret TAF, bur i byggefeltet Eldevik i Almenningen. Han har ftt avslag p skysssknaden sin i r, noko som vi undrar oss sterkt over. Eg har sjlv jobba p Mly vgs og har sitte og behandla slike skysssknadar i fleire r, og det har riktignok alltid vore ein diskusjon om elevane fr Almenningen skulle f gratis skyss i og med at Almenningen ligg akkurat under grensa p 5 km. Likevel har ein kome til at elevane fr gratis skyss pga. farlig skulevei, dersom dei skulle mtte g til skulen. Dei skal trass alt over Almenningsfjellet og gjennom ein tunnel, p ein sterkt trafikkert vei. Mathias har dei to fyrste skulera p Mly vgs ftt gratis skuleskyss, s kva er det som gjer at han no ikkje fr lenger?? Dersom fylkeskommuna no har endra praksis eller skjerpa krava, s m det i tilfelle gjelde alle elevar. I Mly er der elevar som fr gratis skuleskyss, sjlv om dei ogs er akkurat under 5 kmgrensa, men d fordi dei m over Mlybrua? noko som ikkje er noko betre argument enn det elevane fr Almenningen har (over fjellparti + tunnel). Eller dei som bur i Halneset, mot Holvik, ogs under 5 km, men pga. farlig /smal veg inn mot Mly. Dersom han ikkje fr gratis skuleskyss, vil det bety at vi m ordne med privatskyss p ein eller annan mte, sidan far startar mykje tidlegare p jobb og eg sjlv kyrer i andre retninga, til Eid vgs. Eller guten m investere i bil, noko som ikkje blir aktuelt. Vi nskjer at de tar sknaden hans opp igjen til vurdering snarast, og hper at fornuften sigrar (og gjerne bruk av skjnn) ogs denne gongen. Helsing Sigrid Husevg Edler

8 Almenningen, Klage på avslag om skuleskyss (dykkar saksnr. 14/ , ) Eg viser til brevet mor mi sendte om denne saka og ønskjer no å klage på at de har vedtatt at eg ikkje skal få gratis skuleskyss. Grensa på 6 kilometer har vore slik i fleire år, og opp gjennom alle tider har elevar frå Almenningen fått skuleskyss pga. farleg skulevei, sjølv om avstanden er under 6 kilometer. Eg går no 3.året på Måløy vgs, og skal gå her 4 år tilsaman (går TAF-linja). Dei to fyrste åra fikk eg skuleskyss, kvifor har de endra praksisen i år?? Eg veit om medelevar som bur i Måløy som får skuleskyss, sjølv om dei ikkje kjem over 6 kilometer-grensa. Desse har også fått skuleskyss dei siste to åra, og får det i år også. Dersom de velger å håndheve regelen på 6 kilometer, må det gjelde ALLE elevar, ikkje bare meg. Eg er riktignok den einaste eleven frå Almenningen i år som treng skuleskyss til vgs, men neste år kjem det til å vere 4 stykker til. Då kjem det nok sikkert til å bli same reaksjonane dersom disse elevane ikkje får gratis skyss. Heilt konkrete eksempel (eg velger å ikkje namngje nokon av medelevane mine): Elev buande i gate 4 som har 5,1 kilometer til Måløy vgs, får gratis skuleskyss. Ein annan elev med adresse i Idrettsvegen, gate 4, får også skuleskyss. Her er det snakk om ca. 4,8 kilometer. Kvar er logikken i dette?? De skriv i avslaget at vi som går på vgs skal vere gamle nok til å ferdast i trafikken sjølv om tilhøva ikkje er dei optimale. Elevar som bur i Måløy har gatelys langs vegane i Måløy, gangvei og opplyst skulevei over heile Måløybrua, derifra fin og brei gang- og sykkelvei heile vegen fram til skulen. Mens eg skal altså måtte gå i vegkanten på ein trafikkert riksvei 15 ifrå byggefeltet i Almenningen, over Almenningsfjellet, gjennom tunnelen (der er riktignok eit «fortau» der ein kan ferdast «trygt»), vidare ned mot skulen på riksvegen her er verken gangvei eller sykkelvei, eller noko gatelys! Og dette i all slags vær og føreforhold! Dersom nokon i fylkeskommuna har vore her ute og målt opp avstanden, burde dei vel også sjå på tilhøva på denne strekninga, for dei er absolutt ikkje optimale, dei er trafikkfarlige! Vegen er det eg vil kalle «særlig farlig og vanskeleg skuleveg», jmf. Opplæringslova $ 7.1. Skulle dokke likevel velje å vere så rigide på denne regelen, oppmodar eg einkvan som har med skuleskyss å gjere i fylkeskommuna om å komme ut og ta turen ilag med meg ein vanleg uværsdag ute ved kysten, når det er mørkt om morgonen og mørkt om ettermiddagen når eg skal heim frå skulen. Eg håpar at de velger å snu i denne saka, slik at eg får ein trygg skuleveg i buss til og frå skulen, og at framtidige elevar slepp å ta opp same problematikken i framtida. Helsing Mathias Edler

9 Saksprotokoll Organ: Møtedato: Fylkesutvalet som klagenemnd Sak nr.: 14/ Internt l.nr /14 Sak: 4/14 Tittel: Skuleskyss vidaregåande skule 2014/2015 Klage på vedtak Behandling: Dette gir følgjande endeleg vedtak: Fylkesutvalet som klagenemnd tek ikkje til følgje klagen frå Mathias Edler med føresette.

10 Side 1 av 3 Saksframlegg Saksbehandlar: Ina Therese Sørfonden, Fylkesrådmannen Sak nr.: 14/ Skuleskyss vidaregåande opplæring 2014/2015 klage på vedtak Fylkesrådmannen rår fylkesutvalet til å gjere slikt vedtak: Fylkesutvalet som klagenemnd tek ikkje til følgje klagen frå Anna Birkeland sine føresette på vedtak om avslag på ekstra skuleskyss. Vedlegg: Søknad om ekstra skuleskyss frå føresette dagsett Klage på avslag om ekstra skyleskyss frå føresette dagsett Andre dokument som ikkje ligg ved: Fylkeskommunen sitt vedtak om avslag dagsett Fylkeskommunen sitt svarbrev på klage dagsett SAKSFRAMSTILLING 1. Bakgrunn for saka Fylkeskommunen gjev etter nærare føresegner rett til gratis skuleskyss eller skyssgodtgjersle for elevar i den vidaregåande skulen. Søknader om gratis skuleskyss vert handsama administrativt. Føresette, Kjell Aage og Merete Birkeland, har i brev dagsett søkt om ekstra skuleskyss for eleven Anna Birkeland. Søknaden vart avslått av fylkesdirektøren i vedtak dagsett Dei føresette klaga på avslaget i brev dagsett Søknad og klage ligg ved saksførelegget. Eleven går i 1. klasse på Dale vidaregåande skule. Eleven har hatt ekstra skuleskyss i ungdomskulen grunna farleg skuleveg. Eleven har i dag skuleskyss frå busstopp til skule. Avstand mellom eleven sin bustad og busstopp er målt til under 250 m. Fylkesdirektøren for samferdsle har vurdert saka på nytt etter at dei føresette sette fram klage, men har ikkje funne grunnlag for å gjere om vedtaket. Klagen er såleis sendt over til fylkesutvalet som klagenemnd for handsaming i tråd med reglement for fylkesutvalet 4 og delegeringsreglementet punkt 3.21 nr.4. I brev dagsett har fylkesdirektøren gjeve følgjande grunngjeving for avslag på ekstra skuleskyss: «I motsetning til 7-1 i opplæringslova som seier at elevar i grunnskulen har rett på gratis skyss når dei har særleg farleg eller vanskeleg skuleveg, omhandlar 7-2 skyss og innlosjering i den vidaregåande skulen. Denne paragrafen seier ikkje noko om at elevar med særleg farleg eller vanskeleg skuleveg har rett til gratis skyss utan omsyn til veglengda. Alderen på elevane i vidaregåande skule tilseier at dei skal greie å ferdast i trafikken sjølv om til høva ikkje er dei optimale.

11 Side 2 av 3 På grunn av bygging av ny trasè på E39, må Anna krysse anleggsvegen. De meiner at kryssande anleggstrafikk kan vere ein fare for Anna. Vi har vore i kontakt med Statens vegvesen. Dei kan opplyse om at byggherre er pliktig til å ta omsyn til kryssande personar/trafikk på anleggsvegen. Vidare meiner de at Anna har kome for seint til Sande for å nå vidare korrespondanse, både til Dale og når ho kjem attende frå Dale. Det har vore eit møte i dag mellom fylkeskommunen og entreprenøren. Bussane skal sleppe gjennom området slik at det ikkje vert unødige forseinkingar. Firda Billag Buss kan opplyse at bussane har kontakt med kvarandre og skal vente om det er nødvendig». I svarbrev dagsett opprettheld fylkesdirektøren sitt avslag om ekstra skuleskyss med følgjande grunngjeving: «I opplæringslova 7-1 står det at elevar i grunnskulen har rett på gratis skyss utan omsyn til veglengda dersom dei har særleg farleg eller vanskeleg skuleveg. I opplæringslova 7-2, som omhandlar skuleskyss til elevar i vidaregåande skule som bur meir enn seks km frå skulen, står det ikkje nemnt at dei har rett på gratis skyss om veglengda er kortare og det er farleg skuleveg. Det er med andre ord ikkje heimla i opplæringslova 7-2 at elevar har rett på ekstra skyss, sjølv om de meiner vegstrekninga frå heim til Sande er trafikkfarleg. Søknaden om å alternativt gje skyss i perioden medio oktober til ut mars, vert avslege med same grunngjeving som farleg skuleveg. Prosjektleiar på vegarbeidet seier at dei skal ta omsyn til gåande og køyrande som må krysse anleggsvegen.» 2. Klagaren har i hovudsak gjort gjeldande Klagar ber om at fylkeskommunen gjer om sitt vedtak om skuleskyss slik at eleven får ekstra skuleskyss mellom heim og busstopp, primært for heile skuleåret, subsidiært for månadane oktober-mars på grunn av mørket og at det kan vere mykje snø/brøyting. Grunngjevinga er at vegen mellom heim og busstopp må reknast som farleg skuleveg for eleven. Det er ikkje busslomme ved det busstoppet eleven skal nytte, slik at ho må stå i vegbana for å vente på skulebussen som kjem frå Vadheim. Busstoppet ligg rett etter ein sving og vegen er smal. I tillegg må ho krysse E39 for å kome på rett side om morgonen. Når Anna kjem heim frå skulen må ho gå langs vegen. Busstoppet som er nærmast heimen, er teken vekk grunna anleggsarbeid, slik at ho må gå langs E39 når ho har gått av bussen. Om vinteren kan det også vere eit problem når det vert brøytekantar og det er mørkt. På grunn av bygging av ny trasè på E39, må eleven krysse anleggsvegen. De meiner at kryssande anleggstrafikk kan vere ein fare for eleven. 3. Vurderingar og konsekvensar Det er opplæringslova 7-2 som gjeld for gratis skuleskyss for vidaregåande skuleelevar. Elevar i vidaregåande skule som har ein avstand på 6 km eller meir frå bustad til opplæringsstad, har rett til gratis skyss eller full skyssgodtgjersle. Kortaste gangavstand ein veg rekna frå bustad til opplæringsstad (dør til dør) vert lagt til grunn for måling av avstand. Brøytt gangveg tel med i avstandsmålinga. I dette tilfelle har eleven gratis skuleskyss frå busstopp til skulen. Klagen gjeld strekninga eleven må gå mellom heimen og busstopp. Det følgjer av merknadane i forarbeida til oppl. 7-2 (Ot.prp. nr 46 ( )) at elevane kan påleggjast ein gangavstand på inntil 4 km frå heimen til næraste påstigingsstad, langs framkomeleg gangveg.

12 Side 3 av 3 Avstanden frå heimen til busstopp er kortare enn 250 meter og såleis innanfor grensa på 4 kilometer. Unntaket frå avstandsregelen gjelder for skuleveg som er særlig vanskelig eller farlig, men berre dersom eleven går i grunnskulen, jf. oppl Det er ikkje tilsvarande unnataksregel for elevar i vidaregåande opplæring, sjå oppl Skuleskyssreglementet til fylkeskommunen opnar ikkje opp for å utvide den lovfesta retten til gratis skuleskyss for elevar i vidaregåande opplæring. Det er presisert følgjande i reglementet kapittel 2, punkt 2.2: «2.2 Farleg skuleveg Elevar som har ein avstand på mindre enn 6 km frå bustad til opplæringsstad har ikkje rett til gratis skyss eller full skyssgodtgjersle sjølv om dei grunngjev søknaden med farleg skuleveg.» Det er ikkje grunnlag for å gjere om fylkesdirektøren sitt vedtak om å gje avslag på søknad om gratis skuleskyss. Fylkesrådmannen sluttar seg til vurderinga fylkesdirektøren for samferdsle har gjort i denne saka og tilrår såleis at fylkesutvalet som klagenemnd ikkje tek klagen til følgje. Dersom klagenemnda skulle ta klagen heilt eller delvis til følgje, må skuleskyssen for eleven dekkast over samferdsleavdelinga sitt budsjett, teneste Konklusjon Fylkesrådmannen rår fylkesutvalet som klagenemnd om å oppretthalde fylkesdirektøren for samferdsle sitt vedtak om avslag på skuleskyss for Anna Birkeland.

13 Kjell Aage og Merete Birkeland Hauge 6973 Sande Sogn og Fjordane Fylkeskommune Askedalen Leikanger Søknad om ekstra skuleskyss Viser til vedtak om skulekyss for Anna Birkeland som går på Dale vidaregåande skule. Bustad til Anna ligg ved E39 i retning Vadheim. Skulebuss som Anna skal ta går kl 0730 frå busstopp ved heimen og skal korrespondere med buss vidare frå Sande kl Anna har under heile ungdomsskulen hatt ekstra skuleskyss til Sande grunna svært farleg skuleveg. Busstopp ved E39 er plassert slik at det ikkje er mulig for Anna og stå utanfor vegen men må stå i vegbana i tillegg til at busstopp er rett etter ein sving og vegen er smal. Området har i dag og kryssande anleggstrafikk frå kl 0700 kvar morgon grunna ny vegtrase Birkeland Sande. Denne anleggsvegen går gjennom vegkryss som Anna må krysse i tillegg til kryssing av sjølve E39 på veg til/frå busstopp. Om vinteren er det ei problemstilling med snøbrøyting/snøkantar og mørke morgonar/ettermiddagar som inneber at det er svært farleg å opphalde seg på busstopp. I løpet av første skuleveka har vi og opplevd at bussen til Sande 0730 har vært forsinka slik at Anna ikkje hadde nådd buss på Sande dersom ikkje føresett hadde køyrt til Sande denne morgonen. Det vil neste 2 åra bli mykje stenging av veg mellom bustad og i retning Vadheim noko som inneber usikkerhet om buss til Sande vert forsinka. Etter skulen er ferdig kjem Anna til Sande kl 1510 (har drosje frå Osen til Sande) og skal ta bussen som går frå Sande same tid. Etter første skuleveka har ho allereie komt for seint til denne bussen 1 ettermiddag. Kva vil då skje når vinteren kjem og drosja vil bruke meir tid frå Osen til Sande? Anna har same problemstilling med farleg skuleveg heimatt, og i tillegg er det ikkje busstopp på den sida av vegen (denne er tatt vekk grunna vegarbeid). Ho må også krysse anleggsveg med svært store anleggsmaskiner. Nærmaste busstopp er på Birkeland som vil innebere at Anna må gå langs svært trafikkert og smal veg til bustad. Sjølv om Anna er 16 år meiner vi som føresette at skulevegen til/frå bustad vil inneber ein stor risiko for ho. Vi ser stadig store og små køyretøy som held stor fart og forbikøyringar i området og det er eit uoversiktleg område til å krysse vegen. Vi søkjer om ekstra skuleskyss frå/til bustad til Sande om morgonen og ettermiddag grunna svært farleg skuleveg. Nedanfor har vi lagt ved bilder som beskriver starten av skulevegen til Anna:

14 Busstopp som Anna må stå om morgonen. Som beskrive i teksten over så er det ikkje mulig for Anna og stå utanfor vegen. I tillegg vil dette bli verre når det er snø og mørke kjem. Veg der busstopp er fjerna.

15 Bilde som beskriver situasjonen som Anna må forhalde seg til både til/frå skulen. Anleggsveg som Anna må krysse:

16 Dersom De har spørsmål ta gjerne kontakt på telefon (Kjell Aage Birkeland) eller (Merete Birkeland). Med helsing Kjell Aage og Merete Birkeland

17 Kjell-Aage og Merete Birkeland Hauge 6973 Sande Sogn og Fjordane Fylkeskommune Askedalen Leikanger Klage på avslag på søknad om ekstra skuleskyss Viser til brev datert med avslag på søknad om ekstra skuleskyss for Anna Birkeland frå Hauge til Sande t/r. Vi ynskjer å klage på vedtaket. Bakgrunnen for avslaget er alderen og grunngjevnad med at elevar i vidaregåande skule skal kunne ferdast i trafikken sjølv om tilhøva ikkje er optimale. Tilhøva på den aktuelle vegen er ikkje optimale, men svært farleg med kryssande anleggstrafikk og uoversiktleg av/på stigning ved buss stoppa. Sjølv om Statens vegvesen og dei som utfører arbeidet på denne vegen tek omsyn er det her snakk om svært store (enorme) maskiner i stort antall som trafikkerer på anleggsvegen. Når det no begynner å bli mørkt er det svært vanskeleg å sjå gåande med refleks då det er mykje skilt som blinkar i lyset. I tillegg har ein hatt store støvproblematikk på anleggsvegen som gjer at sikten både til gåande og dei som køyrer desse maskinene er nedsatt i periodar. I tillegg til anleggstrafikk er det som tidlegare oppgjeve svært uoversiktleg ved busstopp spesielt frå Hauge til Sande. Spesielt i mørket og ved snøbrøyting vil det her være svært vanskeleg/farleg å stå ved busstoppen. Det er ikkje mogeleg å kunne komme seg unna ved eventuell brøyting/anna trafikk som kjem nærme vegkanten. Dette har tidlegare gjort til at alle elevar som bur på denne vegstrekninga har ekstra skuleskyss frå klasse. Vi søkjer om omgjering av vedtaket - evt at Anna får ekstra skuleskyss i perioden medio oktober til ut mars månad då det er i denne perioden på året det er svært mørkt og kan være mykje snø/brøyting. Med helsing Kjell-Aage og Merete Birkeland

18 Saksprotokoll Organ: Møtedato: Fylkesutvalet som klagenemnd Sak nr.: 14/ Internt l.nr /14 Sak: 5/14 Tittel: Skuleskyss vidaregåande opplæring 2014/2015 klage på vedtak Behandling: Frå fylkesrådmannen låg det føre slik tilråding til vedtak: Fylkesutvalet som klagenemnd tek ikkje til følgje klagen frå Anna Birkeland sine føresette på vedtak om avslag på ekstra skuleskyss. Endringsframlegg: Kristeleg Folkeparti sette fram slikt framlegg til vedtak: Fylkesutvalet som klagenemnd tek til følgje klagen frå Anna Birkeland sine føresette på vedtak om avslag på ekstra skuleskyss. Ekstra skuleskyss vert tildelt for perioden desember 2014 mars Avrøysting: Frank Willy Djuvik og Trude Brosvik røysta for framlegget frå Kristeleg Folkeparti. Åshild Kjelsnes, Nils P. Støyva, Jenny Følling, Anders Ryssdal, Anita Nybø, Noralv Distad og Marit Barsnes Krogsæter røysta for tilrådinga frå fylkesrådmannen. Dette gir følgjande endeleg vedtak: Fylkesutvalet som klagenemnd tek ikkje til følgje klagen frå Anna Birkeland sine føresette på vedtak om avslag på ekstra skuleskyss.