Dykkar ref: Vår ref Sakshand: Arkivkode: Dato: 2016/ Torunn Raftevold Rue,

Transkript

1 Høyringsuttale MELDING OM VEDTAK Dykkar ref: Vår ref Sakshand: Arkivkode: Dato: 2016/ Torunn Raftevold Rue, K Særutskrift: Ny periode for snøscooterløyve - høyring på nye retningslinjer for motorferdsel i utmark og på islagde vassdrag Her følgjer særutskrift av formannskapet sak nr. 85/16. Postadresse: 3840 SELJORD Telefon: Bankgiro: Telefaks: Org.nr: E-post: post@seljord.kommune.no

2 Seljord kommune Arkiv: K01 Saksnr.: 2016/ Sakshand.: Torunn Raftevold Rue Direkte tlf.: Dato: Saksframlegg Utval Utvalssak Møtedato Formannskap/økonomiutval 85/ Ny periode for snøscooterløyve - høyring på nye retningslinjer for motorferdsel i utmark og på islagde vassdrag Saksdokument: Vedlegg: 1 Utkast til retningslinjer for motorferdsel i Seljord kommune 2 Tidlegare sak om snøscooterløyve i 2008 Lov om motorferdsel i utmark Nasjonal forskrift om bruk av motorkøyretøy i utmark og på islagde vassdrag Forskrift om motorferdsel i Brattefjell-Vindeggenområdet Lokale retningslinjer i Seljord vedtak i kultur- og næringsutvalet Forskrift til lov om motorferdsel i utmark og vassdrag og nasjonal forskrift til denne, Seljord kommune, Telemark Retningslinjer frå Miljøverndepartementet i rundskriv MD T og MD T som fungerer som nasjonale rammer Naturmangfaldlova 8-12 Saksutgreiing: Bakgrunn for saka: I samband med at det no er klart for ein ny periode for snøscooterløyve i Seljord kommune, ynskjer administrasjonen å ha retningslinjene for motorferdsel i utmark på høyring. Retningslinjene som gjeld, vart vedtekne i kultur- og næringsutvalet (sjå vedlegg). Tidlegare retningslinjer vart vedtekne i planutvalet Ein del punkt i retningslinjene blir ikkje følgt, og ein del punkt er ikkje aktuelle lenger. Vi treng å endre og supplere retningslinjene. Administrasjonen kjenner ikkje til at retningslinjene er sendt på høyring tidlegare. Vi treng eit så godt styringsverktøy som mogleg for å følgje opp intensjonane i lov og forskrift, tilpassa lokale forhold. Retningslinjene vil kunne gje ei mest mogleg føreseieleg og lik handsaming av søkjarar. Med bakgrunn i dette ynskjer vi å sende utkast til retningslinjer på høyring med frist 16.oktober slik at saka kan bli handsama att i formannskapet den 3.november 2016 (sjå vedlegg til utkast)

3 Det er litt knappe fristar, men vi må greie å ha nye retningslinjer på plass før vi legg ut revidert søknadsskjema på heimesida, startar å ta imot søknader og handsamar desse før snøen kjem og snøscootersesongen startar. Litt om regelverket: Motorferdsel i utmark og vassdrag er regulert med sikte på å: verne naturmiljøet, fremje trivsel og sikre friluftsliv og rekreasjonsverdiar. Hovudregelen i lova er at motorferdsel i utmark er forbode. Bruk av motorkøyretøy til offentlege godkjende nytteføremål (som t.d. til redningsteneste, utmarksnæring og til faste bustader) er direkte heimla i lova medan ferdsel til andre føremål krev løyve (dispensasjon) frå kommunen. Motorferdsel skal føregå varsamt (aktsamt) og omsynsfullt for å unngå skade og ulempe for naturmiljø og menneske. Brukar ein t.d. motorbåt, fly, snøscooter, ATV (All Terrain Vehicle), traktor, bil eller motorsykkel bør ein kjenne til reglane i motorferdsellova. Merk at ein uansett ikkje kan gjeva løyve til turkøyring. Kommunestyret eller anna folkevald organ som kommunestyret avgjer, kan fastsetje snøscooterløyper for køyring med snøscooter på vinterføre, jf forskrifta 4 a. Regelverket regulerer motorferdsel i utmark for at skog og fjell skal vere fri for støy og forstyrringar frå motorisert ferdsel, og regelverket har også som mål å verne naturen mot andre skadar. Motorferdsel på barmark kan skade plantelivet og setje merke og sår i terrenget. Spora etter køyring kan vere synlege i mange år. I tillegg vert naturen utsett for forureining. Skadane blir forsterka ved at ein ved hjelp av motorkøyretøy når over store avstandar på kort tid og lettare kan nå inn til elles lite tilgjengelege naturområde. Det er viktig å ta vare på uforstyrra natur, som framleis er noko av det mest særmerkte og verdifulle vi har i Noreg. Eitt enkelt motorkøyretøy treng ikkje isolert sett føre til nokon skade eller ulempe, men summen av mange vil ofte utgjere eit stort press på miljøet. Administrasjonen skal vurdere alle søknadene etter naturmangfaldlova Reglane for motorferdsel på snøføre er mindre strenge enn for barmarkskjøring. Det er fordi køyring på snø gjev mindre varige skadar på terreng og vegetasjon enn barmarkskøyring. Flest moglege av nødvendige transportar i utmark bør ein leggje på snøføre. Samarbeid mellom kommunane: I juni 2016 hadde dei 6 Vest-Telemark-kommunane, 3 kommunar i Midt-Telemark (Bø, Nome og Sauherad), Hjartdal, Notodden, Tinn og Drangedal (totalt 13 av 18 kommunar) ein fagdag om motorferdsel i utmark og på islagde vassdrag saman med fylkesmannen, SNO (Statens naturoppsyn) og politiet. Det var ein nyttig dag med gode diskusjonar og innspel. SNO gav tydeleg uttrykk for at alle snøscooterløyve må vere råd å kontrollere når dei har kontrollar i felt. Difor er det viktig at kommunane skriv gode, forståeleg og kontrollerbare løyve (dispensasjonar) som vedkomande har med seg på snøscooteren. I samband med forvaltningskontrollen som fylkesmannen i Telemark utførte seint hausten 2015, peika også fylkesmannen på at kommunane har forbetringspotensiale: viktig at det kjem fram kven som har fått løyvet (enkeltperson eller kontaktperson) det skal ikkje vere tvil om kvar løyvet er gyldig slik at ein kan kontrollere det (start- og sluttpunkt, stadnamn, kart) det skal vere merka av trasé for kvart løyve på kart som og skal følgje søknaden, og det skal vere kontrollerbart i felt - 3 -

4 det er viktig at det vert knytt bestemte køyretøy til kvart enkelt løyve, og ein skal opplyse i dispensasjonen kva for type køyretøy det gjeld det er viktig at det går fram av løyvet kva som er føremålet med køyringa, at det vert signert på køyreskjema før turen og at ein vurderer å setje avgrensingar på tal turar når forholda tilseier det Det er naturleg å sende høyringa på reviderte retningslinjer for motorferdsel i utmark i Seljord kommune til SNO, politiet og verneområdestyret for Brattefjell-Vindeggen landskapsvernområde. Vurdering: Sidan det er ny snøscooterperiode (løyva går ut i 2016), så er det grunn til å sjå på retningslinjene som vart vedtekne i 2008 og eventuelt endre desse dersom det er innspel til dette. Slik vi har erfaring med, så har handsaming av søknader for løyve til snøscooter i Seljord fungert rimeleg greitt. Det kan likevel vere greitt å høyre med dei som er involvert om det er ting som ein bør vurdere og eventuelt endre i retningslinjene. Ingenting er statisk eller "hogge i stein". Retningslinjene gjeld inntil dei blir endra. Det er alltid ei vurdering om ein skal vere svært detaljerte, eller om ein skal lage meir overordna og "runde" retningslinjer. Når det gjeld søknadsfristar, er det ikkje nødvendig å ha ein spesiell frist sidan søknadene blir handsama fortløpande. På grunn av at det er venta stor søknadsmasse denne hausten, må søkjarar rekne med at det blir litt lenger sakshandsamingstid. Statistikk: Det er grunn til å ta med litt statistikk i denne saka. Talet på snøscooterar har auka (på landsbasis) frå i 1977 til stk i Talet på ATV har (på landsbasis) auka frå i 2001 til i Frå ei tidlegare sak, så har vi desse tala på løyve i perioden i Seljord. Men det er ikkje så lett å finne tal på løyve i dei to siste periodane utan å bruke store ressursar på å lage oversikt. Det har med måten det er registrert på. Periode/år Transportløyve ( 5 a) Løyve for funksjonshemma ( 5 b) Andre bruksløyve ( 5c, 5 d, 5e og 6) Sum Tal transportløyve ligg omtrent på same nivå i dag. Andre bruksløyve som gjeld det vi kan kalle hytteløyve, løyve til utmarksnæring, vedløyve (etter 5) og andre løyve etter 6 (særlege behov), har auka til 103 i siste periode. Løyve for funksjonshemma var ca 14 i siste periode. Samanlikna med andre Vest-Telemarkkommunar, ligg Seljord lågare i tal løyve samanlikna med Fyresdal, Tokke og Vinje. Medan vi ligg høgare enn Nissedal og Kviteseid. Løyva som går under nemninga "andre bruksløyve" har hatt ein stor auke dei siste periodane samanlikna med tidlegare. Dette heng m.a. saman med tilgangen på snøscooter

5 Jf. Forskrift om bruk av motorkjøretøyer i utmark og på islagde vassdrag kjem "andre bruksløyve" i denne kategorien: 5 c) transport av bagasje til eiga hytte (hytteløyve) over 2,5 km frå brøyta veg 5 d) utmarksnæring skal vere næring 5 e) transport av ved 6 særleg behov må opp som politisk sak, administrasjonen kan ikkje ta desse sakene delegert Det er i hovudsak løyve til transport av bagasje til eiga hytte, 5 c), som er årsaka til auken. Det er viktig å presisere at dei aller fleste som søkjer og får snøscooterløyve, brukar dette med fornuft og utgjer difor ikkje noko problem. Transportløyve: Seljord kommune vart i perioden og delt inn i naturlege transportområde der det kunne tildelast 1-4 transportløyve pr område (vi har ikkje denne oversikten over områda tilgjengeleg pr dd). Det vart også sett krav om at innehavar av transportløyve måtte ha snøscooter som var eigna til transportoppdrag og vere villig til å køyre etter behov. Det er særleg éi problemstilling som har kome opp tidlegare, nemleg løyve for transport av bagasje til eiga hytte ( 5 c) i område der det er gjeve transportløyve ( 5 a). Forskrifta er relativt klar på at viss det er gjeve transportløyve i eit område, skal det i utgangspunktet ikkje vere kurant å få tildelt løyve til eiga hytte. Men her er det ein føresetnad at transportøren har ein god beredskap. Eit fleirtal av dei som har transportløyve i Seljord har naturleg nok anna arbeid som gjer at det ikkje alltid passar å ta transportoppdrag. Desse har avgrensa tid til å køyre slik at det ofte blir mest transport i helgar og i feriar. Men det må også presiserast at det er enkelte løyvehavarar som har svært god beredskap. I mange tilfelle kan det ofte vere fornuftig å gje hytteeigaren løyve til å køyre sjølv. Samtidig kan dette vere med på å undergrave transportløyveordninga i område som ligg godt til rette for dette. Skal det vere lett å få eit hytteløyve når vi har nokon som tek seg av transport i det området? Det er svært vanskeleg å berre bruke skjønn i slike saker fordi sakshandsamar som regel ikkje har detaljert kunnskap om kor godt transportløyveordninga fungerer i dei ulike områda. Det er difor viktig å få klarlagt korleis vi skal forhalde oss til dette. I somme kommunar vert slike løyve berre gjeve til næringsdrivande med organisasjonsnummer. I tillegg vert det sett vilkår m.a. om tilgjenge og dokumentasjon på tal oppdrag mm. Tidspunkt: Snøscooterløyva har tidlegare blitt gjevne frå desember til 15. april. I den lokale forskrifta for Seljord frå 1996 står det at: Motorferdsel i utmark og på islagte vassdrag skal berre gjevast i tida 15.oktober til 25.april i året. I dei seinare åra har det blitt gjeve løyve til våren 2016 (ikkje presisert med dato). Løyve for funksjonshemma ( 5b) kunne gjevast for 2 eller 4 år. Administrasjonen hadde fullmakt til å handsame søknadene. Lengda på snøscooterløyveperioden er det opp til formannskapet å avgjere. Mange kommunar set vilkår om tidspunkt på døgnet for snøscooterkøyringa. Det har ikkje Seljord hatt i sine retningslinjer tidlegare. Ein del kommunar har t.d. forbod mot snøscooterkøyring på søndagar og i visse tidsrom t.d. mellom kl 23 til kl Nokre kommunar har forbod mot snøscooterkøyring 24. og 25.desember, 1.januar, palmesøndag, skjærtorsdag til og med 1.påskedag og i tidsrommet 1.mai-1.desember (snøscooter). Det kan vere aktuelt å innføre fellesreglar for alle løyve t.d. at det er lov til å køyre snøscooter mellom kl og Ved å innføre dette, unngår ein nattkøyring og uro på den tida av døgnet

6 Løyvemerke: Det har tidlegare vore gjeve ut løyvemerke der det står nummer, namn på kommunen (Seljord) og tidsperiode (t.d ). Det er ingen kommunar i Telemark (av dei vi har hatt møte med) som nyttar merke lenger. I tillegg er det ein del som har mista merka sine fordi dei ikkje heng på snøscooteren. Dei moderne snøscooterane har få store flater å feste merka på, og ved kontroll er SNO og politiet interessert i å sjå sjølve løyvet som er gjeve frå kommunen. Merka har også ein kostnad for kommunen. Det er ikkje høve for kommunen til å ta betalt for merka lenger. Administrasjonen vil difor foreslå at ein ikkje nyttar løyvemerke lenger. Byggjeløyve: Har vedkomande fått byggjeløyve til t.d. hytte, treng han/ho ikkje eige snøscooterløyve; dersom byggjeløyvet er gyldig. Dette er heimla i forskrifta 3 d. Byggjeløyvet gjeld for 3 år. Det blir sjeldan skriven ut ferdigattest på hytter, så det er vanskeleg å bruken tidspunktet for ferdigattest. Bygginga kan ofte ta fleire år. Det hender at nokon "dreg ut" bygginga for å kunne bruke snøscooter til hytta - og som også dessverre nyttar snøscooteren til anna køyring utan å ha løyve til den bruken. Grunneigar kan forby eller nekte denne bruken av snøscooter over hans/hennar eigedom. Enkeltløyve: Det har vore mogleg å søkje om enkeltløyve for ein eller fleire bestemte datoar. Politikarane må vurdere om det er aktuelt, og om ein skal stille spesielle krav til dette. Løyve etter 6 i nasjonal forskrifta om bruk av motorkøyretøy i utmark og på islagde vassdrag: 6.I unntakstilfelle kan kommunestyret - eller et annet folkevalgt organ som kommunestyret bestemmer - etter skriftlig søknad gi tillatelse til kjøring utover 2-5, dersom søkeren påviser et særlig behov som ikke knytter seg til turkjøring, og som ikke kan dekkes på annen måte. Før eventuell tillatelse gis, skal transportbehovet vurderes mot mulige skader og ulemper i forhold til et mål om å redusere motorferdselen til et minimum. Det er viktig å vere klar over at administrasjonen ikkje kan gje løyve til køyring utover det som ein finn i 2 5 i nasjonal forskrift. I Seljord er det formannskapet som må gjere vedtak om eit eventuelt løyve dersom ein ikkje finn løysingar i andre paragrafar. Saka må altså opp politisk dersom det er særlege behov. Løyve etter 6 i lov om motorferdsel i utmark og vassdrag: Når det gjeld 6 i lov om motorferdsel, så er det viktig å vere klar over at det her er delegert til administrasjonen sidan det i lovteksten står kommunen og ikkje kommunestyret. 6. (tillatelser etter søknad). Når særlige grunner foreligger, kan kommunen gi tillatelse til bruk av motorfartøy eller luftfartøy som ellers ikke kan finne sted etter denne lov eller med hjemmel i loven. Tillatelse etter første ledd kan gis for bestemte høve eller for bestemte tidsrom. Kommunen kan sette vilkår for tillatelsen. Kommunens vedtak kan påklages til fylkesmannen. Det er nok slik at administrasjonen kjem til å legge fram saka politisk dersom det skulle kome spesielle søknader om bruk av motorfartøy eller luftfartøy. Somme gonger kan desse søknadene kome dagen før dei har tenkt å nytte fartøyet. Då er det dessverre for seint å handsame slike søknader. Det er difor viktig at administrasjonen får tid på å sakshandsame søknaden og legge han fram til politisk handsaming

7 Grunneigar si rolle: Jf 10 i lov om motorferdsel, så kan grunneigar forby eller avgrense motorferdsel på eigedomen sin. Søkjaren måtte tidlegare saman med søknaden legge fram underskriven dokumentasjon frå grunneigar om samtykke til køyring. Dette har ikkje blitt kravd dei siste periodane, men det er eit vilkår i løyvet at søkjar har løyve frå grunneigar før han/ho køyrer. Kva gjer andre kommunar? Det er mange kommunar rundt om i landet som har utarbeidd retningslinjer for motorferdsel i utmark. Fyresdal kommune har m.a. sett vilkår om at eigar av hytta og eigars ektefelle/sambuar kan få løyve i tillegg til nær slekt av hytteeigar (eitt ledd opp=foreldre, eitt ledd ned=etterkomarar og eitt ledd til sida=syskjen). Det same gjeld for ektefelle/sambuar. Ved søknad om løyve til annanmanns hytte, skal det føreligge skriftleg leigeavtale. Og ved leigetilhøve over fleire år (åremål), kan også eigar av hytta ha løyve for å drifte hytta, men andre familiemedlemmer skal ved slik bortleige ikkje ha snøscooterløyve til hytta. For korttidsleige (vinter-/påskeferie ol) heiter det: "skal det ikkje innvilgast eige løyve, men i staden synast til hytteeigars løyve, eller til ervervsløyve i området". I mange av dei andre retningslinjene (for andre kommunar) er det presisert at ein skal velje kortast mogleg trasé mellom bilveg og endepunkt. På vinterstid skal køyreruta, dersom det er mogleg, følgje oppkøyrde løyper eller ubrøyta veg. For barmarkskøyring skal så mykje som mogeleg av køyringa gå føre på vegnett og etter eldre køyrespor. Barmarkskøyring gjev lettare terrengskader enn anna ferdsel, og ved slik køyring må ein ta spesielle omsyn til natur og miljø. Berre i særlege tilfelle bør ein gje løyve til barmarkskøyring, og ein kan setje meir restriktive vilkår for slik køyring enn anna motorferdsel. Rådmannen si tilråding: Forslag til retningslinjer for motorferdsel i utmark i Seljord kommune vert sendt på høyring slik dei ligg føre som vedlegg i denne saka. Vi legg dei til offentleg ettersyn på biblioteket og på kommunehuset, på heimesida til Seljord kommune og kunngjer det i Vest-Telemark Blad. Høyringsfristen vert sett til 16.oktober Saka kjem opp til handsaming att i formannskapsmøtet 3.november Handsaming i Formannskap/økonomiutval Samrøystes vedteke Vedtak i Formannskap/økonomiutval Forslag til retningslinjer for motorferdsel i utmark i Seljord kommune vert sendt på høyring slik dei ligg føre som vedlegg i denne saka. Vi legg dei til offentleg ettersyn på biblioteket og på kommunehuset, på heimesida til Seljord kommune og kunngjer det i Vest-Telemark Blad. Høyringsfristen vert sett til 16.oktober Saka kjem opp til handsaming att i formannskapsmøtet 3.november