HØYRINGSUTTALE ANG. REVISJON AV KOMMUNEDELPLAN FOR IDRETT, FRILUFTSLIV OG NÆRMILJØ I LINDÅS KOMMUNE

Transkript

1 Lindås kommune Postmottak Kvernhusmyrane 20, 5914 ISDALSTØ Vår ref.: 01-1/16-LET Dykkar ref.: 15/ /36783 Dato: HØYRINGSUTTALE ANG. REVISJON AV KOMMUNEDELPLAN FOR IDRETT, FRILUFTSLIV OG NÆRMILJØ I LINDÅS KOMMUNE Høyringsuttalen er i fyrste omgong ein administrativ uttale. Uttalen omfattar innspel til tema som er relevante for vårt arbeidsområde. Styret i Bergen og Omland Friluftsråd vil ta stilling til den administrative uttalen på neste styremøte, og eventuelle endringar vil straks verta oversendt. Bergen og Omland Friluftsråd (BOF) er eit interkommunalt samarbeidsorgan som har til oppgåve å sikre, tilretteleggje, informere og stå for dagleg drift av bade- og friluftsområder i Bergensregionen. Rådet, som vart etablert i 1937, har totalt 17 medlemskommunar: Askøy, Austevoll, Austrheim, Bergen, Fjell, Fusa, Lindås, Meland, Os, Osterøy, Kvam, Radøy, Sund, Tysnes, Samnanger, Vaksdal og Øygarden. Rådet forvaltar nærare 230 friluftsområder med eit samla areal på over dekar. Friluftsrådet vert leia av eit styre med representantar frå medlemskommunane. Per no forvaltar BOF tolv område (eller i samarbeid med andre) på vegne av kommunen, samt 4 ulik definerte padleløyper; 1) Hillandsvatnet, 2) Vallevik, 3) Fisketangen, 4) Hopsdal, 5) Litlevågen, Fyllingsnes, 6) Kvernhusviki, Eknes, 7) Kvamsvågen, 8) Fjellsbø, 9) Nautevågen, 10) Geitholmen, 11) Kvalvågnes, 12) Furvågen, 13) Padleløype 1, 14) Padleløype 2, 15) Padleløype 3, og 16) Padleløype 4. Innspela er jf. Kommunedelplan for idrett, friluftsliv og nærmiljø i Lindås kommune Idrett og fysisk aktivitet , som er ute til revisjon med høyringsfrist 18. januar Generelle innspel: BOF opplever at padling m/ kajakk og kano er i vinden som aldri før. Fleire av våre medlemskommunar har satsa på tilretteleggingstiltak for slike aktivitetar med stort hell. Difor vil me oppfordre Lindås kommune til å nytte eksisterande stadar eller sikre nye stadar for utsetjing av kajakk/kano. Det kan gjelde stader som naturleg høver for slik utsetjing, eller utsetjing av flytebryggjer tilpassa kajakkbruk. Det same gjeld òg utsetjingsrampe for fritidsbåtar, som me får mange spørsmål om, som det diverre ikkje finst flust av rundt om i kommunane. Me ber kommunen ta omsyn til slike behov i sitt planarbeid. Friluftsliv, kultur og natur i kommunen Lindås kommune kan tilby eit rikt mangfald av kultur og natur, som dannar ein god basis for utøving av friluftslivet for innbyggjarane. Europas nordlegaste bøkeskog finst på Seim, lyngheisenteret på Lygra er eit kulturlandskapsmuseum for Nordhordland og lyngheiområdet

2 langs kysten av Vestlandet. I 2015 har Fylkesmannen i Hordaland starta opp arbeidet med marint vern, der Lurefjorden er føreslått som éin av tre marine verneområde i Hordaland. Lurefjorden er i verdssamanheng eit unikt fjordsystemet med sterk straum gjennom sunda, som gjev gode vilkår for blautkorallar og tareskog. Kronemaneten (Periphylla periphylla) dominerar næringskjeda. Det finst òg høge førekomstar av hoppekrepsen ishavsåte (Calanus glacialis). Lindåsosane er skilt frå Lurefjorden gjennom to grunne sund som avgrensar vasstraumen frå fjordsystemet utanfor og gjer botnvatnet oksygenfritt. Utveksling av vatn mellom pollane og fjorden utanfor skjer gjennom tidevasstraumen. Lindåsosane har sin eigen sildestamme, som lever heile sitt liv innanfor pollane. Den Trondhjemske Postveg frå 1647 går gjennom Lindås (Hundvin Vågseidet) i vakre naturomgjevnadar. Vegen har vorte nytta som gardsveg og er i fin stand dei fleste stadar. I den nordaustre delen i fjellet mot grensa til Masfjorden er det store og velkjente regionale turområde, med Sørdalsnuten (957 moh.) som den høgaste toppen. Kalvedalshytta (DNT, Nordhordland Turlag) og Dyrkolbotn Fjellstove er moglege overnattingsstader i Masfjordfjella. Lindås har ei rekkje flotte saltvasspollar og vassdrag som er godt eigna for padling. Vassvegane har frå gamalt av vore nytta av folk til transport, og fleire plassar er det spor etter gamal ferdsle. Lindåsslusene er dei mest kjende og er eit av tre innløp til Lindåspollane med dei tre bassenga Fjellangervågen, Spjeldnesosen og Straumsosen. Medlem i interkommunalt friluftsråd For å styrkje friluftslivstilbodet til kommunens innbyggjarar, er Lindås kommune medlem i eit interkommunalt samarbeid. Bergen og Omland Friluftsråd (BOF) er eit interkommunalt samarbeidsorgan som har til oppgåve å sikre, tilrettelegge, informere og stå for dagleg drift av bade- og friluftsområder i Bergensregionen. Rådet, som vart etablert i 1937, har totalt 17 medlemskommunar: Askøy, Austevoll, Austrheim, Bergen, Fjell, Fusa, Lindås, Meland, Os, Osterøy, Kvam, Radøy, Sund, Tysnes, Samnanger, Vaksdal og Øygarden. Rådet forvaltar nærare 230 friluftsområder med eit samla areal på over dekar. Friluftsrådet vert leia av eit styre med representantar frå medlemskommunane. BOF - padleløyper BOF forvaltar 4 ulike padleløyper som strekkjer seg ut gjennom Lindåsosane. BOF har laga ein brosjyre som syner totalt 10 ulike padleforslag fordelt på dei 4 padleløypene. Auka trafikk av folk som vil oppleve dette flotte området gjer at det etter kvart har vorte naudsynt med enkel tilrettelegging for å gje folk eit betre tilbod. I samråd med nokre av grunneigarane har BOF tilrettelagt rasteplassar for padlarar og andre som nyttar området. Ein slik rasteplass kan innehalde bål- og teltplass. Td. har rasteplassen på Marås òg toalett. Gode utgongspunkt for utsetjing av kajakk/kano er Lindås bryggje, Risa eller Vågseidet, kvar det òg finst parkeringsmogelegheit (ta kontakt med resepsjonen om du ynskjer å parkere v/ Lindås bryggje). Utgongspunkt for padling i vassdrag kan vere Hundvensvatnet eller Vikavatnet med parkering v/ Bruvoll camping.

3 Bilete: Padleløypene. Oversikt over utsettingsområdet v/ Marås (toalett i bakgrunnen). BOF - friluftsområde Totalt er 8 område heilt eller delvis statleg sikra (Fisketangen, Furvågen, Hopsdal, Kvalvågnes, Kvernhusviki, Litlevågen, Nautevågen og Vallevik), mens kommunen heilt eller delvis har sikra 3 område (Fjellsbø, Hillandsvatnet og Kvamsvågen), i tillegg til å vere eigar på nokre av dei statleg sikra områda. Dømer på flotte friluftsområde i Lindås: Friluftsområdet Kvalvågnes er eit fantastisk, regionalt område med store utmarksområde og mange idylliske bukter inn mot Lindåsosane. Området er godt tilrettelagt med parkeringsplass, toalett og turstigar/ vegar ut til Straumsneset, kvar ein kan oppleve flotte fiskeopplevingar i bl. a. Hanøy- og Lurestraumen (vert sett opp enkel merking i 2016). Området kan tilby fleire gode teltplassar, både for besøkjande frå landvegen og sjøvegen. BOF anbefalar området for helgeturar. Den gamle dampskipskaien (liten steinkai) gjer det mogeleg for større båtar å legge til, med turstigar vidare inn i friluftsområdet. Kvalvågnes er eit av dei største og mest variert av alle BOF-område, som bør opplevast av folk frå heile regionen. Vestnorsk Grafiske Fagforening tilbyr utleie av hus/hytter like ved friluftsområdet, sjå

4 Bilete: Kvalvågnes. Oversikt ut over Lurefjorden med den gamle dampskipskaien midt i biletet. Hillandsvatnet er eit flott badeområde ved ferskvatn. God tilrettelagt med badebrygge, badefjøre, bord/benk, gongveg, grasmarksområde, parkeringsplass, stupebrett og toalett. Fisketangen og Vallevik er tilsvarande tilrettelagte badeområde mot sjø, med tilretteleggingstiltak som bord/benk, gongveg/stig, grasmarksområde, parkeringsplass og toalett. I Vallevik er det i tillegg informasjonstavle på p-plassen, mens Fisketangen har gapahuk. Kvernhusviki på Eknes er ein badeplass m/ tilrettelegging som bord/benk, fortøyingsboltar, gongveg ned i området, grasmarksområde, informasjonstavle, stupebrett og toalett. Nautevågen er eit flott tilrettelagt badeområde m/ baderampe for røyrslehemma, bord/benk, gongveg/stig, grasmarksområde, handikapparkering, handikaptoalett, informasjonstavle og stupebrett. Det er gode fiskemoglegheiter frå svaberga i nordre del av Nautevågen. I Alverstraumen ligg Geitholmen, som er ein holme m/ kaianlegg. Den vesle øya er eigna for bading, båtutfart, fisking og telting. Her finst det bord/benk og stupebrett. På Fjellsbø er det tilrettelagt med parkeringsplass for turområdet i nærleiken, som Reikeråsloftet (351 moh.), Selifjellet (395 moh.) og Skausnøya (363 moh.). Parkeringsplassen i Hopsdal er òg ein inngongsportal til store turområde i kommunen. Td. toppane Gladihaug (430 moh.) og Krossane (401 moh.). Ei lysløype på omtrent 3,5 km er tilgjengeleg frå p-plassen. Den går delvis på kjerreveg og dyrka mark i opent kulturlandskap. Løypa vert preparert av dei lokale idrettslaga m/ prepareringsavgift i sesongen. BOF forslag til sikring av nye område i kommunen og styrking av eksisterande BOF arbeidar aktivt for å sikre nye, gode potensielle friluftsområde, samt å styrke innhaldet i eksisterande område. Totalpakka skal gje kommunens innbyggjarar i alle aldersgrupper eit godt og variert tilbod for å utøve friluftsliv. Sikringsprosessar er gjerne tunge prosessar som krev mykje tidsbruk og ressursar for å klare å oppnå gode resultat, som alle partar er nøgd med. I den samanheng ynskjer BOF å oppfordre Lindås kommune til å arbeide enno meir

5 aktivt i slike prosessar i godt og nært samarbeid med BOF. Me ynskjer å føreslår nokre stader i kommunen, der eit slik arbeid kan tiltakast i styrke: Tveitøyna er lokalisert i leia i Alverstraumen og er naboøya til det eksisterande friluftsområdet Geitholmen. Opplysningsvesenets fond (OVF) eig den nordlegaste parsellen (139/5) på øya, og BOF ser heile eller delar av området som eigna for friluftsliv. I den sørlege delen finst bl. a. ei potensielt flott badevik. Det har tidlegare vore forsøk på å forhandle fram ein salsavtale med eigar, men dette arbeidet har stoppa opp, sjølv om BOF hadde fått tildelt statlege midlar for eit eventuelt kjøp. Desse måtte tilbakebetalast grunna utgåtte tidsfristar. BOF vurderar øya som eit godt supplement til Geitholmen, og potensialet eit eventuelt område vil ha for friluftsbruken i Alverstraumen, som vert mykje nytta av båtfolket (regionalt perspektiv). Eit eventuelt friområde treng å verta bandlagt i ein reguleringsplan for området. Bilete: Oversiktsbilete av den nordlege delen av Tveitøyna. Klubbestøa ligg i Hagelsund v/ Knarvik og er ei flott vik for båtutsetting og fisking, sidan det allereie går ein gongveg/stig ned til vika. Båtutsettingsramper er ei mangelvare i Bergensområdet og BOF opplever høg etterspurnad etter dette. Det er òg ein større parkeringsplass i nærleiken som moglegvis kan nyttast, men det er uansett eit eigna område til parkeringsplass v/ brupilaren. Lindås Tomteselskap står oppført som eigar av 185/277. Ved aktivt sikringsarbeid og bandlegging av området til friområde i ein reguleringsplan, vil kommunen kunne sikre seg eit svært viktig for friluftslivsbruk rett ved sjølve Knarvik sentrum. BOF vurderar potensialet for området til å vere svært høgt.

6 Bilete: Klubbestøa. Oversiktsbilete ut over fjorden frå stigen. I Trællandsvågen på Marås i Lindåsosane ligg ei vakker badevik m/ skjelsand. Eigedomen som bør sikrast, 88/18, er privateigd. I tillegg kan gjerne strandareal på naboeigedomane òg sikrast. Området vert allereie i dag nytta mykje av lokalbefolkninga til friluftsaktivitetar. Sikring av eit slikt område vil kunne gje eit flott tilbod til båe lokale innbyggjarar og eit meir regionalt publikum, som er på båtutfart i området. Ved inngangen til Alverstraumen ligg Radtangen, som er eit privat kaianlegg (134/18) av betong/stein og tilhøyrande strandareal på naboeigedomen. Området er eigna som ei fin uthamn og rasteplass for båtfolket i den indre leia. Av eksisterande område, vil BOF trekke fram Kvernhusviki på Eknes, kvar Lindås kommune har sikra eit areal, 238/46, som er ei flott badevik. Likevel treng området vidare sikring sidan badevika er omgjeven av private eigedomar. Gongvegen ned til området går over privat eigedom, 238/3. BOF føreslår at det òg vert sikra eit areal til parkeringsplass i nærområdet. Eksisterande stupebrett er oppført på ein privat eigedom (Lindås kommune eig 25 %), så me føreslår at den parsellen, 238/2, bør forsøkast innløysing for å sikre området det nødvendige heilskapsbiletet det behøver.

7 Bilete: Kvernhusviki, Eknes. Oversikt over deler av den privateigde delen av området med stupebrettet på venstre side. BOF håpar på vidare godt samarbeid med Lindås kommune på sikringsfronten. Me går gjerne i vidare dialog på dei konkrete døma me har oppgjeve over. Kartlegging og verdsetting av friluftsområde, i samband med vidare sikringsarbeid i kommunen I 2008 utarbeida Fylkesmannen i Hordaland og Hordaland fylkeskommunen ein prosjektrapport «Område for friluftsliv Kartlegging og verdsetting av regionalt viktige område i Hordaland». I Lindås kommune blei 33 område kartlagt og 18 av dei fekk status «svært viktig» (A-område) eller «viktig» (B-område) for friluftsliv (område der det ikkje bør skje inngrep eller utbygging, eller inngrep som forringar område som friluftsområde). I perioden skal dette arbeidet reviderast. Dette arbeidet har òg eit ekstra fokus på nærfriluftsliv. Målet med kartlegginga er å få oversyn over og tydeleggjere areala til friluftsliv i kommunen og få verdisett og prioritert areala til friluftsliv i kommunen - og gjennom dette sikre god tilgang på relevant friluftslivsinformasjon i kommunen og for eksterne partar. Døme på dette kan vere å sikre eit godt grunnlag for å utarbeide ein stig- og løypeplan for kommunen/regionen. Kartlegging og verdsetting av friluftslivsområde er forankra i Nasjonal strategi for eit aktivt friluftsliv ( ), Nasjonal handlingsplan for statleg sikring og tilrettelegging av friluftsområder ( ), Regional plan for folkehelse ( ) og i høyringsforslag til Regional kulturplan ( ). Arbeidet vil verta utført i tråd med den statlege rettleiaren M frå Miljødirektoratet. Det vert presisert at arbeidet er eit temakart, og ikkje ein plan. Frå 2018 vil det vere eit krav frå Klima- og miljødepartementet (KLD) om å ha gjennomført kartlegging og verdisetting av friluftsområde, for å kunne søke om statleg medverknad til sikring av friluftsområde. I 2014 blei Lindås tildelt midlar for å

8 starte opp dette arbeidet, som vert utført gjennom ei arbeidsgruppe og bistand frå BOF (prosjektleiarstilling) og fylkeskommunen. Tabell 1: Oversikt over mogelege spelemiddelsøknadar frå BOF vedr. nærmiljøanlegg i perioden Tilretteleggingsforslaga gjev berre ein indikasjon over kva tiltak BOF kan sjå for seg vil verta utført dei neste 10 åra Kommune Friluftsområde Tilretteleggingsforslag, stikkordsform Lindås Hillandsvatnet Bord/benkar, fleirbruksflate, gråsteinsmuring, parkering, universell utforma tilkomst Lindås Kvamsvågen Bord/benkar, fleirbruksflate, grill, toalett, tilkomst, vurdere handikaprampe Lindås Kvernhusviki, Eknes Fleirbruksflate, gråsteinsmuring, handikaprampe, parkeringsplass, tilkomst Lindås Litlevågen, Fyllingsnes Bord/benkar, fleirbruksflate, grillstad, gråsteinsmuring, parkering, toalett, tilkomst Med venleg helsing Bergen og Omland Friluftsråd Åge A. Landro Administrativ leiar Oddmund Dingen Driftssjef Brevet er godkjent elektronisk og har derfor inga underskrift.