Se liste for oversikt over alle prosjekt! vennleg helsing Ørjan Djønne,prosjektleiar/ Randi Bårtvedt, direktør

Transkript

1 PRESSEMELDING På bakgrunn av den vanskelige sysselsetting-situasjonen i Hordaland og Rogaland har regjeringa gjennom Kulturdepartementet løyvd ekstra tilskot til musea for året 2016 slik at der kan settast i gang arbeid med vedlikehald på dei historiske bygningane. Hardanger og Voss Museum har fått eit tilskot på 10,5 millionar. Tilskotet er gitt til dei 130 freda og verneverdige bygningane som er rapportert inn til Norsk Kulturråd via den årlege museumsstatistikken. Dei 130 bygningane er ein del av samlingane til desse avdelingane: Agatunet, Hardanger folkemuseum, Voss folkemuseum, Granvin bygdemuseum, Kvam bygdemuseum og Ingebrikt Vik Museum. Me har satsa på tiltak som sikringsarbeid, restaurering, drenering, oppsetting av bygg og overflatebehandling. Det er no stor aktivitet ved fleire av musea, og av de mest interessante kan nevnast oppsetting av Skarebakken på Utne og restaurering av Borgstova i Vikøy, Norheimsund. Alle tiltaka skal utførast i Se liste for oversikt over alle prosjekt! vennleg helsing Ørjan Djønne,prosjektleiar/ Randi Bårtvedt, direktør Kontakt: Randi.bartvedt@hvm.museum.no/ orjand.djonne@fartoyvern.no/

2 Kvam Borgstova på Vikøy Røykstova er fra 1815, og er bygd på tuftene etter ei eldre borgstove.her kunne kyrkjefolket ta inn med dåpsborna før gudstenesta, og konfirmantane fekkundervisning her. Borgstova fungerte også som bustad for presten sin pakter. Stova er dekorert med kroting, og interiøret er velkjent gjennom Adolph Tidemand sine maleri, "Fra en Hardangersk Røgstue" og andre. Tidemand si syster, Claudine, var gift med presten, og såleis var Tidemand på besøk i prestegården ved fleire høve. Her er arbeidet godt i gang. Me skiftar alle sperr og det skal deretter leggjast eit nytt nevertak i tråd med lokale handtveverktradisjonar. Alle sperr er hogde med øks slik det var vanleg, undertaket skal vere av ukanta trobord, og det skal hentast ut torv til taket frå eit område i nærleiken. Restaureringsarbeidet har tatt lenger tid enn planlagt då spesialskoren material måtte tørka først og arbeidet med nevertekkinga byrjar i august. Borgstova er diverre stengd for omvising i juli og det vert arrangement i den nyrestaurerte bygningen seinare i år. Den gamle ljoren (ljosopninga i taket) skal lagast på nytt og vindauga skal restaurerast. Det skal og skiftast kledning, og her vil me nytta material sagd på den freda oppgangssaga i Herand. Dette vil vere eit særs interessant prosjekt for folk som er interessert i tradisjonshandtverk. Alle har i august ein god anledning til å kome og sjå korleis eit nevertak blir lagt. Arbeidet blir utført av museet sine eigne handtverkare i lage med lokale handtverkare. Open dag blir annonsert seinare. Kvam bygdemuseum, Storeteigen i Øystese På Storeteigen, Kvam bygdemuseum, skal den gamle lafta smio setjast opp igjen og me satsar og på å reparere taket på den gamle møbelverkstaden som er sentral del av tunet. Øystese har framleis møbelproduksjon og var ein gong på topp i landet med mange møbelsnikkarverkstader. Storeteigen er ein av desse, og vi ynskjer å fokusera meir på denne delen av historia. Ingebrigt Vik museum, Øystese Museet er ei avdeling av Hardanger og Voss museum og utgjer samlingar etter den landskjende kunstnaren Ingebrigt Vik. 150 års jubileet for Ingebrigt Vik blir markert i 2017.

3 Her skal vindauga vaskast, kittast og målast. Vi må fjerne villvinen som er på hjørnet mot inngangen og vi pussar fasaden bak denne villvinen. Arbeidet vil byrja etter sommarferien. Ullensvang Hardanger Folkemuseum, Agatunet Agatunet er eit av dei få bevarte klyngetuna som vi hadde så mange av i Noreg i tidlegare tider. I tunet finn ein eineståande døme på vestnorsk byggjeskikk frå mellomalderen og fram til i dag. 30 av bygningane vart freda i samband med jordskiftet i Dei siste 20 åra har tunet vore ope for publikum i sommarhalvåret, med omvising, kafé, utstillingar, konsertar, servering og arrangement. Det har truleg budd folk her i over 3700 år. Den kjende «Lagmannsstova» er datert til Her har vi alt sett i gang fleire små prosjekt med skifting av kledning og målararbeid på diverse bygg. Dette blir utført av eigne handtverkarar saman med Tor Meusburger målarfirma. Arbeidet er godt i gang. Eksisterande publikumstoalett skal byggast om til HC WC. Lyssetting og installering av straum i diverse bygg er planlagt gjort til hausten. Hardanger Folkemuseum, Utne Den gamle skulen frå Djønno i museumstunet har lekkasjer i kjellaren. Her skal det gravast rundt og drenerast, samt støypa ny betongsåle på grunn innvendig. Arbeidet er alt godt i gang. Nesjastovo: Her skal vi utbetra grunnmur og berande konstruksjonar. Grunnmuren er i svært dårleg forfatning og heile huset lyt jekkast opp. Arbeidet med muren vil byrja etter sommarferien. Hardanger folkemuseum, Skarebakken. Dette er det største prosjektet på Utne i år. Skarebakken er ein husmannsplass under bruk 2 på Skartveit, festa i Ei stove, som er eldre enn år 1850, med løe og kjellar. Hardanger folkemuseum demonterte bygningen i 2003 med tanke på å sette han opp igjen i tunet på Hardanger folkemuseum. Den omsøkte samanbygde bygningen sett saman av stove og løe med kjellar under, har ein klar kulturhistorisk verdi, og vert eit viktig tilskot til bygningsmiljøet i tunet. Ved å setje opp Skarebakken får me ein husmannsplass i tunet som er tilnærma lik den situasjonen som var i tunet tidlegare og elles i området. Tiltaket vert såleis ein viktig det av museet si formidling. Arbeidet er spesialisert og skal utførast av byggmeister Håkon Kvestad saman med eigne tilsette handtverkare på museet. Arbeidet startar opp medio juni Ullensvang Hardanger Folkemuseum, Skredhaugen på Lofthus

4 På Skredhaugen finn ein privatsamlinga etter kunstnaren Bernhard Greve og kona hans Ingrid. Ein finn òg ei stor samling norsk biletkunst etter læraren og forfattaren Jon Bleie. Greve kjøpte Skredhaugen i Hit flytta han i åra frametter fleire gamle hus frå ulike gardar i Sørfjorden. Desse vart fylte med gamalt innbu, med reiskapar, bruksting og prydting som Greve samla i distriktet. På 80-talet vart Asbjørnstova, ei røykstove frå Sekse, flytt og sett opp på Skredhaugen. Det vart støypt ein underetasje for utstillingsrom for samlinga etter Jon Bleie. I fleire år har det vore problem med fuktinntrenging og det har vore gjort ulike utbedringar. No er problemet så omfattande at meir grunnleggande arbeid skal utførast. Det skal gravast og drenerast rundt bygget. Skiferhellene på plattingen skal takast av ogdet skal tettast skikkeleg før hellene så skal på plass att. Arbeidet blir sett i gang i august ved avslutta sesong i tunet. Seksestovo Seksestova er ei typisk røykstove frå 1600-talet og Sørfjorden i Hardanger. Her skal austtveggen skiftas kledning på. Materiale av rett type og dimensjon er tinga frå den freda Herand Oppgangssag i Jondal kommune. Det skal og leggjast nytt nevertak på tradisjonelt vis. Nokre av sperra lyt skiftast eller skiftas endar på. Arbeidet byrjar i august/september. Utvendig vask og måling av eldre hus frå Opedal flytta til Skredhaugen og nytta som bustadhus for kunstnaren Bernhard Greve som samla hus og gjenstandar frå indre Hardanger til Skredhaugen. Huset er i dag utleigd som kunstnarbustad til Lars Korff Lofthus. Vindauga blir restaurert av eigne handtverkarar. Bu museum, Bu Bu museum har vore stengt i fleire år. Det ligg no publikumvenleg til som eit friluftsmuseum ved Hardangerbrua. I fjor starta HVM restaureringsarbeid av 2 tømrastover, Andresstova og Fresvikstova frå Urheim i Ullensvang. Nytt torvtak/nevertak vart lagt og det blei gjor ein restaurering utvendig. I sysselstjingsprosjektet skal det gjerast malingsarbeid med linoljemaling av «Nyahuset» frå 1930-talet som er eit bibliotek og hus for utstilling i kjellar. Tanken er å gjenopna Bu museum til sesongen i Voss Voss folkemuseum Sprinklingsarbeider Mølstertunet I løpet av 2016 skal dei 16 freda bygningane på Mølstertunet brannsprinklast.

5 I første omgang skal det gravast grøft og leggast ned PE-ledning for vassinntak til kvart hus. Det blir etablert nytt teknisk rom i eksisterande toalett i den eine løa. Denne løa blir først sprinkla. Graving av grøfter og legging av PE-leidning skal vere ferdig medio juli i år. Arbeid med sprinkling inni bygga vil halde fram utover hausten. Brannsikring av Oppheimstunet og Nesheimstunet Nesheimstunet ligg i nordenden av Lønavatnet, 16 km frå Vossevangen. Garden er einbølt, han har ikkje vore oppdelt, slik som mange andre vossegardar. I tunet finn ein vedhus, eldhus/årestove og stovehus samanbygde i ei rekkje. Desse tre husa utgjer eit særmerkt stykke bygningshistoriedå alle tre husa har vore nytta som bustadhus og så endra funksjon etter kvart som nye hus har komme til. Her er også loft, stall, fjøs og løe. Det budde folk i den nyaste stova fram til Dette tunet skal noe brannsikrast med nytt brannalarmsystem. Oppheim prestegard er eit tun med spor etter byggeskikk og bustadform frå mellomalderen. Bustadhusa ligg i ei lang samanhangande rekkje med skykkje/vedhus, årestove, stove, og bu med loft. På framsida er det uthus med løe og fjøs. Dette tunet skal få noko brannsikring med nytt brannalarmsystem. Granvin Granvin bygdemuseum Granvin bygdemuseum har fått eit kvernhus i gåve frå to bruk på Jørdre i Granvin. Våren 2015 tok HVM ved avdeling Granvin bygdetun det ned i med hjelp frå Bygningsvernsenteret for Hardanger og Voss og Bygningsverntenesta til Hordaland fylkeskommune. Målet var å setja det i stand og plassera det i Bygdatunet i Granvin. Arbeidet med å restaurera kvernhuset starta som eit opplæringsprosjekt - våren 2015 saman med handtverkarar frå Granvin og mykje av arbeidet blei og utført i samband med eit kurs i lafting i mai No står det att å setta opp bygget på Bygdatunet i Granvin. Dette blir utført hausten 2016.