Saklista, med saksutgreiing og rådmannen sine tilrådingar, ligg også på kommunen si heimeside: gloppen.kommune.no. Gloppen kommune 25.

Transkript

1 GLOPPEN KOMMUNE KOMMUNESTYRET MØTEINNKALLING Møtedato: Møtestad: Kommunestyresalen Møtetid: Kl. 09:00 Den som har lovleg forfall, eller er ugild i nokon av sakene, må melde frå så snart råd er på tlf (servicetorget i kommunen) slik at varamedlem kan bli innkalla. Varamedlemer møter etter nærare innkalling. Dokument som ikkje er tilsende, kan du få kopi av ved å ta kontakt med sekretariatet på heradshuset. Dokument som ikkje er offentlege, vil bli utleverte i møtet. Dersom medlemene på førehand ønskjer å gjere seg kjent med innhaldet i desse dokumenta, er dei i møtesekretariatet. Saklista, med saksutgreiing og rådmannen sine tilrådingar, ligg også på kommunen si heimeside: gloppen.kommune.no Gloppen kommune 25. oktober 2015 Leidulf Gloppestad Ordførar Jan Kåre Fure rådmann

2 SAKLISTE: Sak nr. Sakstittel 060/15 Godkjenning av møtebok, innkalling og sakliste 061/15 Referat og orienteringssaker 062/15 Endring av generalforsamling i Gloppen Energi AS 063/15 Opptak av lån til betaling av restverdi på Gloppenstasjonane 064/15 Samarbeidsavtalar med Helse Førde - delavtalar om psykisk helse og rus, beredskap og lærings- og meistringstilbod. 065/15 Spørsmål om etablering av lokal særavtale i samband med nye reglar i arbeidsmiljølova frå 1. juli /15 Fastsetting av namn på samanslege utval 067/15 Endringar i reglementet for administrasjonsutvalet 068/15 Val av eldreråd og råd for menneske med nedsett funksjonsevne - perioden /15 Fastsetting av pris på areal i Åslyvegen 070/15 Tilbod om kjøp av gbnr 5/39 i Bukta - Øyravaulen 071/15 Etterlønn/ventelønn til folkevalde

3 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Kommunestyret /15 Avgjerd av: Kommunestyret Saksbehandlar: Jan Kåre Fure Arkiv: 033 Objekt: Arkivsaknr.: 15/ Godkjenning av møtebok, innkalling og sakliste Møteboka frå konstituerande det kommunestyremøtet den 2. oktober i år blir lagt fram til godkjenning. Samstundes ber ordføraren om godkjenning av innkallinga og saklista til dette møtet. ORDFØRAREN SI TILRÅDING: 1. Kommunestyret godkjenner møteboka frå sitt møte den 2. oktober Kommunestyret godkjenner innkallinga og saklista til møtet den 2. november 2015.

4 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Kommunestyret /15 Avgjerd av: Kommunestyret Saksbehandlar: Jan Kåre Fure Referat og orienteringssaker Arkiv: 033 Objekt: Arkivsaknr.: 15/1367 Refererte skriv og meldingar: Nr Dok.ID T Dok.dato Avsendar/Mottakar Tittel 1 15/9687 S Løyving til opprusting av badebassenget i Hyen - omdisponering i investeringsbudsjettet Rådmannen vil be om å få sjå på saka om mellombels opprusting av bassenget i Hyen ein gong til for å vere sikker på at vi gjer dette arbeidet i samsvar med gjeldande forskrifter. Orienteringar: Årsbudsjett 2016 og økonomiplanen Presentasjon av rådmannen sitt framlegg til årsbudsjett for 2016 og økonomiplan fram til Presentasjonen blir til slutt i møtet. RÅDMANNEN SI TILRÅDING: Rådmannen legg ikkje fram tilråding i saka.

5 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /15 Kommunestyret /15 Avgjerd av: Kommunestyret Saksbehandlar: Jan Kåre Fure Objekt: Arkiv: 255 S10 Arkivsaknr.: 15/ Endring av generalforsamling i Gloppen Energi AS Ingen vedlegg. Styret for Gloppen Energi AS si utgreiing av saka: Bakgrunn for saka Gloppen Energi (GE) er i dag 100 % eigd av Gloppen kommune. I samband med omorganisering av kommunen sine kraftverdiar, ref sak 47/15 til kommunestyret, er det gjort vedtak om at SFE blir medeigar i selskapet GE med 30 % frå Kommunestyret er i følgje tidlegare vedtak selskapet si generalforsamling. Dette er lite hensiktsmessig når det vert fleire eigarar i selskapet. Saka gjeld endring av kven som representere kommunen på selskapet si generalforsamling. Utgreiing Ordninga med at kommunestyret er selskapet si generalforsamling vil fungere greitt så lenge kommunen er 100 % eigar av selskapet. Viktige og prinsipielle saker kan derfor leggast fram i selskapet si generalforsamling til drøfting og vedtak. Frå vil SFE bli medeigar i selskapet og noverande ordning bør derfor endrast. Omorganisering av kommunen sine kraftverdiar er eit omfattande arbeid og med mange transaksjonar mellom SFE, kommunen og selskapet og som må gjerast i rett rekkefølgje. Selskapet er i full gang med dette arbeidet. Det er muleg at ein del transaksjonar krev vedtak i GE si generalforsamling også før årsskiftet og at det må haldast fleire møte. Det kan derfor vere vanskeleg å tilpasse dette til kommunestyret sin møteplan. Det blir derfor foreslått at ordninga med at kommunestyret er selskapet si generalforsamling vert endra frå Det er naturleg at det er ordføraren som representerer kommunen i GE si generalforsamling. Det er ein føresetnad at ordføraren i viktige og prinsipielle saker sørgjer for politisk drøfting og avklaring før handsaming i selskapet si generalforsamling. Forslag til vedtak Styret i Gloppen Energi tilrår Gloppen kommunestyre å gjere slikt vedtak:

6 Ordføraren får fullmakt til å representere kommunen på Gloppen Energi si generalforsamling med verknad frå Det er ein føresetnad at ordføraren sørgjer for politisk drøfting og avklaring i viktige og prinsipielle saker for kommunen og selskapet. Rådmannen si vurdering: Rådmannen har ikkje noko å legge til utgreiinga og framlegget frå styret i Gloppen Energi AS. Rådmannen legg til grunn at formannskapet som kommunen sitt økonomiutval i stor grad er det utvalet som ordføraren drøfter og avklarar saker med. RÅDMANNEN SI TILRÅDING: Gloppen kommunestyre gjev ordføraren fullmakt til å representere kommunen på Gloppen Energi AS si generalforsamling med verknad frå 2. november Det er ein føresetnad at ordføraren sørgjer for politisk drøfting og avklaring i viktige og prinsipielle saker for kommunen og selskapet. Kommunestyret er innforstått med at formannskapet som hovudregel er det utvalet som ordføraren drøfter av avklarar prinsipielle saker med.

7 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /15 Kommunestyret /15 Avgjerd av: Kommunestyret Saksbehandlar: Jan Kåre Fure Objekt: Arkiv: 255 S10 Arkivsaknr.: 15/ Opptak av lån til betaling av restverdi på Gloppenstasjonane Ingen vedlegg. Styret for Gloppen Energi AS si utgreiing av saka: Bakgrunn for saka Gloppen kommunestyre handsama i sak 47/15 den framtidige organisering av kommunen sine kraftverdiar. Basert på vedtaket blir Gloppenstasjonane overført til selskapet Gloppen Energi (GE), aksjane i SFE blir tilbakeført frå GE til Gloppen kommune og SFE blir medeigar i GE med ein andel på 30 % av aksjekapitalen gjennom ein retta aksjeemisjon. Iverksetting vert frå I samsvar med vedtak vil GE sin balanse bli restrukturert og kommunen sine lån på ca 77 mill. kr ( mill. kr) blir konvertert til aksjekapital. Saka gjeld låneopptak i Gloppen kommune for innfriing av restverdien av investeringar på ca 25 mill. kr som SFE har gjennomført i leigeperioden i samsvar med leigeavtala frå Forslag til vedtak i saka er i samsvar med framstilling i sak 047/15. Utgreiing Oppgjeret for investeringane som SFE har gjort i leigeperioden er regulert i leigeavtala frå 1995 og kommunen har tidlegare vurdert at tilstanden på Gloppen stasjonane er i samsvar med avtalte vilkår ref eigen rapport frå konsulentselskapet Sweco. Restverdien på ca 25 mill. kr, som kommunen skal betale, har direkte referanse til Gloppen-stasjonane og bør derfor følgje overføring av stasjonane til GE. Advokatselskapet Lund & Co har vurdert muligheten for at Gloppen kommune låner 25 mill. kr (Kommunalbanken) til betaling av restinvesteringane på 25 mill. kr hos SFE. Dette er det høve til etter kommunelova sjølv om stasjonane blir vidareført til GE og med to alternativ: Kommunen betaler rente/avdrag på lånet til kommunalbanken og får kompensert sine utgifter gjennom utbytte frå GE. Kommunen gir eit lån på 25 mill. kr til GE i samband med overføring av Gloppen stasjonane og med vilkår som minst gir rentedekning og avdrag tilsvarande kommunen sitt lån i Kommunalbanken.

8 Kommunen vil innfri kravet og utbetale beløpet til SFE etter at låneopptaket er gjennomført. Det vil såleis ikkje bli utbetalt midlar til GE, men i samband med overføring av kraftverka vil verdien bli gjort opp med aksjar og lån frå kommunen. Fordelen med dette er at selskapet/eigar får nytte av gunstig opplåning i Kommunalbanken. Ettersom det er skattemessig frådrag for renter i GE og utan at renter blir skattelagt i kommunen vil selskapet få ein skattefordel med lån frå kommunen samanlikna med alternativet med utdeling av utbytte. Samanlikna med rentenivå på opplåning i marknaden i dag vil opplåning i Kommunalbanken gje ein kostnadsreduksjon på ca kr årleg for selskapet/eigar. For at kommunen og SFE skal vere likestilt i samarbeidet er det også avklart at SFE vil yte eit lån ( ca 10,7 mill. kr) til GE tilsvarande sin eigarandel dersom lån frå kommunen og til same vilkår. GE vil såleis samla få gode rentevilkår på sin låneportefølgje. Etter konvertering av kommunen sine lån til GE til aksjekapital har selskapet igjen eit lån til Sparebanken på 60 mill. kr. Kommunestyret har i sak 23/15, den 23. mars, gitt ein kommunal garanti for dette lånet. Kommunaldepartementet har imidlertid ikkje godkjend denne garantien med bakgrunn i kommunelova. Det er såleis ikkje aktuelt å nytte denne garantien. Det er heller ikkje høve for kommunen å overta dette lånet. Etter at emisjonen mot SFE er gjennomført og begge partar har gitt lån til selskapet vil lånegjelda i GE vere om lag slik: Restlån i Sparebanken: 20 mill. kr Lån til kommunen 25 mill. kr Lån til SFE 11 mill. kr Sum 56 mill. kr Illustrasjon av balansen for GE etter transaksjonar og emisjon samt nye lån frå SFE og kommunen: Lån frå Gloppen kommune og SFE Kraftstasjonar (inkl. skatt) Omløpsmiddel Gjeld til sparebanken Gjeld til SFE Gjeld Gloppen kommune Verdi aksjar Emisjonsbeløp: Total verdi etter emisjon: Lån gitt frå SFE til GE: Sum "innskot" frå SFE Tilleggsverdi konsesjon: Retta emisjon mot SFE 150,0 MNOK 3,3 MNOK -60,0 MNOK 0,0 MNOK -25,0 MNOK 68,3 MNOK 29,3 MNOK 97,6 MNOK 10,7 MNOK 40,0 MNOK 15,8 MNOK 6,8 MNOK

9 Eigedelar: Fallrett Kraftstasjon Omløpsmiddel Sum eigedelar EK og Gjeld: Utsett skatt Lån Sparebanken Lån Gloppen kommune Lån SFE Eigenkapital Sum EK og Gjeld 70,0 MNOK 100,3 MNOK 3,3 MNOK 173,7 MNOK 20,3 MNOK 20,0 MNOK 25,0 MNOK 10,7 MNOK 97,6 MNOK 173,7 MNOK Det framgår at strukturen i balansen blir god og med akseptabel lånegjeld. Den eksterne lånegjelda, utanom lån frå eigarane vil vere ca 20 mill. kr På bakgrunn av verdiane av Gloppen stasjonane på 150 mill. kr som blir overført til GE er det liten økonomisk risiko for kommunen med eit lån til selskapet, som har ein eigenkapital på ca 55% etter at omorganiseringa er gjennomført. Det vil likevel vere naturleg at kommunen blir orientert om den økonomiske utvikling i selskapet og at kommunen vurderer sitt engasjement ved eventuelle nye låneopptak i selskapet. Til orientering er rehabilitering av stasjonane kalkulert til ca 76 mill. kr og utbygging av ny kraft til 94 mill. kr til saman ca 170 mill. kr. Begge desse tiltaka vil medføre nye låneopptak for selskapet og det vil ikkje vere høve til ny opplåning i Kommunalbanken til desse prosjekta. Konklusjon Styret i Gloppen Energi tilrår at kommunen, med bakgrunn i kommunelova, tek opp eit lån på 25 mill. kr i Kommunalbanken til innfriing av restverdi på investeringar som SFE har gjort i leigeperioden i samsvar med leigeavtala frå Avtale om lånevilkår i Kommunalbanken vert gjort i samarbeid med Gloppen Energi. Arbeidet med omorganisering av Gloppen kommune sine kraftverdiar går som planlagt. Det er eit omfattande arbeid og med ekstern kvalitetssikring av dei ulike transaksjonane både av økonomisk, skattemessig og juridisk art. Arbeidet blir gjort i nært samarbeid med SFE. I kommunestyret sitt vedtak i saka vart det teke slikt atterhald: Det vert teke atterhald om at det ikkje oppstår uønska negative konsekvensar av økonomisk og/eller skattemessig art ved kvalitetssikring av modellen og transaksjonen. Det er ein føresetnad at dersom det oppstår vesentlege endringar i avtaler, verdi etc som følgje av dette, skal saka leggast fram for kommunestyret til handsaming. Det har så langt ikkje framkome negative konsekvensar som endrar dei føresetnader som vart lagt til grunn for kommunestyret sitt vedtak. Forslag til vedtak Styret i Gloppen Energi tilrår Gloppen kommunestyre å gjere slikt vedtak:

10 1. Gloppen kommune tek opp eit lån i Kommunalbanken på inntil 25 mill. kr til innfriing av SFE sitt krav på restverdi på investeringar i Gloppenstasjonane ved utløpet av leigeperioden Lånevilkår vert avtalt etter avtale med Kommunalbanken og etter samråd med Gloppen Energi. 2. I samband med overføring av Gloppenstasjonane frå kommunen til Gloppen Energi vert verdiane gjort opp med aksjar i selskapet og eit lån på inntil 25 mill. kr. Vilkår for lånet vert avtalt mellom partane til marknadsmessige vilkår og fastsett etter at låneopptaket i Kommunalbanken er gjennomført. Lånevilkåra skal også samordnast med lån frå SFE på ca 10,7 mill. kr tilsvarande SFE sin eigarandel på 30% etter gjennomført emisjon. Rådmannen si vurdering: Rådmannen har lite å legge til utgreiinga og framlegget frå styret i Gloppen Energi AS. Denne saka er ei direkte oppfølging av kommunestyret sitt vedtak frå 31. august i år, sak 47/15, der saka om framtidig eigarskap til Gloppenstasjonane vart vedteken. Innløysinga av «restverdien» på stasjonane og låneopptaket vil ikkje belaste kommunen sitt driftsbudsjett med dei føresetnadene som er lagt til grunn i saka, og som styret no følgjer opp. Transaksjonane som må gjerast som følgje av innløysinga, låneopptaket og overføringa av Gloppenstasjonane til Gloppen Energi AS vil bli innarbeidde i 2016-budsjettet. RÅDMANNEN SI TILRÅDING: Gloppen kommunestyre viser til sitt vedtak i sak 47/15, og gjer følgjande vedtak: 1. Gloppen kommune tek opp eit lån i Kommunalbanken på inntil 25 mill. kr til innfriing av SFE sitt krav på restverdi på investeringar i Gloppenstasjonane ved utløpet av leigeperioden Lånevilkår vert avtalt etter avtale med Kommunalbanken og etter samråd med Gloppen Energi. 2. I samband med overføring av Gloppenstasjonane frå kommunen til Gloppen Energi vert verdiane gjort opp med aksjar i selskapet og eit lån på inntil 25 mill. kr. Vilkår for lånet vert avtalt mellom partane til marknadsmessige vilkår og fastsett etter at låneopptaket i Kommunalbanken er gjennomført. Lånevilkåra skal også samordnast med lån frå SFE på ca 10,7 mill. kr tilsvarande SFE sin eigarandel på 30 % etter gjennomført emisjon.

11 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Helse- og omsorgsutvalet /15 Kommunestyret /15 Avgjerd av: Kommunestyret Saksbehandlar: Anita Lothe Objekt: Arkiv: G &01 Arkivsaknr.: 12/ Samarbeidsavtalar med Helse Førde - delavtalar om psykisk helse og rus, beredskap og lærings- og meistringstilbod. Vedlegg: Dok.nr Tittel på vedlegg Psykisk helsetenester og rusbehandling Samarbeid og beredskap Samarbeid om lærings- og meistringstilbod Vedlegga er framlegg til delavtalar mellom Gloppen kommune og Helse Førde HF. Bakgrunn for saka: Saka er ei oppfølging av inngått rammeavtale med Helse Førde, godkjent av kommunestyret 6. februar 2012 sak 7/ Saksutgreiinga nedanfor er i all hovudsak skriven etter mal frå KS Sogn og Fjordane og Helse Førde. Saksutgreiing: Det er i inngått rammeavtale mellom Helse Førde og Gloppen kommune bestemt at det skal utarbeidast delavtalar på m.a. desse områda: Psykiske helsetenester og rusbehandling Samarbeid om beredskap Lærings- og meistringstilbod Psykiske helsetenester og rusbehandling Med bakgrunn i gjeldande rammeavtale, har partane gjennom ei felles arbeidsgruppe, utarbeidd framlegg til ein delavtale om psykiske helsetenester og rusbehandling. Avtalen omhandlar aktuelle fellestiltak og partane sitt ansvar. Dei fleste av punkta i avtalen er felles for psykiske helsetenester og rusbehandling, men det er i eit eige punkt omtalt nokre særskilte førsegner for rusbehandling. Avtaleframlegget har vore handsama i avtaleutvalet, fagrådet og koordineringsrådet. Koordineringsrådet godkjende avtalen med tilkomne endringar den Årsaka til at avtaleframlegget ikkje er blitt følgt opp vidare før no, er m.a. generelle kapasitetsutfordringar,

12 og at ein har avventa arbeidet med andre relevante avtalar. Delavtalen går no til endeleg handsaming og underskrift hos partane. Avtalen erstattar gjeldande delavtale frå 2008 om psykiske helsetenester. Samarbeid om beredskap Også her har ei arbeidsgruppe med representantar for partane utarbeidd eit avtaleframlegg med bakgrunn i gjeldande rammeavtale. I tillegg har Fylkesmannen i Sogn og Fjordane delteke i arbeidet. Avtalen utfyller pkt 5 i rammeavtalen, og vektlegg m.a. ansvar og rutinar når det gjeld varsling, psykososial omsorg og støtte, forsyningsberedskap, deling av ROS-analysar og beredskapsplanar, evaluering og oppfølging av beredskapssituasjonar og plan for felles øvingar. Avtaleframlegget har vore handsama i avtaleutvalet, fagrådet og koordineringsrådet. Koordineringsrådet godkjende avtalen med tilkomne endringar den Delavtalen går no til endeleg handsaming og underskrift hos partane. Lærings- og meistringstilbod Med bakgrunn i gjeldande rammeavtale og delavtale nr 2 om koordinerte tenester, har ei arbeidsgruppe med representantar for partane og brukarutvalet utarbeidd eit avtaleframlegg. Delavtalen har som føremål å avklare partane sitt ansvar for å bidra til å førebyggje, meistre og lære å leve med sjukdom/nedsett funksjonsevne - og å utvikle samarbeidet på dette området. Dette er ein viktig del av den samla rehabiliteringsverksemda. Avtaleframlegget har vore handsama i avtaleutvalet, fagrådet og koordineringsrådet. Koordineringsrådet godkjende avtalen med tilkomne endringar den Delavtalen går no til endeleg handsaming og underskrift hos partane. Økonomiske konsekvensar for kommunen: Desse avtalane vil i seg sjølv ikkje påføre kommunen nye kostnader. Rådmannen si vurdering: Alle avtaleframlegga er ei oppfølging av føresetnader nedfelte i gjeldande rammeavtale mellom kommunen og Helse Førde. Avtalane må også vurderast som naudsynte for å kunne stette krava i helse- og omsorgstenestelova 6 om samarbeidsavtalar mellom spesialist- og kommunehelsetenesta. Rådmannen ser det difor slik at kommunen bør inngå avtalar med Helse Førde på desse områda. Avtalane har i tillegg til felles arbeidsgrupper vorte grundig vurderte i avtaleutvalet, fagrådet og koordineringsrådet, som også er felles samhandlingsarenaer for kommunane og Helse Førde. Det er ønskjeleg at desse avtalane er mest mogleg like frå kommune til kommune. Rådmannen vurderer avtaleframlegga som tenlege for å kunne fremje samhandlinga på viktige område, og ser ikkje at dei på noko punkt har eit innhald som kan slå uheldig ut for Gloppen kommune. Når det gjeld mynde til å inngå slike avtaler, så ligg det til kommunestyret. Rådmannen ser likevel at det er ressurskrevjande for kommunestyret å skulle sette seg inn i alle saker som er

13 så pass omfattande som desse avtalane. Det bør difor vurderast om Helse- og omsorgsutvalet i framtida kan få mynde til å inngå nye og reviderte avtalar på vegne av kommunen, når det ikkje har økonomiske konsekvensar for Gloppen kommune utover det som er budsjettert. RÅDMANNEN SI TILRÅDING: Gloppen kommunestyre godkjenner for sin del følgjande delavtalar med Helse Førde, i samsvar med vedlegg til saka: 1. Delavtale om psykiske helsetenester og rusbehandling 2. Delavtale om samarbeid om beredskap 3. Delavtale om lærings- og meistringstilbod Kommunestyre gjev helse- og omsorgsutvalet mynde til å inngå nye og reviderte avtalar med Helse Førde på vegne av kommunen når det ikkje har økonomiske konsekvensar for Gloppen kommune utover det som er budsjettert HELSE- OG OMSORGSUTVALET 027/15 VEDTAK: Rådmannen si tilråding vart samrøystes innstilt.

14 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Administrasjonsutvalet /15 Kommunestyret /15 Avgjerd av: Kommunestyret Saksbehandlar: Rita Arlen Lilletvedt Objekt: Arkiv: 480 Arkivsaknr.: 13/ Spørsmål om etablering av lokal særavtale i samband med nye reglar i arbeidsmiljølova frå 1. juli 2015 Ingen vedlegg. Frå tidlegare behandling av saka: Bakgrunn for saka: Endringar i arbeidsmiljølova med verknad frå 1. juli Gloppen Arbeidarparti har sendt ein interpellasjon til kommunestyret i Gloppen der dei ber Gloppen kommune som arbeidsgjevar om å lage lokal særavtale med organisasjonane som byggjer på dei gamle reglane i arbeidsmiljølova når det gjeld tilsettingar i faste stillingar og arbeidstid. Gloppen arbeidarparti meiner endringane i arbeidsmiljølova vil føre til at arbeidstakarane sine rettar vert svekka og utvida grenser for overtid og hyppigare søndag- og helgetidsarbeid endrar balansen mellom arbeid og fritid og vil ha negativ effekt for likestilling. Etter endringane kan arbeidsgjevar tilsette mellombels i det som er faste stillingar og avslutte arbeidstilhøve utan grunngjeving. Kommunestyret vedtok å sende saka over til administrasjonsutvalet for behandling. Saksutgreiing: Med verknad frå 1.juli 2015 er det gjort fleire endringar i arbeidsmiljølova som omhandlar mellombels tilsetting og arbeidstid: Mellombels tilsetting Det blir opna for at ein kan tilsette ein arbeidstakar mellombels i inntil 12 månadar, utan at det blir stilt krav til at det føreligg særskilte grunnar. (Ny bokstav f) i arbeidsmiljølova 14-9 første ledd) Oppgåvene som skal utførast kan være tidsavgrensa eller varige. Tilsetting mellombels etter denne nye regelen er avgrensa til maks 15% av arbeidsstokken. Der arbeidstakar har vore mellombels tilsett i inntil 12 månader etter den nye regelen og ikkje får anledning til å fortsetje i verksemda, er det innført ein karantene på 12 månadar til å tilsette mellombels til å utføre arbeid av same art

15 Gjennomsnittsberekning av arbeidstida Det er gitt utvida rammer for avtale med den enkelte arbeidstakar og tillitsvalte, samt utvida adgang for arbeidstilsynet til å gi dispensasjon til alternative arbeidstidsordningar innanfor områda helse- og omsorgsarbeid, vakt og overvakingsarbeid samt for dei med lang avstand mellom arbeidsstad og arbeidstakars bustad. Dei totale rammene for arbeidstid er ikkje utvida, men det kan avtalast å arbeide meir konsentrert i periodar mot tilsvarande fri i andre periodar Beredskapsvakt (heimevakt) utafor arbeidsstaden Tidlegare blei 1/5 av beredskapsvakta rekna med som alminnelig arbeidstid. Brøken er no endra slik at 1/7 av vakta skal reknast med i den alminnelige arbeidstida. Grensene for overtidsarbeid Det er gitt utvida rammer for avtale med tillitsvalte, samt auka rammer for arbeidstilsynet sin dispensasjonsadgang. Dei totale rammene for overtidsarbeid pr år er ikkje utvida. Søndagsfri Det kan avtalast lokalt å arbeide i gjennomsnitt annankvar søndag, men slik at vekekvilen skal falle på søn- eller helgedag minst kvar 4. veke og ikke kvar 3. veke som tidlegare. Økonomiske konsekvensar for kommunen: Ingen økonomiske konsekvensar ift tidlegare praksis. Men dei nye reglane for arbeidstid gjev meir fleksibilitet ift utarbeiding av alternative arbeidsplanar, og ei særavtale om å fylgje dei gamle reglane i arbeidsmiljølova kan såleis få ein økonomisk konsekvens i framtida. Rådmannen si vurdering: Som ein ansvarleg og seriøs arbeidsgjevar vil ikkje Gloppen kommune søke å misbruke moglegheitene som endringane i arbeidsmiljølova opnar for. Når det gjeld tilsetting i fast stilling vil kommunen i dei aller fleste tilfelle fylgje dagens praksis, men ein kan ikkje sjå vekk frå at det i enkelte tilfelle kan være føremålstenleg å tilsette mellombels etter dei nye reglane i arbeidsmiljølova. Endringane mht arbeidstid/overtid opnar for meir fleksibilitet, noko som kan komme både arbeidsgjevar og arbeidstakar til gode. Det er viktig å merke seg at dei totale rammene for arbeidstid og overtid ikkje er endra. Det er såleis lite ynskjeleg å lage ei lokal særavtale som begrensar kommunen sine moglegheiter til å nytte dei nye reglane der ein finn det fornuftig og føremålstenleg. RÅDMANN SI TILRÅDING: Kommunestyret viser til at arbeidsmiljølova er ei vernelov som skal ivareta arbeidstakarane sine arbeidsvilkår. Bakgrunn for endringane pr 1.juli 2015 er å få eit meir fleksibelt lovverk som også skal komme arbeidstakarane til gode.

16 Kommunestyret meiner difor at ein ikkje kan setje til side dei nye reglane i arbeidsmiljølova. Gloppen kommune skal vere ein ansvarleg og seriøs arbeidsgjevar med ei reflektert haldning til kva tiltak som er viktige for å sikre gode arbeidsvilkår for dei tilsette og styrke dei kommunale tenestene ADMINISTRASJONSUTVALET Framlegg frå Bjørg Skarstad (dei tilsette): Administrasjonsutvalet utset saka utsett slik at organisasjonane får høve til å uttale seg om saka. Framlegget vart samrøystes vedteke. Merknad frå Hege Lothe (SV): Det må gå fram av saka at interpellasjonen kjem frå ein eller fleire av medlemmene i kommunestyret, ikkje frå eit politisk parti. 013/15 VEDTAK: Administrasjonsutvalet utset saka utsett slik at organisasjonane får høve til å uttale seg om saka. Vedtaket var samrøystes. Nye opplysningar i saka: Saka har no vore ute til høyring hjå fagorganisasjonane. 6 organisasjonar svarte innan fristen, der alle desse støtta interpellasjonen om å lage lokal særavtale med organisasjonane som byggjer på dei gamle reglane i arbeidsmiljølova når det gjeld tilsettingar i faste stillingar og arbeidstid. Saksutgreiing: Viser til tidlegare saksutgreiing. Rådmannen si vurdering: Rådmannen står fast ved tidlegare vurdering sjølv om fleire av organisasjonane har gitt tilbakemelding om at dei støttar interpellasjonen. Dette med bakgrunn i at arbeidsmiljølova er ei vernelov som skal ivareta arbeidstakarane sine arbeidsvilkår. Gloppen kommune kan difor ikkje avtale noko som gir dårlegare vilkår for sine tilsette. Bakgrunn for lovendringa mht arbeidstid er eit ynskje frå arbeidstakarane om meir fleksibilitet. Ei særavtale som byggjer på dei gamle reglane vil gje våre tilsette mindre fleksibilitet og såleis vere i strid med arbeidsmiljølova. Dette blir understøtta av tilbakemeldingar frå tilsette som i dag jobbar langvakter om at dei ikkje vil fortsette i stillinga dersom dei ikkje lenger får høve til det. Høve til langvakter er også eitt av fleire viktige element i prosjektet «det stor heiltidsvalet» som er politisk forankra i kommunen.

17 Ei særavtale som byggjer på dei gamle reglane i arbeidsmiljølova når det gjeld tilsettingar i faste stillingar vil også begrense delegasjonsmyndigheten til rådmann/administrasjon. Kommunestyret må ha tillit til at rådmann/administrasjonen forvaltar regelverket på ein god måte, og ikkje begrense handlingsrommet som dei nye reglane i arbeidsmiljølova gjev. RÅDMANNEN SI TILRÅDING: Kommunestyret viser til at arbeidsmiljølova er ei vernelov som skal ivareta arbeidstakarane sine arbeidsvilkår. Bakgrunn for endringane pr 1. juli 2015 er å få eit meir fleksibelt lovverk som også skal komme arbeidstakarane til gode. Kommunestyret meiner difor at ein ikkje kan setje til side dei nye reglane i arbeidsmiljølova. Gloppen kommune skal vere ein ansvarleg og seriøs arbeidsgjevar med ei reflektert haldning til kva tiltak som er viktige for å sikre gode arbeidsvilkår for dei tilsette og styrke dei kommunale tenestene ADMINISTRASJONSUTVALET Framlegg frå Kristin Sælen (Utdanningsforbundet): Gloppen kommune som arbeidsgjevar lagar lokal særavtale med organisasjonane som byggjer på dei gamle reglane i arbeidsmiljølova når det gjeld tilsettingar i faste stillingar og arbeidstid. Ved alternativ avrøysting fekk framlegget frå Kristin Sælen to røyster og rådmannen si tilråding fire røyster. 017/15 VEDTAK: Rådmannen si tilråding vart innstilt mot to røyster.

18 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr KULT-utvalet /15 Kommunestyret /15 Avgjerd av: Kommunestyret Saksbehandlar: Jan Kåre Fure Objekt: Arkiv: 033 &00 Arkivsaknr.: 15/168-6 Fastsetting av namn på samanslege utval Ingen vedlegg. Bakgrunn for saka: Kommunestyret som no har gått av vedtok på møtet i juni i år å slå saman det tidlegare kulturog miljøutvalet og teknisk og landbruksutvalet til eitt utval frå ny valperiode. Dette er også lagt til grunn ved konstitueringa av det nye kommunestyret. Namnet på det «nye» utvalet er ikkje fastsett, og det er dette denne saka dreier seg om. Rådmannen ber om litt meir tid til å legge fram eit forslag til nytt reglement for hovudutvala. Rådmannen si vurdering: Det er utfordrande å finne eit namn på utvalet som er dekkande for saksområdet utan at dette blir langt og omstendeleg. I førre periode heitte utvalet «teknisk, landbruk og kulturutvalet», og etter kvart vart dette eit innarbeidd namn, men mange hadde problem med å skrive namnet rett. Rådmannen legg ikkje stor prestisje i denne namnesaka. Mi tilråding blir KULT-utvalet, der KULT står for Kultur, Utvikling, Landbruk og Teknisk. Andre alternativ kan vere: - Kultur- og utviklingsutvalet - Teknisk og kulturutvalet - Teknisk, landbruk og kulturutvalet og viss vi tar han heilt ut: - Teknisk, landbruk, kultur- og miljøutvalet. Rådmannen inviterer til namnediskusjon RÅDMANNEN SI TILRÅDING: Kommunestyret fastset namnet på det nye hovudutvalet som er slege saman av tidlegare kultur- og miljøutvalet og teknisk og landbruksutvalet til «KULT-utvalet» KULT-UTVALET

19 Framlegg frå Audun Mundal (Krf): Kommunestyret fastset namnet på det nye hovudutvalet som er slege saman av tidlegare kultur- og miljøutvalet og teknisk og landbruksutvalet til «MULTEKutvalet». Framlegget vart samrøystes vedteke. 003/15 VEDTAK: Tilråding til kommunestyret: Kommunestyret fastset namnet på det nye hovudutvalet som er slege saman av tidlegare kultur- og miljøutvalet og teknisk og landbruksutvalet til «MULTEK-utvalet». Vedtaket var samrøystes.

20 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Administrasjonsutvalet /15 Kommunestyret /15 Avgjerd av: Kommunestyret Saksbehandlar: Jan Kåre Fure Objekt: Arkiv: 033 &00 Arkivsaknr.: 15/168-5 Endringar i reglementet for administrasjonsutvalet Vedlegg: Dok.nr Tittel på vedlegg Reglement for administrasjonsutvalet Frå tidlegare behandling av saka: Bakgrunn for saka: Dette er siste møte i dette administrasjonsutvalet. Sitjande kommunestyret har vedteke at vi framleis skal ha eit administrasjonsutval, etter om lag same ordning som i dag. Ei endring blir det: Ein av dei folkevalde medlemmene i administrasjonsutvalet skal også sitje i kommunen sitt arbeidsmiljøutval. Rådmannen vil så fort det nye kommunestyret er konstituert og utvala er valde legge fram forslag til nødvendige endringar i utvalsreglementa. Dette vil også gjelde administrasjonsutvalet sitt reglement. Dagens reglement ligg ved. Rådmannen inviterer det avtroppande administrasjonsutvalet til ei meiningsutveksling om reglementet og om det er tilhøve som rådmannen bør endre på eller følgje opp når det nye utvalet kjem i arbeid. RÅDMANNEN SI TILRÅDING: Rådmannen legg ikkje fram tilråding i saka ADMINISTRASJONSUTVALET Tema som vart tekne opp: Skal adminisatrasjonsutvalet ha noko rolle i tilsetting og eventuell oppseiing av rådmannen? Behov for meir opplæring av medlemmene i utvalet? Rådmannen si rolle i utvalet.

21 014/15 VEDTAK: Det vart ikkje gjort vedtak i saka. Nye opplysningar i saka: Som ei oppfølging av adminisatrasjonsutvalet si drøfting i sak 14/15 legg rådmannen no fram forslag til nokre mindre endringar i utvalet sitt reglement. Det er kommunestyret sjølv om gjer endeleg vedtak i saka, jfr. 5-2 i reglementet. Endringane som rådmannen gjer framlegg om er ikkje så omfattande at saka er lagt fram for organisasjonane på andre måtar enn gjennom behandlinga av saka i administrasjonsutvalet. Saksutgreiing: Endringane er: 1. Ny siste setning i 1-2, første ledd: Leiaren skal sitje i formannskapet. 2. Nytt nummerpunkt i 2-2, første ledd: 3. Velje utvalet sin representant på arbeidsgjevarsida i arbeidsmiljøutvalet. 3. Siste kulepunkt i 2-3, første ledd blir stroke. Rådmannen si vurdering: Endringa som seier at leiaren i administrasjonsutvalet skal sitje i formannskapet er ei stadfesting av gjeldande praksis. Det følgjer av 2-1 at administrasjonsutvalet er eit hovudutval, og då skal leiaren sitje i formannskapet. Dette bør gå fram av reglementet. I det nye reglementet til arbeidsmiljøutvalet som utvalet sjølv har vedteke er det sagt at ein av dei tre arbeidsgjevarrepresentantane i arbeidsmiljøutvalet skal veljast av og mellom dei fire folkevalde i administrasjonsutvalet. Rådmannen håpar at kommunestyret er samd i dette, og endrar reglementet slik at det blir samsvar mellom reglementa til arbeidsmiljøutvalet og administrasjonsutvalet. Dei to utvala har på fleire område overlappande arbeidsfelt, og dette er bakgrunnen for endringa. Tilsetting og eventuell oppseiing av rådmann er prosessar der administrasjonsutvalet i praksis ikkje er involvert. Strykinga av dette kulepunktet i 2-3 er gjort for å få samsvar mellom reglementet og det som skjer i praksis. RÅDMANNEN SI TILRÅDING: Kommunestyret vedtek desse endringane i administrasjonsutvalet sitt reglement: Ny siste setning i 1-2, første ledd: Leiar skal sitje i formannskapet Nytt nummerpunkt i 2-2, første ledd: 3. Velje utvalet sin representant på arbeidsgjevarsida i arbeidsmiljøutvalet Siste kulepunkt i 2-3, første ledd blir stroke. Endringane gjeld frå vedtaksdato ADMINISTRASJONSUTVALET 018/15 VEDTAK:

22 Rådmannen si tilråding vart samrøystes innstilt med slik endring/tillegg i andre strekpunkt: Nytt nummerpunkt i 2-2, første ledd: 3. Velje utvalet sin representant på arbeidsgjevarsida i arbeidsmiljøutvalet av og mellom dei fire folkevalde i utvalet. (Endringa/tillegget er understreka.)

23 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /15 Kommunestyret /15 Avgjerd av: Kommunestyret Saksbehandlar: Jan Kåre Fure Objekt: Arkiv: 033 Arkivsaknr.: 15/ Val av eldreråd og råd for menneske med nedsett funksjonsevne - perioden Ingen vedlegg. Bakgrunn for saka: Etter lov om eldreråd skal det vere eit eldreråd i alle kommunar. Valperioden for eldrerådet følgjer valperioden, og det skal derfor no veljast nytt råd. I eldrerådet sit sju medlemmer. Fem av desse er valde etter framlegg frå pensjonistlaga. Dei to andre har i siste periode vore leiarane i helse- og omsorgsutvalet og kultur- og miljøutvalet. --- Etter lov om råd for menneske med nedsett funsksjonsevne skal det vere ei representasjonsordning for desse i alle kommunar. Valperioden er den same som for eldrerådet. I rådet er det fem medlemmer, der fire er valde etter framlegg frå organisasjonane. Det kommunevalde medlemmet i rådet har vore varaordføraren. Det avtroppande kommunestryet vedtok at det framleis skal vere eit eige råd i kommunen. Saksutgreiing: Rådmannen har bede pensjonistlaga og fellesorganisasjonane om framlegg til medlemmer til råda, og desse framlegga er komne inn: Til eldrerådet: Frå Gloppen pensjonistlag: Olav Moritsgård og Maria Lundestad. Vara: Bård Vereide og Kari Isene. Frå Breim pensjonistlag: Hans Myklebust og Olav Felde. Vara Mary-Ann Hjelle Felde og Åse Moldestad Frå Hyen pensjonistlag: Egil Holme, med Bergljot Rønnekleiv som vara. Til rådet for funksjonshemma: Frå FFO* Sogn og Fjordane: Ivar Halland (frå Hørselshemmedes Landsforbund) Nils Eimhjellen (frå Parkinsonforbundet) Majken Gøranson Rygg (frå Norges Blindeforbund) Frå Astma- og Allergiforbundet: Katrine Haugerøy Heggelund.

24 * FFO står for Funksjonshemmedes Fellesorganisasjon Rådmannen har etterlyst varafolk, men ikkje fått framlegg om dette så langt. Forhåpentlegvis har vi framlegg til vala skal gjerast. Dei kommunevalde medlemmene i eldrerådet har som sagt vore leiarane av helse- og omsorgsutvalet og kultur- og miljøutvalet, med nestleiarane som vara. I rådet for funksjonshemma har varaordføraren vore medlem, med leiaren i oppvekstutvalet som vara. Leiar og nestleiar i råda skal veljast av råda sjølve, mellom dei ikkje-kommunale medlemmene. Økonomiske konsekvensar for kommunen: Ingen, utanom møtegodtgjersle. Rådmannen si vurdering: Rådmannen har fleire gonger teke til orde for å slå saman dei to råda, utan å bli høyrd. Bakgrunnen for rådmannen sitt syn er at vi ikkje har nok sekretærressursar til to råd og at råda i stor grad behandlar dei same sakene. I tillegg kjem at det har vore vanskeleg å få folk til å møte i rådet for funksjonshemma. Ved evalueringa av utvals- og rådsstrukturen som vart gjort av det førre kommunestyret, vart det vedteke å halde fram med to råd, og dette rettar sjølvsagt rådmannen seg etter. Rådmannen gjer likevel framlegg om å endre namnet på «rådet for funksjonshemma» til «råd for menneske med nedsett funksjonsevne». Omgrepet «funksjonshemma» bør ikkje lenger brukast. --- I rådmannen si tilråding er det lagt til grunn at den folkevalde representasjonen i råda blir om lag som før, men dette er sjølvsagt heilt og fullt opp til kommunestyret å bestemme. Rådmannen ber om fullmakt til å ajourføre reglementa i samsvar med dei endringane som no vedtekne. (Rådmannen skriv «KULT-utvalet» i tilråding. Dette må rettast opp når kommunestyret har bestemt utvalsnamnet.) RÅDMANNEN SI TILRÅDING: 1. Gloppen kommunestyre vel følgjande medlemmer til eldrerådet for perioden Frå pensjonistlaga: Medlemmer Olav Moritsgård Maria Lundestad Hans Myklebust Olav Felde Egil Holme Vara 1. Bård Vereide 2. Kari Isene 1. Mary-Ann Hjelle Felde 2. Åse Moldestad Bergljot Rønnekleiv

25 Frå kommunen: Medlemmer Vara Leiar i helse- og omsorgsutvalet Nestleiar i helse- og omsorgsutvalet Leiar i «KULT-utvalet» Nestleiar i «KULT-utvalet» 2. Kommunestyret vedtek å endre namnet på det tidlegare «rådet for funksjonshemma» til «råd for menneske med nedsett funksjonsevne». Følgjande blir valde til rådet for perioden : Frå organisasjonane: Medlemmer Ivar Halland Majken Gøranson Rygg Nils Eimhjellen Katrine Haugerøy Heggelund Frå kommunen: Medlemmer Varaordføraren Vara Vara Leiar i oppvekstutvalet 3. Rådmannen får fullmakt til å ajourføre reglementa for råda som følgje av dette vedtaket.

26 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /15 Kommunestyret /15 Avgjerd av: Kommunestyret Saksbehandlar: Roar Henden Objekt: Arkiv: 611 Arkivsaknr.: 15/903-9 Fastsetting av pris på areal i Åslyvegen Vedlegg: Dok.nr Tittel på vedlegg Kart over ønska kjøp av areal - Åslyvegen Bakgrunn for saka: Rai-Invest AS v/geir Atle Bolseth har gjort avtale om kjøp av tomt nr 5 i Åsly-prosjektet (gbnr 77/703) av Åsly Bygg AS. Det er også ynskjeleg å kjøpe arealet aust for tomta som er avgrensa av Åslyvegen og stikkvegen inn til Åslyvegen Dette arealet er på ca. 273 m2 og er ein del av kommuen si tomt 77/287 med adresse Åslyvegen 16. Saksutgreiing: Tilleggsarealet som Rai-Invest AS ynskjer å kjøpe vil gjere det mogleg å utnytte tomt nr 5 betre og få til ei god tilpassing mellom hus og terreng. Rammeløyve for utbygginga er gitt. Rai-Invest AS bydde først 65 kr/m2 for tilleggsarealet. I forhandlingar med rådmannen er ein blitt einige om ein pris på 200 kr/m2 med atterhald om politisk godkjenning. Taksten på tomta er høgare, men kommunen ynskjer ikkje å vere prisdrivande. Tilleggsarealet ligg på andre sida av vegen i forhold til det kommunale bustadhuset på tomt 77/287. Arealet blir ikkje brukt verken av kommunen eller leigetakarane, og eit sal vil difor ikkje få kjente negative konsekvensar. Økonomiske konsekvensar for kommunen: Ingen. Kjøpesummen på om lag kroner blir tillagt kommunen sitt investeringsfond. Rådmannen si vurdering: Rådmannen stiller seg positiv til sal av det omsøkte tillleggsarealet for å tilrettelegge for ei betre utnytting av tomt nr 5 i Åsly-prosjektet. Men vi må forsikre oss om at opparbeiding og utnytting av tilleggsarealet ikkje får negative konsekvensar for kommunen si tomt 77/287, leigetakarane våre og naboane. RÅDMANNEN SI TILRÅDING:

27 Kommunestyret sel delar av tomt med gbnr. 77/287 på 273 m2 til Rai-Invest AS. Avtalt pris er kr (200 kr/m2 x 273 m2). Rai-Invest AS er ansvarleg for alle kostnader forbunde med sal, overdraging, opparbeiding og andre uføresette kostnader forbunde med tomtesalet.

28 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /15 Kommunestyret /15 Avgjerd av: Kommunestyret Saksbehandlar: Knut Roger Berge Nesdal Objekt: Arkiv: L82 &50 Arkivsaknr.: 15/ Tilbod om kjøp av gbnr 5/39 i Bukta - Øyravaulen Ingen vedlegg. Bakgrunn for saka: Heimselshavar Bjørg Sande ynskjer å selje «Øyravaulen», gnr 5 bnr 39 i Gloppen kommune. Kommunen har tinglyst forkjøpsrett på området. Kommunen har mottatt tilbod om å kjøpe arealet. Til grunn for tilbodet ligg ei forenkla verdivurdering. Saksutgreiing: Området «Øyravaulen» er i dag ein del av området som Gloppen Camping nyttar. Gloppen Camping har leigd dette området dei siste 15 åra. På området er det bygd svømmebasseng, barnebasseng, pavaljong og administrasjonsbygg med leiligheter for campingen. Administrasjonsbygget står delvis plassert på gnr 5/bnr 39 og gnr 5/brn 11. Eigedomen som omhandlar resten av campingen, gnr 5 bnr 11 og gnr 5 bnr 37 er eigd av Gloppen kommune. Gloppen Camping leiger i dag dette området vederlagsfritt av Gloppen kommune. Økonomiske konsekvensar for kommunen: Området «Øyravaulen» er på 3.238,1 m2. Tilbodet vi har fått er å kjøpe dette for kr Kjøpesummen skal oppjusterast etter SSB sin konsumprisindeks frå juni 2015 fram til betalingstidspunkt. Seljar ber kommunen betale alle kostnader ved heimselsskiftet, slik som dokumentavgift. Kjøpet av dette området vil gi ein m2 pris på kr 91,10 pluss justering for konsumprisindeksen. Viss kommunestyret seier ja til tilbodet, vil rådmannen legg kjøpet inn i framlegget til budsjett for Rådmannen si vurdering: Området «Øyravaulen», ilag med gnr 5 bnr 11 og 37, området som utgjer Gloppen Camping. Kommune vil med dette kjøpet ha kontroll over heile campingområdet slik det er i dag. Dette vil gje leigetakar sikker og føreseieleg tilgang til heile campingplassen. Driftar av campingplassen har i dag ein ikkje tinglyst leigeavtale med kommunen. Avtalen gjev driftar rett til vederlagsfri bruk av kommunen sin eigedom, mot at folk flest har fri tilgang til området. Leigeavtalen bør supplerast med ein festeavtale, og etter rådmannen sitt syn bør driftar betale ei årleg festeavgift som dekkjer kommunen sine kapitalkostnader med det grunnkjøpet vi no har tilbod om.

29 RÅDMANNEN SI TILRÅDING: Kommunestyret i Gloppen takkar ja til tilbodet om kjøp av gbnr 5/39 i Gloppen slik dette er presentert i rådmannen si saksframstilling. Kostnaden med kjøpet blir innarbeidd og finansiert i 2016-budsjettet.

30 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /15 Kommunestyret /15 Avgjerd av: Kommunestyret Saksbehandlar: Jan Kåre Fure Etterlønn/ventelønn til folkevalde Objekt: Arkiv: 082 Arkivsaknr.: 15/ Ingen vedlegg. Bakgrunn for saka: Kommunestyret gjorde i sak 6/14 slikt vedtak: 1. Kommunestyret viser til rådmannen si utgreiing i saka og vedtek at Gloppen kommune framleis skal ha ei pensjonsordning for folkevalde. Ordninga skal omfatte alle folkevalde som har meir enn 1/3 av ordføraren si godtgjersle i fast godtgodtgjersle 2. Kommunestyret vel å knyte dei folkevalde i Gloppen til den ordinære pensjonsordninga for kommunalt tilsette i KLP. Ordninga skal også gje dei folkevalde medlemmene rett til avtalefesta pensjon frå 62 år 3. Kommunestyret ber rådmannen legge fram eit revidert framlegg til reglement om godtgjersle til folkevalde der det er innarbeidd reglar om og satsar for ei avgrensa ettergodtgjersle til ordføraren når ho eller han sluttar i vervet. Denne saka gjeld oppfølging av pkt 3 i vedtaket. Saksutgreiing: Gloppen kommune har i dag ikkje ei ordning med etterlønn eller ventelønn til ordføraren. KS tilrår at kommunane har ei slik ordning, og skriv i heftet Økonomiske vilkår for folkevalgte: Som et ledd i arbeidet med å styrke de folkevalgtes arbeidsvilkår, anbefaler KS at folkevalgte som har det å være folkevalgt som sin hovedgeskjeftigelse gis slik ettergodtgjøring ved valgperiodens utløp: 1 ½ måned dersom vedkommende har en jobb å komme tilbake til etter endt tjeneste 3 måneder dersom vedkommende ikke har en jobb å gå tilbake til. Ei rask undersøking med dei andre kommunane i Nordfjord viser følgjande: Hornindal kommune har ikkje slik ordning Stryn kommune har diskutert saka, men har ikkje nok formell ordning i dag Eid kommune har ei ordning med 3 månader ettergodtgjersle Selje kommune har utbetalt 3 månader tidlegare som er personleg ordning, men har ikkje dette som ei fast ordning Vågsøy kommune innfører KS til tilråding i samband med skifte av ordførar i år Bremanger kommune betalar 3 månader ettergodtgjersle.

31 Økonomiske konsekvensar for kommunen: Med dagens satsar er månadsgodtgjersla til ordføraren om lag kr ,-. Med pensjon og arbeidsgjevaravgift blir kostnaden per månad om lag kr ,-. Tre månader blir då om lag ,- og 1 ½ månad halvparten av dette (knapt ,-). Sidan Gloppen kommune i dag ikkje har ei ordning med ettergodtgjersle, har vi sjølvsagt heller ikkje rekna med dette i budsjettet for Rådmannen si vurdering: Oversynet frå dei andre kommunane i Nordfjord viser at dei fleste har ei eller anna ordning med ettergodtgjersle for ordføraren. Tidlegare ordførar blir 62 år på slutten av I samsvar med kommunestyret sitt vedtak i sak 6/14 kan han då ta ut avtalefesta pensjon (AFP). For å kunne gjere dette må han ved fylte 62 år ha eit tilsettingsforhold til kommunen på minimum 20 % av full stilling. Ei ordning med ettergodtgjersle slik KS tilrår vil sikre tidlegare ordførar rett til AFP ved ei godtgjersle på 100 % i oktober og 25 % i november og desember. Dette gjev 1 ½ månad ettergodtgjersle. Her skal det leggast til at rådmannen har gjort avtale med tidlegare ordførar om m.a. folkevaldopplæring i etterlønnsperioden, slik at utbetalinga ikkje blir rein etterlønn. --- Kostnaden med ordninga vil kome igjen anten som underskot i 2015 og då dekka av disposisjonsfondet eller redusert overskot. RÅDMANNEN SI TILRÅDING: Kommunestyret viser til rådmannen si saksutgreiing og vedtek å innføre ordning med ettergodtgjersle til ordføraren slik KS tilrår, dvs: 1 ½ månad dersom ordføraren har ein jobb å kome tilbake til etter avslutta teneste 3 månader dersom ordføraren ikkje har ein jobb å gå tilbake til. Dersom ordføraren kan gå av med pensjon etter avslutta teneste, blir pensjon rekna som «jobb» slik at etterlønna då utgjer 1 ½ månad FORMANNSKAPET 111/15 VEDTAK: Rådmannen si tilråding vart samrøystes innstilt.

32 side 1