Sak 15/16. Hjortejakta i Nordheimsdalen utlysing av jaktfelt nr. 1 (nedre felt)

Transkript

1 Sak 15/16. Hjortejakta i Nordheimsdalen utlysing av jaktfelt nr. 1 (nedre felt) Saksopplysning/vurdering: Leigeperioden for det nedre feltet i Nordheimsdalen galdt for året 2015, og fjellstyret kan no vurdera korleis jakta skal lysast ut for ein ny periode, og andre tilhøve omkring utleiga av jakta i dette feltet. Feltet går frå sjøen og opp til 600 m-koten Jaktlaget som får jakta, disponerer terrenget frå jaktstart 1.september og ut oktober. Etter dette er det jaktlaget til Aurland jakt- og fiskelag som disponerer området, og overtek eventulle ubrukte løyve. Utanbygds- og innanbygdsbuande jaktlag stiller likt i søknadsrunden for dette jaktfeltet Jaktfeltet har dei siste åra hatt 4 fellingsløyve for hjort Med forbehald om utfallet av sak 13/16 retningslinjer for «Elg og hjortejakt i Aurland statsalmenning,» så må me ta inn fylgjande punkt i avtalen med jaktlaget som leiger jaktfelt 1: Utleiga av det nedre jaktfeltet har i fleire år vore organisert gjennom ei fellesløysing for fjellstyra gjennom Inatur. Fjellstyret har ei eiga side for tilbodet på denne nettstaden, søknad går direkte til ei felles søknadsadresse, og trekninga vert gjort sentralt i samarbeid mellom Inatur og fjellstyresambandet. Fjellstyret sine årleg kostnader med denne måten å lysa ut jakta på er er følgjande: Nettside som presenterer tilbodet på Inatur - kr. 1400,- Fjellstyret sin del av fellesløysinga for søknad/ trekning - kr. 770,-

2 Sak 15/16, side 2. Fjellstyret må no ta stilling til om ein skal halda fram med å lysa ut jakta på denne måten med trekning gjennom Inatur, eller om ein skal satsa på lokal handtering av søknadsprosessen med eiga trekning i fjellstyret. Ei eventuell utlysing gjennom inatur bør seinast skje i midten av mars. Utlysing og trekning gjennom Inatur har den fordelen at det er lettvint for fjellstyret, ikkje noko administrasjon før trekninga er ferdig og avtale skal inngåast med jaktlaget som er uttrekt. Ulempa er at ein har litt lite føling med korleis interessa er, og korleis søknadene fordeler seg geografisk. Søkjartalet vert stort, gjerne mange 10-tals jaktlag, sidan mange som har sett området opp som 3. eller 4. prioritet er med i trekninga, utan at dei kanskje er så interesserte likevel, når alt kjem til alt. Mange av søkjarane veit lite om jaktområdet, sjølv om ein del er å finna på fjellstyret si heimeside. Ei ulempe med opplegget gjennom Inatur er, som sagt ovanfor, at det vert mange jaktlag som søkjer utan å ha nokon kjennskap til terrenget, kor vanskeleg det ligg til, og kor krevjande det er å jakta i. Gjennom ei meir lokal utlysing i aviser og gjennom fjellstyret si heimeside vil ein større del av søkjarmassen ha lokal tilknyting, og vera betre førebudde på dei utfordringane som jakta vil innebera. Sjansane lokale jaktlag har for å få tilgang til jakt vil verta betre. Kravet som gjeld for utlysing av slik jakt i forskrifta for jakt i statsallmenning er følgjande: «Elg og hjortejakt på statsallmenningsgrunn skal utlyses/gjøres kjent for alle bosatte i Norge. Utlysingsteksten skal gjøres tilgjengeleg på internett». Me har fått opplyst at utlysing på fjellstyret si eiga heimeside er tilstrekkeleg i høve til kravet. Ei slik ordning med lokal utlysing vil ha den ulempa at det vert ein del meir adminstrativt arbeid for fjellstyret; mange søknader skal handterast, trekninga skal organiserast og søkjarane skal ha svar. Denne typen arbeid har ein rett nok gode rutinar på gjennom administrasjonen av reinjakta, og det bør vera overkomeleg for fjellstyreadministrasjonen på den aktuelle tida av året. For dei tilsette vil den eine ordninga kunna fungera like bra som den andre, difor har eg nedanfor laga to alternative framlegg til vedtak. Framlegg til vedtak: Alt. 1: Fjellstyret lyser ut hjortejakta i det nedre jaktfeltet i Nordheimsdalen (jaktfelt 1) for gjennom nettsida Inatur innan midten av mars, med trekning gjennom fellesopplegget til Fjellstyresambandet/Inatur, på same måten som det har vore gjort dei siste åra. Fylgjande endringar vert tekne inn i leigeavtalen:

3 Sak 15/16, side 3. Alt. 2: Fjellstyret vil lysa ut hjortejakta i det nedre jaktfeltet i Nordheimsdalen (jaktfelt 1) for i lokalaviser og på fjellstyret si heimeside på internett. Utlysinga skjer kring månadsskiftet mars/april, med søknadsfrist 30. april. Fylgjande forandringar vert teke inn i leigeavtalen: Fjellstyrekontoret, den 29/2-16 Håkon Øydvin Vedlegg: Utkast leigeavtale

4 Leigeavtale om hjortejakt. mellom Aurland Fjellstyre 5745 Aurland som utleigar Og xxxx xxx xx x som leigetakarar er det inngått avtale på leige av hjortejakt på fylgjande vilkår: 1. Avtalen gjeld leige av hjortejakt på Aurland nordre statsalmenning, gnr. 57/2 i Aurland kommune. Jaktfelt 1 under høgdekurva som går på 600 m.o.h, frå 1. september til 31. oktober. 2. Leigeavtalen gjeld perioden Utleigar kan oppheva avtalen dersom leigetakarane på ein vesentleg måte bryt vilkåra i avtalen eller i føresegner etter jaktlovgjevinga. Leigetakarane er sjølve ansvarlege for at dei som skal jakta på området har betalt dei fastsette avgifter og elles fyller dei krav viltlovgjevinga set. Leigetakar pliktar å setja seg inn i lokale retningslinjer for Elg- og hjortejakt i Aurland statsallmenning. 3. For hjortejakta skal det betalast ei grunnavgift på kr. 2800, for vaksne dyr og kr for kalv. Fellingsavifta kjem i tillegg. For felte dyr skal det betalast kr. 59 pr. kg. med utgangspunkt i fylgjande gjennomsnittsvekter: 77 kg (80 kg). 48 kg (50 kg.) () (45 kg) 22 kg () I sluttoppgjeret for felte dyr vert grunnavgifta trekt frå.

5 Grunnavgifta skal betalast innan 1. juli etter påkrav. Dersom leiga ikkje vert betalt til rett tid, kan avtalen opphevast. Oversikt felte dyr skal sendast utleigar innan 5 dagar etter jaktslutt som grunnlag for sluttoppgjer. 4. Brot på viltlov, føresegner, lokale retningslinjer for elg- og hjortejakt i Aurland statsallmenning og leigekontrakt under jakta, kan føra til at jaktretten etter denne avtalen vert trekt attende, sjå punkt 7 i lokale retningslinjer. Ved brot på ovannemde retningslinjer har jaktlaget ikkje rett på tilbakebetaling av grunnavgift. 5. Kopi av godkjent ettersøksavtale skal sendast utleigar før jakta tek til. 6. Melding om felte dyr skal snarast råd og seinast tre dagar etter felling gjevast til fylgjande for eventuell kontroll: - Aurland Fjellstyre / E-post haakon.oydvin@fjellstyrene.no Alle jaktlaga i Nordheimsdalen skal registrera aktiviteten sin på der skal ein registrera kva ein ser og feller med slaktevekt Fellingstad skal avmerkast på kart som skal sendast utleigar etter jaktslutt. Leigetakar er ansvarleg for at fellingsrapport og sett hjort skjema vert send utleigar seinast 5 dagar etter jaktslutt. 7. Denne avtalen vert oppretta i to eksemplar, eit til kvar av partane. Som utleigar Aurland den. Som leigetakar den for Aurland Fjellstyre for jaktlaget