Til jaktlaga i Flora kommune

Transkript

1 Til jaktlaga i Flora kommune Oppsummering av jakta i 2011 Av ei tildeling på tilsaman 894 dyr vart det felt 679 dyr som gjev ein fellingsprosent på 76 %. Dette var ein liten oppgong frå året før då det vart felt 674 dyr med ein fellingsprosent på 73%. Det er likevel noko under "toppåra" 2008 og 2009 då det vart felt 772 og 750 dyr. Nedanfor ein oversikt over fellingstala attende til I høve bestandsutviklinga så er det ikkje berre talet felte hjort som har verknad, men her vil fordelinga på ulike kjønn og aldersgrupper vere minst like avgjerande. Målsetjinga dei seinare åra har vore å stogge bestandsveksten og å stabilisere denne på eit nivå noko lågare enn det ein har hatt dei seinare åra samt å auke gjennomsnittsalderen og andelen eldre hanndyr i bestanden. Med høgre snittalder i bestanden og ein stor del av uttaket som kalv og ungdyr reknar ein med å kunne ha eit like stort og kanskje høgre uttak enn dei siste åra med ein mindre "vinterbestand". Fordeling av avskyting på alder og kjønn 2011

2 I diagrammet ovanfor syner dei raude søylene målsetjinga, med 20 % på kvart av dei ulike segmenta kalv, fjorkoller, spissbukk, eldre koller og eldre bukk. For kalv og ungdyr er 20 % å rekne som eit minimum, medan det for eldre hodyr og bukk er maksimun. Dei blå søylene som syner den faktiske avskytinga viser at ein ligg bra an i høve kalv. For ungdyr er det ei betring særskilt for hodyr der ein dei siste åra har lege lågt. I høve bukk så ligg ein godt innanfor målet med 18,3 %. For eldre hodyr ligg ein noko høgt med 23,1 %, noko ein har gjort i lengre tid. Dette har ein rekna som "ufårleg" då målet då målet har vore å redusere bestanden/bestandsveksten. Med ein høg andel eldre hodyr i uttaket over tid vil det klart få konsekvensar for snittalderen og dermed reproduksjonen i bestanden. Målet her har vore å få opp snittalderen for å ha ein meir stabil og høgre reproduksjon. Andelen fjordyr som går i brunst er særs låg noko som heng saman med låge vekter. Det er difor ikkje noko ynskje å ha ein stor del ungdyr i bestanden. Ein bør difor freiste å redusere andelen eldre hodyr og auke andelen fjordyr i uttaket. Sett Hjort - bestandsutvikling År Sett hjort pr. jegerdagsverk 1,44 1,29 1,37 1,42 1,34 1,52 1,47 1,29 Sett kolle pr. bukk 2,28 2,59 1,68 2,30 1,67 1,98 1,99 1,89 Sett kalv pr. kolle 0,59 0,56 0,54 0,56 0,50 0,56 0,54 0,59 Sett spissbukk pr. bukk 0,44 0,37 0,43 0,38 0,39 0,34 0,29 0,32 % bukker felt av sette bukker 23,68 29,69 21,83 25,04 21,97 23,72 23,65 23,68 % koller felt av sette koller 12,66 12,29 14,75 10,45 13,66 12,64 9,94 13,64 % kalver felt av sette kalver 12,44 12,10 12,93 12,17 14,81 11,87 10,35 12,94 Sett hjort pr. jegertime 0,29 0,29 0,29 0,31 0,27 0,33 0,29 0,25 Antall skjema Indeksen for Sett Hjort pr jegertime og jegerdagsverk skal gje utrykk for endringar i bestandstettleiken. I høve dette så er det teikn på at det høge uttaket ein hadde i åra kanskje klarte å redusere bestanden noko, då indeksen for sett hjort pr jegerdagsverk og jegertime i fjor var det lågaste ein har registrert. Vekstpotensialet i bestanden er stort, og sjølv om ein kanskje har klart å redusere bestanden noko ser ein ikkje nokon grunn til å redusere jakttrykket. Dersom ein skal få auka kalvevektene som har vore eit av ynskja/måla må det truleg ein sterkare reduksjon til over lengre tid. Skal ein fortsetje med SETT HJORT?? Det er registrert godt over 80 jaktfelt i kommunen. I fjor vart det registrert data frå 64 skjema, så det manglar framleis ein del på at alle jaktfelta leverer. På ein del av skjemaene er det og få registreringar. Av dei i alt 679 dyra som vart rapportert felt var det 424 som var registert i Sett Hjort. Dette utgjer 62 % av dei som vart felt, og i tillegg mistenkjer ein at nokre fører registreringar dei dagane det vert felt dyr, men let vere dei dagane det ikkje vert felt noko.

3 Sett Hjort er eit statistisk basert verkty der kvaliteten på det ein får ut aukar med datamengda. Sette Hjort er meint å vere eit viktig styringsverkty i forvaltninga men ein føler i dag at materialet her er litt i tynnaste laget. Det er difor særs viktig at alle jaktlag no sluttar opp om registreringa og leverer inn Sett Hjort skjema. Registreringsskjema for Sett Hjort er vedlagt. Dette kan og hentast frå Hjorteviltregisteret - under Sett Hjort. Det ligg og på kommunen sine heimesider under Sjølvbetjening skjema Sett Hjort. Framleis nedgong i slaktevektene? Vektene på kalv og ungdyr ser ut til å ha stabilisert seg nokolunde dei siste åra. Avhengig av kvaliteten på sommerbeita som vil kunne variere frå år til år vil vil desse og variere noko. Dersom ein ser vekk i frå desse svingningane synest trenden framleis å vere svakt synkande slaktevekter. Dette er og tilhøve som tilseier at ein bør oppretthalde ei høg avskyting og då særleg på kalv og ungdyr.

4 Nye jakttider : Førre jakttidsperiode så var jakttida der Fylkesmannen/Fylkeskommunen dei siste åra utvida jakttida til For inneverande jakttidsperiode som går frå 1. april 2012 til 31. mars 2017 så er jakttida for hjort Overvakingsprogrammet fortset utan innlevering av ovariar! Flora kommune er ein av dei kommunane som får vere med i overvakingsprogrammet vidare. Frå i år av skal det ikkje lenger leverast inn ovariar (livmor/eggstokkar) frå hodyr. Det vart i fjor levert inn kjevar frå 75 % (507 kjevar) av dei felte dyra. Dette er noko meir enn året før, men framleis for lite. Den informasjonen ein får attende ser ein herifrå som særs nyttig. Ein ser at det er ein del gjengangarar som ikkje leverer inn slikt materiale, men alle jaktvald/jaktfelt skal levere inn kjevar frå alle felte dyr. Ein forventar at valda tek tak i dette overfor dei som "sluntrar unna". Manglande opplysingar på kjevelappane: For at aldersfastsetjinga skal ha nokon verdi anna enn å få vite alderen på dyra er vekta ei viktig opplysing. På ein del av kjevelappane manglar det opplysingar om vekt. Vil difor oppfordre til at ein får med vektopplysingar på flest mogeleg dyr. Ikkje nok kjevelappar? Vedlagt fylgjer eit antal kjevelappar. Då ein lenger ikkje har oversikt over kva valda tildeler til jaktfelta sine har vi litt problem med å sende ut riktig tal kjevelappar. Om De skulle ha fått for få kan fleire hentast på Tenestetorget til kommunen.

5 Registrering av flått på felte hjort : For å få meir kunnskap om flått og hjortelusflue og spreiing av desse samt å kunne finne evnt. samahengar i høve klima, vegetasjon tettleik av husdyr og bestandstettleik for hjort ynskjer Veterinærinstituttet at jegerar rapporterer flått på flest mogeleg felte hjort. Dette kan gjerast på nettsida denne har vore i drift nokre år, men responsen frå jegerar har vore for liten. Ein vil difor oppmode jegerar i kommunen om å rapportere her. Det er ikkje berre dyr med mykje flått som er interessante, dyr heilt utan flått kan vere vel så interessante. Registreringane vil og gje grunnlag for å kunne sjå på samanhengar mellom miljøfaktorane nemnt ovanfor og sjukdom på husdyr og menneske samt tilvekst og kalvetal for hjortevilt. Nettsida inneheld og mykje informasjon om fått og hjortelusflue, spreiing av sjukdomar av desse m.v. så ein vil oppmode alle til å ta ein tur innom her uansett. GODKJEND ETTERSØKSHUND EIKEFJORD ETTERSØKSRING Alle jaktlag/jegerar skal ha tilgong til godkjent ettersøkshund før jakta tek til. Eikefjord ettersøksring tilbyr ettersøksavtalar til jaktlag i Flora kommune. Dei som inngår avtale med ettersøksringen betalar kr 100 for kvart tildelt fellingsløyve. Ein kan då fritt rekvirere ettersøk utan nokon meirkostnad for den tida ein er pliktig å utøve ettersøk (den dagen dyret er påskote og påfylgjande dag). For dei som ikkje har eigen hund med under jakta er avtalen med ettersøksringen etter vår meining det klart beste alternativet. Dei som ynskjer avtale med ettersøksringen kan underteikne dei vedlagde avtalane og

6 returnere den eine hit. Vidare må det betalast inn kr 100 for kvart tildelt fellingsløyve til ettersøksringen sin bankkonto : innan 22. august.dei som har bruk for evnt. fleire avtalar eller har spørsmål vedr. ettersøksavtalen kan vende seg hit. Vakttelefon for ettersøk : Med helsing Magnus Frøyen Fagkonsulent Vedlegg: Resultat frå overvakingsprogrammet for hjort (dei som har levert) Ettersøksavtale i 2 eks Kjevelappar Registreringsskjema for Sett Hjort Innbyding til "Hjort 2012"