FRAMLEGG HØYRINGSFORSLAG - REGIONAL PLANSTRATEGI FOR HORDALAND

Transkript

1 HORDALAND FYLKESKOMMUNE Regionalavdelinga Utviklingsseksjonen Arkivsak Arkivnr. 712 Saksh. Bakke, Tord Saksgang Kultur- og ressursutvalet Opplærings- og helseutvalet Samferdselsutvalet Fylkesutvalet Møtedato FRAMLEGG HØYRINGSFORSLAG - REGIONAL PLANSTRATEGI FOR HORDALAND SAMANDRAG Fylkestinget i Hordaland vedtok 13. desember 2011 oppstart av arbeid med Regional planstrategi for Hordaland Ein regional planstrategi skal utarbeidast for kvar valperiode og vedtakast av fylkestinget innan eitt år etter konstituering. Førre planstrategi, Hordaland skaper verdiar regional planstrategi for Hordaland , vart vedteke av Fylkestinget i desember Ei styringsgruppe har arbeida fram høyringsutkastet. Planstrategien skal liggje ute til høyring i 6 veker. Ein har mål om endeleg vedtak i fylkestinget i desember Planstrategien skal ha verketid ut 2015 og fram til ny planstrategi er vedteke tidleg i neste valperiode. Regionale planstrategi er ikkje ein plan, men ein strategi for kva planar som skal utarbeidast i perioden. Høyringsutkastet som no ligg føre inneheld ei skildring av viktige utviklingstrekk og utfordringar for Hordaland. Styringsgruppa har konkludert med fem tema kor ein ser trong for at det vert starta opp planarbeid inneverande periode: kompetanse og arbeidskraft, landskap og friluftsområde, E39 Stord Os, utvikling i indre Hordaland, klima og kystsona. Fylkesrådmannen rår til at planutkastet vert sendt på høyring i medhald av plan- og bygningslova.

2 FORSLAG TIL INNSTILLING 1. Forslag til Regional planstrategi for Hordaland vert sendt på høyring med frist 15.oktober I høyringsbrevet vil Fylkesutvalet be om særskilt attendemelding på følgjande tema: a) Utval, innretting og avgrensing av planane b) Synspunkt og innspel om medverknad i arbeidet med dei føreslåtte planane. Paul M. Nilsen fylkesrådmann Jan Per Styve regionaldirektør Vedlegg: Regional planstrategi for Hordaland Høyringsutkast Utfordringar for Hordaland

3 FYLKESRÅDMANNEN, : 1 Innleiing Fylkestinget i Hordaland vedtok 13. desember 2011 oppstart av arbeid med Regional planstrategi for Hordaland Ein regional planstrategi skal utarbeidast for kvar valperiode og vedtakast av fylkestinget innan eitt år etter konstituering. Førre planstrategi, Hordaland skaper verdiar regional planstrategi for Hordaland , vart vedteke av Fylkestinget i desember Organisering Arbeidet med planstrategien har vore styrt av ei politisk styringsgruppe leia av fylkesordførar Tom- Christer Nilsen. I gruppa sit representantar for kommunane, utpeika av regionråda, og sentrale fylkespolitikare, samt Fylkesmannen. Styringsgruppe Tom-Christer Nilsen (leiar), Fylkesordførar Ruth Grung (nestleiar), Fylkesutvalsmedlem, gruppeleiar Arbeidarpartiet Ove Trellevik, Ordførar Sund, for Bergensalliansen Liv Kari Eskeland, Ordførar Stord, for Samarbeidsrådet for Sunnhordland Ingebjørg Winjum, Ordførar Granvin, for Hardangerrådet Jon Askeland, Ordførar Radøy, for Regionrådet Nordhordland Filip Rygg, Byråd, Bergen kommune Lars Sponheim, Fylkesmann I tillegg er det etablert ei administrativ arbeidsgruppe leia av regionaldirektør Jan Per Styve, også den med representantar for kommunane og fylkesmannen. Arbeidsgruppa Jan Per Styve, (Leiar) Regionaldirektør HFK Knut Terje Rekve, Rådmann Os, Nils Høysæter, Spesialrådgivar, Bergen kommune Gunnar Bergo, Plan og miljøvernsjef, Voss kommune Else-Kristin Foss Vikenes, Avdelingsdirektør, Fylkesmannen i Hordaland Berit Karin Rystad, Seksjonsleiar Fylkesmannen i Hordaland Matti Torgersen, Utviklingssjef, Hordaland fylkeskommune Marit Rødseth, Plansjef, Hordaland fylkeskommune Tord Bakke, Spesialrådgivar Hordaland fylkeskommune 2.2 Prosessen Det har vore lagt opp til ein brei prosess med fleire anledningar til å komme med innspel til arbeidet. Sidan både kommunar og fylke er pålagt å lage planstrategiar i løpet av inneverande år, har ein nytta samtidigheita mellom prosessane til å skape samarbeidsarenaer. Milepælar i arbeidet: Fylkestinget vedtok oppstart av planarbeidet Første møte i styringsgruppa Strategisamling med alle kommunar Andre møte i styringsgruppa Drøfting med Regionrådet Nordhordland Drøfting med Samarbeidsrådet for Sunnhordland Drøfting med Hardangerrådet Drøfting med Bergensalliansen Drøfting med Næringsliv og utdanning Regionalt planforum Tredje møte i styringsgruppa 3

4 Planstrategien i si endelege form er grunna tidsaspektet ikkje handsama i styringsgruppa. Styringsgruppa har likevel handsama alle enkeltelement i planstrategien i separate prosesser: utviklingstrekk, utfordringar, planbehov og plansystemet. 2.3 Heimel Kva ein regional planstrategi skal vere er heimla i Plan- og bygningslova 7-1. Regional planstrategi: Planstrategien skal redegjøre for viktige regionale utviklingstrekk og utfordringer, vurdere langsiktige utviklingsmuligheter og ta stilling til hvilke spørsmål som skal tas opp gjennom videre regional planlegging. Den regionale planstrategien er ikkje ein plan, men ein strategi for kva planar som skal utarbeidast i perioden. Planlova slår fast at staten skal levere eit innspel til planstrategiarbeidet i form av Nasjonale forventninger til regional og kommunal planlegging Forventingane er avgrensa til planlegging etter plan- og bygningslova og fokuserar i denne perioden på følgjande tema: Klima og energi By og tettstadutvikling Samferdsel og infrastruktur Verdiskaping og næringsutvikling Natur, kulturmiljø og landskap Helse, livskvalitet og oppvekstmiljø Forventingane peiker på oppgåver og interesser som regjeringa meiner det er viktig at fylkeskommunane og kommunane i komande periode fokuserar på i planlegginga for å medverka til gjennomføring av gjeldande nasjonal politikk. Dei nasjonale forventingane er det sentrale overordna dokumentet i arbeidet med planstrategien og har vore eit viktig innspel i arbeidet med utfordringar og planbehov. 2 Tilhøve til førre planstrategi Føreliggjande høyringsforslag til ny regional planstrategi er ei vidareføring av førre planstrategi frå I denne vart landskap/grønstruktur/friluftsområde, kompetanse og kystsona trekt fram som tema det ville være relevant å vurdere inn mot inneverande planstrategi. Desse tema er alle vurdert og det er foreslått å starte opp planarbeid knytt til alle tema. I førre planstrategi vart det også sagt at det skulle leggjast meir vekt på førebuande utgreiingar i denne omgang. Prosessen bak føreliggjande utkast til ny Regional planstrategi har vore langt grundigare på analysar av utviklingstrekk, utfordringar og mogelegheiter. Det er mellom anne tinga to utgreiingar som utgangspunkt for det vedlagte utfordringsdokumentet. Prinsippa i plansystemet som vart nedfelt i førre planstrategi, mellom anna: rolla til planstrategien, gradvis utfasing av fylkesplanen, berekraftsforståinga og at breie, tverrsektorielle planar gi føringar for smalare og meir sektororienterte planar, er alle vidareført i føreliggjande høyringsforslag. 3 Om høyringsutkastet Regional planstrategi for Hordaland har følgjande hovuddelar: 1. Innleiing med nasjonale føringar 2. Gjennomgang av utviklingstrekk 3. Dei viktigaste utfordringane for Hordaland i perioden 4. Utviklingsretning for Hordaland 5. Oversikt over Plansystemet Som del av prosessen er ei utfordringsdokument, Utfordringar for Hordaland utarbeida. Dette vil liggje vedlagt i høyringsprosessen og hovudkonklusjonane er gjengjeve i 4

5 planstrategidokumentet. Arbeidet med utfordringsdokumentet har vore sentralt for å peike ut utviklingstrekka som ligg til grunn for avgjerd om kva tema ein treng å handsame gjennom regional planlegging dei neste åra. Arbeid med følgjande plantema vert føreslått starta opp i perioden: Kompetanse og arbeidskraft: Tilgang på rett kompetanse og tilstrekkelig arbeidskraft er ei hovudutfordring for Hordaland. Både i dei delane av fylket som vekst kraftig og i dei delane som kjempar mot stagnasjon er dette ein viktig tematikk. Føremålet med planarbeidet er å sjå på korleis ein kan oppnå ei robust forsyning av arbeidskraft til næringsliv og offentleg sektor. Tematikken har vore gitt svært stor merksemd i prosessen. Landskap, grønstruktur, og regionalt viktige friluftsområde: Føremålet med planarbeidet er å sikre prioriterte landskapsområde, utforme ein regional politikk for forvaltning og leggje til rette for målretta bruk av verkemiddel i landskapsforvaltninga. Plantemaet er i tråd med førre planstrategi og ei oppføljing av dei nasjonale forventingane. Regional plan for ferjefri E39 Stord Os: Det er gjennomført ei konseptvalutgreiing (KVU) for E39 Aksdal - Bergen, denne er kvalitetssikra (KS1), og det vert tilrådd at dei to konsepta vert utgreia vidare. For å sikre framdrift i det vidare planarbeidet, samt ivareta behovet for koordinering på tvers av kommunegrensene, vil ein utarbeide ein regional plan for ferjefri E39 Stord Os. Klimaplanen: Klimaplan for Hordaland vart vedteke i juni I medhald av plan- og bygningslova skal planen vurderast for rullering kvart 4. år, og Klimaplanen bør opp til ny handsaming i fylkestinget juni Hovudvekt vil liggje på energi og klimatilpassing. Utviklingsplan for indre Hordaland: Asymmetrien i fylket peiker mot særskilte behov for å leggje til rette for sterkare vekstkraft i indre strok. Planen vil kunne gripe fatt i viktige utfordringar for regionen med omsyn til nærings- og befolkningsutvikling. Føremålet er å snu den negative utviklinga av folketalet, få betre rammevilkår for å utvikla potensialet og leggje tilhøva til rette for å ta del i veksten langs kysten og i Bergensområdet. Kystsoneplanen: Eksisterande kystsoneplan er ikkje lenger oppdatert. Problematikk knytt til akvakultur og lokalisering av anlegg er påtrengjande. Også i høve til fiskeri, skipsfart, farleier, strandsone og anna bruk av kystsona er det utfordringar. For nærare tematisk og geografisk avgrensing av nytt regionalt planarbeid om kystsona vil ein å avvente arbeidet med Regional plan for Sunnhordland som handsamar desse tematikkane og som vil kunne tene som pilot for temaet. Plantemaet er i tråd med førre planstrategi og ei oppføljing av dei nasjonale forventingane. Undervegs i prosessen har det vore eit viktig poeng at vi alt har mange planar og det er mange planprosessar i gang. Ein har teke omsyn til dette når ein no foreslår å starte opp nye planprosessar. To av desse er revisjonar av eksisterande planar, klima og kystsone. Når det gjeld kompetanse og arbeidskraft-planen vil denne erstatte kompetansedelen i eksisterande fylkesplan, som med dette vil bli utfasa. Planstrategien inneheld vidare ei oversikt over plansystemet, eksisterande planar, igangverande planprosessar og kva planar som vert erstatta og som utgår i perioden. 4 Fylkesrådmannen sine vurderingar Planlegging er ressurskrevjande, både for fylkeskommunen, men også for våre samarbeidspartnarar, spesialt kommunane. Ein må nøye vurderer talet på planar og kor mange planprosessar vi kan halde gåande samtidig. Fordeling av planoppgåver i tid og rekkjefølgja på prosessane er avgjerande. Det må 5

6 vere ei balanse mellom å avgrense tal på planprosessar og å ha planar som dekkjer alle dei sentrale områda. Trass i at det er relativt mange planprosessar i gang, vurderar fylkesrådmannen det slik at fordelinga i tid og delen eksisterande planar som vert utfasa, gjer det forsvarleg å tilrå oppstart av dei føreslegne planprosessane. At nyare planar erstattar eldre planar er viktig for at planverket skal vere oppdatert, relevant og operasjonelt. Ein del av planane er ikkje like tydeleg avgrensa i forslaget til ny planstrategi. Dett gjeld i hovudsak kystsonetematikken og utviklingsplanen for indre Hordaland. Når det gjeld kystsonetematikken er det naturleg at ei avgrensing av denne avventar Sunnhordlandsplanen. Planprosjektet ligg også relativt langt fram i tid. For ein utviklingsplan for indre Hordaland, vil ein tilrå at ein nyttar høyringa for å få innspel til geografisk avgrensing og nærare spesifisering av denne planen. Med så mange planprosessar i sving, er koordinering og samhandling på tvers av prosessane ein heilt sentral suksessfaktor. Det må gå tydeleg fram av planstrategien og dei enkelte planane kva planar dei erstattar og som dermed utgår som regionale planar. Det er eit føremon at statusen til tidlegare Fylkesplan for Hordaland no blir enda tydelegare klargjort. Planstrategien bør bli lagt ut til høyring i si heilskap, inklusive utfordringsdokument. Ein bør likevel be særskilt om tilbakemeldingar på valet av planprosessar og innretting og avgrensing av planarbeida, samt innspel om deltaking og medverknad i arbeidet med dei føreslåtte planane. Arbeidet med regional planstrategi har vist at det er trong for å utarbeide planar på dei føreslåtte områda. På dette grunnlaget vil eg rå til at forslag til regional planstrategi for Hordaland blir sendt på høyring. 6